كندا التي رأيتها :)

[Safystar]

السلام عليكو

د:تهامى انا شايفاك منور القهوة

واضح انى كل على القهوة بتاعتك مشتركين فى ادمان الجبنة

لانى فعلا عندى ادمان حقيقى للجبنة بكل انواعها وخاصة الشيدر السبايسى اللى بالفلفل الاخضر والبابريكا والرومى القديمة والجبنة البيضا البراميلى

عندى سؤال محيرنى هو ليه كل اللى بيروح كندا جديد بيسكن فى مسيساجا مع انى اللى فهمته من كلامك وكلام دكتورنا هشام ان فرص العمل اكتر بكتير فى تورنتو وانا بصراحة حبيت تورنتو قوى من كلامكم وعايزة اسكن فيها هى بالدات فمش عارفة ايه مميزات ميسيساجا وهل هى ارقى من تورنتو لانى اخو جوزى واصحابه ساكنين فيها برضه؟منورنا النهاردة كالعادة ويارب تخلص مشاويرك فى البلاد الللى بتكرم وتعزز الانسان على خير :rolleyes:

فى انتظار هاند اوفر جديد

صافى ستار

وعليكم السلام يا فندم...

طالما مدمنة جبنة رومي ، فهتعرفي معنى الجبنة الرومي بجد في كندا ، ومسيرك تقولي تهامي قالها

نيجي بقى لحكاية تورونتو وميسيسوجا (على رأي هشام)...

أنا ما أعرفش إنتي كنتي عايشة فين في مصر ، بس لو كنتي زي حالاتي أيام مدينة نصر ، من هواة المدن الكبرى (الـ Metropolitan يعني) زي القاهرة أو اسكندرية ، فهتلاقي نفسك أكتر في تورونتو ، اللي كل حاجة تتخيليها حواليكي ، وجميع وسائل المواصلات متاحة ، ودقيقتين وتكوني في قلب الحدث. وطبعاً فرص الشغل أكتر في تورونتو في أغلب الأحوال.

منطقة سكن هشام (الداون تاون تورونتو) ، كل المصالح والدنيا حواليكي ، وليها آكسيس من تحت الأرض ، وعندك أكبر مول في العالم تحت الأرض ، عن طريق اتصال الأدوار السفلى من الأبراج الموجودة في الفاينانشيال ديستريكت. أنا عن نفسي أحب المنطقة اللي زي دي.

المنطقة بتاعتي بقى... يانج آند إجلنتون ، يُعتبَر الـ Midtown حالياً ، قريبة برضه من معظم الحاجات اللي ممكن تحتاجيها ، و10 دقايق من الداون تاون بالصابواي ، لدرجة إنك ممكن ما تحتاجيش عربية في بداياتك في البلد ، خصوصاً إن في الـ Rush hour الصابواي بيكون أسرع بكتير من العربية. الميزة إن المنطقة دي أهدى بكتير من منطقة الداون تاون ، وفيها حياة ممكن حتى نص الليل (أعتقد دومينيون ماركت في مول كندا سكوير تحت الأرض في تقاطع يانج وإجلنتون فاتح 24 ساعة).

نيجي بقى لميسيساجا... هتلاقي فيها تركّز للعرب والمصريين ، لو تحبي تسكني وسطهم! وبالتالي هتلاقي نسبة الحجاب أكبر هناك ، والمحلات العربي إلى آخر اهتمامات العرب في المنطقة اللي بيتركّزوا فيها.

الجوامع موجودة في كل مكان... ما تقلقيش من النقطة دي. يمكن في كندا مش هتلاقي نفسك في المعتاد ساكنة جمب المسجد ، بس مشوار ربع ساعة بالعربية للجامع مش مشكلة.

أنا عن نفسي ما أحبذش السكن وسط تركّز العرب أو المصريين... هتحتاجي تندمجي في المجتمع ، يعني تختلطي بمختلف الجنسيات ، مش هتطلعي من مصر أو السعودية عشان تعيشي في مصر تاني! وهابقى أتكلّم على النقطة دي في الهاند أوفر بعدين.

