كندا التي رأيتها :)

[Damo]

انا حاسه اننا هنفضل معلقين في الاكل كده لحد د.تهامي ما ينزل حلقة تشغلنا في حاجة تانيه

[somayasaleh]

سيبوا لي بقه الدخلة دة....

.احنا بقي لنا هنا اسبوع تقريبا....ذهبنا الي معظم المحلات الفاست فود المعروفة لنا كلنا.......كنتاكي....ماك دونالد......برجر كنج......بوبايز......الاكل الصيني في المولات...الخ

انا عن نفسي لا احب الانواع ده كلها سواء من مصر او السعودية ...لاني بصراحة بحب الاكل البيتي....بس الاولاد حريقة فاست فود.....وبما انهم الاغلبية ،،

،هم تلاتة وانا وباباهم اتنين،،،،هم بيكسبوا وبيجرجرونا علي المحلات ده.....احلا حاجة فيك يا كندا ان الفاست فود ده كله ما عجبش الاولاد خالص مالص

قلت الحمد لله ....ده اول ايجابيات البلد....وهم اللي طلبوا مني ان اطبخ لهم اكل بيتي.....وده شيئ عجيب عمره ما حصل قبل كده

المطعم الوحيد اللي يعني مشي الحال معاهم ...المطعم الافغاني......بس برضه رفضوا اننا نكرره تاني......فيه بقي محل لذيذ اسمه (بيتا) ده بتاع شاورما حلال معقول بس مش واااااااااااااو يعني

يعني اللي عندهم اولاد زي حلاتي وبيحبوا الفاست فود.....يفرحوا انهم اخيرا ح يغيروا العادات ده....وكده اقول....عمار يا كندا

طبعا تيم هورتون سريع وخفيف......

كانت معكم سمية صالح من امام جميع مطاعم مسيساجا ....اونتاريو

تم تعديل 19 فبراير 2010 بواسطة somayasaleh

[د هشام ابراهيم]

مدام سمية ...منورة كندا كلها يا فندم و أسف اني مش متواجد للترحيب بحضرتك و الدكتور و العائلة الكريمة ...ملحوقة باذن الله :closedeyes:

جربي ده حضرتك و قولي لي النتيجة -_-

Paramount Restaurant

[safaalabana]

سيبوا لي بقه الدخلة دة....

.احنا بقي لنا هنا اسبوع تقريبا....ذهبنا الي معظم المحلات الفاست فود المعروفة لنا كلنا.......كنتاكي....ماك دونالد......برجر كنج......بوبايز......الاكل الصيني في المولات...الخ

انا عن نفسي لا احب الانواع ده كلها سواء من مصر او السعودية ...لاني بصراحة بحب الاكل البيتي....بس الاولاد حريقة فاست فود.....وبما انهم الاغلبية ،،

،هم تلاتة وانا وباباهم اتنين،،،،هم بيكسبوا وبيجرجرونا علي المحلات ده.....احلا حاجة فيك يا كندا ان الفاست فود ده كله ما عجبش الاولاد خالص مالص

قلت الحمد لله ....ده اول ايجابيات البلد....وهم اللي طلبوا مني ان اطبخ لهم اكل بيتي.....وده شيئ عجيب عمره ما حصل قبل كده

المطعم الوحيد اللي يعني مشي الحال معاهم ...المطعم الافغاني......بس برضه رفضوا اننا نكرره تاني......فيه بقي محل لذيذ اسمه (بيتا) ده بتاع شاورما حلال معقول بس مش واااااااااااااو يعني

يعني اللي عندهم اولاد زي حلاتي وبيحبوا الفاست فود.....يفرحوا انهم اخيرا ح يغيروا العادات ده....وكده اقول....عمار يا كندا

طبعا تيم هورتون سريع وخفيف......

