كندا التي رأيتها :)

[yassergaafar]

الأكل مش سد جوع و ملو بطن و خلاص

الأكل ده فن له أصول و يحتاج ذوق عالى

أقترح على أستاذنا الكبير الدكتور / محمد التهامى

إنشاء باب خاص لتدريس هذا الفن

و يا بخت اللى يسعده الحظ و ينول شرف الغدا أو العشا مع هذا الفنان مرهف الحس

[اغابي]

ميرسي يا دكتور محمد على العزومة الجميلة دى - - - عقدتنى الله يسامحك - احم احم - حد سمع حاجة :blink:

انا مش حاقدر اخرج من التوبيك داه خلاص - ونسميه bv:-

توبيك دكتور تهامى - مش حتقدر تغمض عنيك bv:-

المهم مزيد من الابداع - مزيد من الصور - مجههههود اكثر من رائع يا دكتور

و كلنا اذااان صاغية

تحياتى اغابي

[yassergaafar]

الأعزاء رواد المنتدى

لاحظت فى المنتديات الهنديه إن من لحظة التقديم أول مره لحد إستلام جوزات السفر و عليها التأشيرة

بتاخد لها من 6 - 9 شهور فى أغلب الحالات و سنه فى حالات قليله فعلاً

علماً بأن مكتب الهجره بتاع نيودلهى بيشغى ملفات و اسألوا أى حد عايش فى كندا عن نسبة الهنود اللى موجودين هناك

السؤال اللى نفسى ألاقيله أجابه

لييييه يا رب مخلقتنيش هندى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أصل أنا رامى طوبة الأباطره اللى شغالين فى مكتب الهجره فى مصر

[اسكندرانيةكنداوية]

أنت فييين يا د/ تهامى wst::

كل دة فى صور الجبنة هم كام نوع طب قسمهم كل يوم صورة زى المسلسلات التركى و المكسيكى

على فكرة العروسة اللى مش حمرا وصلت من ييجى أربع أيام كدة بس أنا ما كنتش عارفة إن الموضوع أصبح صعب كدة زمان كان الواحد يركب العدسة و يظبط الفوكس و يصور :blink:

دى مع أى هزة الموتور يشتغل والصورة تشوش لسة مش عايزة تظبط لاااا الموضوع كبير كبير كبير يعنى mfb:

[Safystar]

السلام عليكم يا حلى واجمل منتدى شوفته فى حياتى بجد بجد ما شاء الله عليكم انا ليا اسبوعين تقريبا ما بعملشى حاجة فى حياتى غير منتدى الحياة والهجرة الى كندا اصحى عليه وانام عليه ادمان بعيد عنكم

الصراحة انا كنت داخلة اخدلى كام شمة قصدى كام معلومة كدة على السريع لقيت نفسى دخلت فى حالة متاخرة ولو قعدت كدة من غير ما اخد الشمة قصدى ادخل المنتدى احس بدوخة وزغللة

طمنونى هى دى اعراض ايه

طبعا انا دخلت كدة فجأة من غير لا احم ولا دستور (معلش اصلى صعيدية ولسة مخفتش)

دكتور التهامى بجد بجد ما شاء الله توبيك روعة مالوش حل والصور اللى بتنزلها يتحلينى اكلم نفسى من الجمال

انا حاسة انى اعرف حضرتك ودكتورة سوسو رانى اللى دمها سكر والدكتور زناتى والدكتور قناوى والدكتور الشامى والدكتورة سمية صالح وطبعا اللى كان السبب فى(ادانى اول شمة) انى اسجل فى المنتدى وهو الدكتور هشام بالتوبيك الرائع والمفيد جدا بتاعه وكل اعضاء المنتدى بصراحة حاجة تفرح

ربنا يوفقكم يارب لما يحبه ويرضاه

يارب تقبلونى اخت ليكم لانى حاسة انكم كلكم اخواتى

دكتور التهامى متحرمناش من هاند اوفراتك وسورى لو كنت دخلت بدون استئدان يس انا حاسة انكم قريبين منى فكان لازم ابعبر (اعبر)يعنى

صافى ستار

[yassergaafar]

السلام عليكم يا حلى واجمل منتدى شوفته فى حياتى بجد بجد ما شاء الله عليكم انا ليا اسبوعين تقريبا ما بعملشى حاجة فى حياتى غير منتدى الحياة والهجرة الى كندا اصحى عليه وانام عليه ادمان بعيد عنكم

الصراحة انا كنت داخلة اخدلى كام شمة قصدى كام معلومة كدة على السريع لقيت نفسى دخلت فى حالة متاخرة ولو قعدت كدة من غير ما اخد الشمة قصدى ادخل المنتدى احس بدوخة وزغللة

طمنونى هى دى اعراض ايه

طبعا انا دخلت كدة فجأة من غير لا احم ولا دستور (معلش اصلى صعيدية ولسة مخفتش)

دكتور التهامى بجد بجد ما شاء الله توبيك روعة مالوش حل والصور اللى بتنزلها يتحلينى اكلم نفسى من الجمال

انا حاسة انى اعرف حضرتك ودكتورة سوسو رانى اللى دمها سكر والدكتور زناتى والدكتور قناوى والدكتور الشامى والدكتورة سمية صالح وطبعا اللى كان السبب فى(ادانى اول شمة) انى اسجل فى المنتدى وهو الدكتور هشام بالتوبيك الرائع والمفيد جدا بتاعه وكل اعضاء المنتدى بصراحة حاجة تفرح

ربنا يوفقكم يارب لما يحبه ويرضاه

يارب تقبلونى اخت ليكم لانى حاسة انكم كلكم اخواتى

دكتور التهامى متحرمناش من هاند اوفراتك وسورى لو كنت دخلت بدون استئدان يس انا حاسة انكم قريبين منى فكان لازم ابعبر (اعبر)يعنى

صافى ستار

و الله يا جماعه الدكتور / محمد التهامى دهوت راجل سكره ما يتشبعش منه و طبعا نفس الكلام بقية الشله

الواحد حاسس جوه المنتدى إنه فى وسط عيلته و أهله و ناسه

ربنا يخلينا لبعض

و ربنا ما يحرمنا من بعض

[EmanRasmy]

ألف مبروووووووووك يا أختشي يا اسكندرانيه ع العروسه الحلوه wst:: ... و ان شاء الله تفكي لوغاريتماتها و تعرفي تشغليها..

