كندا التي رأيتها :)

[ehabtaher]

ستيك ايلك !! ...و أنا اللي فاكر نفسي فونط اني أكلت بايسون .....ماشي يا عم أدي العزومات ولا بلاش

يا دوك دي كانت أقل حاجه

كنا بنحتفل بنجاح مشروع شبكة الموبايل الجديده Public Mobile

كان بقالنا ٣ أشهر مطحونين فيه

٤٠ دولار شهري unlimited calling and messaging لكل كندا :)

بس بجد يا كنج فيه أكلة اسمها زلوط .....فكرتني بسنبل و ذيبة بتقدم ليه شلواك :lol:

نعم فيه أكله إسمها زلوط

أنا مكلتش من كل اللي ذكرته ده غير المكبوس ... أو الكبسه ... في رواية أخرى

الباقي دول (مندي..هريس..ثريد..زلوط) شفتهم في مناسبات و أفراح و لكن لم أمتلك الجرأه إني أتذوقهم

مشكلتك يا دوك إنك معشتش في الخليج

المعيشه في الخليج تجربه ثريه جدا mil:

البيئه الخليجيه طبعت أثرها على أسماء الأكلات و كذلك مفردات اللغه العاميه

سأعطيك أمثله من العاميه الخليجيه و ما تعنيه في العاميه المصريه

رجل شيك = ريال (بتشديد الياء) كاشخ

ست ممشوقه القوام = ست شمحوطه

إبعت الفاكس = طرش (بتشديد الراء) الفاكس

أبعت له فاكس = طرشله فاكس

بأهزر معاك = بأتغشمر معاك

بأسخر منك = بأطنز عليك

سخريه = تطنيز

أنا من أكبر مستهلكي عصير بيست في كندا و طحينة حلواني و ملوخية بسمة و جبنة جرينلاند الفيتا ........ جينات الظاهر

معنديش مشكله مع دول

بأحبهم و بأموت فيهم

إنما بست ليه

أحلى من تروبيكال مثلا

بأمارة أيه

المندى اكله جميله جدا وممكن يتم طبخها فى اى مكان في الخلاء

هى حفره عميقه يتم ايقاد النار فيها

ثم بعد هدوء النار وتحولها الى جمر

توضع بها القدر التى تحتوى على الارز بتتبيلته العاديه والماء اعلى من الارز (عادى يعنى)

ثم يعلق اللحم او الدجاج فوق القدر وعلى مسافه 20 - 30 سم

ولا ننسى تتبيل الدجاج او اللحم التتبيله اللى انت تبغاها ( ترغبها) (تحبها)

ثم تغطى الحفره بورق المنيوم ثم بشوال من الخيش وفوقه

شوال من البلاستيك السميك

وتحكم الاغلاق حتى لا يتسرب اى حراره من الداخل للخارج

ثم تفتح عليه بعد نصف ساعه لو دجاج

وبعد ساعه لو لحم

وابقى ادعيلى

يا ترى ينفع نطبخها فى كندا دى والا ممنوع الطبخ بالاخشاب فى المعسكرات الخلويه

[ايهاب سالم]

علشان الحقد يزيد على كيبك

حقد !!!!!!!

ممكن تديني سبب يخلي حد يحقد على كيبيك

إنتي عارفه كيبيك دي زي أيه

زي أخ عاق خائن بيبتز إخواته عشان ميهدش البيت اللي عايشين فيه

[Kitty]

حقد !!!!!!!