نقطة تانية... ميساساجا مفرودة شوية ، بمعنى إنها على مساحات أوسع من تورونتو ، يعني غالباً مش هتعرفي تستقري بسهولة من غير عربية ، وكمان التركّز السكّاني أقل من تورونتو.

فيه في ميساساجا في الداون تاون حوالين سكوير وَن مول (أكبر مول في الـ GTA كلها حسبما سمعت) ، فيه تجمّع من الأبراج الرائعة فعلاً ، وده الـ Trend اللي ماشي في المنطقة دي ، وممكن أبقى أنزّل كام صورة للمنطقة دي.

أعتقد المنطقة دي هيكون ليها مستقبل. الواحد يقول اللي ليه واللي عليه برضه :blink:

بس في النهاية... أنا لا أقبل بتورونتو حبيبتي بديلاً wst::

تمام يادكتور كلام حضرتك واقعى الى حد بعيد

واضيف الى ما تكرم به الدكتور تو

ان مسيساجا هتعانى من المواصلات اذا عملتى خارجها او فى تورونتو واذا لم يكن لديك سيارة

معظم مبانى مسيساجا فلل متباعدة شكلها جميل وجزابة وهادئة وغاية فى الاناقة الا انها شبة معزولة نوعا ما

لو انتى هتسكنى مثلا فى منطقة بعد سكوير 1 وتعملى فى تورونتو هتضرى تركبى الباص الى سكوير 1 ومن سكوير 1 محطة باصات بتغيرى الى

مواصلة اخرى حتى تصلى ايزجلنتون او كيبلينج (محطة الصابواى ) يمشى الصابواى تقريبا 12 محطة حتى يصل الى الداون تاون يعنى تقريبا مواصلات ساعة ونصف

اما لو بتعملى فى مسيساجا فالامر هيكون اسهل

على الجانب الاخر بالرغم من ان تورونتو بها جميع المميزات والخدمات تحت يدك وبخط الصابواى تلفيها كلها فى ساعة الا ان ايجاد سكن مناسب فى الداون تاون ليس بالمهمة السهلة

وبالذات للمهاجرين الجدد ,

بعد اذن الدكتور فى موضوعى هذا عدة صور تغطى مسيساجا والداون تاون لو تحبى تقارنى

الرابط

http://www.egyptiantalks.org/invb/?showtop...02718&st=60

ميرسى قوى يا أستاذ الرفاعى على المعلومات المفيدة وعلى فكرة التوبيك بتاعك كمان حلو ومفيد وانا قريته كله

ربنا يوفقك وترتب احوالك وتستقر فى كندا

صافى ستار

[alaafrench m]

تحياتى مستر تو

الاقيش هناك جنبة دمياطى

جبنة بلدنا بقا اعمل اية(قال الوطنية مقطعة قلبى قوووى)

ميرسى لذوقك يا مدام صافى

وعلى فكرة انا اسمى علاء مش الاء

وياريت تفكرى شوية فى موريال

بردة زى تورنتو كويس وبنت حلال

وشغالة فرنساوى وانجليزى

[Safystar]

بجد يا دكتور الحق لازم يتقال صور السوبرماركت والمولات وموضوع الشوبنج دة بجد رائع وانا باعتبر القهوة بتاعتك هى دليلى فى الشوبنج

ما شاء الله عليك وتسلم ايديك

على فكرة فى فى الساف واى (SAFE WAY) توم مقشر ومطحون كمان بس مش فريش وفى كمان توفو بس يع طعمه وحش جدا لأهو الحقيقة حاجة مالهاش طعم كدة ومعرفشى الناس بتاكله ازاى

وان شاء الله حياتك الواقعية تكون زى الصور واحلى

صافى ستار

[ramyfathalla]