على فكره أنا كمان عملت زيك و اشتريت العروسه من نفس السايت .... ربنا يسهل و توصل بالسلامه i*:

د. توووووووووووووو :lol: .... انت رحت فين يا عم؟!..... انبي ترجع يا شيخ .. والله ليك وحشه

[yassergaafar]

ألف مبروووووووووك يا أختشي يا اسكندرانيه ع العروسه الحلوه :110: ... و ان شاء الله تفكي لوغاريتماتها و تعرفي تشغليها..

على فكره أنا كمان عملت زيك و اشتريت العروسه من نفس السايت .... ربنا يسهل و توصل بالسلامه gsp_)

د. توووووووووووووو .... انت رحت فين يا عم؟!..... انبي ترجع يا شيخ .. والله ليك وحشه

آى و الله ليك وحشه جامده قوى

ما تطرى على قلبنا بكلمتين حلوين من بتوعك دوولام

و لا حتى تصويره من اللى يشرحوا القلب

إنبى على قلبك ياشيخ .... إلهى ما يوقعك فى ضيقه يا خويا

[Safystar]

السلام عليكم جميعا

يارب كلكم تكونوا بخير واللى فى باله حاجة ربنا يديهالو

[

ادعولى جوزى ياخد القرار ويقدم بأه على الهجرة لكندا لانى بجد حبيت البلد دى جدا ومتحمسه ليها قوى ومش عارفة ليه حاجة جواية بتقولى انى هلاقى نفسى فيها

الحمد لله انا جوزى من الفئة المطلوبة جدا فى كندا لانة مدير جسابات وعنده خبره 13 سنة لانه اشتغل فى السعودية من سن 23 سنة والانجليش ممتاز وكل حاجة تمام

بس هو مش متحمش لموضوع كندا دة

انا هموت لو فضلت فى السعودية اكتر من كدة (مقيمة فى الخبر)حاسة انى مش لاقية نفسى فيها ومش هو دة خالص اللايف ستايل اللى انا بحبه وعايزة اعيش فيه

انا خريجة اداب فرنساوى جيد مرتفع ومستعدة ادرس من تانى وابتدى من جديد معنديش اى مشكلة انى اقطع شهادة الليسانس وادرس بجد واخد شهادة محترمة

وناوية اقدم فى الاوساب واشتغل بارت تايم وادرس فى نفس الوقت

الحمد لله احنا عايشين كويس جدا بس الميزة اللى الناس شايفاها فى السعودية وهى الsaving دى معندناش خالص لانى بصراحة كل الفلوس ضايعة على سكن فى منطقة فريست كلاس ومدارس انترناشونال مشهورة فى الخبر(عندى يوسف وهنا)وعلى المطاعم والفسحة فى الويك اند واخيرا طبعا الشوبنج والهداية ومصاريف الاجازة والمصيف فى مصر (غالبا مارينا واحيانا شرم)وبصراحة انا ماليش فى التحويش وبحب الحياة كدة بس انا مخنوقة قوى من السعودية رغم انى انا فى الخبر اللى هى بصراحة اجمل منطقة فى السعودية من وجهة نظرى طبعا(عشت فى الرياض سنة وزرت جدة كتير جدا)

ابنى بيموت فى حاجة اسمها تلج ومغرم قوى بمادة scienceعشان بتتكلم عن الsleetوtornado

نفسى ادرس بجد واحسن مستواية البيئة فى الفرنساوى رغم انى كنت من اوائل دفعتى بس كل دة كلام فاضى من غير مستوى حقيقى للتعليم زيادة على كدة من غير بغاتيك اللغة بتتبخر

بصراحة اكتر حاجة بتخنقنى هى مصر لانى خلاص مبقتشى قادرة انزل واعيش فيها دة انا بسدق ما الاجازة تخلص وطبعا مقدرشى ابين دة قدام اهلى عشان ميزعلوش

انا رافضة تماما فكرة انى اروح كندا واقعد تلات سنين واخد الجنسية وخلاص لانى جنسية بلد بالنسبالى حاجة اكبر بكتير من باسبور اخده عشان تتفتحلى ابواب مقفولة فى بلاد تانية الموضوع بالنسبالى هو وطن بديل بكل ما فى الكلمة من معنى يعنى بلد احبها وتحبنى اعتز بيها وتعتز بيا اشارك فى وضع سياستها وتحترم صوتى فى انتخابتها ترجعلى من تانى انسانيتى اللى حاسة انها بتتشوه يوم بعد يوم

انا مش باصة للموضوع على انى واحدة ارزقية رايحة تستفيد وتاخد الجنسية وشكرا

عشان كدة انا ما اخترتش كندا كدة وخلاص لأ دة انا فصصت كل حاجة من اول نظامها السياسى وحكومتها ودستورها وكل حاجة ولقيت انى فيها اللى انا بتمناه واللى كان نفسى اكون فى بلدى عايشاه

الف باء وطن يعنى استقرار يعنى امان يعنى حياااااة كاملة

اسفة جدا لانى ازعجتكم بكلامى الكتير بس بجد انا اعتبرتكم اخواتى وسند ليا فى كندا ان شاء الله

ادعولى اكون مصرية كنداوية

صافى ستار

[Safystar]

ايه دة ايه القهوة اللى قافلة على طول دى ! وفين صاحبها بطل شرب القهوة وبيشرب شاى ولا ايه؟

وانا اللى فاكرة انه يرحب بيا ويجبلى نسكافيه بالفرانش فانيللا

كدة طاب والله ما انا ماشية وانا عيلة بقاة

شكلى هأقعد اعيط لوحدى واسمع je suis malade داليدا الليلة دى لانى مكتئبة ومحبطة ودى الاغنية اللى لما باسمعها لاميرة الرومانسية داليدا بأعرف انى بأدلع وانى دة الحزن والنكد اللى بحق وحقيقى

