كندا التي رأيتها :)

[arora]

نورتى الدنيا يا سوسو ياحبيبتى

الله يكون فى عونك على الامتحان والولاد وكمان المنتدى

لا ده كتير

بس بقى ازاى يعنى يبقى دكتور تهامى واخد باله من الاسعار والانواع وعامل دراسات عليا فى انواع اللحوم

وانتى تقوليلنا انا معنديش فكرة عن الاسعار

;) n2&( n2&(

دول حتى بيقولوا ان الستات بتهتم بالتفاصيل

اصل انا يا اختى عاملة زيك كده برضه :wub: :

وممكن اشترى الانواع اللى انا عاوزاها من غير ما اعرف مين بكام وليه

يالا مش كفاية علينا توضيبه chf::

نورتى يا قمر وكلنا نتفهم ونعذرك لغيباك بس بعد الامتحان

اوعى تروحى كده ........ ولا كده

متابعين اخبارك

[جايه لك يا كندا]

أعزائنا دكتور تهامي وسوسو

أسعدتونا

متاااااابعين وفي انتظار المزيد

ربنا يباركلكم في صحتكم وعائلاتكم يارب

:happy: wst:: :blink:

[اسكندرانيةكنداوية]

د/ تهامى طمنا عنك بقالك كتير مش بتدخل المحاورات إنت فين

يارب تكون إنت و المدام والأهل جميعا بخير

[Spanish Eyes]

دكتور تووو

اية العظمة دي، واضح ان القريحه كانت متجليه خالص من اروع حلقات الهاند اوفر واكثرها معلومات، انت عارف انا وصديقاتي المهاجرات (اللي هما عارفين نفسهم ;) ) بعد هذوه الحلقات بنعمل وورك شوب ونتناقش في حيثيات الهاند اوفر :closedeyes:

حقيقي استمتعت واستفدت بكل حرف في الحلقة ....بس انت قولتلي كنت بتشتغل اية قبل كده؟ wst::

[جايه لك يا كندا]

اخبار طازه ياجماعه احب اشارككم فيها

من هنا .... ومن هذا المنبر المحترم ....... ومن قهوتنا المفضله قهوة المعلم تهامي كالعاده

أحب أعلن لكم الأخبار الحلوه

الفيزا وصلت الحمدلله :)

وهانصيف في مسيساجا السنه دي ياجدعاااان

أشكر ربنا أولا، واشكر مشرفنا الفاضل الذي لا يبخل أبدا بمعلوماته جزاه الله وعائلته كل الخير

أشكر كل الزملاء وأتمنى لكم جميعا كل التوفيق والنجاح فيما تسعون وتخططون له بإذن الله ، خصوصا صديقاتي المهاجرات (اللي هما عارفين نفسهم برضه ) wst::

ياجماعه دكتور تهامي م الآخر مخلاش حاجه في نفسنا، كل المعلومات الأساسيه والمهمه نقلها لنا، لكن الأهم انه نقلها بطريقته الأستاذه المميزه الوافيه حقيقي كلام رائع ومجهود يشكر جدا عليه

ألف شكر يافندم ومتحرمناش من مداخلاتك التي ننتظرها دائما

[arora]

الف مبرووووووووك

وما تنسيش تسلملنا على مسيساجا

يمكن ربنا يكتبهالنا ونروحها

وتجربى كل انواع الشوبينج بتاعة الدكتور تهامى

وتقوليلنا على رايك فيها

ولو الميزانية خرمت .........انا مااعرفكيش

[moheltohamy]

حمداالله علي السلامة يا زعامة

الله يسلمك يا عم قناوي. بس يعني هيه مفيش أي حاجة بوتاتن لفتت نظرك أو محتاج تستفسر عنها في الليلة اللي فاتت دي كلها؟

هتقوللي أكلت البايزون والإلك والموس ، والفوا جرا عندكم ، وعارف قصة الماربلنج ، وانتا قلت إيه جديد يعني يا عم تهامي؟ wst::

ألف حمد الله على سلامة ياريس ....

بس ايه الحاجات الجامدة دي ........ ده انتا جيت على الوتر الحساس .... اخوك اصله عاشق للأستيكات بكل انواعها "" المهم ويل دن ""

المصيبة مش في كده ... المشكلة اني بهدي اللعب بواحدة crestor 10mg يوميا ... امال لو حبيت استقر هناك ... حعمل إيه؟؟؟؟؟؟

حمد الله ع السلامة يا أبو عادل يا كنداوي. لو حبيت تستقر هناك يا جميل هتعاني من العذاب والحرمان. بس لو العين بصيرة والإيد قصيرة ، قمع الأسبوع التاني زي ما بتقول أختنا سوسو هتنسى الكلام اللي بنقوله ده تماماً.

