كندا التي رأيتها :)

[moheltohamy]

والكيبُل (التليفزيوني) اشتركنا فيه ، والپاكيدچ اللي اخترناها بتلاتة وخمسين دولار شهرياً ، بتديك متين وشوية قنوات (من ضمنهم الـــ ART America القناة الوحيدة العربي!) ، وكما تتوقع من أبو سعد ، موصل الكيبُل ع اللاپتوپ بتاع هند ، بواسطة تي في تيونر خارجي (أكبر شوية من الفلاش ديسك ، اشتريناه بحاجة وستين دولار) ، وعيش حياتك ديچيتال يا ريس :lol:

تعرف صحيح إن الموضوع ده مش منتشر في كندا ، لدرجة إني لما اتصلت بخدمة العملاء بتوع روچرز أستفسر منهم عن إيه المواصفات المطلوبة عشان كنت بافكر أجيبه من مصر ، ساعة كاملة ع التليفون م السعودية mfb: ، و8 من خدمة العملاء ، ولا حد فاهم أنا باتكلم على إيه! والراجل اللي راح ركّب الكيبُل أُعجَب جداً بالفكرة ، وما كانش مسدّأ إن فيه حاجة كده! وقعد يشعِر لهند في الفكرة ؛ وعلى كده إنتي ممكن تطلبي الفيلم اللي يعجبك ، وتسجليه ع الهارد ديسك ، وتدّيه لأصحابك!

المهم يا باشا ، بإمكانك في أي لحظة بالتليفون تضيف باقات أو قنوات أو تلغيها. وعندك القنوات كتيييير ، وفيه عندك الاسپيشيالتي شانيلز (الأسرة ، أفلام ، رياضية ، مالتي كالشرال ، والسكس طبعاً :lol: ) والقناة الواحدة باتنين دولار ونُص ف الشهر ، وتقل مع زيادة العدد (توصل لأقل من دولار للقناة ؛ لو أخدت 30 قناة بتدفع لهم 28 دولار).

والبنت بتاعة خدمة العملاء بتاعة روچرز آلتلنا إنها هتدينا كل القنوات الاسپيشيالتي (ماعدا الـــ Adult Programs سعادتك طبعاً ... فاهم دماغك أنا :wub: ) ببلاش لمدة 3 شهور ، ولو تحب تكمل ؛ ممكن تحدد اللي انتا عاوزه منهم ، وتدفع اشتراكه.

واللذيذ بأه ، فيه قنوات أون ديماند ؛ يعني سعادتك تدخل عليها ، وتنقى الفيلم اللي على مزاجك ، والقناة تعرضهولك ، ويجيلك سعر الفيلم ع الفاتورة اللي جاية ، أو تدفع بالكريديت كارد! إشي خيال يا ناس! mfb:

وبالنسبة للقنوات المحلّية ، اللي بتستقبلها بالإيريال العادي ده... لما كنا عند إيمي ف الجيست هاوس ، كان التليفزيون اللي عندنا ف الأوضة مافيهوش غيرهم ، واللي كانو شغّالين 4 قنوات (أعتقد يمكن فيه غيرهم أكيد ، بس ما كانش فينا دماغ ندور أو حتى نسأل!).

من ضمن القنوات المحلّية دي قناة لزيزة مووووت – نفسي نلائي زيها في مصر (بخلاف النشرة المرورية بتاعت نجوم إف إم) – دي يا سيدي فيها بانَر (شريط) أخبار بس أعرض شوية من بتاع الجزيرة ، وبيجيب الأخبار اللوكال لتورونتو ، ولقطات متغيرة من كاميرات المرور (كاميرات تليفزيونية على مُختلَف الطرق في كندا ، والسريعة منها بشكل خاص) ، تبين لك حالة الطرق حوالين تورونتو ، ومناطق الزحمة والاختناق المروري ، عشان تعمل حسابك وانتا خارج م البيت. وعلى جمب حالة الجو الحالية والمُتوَقَّعة اليوم والأسبوع القادم (يعني لو بتخطط لرحلة مثلاً) ؛ من درجة الحرارة ونسبة الرطوبة ومدى الرؤية ف الشبورة صباحاً وخلافه.

وعلى ما أذكر كان فيه قناة خفيفة ، كنا نحب دايماً نشوف عليها الكاميرا الخفية بتاعتهم (من الكيبك) اللي اسمها GAGS ، بتيجي منها حلقات ع النايل سات مش فاكر في أنهي قناة.

ومحمد حامد (صاحب أحمد الديب اللي جه استقبلنا ف المطار) ، كان قاللي إن فيه طريقة تستقبل بيها القنوات العربي ، وبتكلفك حوالي 150 دولار عشان تركّبها (مرة واحدة بس). بتجيب دِش صغير ، وجهاز زي ريسيفر أو ديكودر كده يجيبلك القنوات العربية ؛ هوه مش هيجيبلك كل القنوات المتاحة ع النايل سات ، بس أهم القنوات هتكون موجودة. وطبعاً لازم تستأذن المانيدچر قبل ما تركّبه في البلكونة! ومفيش حاجة اسمها تركّبه ع السطح! دي اسمها عشوائية! حتى بص كده على جوجل إيرث ، تلاقي أسطُح البيوت ملحوسة ؛ مش بس نضيفة!

واتكلمت مع هند أظبّط لها المشوار ده ؛ لكن الهانم آلتلي : "موش عاوظ!" ... خلاص ، إنتي حرة!

وكبديل مؤقت ليّا وانا هناك ؛ لقيت إنك ممكن تتابع أخبار النايل تي في ع النت (مش عارف اللينك مش شغال ليه اليومين دول). وبرضه فيه موقع بيبث لايف شويّت قنوات عربي ، وموقع تاني جايبلك تجميعة قنوات من حول العالم. طبعاً مع سرعة النت بتاعة روچرز ، يبقى معاك التلافازيون شغال لووووز ع اللاپتوپ ، ومونّسك وانتا شغال يا ريس ، وبلغة الضاد والصاد والحه والخه كمان

الغريب بأه إن القنوات الهايفة هيه اللي كنت هاموت عليها هناك! من أمثال مزيكا وزووم وميلودي! كان البديل ليها إنك تعيش حياتك ع اليو تيوب ، وتدوّر ع الكليبّات العربي الجديدة! أو على پانيت مثلاً هتلاقي الجديد كله.

[hosiny]

المعلومة جديدة هنا فعلا و غريبة نفس الشركة بتاعة الاتصالات هي هي نفسها بتاعة تقديم قنوات التلفزيون

علي العموم موضوع الدش ده سهل بردو

ممكن تشتريلك كارت دش خارجي USB في حدود 350 ريال من محلات الكمبيوتر و تجيبلك طبق صغنون تركبه في البلكونة زي ما صاحبك قالك بس بشرط ان Clear Sight بينك و بين القمر يعني يكون القمر ناحيتك و ده مهمة جدا عند البحث عن شقة و تعيش حياتك علي اللاب توب و الالذ انك ممكن تفك بيه تشفير كل القنوات زي ال show time - ART واي قنوات تانيةمن خلال الشفرات اللي علي النت ده غير قصة الانترنت العشوائي بتاعته ودي موال لوحدها

[moheltohamy]

وكل ما تكتر الخدمات اللي انتا مشترك فيها تبع روچرز ، بتاخد خصم على فواتيرك ، يعني لو مشترك في خدمتين (موبايل ونت مثلاً) تاخد خصم 5% ، تلاتة يبئو 10% ، أربعة (زي حالتنا حالياً) تاخد 15% خصم على إجمالي فواتيرك لروچرز.

وتعرف صحيح ... هيه مكالمة تليفون من موبايلي بخدمة عملاء روچرز (من أبو بلاش يعني) ، وأولتلُه أنا عاوز أدخل كابل الهاي سپيد إنترنت في الشقة اللي لسه هاستلمها كمان أسبوع! واديته العنوان بالظبط ، وعاوز الخدمة توصل عندي يوم واحد أكتوبر. واحب إمتى كمان؟ يعني عندهم من 8-11 ص وفيه من 11-2 الضُهر وفيه من 2-5 م. أولتله يجولي من حداشر لتنين ، وتظبط عليهم الساعة يا ريس wst::

لأ واللزيز ؛ النت بتوصل شغالة من أول ثانية ، وبيعمل لك خصم مش فاكر 8 ولاّ 10 دولار من السعر العادي للفاتورة الشهرية للسنة الأولى. ونفس الموضوع مع تليفون البيت ، برضه مكالمة من هنا من السعودية ، واخترنا رقم تليفون البيت ، وحددنا الميعاد اللي الراجل ييجي فيه ، وتدفع يمكن 30 دولار شهرياً (وبرضه خصم على مدار السنة الأولى). mfb:

وطبعاً الخط بيركب وشغال من أول لحظة ، وتجيب انتا العدّة اللي على مزاجك (مفيش هنا حاجة اسمها عدة الهيئة!) ، لكن والراجل بيركب لهند الخط ف البيت ؛ آلتله هوه مفيش عِدّت تليفون؟ أنا ما عملتش حسابي ف واحدة. الراجل آللها أنا معايا واحدة ف العربية ، هيه مش فخمة ولا فيها شاشة لإظهار بيانات المتصل ، بس آهي تشتغل معاكي لغاية ما تجيبيلك تليفون ، ونزل جابلها العدة ؛ عدة جديدة وزي الفل ، وخدناها سفلأة كده!

مفيش فايدة ... المصري هوه المصري ؛ النيل رواه ، والسنكحة ف دمُّه!