طيب انا ادينى باعلى صوتى اهو

خلاص اى فونى فى جيبى وسماعاتى فى ودانى

Je ne rêve plus

خلاص انا دخلت فى المود

سلامو عليكم

[yassergaafar]

ايه دة ايه القهوة اللى قافلة على طول دى ! وفين صاحبها بطل شرب القهوة وبيشرب شاى ولا ايه؟

وانا اللى فاكرة انه يرحب بيا ويجبلى نسكافيه بالفرانش فانيللا

كدة طاب والله ما انا ماشية وانا عيلة بقاة

شكلى هأقعد اعيط لوحدى واسمع je suis malade داليدا الليلة دى لانى مكتئبة ومحبطة ودى الاغنية اللى لما باسمعها لاميرة الرومانسية داليدا بأعرف انى بأدلع وانى دة الحزن والنكد اللى بحق وحقيقى

طيب انا ادينى باعلى صوتى اهو

خلاص اى فونى فى جيبى وسماعاتى فى ودانى

Je ne rêve plus

خلاص انا دخلت فى المود

سلامو عليكم

الأخت الفاضله SafyStar أتوسل إليكى و إلى زوجك أنكوو تاخدوو فيزة سياحه لكندا فورا من سفارة كندا فى الرياض

و تسافروو الصيف ده ضرورى ضرووووورى

و أوعدك إنكم حتحبوو البلد دى جداً

و ليكى عليا لو متبسطوش حرجعلكوو مصاريف الرحله دى بالكامل

أصل الطبيعه هناك تهوس

تم تعديل 20 مايو 2010 بواسطة yassergaafar

[yassergaafar]

سعادة الأستاذ الدكتور / محمد باشا التهامى

يا واحشنى رد عليا

إزيك سلامات ...... (أغنيه)

قولى حاجه

أى حاجه

قول بحبك قول كرهتك ...... (أغنيه)

[Safystar]

ايه دة ايه القهوة اللى قافلة على طول دى ! وفين صاحبها بطل شرب القهوة وبيشرب شاى ولا ايه؟

وانا اللى فاكرة انه يرحب بيا ويجبلى نسكافيه بالفرانش فانيللا

كدة طاب والله ما انا ماشية وانا عيلة بقاة

شكلى هأقعد اعيط لوحدى واسمع je suis malade داليدا الليلة دى لانى مكتئبة ومحبطة ودى الاغنية اللى لما باسمعها لاميرة الرومانسية داليدا بأعرف انى بأدلع وانى دة الحزن والنكد اللى بحق وحقيقى

طيب انا ادينى باعلى صوتى اهو

خلاص اى فونى فى جيبى وسماعاتى فى ودانى

Je ne rêve plus

خلاص انا دخلت فى المود

سلامو عليكم

الأخت الفاضله SafyStar أتوسل إليكى و إلى زوجك أنكوو تاخدوو فيزة سياحه لكندا فورا من سفارة كندا فى الرياض

و تسافروو الصيف ده ضرورى ضرووووورى

و أوعدك إنكم حتحبوو البلد دى جداً

و ليكى عليا لو متبسطوش حرجعلكوو مصاريف الرحله دى بالكامل

أصل الطبيعه هناك تهوس

متشكرة على مداخلتك اولا

تانى حاجة انا عايزة اقولك انى اخو جوزى ومراته واولاده لسة راجعين من يومين بالظبط وهم السبب فى تردد جوزى بالاساس بعد ما كان خلاص موافق

الحاجة الوحيدة اللى معجبتهمش البرد والمطر وغلبت اقلهم انى لما تكون درجة الحرارة صفر دة كدة حلو قوى ويا بختكم بس مراته بتخاف من البرد جدا وبتكتئب من الشتا عموما عكسى انا والولاد بنحب المطر والتلج وبتخنق من الحر والرطوبة

انا نفسى اقدم على عمل وهجرة على طول عشان تبقى بلا رجعة

اقتراحك حلو جدا بس صعب السنة دى لانى خلاص ظبطنا الت\اكر والمصيف وكل حاجة على مصر

ولو ما اكنتش انزل كل سنة (مامى تموتنى )

بكرة الزمان يسمح يا كندا و يبقالى فيكى شقة بفراندة

صافى ستار

[moheltohamy]

الله ينور عليك يا كابتشن

الحقيقه يا مستر تي مجهود غير عادي بتعمله في موضوع الشوبينج دوت.

وبجد انا مشفتش الخضار الالوان ده في وست منستر نفسها

لكن شكل المحل الاولاني الي اسمه نوفربل احسن .. والا رايك ايه

بس بجد هو مفيش منجا الا قلب العجل دي بس في كندا ... معقوله ياراجال مفيش منجا باكستاني . او مكسيكي حتى

واللي لفت نظري كمان ان الخس عندهم تعبان والخيار مبعجر

سيبك انت مفيش احسن من سوق ستوته

بالنسبة لنو فريلز ، فده هايبر ماركت يا دكترة ، هتقارنه بسوق بلدي زي سوق السبتية مثلاً بتاع الخضار؟ ما ينفعش تقارنهم ببعض. تخيّل انتا سوق السبتية الكندي بالشكل اللي شفته في لورانس ماركت... إيه رأيك بقى؟

بقى دي تطلع قلب العجل اللي باسمع عنها؟! أنا مش خبير أوي في الميت نوع اللي عندنا دولم ، وآخري أروح أجيب من مترو كام كيلو مانجة عويسيّاية فص ، وأقعد أقرقض فيهم ع الحوض ، وأغرّق إيديّا ، وأهرّش بعد كده! :lol:

كنت سمعت من واحد بيحضر ماجستير في المانجة في كلية الزراعة من ييجي 12 سنة كده إن المانجة المنتشرة في الغرب مختلفة عن الأنواع المشهورة عندنا... إحنا كثقافة بنميل للمانجة ذات الطعم المسكّر ، همه بيميلوا أكتر للحاجة اللي فيها مزازة! أنا بالمنظر ده ماليش عيش في البلد دي ، لولا وجود البست في الماركتس العربي هناك.