د/ تهامى حبيب هارتى تسمح لى أقولك حاجة

أنت بجد مالكش حل كل المجهود الكبير ده فى الشوبينج من أجل الأعضاء اللى بيفكروا فى الهجرة الى كندا

أنت فعلا تستاهل كل خير على وقتك و مجهودك الجبار اللى بتبذلوا فى سبيل الله

يا رب يتقبل منك و يجازيك كل خير على وقتك و مجهودك

أنا حاسس أنى مكسوف منك و من جمايلك علينا اللى مش عارف ممكن نردهالك ازاى

د/ تهامى أنا و أكيد ناس كتير مدينين لك بالكثيرو لا يسعنى الأن غير انى أدعيلك بكل التوفيق و من كل قلبى

و مهما قلت مش حاوافيك حقك

شكرا شكرا شكرا.........................

[mohamedadel]

بصراحة مبدع شويه عليك .... مجهود أكثر من رائع ولا يوجد كلمات نعطيك بها حقك ...

بعد اذن سعادتك مرة تانيه ... صورتين من Ottawa ... بمناسبة سلامة أختنا goodfaith ... الف حمد لله على سلامتها ...

ولا هيه Ottawa ملهاش نصيب ولا ايه ....

طبعا الصور دي كانت في حديقة رائعة مش فاكر اسمها دلوقتي .... بس كانت تحفه ...

عموما ادعو لي ان شاء الله مسافر بعد 3 اسابيع لمحاولة .... الأستقراااااار ....

سلامو عليكوا .. و أسف على الإطالة

[mohamedadel]

عموما ادعو لي ان شاء الله مسافر بعد 3 اسابيع لمحاولة .... الأستقراااااار ....

سلامو عليكوا .. و أسف على الإطالة

مش عارف بعد ما كتبت الكلمة دي حسيت اني مديتهاش حقها .......

بصراحة موضوع في غاية الصعوبه .... بالذات للناس ألي زي حلاتنا عيشين في الخليج " الإمارات "من مده ليست بقصيرة ...

مهما حقول وزيد وعيد ... الحمد لله على كل شيء ... المهم ان الواحد يتوكل على الله ويستخير ....

ودائماً و أبداً الخيرة فيما أختاره الله

[اغابي]

ميرسي يا دكتور تهامى على المجهود الرائع داه

صحيح حضرتك اذيت نفسيتى بشوية الصور دوول - bv:- لكن شكرا برضوه

وقال انا فاكرة ان الماركت اللى فى الكويت بتنوع فى المنتجات bv:- وبتدينى مجال ابدع فى مطبخي

اتاريهم بيضحكو علينا بشوية الجبنة والزبده فى الكارفور اللى حفظتهم بالاسم وزهقت كمان منهم

- لانى ما شفتش بصراحة كمية التنوع بالشكل داه فى المنتجات

اخد ريست اعالج نفسيتي - وارجعلكم مرة تانية

اغابي

[goodfaith]

شكرا لكل من سال عني جزاكم الله خيرا

دكتور تو اخجلتم تواضعنا وربنا يرجع دكتور هشام بالسلامة افتكرته وانا داخلة اودة العمليات واحترمت اوي دكاترة التخدير كلهم بعد العملية :happy:

استاذ محمد ربنا يكتب اللي فيه الخير ان شاء الله

البارك اللي حضرتك حاطط صورته اسمه Andrew Haydon Park جنب بيتي وكل يوم بنروحه بس ابني بيخاف من المروحة اللي بتبين اتجاه الريح كل ما نقرب منها يزبهل ويفضل باصص لها كانها النداهة مرة اخدته تحتها فضل واقف راسه مشعلقة 10 دقائق لا حس ولا خبر في الاخر انا زهقت شلته وبعدت عنها :blink:

كمان فيه هناك مسرح بيعملوا عليه عروض موسيقية ظريفة ودي صورة لقيتها على النت للبارك

http://commondatastorage.googleapis.com/st...nal/4467699.jpg

كمان جنبنا بارك تاني اسمه Britannia Park ده حوالي 7 دقائق باسيارة فيه شاطيء وبيعملوا فيه سيرفينج تحفة بس الشاطيء مريع مطين كده وكله صخور والمية عكرة جدا

http://commondatastorage.googleapis.com/st...al/17375149.jpg

اغابي حبيبتي ازيك وحشاني والف سلامة على نفسيتك :happy:

[اغابي]

اغابي حبيبتي ازيك وحشاني والف سلامة على نفسيتك

ازيك يا مدام goodfaith والف حمدالله على سلامتك

انا خلاص بحاول اعالج نفسيتي المتازمة من وضع الصور الكندية وتاثيرها على النفس البشرية

شكرا لسؤالك وادعيلنا كام دعوة من دعواتك الجميلة

ميرسي كتير لحضرتك

اختك اغابي

[اسكندرانيةكنداوية]

أسيبكم ترتاحوا شوية ، وأخرج أتمشى في الحياة الواقعية ، وبعد كده ندخل على صور الأسماك ، واللحوم wst::

د/ تهااااامى إنت لسة بتتمشى فى الحياة الواقعية و ألا توهت :sad: و ألا أتصدمت bv:- و ألا أية اللى حصل تكونش طلعت ملتحى وإنت مش عارف :wub:

فى إنتظار حلقات wst:: يا زعيم

تحياتى يا فندم

[اغابي]

بعد اذن سعادتك مرة تانيه ... صورتين من Ottawa ... بمناسبة سلامة أختنا goodfaith ... الف حمد لله على سلامتها ...

ولا هيه Ottawa ملهاش نصيب ولا ايه ....

طبعا الصور دي كانت في حديقة رائعة مش فاكر اسمها دلوقتي .... بس كانت تحفه ...

عموما ادعو لي ان شاء الله مسافر بعد 3 اسابيع لمحاولة .... الأستقراااااار ....

سلامو عليكوا .. و أسف على الإطالة

كمان - صور تانى md2: - mfb:

شكرا يا استاذ محمد لحضرتك

ومش حاقدر اقولك غير كلمة واحدة -

انك برضوه اذيت نفسيتى :happy: خاصة ان الصور كلها لمناظر طبيعية

وانت عارف ومقدر الواحد نسي الحاجات دى من زمان :o ومش عارفين نلاقيها فين فى الخليج :D

كل مرة اخرج من الموضوع داه واقول مش حادخل تانى الا لما اجراءاتى لكندا تخلص لكن الاقى رجليا وحدها بتجيبنى - مش عارفة اازى -

واقول اقف على الباب وبلاش ادخل لكن مش بايدي - براحتكم اؤذى فيا - تعبتونـــــــــــ( )ــــــــــى mfb: mfb:

استاذى - ميرسي كتيــــر لحضـــرتك

ومجهود رائع تسـلم الايادى بجـد

ربنا يكرمــــك ويوفقــك

اغابي

تم تعديل 2 يونيو 2010 بواسطة اغابي

[SoSo R]

أنا مش مصدقة عيونى :sad: د/ سوسو كمان هنا يادى السعادة و الهنا حقيقى وحشتينى ووحشتنى مداخلاتك أوى يارب يقويكى ويوفقك دايما و يسمعنا عنك كل خير

أنا حقيقي متشوقة أعرف حيكمل الإسبوع التالت إزاى وأوعى تقولى حيفكر يرجع الميدل إيست تانى دى حقيقى تبقى نكسة وألا ممكن يقول فى الصيام 7 فوايد منها الصحة و التوفير

يلا كملى بجد عايزة أعرف مصيرنا حيكون أيه بعد أول شهر إحكى يا شهرزاد

فى الإنتظار :sad:

إزيك يا قمر ..عاملة إيه فى الحر اللى عندكم...

بصى أنا كان نفسى أكمل بس بعد ما تم تسريب مذاكراتى ...أخاف أكمل ...