وطبعاً بما إن سيادتك كاستومار ؛ فـــ ليك حئوء عليهم... النت هند لاحظت إنها مش سريعة كما ينبغي ، تليفون وتعالو يا روچرز شوفو إيه الوضع!

تاني يوم ييجي الراجل ، يئلّب الوصلات من أول البوكس اللي تحت في غرفة الكهرباء ف البيزمنت (الدور اللي تحت الأرض) ، للكابلات اللي ماشية جوه الحيطة والسوكيتس وكل حاجة.

وف النهاية غيَّر كل حاجة وآللها إن الحاجات دي بئالها خمس سنين ، ومش ماشية مع السرعة الجديدة للنت ، وكان لازم تتغير (خللي بالك ، البنت اللي كانت مأجَّرة الشقة أبلنا كان بئالها خمس سنين).

ولما هند آلتلو متشكرة جداً وسوري على تَعَبَك ؛ آللها ذاتس هوات وي آر هير فور! بمعني إن الراجل ما يستاهلش الشكر ؛ لإنه ما عملش أكتر من الشغل اللي هوه جاي أصلاً والمفروض إنه يعمله! mfb:

تفتكر فيه فرء بين كندا ومصر في النؤطة دي؟!

تم تعديل 9 أغسطس 2008 بواسطة moheltohamy

[hosiny]

مش عارف يا تهامي

انا ملاحظ انك تقريبا بتدفع مرتبك بتاع السعودية ده في تليفونات و موبيلات و نت في كندا

ايه يا عم كل الاشتراكات دي؟؟؟؟؟؟؟؟؟؟

[alaashabana]

الدكتور التهامى المحترم ..

بجد اجمل حاجة عجبانى فيك انك بتتكلم فى التفاصيل اللى محدش فكر يتكلم فيها.. والله انت زى العسل ..

لكن تسمحلى اسألك سؤال.. انت لية رجعت تانى السعودية .. وسايب مادام هند هناك ..وهل انت مطمئن عليها لوحدها هناك ..

طيب انت فى السعودية بتحضر لدراسات مثلا هتفيدك فى كندا ولا اية..

يارب يوفقك فى حياتك دائما

[laka]

السلام عليكم

أقدم نفسي أولا : أنا مغربي الجنسية و مقيم ايضا بالمغرب حاليا :ninja: .

المهم أرجوا الا أكون ضيف ثقيل عليكم و أبدأ بالأسئلة ، فقررت أن أؤجلها لحين مواقة أعضاء النتدى علي :P ، وبصراحة فإنني في بحثي بالأنترنت لم أجد موقع متكامل عن كندا و مفيد كهذا المنتدى :lol: .

مشكورين الإخوة كلهم على معلوماتهم القيمة وننتظر الجديد

[qenawy]

اسعد ان اكون اول المرحبين بكم

انظر الاستغلال سابدا انا بالاسئلة

هل صحيح ان الاسعار في المغرب عالية جدا

سمعت ان ايجار الشقة يصل الي 600 يورو شهريا

يا الله

فعلا مصر اسعارها رخيصة جدا

ثانيا لماذا تفكر في الهجرة

ثالثا اليست الطريق الي فرنسا اسهل للمغاربة من كندا ؟

شكرا

[laka]

شكرا على ترحيب بي و أنتظر رد كامل الأعضاء ( مترشح للكونغرس :P )

،عم الأسعار بالمغرب غالية بالمقارنة بمصر و و صحيح في شقق ب 600 يورو و حتى 1500 يورو بس هته الشقق بالأحياء الراقية ، أما بالأحياء المتوسطة و الشعبية تقدر تجد حتى 60 يورو بس المتوسط في حي متوسط ممكن الإنسان يتحمل يعيش فيه حوالي 150 الى 300 يورو شهريا و أنا مؤخرا كنت عطلة بأكادير و جدت أخ مصري وو احد عراقي فتحين مطاعم في أرقى أحيائها

ثانيا لماذا تفكر في الهجرة

- بالنسبة للوضع في المغرب ليس مختلف كثيرا عن أي دولة عربية أخرى (بإسثناء الخليج العربي) و أنا بصراحة أريد أن أخذ علم و باسبور و خبرة جيدة يعين تقريبا زي كل الإخوة هنا

ثالثا اليست الطريق الي فرنسا اسهل للمغاربة من كندا ؟

لا الهجرة الآن أصبحت صعبة لفرنسا و أوربا و الأغلبية تذهب بالزواج و الأقارب فقط

وأي أسئلة على المغرب أنا جاهز بس أنا لا أريد التطاول على موضوع السيد التهامي وشكرا :lol:

[gadolly]

لاكا

ده انتم لديكم منتديات للهجرة كثيرة جدا و لكن باللغة الفرنسية

انا دائما ادخل علي منتدياتكم لاستقاء المعلومات و بعض الاحيان اترجمها لانفع هذا المنتدي

و هذا اشهر منتدي بالفرنسية للمهاجرين الي كيبك

http://www.forum.immigrer.com/index.php?showforum=17

و يوجد منتدي خاص بالمغربة يسميerable او شئ مقارب, و ستجد كل المعلومات و لكن باللغة الفرنسية, و ايضا هذة المنتديات بها جزء خاص بتقديم الفيدرال مباشرة بدون كيبك

بالتوفيق

انا لي الكثير من الاصدقاء مغاربة هنا في كيبك

[orangrie]

أولاً : أسجل إعجابى الشديد جداً بموضوع حضرتك يا د/تهامــى

بجد بحس من كلامك إنى عايش فى كندا و ماشى فى شوارعها و بتعامل مع ناسها ..

ربنا يخليك لينا و لكل الشباب الحالمين بالسفر لمجتمع الأحــــلام الكندى ..

ثانياً : أنا كنت سمعت عن حاجة كده و كنت عاوز أستفسر من حضرتك عليها ..

سمعت أن دائرة الهجرة الكندية عملت تعديل فى قانون الهجرة و شروط إستقدام المهاجرين الجدد ..

فـ اللى مقدم على الهجرة من تاريخ 2/8/2008 فبما بعده و لكنه ليس طبيب أو مهندس أو تخصص مطلوب لديهم ..

سينتظر دوره و لكن بعد فرز الطلبات و إختيار إحتياجهم أولاً ..

و بالتالى إذا كان الطبيب أو المهندس يأخد طلبهم حوالى من ثلاث إلى أربعة سنوات .. فعلى كده ..

أى تخصص غير مطلوب لديهم سيكون ميعاده غير محدد و سينتظر لأجل غير مسمى ...

فهل هذا الكلام صحيح .. لأنى فى بدايات التقديم و ترجمة الأوراق و تحضير الفايل ...

منتظر رد حضرتك يا دكتور تهامـــى بفارغ الصبر ..

[moheltohamy]

أولاً ، أنا أعتذر عن التأخر في التواجد في التوبيك ، واختفائي الكام يوم اللي فاتوا دول.

ونشكر كل من تفضل بالسؤال عنا ، ونخص بالشكر رئاسة المنتدى (اللي ولا عبّرتني في الجزمة) ، والسادة المشرفين (اللي لم يتفضل أيهم بالتكرم بتلغراف إلكتروني من أبو بلاش للإطمئنان على صحة حضرتنا)!

وكتكفير عن التغيب ، فآديني سهران حتى السادسة والنصف ، أكتب للناس اللي مرت على ديارنا ، والمفروض أنام واصحى بكتيره 10 ص!

الأفاضل/ بلوشي ، حسيني ، الباشمهندس ياسر

والله يا هندستين ، ويا بلوشي... أنا كنت متمشور شوية الكام يوم اللي فاتو ما بين مصر واسكندرية والمنصورة وميت غمر!

والأنأح بأه ... الشركة كلموني يا سيدي ، عاوزينّي أطلع لهم بكرة عشان فيه دكتور على بريمة تانية عمل طتش مع الكامباني مان بتاع أرامكو ، والراجل راسه وميت جزمة على صندل على سليبَر إنو ما يؤعُد فيها ، ولا ف أي بريمة من براريم أرامكو!

هاقول لهم إيه؟ عنينا يا رجّالة ، نحن في الخدمة ، وان شللا ما كمّلنا أجازتنا ، بس انتو تؤمروا!

وانا هاموت أصلاً ، وحد يطلّعني م البلد دي والحر والتراب والزحمة والصرف وخراب البيوت!

وبعتولي تذكرة الطيارة (الإتينيراري) ع الميل ، والتيك أوف النهارده (الخميس) الساعة 5:30 م إلى مطار الدمام.

وراجعين للمزاج تاني ، ويوم السي فوود في فندؤ كورال (عشاء يوم الخميس) ، والاستاكوزا والجمبري والسبيط والكابوريا والجندوفلي والأسماك ، والتظبيط كله يا معلم... طبعاً ده بخلاف الفراخ واللحوم والضاني وباقي البوفيه... وآهو عشا خفيف على رأي سين سين !

وعلى ذكر الهارد روك يا هندسة ، كان معانا ع البريمة من ست سبع شهور واحد سيرفيس (زيك كده) أمريكاني مهووس بالهارد روك ، وعمال كل بلد يروحها (ومصر منهم) لازم يدخل يجيب كاب منها عليه بادج الهارد روك المطرز واسم البلد! المزاج بأه لما يحكم!

وشكراً على سؤالكم عني بجد.