بالنسبة للخيار المبعجر بقى سعادتك... فيه خيار متقاس بالمسطرة ومغلف بالسيلوفان خياراية خياراية لو عاوز برضه موجود... كنت جبت خياراية منهم ، وقعدت أقرقض فيها على 3 تيّام!

تشكر يا دكتور على المجهود الجميل ده ..بجد أنا بتمنى الناس تكتب هنا وهناك ..كلنا أخوة ..واكيد بيوتنا كلها مفتوحة للجميع ..

ربنا يكرمك يا مازن ، وده الكلام اللي أنا باقوله من زمان... المكان مفتوح للجميع دايماً ، ويرحب بعودة الأعضاء جميعاً ، وأنا نيابة عن الإدارة باعتذر للكل عن سوء التفاهم اللي حصل ، وإن شاء الله ما يحصلش تاني أبداً.

ازيك يا دوك عامل ايه حاليا

وانت فين فى الخليج والا الثليج معلهش انا مش متابع اوى

لكن بس سؤال .. هو مين اثر السلامه.. هو فيه ضرب والا ايه

أنا في الخليج حالياً ، وكلها بكرة بس وبعده ، ونرجع للحيرة تاني ، للنار والعذاب من تاني... على مصر!

السلام عليكم

الواحد منبهر من المجهود الجبار اللي حضرتك بتعمله والله انا مبسوط بحضرتك جدا ربنا يكرمك واحسبك علي خير باذن الله

كان فيه حاجه كنت عاوز حضرتك تبقي تاخد بالك منها وانت بتعمل موضوع الجبن

انا باذن الله بجهز الجزء بتاع الاكل الحلال في كندا كفقره في موضوع النهل الجميل والله المستعان بس وانا بدور لقيت ان موضوع المنفحه ممكن تتعمل من الخنزير

ياريت حضرتك تبقي توضح الجزء بتاع اعرف ان الجبن ده معمول بمنفحه خنزير ولا لا لانه لو مش معمول بيها يبقي حلال باذن الله حتي لو حيوان مش مدبوح اسلامي وده باذن الله هبقي اوضحه بالفتاوي من العلماء في موضوعي بالتفصيل

بس اللي انا مش عارفه ازاي اعرف انه فيه منفحه خنزير ولا لا

وشكرا

الكلام ده يا د. فاروق قلته بالكامل في الجزء الجاي من الهاند أوفر عن موضوع الأكل الحلال ، وقلت كل ما سمعته ، وبحيادية تامة ، وبعدها قلت رأيي ، واللي مش هيعجب ناس كتير! بس عموماً... كل واحد ياخد بالرأي اللي يريّحه.

أخلّص ردود ع الناس ، وبعدين هانزل باقي الصور ، وبعدها أنزل لكم موضوع الحلال ده ، قبل ما امشي من البريمة بكرة الصبح إن شاء الله.

ماشاء الله الناس الحلوة كلها متجمعة هنا وانا بدور عليها

هوّه على ما يبدو يا سيد وسيمو إنهم شرفوا هنا عشان المنتدى التاني كان بيعمل أبديتس ، وإن كنت أتمنى إنهم يكونوا شرفوني عشان الصور... لو كده أروح أرفع الكام ألف صورة الباقيين ، وإن شاللا ما حد حوّش.

على فكره الحته دى عايزه توضيح

يعنى المحرم هو لحم الخنزير ومشتقاته للاكل والا للاستعمال

يعنى احنا ممكن نستعمل صمامات القلب من الخنازير (سابقا) لم يذكر احد على حد معلوماتى انهم ممكن يكونوا حرام

طيب اذا استعملنا شعره او جلده فى شنطه هل تقع تحت الحرمانيه

هل الخنزير حرام فى مجمله ام فى اجزاء معينه فقط حد يجيبلينا موضوع مفصل عن الخنزير لانه اكيد حايهم المسلمين اللى مهاجرين

الفتاوى على موضوع الخنزير مش موضوعنا حالياً يا د. إيهاب ، ولا تدخل أصلاً ضمن اهتمام التوبيك ده. أنا اتكلمت على بعض الآراء ، واللي مش عاجباني بالمناسبة ، ومش قادر أبلعها ، وبالتالي مش مضطر ألتزم بيها.

لو قريت في الحاجات دي هتقرا مليون رأي ، وكل رأي في اتجاه ، وانتا اللي هتختار. تحب تضيقها على نفسك ، عملاً بمبدأ الجزاء على قدر المشقة... إنتا حر! تحب تاخدها بما يتفق مع قناعاتك الشخصية... برضه إنتا حر!

صباح الخير يا زعيم

ألحقيقه أنت خيرك علينا كبير - و مش عارف نرد أزاي - كنت عاوز أصورلك سوق الاتنين و لا التلات - أو الخميس - أو نخليه سوق الجمعه بتاع مصر القديمه علشان نعرف الناس أن أحنا عندنا فلكلور محصلش في الاسواق برده - لكن قلت أخلي الطابق مستور

يا ريت يا دكتور تعلمنا حلقه بالصور عن الاماكن العامه - الموصلات - المترو - القطارت - و حتي المستشفيات كلها أيه و كيفيه التعامل فيها

كنت قرأت في أكتر من مداخله لزملاء بكندا عن أن الخدمه الطبيه سيئه جدا و أن الانتظار للكشف عند الطبي قد يستغرق ساعات و لو كان أستشاري يبقي بالحجز لمده أيام أأسابيع يا تري عندك فكره عن القصه ديه

خالص تحياتي

و نهارك سعيد

أعتقد الباشمهندسة سمية أفادت في النقطة دي يا إكسيلانس (بالـ... إ) :lol:

وأنا تجربتي الشخصية كانت مع عيادة طبيب أسرة ، وكانت زي الفل ، ولا انتظار ولا بتاع... همّه 5 دقايق!