ولو كنت راجل غني ، ونوديكي فين يا فلوس الخليج ، يبقى تضرب لك كبسولتين كرستور بتاعك ده ، وتعيش بقى ، والعمر واحد والرب واحد :D

أستاذ ورئيس قسم حمد الله على السلامة نورت مكانك يا دوك بعد طول غياب

الله يسلمك يا فندم ، وربنا يخليكي. وتمنياتي بمغامرات تصويرية ممتعة :lol:

حمد لله علي سلامتك يا كنج

عمنا الدكتور الشامي والدكتور هشام مش غريب عليهم المواقف الجميله دي يا تومي.

ربنا يقدرنا علي رد جمايلهم wst::

امضاء

بريكنديان

احد الاندال :lol:

هوه من حيث أحد الأندال ، فدي ما فيهاش مشكلة ، وعقبال البهوات الكبار لما يتعطفوا ويعبّرونا.

وتمنياتي بالميديكال عن قريب ، وتفرحنا ، وتنضم للقافلة ع الصيف ، ونكون ظبّطنالك ميكروباص محترم تشتغل عليه معانا :happy:

[moheltohamy]

إحم ...إحم...

معلش بتنحنح بس عشان أسلك صوتى أصله مش طالع بعد فترة طويلة من الصمت المطبق

هقول كلمتين و ارجع للصمت تانى

يا فندم حمد الله على سلامتك... لما معلّمة كبيرة وصاحبة قهوة تنوّرنا هنا ، يبقى يا مراحب يا مراحب ، الشيشة يا ابني هنا :D

أولا إيه النشاط ده كله؟!! رغم إن كل الأفواه مكممة و طبعا أنت عارف السبب إيه

فيه ناس آثرت السلامة و عدم إضافة رد...

بس أنا هضطر آسفة أرد المرة دى...ملحوظة جانبية مالهاش دعوة بأى حاجة...

مش ملاحظ إن أول مرة تنزل العدد الوهمى ده من حلقات الهاند أوفر...و حسينى ما يظهرش ولا حتى يقول العواف

والله يا ست سوسو إحنا - الدكاترة تهامي يعني - بقينا بنكتب لله وللوطن! إحساسي إني بدأت حدوتة ، ولسّه ما كمّلتهاش. هاعمل اللي عليّا وأكمّلها ، وألمّ خلجاتي وأمشي!

والناس اللي آثرت السلامة آثرتها ليه؟ اللي أقدر أقوله إننا هنا بنكتب لبعض ، محدّش ماسك عصاية لحد في الوقت الحالي. كون إن الناس لسّه مقموصين ، يبقى خلاص زي ما يحبوا. مفيش مجال للإجبار.

بس أنا بجد يؤلمني نسيب المكان اللي اتعوّدنا عليه ، وعرفنا بعض عليه ، وكل الهيستوري بتاعنا عليه ، خصوصاً إن الموقف اللي حصل كان موقف عرضي وانتهى ، ده اللي أقدر أؤكدهولكم.

وحسيني خلاص باين إنه شايف له شوفة تانية! أو يمكن السفارة بعتوله طلب الأبديت ، وخلاص كده علي ، وإسمه تقريباً اتكتب بالرصاص ، وما بقيناش قد المقام!

المهم....

الكلمتين بتوعى...

روح يا شيخ ....ربنا ياخدك

ويوديك مكان أحسن من اللى أنت فيه

أنا كنت واخدة عهد على نفسى مش هاتكلم ولا هفتح بوئى فى موضوع الشوبنج...بعد ما بديت لأنى حسيت بالضآلة و الجهل

أول ما أبتديت تتكلم عن الألبان و الجبن...قلت يا إما أنا مش عايشة فى البلد....يا إما عندى مشكلة

م الآخر واضح إنك بتستمتع جدا بموضوع الشوبنج وانك تجرب الأصناف وكدة

أنا إستراتيجيتى مختلفة تماما...هيا ورقة مكتوب عليها عايزين فيها إيه و دمتم...وممكن نلقط حاجات إضافية بسيطة وشكرا

ما هو ده تفسير الكلمة اللي الواد ديبو قالهالي قبل كده...

فيه يا ابني فرق بين الشوبنج والباينج (Shopping & Buying). الباينج ده المفروض بتاع الرجّالة ؛ إنك تكتب لستة الطلبات اللي البيت محتاجها ، تروح الماركت تشتريهم ، وتروّح. الشوبنج ده بتاع الستات ، رايحين الماركت مش عارفين همّه عايزين إيه ، واللي يعجبهم ع الرف يشتروه ، وبالتالي خراب بيوت مستعجل ، وممكن تكتشف بعد ما تخلّص شوبنج إن تلات تربع اللي اشتريته ده ما كنتش محتاجه من الأساس ، وإن معظم اللي كنت خارج تشتريه من الأصل ، ما جبتهوش!

م الواضح إن استراتيجيتك في المشتروات رجالي أو عملي شوية ، وأنا استراتيجيتي على حريمي :lol:

ليه بقى؟؟؟؟

قولتلى ليه...

لما يكون معاك طفلتين ...بيشبطوا فى كل حاجة و أى حاجة وانت بتلف...

وعاملين زى الكواير...واحدة تقول و التانية ترد عليها

can we buy....??

ماما عايزين نجرب ده شفت إعلانه فى التلفيزيون....