ده بيقرا أفكارى يا بنتى

على فكرة هو هيكمل بعد كدة على عيش حاف...بس خليها فى سرك wst::

]

مرحبا دكتورة..

ارجو من حضرتك اكمال مداخلتك عن الشوبنك .. وتجربتك بهذا الخصوص..

الواضح ان الواحد سوف يشد الحزام على البطن بعد الوصول ..

اسئل الله ان يوفقك في امتحانك القادم .. ويحفظ لك بناتك انه نعم المولى المجيب ..

اخوك ابو رقية

أهلا أبو رقية...

طبعا هتشد الحزام

وهتبقى رشيق جدا... لدرجة زيادة عن اللزوم

ربنا يخليك ع الدعوة الحلوة إستمر لحد يوم 12 يوليو الله يكرمك

و على فكرة أنت عملت حاجة تانية حلوة قوى

د/ سوسو دخلت على الرغم من انشغالها و نورتنا

و بأقولها و أدعيلها ربنا يوفقك و تستمرى فى نجاح على طول ان شاء الله

ربنا يكرمك يا أستاذ رامى...

بجد رافع معنوياتى علطول

أنا كنت مكملة فى المشروع بتاعنا إيه بتاع تحليل الشخصية...فاكر؟؟

فحللت شخصيته من اللى بيكتبه

قام إصطادنى و سرب مذاكراتى

إلحقنى بأه

و حلله من صور سوق الخضار ديه

تفتكر ممكن نستنتج منها إنه إنسان يميل إلى العزلة و قلبه قلب خساية

ولا أنت إيه رأيك؟؟

مُداخلة ممتازة يا سوسورانى & كُلنا آذان صاغية

عاش من شافك دكتور حازم

أخبارك إيه؟؟

وشكرا ليكي يا دكتوره سوسوراني

بجد انتوا قربتوا ترجعوا المنتدي زي الاول

الله يخليك دكتور فاروق ميرسى لذوقك

[SoSo R]

ياااااااااااااااااااااااااااااااااااااااااااااااااااااااااااه

تهامي أخويا و سوسو

أحمدك يا رب

و الله رجعتونا يا ولاد للزمن الجميل

و سوسو حبيبتي و حشاني و يارب ربنا يوفقك و تخلصي على خير

و انت لا سلام و لا كلام و انا قلت يا واد طنش خااالص لحد بس

لما تخلصي وتفوقي و بعدين نتحاسب :wub:

في انتظار المزيد من الابداعات :sad:

ازيك يا جميل ...

بلاش العتاب...بلاش العتاب يا حبيبى... :FN:

خشى عندى فى الرستوران بتاعى...وانتى تعرفى كل الأخبار...

ما تزعليش بأه و آدى راسك أبوسها wst::

نورتى الدنيا يا سوسو ياحبيبتى

الله يكون فى عونك على الامتحان والولاد وكمان المنتدى

لا ده كتير

بس بقى ازاى يعنى يبقى دكتور تهامى واخد باله من الاسعار والانواع وعامل دراسات عليا فى انواع اللحوم

وانتى تقوليلنا انا معنديش فكرة عن الاسعار

دول حتى بيقولوا ان الستات بتهتم بالتفاصيل

اصل انا يا اختى عاملة زيك كده برضه :110: :

وممكن اشترى الانواع اللى انا عاوزاها من غير ما اعرف مين بكام وليه

يالا مش كفاية علينا توضيبه chf::

نورتى يا قمر وكلنا نتفهم ونعذرك لغيباك بس بعد الامتحان

اوعى تروحى كده ........ ولا كده

متابعين اخبارك

منورة بيك يا قمر...

بجد رسالتك بتاعة ليلة الأمتحان لسه شايفاها النهاردة و انبسطت بيها جدا...

ربنا يخليكى ليا بجد..