وتجربة هند كانت مع عيادات دكاترة الأسنان والجلدية وطب الأسرة ، وبرضه مفيش حاجة اسمها يلطعوك بالساعات! المستشفيات ما احتاجناهاش حتى الآن ، ويا رب ما نحتاج لها.

لكن بصفة عامة... من الواضح والأكيد إن فيه نسبة تأخير هناك ، بس مش بالمبالغة اللي الإعلام بيحاول يوصلها لنا! خليك فاكر دايماً إن الكنديين شعب مايص أصلاً ، ومعظم شكاويه من حاجات أقل ما توصف بيه إنها تكسف نتكلّم فيها أصلاً!

دول عالم فرافير سعادتك

لا....لا......لا......مين اللي بيعيب علي مسيساجا هنا

ده الادب مسيساجا......والذوق مسيساجا.....والجمال مسيساجا..........ده كفاية السواقة في شارع مسيساجا

صحيح انتو عندكم شارع لورانس في تورونتو.....بس....اش جاب لجاب يا دكتور تو باشا

يا بنات المحاورات........ما تسمعوش كلام اخونا الاخضر دكتور تووووووووو

كلنا علي مسيساجا يا بنات

انت كده استفزتني يا تو يا اخويا....وح تخليني انزل بتقلي معاك في موضوع الشوبنج ده.....بس خلي بالك.....ح يكون في مسيساجا برضه bv:-

يااااه يا باشمهندسة سمية... عاش من شافك يا فندم.

وهوّه أنا أقدر أنطق على ميساساجا نص كلمة دلوقتي؟! ميساساجا دي سعادتك ولا نيويورك في زمانها! دي منطقة السكوير وَن دي فيها كم مشاريع كلها أبراج بشكل غريب ، وتصميمات هندسية تحيّر... كان نفسي الواد زناتي يروح يصوّرها ، ويقول لنا دي - إنشائياً يعني - إزاي ينفع تشيل أدوار علوية؟! :sad:

بس أنا حضرتك من عشاق سكن المدن الكبرى ، مش بتاع مدن صغيرة أو بعيدة عن المدن المتروبوليتان. إحساسي إني في قلب الأحداث ، أو أبعُد عن قلب الأحداث 10 دقايق بس... ما أتمناش أحسن من كده!

ولو موجودة معانا شوية ، فيه كلمتين كاتمهم في قلبي ، ونفسي أقولهوملك... بخصوص الجبنة الرومي ، والانبهار بالغرب للناس اللي عايشة في الخليج! :sad:

[moheltohamy]

اكيد ريحة الخضار الطازة والفاكهة اللى تجنن هى اللى جابتك عندنا

دكتور تو بياع شاطر وعرف ينادى على البضاعة بتاعته

عقبال كل الناس التايهين فى الجبل ما يرد غيبيتهم أمييين

جميل قوى سوق الخضار ده يادكتور تهامى

بس يارب نقدر نتعود عليه لاننا اتعودنا على الخضار المروى بمياه المجارى

ادمان بقى

وتحيا بلدنا المحروسة

تحيا بلدنا المحروسة

والله يا فندم أنا عن نفسي باتمنى الناس اللي باحبهم يكونوا معانا هنا ، بس أعمل إيه؟ ما باليد حيلة!

هيييه... المهم.

المشكلة في مصر يا أرورا إن مفيش سيستم رقابي في البلد ، ولو وُجد فهو سيستم صوري ، ممكن تمشي حالك معاه بقرشين! :blink:

يعني بعد الغيبة دي يا دكترة ، جاية تردّي بآيكون ، ودمتم؟ :blink:

ولاّ انتي يعني ما بتكتبيش غير في توبيك حبيبتك سوسو آغ؟! wst::

السلام عليكم

اولا شكرا يا سوسو علي انك فاكراني و فعلا ملاحظة قوية

ثانيا: البيه الاخضر بتاع الافواه المكممة واللي عمال بيتريق على خلق الله نسي انه بقى اكتر من الضيف في موضوعه و انه من سنه تقريبا بيزور موضوعه و يكتب فيه اقل مني لدرجة انه لما بيكتب الناس مبتبقاش مصدقه انه رجع ..ده غير تعليقات الاعضاء عن الموضوع انه نسي موضوعه و هجره...والمفروض انه بدل ما يقعد يتريق علي الناس اللي يعرفهم كويس يسأل عليهم و يشوف هما راحوا فين بدل تلقيح الكلام و موضوع شوفة تانيه و مبقيناش قد المقام بالذات اني مقل في كتاباتي من فترة كبيرة من ايام ما الواحد طلبه اترفض اول مرة و قبل المشكلة بتاعة المنتدى هنا غير ظروف شغلي الجديد المضغوطة جدااااااااااا..و بصراحة بردو مكنش حد بيسأل و بيهتم غير حبيبي زناتي و حسام يوسف و سامح بحكم علاقتي بيهم القوية بردو...

وشكرا

أهلاً يا سي حسيني أفندي...

إنتا برضه ليك تليفون يترد عليه!

بعد إذنك يا دكتور تهامي ... وبمناسبة ان التوبك رد فيه الروح ... دي حاجه على السريع لمحبي مسيساجا

ودي لمحبي تورونتو البلد

ودي هديه مني ... للناس ألي بتعشق الميه و الهوا ..... ... اسكندراني بقه تعمل ايه

يا سيدي ع التحف... تعرف يا أبو حميد... أكتر حاجة أحترمها الناس اللي تنزّل صور مصوّراها بإيديها...

وعلى كده انتا طلعت من كييفة التصوير زي ناس أعرفهم...

ربنا يسهلها بقى ، ونقدر ننزل بمداخلة عن قصة التصوير الديجيتال...

شكراً بجد لصورك مرة تانية ، وما تحرمناش من نورك علينا.

اتفضلوا جميعاً سمّوا ومدّوا إيديكم...