كانت معكم سمية صالح من امام جميع مطاعم مسيساجا ....اونتاريو

lمنوره يا سمسمه سؤال هو كنتاكى حلال وكمان ماكدونالد !!!! ومخبيين عليه حرام عليكو مش كنتوا تقولوا ...سميه الافغانى اكله حلو وعجب ولادى ولكن بيتا لاند لانه جنب الفندق انا خلاص زهقتهم منه وبدور على بدائل اخرى الحقينى يا عزيزتى

خدى يا سمسمه كمان ميزه من ميزات البلد دى انك تحسى ان احسن مكان هو الفندق اوالبيت يعنى دفا وجو اسرى

اسمحولى اعلنكم ان بكره ان شاء الله الفضليات سوسورانى وسميه صالح وصفاء ح يتقابلوا بمشيئة الله فى مول فى اخر الدنيا اختارته الست الريسه عشان خاطر صفاء مخصوص وسيتم دراسة الحاله الغريبه التى يمر بها المنتدى ...تابعونا واوعوا تروحوا فى اى حتة وش اى مزيع

[د هشام ابراهيم]

في انتظار نتائج القمة المحاوراتية يا دكتورتنا العزيزة :closedeyes:

[somayasaleh]

مدام سمية ...منورة كندا كلها يا فندم و أسف اني مش متواجد للترحيب بحضرتك و الدكتور و العائلة الكريمة ...ملحوقة باذن الله :wub:

جربي ده حضرتك و قولي لي النتيجة :)

Paramount Restaurant

حصل يا دكتور.. ربنا يبارك لك

...وبصراحة هو اكله روعة ما شاء الله.....بس المشكلة في الاولاد،،،،مش بيعجبهم العجب....يعني عايزين ماك دونالد وبرجر كنج اللي في الرياض مش المصري كمان

اخويا عايش في مسيساجا من عشر سنين....وهو بصراحة التور جايد بتاعنا....ربنا يبارك له...من غيره كنا اتبهدلنا....بيعرفنا علي الاماكن الحلال كلها وافضل المطاعم...واصحابه الللي هنا

بس عموما الجو في منتهي الروعة.....والتلج خطير......... والاولاد مستمتعين بازالة التلج من الباك يارد بتاعة بيت خالهم بالشفل...وضرب بعض بالتلج...ربنا يستر عليهم من البرد

[SoSo R]

جربي ده حضرتك و قولي لي النتيجة :)

Paramount Restaurant

حلو ده ينفع فى الصيام :baby:

كان فيه ناس قالولى عليه بس ماعرفوش يجيبوا العنوان مكتوب...

ألف شكر تعيش و تضبطنا..

lسميه الافغانى اكله حلو وعجب ولادى

اسمحولى اعلنكم ان بكره ان شاء الله الفضليات سوسورانى وسميه صالح وصفاء ح يتقابلوا بمشيئة الله فى مول فى اخر الدنيا اختارته الست الريسه عشان خاطر صفاء مخصوص وسيتم دراسة الحاله الغريبه التى يمر بها المنتدى ...تابعونا واوعوا تروحوا فى اى حتة وش اى مزيع

زعيمة أونطة أنا :wub:

ماقولنا خلها مفاجأة...هنسيح لبعض من أولها

بس واضح إن الأفغانى عمل شغل معاكى و مع سمية

المفروض أنا وهشام و تهامى ناخد منه نسبة بدل إعلانات

عشان الدعايا المجانية...

دة دكتور تهامى كان هيولع فى بيتهم عشان نفسه راحت للأفغانى :lol:

و بعدين لو حد كتب حرف فى أى حتة غير موضوعى......

أنتوا حرين :ninja: :ninja:

في انتظار نتائج القمة المحاوراتية يا دكتورتنا العزيزة :happy:

لأ أنت فاهمنا غلط خالص آبصيولوتلى :)

دى قعدة ستات ....يعنى م الآخر حضرتك

نميييييييييييمة

هنجيب فى سيرة كل الناس اللى فى المنتدى

و بعدين نقول ...

دع الخلق للخالق :baby:

لو حد شرء بوكرة....أنا مش مسئولة :lol:

سلام

[ehabtaher]

ماتشتغلو فى البيزنس وتعملو المقر بتاع مهاجرين المحاورات

السنه القادمه ناس كتير نازله عندكم ورا بعض وبيدوروا على سكن

ايه رايكم تأجرولنا من الباطن شقه محندقه كده بدل مانتبهدل فى التدوير

وليكم نسبه 1 % علشان منقولش بس انكم بتكسبوا مننا :wub: :)

[safaalabana]

في انتظار نتائج القمة المحاوراتية يا دكتورتنا العزيزة :wub:

ادعيلنا يا بروف نفسنا القمه دى تنجح وما تطلعش نتايجها بس شجب وادانه ....سؤال يا بروفيسرنا هو ليه انا حاسه ان تورنتو كلها بتنام من الساعه تسعه ؟

