كندا التي رأيتها :)

[dcfarouk]

السلام عليكم

الواحد منبهر من المجهود الجبار اللي حضرتك بتعمله والله انا مبسوط بحضرتك جدا ربنا يكرمك واحسبك علي خير باذن الله

كان فيه حاجه كنت عاوز حضرتك تبقي تاخد بالك منها وانت بتعمل موضوع الجبن

انا باذن الله بجهز الجزء بتاع الاكل الحلال في كندا كفقره في موضوع النهل الجميل والله المستعان بس وانا بدور لقيت ان موضوع المنفحه ممكن تتعمل من الخنزير

ياريت حضرتك تبقي توضح الجزء بتاع اعرف ان الجبن ده معمول بمنفحه خنزير ولا لا لانه لو مش معمول بيها يبقي حلال باذن الله حتي لو حيوان مش مدبوح اسلامي وده باذن الله هبقي اوضحه بالفتاوي من العلماء في موضوعي بالتفصيل

بس اللي انا مش عارفه ازاي اعرف انه فيه منفحه خنزير ولا لا

وشكرا

[وسيمو]

ماشاء الله الناس الحلوة كلها متجمعة هنا وانا بدور عليها :lol:

[ehabtaher]

على فكره الحته دى عايزه توضيح

يعنى المحرم هو لحم الخنزير ومشتقاته للاكل والا للاستعمال

يعنى احنا ممكن نستعمل صمامات القلب من الخنازير (سابقا) لم يذكر احد على حد معلوماتى انهم ممكن يكونوا حرام

طيب اذا استعملنا شعره او جلده فى شنطه هل تقع تحت الحرمانيه

هل الخنزير حرام فى مجمله ام فى اجزاء معينه فقط حد يجيبلينا موضوع مفصل عن الخنزير لانه اكيد حايهم المسلمين اللى مهاجرين

[أكسيلانس]

صباح الخير يا زعيم

ألحقيقه أنت خيرك علينا كبير - و مش عارف نرد أزاي - كنت عاوز أصورلك سوق الاتنين و لا التلات - أو الخميس - أو نخليه سوق الجمعه بتاع مصر القديمه علشان نعرف الناس أن أحنا عندنا فلكلور محصلش في الاسواق برده - لكن قلت أخلي الطابق مستور

يا ريت يا دكتور تعلمنا حلقه بالصور عن الاماكن العامه - الموصلات - المترو - القطارت - و حتي المستشفيات كلها أيه و كيفيه التعامل فيها

كنت قرأت في أكتر من مداخله لزملاء بكندا عن أن الخدمه الطبيه سيئه جدا و أن الانتظار للكشف عند الطبي قد يستغرق ساعات و لو كان أستشاري يبقي بالحجز لمده أيام أأسابيع يا تري عندك فكره عن القصه ديه

خالص تحياتي

و نهارك سعيد

[somayasaleh]

لا....لا......لا......مين اللي بيعيب علي مسيساجا هنا :blush2: :ninja: :lol:

ده الادب مسيساجا......والذوق مسيساجا.....والجمال مسيساجا..........ده كفاية السواقة في شارع مسيساجا

صحيح انتو عندكم شارع لورانس في تورونتو.....بس....اش جاب لجاب يا دكتور تو باشا :lol:

يا بنات المحاورات........ما تسمعوش كلام اخونا الاخضر دكتور تووووووووو

كلنا علي مسيساجا يا بنات bk:

انت كده استفزتني يا تو يا اخويا....وح تخليني انزل بتقلي معاك في موضوع الشوبنج ده.....بس خلي بالك.....ح يكون في مسيساجا برضه :lol:

[somayasaleh]

صباح الخير يا زعيم

ألحقيقه أنت خيرك علينا كبير - و مش عارف نرد أزاي - كنت عاوز أصورلك سوق الاتنين و لا التلات - أو الخميس - أو نخليه سوق الجمعه بتاع مصر القديمه علشان نعرف الناس أن أحنا عندنا فلكلور محصلش في الاسواق برده - لكن قلت أخلي الطابق مستور