إليكم جميعاً - بعد أغابي طبعاً - الـ Elk Steak :wub:

د/ تو من مبدأ العلم نورون يعنى هو إيه الحاجات الحمرا اللى على الستيك دى شكلها زى الرمان كدة و فى الصورة التانية إيه الأبيض اللى فوقها دة وإيه الكور اللى حواليها دى عشان الواحد لما يروح يطلب يبقى عارف يعنى و شكلنا ما يبقاش مش أد كدة و ربنا يديمك لينا يا باشا :lol:

الحاجات الحمرا دي يا فندم كرانبيري ، وطعمه مسكّر زي الزبيب بالظبط.

الأبيض ده كان حاجة غريبة مش عارفها ، بس كان طعمها حلو الصراحة ، ومش هاعرف أشبهّولك بحاجة!

والكور دي يا ستي عبارة عن بطاطس (Baby Potatoes) مشوية ومتلغوصة في المارينيه مع الستيك.

والترانشات الويدجز الحمرا في الصورة اللي تحت دي بنجر (مسكّر برضه)...

التركيبة دي كلها مع بعضها مالهاش حل! بس وجبة تقيلة موووت ، لدرجة إني كنت بانام على نفسي وأنا راجع من كالجاري لإدمونتون بالليل! :lol:

وهاتكلّم أكتر في التفاصيل دي لما نوصل لجزء المطاعم اللي اتعاملت معاهم في كندا!

بجد معلومات قيمه مووووووووووت الواحد مش عارف من غيرها كان هيعيش ازاي في كندا وربنا يخليك يا استاذ توهامي لانك حققت لي واحده من امنيات حياتي وهي اني اشوف الستيك قبل ما اموت

نهاركم ابيض

يا راجل ما تقولش كده... تعالى كندا ، وانتا تشوف الاستيكات على حق ربنا!

لو قارنتهم بالاستيك في مصر... ولاّ بلاش... نخلي الكلام في موضوع المطاعم!

الأكل مش سد جوع و ملو بطن و خلاص

الأكل ده فن له أصول و يحتاج ذوق عالى

أقترح على أستاذنا الكبير الدكتور / محمد التهامى

إنشاء باب خاص لتدريس هذا الفن

و يا بخت اللى يسعده الحظ و ينول شرف الغدا أو العشا مع هذا الفنان مرهف الحس

يا دكترة أنا مش أوي كده ، الله يكرمك بالراحة عليّا... أمّال لو شفت المعلّم الكبير ، وخبير الاستيك (اللي مش عاجب زناتي)... د. هشام ابراهيم.

ما قلتليش ، مش ناوي تقرا موضوعه بقى؟

ميرسي يا دكتور محمد على العزومة الجميلة دى - - - عقدتنى الله يسامحك - احم احم - حد سمع حاجة :blink:

انا مش حاقدر اخرج من التوبيك داه خلاص - ونسميه

توبيك دكتور تهامى - مش حتقدر تغمض عنيك

المهم مزيد من الابداع - مزيد من الصور - مجههههود اكثر من رائع يا دكتور

و كلنا اذااان صاغية

تحياتى اغابي

حاضر يا فندم... مزيد من الإبداع ، ومزيد من الصور ، وأتمنى الكلام يعجبكم في اللي جاي!

ومحدّش سمع حاجة wst::

[moheltohamy]

أنت فييين يا د/ تهامى :lol:

كل دة فى صور الجبنة هم كام نوع طب قسمهم كل يوم صورة زى المسلسلات التركى و المكسيكى :blink:

على فكرة العروسة اللى مش حمرا وصلت من ييجى أربع أيام كدة بس أنا ما كنتش عارفة إن الموضوع أصبح صعب كدة زمان كان الواحد يركب العدسة و يظبط الفوكس و يصور :blink:

دى مع أى هزة الموتور يشتغل والصورة تشوش لسة مش عايزة تظبط لاااا الموضوع كبير كبير كبير يعنى :wub:

ألف مبروووووووووك يا أختشي يا اسكندرانيه ع العروسه الحلوه ... و ان شاء الله تفكي لوغاريتماتها و تعرفي تشغليها..

على فكره أنا كمان عملت زيك و اشتريت العروسه من نفس السايت .... ربنا يسهل و توصل بالسلامه

د. توووووووووووووو :blink: .... انت رحت فين يا عم؟!..... انبي ترجع يا شيخ .. والله ليك وحشه

أهلااااان... إنتو طلعتوا مع بعضشيكوا بقى؟ :lol:

وعلى كده نفس العروسة ولاّ إيه يا ولاد؟

بصي يا اسكندرانية... حركة الموتور دي أعتقد إنها مع تغيّر حركة الكاميرا ، وباتالي بيتغيّر الهدف اللي الكاميرا بتظبط عليه البؤرة (AutoFocus يعني) ، وعشان كده يمكن بتحسّي بحركة الموتور الداخلي البسيطة دي.

وعندك بقى الكام مود تقدري تدخلي فيهم ، وكل مود هتلاقي ليه مميزات ، حاولي تتعاملي بالأخص مع المانيوال ، وتشوفي تقدري تغيّري السيتنجز ازاي...

أخلّص أنا اللي في إيدي ده ، وأدخل في جزء التصوير ، بس ده بكل أسف مش هيكون قريّب!

وعموماً... هاحاول الليلة دي أنزل لكم بباقي الصور ، وأدخل في الجزء اللي عليه الدور في الهاند أوفر.

[somayasaleh]

يااااه يا باشمهندسة سمية... عاش من شافك يا فندم.

وهوّه أنا أقدر أنطق على ميساساجا نص كلمة دلوقتي؟! ميساساجا دي سعادتك ولا نيويورك في زمانها! دي منطقة السكوير وَن دي فيها كم مشاريع كلها أبراج بشكل غريب ، وتصميمات هندسية تحيّر... كان نفسي الواد زناتي يروح يصوّرها ، ويقول لنا دي - إنشائياً يعني - إزاي ينفع تشيل أدوار علوية؟! :blink:

بس أنا حضرتك من عشاق سكن المدن الكبرى ، مش بتاع مدن صغيرة أو بعيدة عن المدن المتروبوليتان. إحساسي إني في قلب الأحداث ، أو أبعُد عن قلب الأحداث 10 دقايق بس... ما أتمناش أحسن من كده!