[د هشام ابراهيم]

...وبصراحة هو اكله روعة ما شاء الله.....بس المشكلة في الاولاد،،،،مش بيعجبهم العجب....يعني عايزين ماك دونالد وبرجر كنج اللي في الرياض مش المصري كمان

اخويا عايش في مسيساجا من عشر سنين....وهو بصراحة التور جايد بتاعنا....ربنا يبارك له...من غيره كنا اتبهدلنا....بيعرفنا علي الاماكن الحلال كلها وافضل المطاعم...واصحابه الللي هنا

بس عموما الجو في منتهي الروعة.....والتلج خطير......... والاولاد مستمتعين بازالة التلج من الباك يارد بتاعة بيت خالهم بالشفل...وضرب بعض بالتلج...ربنا يستر عليهم من البرد

ألف هنا و شفا يا أفندم ....و رحلة موفقة باذن الله ....مشكلة الفاست فود ديه مشكلة عالمية للجيل ده ...آفة من أفات ثقافة أمريكا الشمالية .....بس برضه احقاقا للحق أنا ما أعرفتش قيمة ماكدونالد غير في اليابان و ما حبتش غير ماكدونالد اسطنبول :baby:

المهم ما دمتم في ميساساجا يبقى لازم تصلوا الجمعة في جامع ISNA و ما تنسونيش من صالح الدعاء يا باشمهندس :wub:

بس واضح إن الأفغانى عمل شغل معاكى و مع سمية

المفروض أنا وهشام و تهامى ناخد منه نسبة بدل إعلانات

عشان الدعايا المجانية...

لا يا مدام اغ .....أنا متنازل عن نصيبي للكابتشين تي ..اديك شايفة لجنة مصادرة الاقطاع قصت أرضه للنص أهو :happy:

ادعيلنا يا بروف نفسنا القمه دى تنجح وما تطلعش نتايجها بس شجب وادانه ....سؤال يا بروفيسرنا هو ليه انا حاسه ان تورنتو كلها بتنام من الساعه تسعه ؟

يا باشا مؤتمرات القمة بتاعة الرجالة اياهم بتفشل حتي في اصدار بيان شجب ...يعني مؤتمر السيدات لو طلع ببيان شجب حيبقى أجدع منهم

بالنسبة لسبب احساس حضرتك إن تورنتو بتنام الساعة تسعة هو إن تورنتو فعلا بتنام الساعة تسعة و ساعات تمانية كمان ....في الويكدايز .....الجمعة بليل و السبت بليل بتسهر .... الصراحة كل البلاد اللي بتاكل طحينة مع الكباب و الكفتة كده ...اليابان ، اوروربا ، كندا

علي أحر من الجمر لسماع انطباعات حضرتك و باشمهندس سمية باشا :) :baby:

[ناوية ع الهجرة]

سمسمة حبيبتي حمدلله على السلامة

ومستنين منك انطباعاتك واحساسك المبدئي بالبلد انت ودكتورة صفاء

يارب يجمعكوا على خير انت وصافي وسوسو فعلا كنت اتمنى اكون معاكم

بس ملحوقة ان شاء الله ونتقابل في كندا بأذن الله

لوكنتم هتبقوا موجودين في شهر 7 نتفق وتقابل ان شاء الله

ربنا معاكم

[safaalabana]

اسمحولى اعلنكم ان بكره ان شاء الله الفضليات سوسورانى وسميه صالح وصفاء ح يتقابلوا بمشيئة الله فى مول فى اخر الدنيا اختارته الست الريسه عشان خاطر صفاء

:) :D wst:: :) :rolleyes:

ل زم التنويه ان الاجتماع المزمع عقده تم تأجيله بسبب الظروف النفسيه السيئه التى منيت بها الحبيبه سميه اثر رفض الاوفيسر السماح لها بالدخول لتغيير صور ال pr ,وهى الان فى حيره واكتئاب شديدين ادعو لها

[znaty]

اسمحولى اعلنكم ان بكره ان شاء الله الفضليات سوسورانى وسميه صالح وصفاء ح يتقابلوا بمشيئة الله فى مول فى اخر الدنيا اختارته الست الريسه عشان خاطر صفاء

:sad: :sad: :sad: :ninja: :)