شكله اعتزل الملاعب

طول عمري أقول عليك أصيل يابو الحسيني! همه رجالة الجيش كده دايماً ، وقاعدة واحد في الجيش (عيش ندل تموت مستور)!

يا راجل بدل ما تئول نطّمّن ع الجدع ليكون حد خطفه ، ولاّ ناموسة هبشته ف ودنه! تئول اعتزل الملاعب ولا اعتزل الغرام؟!

ميرسي كتير (وش زكية زكريا)!

والله مانا عارفه اقولك ايه ياتوهامى يا خويا

حرااااااااااااااااااااااااااااااااااااااااااااام عليك اللى بتعمله فينا دوت

ايه يابنى كل الجمال دا...لأ لأ بجد بجد بجد استاذ وابو الأستذه كمان

يابنى دا انت مفروض تاخد رسوم على المعلومات اللى مش طبيعيه دى.

اما موضوع (ارامكس) _ هااااااااااااااااااااايله بجد مرات حضرتك،انا خلاص اعتمدت الفكره

وفى طريقها للتنفيذ.

توهامى باشا، كل يوم متابعتنا للموضوع بتزيد ،لما الواحد خلالالالالالالالالالالالاص

بقى مدمن متابعه

باسعد يا لولا لما بالاقيكي متابعة الموضوع بتاعي اللي بوظ اللغة العربية ، واللي كنتي بتفصلي في نص السكة مع بدايات الموضوع. وكنتي محموءة على كرامة اللغة العربية المراق دمها في ساحات التوبيك ده! بس شكلك ربنا هداكي ، وبعتي القضية! :wub:

عزيزي د. تهامي..

يا محاسن الصدف..

أولاً:

ميت غمر... با مراحب يا مراحب بلدي وبلد أبويه وأجدادي اللي بعزها جداً مع إني معشتش فيها كتير (احنا عيلة مدمنة غربة)

ثانياً:

سنتافي 92..الشهيرة بكنتاكي 92 قبل ماتقلب بريسيجن...الله الله..فين أيامك يا 92 وأيام الكبدة الاسكندراني والسمك والضاني والكنافة بالقشطة (معلش الطفاسة تحكم)..وفين أيام الكرو اللي كان آخر الكروهات المحترمين..والتمبوشر(التولبوشر) اسماعيل (أظن اسمه كده) اللي كان عامل فيها مدير مراجيح مولد النبي ومدعي الهندسة وهو تقريبا معهد فني وبديله اللي كان راجل محترم وطيب بس مش فاكر اسمه الصراحة

أكيد بتقول مين الجاسوس ده..بص يا سيدي..عارف طبعا الشخصية الرخمة اللتي يطلق عليها (الكومباني مان) وهو لمن لا يعرف ممثل الشركة اللي مأجرة البريمة وله شنة على البريمة لأنه شركته اللي بتدفع..

قلتلي إنك عارفه..أنا الحمد لله مش الشخصية الرخمة دي. في بقى شخصية أرخم اسمها (الوتنس .Witness) وهو واحد بييجي من مكتب مصر يحضر جوب يخلع وعادة بيتوجب معاه لأنه ضيف وعشان الكومباني مان يستعرض...

أهو أنا بقى واحد من دول...وأكيد طبعاً مشفتكش خالص (بفرض إنك كنت على البريمة لما كانت مع عجيبة) لأن سعادتك بتكون قاعد في الكامب وآخرك الميس واحنا قاعدين في السايت وغالباً بنكسل نروح الميس وبنطلب الأكل يا إما رخامة على الكامبوس يا إما عشان طالبين أكل غير اللي ماشي!!

حد يسيب الناس الحلوة دي ويروح السعودية برضو...يلا مش مشكلة طالما كده كده على كندا في الآخر

ثالثاً والأهم:

الحمد لله ربنا اختارني (أنا بعتيرها نعمة كبيرة) ألهمني أقدم على الهجرة لكن لسه قدامي شوية لأني يدوبك مقدم من سنتين بس..لكن معلش بكرة تفرج ونشوفك في كندا إن شاء الله

بس كفاية كده..دي لسه يادوب أول مشاركة في المنتدى..وعلى فكرة أحييك على إنك اللي خليتني ألبس الشورت وأنزل المعب (أشارك يعني) مع إني بقالي شهور بتفرج بس على المنتدى الجميل ده

والله يا باشمهندس محمد أنا فرحت بشكل كبير جداً لما قريت البوست بتاعك. عارف لما تكون شفت حد من نظام "ناس من بالادنا هناك آاااهُم" (وش الليلة الكبيرة)

وتعرف إني باترحم فعلاً على أيام 92 ، بيتنا اللي اتبهدلت لما خرجت بعيد عنه! بس زيه زي ميت غمر ؛ ناس كتير مشيت منه (وتغير إحساسي بيها ، ماهي البريمة بناسها) ، ومن أهمهم وأقربهم لقلبي الحاج يوسف منصور التول بوشر (كنت انا وهوه رايحين أول هيتش لينا مع بعض في نفس الأتوبيس ، يوم الإثنين 29/11/2004). إيه ده؟ داحنا كبرنا أوي تسدأ أول مرة آخد بالي حالاً إني داخل على 4 سنين في مجال الحفر؟! يا نهار أبيض ، وانا اللي كنت فاكر نفسي شباب : (

والحاج يوسف منصور (مهندس بترول بالمناسبة أساساً من المنصورة ، وساكن في مكرم عبيد) ، وبيحبني موت ، وكنت متدلع ف البريمة على حسه الصراحة ؛ زي الواد المايص اللي بيتدلع على أبوه عشان الواد الوحيد واللي ع الحجر وكده!

المهم... الراجل ده كان سوبر انتندنت (زي الريج مانيدجر كده ، مش سيلفيا طبعاً). وده راح بعد ما عمل مشكلة جامدة في الأوفيس مع حد من الخواجات (المديرين يعني) ، وراح بدل الحاج اسماعيل السعيد (اللي انتا بتقول عليه ، وهوه مش مهندس بالفعل) ، وكان بيبدله الحاج محمود محمد (برضه مش مهندس ، بس راجل بيفهم ، زي ما كنت باسمع من الناس اللي هناك). وفعلاً كنا مع عجيبة ، وأفتكر برضه إن أول يوم وصلت ع الكامب في منطقة رمل ، كان الاتنين (يوم الكرو تشتنج) ، يا دوب نمت صحيت لقيت حاجة اسمها بنموّف (Benmawwev) ، وما تتخيلش كم الذهول والازبهلال اللي كنت فيه ، وانا شايف السحر اللي بيحصل ، وازاي كانو بيحمّلوا الكرافانات على عربيات النقل والكساحات بتاعت إلهامي ، بالأوناش! مانا كنت اشتغلت في كرامة بيز مع شركة قارون للبترول (كنت دكتور الموقع ، يعني الباشا اللي مقضيها) ، وحصلت مواقف رزع مع مدير الموقع!

ومن منطلق إني جاي من شركة أونر ، فحتة الكامباني مان ده اللي كان دلّوعة البريمة ، خبّطت فيه كتييير (كبوزيشن مش كشخص)! برضه الدكتور له احترامه لمؤاخذة :happy:

وكونك ما حضرتش أيامي هناك ، وبداية تطبيق نظام المنيو المنيو الأسبوعي ودخول مناخيري في المنيو والأصناف والتنويعات وأيام الباربيكيو ومغامرات الآيس كريم ، والدلع كله! فاتك كتير يا ريس! عموماً ، أنا لو اتفتحت في الكلام عن البريمة ؛ مش هنخلص ؛ دول 66 هاند أوفر يا ريس : )

الواحد مايستهنش بيك شكلك خط من خطوط كندا ......ايه ده يا عم؟؟؟؟

انت بتجيب المعلومات الحلوة دي منين؟؟

الواحد بالمعلومات دي هيروح يصيع عليهم في كندا و كأنوا كنداوي قديم

بس اسعار المكالمات هناك و الاشتراكات تعتبر غالية مقارنة بالسعودية و مصر (بالنسبة للداخلي قصدي)

ياتري تسمع عن ال pfingo ؟؟؟

http://www.pfingo.com/pf/portal/control/mainflash

ده برنامج استاذ بينزل علي الموبيل و تتكلم منه ببلاش للي منزل البرنامج ده علي الموبيل بتاعه(من موبيل لموبيل) و تعمل كمان منه مكالمات رخيصة جدا لامريكا و كندا (من البرنامج اللي علي الموبيل لاي تليفون ارضي او موبيل) جربه و قولي

البتاع ده فعلاً مش موجود مصر في خطوة التسجيل. عموماً ، لما اروح السعودية هابقى أسجله من هناك ، ونشوف إيه فكرته... وتُشكر يابو الحسيني ع التظبيط ده.

--------------------------------------

الفاضل / أحمد أمين

ميرسي آلا كومبليمو مون شير bv:-

صباح الخير يا جماعة ,,,,

انا مقدم على الهجر من شهر 8 2007 في مكتب هجرة في الكويت واستلمت الفايل نمبر في 13/9/2007 ,,, انا عندي ماجستير وزوجتي عندها ماجستير وعندي 10 سنين خبرة وطفلين ,,, فكان مطلوب مني اختبار الايلتس 5 , 5 , 5 , 5 في كل قسم منه واليوم استلمت النتيجة والحمد لله جبت 5 , 6 , 6.5 , 6.5 ,,, الحقيقة ( writing + speaking ) من السهل انك توصل ل 7 لكن القراءة والاستماع صعب توصل 7 ,,,,,,,

على العموم انا عندي سؤال ,,,,,,,, ماهي المبالغ التي يمكن الحصول عليها من الحكومة كمساعدة ومتى ممكن الحصول عليها ولكم سنة

شكرا

يادي المساعدات اللي كل الناس شاغلة نفسها بيها! والله العظيم أنا حاسس إنها حرام الحركة دي! ما زلنا بنتعامل مع كندا (اللي لسه ما رحناهاش أصلاً) بنفس فكرة وطريقة تعاملنا مع بلادنا ، ونظام اللي ييجي منهم أحسن من عنيهم!