يا ريت يا دكتور تعلمنا حلقه بالصور عن الاماكن العامه - الموصلات - المترو - القطارت - و حتي المستشفيات كلها أيه و كيفيه التعامل فيها

كنت قرأت في أكتر من مداخله لزملاء بكندا عن أن الخدمه الطبيه سيئه جدا و أن الانتظار للكشف عند الطبي قد يستغرق ساعات و لو كان أستشاري يبقي بالحجز لمده أيام أأسابيع يا تري عندك فكره عن القصه ديه

خالص تحياتي

و نهارك سعيد

اكسلانس باشا......

طب كنت اسالني.. :lol: ..وانا ازيدك من الشعر بيت

الخدمة الطبية مش سيئة بالمعني المتعارف به.....بس هو وقت الانتظار اللي كتير شوية

بس في النهاية ....مفيش مقارنة بين مصر ،،،،،،وكندا طبعا من الناحية الصحية :ninja:

اخويا كان عنده موعد الساعة الرابعة عصرا في العيادة ....هو طبعا عارف الانتظار....قال لنا روحوا انتم واتغدوا....واتعشوا....ولما اخلص ح اكلمكم تيجوا تاخدوني :blush2:

بس المحصلة النهائية ....انه افضل من مصر....بس لو ح نتكلم عن الخليج او اوروبا( من وجهة نظري الشخصية)....يكسبوا الف مرة......مستشفيات الخليج علي اعلي مستوي من التكنولوجيا....انا بتكلم بحكم عملي في مجال الاجهزة الطبية.....وكذلك التمريض ولا اروع من كده....وكمان الاطباء ...من نخبة اطباء العالم كله....بس علي شرط يكون التامين الصحي مشمول في عقدك.

نهاركم سكر زيادة............ وخضار فريش

تم تعديل 13 مايو 2010 بواسطة somayasaleh

[arora]

لا....لا......لا......مين اللي بيعيب علي مسيساجا هنا :ninja: :lol: :lol:

ده الادب مسيساجا......والذوق مسيساجا.....والجمال مسيساجا..........ده كفاية السواقة في شارع مسيساجا

صحيح انتو عندكم شارع لورانس في تورونتو.....بس....اش جاب لجاب يا دكتور تو باشا :lol:

يا بنات المحاورات........ما تسمعوش كلام اخونا الاخضر دكتور تووووووووو

كلنا علي مسيساجا يا بنات

انت كده استفزتني يا تو يا اخويا....وح تخليني انزل بتقلي معاك في موضوع الشوبنج ده.....بس خلي بالك.....ح يكون في مسيساجا برضه wst::

مدام سمسمة عندنا

يا مرحبا يا مرحبا

ايه النور ده

اكيد ريحة الخضار الطازة والفاكهة اللى تجنن هى اللى جابتك عندنا

دكتور تو بياع شاطر وعرف ينادى على البضاعة بتاعته :lol:

عقبال كل الناس التايهين فى الجبل ما يرد غيبيتهم أمييين B)

جميل قوى سوق الخضار ده يادكتور تهامى :blush2:

بس يارب نقدر نتعود عليه لاننا اتعودنا على الخضار المروى بمياه المجارى

ادمان بقى

bk:

وتحيا بلدنا المحروسة

تحيا بلدنا المحروسة

[moheltohamy]

ميرسي يا دكتور

مجهود رائع ........

ايه داه - ايه الالوانات الجميلة دى

بصل واناناس وبطيخ وقرنبيط وفلفل

طب انا جعانة يا دكتور تهامى

- ارميلى حاجة اكلها - ربنا يعوضك خير - طب واحدة كيوى - طب طماطم اصفرا بلاش احمرون - :lol: اى حاجة

تحياتى للجميع

اغابي

:lol:

مبدئياً يا فندم مرحباً بيكي في التوبيك :)

وعيب أوي مع أول زيارة ليكي في توبيكي المتواضع تقولي أرميلك حاجة تاكليها...