ل زم التنويه ان الاجتماع المزمع عقده تم تأجيله بسبب الظروف النفسيه السيئه التى منيت بها الحبيبه سميه اثر رفض الاوفيسر السماح لها بالدخول لتغيير صور ال pr ,وهى الان فى حيره واكتئاب شديدين ادعو لها

الله يحرقه

بلغيها يا دكتورة تجرب بعد يومين اوفيسر تاني..دول بمزاجات اصل

وتستخدم الحجة اللي قلتلها عليها

لو كان اللي منعها الامن نفسه بره ..ماتشرحلهاش حاجة ..تقولها عاوزة ااقدم سابليمنتري دوكيمنتس بس

ولو اللي منعتها اللي بتدي الرقم ..عادي ..دي بتتغير ميت مرة في اليوم نفسه ..تجرب واحده تانية ومتزهاش

وان لا قدر الله مانفعش

على اسوأ الظروف

هاتستني كمان اسبوعين ..وتاجل السفر معلش ضروري

وتتصل على السي اي سي الرقم المجاني لغاية مايقولولها عندك مشكلة في الصور

ساعتها تروح وتحط صباعها في عين التخين فيهم

ربنا ييسر لها الامر المرة الجاية ان شاء الله يارب

[Tarek Abdellatif]

مدام سمية،

تحية طيبة لحضرتك و لجميع أفراد أسرتك.

بالنسبة لموضوع صور ال-PR، إن شاء الله ربنا يوفقكم إنكم تعدلوها، و لكن لو محصلش و لو حضرتك مقدرتيش تمدي فترة اقامتك، فيه إحتمال باردو إن الصور إلي انتو مقدمينها تعدي.

و لو على أسوأ الظروف حضرتك سافرتي و ال-PR مطلعش ممكن تروحي سفارة كندا بالدولة إلي حضرتك فيها و تطلعي Travel Document تدخلي بيها كندا وإنتي راجعة تاني.

طبعاً الأضمن إن الواحد يستخرج الكارت في الأول و يتطمن، لكن أنا مقريتش في أي مكان على موقع الهجرة أو في الGuide الخاص بالهجرة أي تحذير من الخروج من كندا قبل إستخراج ال PR أو حتى تنويه إن ممكن تحصل مشكلة بسبب الموضوع ده، إنما لقيتهم كاتبين عن موضوع الTravel Document، فممكن الموضوع يكون كله بسيط. :)

و كما يقول الإخوة في المنتدى "تفاءلوا بالخير تجدوه" :ninja: :sad: :sad:

بالتوفيق.

تم تعديل 20 فبراير 2010 بواسطة Tarek Abdellatif

[somayasaleh]

يا جماعة الخير....تنويه هام جدا....بخصوص الصور

الناس اللي لسه ح تقدم.....تاخد بالها جدا جدا جدا من المواصفات المطلوبة للصور

1- خلفية بيضاء

2- الوجه في السنتر

3- مفيش اي ابتسامة

4- الشفايف مغلقة....الاسنان مش باينة

5-الصور بدون اي رتوش.....فيه مصورين بيعملرا خدمة ويحسنوا الصور بالفوتو شوب....ده غلط جدا

6-الابعاد مش فاكراها....بس هي مكتوبة علي السيت

7- التاريخ مكتوب بالانجليزي في ضهر الصور....مش بالعربي

الناس اللي قدمت خلاص.....يحاولوا يتصورا صح....ويبعتوا الصور ....لو ينفع؟

او عند اللاندنج يعملوا زي الباشمهندس زناتي ما قال ....ويروحوا لواحد مصور بجوار بنك نوفا سكوتشيا في الدور اللي تحت...اسمه جودسكونت

وهو وحظه....يا اما ينفع وياخدوا الصور.....او ينتظر شهر ويتصل بيهم وهم ح يقولوا له لو الصور غلط يجي يتصور

والاسلم ....انه يعمل حسابه علي خمس اسابيع قبل ما يرجع تاني ....او يروح اي مكان في كندا

اللي عايز يسوق هنا........يعمل جواب من المرور بتاع بلده....بعدد السنين اللي ساق فيها....مش لازم يوثقه من الخارجية......لازم يترجمه هنا في كندا مش مصر.....لانهم لن يعترفوا باي ترجمة بالنسبة للمرور

