كندا التي رأيتها :)

[moheltohamy]

ييييييييييييييييييييييييييييييييه :blush2:

والله كنت كاتبها Niveau ، بس الأقواس أرفتني لما كتبتها إنجليزي! فمسحتهم وكتبت الأقواس عربي واللي بينهم إنجليزي! أكيد الـ U إتمسحت معاهم!

وتعرف؟ حاولت أكتب الـ è مرة قبل كده ، بس ما عرفتش أعمل الـ Accent grave بالفونت اللي عاوزه! وكنت عاوز أكتبها بمسافة في النُص ، بس الـ 8 مش عايزة تتحط قبل الـ ème خالص! :closedeyes:

على فكرة ... أنا محسْوِك أوي ف الـ سبيلينج!

عادي بأه! :closedeyes:

[laka]

السلام عليكم

أرجوا الا أكون ضيف ثقيل عليكم و أبدأ بالأسئلة ،

أرجوا افادتي في بعض المعلومات من الإخوة بكندا أذا توفر لهم الوقت.

1- أنا و أخي الأكبر قررنا دخول غمار تجربة الهجرة لكندا ، لذا عملنا محامي و تم قبول الأولي للملف المهم ، أقدم كل من مستوى العلمي لأخي و لي

-بالنسبة لأخي فهو حائز على ماجستير علاج طبيعي من أوكرانيا Master of Physical Therapy و خبرة لا بأس بها و زوجته أوكرانية و لديها دبلوم في أعمال اعادة البناء و الإصلاح وخبرة جيدة. وهو يريد أن يسأل عن تعديل شاهدته كم تتطلب من الوقت و المال؟ و هل دبلوم زوجته يتطلب تعديله أو أنه من irregulare job ؟؟؟؟؟

أما بالنسبة لي فأنا عندي دبلوم مصرح جمرك Déclarant en douane وأنا أعتقد أنه بيسموها بكندا ب Customs Broker و لدي خبرة بس أنا أعرف أني لازم أدرس هناك لأعدل دبلومي لأن قوانين الجمرك تختلف من بلد لآخر (هناك قواعد موحدة عالميا) لكن تبقى القوانين الداخلية . يعني كم تتطلب من الوقت و المال؟؟ و كم مرتبهم تقريبا ؟؟؟

و نرجوا الإجابة من الإخوة في أقرب وقت يتوفر لهم و آسف على الإطالة

مشكورين الإخوة كلهم على معلوماتهم القيمة

[الباشدكتور]

حمدلله علي رجوعك بالسلامة (للقهوة ) بتاعتك

و الحمد لله علي رجوعي انا كمان للحياة الطبيعية ( بعد امتحان كلينيكال باطنة كلها النهارده )

ومتحرمناش بقي منك كتير كده

وسؤال رفيع والله يا دكتر هو الدكتور اللي علي البريمة بيبقي تخصص طوارئ ولا مش شرط و كمان لازم يبقي معاه حاجة ؟

[moheltohamy]

والله يا د. أحمد (ما أكّدتليش الفكرة برضه!)

هوه المفروض يكون طوارئ ... بس من منطلق إنو الحياتو كوسَتُن... يبقى مش مهم!

بس ع الأئل تاخد شويت خبرة وممارسة في الآي سي يو.

ولو كان معاك كورسات الـ ACLS والـ BLS والـ ITLS ، هتكون صابّورت حلو جداً معاك.

ومن مُنطَلق إن فيه نقص شديد في مجال البترول (على كل التخصصات) ، يبقى إنجز انتا بس واتخرج ، وخلّص إمتيازك وجيشك وكده ، وما تقلقش... الشغل مرطرط! :closedeyes:

[الباشدكتور]

والله يا د. أحمد (ما أكّدتليش الفكرة برضه!)

هوه المفروض يكون طوارئ ... بس من منطلق إنو الحياتو كوسَتُن... يبقى مش مهم!

بس ع الأئل تاخد شويت خبرة وممارسة في الآي سي يو.

ولو كان معاك كورسات الـ ACLS والـ BLS والـ ITLS ، هتكون صابّورت حلو جداً معاك.

ومن مُنطَلق إن فيه نقص شديد في مجال البترول (على كل التخصصات) ، يبقى إنجز انتا بس واتخرج ، وخلّص إمتيازك وجيشك وكده ، وما تقلقش... الشغل مرطرط! :closedeyes:

طيب سيبك من اسمي احمد ولا عبد الصمد انت ازاي هاتقدر تخمن اسمي :closedeyes:

طيب لما الدكتور عالبريمة يكبر بيشتغل ايه

بس الشغلانة دي داخلة دماغي يعني حاسس انها اكل ومرعي وقلة صنعة (ومذاكرة)

علي عكس وزارة الصحة اللي هيا مذاكرة وبواخة وقلة فلوس

معلش انا مش عارف يعني ايه إنو الحياتو كوسَتُن هو ده انجليزي ولا فرنساوي ولا عربي تهامي

تم تعديل 17 أغسطس 2008 بواسطة الباشدكتور

[alaashabana]

بقالى ربع ساعة بفكر لبداية لكلامى بس مش لاقى فقولت ابدأ من غير باداية والاعمال بالنيات .