إنتي كده أغريتيني أنزّل صورة الإلك ستيك اللي أكلته مرتين في مطعم في كالجاري...

ألمرة الأولى كانت إبداااع رسمي ، هاحكيلك عليه في الجزء القادم من الهاند أوفر. المرة التانية برضه كانت أستاذة لكن مش بأستذة أول مرة

اتفضلوا جميعاً سمّوا ومدّوا إيديكم...

إليكم جميعاً - بعد أغابي طبعاً - الـ Elk Steak :wub:

وبعد كده يطلعلي زناتي أفندي كعب الغزال يقوللي أكل كندا وحش؟ :blink:

[enjisultan]

هاند أوفر عبر المحيطات رقم 67 (عشان النكسة)*

منه لله كريستوفر كولومبوس هو السبب فى اللى أنا فيه ده...بقلم محمد التهامى...طبيب فى قطاع البترول سابقا...وعاطل حاليا..

الهاند أوفر موجه للشعب اللى هيهاجر عشان مش هقدر أحكى لأحمد مراد...عشان ما يشمتش فيا..

يومياتى...كندا التى عيشتها

الأسبوع الأول:

يااااااااااه...الواحد كان ميت و صحى أخيرن...هنخلص من الميدل إيست و أرفه ونروح نستمتع فى بلاد الأبيض...حيث النضافة

كندا واحشانى موووووت

و البلد توحفة...لسه حلوة فى عينيا...زى ما جيتها من تلات سنين فى اللاندنج...

بس برضه عيشة البراريم هتوحشنى...حيث الأنتخة و التفخيد و المزاج العنب....

إييييييييييه ...صحيح صعب الواحد ينول كل اللى الحاجات الحلوة سوا

بس مش هافتقد الشيفات الهنود و أكلهم ...هدلع نفسى أنا بقى...

وداعا لعالم الخناشير...و أهلا بعالم الشقراوات

نزلت أعمل شوية شوبنج للخفايف ...حاجات للفطار و العشا....و قلت أدلع نفسى شوية بقى

ورحت ضبطت نفسى أجبان ماربل و ريكوتا و براميزان...و بلو تشيز طبعا

و جبت بانز و بيجلز...ولقيت أوفر على إزازة مابل سيروب...قلت أجيبه و أشوف ممكن نجربه إزاى...

الأسبوع التانى:

الخفايف بتاعة الأسبوع اللى فات عملت 300 دولار مستريح...مع لبن نيلسون اللى بحبه جبت كل المذاقات...و زبادى فواكه للدايت

و شوية شيكولاتات بسيطة...مع عصاير ما قدرتش أقاومها لماركة تروبيكانا

فقلت أقلل المشتريات...جبت شوية مخللات و زيتون...وكام علبة فول سيدار يسندوا ع الفطار

الحساب وصل 200 $ ...أهو إنجاز

>>>>>>>>>>>>>>>>>>>>>>>>

الأسبوع التالت:

الفطار فول بس مع بصل أخضر...الجبن خلصت...

وشكلها ما فيش عشا كمان...

حتى السكر خلص...ومش هجيب تانى

.................................

.........................

.................

..........

.....

...

.

لو عجبك أنت و السادة القراء.....

نقول يتبع...

سلام

تعالي يا بتاعة السوفونير بقى... أولاً ، إحنا قلنا بنكتب لله والوطن.

وبتتريقي على هاند أوفراتي سعادتك اللي وصلوا لـ 67 هاند أوفر بيني وبين أحمد مراد وآخرين؟ مااااشي!

نقول بقى المستخبي ، وأنشر هاند أوفر سوسو آر ، أو عشان الدقة ، مذكراتها الشخصية...