وده ميزتها الاتي

1- تقدم لامتحان جي 1 فقط 85 دولار بدل 125 دولار

2- تدخل علي طول علي امتحان الجي بدل الجي2

3- التامين بينزل جامد جدا جدا حسب سنين الخبرة في السواقة

اخيرا......كلمة خالصة لوجه الله.......محدش يحرق المراكب القديمة....ولا يبيع اللي وراه وقدامه......غير لما يجي بنفسه هنا ويشوف الوضع ايه......وبعدين يقرر....بمعني ح يخسر بس تمن تذكرة الطيران

العائلات اللي زي حالتي.....لازم يخلوا خط رجعة لاي ظرف ممكن يحصل هنا ....علي الاقل لمدة سنة....وده للاستكشاف...ومعرفة مدي الاستعداد للتاقلم مع البلد هنا

وربنا يوفق الجميع

[عبير يونس]

يا فندم تفاءلوا بالخير تجدوه

الموضوع أولا وأخيرا توفيق من ربنا سبحانه وتعالى

احنا بس علينا نسعى و نأخذ بالأسباب

و الموفق هو الله

ربنا يوفقكم جميعا

و عقبال ما ربنا يفرجها عليا وأحصل التجمع النسائي الخطير ده

بجد حاسة انكم كلكم حتبقى نواة لرابطة مصرية جميلة و تفرّح

ربنا يبارك لكم في صحبتكم الحلوة

تحياتي

[somayasaleh]

سمسمة يارب تكون مشكلة الصور بتاعتك اتحلت

جزاكي الله خير على المعلومات الجميلة دي وربنا يكرمك ويرجعكم بالسلامة

الاحساس اللي وصلني يا سمية يا اختي ان الدنيا هناك مش وردية ولا سهلة زي ما احنا متخيلين

مش كده ولا ايه ؟ عموما ربنا يكتب لنا الخير جميعا ويوفقنا في اتخاذ القرار المناسب

طبعا الدنيا مش وردية ولا سهلة......خاصة لما تكون عائلة كبيرة كل فرد فيها له متطلبات مختلفة عن التاني

مشكلة الصور لم تحل للاسف....وسوف نكمل الخمس اسابيع باذن الله تعالي هنا حتي نحصل علي البي ار

اكتر نقطة عجباني جدا هنا .......المرور.........مش ممكن النظام والالتزام الرهيب.....بجد حاجة تفرح الواحد وتخليه مش خايف يخرج من البيت

بس تكون الاحوال الجوية كويسة....وانا بكتب لكم دلوقتي ....فيه عاصفة ثلجية بره......طبعا هم نوهوا عليها في التي في وكل محطات الراديو.....

انا ماشية علي مثل امي....ربنا يديها الصحة......لا تذم ولا تشكر.....قبل سنة وست اشهر

علشان كده لن اتكلم عن اي انطباع شخصي اشعر به الان حتي يصبح الحكم عادل

شكرا لمشرفنا التهامي...الحاضر الغائب علي استضافته لنا في قهوته....ربنا يجعلها عمار

وربنا يوفق الجميع

تم تعديل 22 فبراير 2010 بواسطة somayasaleh

[ramyfathalla]

أختنا الغالية مدام سمية ألف حمد لله على السلامة و نورتى كندا

و عايز أقولك على نصيحة من أخوك أنا طبعا لسه ما عملتش لاندنج و لا حتى شفت كندا غير فى الصور بس و كل معلوماتى من أصدقاء و من المنتدى و من المحامى بتاعى فى كندا

و احد صاحبى حاليا فى كندا من 2001 قال لى أوعى تجيب العيال معاك من أول مرة لازم تيجى لوحدك الأول لأن وجودهم معاك حايكلفك كتير و لو انى شخصيا ضد البعد عنهم ما أقدرش و لا حتى اسبوع

المهم هذا الصديق اشتغل فى بنزينة و بعدين فى سوبر ماركت و بعدين رجع للبنزينة تانى و أخيرا استقر الحال به فى مصنع و كان فى الأول عامل بسيط و لما صاحب العمل وجد مؤهله

بكالوريوس هندسة و وجده نشيط و زكى قال له أنت من اليوم سوف تعمل فوق فى المكاتب مكانك مش هنا و طلب منه أن يعمل معادلة علشان يقعد فى المكان المناسب له

بس بصراحة كل الفترة دى كان لوحده ما كانش لسه تزوج المهم حاليا اشترى بيت فى ميسساجا و عربية و جالنا مرتين زيارة هنا فى الاسكندرية و حاله بقى تمام التمام