دكتور تهامى بجد لما بشوف لكامك ومواضيعك بتخلى الواحد يعيش فى حياة تانية خالص والله .. من اسلوبك وطريقة كلامك.. عارف انا فى الاول خالص كنت فاكر انك زى زويل كدة يعنى ممتاز من صغرك ومن الاوائل دائما وقولت مش بعيد تكون واخد جائزة دولية ولا حاجة ..بس لما بشوف كلامك وردك على والدة الله يرحمة والله فضلت اضحك وحسيت انك مننا كدة يعنى مقضيها ..بس مش خاربها انا قصدى مقضيها وفى نفس الوقت عارف طريقك مع ان اللى حواليك كلهم بيلومك..

على فكرة انا تقريبا زيك كدة .. وحصل معايا نفس الكلام بس لما كنت صغير وعلى بلد صغيرة .. كنت ساعتها فى اولى جامعة وكنت عاوز اشتغل فى الصيف بقى وكدة " حماس شباب " فى مرة كلمت واحد ساكن جنبنا وقولتلة متعرفش حد فى الساحل ولا شرم شغال هناك يعرف يجيبلى شغل؟ كلن كان الرد بتاعه " هى شرم الشيخ هتلم ولا اية " هو قالى الكلمة دى وحسيت كأن الدنيا اسودت فى وشى والله .. المهم انا زعلت منه خصوصا انه دائما كان فاكر نفسة حاجة كبيرة .. بس مكنتش بحط فى بالى بقول بكرة تفرج ..والمهم انه مع الايام بقى نسيب اخوية " هو صيدلى فى السعودية " .. المهم انا قولت لنفسى لو عاوز اعمل حاجة مسألش حد ولا اخد راى حد .. ومن ساعتها قررت انى اعمل اللى انا عاوزة واجرب واشوف واسافر واجى هنا وهناك من غير ما حد يعرف ولا هسأل حد انه يخدمنى .. وفعلا الحمد لله سافرت شرم واترستأت هناك وبقى لية علاقات كويسة .. والحمد لله اتخرجت وسافرت الامارات على طول .. هو اتصل بأخوية من فترة وسألة لو انا اعرف اعملة فيزا علشان يجى ياسفر ولا لأ؟؟ شوفوا الزمن بيعمل اية .. مش دة اللى كان بيقولى هى شرم هتلم ..

انا مش زعلان منة بس بصراحة الكلمة دى حرقتنى اوى اوى اوى ويمكن فات عليها اكتر من 5 ولا 6 سنين لكن لسة فاكرها زى ما يكون اتقالت لية امبارح ..

من زمان بردو يا دكتور تهامى وانا بحلم بموضوع كندا دة ..من ايام اولى جامعة .. لدرجة انى كنت اعرف واحد كندى وبعتلى كتاب عن كندا وكل يوم كنت بكلمة تقريبا .. علشان كدة بدأ اعرف اية هى كندا ولما بدأت ابحث عنها على النت بدأ احبه اكتر ..

بس لما عرفت ان الراجل بتاع كندا دة من اياهم " راجل بس مش راجل " كرهت كندا على اللى يجيب سيرتها. wst::

المهم مش انى كرهت كندا بس بدأت ازعل عليها .. بعد كدة عرفت ان كندا فيها نسبة من الناس دول .. وتقريبا فى كل دولة مش كندا بس ..

المهم كان تقريبا كل اصحابى وكل الناس اللى اعرفهم عارفين ان حلم حياتى اسافر كندا . بس مكنتش مهتم اوى انى احكى لحد علشان كنت فاكرها زى الامارات يعنى اى حد يبعتلى زيارة واسافر على طول.

المهم كان بردو نسيب اخوية دة عرف الموضوع دة قبل كدة وكان يجى يقولى انا مش عارف مين من قريابة كان فى كندا ويفضل يحكى زى ما يكون هو اللى كان هناك..

علشان كدة انا اول يوم جيت هنا الامارات حسيت ان بدأ الطريق يبقى كويس.. علشان عرفت ان السفر من هنا لكندا هيبقى اسهل .

بردو لما حد بيعرف الموضوع دة من اصحابى ولا اى حد الاقى الرد ان كندا مبقتش كويسة ومفيهاش شغل ومش اىحد بيعرف يروح والناس بتاسفر وترجع تانى.. حاجة غريبة والله زى ما يكون الناس دى سافروا وشافو كندا ورجعوا تانى..