عموماً ، أنا الموضوع ده مش وارد بالنسبالي (ع الأقل حالياً ، وربنا ما يحوجنا إليه مستقبلاً) ، وبالتالي معنديش فكرة عنه. يمكن إيهاب سالم كان اتكلم في الموضوع ده قبل كده ، أو عنده فكرة ، ويقدر يرد.

وبالنسبالي في الآيلتس فكان سكوري فيها استماع 8 قراءة 7.5 كتابة 8 تحدث 6 !

سلامي لكل اهل المنتدي

طالب نصيحتكم وخصوصا د/ التهامي و مهندس ايهاب اللي يعلم الله انهم زي اخواتي الكبار

ياريت يفيدوني بخبرتكم في الموضوع بتاعي

http://www.egyptiantalks.org/invb/index.ph...mp;#entry382185

جايلك يا باشدكتور (أحمد لو لم يخونني ذكائي) على موضوعك ، بس الزحمة اللي انا فيها بس تخلص...

باسجل اعجابى وتقديرى لهذا الموضوع الشيق جدا وتحية واجبة للدوك تهامى الكبير

وأنا أشكر لك مرورك أستاذ/ مروان ، ويا رب يفضل كلامي خفيف على قلبك.

علي العموم موضوع الدش ده سهل بردو

ممكن تشتريلك كارت دش خارجي USB في حدود 350 ريال من محلات الكمبيوتر و تجيبلك طبق صغنون تركبه في البلكونة زي ما صاحبك قالك بس بشرط ان Clear Sight بينك و بين القمر يعني يكون القمر ناحيتك و ده مهمة جدا عند البحث عن شقة و تعيش حياتك علي اللاب توب و الالذ انك ممكن تفك بيه تشفير كل القنوات زي ال show time - ART واي قنوات تانيةمن خلال الشفرات اللي علي النت ده غير قصة الانترنت العشوائي بتاعته ودي موال لوحدها

المشكلة يا حسيني ياخويا مش في تركيب الدش ولا موضوع الشيرينج عشان مجموعة الـ ART والـ Showtime ، المشكلة في الأقمار المتاحة هناك. مانتا مش هتلؤط النايل سات هناك! والله أعلم إيه القنوات اللي متاحة ع الأقمار اللي موجودة في النطاق ده!

وبالنسبة لكوكتيل الاشتراكات بتاعت روجرز...

مش عارف اقول لك إيه بصراحة يا حسيني... هوه طبع بعيد عنك! فيه من زمايلي هناك ، اللي ما بيدّيش نمرة موبايلُه لحد عشان بيدفع على الإستقبال (زي الاتصال بالظبط) ، ومش عاوزين يدفعوا الـ 7 دولار عشان الأنليميتيد ريسيفنج! أنا بقى كنت شايف دي بخل وجلدة الصراحة! وما كنتش باحترم الموضوع ده ، أو نظام إقفل وكلّمني ع البيت أو الشغل عشان الفاتورة! باحتقر نفسي لو عملت كده الصراحة!

ده طبعاً بخلاف فاتورة هند اللي وصلت في نوفمبر لـ حوالي 420 دولار! واتضح لنا موضوع الاستقبال ده! مانا كنت باتكلم بالعبيط م البريمة بقى (من أبو بلاش)! واللذيذ إن فاتورة الاتصالات للشركة زادت في خلال شهر أكتوبر لوحده عن الـ 100.000 دولار (أيون ؛ ميت ألف دولار)! والدنيا اتقلبت بصراحة!

بس دماغك يا عم الحاج! اللي فيه داء :wub:

الدكتور التهامى المحترم ..

بجد اجمل حاجة عجبانى فيك انك بتتكلم فى التفاصيل اللى محدش فكر يتكلم فيها.. والله انت زى العسل ..

لكن تسمحلى اسألك سؤال.. انت لية رجعت تانى السعودية .. وسايب مادام هند هناك ..وهل انت مطمئن عليها لوحدها هناك ..

طيب انت فى السعودية بتحضر لدراسات مثلا هتفيدك فى كندا ولا اية..

يارب يوفقك فى حياتك دائما

بص يا علاء يا خويا... هند شغلها ف الاستيراد والتصدير ، والعلاقات الخارجية والتخطيط واللوجيستيكس (كلام كده مش فاهم له!) ، وبالتالي شغلها طول عمره إنترناشيونال (من أيام ما كانت ماسكة التخطيط في كوداك إيجيبت) ، وبسهولة اشتغلت في تخصصها في كندا!

نيجي بأه للتخصص النحس بتاعنا (المجال الطبي) ، اللي لازم تاخدله معادلة عشان تشتغل فيه وانتا ف كندا (ماهو إردم على شهاداتك في مصر دي ، ممكن تأرطسهم وتحط فيهم طعمية أو لب ، أو تلف لك فيهم سيجارتين بانجو :P ) !

وعشان ما أكررش نفسي ؛ شوف كلامي لإيهاب عن البلان اللي ناوي أمشي فيها في كندا.

وبالنسبة للإطمئنان عليها هناك... عمرك ما هتحس بالأمان وانتا سايب مراتك في شقة لوحدها ومسافر ع الصحرا ولا وسط البحر وسايبها في شقة لوحدها في مصر ، هتطلب منها ترجع تقعد مع أهلها طبعاً.

لكن في تورونتو ، وبالتحديد في المنطقة بتاعة يانج آند إجلنتون دي ؛ قمة الهدوء والأمان بصراحة ، وهند نفسها سعيدة ومستمتعة هناك إلى أقصى درجة! حتى اسألوها :lol:

-----------------------------------

الفاضل / الرفيق جادوللي...

يا عم جادوللي خد راحتك ... إنتا مهمَن كان برضه راجل ضيف على بلدي ؛ وإن كنت انتا قاعد فيها وانا اللي مش فيها !

أنا كنت سمعت عن حاجة كده و كنت عاوز أستفسر من حضرتك عليها ..

سمعت أن دائرة الهجرة الكندية عملت تعديل فى قانون الهجرة و شروط إستقدام المهاجرين الجدد ..

فـ اللى مقدم على الهجرة من تاريخ 2/8/2008 فبما بعده و لكنه ليس طبيب أو مهندس أو تخصص مطلوب لديهم ..

سينتظر دوره و لكن بعد فرز الطلبات و إختيار إحتياجهم أولاً ..

و بالتالى إذا كان الطبيب أو المهندس يأخد طلبهم حوالى من ثلاث إلى أربعة سنوات .. فعلى كده ..

أى تخصص غير مطلوب لديهم سيكون ميعاده غير محدد و سينتظر لأجل غير مسمى ...

فهل هذا الكلام صحيح .. لأنى فى بدايات التقديم و ترجمة الأوراق و تحضير الفايل ...

منتظر رد حضرتك يا دكتور تهامـــى بفارغ الصبر ..

والله يا مستر Orangrie ، أنا قدمت ورقي وكل حاجاتي تمت في ظل القانون القديم ، وما عنديش فكرة عن القانون الجديد. وهاشغل نفسي بيه ليه؟ أنا راجل بي آر لمؤاخذة phn:

ممكن حد من الإخوة اللي في الظروف دي يدلوك ... أعذرني أنا.

تم تعديل 14 أغسطس 2008 بواسطة moheltohamy

[alaashabana]

اخيرا يا دك نورت المنتدى..

حمد الله على السلامة... عارف يا دكتور تهامى انا كتير اوى بقرا فى منتديات بس يمكن المنتدى دة اكتر واحد عجبنى.. لكم بجد اللى استفدت منة كتير انت والشامى.. عارف بحس انك واخد الموضوع والحياة ببساطة رغم يا عينى انت متبهدل بين كذا بلد .. بس بحس ان كل دة عادى بالنسبة له..

يعنى انا مثلا لما بفكر فى موضوع الهجرة بيجى علية وقت واقول يااااه لسة هقدم وهاخد كورسات وكمان امتحان الايلتس وهتضطر ان اعدل شهادتى او ادرس شهادة عالمية جنب شهادتى ولسة ولسة واسة ... بحس باحباط او بمعنى اصح بحس انى لسة بدرى اوى اوى اوى على السفر لكندا .. طبعا دة مش يأس بس بردة ساعات الانسان مننا بيمر باوقات صعبة فى حياته..

لكن اللى عجبنى فيك بجد انك عادى خالص . يعنى عملت موضوع الهجرة وسافرت وجيت تانى هنا وروحت السعودية ..بجد لما بقرا حكاياتك بحس انك بتتنقل من بين القاهرة واسكندرية ومطروح... مش بين كندا ومصر والسعودية ..

بجد ربنا يكرمك ويقويك وتبقى رئيس رابطة اطباء كندا ..بالتوفيق ليك ولمدام هند ويارب يارب يزقكم ببنوتة صغننة علشان اخوية الحمد لله ربنا رزقة ببنوتة صغيرة امبارح.. هو صيدلى بالسعودية ..