و فيه ناس بتوح و ربنا بيكرمها من أول يوم بس كل الأقاويل تحث على الصبر أول سنة على الأقل و المحامى الكندى قال لى خالى بالك المنافسة شديدة لازم تكون قوى و تستحمل

المهم كل الناس اللى استحملت و صبرت وصلوا لحالة الاستقرار و التأقلم

و أيضا كل اللى شجعونى على موضوع الهجرة قالوا لى الموضوع يستحق العناء و الصبر و الله أعلم

خلاصة الكلام يا مدام سمية اصبروا و صابروا وسوف تحصدون ان شاء الله و أكيد كلنا بنشكرك على نصيحتك الغالية لعمل احتياطتنا علشان ما نتصدمش من الواقع

ان شاء الله نسمع منك أخبار جميلة قريبا مع تمنياتى لك و لأسرتك كلها التوفيق بأذن الله

[جايه لك يا كندا]

أختنا الفاضلة مدام سمية:

حمدالله على سلامتك انتي والعائلة الكريمة ربنا يوفقكم وييسر أموركم وترجعوا بألف سلامة بإذن الله، طبعا كلامك عين العقل لازم رحلة اللاندنج تكون استكشاف مينفعش أسرة كامله تحرق كل المراكب وتروح للمجهول يعني بصراحة كأنهم بيرموا نفسهم في البحر، وطالما القانون بيسمحلنا نكون بره لغاية 3 سنين فالأحسن نستغل الفرصة دي في استكشاف الأمور في البلد ووضع استراتيجية للحياة المقبلة بأقل خسائر ممكنة، أنا رأيي الشخصي أن كل واحد ينتظر لما يشوف تجربته الشخصية الخاصة لأن الناس بتختلف في آرائهم وانطباعاتهم وأولوياتهم، وده اللي بيعمل اختلافات وجهات النظر، يعني اللي يناسبنى مش بالضرورة يكون مناسب لغيري. الموضوع أخيرا لازم يكون له دراسة وافية وخطط وخطط بديلة عشان نوصل لأفضل النتائج بإذن الله

ربنا يوفق الجميع يارب، ونشوفك على خير يا مدام سمية

ألف شكر لدكتورنا الفاضل د. تهامي لأنه مستضيفنا عنده لمخاطبه زميلاتنا العزيزات، وكل الشكر لجهده المبذول في إعادة تنظيم منتدانا الجميل بما فيه الإفادة للجميع :sad:

[dcfarouk]

أختنا الغالية مدام سمية ألف حمد لله على السلامة و نورتى كندا

و عايز أقولك على نصيحة من أخوك أنا طبعا لسه ما عملتش لاندنج و لا حتى شفت كندا غير فى الصور بس و كل معلوماتى من أصدقاء و من المنتدى و من المحامى بتاعى فى كندا

و احد صاحبى حاليا فى كندا من 2001 قال لى أوعى تجيب العيال معاك من أول مرة لازم تيجى لوحدك الأول لأن وجودهم معاك حايكلفك كتير و لو انى شخصيا ضد البعد عنهم ما أقدرش و لا حتى اسبوع

السلام عليكم

حضرتك عامل ايه يا استاذ رامي

انا كان ليه تعقيب

انا معاك في الاول في نخاطره بس خد بالك همه قدامهم سنه بعد الميديكال عشان يعملوا لاندينج يبقي لاوقت مش كتير

انت ممكن تسبقهم بشهر مثلا او اسبوعين مثلا وهمه يحصلوك علي ما تكون لقيت سكن مناسب

طبعا ده هيطول فتره وجودك في كندا لو انت ناوي علي لاندينج وترجع بس برضو هيقلل المخاطر والشحططه

بس برضو ارجع اقول ان خبرات الناس اللي ربنا يكرمها هنا ويجازيها خير سواء دكتور هشام او تهامي او مهندس زناتي او مدام سوسو او مدام صفاء وناس تانيه

خليت معدل الخطاء اقل بكتير ونسبه انك تتشحطط اقل بكتير يعني لو انت عاوز اقل معدل مصاريف توكلوا علي الله زي دكتوره صفاء كده

وقبل اي حاجه صللي صلاه استخاره و كمان ادعي كتير

ربنا معاك