علشان كدا الموضوع دة فى دماغى ومسيطر علية اوى بس حلفت ان محدش هيعرفة ابدا غير مراتى لغاية ما تبقى الفيزا فى ايدى ان شاء الله ساعتها ابقى اقول لاهلى واصحابى ..

اتلكمت كتير اوى انا عارف.. بس كلامك والله يا تهامى هو اللى بيخلى الواحد يبقى عاوز يتكلم ويطلع اللى جواة ..

ياريت بقى تسيبك من اسكندرية والبريمة وتفتح النت وتتكلم شوية .. خلى الواحد ينسى الهموم والروتين والقرف بتاع الشغل..

ممكن سؤال اخير يا تهامى.. انت مستواك كويس فى الانجليزى.. طيب لية انت اخدت كورسات فرنساوى..؟؟ علشان تزود رصيد النقط .. ولا انت كنت مقدم كوبيك؟؟

تانى حاجة: هو انت كنت بتلاقى وقت بين الشغل وكورسات الفرنساوى والبيت وكدة..؟؟؟

ثالث حاجة هو انت لما كنت مقدم على الهجرة كنت لسة متجوزتش وبعد كدة عملت ابديت للفايل بتاعك وضيفت مدام هند؟؟

طيب كمان اخر سؤال بقى ... هو انت بتقول انك كنت مقدم على الهجرة بعد ما خلصت جيش على حسب اللى انا فهمتة. طيب هو انت كنت ساعتها معاك 4 سنين خبرة ؟؟ ولا علشان كدة كنت بتاخد كورس فرنساوى..؟؟

نشوفك عن قريب ان شاء الله

[zamalkawy]

دكتور محمد انا تقريبا من فبراير 2007 مكتبتش اي مشاركة في المنتدى بس حبيت اقولك ان التوبك ده من اظرف التوبكات في الموقع وقعدت عليها من اوله لاخره بيفكرني بتوبك قديم اوي في 2002 باين او 2003 مش فاكر بتاع تحياتي من كندا 1 و 2

و المنصورة بتسلم عليكم يا دكتور :hi:

[moheltohamy]

بالعربي المش تهامي (الحياة كوسة) ، بس انا أولتهالك بالنحوي! يمكن عشان كده ما فهمتهاش! :hi:

وم الآخر ، لو ليك معرفة ... هتتظبّط ، حتى لو ما عندكش الخبرة الكافية!

ومع الأسف ، البوزيشن ده ، الدكتور لما يكبر ، بيشتغل دكتور بريمة برضه! بديلي دكتور عنده 50 سنة ، وفي مصر كان بديلي (في وقتٍ ما) دكتور عنده 59 سنة!

ممكن تيجيلك الفرصه وتترقى ، وتبقى رئيس الإدارة الطبية للشركة!

بس ساعتها هتندم يا جميل! المزاج هيروح! ومفيش أكل ولا مرعى ولا قلة صنعة! من 8 ص لـ 4 م ، وشغل من نار ، وكل المسئولية على دماغك ، والأجازة جمعة وسبت! وفرق المرتب بتاع 500 جنيه مثلاً ؛ وهيتبعزقوا في البدل ، ومصاريفك المعيشية اليومية!

ممكن سؤال اخير يا تهامى.. انت مستواك كويس فى الانجليزى.. طيب لية انت اخدت كورسات فرنساوى..؟؟ علشان تزود رصيد النقط .. ولا انت كنت مقدم كوبيك؟؟

تانى حاجة: هو انت كنت بتلاقى وقت بين الشغل وكورسات الفرنساوى والبيت وكدة..؟؟؟

ثالث حاجة هو انت لما كنت مقدم على الهجرة كنت لسة متجوزتش وبعد كدة عملت ابديت للفايل بتاعك وضيفت مدام هند؟؟

طيب كمان اخر سؤال بقى ... هو انت بتقول انك كنت مقدم على الهجرة بعد ما خلصت جيش على حسب اللى انا فهمتة. طيب هو انت كنت ساعتها معاك 4 سنين خبرة ؟؟ ولا علشان كدة كنت بتاخد كورس فرنساوى..؟؟

نشوفك عن قريب ان شاء الله

والله يا علاء أنا اللي مستمتع جداً بحكاويك...

وأحيي دماغك دي ، في نقطة إنك بتحتفظ بقراراتك لنفسك.

ونجاوب على السؤال الأخير يا سيدي...

أنا كنت مقدم فيديرال... بس حسبت النقاط بتاعتي ، ليت إني محتاج 16 نقطة في اللغة! ومن منطلق إنو مستحيل إني هاجيب الدرجة النهائية في الآيلتس ، فقلت اللي عيضيع مني ف الإنجليزي لازم الفرنساوي يعوّضه!

وبالفعل خسرت نقطتبن في السبيكينج! وهمه دول اللي جبتهم ف الفرنساوي!