سلامى لكل اعضاء المنتدى

[qenawy]

أنا راجل بي آر لمؤاخذة closedeyes.gif

حمدا الله علي السلامة يا دكتور

انت في البال والخاطر دائما

كثيرا وللاسف وصفة زفت في اني لا اسال عن الاحباب خشية ازعاجهم

فسامحني

ولخصوص حكاية راجل pr فسامحني ايضا كنت هاموت من الضحك لاني افتكرت الpv

, وبس خلاص بدون تفاصيل ولن ارد علي اللي هيسالني يعني ايهpv

[ssmaly]

السلام عليكم اهل الدار و الدوار تحية طيبة لعمدة المنتدى المحترم بدرجة طبيب د.التهامى زعيم الطفشانين

انا تابعت المنتدى دة الرائع

انا صيدلى فى الكويت وقد شدتنى الطريقة الجميلة للحوارات و طبعا طريقة السرد و الوصف بتاعة الدكتور زعيم البريمة (زى ابو شنب بريمة) فتحية لل البرنس د. التهامى و كل المشاركين بهذه الكلمات الطيبة :closedeyes: :closedeyes: :closedeyes:

[مروان كريم]

حمد الله على السلامة يا دوك وحشتنا يا راجل , ويا سيدى كلامك خفييييييف وزى العسل على قلبى

وانا فعلا متفق مع كلام شبانة باشا فى ان الواحد ساعات بيستتقل المشوار على نفسه ويقول لسه حادرس ايلتس وفرنساوى وتقديم وخلااااااااااااافه بس هيا بتبقى لحظة تعب وبتعدى

مش كدا وللا ايه ياعمدتنا :closedeyes:

[Virus]

والله يا باشمهندس محمد أنا فرحت بشكل كبير جداً لما قريت البوست بتاعك. عارف لما تكون شفت حد من نظام "ناس من بالادنا هناك آاااهُم" (وش الليلة الكبيرة)

وتعرف إني باترحم فعلاً على أيام 92 ، بيتنا اللي اتبهدلت لما خرجت بعيد عنه! بس زيه زي ميت غمر ؛ ناس كتير مشيت منه (وتغير إحساسي بيها ، ماهي البريمة بناسها) ، ومن أهمهم وأقربهم لقلبي الحاج يوسف منصور التول بوشر (كنت انا وهوه رايحين أول هيتش لينا مع بعض في نفس الأتوبيس ، يوم الإثنين 29/11/2004). إيه ده؟ داحنا كبرنا أوي تسدأ أول مرة آخد بالي حالاً إني داخل على 4 سنين في مجال الحفر؟! يا نهار أبيض ، وانا اللي كنت فاكر نفسي شباب : (

والحاج يوسف منصور (مهندس بترول بالمناسبة أساساً من المنصورة ، وساكن في مكرم عبيد) ، وبيحبني موت ، وكنت متدلع ف البريمة على حسه الصراحة ؛ زي الواد المايص اللي بيتدلع على أبوه عشان الواد الوحيد واللي ع الحجر وكده!

المهم... الراجل ده كان سوبر انتندنت (زي الريج مانيدجر كده ، مش سيلفيا طبعاً). وده راح بعد ما عمل مشكلة جامدة في الأوفيس مع حد من الخواجات (المديرين يعني) ، وراح بدل الحاج اسماعيل السعيد (اللي انتا بتقول عليه ، وهوه مش مهندس بالفعل) ، وكان بيبدله الحاج محمود محمد (برضه مش مهندس ، بس راجل بيفهم ، زي ما كنت باسمع من الناس اللي هناك). وفعلاً كنا مع عجيبة ، وأفتكر برضه إن أول يوم وصلت ع الكامب في منطقة رمل ، كان الاتنين (يوم الكرو تشتنج) ، يا دوب نمت صحيت لقيت حاجة اسمها بنموّف (Benmawwev) ، وما تتخيلش كم الذهول والازبهلال اللي كنت فيه ، وانا شايف السحر اللي بيحصل ، وازاي كانو بيحمّلوا الكرافانات على عربيات النقل والكساحات بتاعت إلهامي ، بالأوناش! مانا كنت اشتغلت في كرامة بيز مع شركة قارون للبترول (كنت دكتور الموقع ، يعني الباشا اللي مقضيها) ، وحصلت مواقف رزع مع مدير الموقع!

ومن منطلق إني جاي من شركة أونر ، فحتة الكامباني مان ده اللي كان دلّوعة البريمة ، خبّطت فيه كتييير (كبوزيشن مش كشخص)! برضه الدكتور له احترامه لمؤاخذة wst::

]وكونك ما حضرتش أيامي هناك ، وبداية تطبيق نظام المنيو المنيو الأسبوعي ودخول مناخيري في المنيو والأصناف والتنويعات وأيام الباربيكيو ومغامرات الآيس كريم ، والدلع كله! فاتك كتير يا ريس! عموماً ، أنا لو اتفتحت في الكلام عن البريمة ؛ مش هنخلص ؛ دول 66 هاند أوفر يا ريس : )

حبيب قلبي وبلدياتي

والله أنا اللي انبسطت جداً بردك خصوصاً اني افتكرنك نفضتلي بس قلت دي مش أخلاق الغمراوية برضو gt: gt:

حظي وحش يا ريس..لأن 2004 دي كانت طلعاتي كلها في براريم البحر اللي كان وشها حلو وعلى 2005 كنت باي باي..وبصراحة أنا من هواة براريم البحر- مع إن مش دايما بنلاقي لبن العصفور زي الصحرا عشان لازم نستنى الطلبية- لكن برضو يا أخي ..كفاية الوقفة بالليل على (Helideck) مع سجارة وكباية شاي والبحر كله بتاعك يا معلم!! وبمناسبة الموف (Rig Move) أنصحك تشوف الموف بتاع بريمة البحر ...حاجة خرافية فعلاً

ماعلينا..المهم أنا تشرفت بمعرفتك (vitually) على الأقل لحد ما نتقابل في كندا ونعمل رابطة الغمراويين في كالجاري..معلش أنا هفترض إنك لما تروح هتكمل في البترول وهتضطر تروح كالجاري عشان البترول كله هناك!!هو كده أنا قررتلك خلاص

اسمحلي بقى أفتن شوية

على فكرة يا جماعة شغلانة طبيب البريمة دي أروق شغلانة في العالم وطول عمري بقر عليهم -مع إن مسئولياتها كتير جداً- وده لسببين..

أولا إنك دكتور وسط عشرات من العمال وبعض المهندسين..طبعاً مش زي ما تكون دكتور في مستشفى زيك زي غيرك

ثانياً: لأنك تقريباً مدير نفسك حتى مدير البريمة بيعملك خاطر برضو لأنك دكتور ولأنك يمكن تنفعه بحباية تساعده لما يرجع بيتهم ;)

مساء الفل يا دكترة..وتحياتي العطرة من الدوحة :) :)

[moheltohamy]

وكمان عامل زعلان بعد ما طنشت المنتدي طول الفترة دي ولا حس ولا خبر و لا حتي تفتفح تعتذر و تقفل بعد ما كتبتلك ردود اكتر من مرة و بعد كده تقول ندل.....الله يسامحك :sad:

والله يا حسيني أنا عشان عارف إن أُدّامي كام يوم ومسافر ، وعارف إني هاتشغل ، فقلت إن الناس اللي هنا يهمهم كلام الهاند أوفر أكتر من كلامي أنا ، عشان كده كنت الوقت اللي باقضيه في تظبيط الهاند أوفر.

حتى كان فيه ناس بتبعتلي ع الخاص ، ومن منطلق إن الرد بالنسبالي لازم يكون مستوفي كل المعلومات ، ولازم اقعدله وامخمخله... فكنت مؤجّل كل الكلام ده للوقت الفاضي...

هوه يمكن فاتني إني أكتب إني يا جماعة رايح اسكندرية كام يوم وكده! بس كان في دماغي إني مسافر يوم وراجع ، وكان برضه في دماغي إني محتاج أدخل سايبر كافيه هناك.

بااااس يا سيدي.

أنا راجل بي آر لمؤاخذة closedeyes.gif

حمدا الله علي السلامة يا دكتور

انت في البال والخاطر دائما

كثيرا وللاسف وصفة زفت في اني لا اسال عن الاحباب خشية ازعاجهم

فسامحني

ولخصوص حكاية راجل pr فسامحني ايضا كنت هاموت من الضحك لاني افتكرت الpv

, وبس خلاص بدون تفاصيل ولن ارد علي اللي هيسالني يعني ايهpv

هاهاهاهاهاهاها

طب وهنروح بعيد ليه ؛ مانتا عندك الـ PR برضه!

وعندك الـ (USA (Urine & Stool Analysis ... وكل واحد ونيّته بقى :lol:

السلام عليكم اهل الدار و الدوار تحية طيبة لعمدة المنتدى المحترم بدرجة طبيب د.التهامى زعيم الطفشانين

انا تابعت المنتدى دة الرائع

انا صيدلى فى الكويت وقد شدتنى الطريقة الجميلة للحوارات و طبعا طريقة السرد و الوصف بتاعة الدكتور زعيم البريمة (زى ابو شنب بريمة) فتحية لل البرنس د. التهامى و كل المشاركين بهذه الكلمات الطيبة :lol: :phar: :waf:

د. ssmaly

شكراً ليك أوي على كلامك اللي يفتح النفس... ويا رب تفضل متابعنا على طول.