وهكذا دواليك لحد ما نحاسب و نخرج و أنا عندى صداع

أختك بأه بتبقى عاملة زى الواد ده.... :lol:

عبده العبيط..مين ماما؟؟؟

يعنى إيه تلفزيون؟؟؟

ردود من هذا القبيل

ممكن أستجيب فى حالة واحدة بس

لو ماما عايزة تجرب هيا كمان

يبقى نجيب الحاجة تحت بند....العيال نفسها فى الحاجة دى ...نحرمهم يعنى ؟؟؟

أنا عن نفسي معترف بالحقيقة المرة... أنا عيّل ، وباشبط أوي على فكرة ، ولما دماغي بتزن على حاجة ، ما بارتاحش غير لما أجيبها! مصيبة بجد!

المهم بعد ما قريت مداخلة اللحوم...كرهت نفسى أكتر

أصلى عمرى ما ركزت فى سعر الرطل و الكيلو و الكلام الفارغ ده

أنا بشوف اللحمة شكلها بيعجبنى...بتنادينى و تقولى إشترنى...

ويكون سعر الطبق معقول فيه حوالى اتنين كيلو...من كوسكو غالبا

البوفتيك بجيبه بتلو ....ميلك فد فيل

و الفراخ تمنها حوالى 8 $ و مش بجيبها كتير عشان بتتاكل فى خلال خمس مرات لما العيال بتعلنى

بجيبها صدور مخلية عشان تتعمل بانيه و مش فاكرة بكام...

بس خلاص نويت أركز فى الأسعار و الأنواع و هنزل بتقلى فى المداخلة الجاية عشان تعبانة جدا و عندى إمتحان يوم الأحد

أنا بقى آخر واحد ممكن يتكلّم عن الأسعار سعادتك wst::

أنا يا بنتي باروح أشتري الحاجة ، والإيصال أمضيه ، وممكن أرمي النسخة بتاعتي في الشنطة ، آل يعني يمكن أرجع لها في وقت من الأوقات. وساعات بتحصل بعد ما أخرج من المكان أقول لنفسي: هوه أنا مضيت على كام؟! :happy:

ساعتها بس باطلّع الإيصال ، وأشوف المبلغ اللي مضيت عليه!

بس الأغلب إني بامضي زي الباشا ، والحساب يجمع بقى... فيه أجمل من إنك بتشتري كل اللي نفسك فيه ، وتخرجي من غير ما تدفعي ولا سنت؟! موووتعة!

نهايتي سودة أنا عارف! :D

و هحكيلك عن التحول الشرائى اللى حصلى بعد هاند أوفراتك...وعندى مداخلة غبية عن الفراخ برضه ...بس بعد الأمتحان

نحن في الانتظار يا فندم... سوسو وفراخها wst::

خد بأه الحتة دى إهداء ...سوفونير يعنى :P ....مكافأة لك على مجهود السيرش الجامد ده bv:-

شكلك انتي اللي هتاخدي السوفونير اللي جاية يا سوسو :P

[MZohairy]

عايزينك يا حماده تدينا فكره عن الكورسات القصيرة المدة (من اسبوع الى 4 اسابيع بحد اقصى) مثلا و اللي تخليك تاخد ترخيص معين او شهاده معينه في اي مجال عشان تزود فرص الحصول على عمل

يعني فيه كورس سيكيوريتي مثلا اسمه ال BST و ده مدته اسبوع و بعده تمتحن و تاخد رخصة سيكيوريتي كندي قد الدنيا

فيه كمان الفيرست ايد كورس برضه اسبوع تقريبا

ايه تاني ؟

[moheltohamy]

هاند أوفر عبر المحيطات رقم 67 (عشان النكسة)*

منه لله كريستوفر كولومبوس هو السبب فى اللى أنا فيه ده...بقلم محمد التهامى...طبيب فى قطاع البترول سابقا...وعاطل حاليا..

الهاند أوفر موجه للشعب اللى هيهاجر عشان مش هقدر أحكى لأحمد مراد...عشان ما يشمتش فيا..

يومياتى...كندا التى عيشتها

الأسبوع الأول:

يااااااااااه...الواحد كان ميت و صحى أخيرن...هنخلص من الميدل إيست و أرفه ونروح نستمتع فى بلاد الأبيض...حيث النضافة

كندا واحشانى موووووت

و البلد توحفة...لسه حلوة فى عينيا...زى ما جيتها من تلات سنين فى اللاندنج...

بس برضه عيشة البراريم هتوحشنى...حيث الأنتخة و التفخيد و المزاج العنب....

إييييييييييه ...صحيح صعب الواحد ينول كل اللى الحاجات الحلوة سوا

بس مش هافتقد الشيفات الهنود و أكلهم ...هدلع نفسى أنا بقى...

وداعا لعالم الخناشير...و أهلا بعالم الشقراوات

نزلت أعمل شوية شوبنج للخفايف ...حاجات للفطار و العشا....و قلت أدلع نفسى شوية بقى

ورحت ضبطت نفسى أجبان ماربل و ريكوتا و براميزان...و بلو تشيز طبعا

و جبت بانز و بيجلز...ولقيت أوفر على إزازة مابل سيروب...قلت أجيبه و أشوف ممكن نجربه إزاى...