لأ وكمان النتيجة هتطلع يوم عيد الرسل ..يعنى المفروض يشدوا حيلهم معانا :sad:

صليلى كتير

أعزائنا دكتور تهامي وسوسو

أسعدتونا

متاااااابعين وفي انتظار المزيد

ربنا يباركلكم في صحتكم وعائلاتكم يارب

wst::

جاية...إزييييييييييك

مبروك ع الفيزا ولو إنها متأخرة جدا

أنا فى أنتظارك ..على رأى ثومة

مش هوصيكى بأه بن العميد و على كافيه

ما تشمتيش الناس اللى بالى بالك فيا ty:)

ربنا يجيبكم بالسلامة

[ramyfathalla]

و على فكرة أنت عملت حاجة تانية حلوة قوى

د/ سوسو دخلت على الرغم من انشغالها و نورتنا

و بأقولها و أدعيلها ربنا يوفقك و تستمرى فى نجاح على طول ان شاء الله

ربنا يكرمك يا أستاذ رامى...

بجد رافع معنوياتى علطول

أنا كنت مكملة فى المشروع بتاعنا إيه بتاع تحليل الشخصية...فاكر؟؟

فحللت شخصيته من اللى بيكتبه

قام إصطادنى و سرب مذاكراتى

إلحقنى بأه

و حلله من صور سوق الخضار ديه

تفتكر ممكن نستنتج منها إنه إنسان يميل إلى العزلة و قلبه قلب خساية jmb-)

ولا أنت إيه رأيك؟؟

أولا منورة المحاورات يا د/ سوسو و بجد مفتقدين حضرتك قوى

و ربنا يوفقك فى الامتحانات و يبارك لك فى بناتك

أما موضوع التحليل اللى أنت عارفاه أنا مش ناسى بس مستنى لما تفضى علشان نمضى عقد الشركة :lol:

المشكلة مش د/ تهامى أنت عارفه أنا ممكن أحلل أى صورة

متمكن ومحلل مخضرم :lol:

المشكلة ان د/ تهامى مشرف و أنا عندى حساسية من المشرفين :lol: تحليلهم صعب شوية

المهم أنت منورة و يا ريت ما تقطعيش و تغيبى علينا

[اسكندرانيةكنداوية]

نورت المكان يا د/ سوسو يارب بالتوفيق و النجاح فى الإمتحان و يخلى لك قمراتك الأتنين wst::

د/ تهامى إنت فين خرجت و لم تعد ليييييه طال الإنتظار

[dcfarouk]

السلام عليكم

مجهود جبار من دكتور تهامي

بما ان حضرتك متخصص في الشوبينج كنت عاوز اسال عن الشراء من الانترنت هل هو ارخص ولا الشراء من المحل مباشره

لان مثلا انت لو اشتريت من موقع في امريكا انت مش بتدفع ضرايب لو انت في كندا ولكن انت بتدفع ضرايب لو انت بتشتري من محل

وكمان لو الموقع مثلا يخص شركه في تورنتو ه لو انا اشتريت من البرتا مش هدفع ضرايب غير الفيدرال صح؟ ارجو التوضيح

وكمان سؤال هل هناك منفحه تصنع من الخنزير مما يجعل الجبن المحتوي عليها حرام

وشكرا مره اخري

[mohamedadel]

شكرا لكل من سال عني جزاكم الله خيرا

دكتور تو اخجلتم تواضعنا وربنا يرجع دكتور هشام بالسلامة افتكرته وانا داخلة اودة العمليات واحترمت اوي دكاترة التخدير كلهم بعد العملية :)

استاذ محمد ربنا يكتب اللي فيه الخير ان شاء الله

البارك اللي حضرتك حاطط صورته اسمه Andrew Haydon Park جنب بيتي وكل يوم بنروحه بس ابني بيخاف من المروحة اللي بتبين اتجاه الريح كل ما نقرب منها يزبهل ويفضل باصص لها كانها النداهة مرة اخدته تحتها فضل واقف راسه مشعلقة 10 دقائق لا حس ولا خبر في الاخر انا زهقت شلته وبعدت عنها :)