حمد لله على السلامه يا دكتور نورت الهاند اوفر على فكره يا دكتور تهامى احنا باقين مدمنين لموضوعك اقوىىىىىىىىى

أهلاً رحّالتنا... إنتي دكتورة صحيح؟ ولاّ ده كان مثال؟ وإيه حكايتك؟

اخويا العزيز تهامي باشا اسجل اعجاب ومتابعة. واعتذر عن عدم المتابعة الفترة اللي فاتت عشان انت عارف اني في اجازتي في مصر وكنت الفترة اللي فاتت في شرم الشخ وماكنش في نت ولادماغ لائي حاجة. ولسة واصل النهاردة.

يا راجل... شرم الشيخ ، وتقوللي المنتدى برضه؟ ده كلام بالذمة؟

يا راجل عيييش mf-:

بس هوه حد يروح شرم في عز الصيف برضه؟ الصيف ده المفروض كندا بصراحة! :wub:

[moheltohamy]

اخيرا يا دك نورت المنتدى..

حمد الله على السلامة... عارف يا دكتور تهامى انا كتير اوى بقرا فى منتديات بس يمكن المنتدى دة اكتر واحد عجبنى.. لكم بجد اللى استفدت منة كتير انت والشامى.. عارف بحس انك واخد الموضوع والحياة ببساطة رغم يا عينى انت متبهدل بين كذا بلد .. بس بحس ان كل دة عادى بالنسبة له..

يعنى انا مثلا لما بفكر فى موضوع الهجرة بيجى علية وقت واقول يااااه لسة هقدم وهاخد كورسات وكمان امتحان الايلتس وهتضطر ان اعدل شهادتى او ادرس شهادة عالمية جنب شهادتى ولسة ولسة واسة ... بحس باحباط او بمعنى اصح بحس انى لسة بدرى اوى اوى اوى على السفر لكندا .. طبعا دة مش يأس بس بردة ساعات الانسان مننا بيمر باوقات صعبة فى حياته..

بجد ربنا يكرمك ويقويك وتبقى رئيس رابطة اطباء كندا ..بالتوفيق ليك ولمدام هند ويارب يارب يزقكم ببنوتة صغننة علشان اخوية الحمد لله ربنا رزقة ببنوتة صغيرة امبارح.. هو صيدلى بالسعودية ..

سلامى لكل اعضاء المنتدى

حمد الله على السلامة يا دوك وحشتنا يا راجل , ويا سيدى كلامك خفييييييف وزى العسل على قلبى

وانا فعلا متفق مع كلام شبانة باشا فى ان الواحد ساعات بيستتقل المشوار على نفسه ويقول لسه حادرس ايلتس وفرنساوى وتقديم وخلااااااااااااافه بس هيا بتبقى لحظة تعب وبتعدى

مش كدا وللا ايه ياعمدتنا

أعزائي/ علاء ومروان...

لمستو حتة كانت على بالي من كام يوم... بقيت بافتكرها واتحسّر... مضطر أحكيها! ورغم إني كنت ناوي أكتبها بعدين ف الهاند أوفر ، بس مش مشكلة... أبدأ أتكلم فيها دلوقتي.

بدأت موضوع كندا ؛ بالأحلام أيام سنة سادسة طب ؛ مع معرفتي بكارولين ع الإنترنت (فلسطينية كندية عايشة في هاميلتون - 80 كم من تورونتو).

ومن غير دخول في تفاصيل... عشت الحياة اليومية في كندا من خلالها ، وحبيت البلد سماعياً...

وبعد التخرج ، لفّيت في الساقية بتاعة الأطباء مع وزارة الصحة ، ومن القاهرة لأسوان ، والجيش (ضابط احتياط 30 شهر) من فايد (كلية الضباط الاحتياط) لأبو رديس جنوب سيناء (حرس الحدود - طبيب الكتيبة) ، للسجن الحربي في التل الكبير إسماعيلية (طبيب السجن - مش نزيل :closedeyes: ).

وأنهيت جيشي يناير 2004. وبعدها على طول كنت نقلت ورقي كطبيب من أسوان للمنصورة. ومنها لمستشفى ريفي تبع ميت غمر (كان مدير المستشفى صاحب بابا الله يرحمه)... وبالتالي هوه يوم الخميس من 12:15 إلى 12:45 ظهراً ، في أوضة المدير. وبعدها "مش يلاّ يا باشا نروح بقى؟ ولا قاعد شوية كمان؟ وشكرً على كده! آهو برضه الواحد يحلل المرتب :lol:

وبالتالي كنت متفرغ تماماً للبلان بتاعتي... وبدأت خطوطها على شهر فبراير.

كانت البداية بكورسات الفرنساوي ، حتى الوصول للمستوى التامن (8eme Nivea) ، وبعدها يحق لي دخول امتحان الـ TEF.

وفي نفس الوقت كنت دخلت امتحان تحديد المستوى في الـ British Council ، واللي بعده قالتلي الممتحنة إني مستوايا ممتاز ومش محتاج أحسنه ، وممكن أدخل امتحان الآيلتس فوراً.

وكان بادئ معايا 2 دكاترة من زمايلي. لدرجة إن المحاضرة بتاعتنا / مدام فيفيان في الصونتغ (المركز الثقافي الفرنسي كما كنا بنطلق عليه - آلا لانج فرانسيه)... المهم ، مدام فيفيان زعلت جداً لما عرفت إننا الـ 3 أطباء ناويين ع الهجرة لكندا! وقالتلنا ، لما انتو - الدكاترة وأعلى مستوى علمي - بتفكروا تسيبوا البلد وتمشوا ، سايبينها لمين؟ للميكانيكية والسمكرية والصنايعية؟ ساعتها ردينا عليها: "ما هيه فعلاً بلدهم ، همه اللي عايشين فيها ، و واكلينها والعة!)

ورديت عليها أنا : أعلى مستوى ده حضرتك ؛ مرتبي 230 جنيه! هوه ده تقدير البلد لينا ، والمفروض نعيش ونسكن وناكل ونشرب ونتجوز ونجهز مستقبلنا ونحضر للماجستير بيه!

المهم ، بعد يومين خلع واحد منهم ، وقاللي "إبقى اسحبلي فلوسي من السنتر ، مش عاوز أكمل!".

وكمل معايا محمد الدياسطي (صديق أنتيم ، وبديلي في بريمة الصحراء الغربية ، ومعلّمي الأول ؛ خليفة أرسطو)... وحضر معايا المستوى الأول والثاني! وبعد كده ؛ أنا مش هاقدر أكمل! ليه يا دياسطي؟ ماحنا مع بعض... ولو تحب أسجّل لك المحاضرات اللي بتكون أيامها ف البريمة هاسجلهالك (ساعتها هوه كان شغال أسبوعين وأسبوعين ، وانا ... عاطل بمزاجي :closedeyes: )

لكن هوه قاللي : أنا آخد الماجستير ، وبعدين أبقى أكمل في إجراءات الهجرة... يا عم احنا رايقين دلوقتي ، ولا معاك عروسة لابخاك ، ولا ماجستير مزنوق فيه ، وقاعد مقضّيها ف البريمة... ما تستفيد بالظروف دي! بس ولا كأني باكلم في نفسي!

وبقيت لوحدي!

وعشان تكمل... أصحى م النوم في يوم ، ماما بتصحيني على مصيبة! بابا جاله نزيف ف المخ ، وشلل نصفي في الناحية اليمنى بكامل الجسم! :sad:

وبقيت ما بين مستشفى الطوارئ في المنصورة ، وسفر يومياً للسنتر (4 أيام أسبوعياً - كورس مكثف)! وماما وأختي شايفين إني ما عنديش دم (بقى شايف بابا بالحالة دي ، ولسه بتفكر تسافر؟) ، و (إحنا مش عاوزين منك حاجة ، لكن بابا لما يحتاجلك ، ما يلاقيكش جمبه؟ دي آخرتها؟!)...

وانا أرد: "يا جماعة دي مجرد ورقة وهارميها في السفارة ، ولسه فيها 4 سنين على ما السفارة ترد عليا ، والله أعلم إيه ممكن يحصل بعد 4 سنين! ولو حصل وحالت بابا ساءت أو احتاجني جمبه ، هاروح أقدم اعتذار في السفارة عن الهجرة ، أو ممكن أسافر أعمل لاندينج في كندا وارجع تاني ؛ مجرد حفظ فرصتي في الهجرة!"

لكن تئول لمين ، وتقنع مين؟!

وبعد استقرار حالة بابا... وحدوث تحسن بسيط... بدأ بابا مش عاجبه الحال المايل بتاعي... المفروض سكتي مرسومة ؛ شغل في المستشفى ، وتحضير للماجستير ، وامسك عيادته بدل ما بتتدهور حالتها يوم بعد يوم!

ولما فضلت على رأيي ، كان القرار... مفيش فلوس!

عاوز فلوس ، امشي عدل وشوف حياتك صح ، وامشي مظبوط زي كل زمايلك ما مشيوا. كلهم سابوك لما لقوك بتهرج في مستقبلك. الدياسطي والنويهي بعدوا عنك وبصّوا لمستقبلهم! إنتا اللي لسه مش حاسس بالمسئولية!

وكان موضوع الفلوس هوه طريقتهم للضغط عليا عشان أسيب كورسات الفرنساوي.

ساعتها بقيت لوحدي خالص!

بدأت أستلف من الدياسطي عشان تمن الكورسات ، وتمن بنزين العربية ، وتمن امتحان الـ TEF ، ومن بعده الـ IELTS. إلى أن وصل المبلغ لـ 10.500 جنيه! وبقيت باخد الفلوس ، وما بافكرش أصلاً هتتسدد إزاي!