ممكن تديني سبب يخلي حد يحقد على كيبيك

باشمهندش إيهاب لما قلت حقد كان قصدي هزار ذي ما بتوع انتاريو بيقولوا علينا خونة بس مش أكتر. موضوع مين أحسن كل مكان ليه مميزاته و عيوبه أكيد سوف نتناقش في الموضوع دة. و علشان ماتزعلش احنا بنحقد عليكم درجة الحرارة عندكم -١٢ feels like - ٢٣ و احنا غلابة -١٧ و feels like -٣٠ شفت بقى

[novocaine]

نبدأ نتكلّم عن أصناف الأكل وانطباعاتي عنها... [/

حاجة بقى ما شفتهاش من زمان ، وفوجئت بيها هناك... فاكر المشروب كندا دراي (اللي عامل زي الميرندا والفانتا البرتقال) ، البتاع ده اختفى من مصر من زماااااان. كنت باحبه جداً ، وزعلت لما لقيته مش موجود إني مور! فوجئت بيه مشرّف هناك في جناح المشروبات في وول مارت ودومينيون. وبعد ما استغربت إنه لسّه موجود في كندا ، استغربت أكتر من نفسي! لما تبقى غريبة إن كندا دراي تلاقيه جوّه كندا... أمّال المفروض يكون فين بسلامته ، لو ما تواجدش هناك؟! بس المأساة بقى إنه هناك بالجنزبيل (Ginger-ale) مش البرتقال اللي متعوّدين عليه. وطعمه... يع! فيه شوية اختيارات تانية كلها أفشل من بعض (كرانبري وصودا وشاي أخضر)!

هوا مش الginger-ale دي هيا البيريلل عندنا؟

[adamdec]

فيه شوية اختيارات تانية كلها أفشل من بعض (كرانبري وصودا وشاي أخضر)!

لأ لأ معلش يا دوك محدش يجيب سيرة الكرانبرى. هو فيه أحلى و لا أجمل و لا أصح من الكرانبرى.

[hgalal]

شكراً ليكم جميعاً... جمعااااااء wst::

أنا معترف إني متأخر عليكم جداً ، بس معلش بقى ، إنتو أكيد مقدرين اللي الواحد فيه.

وعموماً ، هانزل تقسيم سريع تاني ، قبل ما ندخل في تفاصيل البند الأول للشوبنج.

وحمد الله ع السلامة يا حاج H ، وطالما إنتا دخلت معسكر الناس التانيين بتاع الواد زيزو... إبقى خلّيه ينفعك :lol:

والكارت بتاع الموظفين ده موجود في الشركة بتاعتنا في السعودية من فترة (يمكن سنتين) ،بس عليه بيانات الموظف وصورته ومنصبه ، والكود اللوني لشخصيته كمان.

ونفس الفكرة بالمناسبة هتلاقيها في أي فندق محترم. بمعنى كان زمان بتستلم مفتاح أوضتك من الريسيبشن ، وبعدها بقى فيه كارت بتدخله في القفل الإلكتروني بتاع الأوضة ، ودلوقتي بتنقر بالكارت بتاعك على القفل بتاع الأوضة ، زي فكرة الكروت الكونتاكت لِس بالظبط.

بس أول مرة أشوف الفكرة يتم تطبيقها في الكريديت كارد. بس!

صحيح يا دكتور انا ما شفتاهاش في الكريديت كارد، لكن قصدي بس انها موجود في استخدامات تانيه.

بس انا مدخلتش الجيش يا دكتور حخش معسكر ناس تانيه الزاي بس :) هو كل الموضوع ان معسكرك يا دكتور مُتفيقين وموافقين عليه ما فيش كلام،

لكن الرد القاسي من معسكر تالت كان الصراحه جارح اوي للمصريين، فانا قلت اني مع مستر زيزو رداً عليه وده صحيح. وبعدين اذا كان مستر زيزو نفسه حبيبيك

ازاي بقى انا حكون مع معسكر تاني، حتفضل طول عمرك حبيبي يا دكتور :lol:

[ايهاب سالم]

باشمهندش إيهاب لما قلت حقد كان قصدي هزار

أنا كمان كنت بأهزر

[حسام يوسف]

معلش يا كنج

سؤال من واحد من الخونة

كلمة اتقالت في النص كدة مهضمتهاش

اشتراك انليميتد -يعنى أتكلم اليوم كله-في الشهر ب 40دولار؟

ولا أنا فهمت غلط؟

[kaplan]