تاني حاجة... شغل إيه لمؤاخذة؟! مانا لسّه حاكي ع الشغل ، ومدير المستشفي صاحب بابا. كنت باروح يوم الخميس أقعد مع الراجل في أوضته ندردش نص ساعة!

والكورسات أصلاً كانت حد اتنين تلات أربع من 4 م لـ 6:30 م على ما أذكر. كل كورس مكثّف في شهر. وكنت قاعد في شقة الدياسطي في القاهرة ، ومعايا العربية بنتحرك بيها.

تالت حاجة... أنا قدمت لوحدي.

آخر سؤال بقى... قدمت بعد ما خلّصت الجيش ، وكان باقيلي حوالي 4 شهور عشان يكمل الـ 4 سنين ، كنت باحضر المستوى الإنجليزي والفرنساوي ، وباجهز الأوراق... كله كان محسوب يا ريس

[moheltohamy]

شكلك عانيت يا تهامي لما وصلت لكندا و ده بيخليها احلي انك وصلت للي انت عايزه

مش مقموص ولا حاجة بدليل روح شوف ردي علي موضوعك هتلاقيه في نفس الوقت اللي انت رديت عليا فيه هنا بس مش حلوه كلمة دي "عيش ندل تموت مستور دي" ......مكنش العشم

إنتا رحت جبتها من موضوعك وحطّيتهالي هنا؟! :waf:

ماشي يا عم... بس أنا فعلاً ما اقصدش ، ده كان فعلاً القاعدة رقم واحد في الجيش ، من ضمن القواعد اللي كنا بنتعامل بيها... يعني واحد ييجي يقوللي ما تجيب حتة م الساندوتش اللي بتاكله ده ، أقول له (قاعدة واحد). يفهم على طول! wst::

وما أقصدش معناها حرفياً خالص. ولو كان وصلك المعنى الحرفي بتاعها... يبقى حقك عليا ، والإعتذار واجب. :bro:

شكلي هاسدأ كلام لولاز (أبوستروف إس) ، بخصوص القعدة المنعزلة! :sad:

دكتور محمد انا تقريبا من فبراير 2007 مكتبتش اي مشاركة في المنتدى بس حبيت اقولك ان التوبك ده من اظرف التوبكات في الموقع وقعدت عليها من اوله لاخره بيفكرني بتوبك قديم اوي في 2002 باين او 2003 مش فاكر بتاع تحياتي من كندا 1 و 2

و المنصورة بتسلم عليكم يا دكتور :)

يا باشا ده يشرفني... وبغض النظر إنك زملكاوي... بس بيتك ومطرحك wst::

وتوبيكي ده هوه اللي رجعك تاني؟ دانا ليا الحق أتغر! :aslam:

يبقى على كده إنتا مُقصّر في موضوع "الشامي رجع من كندا يا رجالة بالانجليزي" :lol: الموضوع ده تحفة بجد. ويستحق ينزل في كتاب.

وبلديات كمان؟ تعالى شرف الشلة بتاعتنا أنا وحسيني وحسام و medopharm و Nassarlink ...

على فكة صحيح ... أنا Neutral ن يعني بلا أهلي بلا زمالك :P

ولا ليّا ف الكورة أصلاً wst::

تم تعديل 17 أغسطس 2008 بواسطة moheltohamy

[alaashabana]

تصدق يا دكتور تهامى انا كنت لسة هسالك على سنك . بس 32 سنة يبقى انجاز كبير اللى انت عملتة .. ما شاء الله عليك والله وربنا يكرمك كمان وكمان يارب..

طيب انا عندى سؤال لولبى كدة

السؤال بيقول علل؟؟؟؟ :aslam:

هو انت لما قدمت كنت لوحدك ولا كنت لسة مش اتجوزت ؟؟ تانى حاجة هى كانت النقط بتاعتك ناقصة علشان لازم تجيب 16 نقطة فى اللغة ؟؟

يعنى انا قصدى كان عندك 4 سنين خبرة وتقريبا كل ورقك سليم يبقى لية لزم تجيب 16 نقطة فى اللغة؟؟

معلش اصل انت كدة توهت دماغى انا دلوقتى نفترض انى مقدم لوحدى مش متجوز وعندى 4 سنين خبرة يبقى لازم اجيب كام درجة فى اللغة علشان اوصل ل 67 نقطة اللى مطلوبين ؟؟

انت قلقتنى كدة بجد انا اعرف ان او انا اوحدى ومؤهل عالى يبقى لازم اجيب 7777 فى الايلتس .. الكلام دة صح ؟؟ وهل دة صعب انى اجيب النقط دى ؟؟

وبعدين تعال هنا انت قاعد تروح التوبيك دة والتوبيك التانى وتتنقل كل شوية فى توبيك شكل هو انا هفضل ادور عليك بقى فى المنتدى ولا اية.