الأسبوع التانى:

الخفايف بتاعة الأسبوع اللى فات عملت 300 دولار مستريح...مع لبن نيلسون اللى بحبه جبت كل المذاقات...و زبادى فواكه للدايت

و شوية شيكولاتات بسيطة...مع عصاير ما قدرتش أقاومها لماركة تروبيكانا

فقلت أقلل المشتريات...جبت شوية مخللات و زيتون...وكام علبة فول سيدار يسندوا ع الفطار

الحساب وصل 200 $ ...أهو إنجاز

>>>>>>>>>>>>>>>>>>>>>>>>

الأسبوع التالت:

الفطار فول بس مع بصل أخضر...الجبن خلصت...

وشكلها ما فيش عشا كمان...

حتى السكر خلص...ومش هجيب تانى

.................................

.........................

.................

..........

.....

...

.

لو عجبك أنت و السادة القراء.....

نقول يتبع...

سلام

تعالي يا بتاعة السوفونير بقى... أولاً ، إحنا قلنا بنكتب لله والوطن.

وبتتريقي على هاند أوفراتي سعادتك اللي وصلوا لـ 67 هاند أوفر بيني وبين أحمد مراد وآخرين؟ مااااشي!

نقول بقى المستخبي ، وأنشر هاند أوفر سوسو آر ، أو عشان الدقة ، مذكراتها الشخصية...

------------------------------------------

أونتاريو ترحب بسوسو آر... أمّال كنت هاقول يعني تورونتو إزاي؟ أجيب وش منين أقول إسم المكان اللي أنا ساكنة فيه ، وكلهم ساكنين في البندر ، وأنا ساكنة في الفلاّحين ، بعد ما كنت من ساكني مدينة نصر ، وعاملة فيها بنت الناس الكويّسين! نخليها أونتاريو أحسن ، والمعنى في بطن الشاعر بقى ، وربنا ستّار :lol:

هييييه... عدت سنة... ولسّه سامعة أغنية هاني شاكر! يا ترى إيه اللي عملته في نفسي ده؟

كنت بنت آوت جوينج ، من يومي وأنا منطلقة ، ودوّبت شوارع المحروسة ، وياما اتشاقيت بعزيزة مع سواقين الميكروباصات!

دي حتى الكويت ما رحمتهاش ، وكنت مقضياها ولا ليه دعوة بالرادار ولا السرعة ، والبوليس عندهم بيضعف قدام البنات ، وقلبهم بيحن ، وآخرهم (ما تعمليش كده تاني)!

يوصل بيا الحال إني مش عارفة أعدي الميت كيلو؟! ما كانش يومك يا سوسو!

وبعد ما كنت رايحة جاية ، والصيدليات بيتخانقوا عليّا ، آجي هنا أرجع تلميذة بالمريلة ، وماسكة الكُتُبات ، ورايحة الدرس الخصوصي ، والواجب ، وطالع عيني في المذاكرة؟! بعد ما شاب شعري وانا باموّس أيام الكلية عشان التقدير! تبقى دي آخرتها؟ هيّه المذاكرة دي ورانا ورانا ، ومش هنرتاح منها بقى؟!

وحتى المعاكسات اتحرمت منها... كنت في مصر مهرية معاكسات من طوب الأرض ، وأقول مفيش منك يا بنت يا سوسو! برضه المعاكسات دي بتخللي الواحدة مننا منتشية وعاملة دماغ عنب زي بتاعة الوله تهامي!

أروح الكويت ، العملية هديت شوية ، بس من وقت للتاني كنت بالاقي معاكساية ترفع من روحي المعنوية!

آجي هنا ، سوقنا واقف خالص ، وحتى المعاكسة اليتيمة اللي أتعاكسها ، تيجي من سواق نقل ، ويطلع في الآخر شارب وسكران طينة... بعد ما عاكسني لقيته بيعاكس راجل عجوز تاني كان بيعدّي الشارع؟! يعني نرضى بالهم والهم مش راضي بينا؟!

كنت قرفانة من الحر والتراب في مصر ، أروح الكويت أشوف الحر اللي على أصله ، وعواصف الطوز الرملية ، وأترحّم على حر مصر وترابها! قلت أروح أخلص من الحر بجميع أشكاله... ألاقي تلج ؟! هوّه أنا مكتوبلي أتبستر يا ربي؟! من 50 لـ -30؟ حد يعمل في نفسه كده برضه؟! :happy:

جوزي يتحايل عليّا في مصر أقعد وأتستت في البيت ، وأقول له أبداً ، المرأة تساوي الرجل ، وكتف الفتى يلامسه كتف الفتاة ، وكل الحركات بتاعة سعاد حسني ومديحة يسري دي! وآجي هنا أقعد ست بيت بين أربع حيطان؟! يا شماتة سي الأستاذ فيكي يا سوسو!

كنت مدمنة قهوة في مصر ، وأروح الكويت أقول لهم في مصر إن عندنا علي كافيه ومحمود كافيه مالهومش زي. آجي هنا وأقول أنا رايحة لبلاد الكافيين ، اللي الناس فيها بياخدوا القهوة IV drip... ألاقي آخرهم نسكافيه المايع ده اللي لا بيعدل الدماغ ولا ليه طعم مع السيجارة ع الصبح؟! وحتى شلة المنتدى باتحايل على كل واحدة جاية تجيبلي معاها كيس قهوة وهادفعلها تمنه ، يقولولي الوزن يا سوسو ما يسمحش!

هاقول إيه ولاّ إيه؟ أقوم أذاكرلي كلمتين أحسن... خليني أتحجج في المنتدى بإني عندي برد ، والبنات عاملين دوشة ومصدّعيني أحسن... بدل ما أتفضح!

wst::

[moheltohamy]

مبروك عودتك يا د/ تهامى والله منور المحاورات كلها

مجهود كبير بذلته و صور هايلة و بصراحة ما لكش حل ربنا يباركلك

و على فكرة أنت عملت حاجة تانية حلوة قوى

د/ سوسو دخلت على الرغم من انشغالها و نورتنا

و بأقولها و أدعيلها ربنا يوفقك و تستمرى فى نجاح على طول ان شاء الله

ربنا يخليك يا رامي ، وربنا يسهلها في الصور اللي جاية ، والجزء اللي عليه الدور في الهاند أوفر.

ربنا يستر.

والله إنت حسستنى إنى ما شوفتش اللحمة قبل كدة يا تُهامى يا أخويا & روح ربنا يفتحها فى وشك كمان وكمان :happy: .

العفو يا دكترة... أنا نفسي اتعلمت الحاجات دي من كندا ، هوّه يعني عمرك سمعت عن الكلام ده من أي حد في مصر؟!

فيه حاجات قريت عنها ، أو سمعت عنها من أصحابي هناك ، وفيه اللي اتقاللي من الويترز في المطاعم الكندية ، وفيه اللي عرفته من الجزارين اللي بيبيعوا هناك... وآديني عرفت أجمّعهالكم ، يمكن تفيدكم لما تروحوا هناك.

السلام عليكم

مشاركه جميله يا دكتور تهامي

وشكرا ليكي يا دكتوره سوسوراني

بجد انتوا قربتوا ترجعوا المنتدي زي الاول

تسلم يا د. فاروق... والمنتدى مش مشكلته الأول أو دلوقتي ، هيّه اللمة اللي بتعمل الجو ، والمنتدى بناسه أولاً وأخيراً. ربنا يهدّي النفوس.

ياااااااااااااااااااااااااااااااااااااااااااااااااااااااااااه

تهامي أخويا و سوسو

أحمدك يا رب

و الله رجعتونا يا ولاد للزمن الجميل

شغل عالي اوي يا تهامي و الصور تجنن خصوصا في

ازمه اللحمه الي مصر بتمر بيها اليومين دول و الله دي بقت حاجه

تكسف و فاضيحنا بقت على كل لسان

و سوسو حبيبتي و حشاني و يارب ربنا يوفقك و تخلصي على خير

و انت لا سلام و لا كلام و انا قلت يا واد طنش خااالص لحد بس

لما تخلصي وتفوقي و بعدين نتحاسب

في انتظار المزيد من الابداعات

حمد الله على سلامتك انتي يا بنت مصر... ربنا يسمّعنا عنك أخبار حلوة قريباً.

وبالنسبة للصور ، فالصور هيّه اللي عليها الدور في المشاركات اللي جاية ، وقبل الجزء اللي عليه الدور من الهاند أوفر.

بس المصيبة إن الصور كتير بشكل غبي ، الصور الخاصة بجزء الأكل ده كانت مساحتها فوق الجيجا ونص ، وعددهم فوق الـ 250 صورة! مش عارف أعمل إيه الصراحة! أنا عن نفسي ضغطت أحجام الصور عشان المساحة وسرعة التحميل ، وهابدأ أنزلهم شوية شوية كده ، وربنا يسهلها.

نورتى الدنيا يا سوسو ياحبيبتى

الله يكون فى عونك على الامتحان والولاد وكمان المنتدى

لا ده كتير

بس بقى ازاى يعنى يبقى دكتور تهامى واخد باله من الاسعار والانواع وعامل دراسات عليا فى انواع اللحوم

وانتى تقوليلنا انا معنديش فكرة عن الاسعار

دول حتى بيقولوا ان الستات بتهتم بالتفاصيل

اصل انا يا اختى عاملة زيك كده برضه :lol: :

وممكن اشترى الانواع اللى انا عاوزاها من غير ما اعرف مين بكام وليه

يالا مش كفاية علينا توضيبه

نورتى يا قمر وكلنا نتفهم ونعذرك لغيباك بس بعد الامتحان

اوعى تروحى كده ........ ولا كده

متابعين اخبارك

يا أرورا أنا آخر واحد ممكن يفتكر أسعار ، بس عشان الأمانة بس ، وانا في لورانس ماركت ، ونو فريلز و وولمارت وسيف واي كنت باحاول أصوّر كل حاجة بريزوليوشن عالي عشان وانا قاعد على رواقة أقدر أفتكر الأسعار ، وتتخيّلوا الحياة ماشية ازاي هناك. أصبري وهتشوفي بنفسك في الصور.

أعزائنا دكتور تهامي وسوسو

أسعدتونا

متاااااابعين وفي انتظار المزيد

ربنا يباركلكم في صحتكم وعائلاتكم يارب

ربنا يخليكي يا جاية (هوه ده ينفع إسم برضه؟)

ويا رب تفضلي معانا في المنتدى ، وما تروحيش مع اللي راحوا في المغارات ، ونسيوا بيتهم الكبير.

د/ تهامى طمنا عنك بقالك كتير مش بتدخل المحاورات إنت فين

يارب تكون إنت و المدام والأهل جميعا بخير

والله يا اسكندرانية ، الجزء اللي عليه الدور مش جاهز ، ومفيش حاجة تشجّع الواحد يدخل يكتب حاجة ، كفاية الإحساس إن الدنيا بقت فاضية هِوّ! :lol:

وشكراً على سؤالك wst::

[moheltohamy]

دكتور تووو

اية العظمة دي، واضح ان القريحه كانت متجليه خالص من اروع حلقات الهاند اوفر واكثرها معلومات، انت عارف انا وصديقاتي المهاجرات (اللي هما عارفين نفسهم :D ) بعد هذوه الحلقات بنعمل وورك شوب ونتناقش في حيثيات الهاند اوفر

حقيقي استمتعت واستفدت بكل حرف في الحلقة ....بس انت قولتلي كنت بتشتغل اية قبل كده؟ bv:-

هييييه... نعمل إيه بس؟ بنتعب :lol:

بس هوه إنتي الشارع بتاعك كله مهاجرات؟! حسستيني إنك ساكنة في كوم الشقافة ، والكل عاوز يطفش منها :P

أنا باهزر طبعاً... إنتي شرفتيني يا سبانيش بوجودك wst::

اخبار طازه ياجماعه احب اشارككم فيها

من هنا .... ومن هذا المنبر المحترم ....... ومن قهوتنا المفضله قهوة المعلم تهامي كالعاده

أحب أعلن لكم الأخبار الحلوه

الفيزا وصلت الحمدلله :happy:

وهانصيف في مسيساجا السنه دي ياجدعاااان

أشكر ربنا أولا، واشكر مشرفنا الفاضل الذي لا يبخل أبدا بمعلوماته جزاه الله وعائلته كل الخير

أشكر كل الزملاء وأتمنى لكم جميعا كل التوفيق والنجاح فيما تسعون وتخططون له بإذن الله ، خصوصا صديقاتي المهاجرات (اللي هما عارفين نفسهم برضه ) :P

ياجماعه دكتور تهامي م الآخر مخلاش حاجه في نفسنا، كل المعلومات الأساسيه والمهمه نقلها لنا، لكن الأهم انه نقلها بطريقته الأستاذه المميزه الوافيه حقيقي كلام رائع ومجهود يشكر جدا عليه

ألف شكر يافندم ومتحرمناش من مداخلاتك التي ننتظرها دائما

ألف مبروك يا فندم ، ولو إن كان المفروض تحكي الحدوتة من أولها زي ما كل الناس بتعمل هنا... دي سُنّة حسنة يا فندم ، وهتاخدي ثوابها.

بس هيّه إيه حكاية ميسيسوجا الـ تييييت دي اللي الكل فرحان بيها ، والمصريين غاويين يستقروا هناك؟! :lol:

يعني تطلعوا من مصر تروحوا على مصر تانية؟! يا جدعان غيّروا الألوان والأشكال والأماكن حتى شوية... مالها تورونتو البلد يعني؟! :D

والف مبروك مرة تانية ، وبالتوفيق ليكي ولصديقاتك المهاجرات اللي هما عارفين نفسهم برضه! wst::

[moheltohamy]

عايزينك يا حماده تدينا فكره عن الكورسات القصيرة المدة (من اسبوع الى 4 اسابيع بحد اقصى) مثلا و اللي تخليك تاخد ترخيص معين او شهاده معينه في اي مجال عشان تزود فرص الحصول على عمل

يعني فيه كورس سيكيوريتي مثلا اسمه ال BST و ده مدته اسبوع و بعده تمتحن و تاخد رخصة سيكيوريتي كندي قد الدنيا

فيه كمان الفيرست ايد كورس برضه اسبوع تقريبا

ايه تاني ؟

عمنا...

إنتا فين أراضيك دلوقتي؟ في الميدل إيست ولاّ أقصى الويست ، ولاّ محبوس في الشمال الجغرافي؟! wst::

1. أنا اللي أعرفه يا زعيم قلته بخصوص كورسات الـ EMR ودي قلنا مدتها أسبوعين.