:

بس فعلاً أنا كنت مضايق جداً من نقطة إن مفيش عصير منجة خليص ، دورت عليه في كل حتة ملئتش ، العالم دي ماتعرفش غير عصير البرتقال و التروبكال

المحلات العربي حتلاقي فيها كل اللي أنت عايزه يا دكتورنا العزيز ما تخافش :lol:

:lol:

حبيبي يا دك

فعلاً فيها كل حاجة بس بيستهبلو في السعر و أخوك الصغير كان على limited.budget wst:: :)

[ايهاب سالم]

معلش يا كنج

سؤال من واحد من الخونة

كلمة اتقالت في النص كدة مهضمتهاش

اشتراك انليميتد -يعنى أتكلم اليوم كله-في الشهر ب 40دولار؟

ولا أنا فهمت غلط؟

فهمت صح يا حسام

إدفع أربعين دولار في الشهر و إتكلم 24/7

هدفهم إن الموبايل يحل محل تليفون البيت .. لأن فعلا مش هيكون فيه داعي لتليفون البيت لأن كده هيكون أرخص

عموما شغلنا في مشروع الشركه دي أكتسبت منه شوية خبرات جديده و حدث به بعض المفارقات الطريفه سأتكلم عنها في موضوعي إن شاء الله

بس إديني وقت و إرميني البحر

[MZohairy]

إدفع أربعين دولار في الشهر و إتكلم 24/7

الله يحرق روجرز و سنين روجرز

المشكله اني اشتركت معاهم لمدة 3 سنين

و لو حبيت اخلع لازم ادفع بتاع 500 دولار غرامه smk:

[ايهاب سالم]

إدفع أربعين دولار في الشهر و إتكلم 24/7

الله يحرق روجرز و سنين روجرز

المشكله اني اشتركت معاهم لمدة 3 سنين

و لو حبيت اخلع لازم ادفع بتاع 500 دولار غرامه smk:

الحال من بعضه يا زهيري

عموما الشركه الجديده مش موجوده عندك كده كده

يعني مخسرتش حاجه

[اسكندرانيةكنداوية]

الحمد لله أشكرك يارب إنى عشت و شوفت مو ضوع الشوبينج بتاع د/تهامى قبل شهر 7 بصراحة ما صدقتش لما قالوا لى الموضوع نزل بس حقيقى الله ينور يا دوك فى إنتظار المزيد و أنا لسة ما أشتريتش الكاميرا فى إنتظار النصائح و عندى سؤال عن الكريديت كارد بعد فتح الحساب و إستخراج الكريديت وإستعماله مبدئيا وقت اللاندينج السؤال هل يمكن إستخدامه خارج كندا و السداد عن طريق النت ولو ممكن هل بيضيف نقاط للتاريخ الإئتمانى

و تروح و ترجع بألف سلامة و يجعلها رحلة خفيفة و ميسرة

[أحمد سيف]

حبيبي الدكتور تهامي ... صباحك ورد

الخلاصه اللي خرجت بيها so far من الموضوع الجميل بتاع الشوبينج هي إن اللي عايش في الخليج مش هيحس باختلاف كبير لما يروح كندا ... ده إذا كان هيلاقي اختلاف أساسا

النقطه اللي ممكن تفرق معايا (سلبا أو إيجابا ... مش عارف) هي اللي قالته سوسوراني إن المحلات البريطانيه زي بي اتش اس وماركس أن سبنسر ودبنهامز ونكست مش موجوده في كندا ... أصل المدام بتعزّ المحلات دي ولسه مش مقتنعه ببنانا ريببلك واتش أند أم مع إنهم موجودين أيضا عندنا.

الكلام اللي حضرتك قلته عن الديبيت والكريديت مظبوط 100% ... وأحب أضيف عليه إن معظم الكريديت كاردز إضافة للميزات اللي ذكرتها ممكن تكسبك أميال سفر أو نقط تبدلها بقسائم شراء أو cashback أو تجيبلك تخفيض من محلات معينه.