ولما خلّصت كل الخطوات ، وباقيلي كشف حساب البنك... قلت هاستلف فوس من خالاتي (لمدة 3 أيام ، بس أطلّع كشف حساب ، وارجعهم تاني)... وكل واحدة تتحجج بحجّة شكل وتتهرب مني!

طبعاً بابا وماما مكلمينهم ، والولد عاوز يسيبنا ويمشي ، وانتوا هتساعدوه؟! وطبعاً الكل نفّضلي!

ساعتها بقيت بلبوص! :blink:

وكل ده ، وكلي إصرار إني هاقدم ورقي يعني هاقدمه... عشان ما آجيش في يوم ، واندم إني كانت في إيدي الفرصه وضيّعتها!

وبمجرد ما رميت أوراقي ف السفارة ، ساعتها بس شمّيت نفسي. كده أنا عملت اللي عليّا... اللي هيحصل بعد كده بقى مش بتاعي!

ونسيت الموضوع تماماً... ومشيت في حياتي ، وكأن شيئاً لم يكُن! إلى أن اتصلت بينا السفارة ؛ تعالوا عشان الكشف الطبي ، وبعدين إتصال تاني ؛ تعالو عشان تاخدوا الفيزا!

وبقيت في كندا !

واليومين دول ، الدياسطي بيسألني على سكة لكندا! :blink:

مانا ياما كنت بابوس الجزم! شيل زلط بقى!

لكن اللى عجبنى فيك بجد انك عادى خالص . يعنى عملت موضوع الهجرة وسافرت وجيت تانى هنا وروحت السعودية ..بجد لما بقرا حكاياتك بحس انك بتتنقل من بين القاهرة واسكندرية ومطروح... مش بين كندا ومصر والسعودية ..

والله يا علاء...

كان بابا الله يرحمه واحنا صغيرين ، لما يلاقينا مش حاسّين بقيمة الفلوس ، ولا في دماغنا أي مسئولية ؛ كان يقول لنا: "إنتو المفروض تطلّعوا ألفين طوب للدور العاشر عشان تعرفوا قيمة الفلوس"... ساعتها هاسكت أنا مثلاً؟ مستحيل طبعاً... لازم أرد "يعني انتا اللي بتتعب؟ بتعمل إيه بقى؟ بتروح العيادة تقعد تتفرج ع التليفزيون. بتتعب من إيه؟ من قعدة الكرسي؟ لما نكبر يا سيدي ، وأمسك العيادة ، هابقى آجي أقعد ع الكرسي بتاعك ده واتعب زيك" :lol:

الله يرحمه... دا شاف مننا بلاوي! خلفة عاهات والله العظيم :blush2:

لما كبرت بقى لقيت إن الدنيا مش ماشية زي ما اتربينا! وزي ما كنّا متخيلينها! وإن التعب مش مقياس للدخل ولا للنجاح. وإن الكفاءة مش معيار الترقي ولا النجاح! مفتاح كل ده "ظبّط نفسك" ، أياً كان نوع التظبيط ؛ ظبّط أوراقك ، ظبّط علاقتك بمديرينك ، ظبّط علاقاتك... إلخ!

ولقيت إن الدنيا صغيّرة جداً... كنت باخد 13 ساعة من القاهرة لأسوان (أيام تكليفي لما كان في أسوان) ، وبتاع 7 ساعات من المنصورة لكتيبة حرس الحدود في جنوب سينا" ، و8 ساعات من القاهرة لبريمة الصحراء الغربية ومدقات ، وهبد ورزع طول السكة ، وانا أساساً ما بانامش الليلة دي!

حالياً هيه 3 ساعات إلا ربع من القاهرة للدمام ، أو البحرين! وراكب طيارة مريحة! وتبات في فندق محترم ، وتاني يوم 3 ساعات من الفندق لمطار الهليكوبتر ، ونص ساعة وأكون ف البريمة!

أنهي أقرب بذمتك؟ بريمة مصر ولاّ بريمة السعودية؟!

ولو رايح كندا ؛ 22 ساعة مثلاً ... 5 حتى باريس أو 6 حتى لندن ، وبعدين الترانزيت حوالي 5 ساعات تانيين (بخلاف المرة بتاعة زيوريخ دي كانت أقل من ساعة!) ، وبعد كده 8 ساعات حتى تورونتو (دي اللي رخمة شوية ، بس عادي... بتعدي)...

وكله بيطلع ف الغسيل wst::

[مسافرة]

السلام عليكم د/تهامى

متابعة موضوعك من أوله باعجاب , لكن وقفت عند موضوع الTEF لانى باستعد له دلوقت بعد ما الحمد لله عديت الIELTS.. ممكن اسألك عن تجربتك مع اللغة الفرنسية ؟ بمعنى لازم أصل لأى مستوى مثلا عشان أحقق ال intermediate level (حوالى 64 % من مجموع الدرجات)؟ و أحضر نفسى للامتحان ازاى غير الكورسات؟ يعنى لازم تدريب على طريقة الامتحان نفسه زى الايليتس؟

تم تعديل 16 أغسطس 2008 بواسطة مسافرة

[Dr Ayman Kamel]

اخيرا يا دك نورت المنتدى..

حمد الله على السلامة... عارف يا دكتور تهامى انا كتير اوى بقرا فى منتديات بس يمكن المنتدى دة اكتر واحد عجبنى.. لكم بجد اللى استفدت منة كتير انت والشامى.. عارف بحس انك واخد الموضوع والحياة ببساطة رغم يا عينى انت متبهدل بين كذا بلد .. بس بحس ان كل دة عادى بالنسبة له..

يعنى انا مثلا لما بفكر فى موضوع الهجرة بيجى علية وقت واقول يااااه لسة هقدم وهاخد كورسات وكمان امتحان الايلتس وهتضطر ان اعدل شهادتى او ادرس شهادة عالمية جنب شهادتى ولسة ولسة واسة ... بحس باحباط او بمعنى اصح بحس انى لسة بدرى اوى اوى اوى على السفر لكندا .. طبعا دة مش يأس بس بردة ساعات الانسان مننا بيمر باوقات صعبة فى حياته..

بجد ربنا يكرمك ويقويك وتبقى رئيس رابطة اطباء كندا ..بالتوفيق ليك ولمدام هند ويارب يارب يزقكم ببنوتة صغننة علشان اخوية الحمد لله ربنا رزقة ببنوتة صغيرة امبارح.. هو صيدلى بالسعودية ..

سلامى لكل اعضاء المنتدى

حمد الله على السلامة يا دوك وحشتنا يا راجل , ويا سيدى كلامك خفييييييف وزى العسل على قلبى

وانا فعلا متفق مع كلام شبانة باشا فى ان الواحد ساعات بيستتقل المشوار على نفسه ويقول لسه حادرس ايلتس وفرنساوى وتقديم وخلااااااااااااافه بس هيا بتبقى لحظة تعب وبتعدى

مش كدا وللا ايه ياعمدتنا

أعزائي/ علاء ومروان...

لمستو حتة كانت على بالي من كام يوم... بقيت بافتكرها واتحسّر... مضطر أحكيها! ورغم إني كنت ناوي أكتبها بعدين ف الهاند أوفر ، بس مش مشكلة... أبدأ أتكلم فيها دلوقتي.

بدأت موضوع كندا ؛ بالأحلام أيام سنة سادسة طب ؛ مع معرفتي بكارولين ع الإنترنت (فلسطينية كندية عايشة في هاميلتون - 80 كم من تورونتو).

ومن غير دخول في تفاصيل... عشت الحياة اليومية في كندا من خلالها ، وحبيت البلد سماعياً...

وبعد التخرج ، لفّيت في الساقية بتاعة الأطباء مع وزارة الصحة ، ومن القاهرة لأسوان ، والجيش (ضابط احتياط 30 شهر) من فايد (كلية الضباط الاحتياط) لأبو رديس جنوب سيناء (حرس الحدود - طبيب الكتيبة) ، للسجن الحربي في التل الكبير إسماعيلية (طبيب السجن - مش نزيل :closedeyes: ).

وأنهيت جيشي يناير 2004. وبعدها على طول كنت نقلت ورقي كطبيب من أسوان للمنصورة. ومنها لمستشفى ريفي تبع ميت غمر (كان مدير المستشفى صاحب بابا الله يرحمه)... وبالتالي هوه يوم الخميس من 12:15 إلى 12:45 ظهراً ، في أوضة المدير. وبعدها "مش يلاّ يا باشا نروح بقى؟ ولا قاعد شوية كمان؟ وشكرً على كده! آهو برضه الواحد يحلل المرتب :lol:

وبالتالي كنت متفرغ تماماً للبلان بتاعتي... وبدأت خطوطها على شهر فبراير.

كانت البداية بكورسات الفرنساوي ، حتى الوصول للمستوى التامن (8eme Nivea) ، وبعدها يحق لي دخول امتحان الـ TEF.

وفي نفس الوقت كنت دخلت امتحان تحديد المستوى في الـ British Council ، واللي بعده قالتلي الممتحنة إني مستوايا ممتاز ومش محتاج أحسنه ، وممكن أدخل امتحان الآيلتس فوراً.