------------------------------------------

أونتاريو ترحب بسوسو آر... أمّال كنت هاقول يعني تورونتو إزاي؟ أجيب وش منين أقول إسم المكان اللي أنا ساكنة فيه ، وكلهم ساكنين في البندر ، وأنا ساكنة في الفلاّحين ، بعد ما كنت من ساكني مدينة نصر ، وعاملة فيها بنت الناس الكويّسين! نخليها أونتاريو أحسن ، والمعنى في بطن الشاعر بقى ، وربنا ستّار

هييييه... عدت سنة... ولسّه سامعة أغنية هاني شاكر! يا ترى إيه اللي عملته في نفسي ده؟

كنت بنت آوت جوينج ، من يومي وأنا منطلقة ، ودوّبت شوارع المحروسة ، وياما اتشاقيت بعزيزة مع سواقين الميكروباصات!

دي حتى الكويت ما رحمتهاش ، وكنت مقضياها ولا ليه دعوة بالرادار ولا السرعة ، والبوليس عندهم بيضعف قدام البنات ، وقلبهم بيحن ، وآخرهم (ما تعمليش كده تاني)!

يوصل بيا الحال إني مش عارفة أعدي الميت كيلو؟! ما كانش يومك يا سوسو!

وبعد ما كنت رايحة جاية ، والصيدليات بيتخانقوا عليّا ، آجي هنا أرجع تلميذة بالمريلة ، وماسكة الكُتُبات ، ورايحة الدرس الخصوصي ، والواجب ، وطالع عيني في المذاكرة؟! بعد ما شاب شعري وانا باموّس أيام الكلية عشان التقدير! تبقى دي آخرتها؟ هيّه المذاكرة دي ورانا ورانا ، ومش هنرتاح منها بقى؟!

وحتى المعاكسات اتحرمت منها... كنت في مصر مهرية معاكسات من طوب الأرض ، وأقول مفيش منك يا بنت يا سوسو! برضه المعاكسات دي بتخللي الواحدة مننا منتشية وعاملة دماغ عنب زي بتاعة الوله تهامي!

أروح الكويت ، العملية هديت شوية ، بس من وقت للتاني كنت بالاقي معاكساية ترفع من روحي المعنوية!

آجي هنا ، سوقنا واقف خالص ، وحتى المعاكسة اليتيمة اللي أتعاكسها ، تيجي من سواق نقل ، ويطلع في الآخر شارب وسكران طينة... بعد ما عاكسني لقيته بيعاكس راجل عجوز تاني كان بيعدّي الشارع؟! يعني نرضى بالهم والهم مش راضي بينا؟!

كنت قرفانة من الحر والتراب في مصر ، أروح الكويت أشوف الحر اللي على أصله ، وعواصف الطوز الرملية ، وأترحّم على حر مصر وترابها! قلت أروح أخلص من الحر بجميع أشكاله... ألاقي تلج ؟! هوّه أنا مكتوبلي أتبستر يا ربي؟! من 50 لـ -30؟ حد يعمل في نفسه كده برضه؟!

جوزي يتحايل عليّا في مصر أقعد وأتستت في البيت ، وأقول له أبداً ، المرأة تساوي الرجل ، وكتف الفتى يلامسه كتف الفتاة ، وكل الحركات بتاعة سعاد حسني ومديحة يسري دي! وآجي هنا أقعد ست بيت بين أربع حيطان؟! يا شماتة سي الأستاذ فيكي يا سوسو!

كنت مدمنة قهوة في مصر ، وأروح الكويت أقول لهم في مصر إن عندنا علي كافيه ومحمود كافيه مالهومش زي. آجي هنا وأقول أنا رايحة لبلاد الكافيين ، اللي الناس فيها بياخدوا القهوة IV drip... ألاقي آخرهم نسكافيه المايع ده اللي لا بيعدل الدماغ ولا ليه طعم مع السيجارة ع الصبح؟! وحتى شلة المنتدى باتحايل على كل واحدة جاية تجيبلي معاها كيس قهوة وهادفعلها تمنه ، يقولولي الوزن يا سوسو ما يسمحش!