المشكله الإساسيه في الكريديت هي إنك ممكن تصرف كثير من غير ما تاخذ بالك عكس الكاش أو الديبيت اللي فيهم مش هتقدر تتجاوز رصيدك ... بتحصل كثير إني باشتري باستخدم الكريديت كارد من المحلات والإنترنت وبابقى متوقع مبلغ معين في الفاتوره الشهرية وأفاجأ بأضعافه لإني نسيت معظم الحاجات اللي شريتها ... والمشكله بتبقى أكبر لما يكون معاك أكثر من كريديت أو سايب مع المدام والأولاد كروت إضافية يستخدموها ... ممكن تيجي آخر الشهر تلاقي نفسك بتدفع مرتبك كله وزياده زي الشاطر وتضطر تعيش بقية الشهر على الكريديت أو تسحب من المدخرات ... يعني خراب بيوت مستعجل. إنما لو بتقدر تتحكم في مصاريفك أو واحد مش فارقه معاه زي حضرتك فالكريديت طبعا خيار ممتاز.

متابع الموضوع الشيق وراجع لك بإذنه تعالى بشوية ملاحظات أول ما أفضى.

[ehabtaher]

حبيبي الدكتور تهامي ... صباحك ورد

الخلاصه اللي خرجت بيها so far من الموضوع الجميل بتاع الشوبينج هي إن اللي عايش في الخليج مش هيحس باختلاف كبير لما يروح كندا ... ده إذا كان هيلاقي اختلاف أساسا

النقطه اللي ممكن تفرق معايا (سلبا أو إيجابا ... مش عارف) هي اللي قالته سوسوراني إن المحلات البريطانيه زي بي اتش اس وماركس أن سبنسر ودبنهامز ونكست مش موجوده في كندا ... أصل المدام بتعزّ المحلات دي ولسه مش مقتنعه ببنانا ريببلك واتش أند أم مع إنهم موجودين أيضا عندنا.

متابع الموضوع الشيق وراجع لك بإذنه تعالى بشوية ملاحظات أول ما أفضى.

هو كلام مين اللى بيمشى فى البيت

الحكومه طبعا bngn::

[dcfarouk]

خبر عن تيم هورتون عشان دكتور هشان وتهامي يقاطعوه

http://www.thepetitionsite.com/9/campaign-...-at-tim-hortons

تم تعديل 3 فبراير 2010 بواسطة dcfarouk

[hgalal]

نبدأ نتكلّم عن أصناف الأكل وانطباعاتي عنها...

الزبدة والسمنة هتلاقي أنواعها كتير أحسنهم نوع اسمه Becel ، وده نوع خفيف جداً ونضيف ، والكيلو سعره حوالي 6 دولار.

تسلم يا دكتور وفيت ممكن بس اضيف معلومه لا تقلل من مجهود حضرتك طبعاً انما تزيده ان شاء الله ،متهيألي يا دكتور ان Basel دي ما تعتبرش سمنه ولا زبده انما بتعتبر MARGARINE( سمن نباتي) ودي يمكن يكون طعمها كويس وخفيفه لكن مكوناتها الأساسيه غالباً من زيوت نباتيه

وبيتم هدرجتها ('Hardening' vegetable oil by bubbling hydrogen ) ودي بقي الزيوت المهدرجه اللي بتلاقيها في مكونات معظم انواع البسكويت والشيكولاته وما انصحش حد ياكل منها خالص لخطورتها على المدي الطويل. مع العلم ان مش كل انواع ال MARGARINE مهدرجه لانه توجد اساليب حديثه يتم بها صنع المارجرين بدون هدرجه زي Basel مصنوعه من زيوت غير مهدرجه لكن برده ما هياش سمنه او زبده طبيعيه.

وفي رأي وحسب برده رآي اخصائيين التغذيه ان الزبده او السمن الطبيعي افضل اختيار مقارنه بعيوب ومميزات كلا منهما مع استخدامها بالكميات المعقوله وعدم الإكثار.