ولو موجودة معانا شوية ، فيه كلمتين كاتمهم في قلبي ، ونفسي أقولهوملك... بخصوص الجبنة الرومي ، والانبهار بالغرب للناس اللي عايشة في الخليج! :blink:

انا موجودة اهوه يا تو يا اخويا.......وقاعدة ومطرطأة وداني........قول يا باشا كل اللي في نفسك :lol:

انا بقول الجبنة البيضاء .....مش الرومي؟؟؟؟ خد بالك :blink:

[moheltohamy]

السلام عليكم يا حلى واجمل منتدى شوفته فى حياتى بجد بجد ما شاء الله عليكم انا ليا اسبوعين تقريبا ما بعملشى حاجة فى حياتى غير منتدى الحياة والهجرة الى كندا اصحى عليه وانام عليه ادمان بعيد عنكم

الصراحة انا كنت داخلة اخدلى كام شمة قصدى كام معلومة كدة على السريع لقيت نفسى دخلت فى حالة متاخرة ولو قعدت كدة من غير ما اخد الشمة قصدى ادخل المنتدى احس بدوخة وزغللة

طمنونى هى دى اعراض ايه

طبعا انا دخلت كدة فجأة من غير لا احم ولا دستور (معلش اصلى صعيدية ولسة مخفتش)

دكتور التهامى بجد بجد ما شاء الله توبيك روعة مالوش حل والصور اللى بتنزلها يتحلينى اكلم نفسى من الجمال

انا حاسة انى اعرف حضرتك ودكتورة سوسو رانى اللى دمها سكر والدكتور زناتى والدكتور قناوى والدكتور الشامى والدكتورة سمية صالح وطبعا اللى كان السبب فى(ادانى اول شمة) انى اسجل فى المنتدى وهو الدكتور هشام بالتوبيك الرائع والمفيد جدا بتاعه وكل اعضاء المنتدى بصراحة حاجة تفرح

ربنا يوفقكم يارب لما يحبه ويرضاه

يارب تقبلونى اخت ليكم لانى حاسة انكم كلكم اخواتى

دكتور التهامى متحرمناش من هاند اوفراتك وسورى لو كنت دخلت بدون استئدان يس انا حاسة انكم قريبين منى فكان لازم ابعبر (اعبر)يعنى

صافى ستار

بعد حمد الله على سلامتك في التوبيك...

وألف سلامة عليكي من الإدمان... كلنا هذا الرجل على فكرة ، والمنتدى بتاعنا ده ليه وقع خاص ، معظمنا هنا بندمنه ، بس بعد فترة بتبدأ بوادر الشفاء ، بتلاقي إنك بتدخلي على فترات متباعدة شوية.

وفي نفس الوقت مش هتلاقي قهاوي كتير باقية... إنتي بسم الله ما شاء الله عليكي قزقزتي 4 قهاوي متوحشين (هنا ومواضيع الشامي وإيهاب وهشام)... تتحسدي :lol:

منوّرة يا فندم مرة تانية... وتمنياتي بالإقامة الكندية أولاً ، والجنسية الكندية بعدها بأربع سنين :blink:

[moheltohamy]

ولو موجودة معانا شوية ، فيه كلمتين كاتمهم في قلبي ، ونفسي أقولهوملك... بخصوص الجبنة الرومي ، والانبهار بالغرب للناس اللي عايشة في الخليج! :blink:

انا موجودة اهوه يا تو يا اخويا.......وقاعدة ومطرطأة وداني........قول يا باشا كل اللي في نفسك :lol:

انا بقول الجبنة البيضاء .....مش الرومي؟؟؟؟ خد بالك :blink:

أنا للأمانة يا هندسة ما قريتش موضوعك ، رغم إني باسمع من جواسيسي إنه توووحفة :lol:

بس اللي وصلني كان على إنه ع الجبنة الرومي... قلت طب والله لاروح لها الدكانة بتاعتها ، وأكشف راسي وأشهد بكلمة حق... وكتبت حتة مخصوص في الهاند أوفر عشانك انتي بالذات ، بعد آخر زيارة ليا في كندا الشهر اللي فات... وطالما اتكتبت ، يبقى اتفضليها بقى...

استدراك بقى بعد أكتر من سنتين ما بين كندا ومصر... كنت في لورانس ماركت في الداون تاون تورونتو ، وعدّيت على محل محترم للأجبان بمختلف أنواعها ، وطلبت معايا أروح أتنطط عليهم شوية بالجبنة الرومي بتاعتنا اللي مفيش منها حداهم! رحت و قلتله عندكو رومانو تشيز؟ وده يقول لي طبعاً عندنا! استغربت ، وقلتله طيب أنا عاوزها قديمة جداً (ثقافة بلادنا بقى انتا فاهم) ، راح شافها وقاللي هيّه إنتاج سنة فاتت! مصمصتله في شفايفي ، وقلت بلاش أكسفه... طيب هاتلي ربع كيلو! وهوّه بيقطّعه ، ألاقي قرص الجبنة لونه أبيض تماماً! يا عم الحاج إنتا متأكد إنها مش فارماچان؟ الجبنة الرومي بتكون أطرى من كده شوية! ويورّيلي القرص منقوش عليه من بره بحروف بارزة رومانو عشان أتطمّن. بس أنا عاوز جبنة محترمة م اللي بيبقى لونها أصفر غامق كده ، ويا ريت أشوف العفن عليها من بره ، علامة الجودة (حاجة كده زي ختم الصياعة الأزلي بتاع اللمبي)! المهم... قلت آهو يبقى اسمنا دقنا الجبنة الرومي الكنداوي من باب العلم بالشئ ، مانتا عارف أخوك ، أموت وأجرّب كل جديد! الجبنة دي يا سيدي مصنوعة في إيطاليا ، وريحتها أستاذة فعلاً ، وسعر الكيلو 39 دولار.