وكان بادئ معايا 2 دكاترة من زمايلي. لدرجة إن المحاضرة بتاعتنا / مدام فيفيان في الصونتغ (المركز الثقافي الفرنسي كما كنا بنطلق عليه - آلا لانج فرانسيه)... المهم ، مدام فيفيان زعلت جداً لما عرفت إننا الـ 3 أطباء ناويين ع الهجرة لكندا! وقالتلنا ، لما انتو - الدكاترة وأعلى مستوى علمي - بتفكروا تسيبوا البلد وتمشوا ، سايبينها لمين؟ للميكانيكية والسمكرية والصنايعية؟ ساعتها ردينا عليها: "ما هيه فعلاً بلدهم ، همه اللي عايشين فيها ، و واكلينها والعة!)

ورديت عليها أنا : أعلى مستوى ده حضرتك ؛ مرتبي 230 جنيه! هوه ده تقدير البلد لينا ، والمفروض نعيش ونسكن وناكل ونشرب ونتجوز ونجهز مستقبلنا ونحضر للماجستير بيه!

المهم ، بعد يومين خلع واحد منهم ، وقاللي "إبقى اسحبلي فلوسي من السنتر ، مش عاوز أكمل!".

وكمل معايا محمد الدياسطي (صديق أنتيم ، وبديلي في بريمة الصحراء الغربية ، ومعلّمي الأول ؛ خليفة أرسطو)... وحضر معايا المستوى الأول والثاني! وبعد كده ؛ أنا مش هاقدر أكمل! ليه يا دياسطي؟ ماحنا مع بعض... ولو تحب أسجّل لك المحاضرات اللي بتكون أيامها ف البريمة هاسجلهالك (ساعتها هوه كان شغال أسبوعين وأسبوعين ، وانا ... عاطل بمزاجي :closedeyes: )

لكن هوه قاللي : أنا آخد الماجستير ، وبعدين أبقى أكمل في إجراءات الهجرة... يا عم احنا رايقين دلوقتي ، ولا معاك عروسة لابخاك ، ولا ماجستير مزنوق فيه ، وقاعد مقضّيها ف البريمة... ما تستفيد بالظروف دي! بس ولا كأني باكلم في نفسي!

وبقيت لوحدي!

وعشان تكمل... أصحى م النوم في يوم ، ماما بتصحيني على مصيبة! بابا جاله نزيف ف المخ ، وشلل نصفي في الناحية اليمنى بكامل الجسم! :sad:

وبقيت ما بين مستشفى الطوارئ في المنصورة ، وسفر يومياً للسنتر (4 أيام أسبوعياً - كورس مكثف)! وماما وأختي شايفين إني ما عنديش دم (بقى شايف بابا بالحالة دي ، ولسه بتفكر تسافر؟) ، و (إحنا مش عاوزين منك حاجة ، لكن بابا لما يحتاجلك ، ما يلاقيكش جمبه؟ دي آخرتها؟!)...

وانا أرد: "يا جماعة دي مجرد ورقة وهارميها في السفارة ، ولسه فيها 4 سنين على ما السفارة ترد عليا ، والله أعلم إيه ممكن يحصل بعد 4 سنين! ولو حصل وحالت بابا ساءت أو احتاجني جمبه ، هاروح أقدم اعتذار في السفارة عن الهجرة ، أو ممكن أسافر أعمل لاندينج في كندا وارجع تاني ؛ مجرد حفظ فرصتي في الهجرة!"

لكن تئول لمين ، وتقنع مين؟!

وبعد استقرار حالة بابا... وحدوث تحسن بسيط... بدأ بابا مش عاجبه الحال المايل بتاعي... المفروض سكتي مرسومة ؛ شغل في المستشفى ، وتحضير للماجستير ، وامسك عيادته بدل ما بتتدهور حالتها يوم بعد يوم!

ولما فضلت على رأيي ، كان القرار... مفيش فلوس!

عاوز فلوس ، امشي عدل وشوف حياتك صح ، وامشي مظبوط زي كل زمايلك ما مشيوا. كلهم سابوك لما لقوك بتهرج في مستقبلك. الدياسطي والنويهي بعدوا عنك وبصّوا لمستقبلهم! إنتا اللي لسه مش حاسس بالمسئولية!

وكان موضوع الفلوس هوه طريقتهم للضغط عليا عشان أسيب كورسات الفرنساوي.

ساعتها بقيت لوحدي خالص!

بدأت أستلف من الدياسطي عشان تمن الكورسات ، وتمن بنزين العربية ، وتمن امتحان الـ TEF ، ومن بعده الـ IELTS. إلى أن وصل المبلغ لـ 10.500 جنيه! وبقيت باخد الفلوس ، وما بافكرش أصلاً هتتسدد إزاي!

ولما خلّصت كل الخطوات ، وباقيلي كشف حساب البنك... قلت هاستلف فوس من خالاتي (لمدة 3 أيام ، بس أطلّع كشف حساب ، وارجعهم تاني)... وكل واحدة تتحجج بحجّة شكل وتتهرب مني!

طبعاً بابا وماما مكلمينهم ، والولد عاوز يسيبنا ويمشي ، وانتوا هتساعدوه؟! وطبعاً الكل نفّضلي!

ساعتها بقيت بلبوص! :blink:

وكل ده ، وكلي إصرار إني هاقدم ورقي يعني هاقدمه... عشان ما آجيش في يوم ، واندم إني كانت في إيدي الفرصه وضيّعتها!

وبمجرد ما رميت أوراقي ف السفارة ، ساعتها بس شمّيت نفسي. كده أنا عملت اللي عليّا... اللي هيحصل بعد كده بقى مش بتاعي!

ونسيت الموضوع تماماً... ومشيت في حياتي ، وكأن شيئاً لم يكُن! إلى أن اتصلت بينا السفارة ؛ تعالوا عشان الكشف الطبي ، وبعدين إتصال تاني ؛ تعالو عشان تاخدوا الفيزا!

وبقيت في كندا !

واليومين دول ، الدياسطي بيسألني على سكة لكندا! :blink:

مانا ياما كنت بابوس الجزم! شيل زلط بقى!

لكن اللى عجبنى فيك بجد انك عادى خالص . يعنى عملت موضوع الهجرة وسافرت وجيت تانى هنا وروحت السعودية ..بجد لما بقرا حكاياتك بحس انك بتتنقل من بين القاهرة واسكندرية ومطروح... مش بين كندا ومصر والسعودية ..

والله يا علاء...

كان بابا الله يرحمه واحنا صغيرين ، لما يلاقينا مش حاسّين بقيمة الفلوس ، ولا في دماغنا أي مسئولية ؛ كان يقول لنا: "إنتو المفروض تطلّعوا ألفين طوب للدور العاشر عشان تعرفوا قيمة الفلوس"... ساعتها هاسكت أنا مثلاً؟ مستحيل طبعاً... لازم أرد "يعني انتا اللي بتتعب؟ بتعمل إيه بقى؟ بتروح العيادة تقعد تتفرج ع التليفزيون. بتتعب من إيه؟ من قعدة الكرسي؟ لما نكبر يا سيدي ، وأمسك العيادة ، هابقى آجي أقعد ع الكرسي بتاعك ده واتعب زيك" :lol:

الله يرحمه... دا شاف مننا بلاوي! خلفة عاهات والله العظيم :blush2:

لما كبرت بقى لقيت إن الدنيا مش ماشية زي ما اتربينا! وزي ما كنّا متخيلينها! وإن التعب مش مقياس للدخل ولا للنجاح. وإن الكفاءة مش معيار الترقي ولا النجاح! مفتاح كل ده "ظبّط نفسك" ، أياً كان نوع التظبيط ؛ ظبّط أوراقك ، ظبّط علاقتك بمديرينك ، ظبّط علاقاتك... إلخ!

ولقيت إن الدنيا صغيّرة جداً... كنت باخد 13 ساعة من القاهرة لأسوان (أيام تكليفي لما كان في أسوان) ، وبتاع 7 ساعات من المنصورة لكتيبة حرس الحدود في جنوب سينا" ، و8 ساعات من القاهرة لبريمة الصحراء الغربية ومدقات ، وهبد ورزع طول السكة ، وانا أساساً ما بانامش الليلة دي!

حالياً هيه 3 ساعات إلا ربع من القاهرة للدمام ، أو البحرين! وراكب طيارة مريحة! وتبات في فندق محترم ، وتاني يوم 3 ساعات من الفندق لمطار الهليكوبتر ، ونص ساعة وأكون ف البريمة!

أنهي أقرب بذمتك؟ بريمة مصر ولاّ بريمة السعودية؟!

ولو رايح كندا ؛ 22 ساعة مثلاً ... 5 حتى باريس أو 6 حتى لندن ، وبعدين الترانزيت حوالي 5 ساعات تانيين (بخلاف المرة بتاعة زيوريخ دي كانت أقل من ساعة!) ، وبعد كده 8 ساعات حتى تورونتو (دي اللي رخمة شوية ، بس عادي... بتعدي)...

وكله بيطلع ف الغسيل wst::

الاخ العزيز الدكتور تهامى

انه من دواعى سرورى ان اتحدث معك على هذا التوبيك

الحياة كلها جهاد وانت اخترت الطريق والمحدد للهدف هو الحاصل عليه بعد تعب وانا احييك على اصرارك وكل منا فى حياته قصة لو فتحت الكشاكيل باكملها لن تملاها لكننى لا استطيع ان احكى اى شىء لاننى لم اصل الى كندا بعد. لاننى فى انتظار الكشف الطبى الان

بالتوفيق ان شاء الله على فكرة (Niveau ) وليست Nivea طبعا انا باضحك معاك انت عمنا

اخوك ايمن كامل