وبعدين سايب التوبيك بتاعك وحكاويك عن كندا وقاعد تسلم على دة وتعزم على دة وتناكف فى دة .. مش تنتبه بقى للتوبيك بتاعك كدة علشان ربنا يكرمك ...انت مش عارف ان وراك بشر بيتابعو التوبيك بتاعك ..

ممكن يا تهامى تحكيلنا واحدة واحدة عن بداية طريقك لكندا.. يعنى مين اللى حببك فيها امتى فكرت فى الهجرة بدأ تجهز الاوراق امتى . اتحوزت امتى والجواز اثر على موضوع الهجرة ولا لأ.. اهلم تقبلو موضوع الهجرة ولا لأ يعنى كل حاجة حصلت طبعا بدون الدخول فى تفاصيل شخصية .

بصراحة نفسى اسمع حد يحكى تفاصيل من البداية للنهاية ..

انا كنت قرات موضوع عن واحد دكتور بردو وكان عاوز يهاجر لاستراليا على موقع دى فى دى 4 عرب

المهم انى لاقيتة بيحكى كل تفاصيل الحكاية تقريبا اكتر من 20 صفحة كتبهم وكلهم بيحكوا عن 7 ايام فقط

لاقيتة بيحكى كل تفاصيل اللى حصلت له وازاى جاب فلوس وازاى كان بيروح يوثق الاوراق واسماء الناس اللى اتعامل معاهم والبهدلة اللى شافها فى مصر فى استخراج الاوراق وبردو اتكلم على التسهيلات اللى حصلت لة واتلكم لما كان فى الطيارة وكل كل كل كبيرة وصغيرة ..

بجد استمتعت جداااا انا نفسى انت تعمل كدة حتى لو توبيك تانى وتسمية تفاصيل رحلتى لكندا

يعنى تتكلم عن ادق التفاصيل فى موضوع كندا فى حياتك والمشاكل اللى واجهتك والايام اللى كنت بتحس فيها ان الموضوع صعب وتفاصيل الكورسات وحكايتك يعنى مع الزمن والدنيا انا شايف ان سنك صغيرك وحسيت من كلامك انك عملت كل حاجة لوحك من غير ما حد يقدملك معلومات او نصايح.. يمكن تجربتك تساعدنا اكتر ... ويمكن التفاصيل اللى مش مهمة بالنسبالك تكون مهمة بالنسبة لنا وللقضية :bro:

وخلى بالك من نفسك .. ممكن سؤال اخير انت تعرف بلد اسمها " ميت دمسيس" او " ميت دمزيز " مش عارف هى بالسين ولا بالزين ..

اصل البلد دى كانت بلد جدتى الله يرحمها وكنت اعرف انها بعد ميت غمر او قبلها مش عارف بصراحة .. وبيقولو عليها ساعات " المندرة "

سلامى للمنتدى

[moheltohamy]

يا عم بيسو ارجع مارشيدير ورا شوية و حتلاقي كل حاجة انت عايز تعرفها انا كتبتها قبل كدة, بس اقرأ من اول التوبك لحد الاخر. و لا انت عايز التهامي يعمل فيك زي ما عمل مع الاخ دكتور السنان اللي سأل زيك كدة من غير ما يدور :sad:

أللا أللا...

هوه أنا بئيت البوحبوح اللي بيخوّفوا بيه العيال الصُغيّرين؟! :lol:

هيه هيبة صحيح... بس مش أوي كده يا راجل!

صباح الفل يا عم جادوللي :ninja:

[moheltohamy]

هو اشمعني التهامي بيتكلم بصدر جامد اوي كدة. هو ليه مش بيخاف من الحكومة الهندية !!!!!!!!!!!!!!!!!!!!!!

عايزين نشوف ابه الموضوع ده يا د ايمن و حمودي

دانتو بتتلككوا بأه :lol:

د. أيمن وحمودي وجادوللي ودرويش ، وشقة المطاريد ! :ninja:

عندكوا أوضة فاضية ، وبدل ما تنزّلوها ع الكريجز ليست ، عايزين تشيّلوهالي؟!

يا باشا ألذ حاجة لما الحكومة المصرية تنتهج السياسة الكندية ؛ سيراً على طريق الإصلاح السياسي wst::

خليكو سبوغتيف أومّال :lol:

تم تعديل 18 أغسطس 2008 بواسطة moheltohamy

[moheltohamy]

والله يا حسيني...

ماهو علاء لاخمي بصراحة. والدكتورة زميلتنا حديثاً ف المنتدى ليها آراء ما عرفتش أسكت غير لما رديت عليها! :lol:

والبريمة دي مش بتاعتي أصلاً ، والواحد مش واخد راحته أصلاً... والواحد بيتحسّر على أرض العز (الـ Main Pass 1) ، أرض العزة (Lion King)!

ومشكلة الهاند أوفر إني باحاول يكون كاتيجورايزد! فده اللي ملخبطني شوية.