أروح البيت يا سيدي ، وأنتش لي حتة أنقنق فيها ، وإذ بي أفوجأ يابو حميد إني بدأت أسخسخ وأفقد الوعي من طعامتها والحاجات الكرانشي اللي جوّاها! الجبنة يا احمد ناعمة موت ، ونقيّة إلى أقصى حد ، وفيها من جوّة حاجة كده زي الفتافيت الهشة اللي بتزوّد طعمها جمال فوق جماله. مقارنةً بالجبنة الرومي اللي كنت باجيبها في مصر – ومش أي جبنة ، لأ دا الجبنة الرومي اللي م الآخر بتاعة مترو شارع جامعة الدول كمان – إحنا كنا بناكل طين في مصر... طييين!

أفتكر لما كنت في بداية شغلي في البترول في شركة قارون ، لما كنت باتعلّم مبادئ الكشف على الأكل ، واتقاللي إن الجبنة الرومي تمسك حتة منها بين صابعين ، وتفركها كده ، ولو حسّيت إنها نشوية شوية وبتزفلط ، تبقى مخلوطة وقت صناعتها ببطاطس بوريه! يبقى لو طبقنا النظرية دي ع الجبنة الرومي بتاعة مصر مقارنةً باللي في كندا... تبقى – كلاكيت تاني مرة – ... طييين!

هتقوليلي برضه الجبنة الرومي في مصر يا هندسة؟! :blink:

[somayasaleh]

ولو موجودة معانا شوية ، فيه كلمتين كاتمهم في قلبي ، ونفسي أقولهوملك... بخصوص الجبنة الرومي ، والانبهار بالغرب للناس اللي عايشة في الخليج! :lol:

انا موجودة اهوه يا تو يا اخويا.......وقاعدة ومطرطأة وداني........قول يا باشا كل اللي في نفسك :blink:

انا بقول الجبنة البيضاء .....مش الرومي؟؟؟؟ خد بالك :wub:

أنا للأمانة يا هندسة ما قريتش موضوعك ، رغم إني باسمع من جواسيسي إنه توووحفة bv:-

بس اللي وصلني كان على إنه ع الجبنة الرومي... قلت طب والله لاروح لها الدكانة بتاعتها ، وأكشف راسي وأشهد بكلمة حق... وكتبت حتة مخصوص في الهاند أوفر عشانك انتي بالذات ، بعد آخر زيارة ليا في كندا الشهر اللي فات... وطالما اتكتبت ، يبقى اتفضليها بقى...

استدراك بقى بعد أكتر من سنتين ما بين كندا ومصر... كنت في لورانس ماركت في الداون تاون تورونتو ، وعدّيت على محل محترم للأجبان بمختلف أنواعها ، وطلبت معايا أروح أتنطط عليهم شوية بالجبنة الرومي بتاعتنا اللي مفيش منها حداهم! رحت و قلتله عندكو رومانو تشيز؟ وده يقول لي طبعاً عندنا! استغربت ، وقلتله طيب أنا عاوزها قديمة جداً (ثقافة بلادنا بقى انتا فاهم) ، راح شافها وقاللي هيّه إنتاج سنة فاتت! مصمصتله في شفايفي ، وقلت بلاش أكسفه... طيب هاتلي ربع كيلو! وهوّه بيقطّعه ، ألاقي قرص الجبنة لونه أبيض تماماً! يا عم الحاج إنتا متأكد إنها مش فارماچان؟ الجبنة الرومي بتكون أطرى من كده شوية! ويورّيلي القرص منقوش عليه من بره بحروف بارزة رومانو عشان أتطمّن. بس أنا عاوز جبنة محترمة م اللي بيبقى لونها أصفر غامق كده ، ويا ريت أشوف العفن عليها من بره ، علامة الجودة (حاجة كده زي ختم الصياعة الأزلي بتاع اللمبي)! المهم... قلت آهو يبقى اسمنا دقنا الجبنة الرومي الكنداوي من باب العلم بالشئ ، مانتا عارف أخوك ، أموت وأجرّب كل جديد! الجبنة دي يا سيدي مصنوعة في إيطاليا ، وريحتها أستاذة فعلاً ، وسعر الكيلو 39 دولار.

أروح البيت يا سيدي ، وأنتش لي حتة أنقنق فيها ، وإذ بي أفوجأ يابو حميد إني بدأت أسخسخ وأفقد الوعي من طعامتها والحاجات الكرانشي اللي جوّاها! الجبنة يا احمد ناعمة موت ، ونقيّة إلى أقصى حد ، وفيها من جوّة حاجة كده زي الفتافيت الهشة اللي بتزوّد طعمها جمال فوق جماله. مقارنةً بالجبنة الرومي اللي كنت باجيبها في مصر – ومش أي جبنة ، لأ دا الجبنة الرومي اللي م الآخر بتاعة مترو شارع جامعة الدول كمان – إحنا كنا بناكل طين في مصر... طييين!

أفتكر لما كنت في بداية شغلي في البترول في شركة قارون ، لما كنت باتعلّم مبادئ الكشف على الأكل ، واتقاللي إن الجبنة الرومي تمسك حتة منها بين صابعين ، وتفركها كده ، ولو حسّيت إنها نشوية شوية وبتزفلط ، تبقى مخلوطة وقت صناعتها ببطاطس بوريه! يبقى لو طبقنا النظرية دي ع الجبنة الرومي بتاعة مصر مقارنةً باللي في كندا... تبقى – كلاكيت تاني مرة – ... طييين!

هتقوليلي برضه الجبنة الرومي في مصر يا هندسة؟! wst::

انا اقدر يا تو يا اخويا اقول حاجة عن ست الكل الجبنة الرومي الكندي

يا باشا انا كان كلامي عن الجبنة البيضا....لان ده معشوقتي wst:: ....وخاصة مع البطيخ في الصيف.....ياسلام سلم يا ولاد

وبعدين يا تو يا اخويا ليه ما قريتش الموضوع.....لازم تسمع كلام الجواسيس الافاضل

ادخل برجلك اليمين.......وقول رأيك ايه يا باشا؟؟؟؟ممكن تقوله هنا علي فكرة :blink: ....المهم تعبرنا يا دكتور :lol:

الصورة ده عربون محبة يا تو يا خويا......من سكور وان....برجين حلوين علي الماشي كده :blink: