كندا التي رأيتها :)

[MZohairy]

يا عم اخرج من سوق الخضار ده و شاورلي على صفحة ال EMR

فين الصفحه اللي فيها التفاصيل؟

[Nassarlink]

انا مش مصدق اللي عيني سامعاه ده

ولا اللي ودني شايفاه

حد يفوقني يا جماعه ويدش بصلتين من الصور اللي فوق دي ويشممني

تهامي و سوسو في طلعه واحده

يا جماعه ما قولنا بصلتين ولو ان البصل الاحمر اللي في الصور دي شبه الجميز الي كنت بجيبه من فوق الشجره بتاعت الجيران

طبعا انا كنت بطلع الشجره بحجة الجميز لكن كان في سبب تاني محدش عارفه غير ابو جارتنا

ربنا يسامحه بقي

كان بيحبني قوي :blink:

تم تعديل 11 مايو 2010 بواسطة Nassarlink

[زعلان]

حلو قوي سوق الخضار الي فتحتوه في المنتدى ده مبروك يا زهيري

[moheltohamy]

تكملة سوق الخضار يا ولاد...

والبطيخ اللي من غير بذر...

فاكرين لما اتكلّمنا ع الـ Horned Melon؟ آهو البتاع اللي ورا المانجة على طول ؛ هورند آهوه ، وشكله مغري... أوعوا حد يجيبه! إلاّ طبعاً لو عاوز ياكل قتة!

خضار مشكّل آهوه ، من ريحة مصر ، وده كان في سوبر ماركت أرز اللبناني الحرامي!

واخدة بالك يا سوسو من أكياس الخضار اللي ع اليمين؟! :blink:

بس محدّش يشتري من هناك غير الحاجات اللي مالهاش وجود في الهايبر ماركتس الكندية!

وكده تقريباً خلصت مجموعة الصور بتاعة الخضار والفاكهة...

هندخل ع الآيتم اللي بعده ؛ الـ... آمممممم ، نقول الأجبان وباقي أصناف البقالة...

خدوا نفَسْكم شوية ، على ما أرفعهم ع الإيميدج هوستنج سايت :blink:

[qenawy]

يا زعامة منور

بخصوص التعليق علي قسم اللحوم والحاجات دي

احب اقولك يحياالفول بالزيت الحار

ماليش في اللحوم اللي علي شكل ادوية واصناف عجيبة دي

ولا اعتقد انه ساياتي اليوم الذي ستتفتح نفسي علي اكلها

عالم مفترية قتلة للحيوانات الابرياء

خد فترة نباتي بجد حفاظا علي مشاعر الحيوانات

وانتهت الفترة بانيميا ورجعت اكل قليل جدا لحوم

لذلك اللحوم بدون تعليق

الخضار بتعليق واحد

ان احنا الموز والمانجة و البلح عندنا ببلاش فعليا نتيجة لزراعتهم

كمل يا زعامة وانا معكم  

[اغابي]

ميرسي يا دكتور

مجهود رائع ........ :blink:

ايه داه - ايه الالوانات الجميلة دى

بصل واناناس وبطيخ وقرنبيط وفلفل

طب انا جعانة يا دكتور تهامى

- ارميلى حاجة اكلها - ربنا يعوضك خير - طب واحدة كيوى - طب طماطم اصفرا بلاش احمرون - :sad: اى حاجة

تحياتى للجميع

اغابي

:blink:

[hamedebrahim]

وحشتنا بجد يا دكتور محمد،والف حمدا على السلامة

منور

[Spanish Eyes]

دكتور تووو

اية العظمة دي، واضح ان القريحه كانت متجليه خالص من اروع حلقات الهاند اوفر واكثرها معلومات، انت عارف انا وصديقاتي المهاجرات (اللي هما عارفين نفسهم :lol: ) بعد هذوه الحلقات بنعمل وورك شوب ونتناقش في حيثيات الهاند اوفر

حقيقي استمتعت واستفدت بكل حرف في الحلقة ....بس انت قولتلي كنت بتشتغل اية قبل كده]

هييييه... نعمل إيه بس؟ بنتعب :

بس هوه إنتي الشارع بتاعك كله مهاجرات؟! حسستيني إنك ساكنة في كوم الشقافة ، والكل عاوز يطفش منها :lol:

أنا باهزر طبعاً... إنتي شرفتيني يا سبانيش بوجودك :

اخبار طازه ياجماعه احب اشارككم فيها

من هنا .... ومن هذا المنبر المحترم ....... ومن قهوتنا المفضله قهوة المعلم تهامي كالعاده

أحب أعلن لكم الأخبار الحلوه

الفيزا وصلت الحمدلله :

وهانصيف في مسيساجا السنه دي ياجدعاااان

أشكر ربنا أولا، واشكر مشرفنا الفاضل الذي لا يبخل أبدا بمعلوماته جزاه الله وعائلته كل الخير

أشكر كل الزملاء وأتمنى لكم جميعا كل التوفيق والنجاح فيما تسعون وتخططون له بإذن الله ، خصوصا صديقاتي المهاجرات (اللي هما عارفين نفسهم برضه )

ياجماعه دكتور تهامي م الآخر مخلاش حاجه في نفسنا، كل المعلومات الأساسيه والمهمه نقلها لنا، لكن الأهم انه نقلها بطريقته الأستاذه المميزه الوافيه حقيقي كلام رائع ومجهود يشكر جدا عليه

ألف شكر يافندم ومتحرمناش من مداخلاتك التي ننتظرها دائما

ألف مبروك يا فندم ، ولو إن كان المفروض تحكي الحدوتة من أولها زي ما كل الناس بتعمل هنا... دي سُنّة حسنة يا فندم ، وهتاخدي ثوابها.

بس هيّه إيه حكاية ميسيسوجا الـ تييييت دي اللي الكل فرحان بيها ، والمصريين غاويين يستقروا هناك؟! :

يعني تطلعوا من مصر تروحوا على مصر تانية؟! يا جدعان غيّروا الألوان والأشكال والأماكن حتى شوية... مالها تورونتو البلد يعني؟! :

والف مبروك مرة تانية ، وبالتوفيق ليكي ولصديقاتك المهاجرات اللي هما عارفين نفسهم برضه!

كووووووووم اية ؟؟؟ سبانش هانم من كوم الشقافه

اقولك اية ما هو انت مش اسكندراني فينك يا شامي تسمع الابراهيمية بقيت كوم الشقافة

لأ وكمان بتعايب في مسيساجا .....فينك يا زناتي كنت قلتله الادب مسيساجا الزوق مسيساجا

هو انت عشان ربنا خضرك تستقوى على الناس يا توو

انا حكشف راسي وادعي عليك تروح مسيساجا تلمس سكوير ون وترجع تاني عشان تخف

آه صحيح كنت حنسي الصور مش بطاله بس هو يعني الزوم والبيكسل بتاع الكاميرا بتاعتك مش قد كده قولتلي الكاميرا بتاعتك حمرا ومحندقة؟

[صـــــقـــــر]

عود أحمد والله يادكنور محمد

انا دخلت القهوة بتاعك من شهر تقريبا ولسة خارج منها النهاردة كنت عامل فيها اعتكاف مع ان توجهاتى مش كندا انا توجهاتى القارة الاسترالية بكنجروتها بباباغنوجها :lol: ويارب تتوب علينا من السعودية

بس حقيقى اتسمتعت جدا والله مش عايز اقولك كنت بعمل ايه على ماخلصت 122 صفحة :lol:

تسلم ايدك بجد مجهود رائع واسلوب اروع بجد والله الموضوع ده ينفع تعمل كتاب من أدب الرحلات بنفس العنوان هيتوزع هوا ياريت تفكر فى الموضوع

وعلى فكرة احنا بلديات من المنصورة وياريت نبقى بلديات فى استراليا :lol: tohamyقول ءامين

[yassergaafar]

:lol: :lol: :lol: :lol: :lol: :lol: :wub: :wub:

إالى الباشا الكبير الأستاذ الدكتور / محمد سعد التهامى

أستاذ و رئيس قسم و عميد و رئيس جامعة الكنادوه

و رحمة أمى بحبك و بموووت فيك

و ربنا يخليك لينا

أنا لما ليقيتك منور النت كله من فرحتى عاوظ أعيط

أخيك الصغير

د / ياسر جعفر (طبيب أسنان بالأسكندرية و كناداوى على ما تفرج)

[EmanRasmy]

بجد تسلم ايدك يا عمنا :unsure: ... بس فعلا أنت جوعتنا أوي .... ايه الخضار الفظيعه دي؟!... ده الواحد حاسس انها لسه جايه من الغيط اللحظه دي.. شكلها فريش آخر حاجه... كويس كده اطمنا على مستقبلنا ان شاء الله :FN:

و بعدين يا ست اسبانيش هااااااااااااااانم.... د. تو ما يقصدش يا أختشي... و اللي ما يعرفك يجهلك.... ده الاسكندرانيه و البورسعيديه و الصعايده و بتوع المنصوره أجدع نااااااااااااس

و يا ريت سيادك زي ما بتلفلفي في المحاورات هنا .. ترجعي الى قواعدك سالمه ... الى محاورتنا النسويه.. بدل ما انت سايبه صاحباتنا اللي كل واحده عارفه نفسها في الليله دي.. و قاعدين نلف في القهاوي.. و نلف و نلف ... و نناااااااااااادي .. يا بت يا اسبانيش ردي علينا... و اللي تقول دي مكتئبه و اللي تقول طفشاااانه.. و انا قلت اكيد هلاقيكي مستخبيه ف قهوة أخونا تو :sofa: ...

اخرجي بقى .. محدش هيضربك :wub:

.. ده وعد :wub:

[Spanish Eyes]

يعني يا ايمو يرضيكي يا اختشي الاخضر اكمنه اخضر يقول علينا كده؟ اكمننا غلابه ومكسورين الجناح :unsure:

برضه الصور مش بطاله بس هو لو يجيب كاميرا حلوه شوية كانت الصور تبقى احسن من كده بكتير :wub:

[EmanRasmy]

مااااااااااشي يا عم اسبانيش... انتي خلاص عدت معاكي... بقى عشان جبتي كاميرا مش عارف ايه و حركات و بتاع قاعده تتنططي علينا ... اللي علي علي يا باشا... أنا لسه مش عارفه اختار كاميرا لحد دلوقتي .. كان عندي واحده بس بصراحه بعد الصور الفظيعه اللي شوفتها هنا .. خلاص رميتها للعيال يلعبوا بيها...

يا د. تووووووووووووو يا مدلعنا ... :wub:

أنا لسه شايفه مداخلة اللحمه و الكلااااااااام الكبير ده .. بجد انت متألق يا د.تو .. و ربنا ما يحرمنا من هاندأوفاراتك... أنا صحيح كان بقالي كتير ما بدخلش هنا من يوم الخناقه اياها... و إذ فجأتن لقيت التنظيم بتاعتنا مولع..( واخده بالك يا اللي ف بالي).... و ما لهوش سيره غير اللحمه و الخضار بتوع تو .. قلت ادخل بقى و ارمي التماسي و اشوف بعيني.. و بجد لقيت ما يسرني ..... بجد ميرسي يا دكتره ..و احلى حاجه انك مهتم بالتفاصيل الصغيره اللي انا شخصيا بحبها جدا

و ميرسي لكل عضوات التنظيم الكنادوه المستقبليين.. اللي جابولي آخر الأخبار :unsure:

[moheltohamy]

أنا لقيت الكمبيوتر بينور ويطفى و يتنطط قلت أشوف اية الموضوع ألاقى د/ تهامى بذات نفسه منور القهوة وعلى الهواء مباشرة

نورت مكانك يا فندم وإرجع إنت بس بحماس و حتشوف القهوة حتتملى زباين إزاى أنا حاقول لصاحباتى المهاجرات اللى عارفين نفسهم دلوقت على طول

صور هايلة وإن شاء الله حاكون منافس لسيادتك بمساعدة سيادتك طبعا بس توصل الكاميرا أصلها وصلت السعودية من 6 أيام بس مش عارفة لها طريق جرة :cry1: إدعى لى توصل بالسلامة

نورتنا يا كبير و ما تحرمناش منك wst::

يا فندم ربنا يخليكي بجد ، وما نتحرمش من حسّك معانا ، والقهوة منوّرة بالناس اللي بتفهم وتقدّر العلم والعلماء ، والخبرة العلمية المعملية الفذة :lol: (مش زي ناس عاملين زي القطط wst:: )

وعقبال يا رب ما نبارك لك على وصول العروسة اللي مش حمرا :D

ياه يا دكتور تهامي

والله و رجعت ايامك يا هاند اوفرز

انما ايه حكاية الالوان دي

يعني اللون محتلف بس ولا الطعم برضه مختلف؟؟

ملاحظة ع السريع كده للاخ زهيري اللي سأل على مواقع الكورسات

التهامي باشا كان كتبها كلها في هاند اوفر سابق ( شكلك مش بتذاكر من مغامرات التهامي )

هنا http://www.egyptiantalks.org/invb/?showtop...273&st=1245

يا باشا فيه دايماً هاند أوفر... ودايماً هنلاقي حاجة نتناقش ونحكي فيها... هوّه الكلام عمره بيخلص؟ :happy:

وبالنسبة لحكاية الألوان... الكدب خيبة wst::

أنا الألوان دي جربتها بس في الفلفل الرومي ، وطبعأً الطعم بيختلف ما بين الأخضر العادي والأصفر على سبيل المثال.

بس الخضروات اللي هناك ، زي الفاصوليا الصفرا ، والطماطم الصفرا ، وكده يعني أنا ما جربتهومش... آخري باشتري أكياس خضار مشكل مجمّدة ونطبخهم ع الجاهز! هوّه أنا فيّا دماغ يا عم الحاج نقطّع فاصوليا والهجايص دي؟

وبالنسبة للقرنبيط فأنا باكرهه أصلاً وما باطيقش منظره من وانا آاااد كيداهوه!

[moheltohamy]

انا مش مصدق اللي عيني سامعاه ده

ولا اللي ودني شايفاه

حد يفوقني يا جماعه ويدش بصلتين من الصور اللي فوق دي ويشممني

تهامي و سوسو في طلعه واحده

يا جماعه ما قولنا بصلتين ولو ان البصل الاحمر اللي في الصور دي شبه الجميز الي كنت بجيبه من فوق الشجره بتاعت الجيران

طبعا انا كنت بطلع الشجره بحجة الجميز لكن كان في سبب تاني محدش عارفه غير ابو جارتنا

ربنا يسامحه بقي

كان بيحبني قوي wst::

مساء الفل يا عم نصّار :lol:

تصدق إنك والله ابن نكتة wst::

أنا ممكن أعز أبو جارتنا أوي ، بس توصل للجميز؟ لا مونكن أبداً!

وبالنسبة لسوسو ، فهي من ساعة ما خدت المذكرات اللي تسرّبت لاخوك عبر أطراف سرية ، وهيّه ضربت غطس ، وخافت على نفسها!

نوّرت التوبيك تاني يا جميل ، وما تقطعش الزيارات :happy:

[Salwa]

والناس اللي آثرت السلامة آثرتها ليه؟ اللي أقدر أقوله إننا هنا بنكتب لبعض ، محدّش ماسك عصاية لحد في الوقت الحالي. كون إن الناس لسّه مقموصين ، يبقى خلاص زي ما يحبوا. مفيش مجال للإجبار.

بس أنا بجد يؤلمني نسيب المكان اللي اتعوّدنا عليه ، وعرفنا بعض عليه ، وكل الهيستوري بتاعنا عليه ، خصوصاً إن الموقف اللي حصل كان موقف عرضي وانتهى

:lol: wst:: wst::

:happy:

[precanadian]

تكملة سوق الخضار يا ولاد...

وكده تقريباً خلصت مجموعة الصور بتاعة الخضار والفاكهة...

هندخل ع الآيتم اللي بعده ؛ الـ... آمممممم ، نقول الأجبان وباقي أصناف البقالة...

خدوا نفَسْكم شوية ، على ما أرفعهم ع الإيميدج هوستنج سايت

الله ينور عليك يا كابتشن

الحقيقه يا مستر تي مجهود غير عادي بتعمله في موضوع الشوبينج دوت.

وبجد انا مشفتش الخضار الالوان ده في وست منستر نفسها

لكن شكل المحل الاولاني الي اسمه نوفربل احسن .. والا رايك ايه

بس بجد هو مفيش منجا الا قلب العجل دي بس في كندا ... معقوله ياراجال مفيش منجا باكستاني . او مكسيكي حتى :lol:

واللي لفت نظري كمان ان الخس عندهم تعبان والخيار مبعجر wst:: wst::

سيبك انت مفيش احسن من سوق ستوته :happy: :cry1:

[/font]]

تم تعديل 12 مايو 2010 بواسطة precanadian

[مازن أطرش]

تشكر يا دكتور على المجهود الجميل ده ..بجد أنا بتمنى الناس تكتب هنا وهناك ..كلنا أخوة ..واكيد بيوتنا كلها مفتوحة للجميع ..

[moheltohamy]

حلو قوي سوق الخضار الي فتحتوه في المنتدى ده مبروك يا زهيري

وعليكم السلام يا فندم :lol:

يا زعامة منور

بخصوص التعليق علي قسم اللحوم والحاجات دي

احب اقولك يحياالفول بالزيت الحار

ماليش في اللحوم اللي علي شكل ادوية واصناف عجيبة دي

ولا اعتقد انه ساياتي اليوم الذي ستتفتح نفسي علي اكلها

عالم مفترية قتلة للحيوانات الابرياء

خد فترة نباتي بجد حفاظا علي مشاعر الحيوانات

وانتهت الفترة بانيميا ورجعت اكل قليل جدا لحوم

لذلك اللحوم بدون تعليق

الخضار بتعليق واحد

ان احنا الموز والمانجة و البلح عندنا ببلاش فعليا نتيجة لزراعتهم

كمل يا زعامة وانا معكم

طيب مسيرك تقرا تعليقي على ردك ده في الجزء الجاي م الهاند أوفر.

بس حكاية النباتيين دي... لا يا عم ، الله الغني! أكلت وجبة نباتي على الطيارة وانا رايح كندا المرة اللي فاتت ، الأكل بصراحة ما لوش أي معنى ولا طعم!

نبقى نحكي الحكاية دي بعدين!

بس لما نشوفك في كندا ، ونروح معاك مطاعمها ، ونشوفك هتعمل إيه قدّام الأكل اللي هناك wst::

وحشتنا بجد يا دكتور محمد،والف حمدا على السلامة

منور

ربنا يخليك يا باشا ، والله يسلّمك :lol:

[ehabtaher]

ازيك يا دوك عامل ايه حاليا

وانت فين فى الخليج والا الثليج معلهش انا مش متابع اوى

لكن بس سؤال .. هو مين اثر السلامه.. هو فيه ضرب والا ايه