هاقول إيه ولاّ إيه؟ أقوم أذاكرلي كلمتين أحسن... خليني أتحجج في المنتدى بإني عندي برد ، والبنات عاملين دوشة ومصدّعيني أحسن... بدل ما أتفضح!

:lol:

[hosiny]

إحم ...إحم...

معلش بتنحنح بس عشان أسلك صوتى أصله مش طالع بعد فترة طويلة من الصمت المطبق

هقول كلمتين و ارجع للصمت تانى

يا فندم حمد الله على سلامتك... لما معلّمة كبيرة وصاحبة قهوة تنوّرنا هنا ، يبقى يا مراحب يا مراحب ، الشيشة يا ابني هنا :ninja:

أولا إيه النشاط ده كله؟!! رغم إن كل الأفواه مكممة و طبعا أنت عارف السبب إيه

فيه ناس آثرت السلامة و عدم إضافة رد...

بس أنا هضطر آسفة أرد المرة دى...ملحوظة جانبية مالهاش دعوة بأى حاجة...

مش ملاحظ إن أول مرة تنزل العدد الوهمى ده من حلقات الهاند أوفر...و حسينى ما يظهرش ولا حتى يقول العواف

والله يا ست سوسو إحنا - الدكاترة تهامي يعني - بقينا بنكتب لله وللوطن! إحساسي إني بدأت حدوتة ، ولسّه ما كمّلتهاش. هاعمل اللي عليّا وأكمّلها ، وألمّ خلجاتي وأمشي!

والناس اللي آثرت السلامة آثرتها ليه؟ اللي أقدر أقوله إننا هنا بنكتب لبعض ، محدّش ماسك عصاية لحد في الوقت الحالي. كون إن الناس لسّه مقموصين ، يبقى خلاص زي ما يحبوا. مفيش مجال للإجبار.

بس أنا بجد يؤلمني نسيب المكان اللي اتعوّدنا عليه ، وعرفنا بعض عليه ، وكل الهيستوري بتاعنا عليه ، خصوصاً إن الموقف اللي حصل كان موقف عرضي وانتهى ، ده اللي أقدر أؤكدهولكم.

وحسيني خلاص باين إنه شايف له شوفة تانية! أو يمكن السفارة بعتوله طلب الأبديت ، وخلاص كده علي ، وإسمه تقريباً اتكتب بالرصاص ، وما بقيناش قد المقام!

السلام عليكم

اولا شكرا يا سوسو علي انك فاكراني و فعلا ملاحظة قوية

ثانيا: البيه الاخضر بتاع الافواه المكممة واللي عمال بيتريق على خلق الله نسي انه بقى اكتر من الضيف في موضوعه و انه من سنه تقريبا بيزور موضوعه و يكتب فيه اقل مني لدرجة انه لما بيكتب الناس مبتبقاش مصدقه انه رجع ..ده غير تعليقات الاعضاء عن الموضوع انه نسي موضوعه و هجره...والمفروض انه بدل ما يقعد يتريق علي الناس اللي يعرفهم كويس يسأل عليهم و يشوف هما راحوا فين بدل تلقيح الكلام و موضوع شوفة تانيه و مبقيناش قد المقام بالذات اني مقل في كتاباتي من فترة كبيرة من ايام ما الواحد طلبه اترفض اول مرة و قبل المشكلة بتاعة المنتدى هنا غير ظروف شغلي الجديد المضغوطة جدااااااااااا..و بصراحة بردو مكنش حد بيسأل و بيهتم غير حبيبي زناتي و حسام يوسف و سامح بحكم علاقتي بيهم القوية بردو...