2. كورسات الـ First Aids دي ما بتجيبش شغل ، بس بعض الأعمال (زي السيفتي في البترول ، أو مشرفة حضانة ، أو في الجامعة أحياناً) بيشترطوا يكون معاك الكورس ده ، من ضمن المتطلبات الوظيفية ، مش المطلب الأساسي.

3. كورسات السيفتي دي هجص وجر رجل ، وبيقولولك إدفع 250 دولار وهنعيّنك ، وكلّه هجص ، الشغل اللي بجد هيدولك الكورس التدريبي ده منهم لنفسهم ، ومن غير ما يطلبوا منك تدفع فلوس خالص!

4. بالنسبة للـ IT... فيه كورس الـ A Plus ، وفيه كمان الـ Network Plus. الكورس الأولاني ده لو أخدته ، ده بيعلّمك صيانة الهاردوير للكمبيوتر ، وده بيديلك فرصة تشتغل في فيوتشر شوب تقريباً بـ 15 دولار للساعة مثلاً. بس المشكلة إنك ممكن جداً ما تتعينش بدوام كامل Full time ، ويدولك بس عدد من الساعات أسبوعياً حسب احتياجاتهم.

التفاصيل لسّه ما دعبستش فيها الصراحة.

5. كورسات تكميلية بقى بتاخدها زي كورسات قيادة النقل الثقيل ، وده بياخد له 2-3 أسابيع ، وتكلفته 1500 دولار ، والدور والباقي عليك تنجح وتاخد رخصة سواقة النقل. ولو أخدتها ، الشغل للركب ، وبيبدأ بـ 15 دولار للساعة ، وبيزيد لـ 30 دولار للساعة ، وممكن أعلى مع الوقت والخبرة ، والمسافات الطويلة لو بتاخد نقلات لأمريكا مثلاً. بس دي حدوتة تانية لوحدها.

أممممم... إيه تاني؟ مش فاكر الصراحة... لو افتكرت حاجة هابقى أقولها.

بالمناسبة صحيح... المعلومات الخاصة بكل كورس من اللي فاتوا دول ، جايبها من ناس شغالين في المجال (سيكيوريتي ، نقل ، صيانة ، ... إلخ)، مش فتوى من عندي يعني... :lol:

[MZohairy]

عايزينك يا حماده تدينا فكره عن الكورسات القصيرة المدة (من اسبوع الى 4 اسابيع بحد اقصى) مثلا و اللي تخليك تاخد ترخيص معين او شهاده معينه في اي مجال عشان تزود فرص الحصول على عمل

يعني فيه كورس سيكيوريتي مثلا اسمه ال BST و ده مدته اسبوع و بعده تمتحن و تاخد رخصة سيكيوريتي كندي قد الدنيا

فيه كمان الفيرست ايد كورس برضه اسبوع تقريبا

ايه تاني ؟

عمنا...

إنتا فين أراضيك دلوقتي؟ في الميدل إيست ولاّ أقصى الويست ، ولاّ محبوس في الشمال الجغرافي؟! :happy:

انا في فانكوفر يا معلمي و لمدة اسبوع بحد اقصى و رايح للميدل تاني لمدة 4 شهور بالكتير

1. أنا اللي أعرفه يا زعيم قلته بخصوص كورسات الـ EMR ودي قلنا مدتها أسبوعين.

طيب ماعندكش لينكات الواحد يعرف منها الاماكن اللي بتدي الكورسات دي؟

و ممكن اللي معاه الكورس ده يشتغل بكام الساعه؟

2. كورسات الـ First Aids دي ما بتجيبش شغل ، بس بعض الأعمال (زي السيفتي في البترول ، أو مشرفة حضانة ، أو في الجامعة أحياناً) بيشترطوا يكون معاك الكورس ده ، من ضمن المتطلبات الوظيفية ، مش المطلب الأساسي.

كلامك صح جدا

3. كورسات السيفتي دي هجص وجر رجل ، وبيقولولك إدفع 250 دولار وهنعيّنك ، وكلّه هجص ، الشغل اللي بجد هيدولك الكورس التدريبي ده منهم لنفسهم ، ومن غير ما يطلبوا منك تدفع فلوس خالص!

و الله يا حماده اعرف كذا واحد خدوا الكورس و طلعوا الرخصه و بيشتغلوا من 15 دولار عشان ممنوع دلوقتي سيكيورتي يشتغل من غير الكورس ده ..اوبليجاتوري يعني

5. كورسات تكميلية بقى بتاخدها زي كورسات قيادة النقل الثقيل ، وده بياخد له 2-3 أسابيع ، وتكلفته 1500 دولار ، والدور والباقي عليك تنجح وتاخد رخصة سواقة النقل. ولو أخدتها ، الشغل للركب ، وبيبدأ بـ 15 دولار للساعة ، وبيزيد لـ 30 دولار للساعة ، وممكن أعلى مع الوقت والخبرة ، والمسافات الطويلة لو بتاخد نقلات لأمريكا مثلاً. بس دي حدوتة تانية لوحدها.