كمان فيه هناك مسرح بيعملوا عليه عروض موسيقية ظريفة ودي صورة لقيتها على النت للبارك

كمان جنبنا بارك تاني اسمه Britannia Park ده حوالي 7 دقائق باسيارة فيه شاطيء وبيعملوا فيه سيرفينج تحفة بس الشاطيء مريع مطين كده وكله صخور والمية عكرة جدا

ألف ألف شكر يا أستاذه goodfaith على أمنياتك الطيبة ومعلوماتك القيمة ... و ان شاء تكوني في اتم صحة و عافيه ...

ويارب يسهل ويكرم كل الأخوه المهاجرين وايضا ألي ناويين على الهجره

وبالفعل د هشام مفتقدينه جدا ان شاء الله يكون بالف خير ....

كمان - صور تانى :o - :D

شكرا يا استاذ محمد لحضرتك

ومش حاقدر اقولك غير كلمة واحدة -

انك برضوه اذيت نفسيتى :lol: خاصة ان الصور كلها لمناظر طبيعية

وانت عارف ومقدر الواحد نسي الحاجات دى من زمان ومش عارفين نلاقيها فين فى الخليج

كل مرة اخرج من الموضوع داه واقول مش حادخل تانى الا لما اجراءاتى لكندا تخلص لكن الاقى رجليا وحدها بتجيبنى - مش عارفة اازى -

واقول اقف على الباب وبلاش ادخل لكن مش بايدي - براحتكم اؤذى فيا - تعبتونـــــــــــ( )ــــــــــى :D ;)

استاذى - ميرسي كتيــــر لحضـــرتك

ومجهود رائع تسـلم الايادى بجـد

ربنا يكرمــــك ويوفقــك

اغابي

:sad:

الله يخليكي يا استاذه ... لا تعب ولا حاجه ... في موضوع الصور ده أحنا حضريين ...

عموما ربنا يخليكي ... والف سلامة على نفسيتك :blush2: على راي الأستاذه goodfaith

وبصراحة الواحد لما بيتواجد هنا بيحس انه وسط اهله و اصدقائه .... و يارب .. يارب ييسر لكم دائما لما فيه الخير ...

[Safystar]

السلام عليكو جميعا

يااااااااااااااد:تهامىىىىىىىىىى ممكن نعرف انت رحت فين لأ بجد واضح انك بتموت فى الحياة الواقعية لدرجة انك مش لاقى وقت للحياة الورقية

ما هى يا اما مزهزه معاك قوى يا ................... قوى برضه :D يا ترى انت انهى واحدة فيهم ؟ يارب تكون التانية

بعيدة عنك قوى وتكون فى الاولى بالقوى

عموما ربنا معاك :)

لاميييييس عودىىىىىىىىىىىىىىىى

يا ااااا لامييييييييييييييس

لاميييييييس عودىىىىىىىىىىىىىىىى

يا ااااا لامييييييييييييييس

صافى ستار

[moheltohamy]

سلامة... أنا هنا يا سلامة :D

وآهو الاتنين بتوع زبيدة ثروت برضه

مشاوير والله يا ولاد ، وقلت حتى ألحق أكتب لكم شوية النهارده ، ونخلص من الواجب القديم قبل ما نتحرك بكرة على اسكندرية!

نشوف الواجبات المتأخرة علينا...

[moheltohamy]

تسلم ايدك يا اخ تهامي .. وشكرا لك على تواصلك معنا . .

تحياتي ...

عفواً يا أبا رقية : ولا شكر على واجب

ايه ده يادكتور تهامى

كل الانواع دى

جبنة فول توابل لب مقشر ........احمدك يارب !!