عموماً ، بكره إن شاء الله هاكون عرفت نتكلم على نقطة إيه في الحياة الكندية الفيرست كلاس :ninja:

صبراً آل ياسر... معلش! :lol:

[hosiny]

طيب سؤالين علي السريع كده

الاول: فيه مسارات طيران لكندا عن طريق امريكا (ترانزيت) و سمعت ان الموضوع ده ممكن يبقى فيه مشاكل...الكلام ده مضبوط ولا ايه؟؟

الثاني: ما هي اسعار التأمين الموقت هناك في كندا الكام شهر الاولانيين دول لحد ما يطلع كارت التأمين بتاع كندا ؟؟

تم تعديل 18 أغسطس 2008 بواسطة hosiny

[moheltohamy]

بص يا سيدي ، بالنسبة لخطوط الطيران بتاعة أمريكا زي دلتا ونورث ويست ويونايتد. هتلاقيها بتعمل ترانزيت في أمريكا كما هو العرف مع خطوط الطيران (الترانزيت في بلد الإير لاينز).

ودي باسمع سمع خير ، لازم تاخد لها فيزا ترانزيت من السفارة الأمريكية في مصر! (أمريكا وتناكتها بأه)

وكالمعتاد ، هيتحرّوا عنّك ، ولو ما عجبتهمش لأي سبب ، هتتحط ع البلاك ليست! أو ع الأقل ، هيبقى إسمك متسجل عندهم! وعلى إيه المشاكل من أصلو؟!

وعلى فكرة ، الخطوط دي مش رخيصة بأي حال م الأحوال!

استنى لما تاخد الجنسية الكندية ، وبالباسبور الكندي ، تدخل أمريكا ، وانتا حاطط جزمتك ع التابلوه بتاع العربية! ويبقى حد يتكلم!

وكارت التأمين يا ريس هيوصلك بعد 3 شهور. ما حبكتش يعني!

والمفروض تكون طالع من مصر معاك شوية أدوية محترمة من كل صنف! وده أكتر من كافي في معظم الأحوال! آل يعني في مصر حد بيحسبها كده أصلاً!!!

ورغم إني ما عنديش فكرة عن طلبك ده ، بس هاحاول أسأل لك ، ولما توصلني المعلومة هابلغك.

تصبحوا على خير بأه عشان البهوات اللي هنا مهم عندهم أوي الميتنج بتاع الصبح الساعة 5:30 ده!

هونها يا رب الـ 10 تيام اللي بائيين على رجوعنا أرض العزة! :ninja:

تم تعديل 18 أغسطس 2008 بواسطة moheltohamy

[moheltohamy]

حمدا لله على العودة إلي القهوة بتاعتي يا معلم حسام :ninja:

والله ليك وَحشة يا عمنا...

عودُن أحمدُن يا ريس ، وترجع تاني تمسك الأهوة بتاعتك ، اللي لولا سابتها ، وراحت أهوة تانية في غيابك!

وحال الأهوة بتاعتك وئف! هوه دايماً كده ، المال ما يصونوش إلا اصحابه ، وأكل عيشك ما تسيبوش لحد غيرك!

وربنا يوفقنا ونهدّي النفوس :lol:

أنا يتقاللي "قهوة إيه يابو قهوة" ؟

ماشي يا لولا؟! :lol:

[alaashabana]

دكتور تهامى

كنت معدى بالصدفة قولت اسلم عليك وعلى الناس الحلوة يمكن افطر عند حد فيكم ولا حاجة.. فضلت واقف فى المنتدى بتاعكم علشان استنى اى حد معدى اقفشة لكن ملقتش حد ... قولت بقى اقف تحت التوبيك بتاعك وارن الجرس بس مش لاقيت جرس ولا حاجة ..

قولت مفيش غير حل واحد انى اكتب رسالة وارميها تحت عقب الباب.. يمكن حد يحن علينا يعزمنا على شاى احسن الواد الاوفيس بوى هنا بنغالى والشاى بتاعة مبيتشربش .. وهو ولا بيفهم عربى ولا انجليزى .. يعنى هتشرب الشاى هتشرب الشاى ..

moheltohamy مشاركة بتاريخ أمس, 08:37 PM

والله يا حسيني...

ماهو علاء لاخمي بصراحة.

والله يا حسنى باشا دة بيتلكك ..انا حتى سألتة سؤال ومش فاكر اية هو اصلا السؤال وهو مردتش علية وقاعد يرحب بالناس الجديدة ..

المفروض يهتم بينا احنا علشان احنا جمهوره الاولانى اللى طلعة للنجومية .. لكن هنقول اية بقى الطمع بتاع الانسان " وهو عاوز يبنى قاعدة جماهيرية كبيرة "

ما هو خلاص اتأكد اننا ادمنا التوبيك بتاعة .. وبقالنا اكتر من اسبوعين بنقرأ فى نفس الحلقات.. اظاهر الواد اللبيس بتاعة مجاش وواخد اجازة.. ولا يمكن المخرج سافر اجازة ..وهو بقى محتاس مش عارف يعمل حاجة ...