Butter Vs Margarine

وطبعاً حواللي ٩٠٪ من منتجات البسكويت و الشيكولاته في مصر والخليج مصنوعه من زيوت مهدرجه (المنتجات المحليه) ونسبه كبيره برده من المنتجات المستورده.

اللي ليه بأه في مزاج البسكويت مع الشاي زي كده فاحسن نوع مش مهدرج منتجات شركه بسكاتو ومش كلها، نوع اسمه دانش وده بالزبده الطبيعيه وطعمه حلو الصراحه ولو حد

عايز اي انواع تانيه في الخليج او مصر تحت امركم، بعد اذن صاحب القهوه طبعاً.

[أحمد سيف]

هو كلام مين اللى بيمشى فى البيت :lol:

الحكومه طبعا :wub:

عند سعادتك أي شكّ في كده ... محدش طبعا يقدر يقف في وشّ الحكومه bv:- smk: jdw::

[ايهاب سالم]

بصفة عامة... الفاكهة هناك تشرح القلب ، وطعمها حكاية.

صحيح يا معلم

عشان كده أنا مستغرب من أخت مصريه لما كانت بتحكي تجربتها في اللاندينج و قالت الفاكهه هنا ملهاش طعم

طبعاً كنا مقتنعين إن شرب السجاير دي للناس البايظة واللي عيارها فالت!

صحيح برضه :closedeyes:

اللبن في كندا بقى مش زي ما اتعوّدنا في بلادنا! يعني احنا عندنا حليب كامل الدسم ، ومنزوع الدسم ، وممكن تلاقي نصف دسم!

فيه كمان لبن خالي من اللاكتوز للناس اللي عندهم مشاكل في هضمه و كمان لبن معمول من فول الصويا للنباتيين Soy beverage

بس خللي بالك من حاجة... ممكن تلاقي في بعض أنواع الزبادي چيلاتين ، وفي الغالب الچيلاتين هناك بيكون مصنوع من مشتقات الخنزير ،

وفيها أيه

قلتله تعالى نطلع على مترو شارع جامعة الدول ، ده بقى أنا أضمن الجبنة اللي هناك. وفعلاً يا ريّس... الرومي على أبوه بقى ، قديمة ومعتقة ومليانة فلفل ، والكيلو بحوالي 40 جنيه.!

إنت هتقولي

إنت الحته اللي جبتهالي قلبت ريحة العربيه يومين

كل ما كنت أركبها كنت أفتكر حد نسي شرابه فيها

بس طعمها حكايه ... واحده مش كفايه

بالنسبة للعيش في بلاد بني الأبيض... العيش القومي عندهم بيسمّوه البيجِل (Bagel) وتقريباً كده أصله يهودي ، وده عامل زي القرَص الحلقية الشكل اللي بتبلّها في الشاي دي (السميط) ، بس حجمه صغيّر قد العيش الكايزر ، ومكتومة وتلكِم ، يعني لو أكلت لك بيجلين هيجيبوك أرضاً!

:lol:

صحيح

عشان كده لازم تحمصه الأول في التوستر عشان يقرمش و يخف شويه و لو إنه برضه بيفضل تقيل

لما بأفطر بواحده مع كباية قهوه مش بأجوع قبل الساعه ٢

أعتقد ده الفول بتاعهم هنا

نصيحتي .. جرب

Toasted 12 grain Bagel with Cream Cheese

من عند عبده هورتونز

و خد معاهم واحدة تمبيتس بالفراخ

معلش إحنا بنتكلم مع بعض مفيش أي حاجه

kis)-

تم تعديل 3 فبراير 2010 بواسطة ايهاب سالم

[reemragab]

يا لهوى مفيش مانجه زى بتاعتنا دى هناك

ماناقصش الا كده كمان

امال انا هاروح هناك اعمل ايه

تحرم عليا البلد دى واللى زيها