مشكلة النقل التقيل انك عشان تطلع الرخصه لازم حاجه من الاتنين عشان تبتدي

يا إما يكون معاك رخصه كنديه من 3 سنين على الاقل و الريكورد بتاعك نضيف

او تجيب شهاده من مرور مصر بإنك معاليكش مخالفات او قضايا مروريه (ابستراكت) و دي مش عارف تتعمل ازاي؟ اوعى تقوللي من المجمع :lol:

... wst::

[moheltohamy]

ندخل بقى على شوية الصور بتوع الأكل... نبدأهم بالخضار والفاكهة...

نبدأ بشوية صور أخدتهم في فرع لنو فريلز...

شايفين الواد ده اللي بيرُص الخُضار؟ عمل لي مشكلة فيما بعد!

واخدين بالكم من الرشاشات اللي شغالة فوق الخضروات عشان ما تدبلش؟

الواد وهوّه جاي يقوللي إنتا بتعمل إيه يا أستاذ؟ والتصوير ممنوع وكده...

ما عبّرتوش... راح ندهلي المدير بتاع الشِفت ، وجالي الراجل وقاللي إيه الحكاية؟ قلتله أنا معجب بطريقة عرض الخضروات ، وليّا أصحابي في مصر طلبوا مني أورّيهم الصور دي. و وريته الصور اللي أخدتها. الراجل بكل أدب قاللي معلش مش هينفع تصوّر تاني عشان المحل ده ملكية خاصة ، مش حاجة حكومية ، ومش مسموح فيه بالتصوير ، ممكن تروح فرع تاني لنو فريلز وتصوّر هناك لو محدّش كلّمك.

وقلتله: طيب فيه أي مشكلة أحتفظ بالصور اللي صوّرتها؟ قاللي لا خالص... مفيش مشاكل.

عشان تعرفوا قد إيه الواحد بيتعب عشانكو يا ولاد :lol:

الصورة دي بقى أخدتها بالموبايل ، بعد ما المدير سابني ، سرقة كده قبل ما أمشي wst::

[moheltohamy]

صور تانية للخضروات والفاكهة في لورانس ماركت في الداون تاون تورونتو ، ودول ما بيزعلوش خالص من التصوير! ساعات باحس إنه من الذوق أستأذن قبل ما أصوّر ، بالاقيهم بيرحبوا ، وفيه اللي يقوللي طب هتدفع كام قبل ما تصوّر؟ وفيه اللي يشاور من بعيد عشان يطلع في الصورة... ناس زي العسل الصراحة. يمكن عشان سانت لورانس ماركت ده في الداون تاون ، ومنطقة سياحية وكدهوت!

الراجل اللي في الصورة اللي فوق دي كان ودود جداً ، ولما عرف إني من مصر ، قاللي أنا ليا واحد صاحبي من مصر ، وإسمه لطفي...

قلتله على فكرة ، فيه نوع أحذية كويس جداً بنفس الإسم... فرح أوي بالمعلومة دي.

قمت قايل له ، بس أحذية رخيصة ، مش اللي هيه يعني wst::

الصورة اللي فاتت دي فيها الكام نوع مانجة المعوّقين اللي حيلتهم في كندا... آه يا عويسي! :lol:

[moheltohamy]

تابع... باقي صور الخضار والفاكهة في لورانس ماركت...

[اسكندرانيةكنداوية]

أنا لقيت الكمبيوتر بينور ويطفى و يتنطط :waving: قلت أشوف اية الموضوع ألاقى د/ تهامى بذات نفسه منور القهوة وعلى الهواء مباشرة :110:

نورت مكانك يا فندم وإرجع إنت بس بحماس و حتشوف القهوة حتتملى زباين إزاى :gather: أنا حاقول لصاحباتى المهاجرات اللى عارفين نفسهم دلوقت على طول

صور هايلة وإن شاء الله حاكون منافس لسيادتك بمساعدة سيادتك طبعا بس توصل الكاميرا أصلها وصلت السعودية من 6 أيام بس مش عارفة لها طريق جرة :cry1: إدعى لى توصل بالسلامة :)

نورتنا يا كبير و ما تحرمناش منك

[moheltohamy]

وما زلنا مع الخضار والفاكهة بتوع لورانس ماركت... هاهريكوا أنا :)

حد شاف طماطم صفرا قبل كده؟

وأكواز الدرة اللي حبوبها ملونة دي...

وآدي القرنبيط أبو ألوان ، ولو ركزتوا ورا شوية ، هتلاقوا البطاطس البنفسجي:

[Pharmaher]

ياه يا دكتور تهامي

والله و رجعت ايامك يا هاند اوفرز

انما ايه حكاية الالوان دي

يعني اللون محتلف بس ولا الطعم برضه مختلف؟؟ :) :gather:

ملاحظة ع السريع كده للاخ زهيري اللي سأل على مواقع الكورسات

التهامي باشا كان كتبها كلها في هاند اوفر سابق ( شكلك مش بتذاكر من مغامرات التهامي :waving: )

هنا http://www.egyptiantalks.org/invb/?showtop...273&st=1245