انا قولت من الاول انه موهوب بس مش اى حد موهوب يبقى نجم .. مش كل اللى ركب حمار يبقى خيال .. ومش كل اللى اصطاد سمكة يبقى بحار .... ومش كل اللى عمل توبيك يبقى فنان .. :closedeyes:

بس هنقول اية بقى نديلة فرصة تانية يثبت فيها نفسة وجدارتة..

علشان انا اصلا مخنوق من الشغل والواحد بيجى يفتح المنتدىدة علشان يفضفض شوية ويضحك.. لكن بقى بقالنا كام يوم مش لاقيت القصص الحلوة بتاع " عمونا الشامى " وايهاب سالم النجم الاول .. والنجم الصاعد " دك تهامى "

[moheltohamy]

بتأيدوا بعض؟! :lol:

آهو ده اللي بيقولوا عليه تحريض أدبي...

عارفين مشكلتي إيه؟ إني باحاول أقسم الهاند أوفر لمواضيع محددة ، مثلاً بالترتيب الزمني ؛ حاجة كده زي أستاذنا د. الشامي... بس شكل العملية مش نافعة! لا قلباً ولا قالباً...

عموماً... فيو مينيتس ، وأنزّل حتة كده ع الماشي... وبعدين نرد ع الناس ، والأسئلة والواجب المؤجل!

[ELSHAMY]

بتأيدوا بعض؟! :lol:

آهو ده اللي بيقولوا عليه تحريض أدبي...

عارفين مشكلتي إيه؟ إني باحاول أقسم الهاند أوفر لمواضيع محددة ، مثلاً بالترتيب الزمني ؛ حاجة كده زي أستاذنا د. الشامي... بس شكل العملية مش نافعة! لا قلباً ولا قالباً...

عموماً... فيو مينيتس ، وأنزّل حتة كده ع الماشي... وبعدين نرد ع الناس ، والأسئلة والواجب المؤجل!

بالراحة على الراجل يا جماعة....الموضوع صعب و عاوز تركيز

كمل يا أبو الشباب...أحنا اخترناك و حنمشى وراك...

انت اتدبست خلاص.... لا عودة...البحر أمامك و أحبائك ورائك...أوعى تنط من البريمة...كمل أحسن

الشامى

[moheltohamy]

تعرف إيه أحلى حاجة في كندا بالنسبالي أنا بالذات؟ أهلها يا بو حميد أحلى حاجة فيها. الناس هناك حلوين حلوين بجد. مش قصدي إنهم حلوين شكلاً (بغض النظر إنهم أمامير مووت بجد ، مش محتاجة كلام دي! :lol: ) ، الناس يا احمد بتحب بعضها وألبها على بعض ، وهيموتو ويساعدو بعض ، زي ما يكونو بيتلككو عشان يساعدوك! وفريندلي مووت بدايةً من وصولنا المطار. من البنت بتاعة الهجرة ، للست التونسية بتاعة الورق الحكومي ، للبوليس بتاعها. واسمحلي أحكيلك شوية مواقف مش قادر أنساهم ، يمكن تديلك فكرة عن الحياة هناك عاملة ازاي:

o مرة كنت أنا وهند خارجين من بيت إلما جستهاوس ف سكاربرو. واحنا أُدّام البيت وقفنا وطلعنا خريطة تورونتو (خريطة من أبو بلاش بتتوزّع ف الصاب واي) ، نشوف اتجاهاتنا للحتة اللي كنا رايحينها :lol: . لقينا واحد معدي علينا ، راجل أبيضاني (أو أحمراني لو جاز التعبير) وعنيه لبني ، راجل عجوز شكلة روسي ، ويا دوب ماشي بالعافية ، لقيته جاي يسألنا (كان آي هلپ يو؟) ، كنت عاوز ائول له (يا عم اتكل على الله ، دانتا محتاج اللي يسنِّدَك :lol: ) ، المهم أولتله (نو ثانك يو ، وي آر چصت تشيكنج هاو تو ريتش ....) ، آللنا هتعدو الشارع ، شايفين الناصية اللي هناك دي ، هتاخدو الأتوبيس رقم كزا وهوه هيوصلكم. داحنا أساساً ما فكرناش نسأله ، بس الراجل حس اننا تايهين ، أو جُداد ف المنطِئة ، فكان لازم يساعدنا!