تغيب تغيب....... وتطلع بالبهاريز(حلوة دى )

ادخل بينا على حلقة السمك

علشان الصيااااام

اهو ناكل على الريحة

لحد ماتفرج

ان .....فرجت

عنينا يا فندم... السمك جاهز وكل ما تحلمي بيه... هانزلهولك كمان شوية نونو

بجد ...شي حلو ....بس سؤال ..ليه بتقول ..الخبز اللبناني المايص؟؟ ماهو كمان خبزنا .احنا السوريين ..

هيه نقطة الاعتراض إنه مايص؟ ولاّ إنه لبناني؟ :blink:

بالنسبة للمياصة ، فالعيش ده رقيق بدرجة مبالغ فيها ، مقارنةً بالعيش الشامي المعتاد في الأفران الكلاسيك في مصر. ممكن تاكل لك 3 أرغفة ، وانتا مش واخد بالك.

وبالنسبة لحكاية خبز لبناني... فده إسمه اللي نعرفه بيه في مصر ، وفي كندا كمان... مسيرك تشوف يا ريّس!

وألف شكر على توضيح معلومة السوري واللبناني دي

تحياتى مستر تو

الاقيش هناك جنبة دمياطى

جبنة بلدنا بقا اعمل اية(قال الوطنية مقطعة قلبى قوووى)

وياريت تفكرى شوية فى موريال

بردة زى تورنتو كويس وبنت حلال

وشغالة فرنساوى وانجليزى

أعتقد كل شيئ ممكن تلاقيه بجد في كندا ، ولو مش متاح في الهايبر ماركتس العادية ، هتلاقيه في الماركتس العربية ، وأحياناً الهندية والصينية...

ثانياً... البنت قالت لك تورونتو ، تقوم انتا عاوزها تنحرف عن الصراط المستقيم؟ wst::

بجد يا دكتور الحق لازم يتقال صور السوبرماركت والمولات وموضوع الشوبنج دة بجد رائع وانا باعتبر القهوة بتاعتك هى دليلى فى الشوبنج

ما شاء الله عليك وتسلم ايديك

على فكرة فى فى الساف واى (SAFE WAY) توم مقشر ومطحون كمان بس مش فريش وفى كمان توفو بس يع طعمه وحش جدا لأهو الحقيقة حاجة مالهاش طعم كدة ومعرفشى الناس بتاكله ازاى

وان شاء الله حياتك الواقعية تكون زى الصور واحلى

صافى ستار

ربنا يخليكي يا فندم...

بس انتي إيش عرّفك اللي موجود في سيف واي؟ :blink:

ليكي جواسيس في الغرب الكندي والأمريكي؟ ولا يكونش فتح فروع في السعودية؟!

وأشكرك بجد على دعواتك ، ويا رب تتحقق ، ويحقق لك زيها ، وتلاقي أحلامك كلها في كندا يا رب.

د/ تهامى حبيب هارتى تسمح لى أقولك حاجة

أنت بجد مالكش حل كل المجهود الكبير ده فى الشوبينج من أجل الأعضاء اللى بيفكروا فى الهجرة الى كندا

أنت فعلا تستاهل كل خير على وقتك و مجهودك الجبار اللى بتبذلوا فى سبيل الله

يا رب يتقبل منك و يجازيك كل خير على وقتك و مجهودك

أنا حاسس أنى مكسوف منك و من جمايلك علينا اللى مش عارف ممكن نردهالك ازاى

د/ تهامى أنا و أكيد ناس كتير مدينين لك بالكثيرو لا يسعنى الأن غير انى أدعيلك بكل التوفيق و من كل قلبى

و مهما قلت مش حاوافيك حقك

شكرا شكرا شكرا.........................

يا عم رامي إنتا اللي حبيب هارتي ، وإن شاء الله تنضم للشلة المتبعزقة حالياً في كندا... والصور دي أنا كنت واخد الكاميرا ورايح أصوّرها للمنتدى... وحاجات كتير اشتريتها مخصوص عشان خاطر المنتدى برضه :D

المنتدى ده واكل دماغ الواحد بصراحة wst::