وشكرا

[yassergaafar]

الأستاذ الدكتور / محمد باشا سعد التهامى

تحيه كبيره أوى أوى على ملك الهاند أوفرز

أنا أدمنت هاند أوفراتك و مش ناوى أتعالج

أول ما أوصل ترونتو لما ربنا يفرجها إن شاء الله لازم أشوفك و أنول الشرف

أخوك الصغير

ياسر جعفر (طبيب أسنان من إسكندريه و كنداوى على ما تفرج)

[moheltohamy]

كووووووووم اية ؟؟؟ سبانش هانم من كوم الشقافه

اقولك اية ما هو انت مش اسكندراني فينك يا شامي تسمع الابراهيمية بقيت كوم الشقافة

لأ وكمان بتعايب في مسيساجا .....فينك يا زناتي كنت قلتله الادب مسيساجا الزوق مسيساجا

هو انت عشان ربنا خضرك تستقوى على الناس يا توو

انا حكشف راسي وادعي عليك تروح مسيساجا تلمس سكوير ون وترجع تاني عشان تخف

آه صحيح كنت حنسي الصور مش بطاله بس هو يعني الزوم والبيكسل بتاع الكاميرا بتاعتك مش قد كده قولتلي الكاميرا بتاعتك حمرا ومحندقة؟

يعني يا ايمو يرضيكي يا اختشي الاخضر اكمنه اخضر يقول علينا كده؟ اكمننا غلابه ومكسورين الجناح :)

برضه الصور مش بطاله بس هو لو يجيب كاميرا حلوه شوية كانت الصور تبقى احسن من كده بكتير :blink:

سبانيش هانم...

يا فندم أهل اسكندرية دول أقرب ناس ليّا ، أنا بس هرجت شوية معاكي ، قلبك ابيض :happy:

والصور على قدّنا يا فندم ، بس آهي حاجة من ريحة بلاد التلج تصبّر الناس في الحر اللي احنا فيه ده ، 35 في عز الليل ، وتورونتو 11 في عز الضهر! :lol:

عمار يا كندا :ninja:

[moheltohamy]

عود أحمد والله يادكنور محمد

انا دخلت القهوة بتاعك من شهر تقريبا ولسة خارج منها النهاردة كنت عامل فيها اعتكاف :flr1: مع ان توجهاتى مش كندا انا توجهاتى القارة الاسترالية بكنجروتها بباباغنوجها :lol: ويارب تتوب علينا من السعودية

بس حقيقى اتسمتعت جدا والله مش عايز اقولك كنت بعمل ايه على ماخلصت 122 صفحة :blink:

تسلم ايدك بجد مجهود رائع واسلوب اروع بجد والله الموضوع ده ينفع تعمل كتاب من أدب الرحلات بنفس العنوان هيتوزع هوا ياريت تفكر فى الموضوع

وعلى فكرة احنا بلديات من المنصورة وياريت نبقى بلديات فى استراليا wst:: tohamyقول ءامين

والله سبقتك في الفكرة دي بتاعة استراليا ، بس ماليانة مشاكل بالنسبالي ، ومش بسهولة إجراءات كندا ، وكان تقييم نقاطي أيامها 135 ، والنجاح كان من 120 باين!

وآمين يا سيدي... أنا بس آخد الجنسية ، وأقضيها فسح بين بلاد ربنا smk:

وعلى الله لما توصل هناك تبقى تحكيلنا عن انطباعاتك عن الحياة الأسترالية ، وهل المعيشة هناك أبسط من عندنا في كندا ، ولاّ كندا تكسب...

تحياتي

[moheltohamy]

إالى الباشا الكبير الأستاذ الدكتور / محمد سعد التهامى

أستاذ و رئيس قسم و عميد و رئيس جامعة الكنادوه

و رحمة أمى بحبك و بموووت فيك

و ربنا يخليك لينا

أنا لما ليقيتك منور النت كله من فرحتى عاوظ أعيط

أخيك الصغير

د / ياسر جعفر (طبيب أسنان بالأسكندرية و كناداوى على ما تفرج)

الأستاذ الدكتور / محمد باشا سعد التهامى

تحيه كبيره أوى أوى على ملك الهاند أوفرز

أنا أدمنت هاند أوفراتك و مش ناوى أتعالج

أول ما أوصل ترونتو لما ربنا يفرجها إن شاء الله لازم أشوفك و أنول الشرف

أخوك الصغير

ياسر جعفر (طبيب أسنان من إسكندريه و كنداوى على ما تفرج)

د. ياسر... يا ألف مرحب بيك يا راجل يا طيب ، ونوّرت التوبيك :flr1:

وأتمنى توصل كندا بالسلامة ، ونبقى ضمنا نظبّط سناننا ببلاش ، دي خراب بيوت أصلاً ، ومسيرك تكبر هناك ، وما نعرفش نكلّمك... تعالى شوف دكاترة السنان معووجين ازاي في كندا (لفظ اسكندراني آهوه عشان سبانيش هانم ما تزعلش)

آهو نظبّط علاقاتنا معاك من بدري بدري :blink:

[moheltohamy]

بجد تسلم ايدك يا عمنا :flr1: ... بس فعلا أنت جوعتنا أوي .... ايه الخضار الفظيعه دي؟!... ده الواحد حاسس انها لسه جايه من الغيط اللحظه دي.. شكلها فريش آخر حاجه... كويس كده اطمنا على مستقبلنا ان شاء الله

و بعدين يا ست اسبانيش هااااااااااااااانم.... د. تو ما يقصدش يا أختشي... و اللي ما يعرفك يجهلك.... ده الاسكندرانيه و البورسعيديه و الصعايده و بتوع المنصوره أجدع نااااااااااااس

و يا ريت سيادك زي ما بتلفلفي في المحاورات هنا .. ترجعي الى قواعدك سالمه ... الى محاورتنا النسويه.. بدل ما انت سايبه صاحباتنا اللي كل واحده عارفه نفسها في الليله دي.. و قاعدين نلف في القهاوي.. و نلف و نلف ... و نناااااااااااادي .. يا بت يا اسبانيش ردي علينا... و اللي تقول دي مكتئبه و اللي تقول طفشاااانه.. و انا قلت اكيد هلاقيكي مستخبيه ف قهوة أخونا تو ...

اخرجي بقى .. محدش هيضربك

.. ده وعد

والله يا دكترة ، أنا مش عارف إيه حكاية الناس اللي عارفين نفسهم دول ، ومين طلع مع مين ، بس على ما يبدو إنو فيه لوبي كبير بيلعب من تحت الترابيزة في المنتدى ، والواحد لازم يخلّي باله من نفسه!

الوضع طلع خِطِر

مااااااااااشي يا عم اسبانيش... انتي خلاص عدت معاكي... بقى عشان جبتي كاميرا مش عارف ايه و حركات و بتاع قاعده تتنططي علينا ... اللي علي علي يا باشا... أنا لسه مش عارفه اختار كاميرا لحد دلوقتي .. كان عندي واحده بس بصراحه بعد الصور الفظيعه اللي شوفتها هنا .. خلاص رميتها للعيال يلعبوا بيها...

يا د. تووووووووووووو يا مدلعنا ... wst::

أنا لسه شايفه مداخلة اللحمه و الكلااااااااام الكبير ده .. بجد انت متألق يا د.تو .. و ربنا ما يحرمنا من هاندأوفاراتك... أنا صحيح كان بقالي كتير ما بدخلش هنا من يوم الخناقه اياها... و إذ فجأتن لقيت التنظيم بتاعتنا مولع..( واخده بالك يا اللي ف بالي).... و ما لهوش سيره غير اللحمه و الخضار بتوع تو .. قلت ادخل بقى و ارمي التماسي و اشوف بعيني.. و بجد لقيت ما يسرني ..... بجد ميرسي يا دكتره ..و احلى حاجه انك مهتم بالتفاصيل الصغيره اللي انا شخصيا بحبها جدا

و ميرسي لكل عضوات التنظيم الكنادوه المستقبليين.. اللي جابولي آخر الأخبار :lol:

برضه التنظيم إياه النشيط!