o وعندك يوم واحد أكتوبر وانا رايح على شئتنا الجديدة في يانج آند إجلنتون ، وداخل ع البيت الجديد بتاعنا ، بانقل حاجاتنا ؛ فبافتح البوابة اللي تحت ، وبعدين باسندها برجلي ، على ما أوطّي أشيل الشنط. إز بي أفوجأ :lol: إن واحد كان ماشي ع الرصيف التاني (أكروس الشارع) ، ده عدي الطريئ جري ، وجه يمسكلي البوابة على ما أدخل بالشِيَل اللي معايا! أنا استغربت جداً ، وشكرته ، ومشي بعدها كمّل طريقه! كنت هاعرف أسلّك أموري ، مش مستاهلة يعني الراجل ييجيلي من الناحية التانية م الشارع ، ويعطّل نفسه ، ومن غير ما اطلب مساعدته أصلاً!

o مرة واحنا بناكل :FN: ؛ كنّا ف الفود كورت ، وبعد ما خلّصنا أكل ، رحت أفضي بواقي الأكل في باسكيت الفضلات اللي هناك ، وشايل الصانيّتين بتاعتي وبتاعت هند. المفروض تمسك الصنيّة بإيد وبالتانية تفتح الغطا (المتحرّك) بتاع الباسكيت. جيت أنا وتنّحت أدامها (مانا شايل بإيديّا الـــ 2)! المهم ، على ما مخي اشتغل ، وأدركت إنو ممكن جداً أحط الصَنيّة التانية على الباسكيت من فوء ؛ كان فيه راجل عجوز واقف على مسافة منّي. جه ناحيتي بالخطوة السريعة ، وبيفتحلي غطا الباسكيت عشان أعرف أفضّي الصواني فيه!

o ويوم واحد أكتوبر آخر النهار ، وانا واخد شنطتي وطالع م الصابواي في محطة دون ميلز (فيه هناك مول فوق محطة الصابواي ، كان ديبو متفق معايا هيقابلني بالعربية بتاعته أُدّامه). وانا باعبر المول ، للمنطقة اللي هاقابل فيها أحمد ، قابلتني ست كندية عجوزة وكركوبة ، فسألتها أطلع من المول ازاي؟ قعدت توصفلي الطريق ، وبعدين سألتني إنتا مسافر بالشنطة دي؟ قلتلها آه باك تو إيجيبت. ودي ما سدّئت ، ويظهر افتكرت ولادها اللي ماتوا ف حرب 67 ، ونقحت عليها الأمومة ، واستلمتني نصايح يا عم الحاج. وفين الليبول اللي عليها إسمك؟ ومش قافل الشنطة كويس لييه؟ وخللي بالك عشان الشنط ساعات بتضيع ف المطارات ، وحط اللي انتا خايف عليه ف الهاند باج ، ... الخ! بتاع 10 دئايئ يا ريّس ، وانا مبتسم لها (أصول الإتيكيت) :lol: ، ومن جوّايا... ما تخلصي يا وليّة ، مش وأت نصايح! يلاّ يا حاجّة خلّينا نتكل على الله مش فاضيين! مش وأت حنية خالص الله يكرمك! وفلفصت منها بالعافية!

o في يوم مرواحنا الـــ CN Tower ، واحنا بنعدي ع الممر اللي ماشي فوق خطوط القطارات ، لغايت ما نوصل لقاعدة البرج. قلت أصوّر هند هناك. وانا عمّال أظبّط ف الفيو... ألائي واحد جاي يئوللي روح أؤَف جمبها وانا هاصوّركو ! إديته الكاميرا ، ورُحت وئفت جمبها ، وانا باتأطّع... واللي في دماغي حاجة واحدة... الواد ده حرامي ، وبيصيع عليا وهيلطش الكاميرا ، ويجري!!! طبعاً الواد كتّر خيرة كان بيوَجّب معانا مش أكتر!

معلش ، مانا جاي من بلد بتتسرئ فيها وانتا وائف زي الباشا ، أو نايم زي الباشا برضه! ياما حصل معايا في البلد دي!

o واحنا بنشتري الموبيليا من كينيدي رود... الدنيا بدأت ترُخ :lol: ! استنينا المطر يهدّي اللعب شوية ، وبعدين نزلنا جري م المعرض بتاع المابوليا! وبنعدّي الشارع (مفيش وأت نستنى ؛ هنغرق!)

وعشان نتمشّاها لمحطة الأتوبيس اللي بعدها ... موت يا حمار ، أو عوم يا حمار! واحنا بنجري بالخطوة السريعة عشان نوصل لمحطة الأتوبيس ، وكل شوية نبص ورانا نشوفه قرّب ولاّ لسّه. جه الأتوبيس ، و وقف جمبنا (ماستناش يوصل المحطة بتاعته – رغم إنو ممنوع) ... الراجل صعب عليه بهدلتنا في المطرة!

مش محتاج طبعاً أقارن الحنّية دي بحنية السوائين في مصر ، اللي ممكن يؤف لك في وسط الطريق! ويتحرئ الطريئ باللي فيه! ده أكل عيش يابا!

تم تعديل 21 أغسطس 2008 بواسطة moheltohamy