الكاميرا يا فندم عنينا ليكي ، ونقول لك الليلة من طقطق لسلامو عليكو في التصوير الديجيتال كله ، بس ألاقي وقت!

وبالنسبة للصور يا فندم ، فدي مش هتبان غير في الطبيعة ، ودي يمكن ييجي وقتها بعدين.

باقي الصور بقى ، هاحاول أنزلها في أقرب فرصة... وندخل على صور المفيد بقى ؛ اللحوم والأسماك...

شرفتينا تاني يا دكتورة :blink:

[moheltohamy]

والناس اللي آثرت السلامة آثرتها ليه؟ اللي أقدر أقوله إننا هنا بنكتب لبعض ، محدّش ماسك عصاية لحد في الوقت الحالي. كون إن الناس لسّه مقموصين ، يبقى خلاص زي ما يحبوا. مفيش مجال للإجبار.

بس أنا بجد يؤلمني نسيب المكان اللي اتعوّدنا عليه ، وعرفنا بعض عليه ، وكل الهيستوري بتاعنا عليه ، خصوصاً إن الموقف اللي حصل كان موقف عرضي وانتهى

:blink: :lol: :flr1:

smk:

wst::

[mohamedadel]

بعد إذنك يا دكتور تهامي ... وبمناسبة ان التوبك رد فيه الروح ... دي حاجه على السريع لمحبي مسيساجا

ودي لمحبي تورونتو البلد

ودي هديه مني ... للناس ألي بتعشق الميه و الهوا ..... ... اسكندراني بقه تعمل ايه :flr1:

[اسكندرانيةكنداوية]

:lol: شوفت يا د/ تهامى إطلالتك عملت إية أهى الزباين بدأت تهل تانى أهى إستمر إنت بس و الدنيا تزهزة تانى إن شاء الله :lol:

[اسكندرانيةكنداوية]

ميرسي يا دكتور

مجهود رائع ........ :lol:

ايه داه - ايه الالوانات الجميلة دى

بصل واناناس وبطيخ وقرنبيط وفلفل

طب انا جعانة يا دكتور تهامى

- ارميلى حاجة اكلها - ربنا يعوضك خير - طب واحدة كيوى - طب طماطم اصفرا بلاش احمرون - :lol: اى حاجة

تحياتى للجميع

اغابي

wst::

مبدئياً يا فندم مرحباً بيكي في التوبيك wst::

وعيب أوي مع أول زيارة ليكي في توبيكي المتواضع تقولي أرميلك حاجة تاكليها... :lol:

إنتي كده أغريتيني أنزّل صورة الإلك ستيك اللي أكلته مرتين في مطعم في كالجاري...

ألمرة الأولى كانت إبداااع رسمي ، هاحكيلك عليه في الجزء القادم من الهاند أوفر. المرة التانية برضه كانت أستاذة لكن مش بأستذة أول مرة :lol:

اتفضلوا جميعاً سمّوا ومدّوا إيديكم...

إليكم جميعاً - بعد أغابي طبعاً - الـ Elk Steak :wub:

وبعد كده يطلعلي زناتي أفندي كعب الغزال يقوللي أكل كندا وحش؟ :blink:

د/ تو من مبدأ العلم نورون يعنى هو إيه الحاجات الحمرا اللى على الستيك دى شكلها زى الرمان كدة و فى الصورة التانية إيه الأبيض اللى فوقها دة وإيه الكور اللى حواليها دى عشان الواحد لما يروح يطلب يبقى عارف يعنى و شكلنا ما يبقاش مش أد كدة و ربنا يديمك لينا يا باشا :lol: :lol:

[Pathfinder]

بجد معلومات قيمه مووووووووووت الواحد مش عارف من غيرها كان هيعيش ازاي في كندا وربنا يخليك يا استاذ توهامي لانك حققت لي واحده من امنيات حياتي وهي اني اشوف الستيك قبل ما اموت

نهاركم ابيض