الرجال كما يهوى النساء

[ابو محمود]

أزواج للبيع

في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر: أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل.

:

:

دخلت إحدى النساء (لمتجر الأزواج) لاختيار زوج لها

في مدخل الطابق الأول علامة :

الرجال هنا لديهم عمل ومؤمنون بالله

وفي مدخل الطابق الثاني علامة :

الرجال هنا لديهم عمل ومؤمنون بالله ويحبون أطفالهم

وفي مدخل الطابق الثالث علامة :

الرجال هنا لديهم عمل ومؤمنون بالله

ويحبون أطفالهم وشكلهم جذاب

وكانت المرأة تـفكـر 'واو ولكن سأستمر بالصعود'

وقد وصلت إلى الطابق الرابع لتجد علامة :

الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل

فتعجبت في خلجات نفسها

' يا إلهي إني لا أستطيع التحمل سأوافق '

ولكنها استمرت بالصعود

وفي مدخل الطابق الخامس وجدت علامة :

الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً

وكادت أن تطأ قدمها ذلك الطابق إلا أنها استمرت بالصعود

وفي مدخل الطابق السادس وجدت علامة :

أنـت الـزائـرة رقـم 4.363.012

ليس هناك أي رجال في هذا الطابق

لأن هذا الطابق وجد خصيصا كبرهان أن النساء لا يمكن إرضاؤهم شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً

ــــــــــــــــــــــــــــــــــــــ

أرسلوها إلى كـل الرجال ذوي الضحكات القوية

وإلى كـل النساء اللواتي يمكن أن يستوعبن الحقيقة

انا قلت ستات وبنات المحاورات لازم يشوفو الموضوع دة ويقولو رأيهم بكل صراحة ووضوح ويارب حد منهم يرد

[المنصوراوى]

يا عم محمود فينك ياراجل

الدنياء مقلوبة هنا عليناو أنت عامل معرض بيع ازواج

ماشى يا عم و لا يهمك

بس مثلا لو افترضنا انه فيه و احدة عندها قناعة و اختارت واجد من الدور الاول

او الثانى يبقى كده انت فيه معلومة مهمة ما قلتهاش هو سعر الرجل كم ؟ :lol:

طيب الرجال لو مكعلتش فيه الموصفات يبق فيه مرتجع و لا لا ؟

طيب لو واحدة مثلا اخذة اتنين رجالة الثالث يبقى مجانى؟ :rolleyes:

[ابو محمود]

يامرحبآ بيك يا منصوراوى يا خويا

اية حكاية الدنيا مقلوبة علينا دى أكلة ولا آيية هههههههههههههههه

مين ياعمنا مزعلك انا كنت مشغول اليومين اللى فاتوواوعدك انى قريبآ جدآ سأتفرغ لبعض الوقت لانكم وحشنى جدآ وسلامى للجميع

بس الغريب بقى انى مش شايف أى رد نسوى ولو برد بسيط على تلك المزادالرجالى علشان تعرفو يس قد اية الرجالة مساكين وانتو اللى داتيمآ ظالمنهم ياريت اشوف ردود من بنات وستات المحاورات

[اختكم فى الاسلام]

حقيقى ارضاء النساء شىء صعب

وعلى فكرة رجال الادوار الخمس 000 مايكفهمش مال الدنيا

شكرااااااااااااااااااااااااااااا لك[وسط][/وسط]

[مهاجرة]

السلام عليكم

عايزين رأي ستات طيب ياسيدي انا حجاوب , في حكمة بتقول ( كلٌ يرى الناس على شاكلته ) لأنه الرجالة مابيرضوا بأي ست فيشوفوا الستات كدة , وحتى لو كان في وحدة طمعت بمواصفات اكتر من اللي كتبتها على الاقل هذه كلها مواصفات حلوة ومقبولة بالاسلام وترسخ الحب الاسري مش زي المواصفات اللي يرغبولها الرجالة ( لازم تكون شبيه اليسا وعاملة كم عملية تجميل زي نانسي عجرم وووووووو)

[جويرية]

قال صلى الله عليه وسلم : (لا ينظر الله إلى امرأة لا تشكر لزوجها و هي لا تستغني عنه ) رواه النسائي

[~Heba~]

انا بقى حاخد من البدروم

لانى بتعب من طلعه السلم

اما الاسانسير فزى ما يقول المثل easy come easy go

[vipwithyou]

لا بجد تسلم ايدك

ههههههههههههههههههههههههههههههههههه للصبح

[ابو محمود]

أعزائى المحاورين اشكركم جميعآ على ردودكم

الأخت المهاجرة الموضوع ليس كما تظنين (تنافس )

انا لى زوجة تحبنى وأعرف كم هومدى حبها لى وانا ايضآ ونرضى ربنا فى تعاملنا ولنا ثمار تررعرعت بين حبنا

ودة مجرد نوع من الفكاهة التى تبين فى الأخر ان الأنسان والمرأة خصوصآ تحب الخير لنفسها اكثر وأكثر لانها تحب وتفكر وتتعامل بقلبها أكثر فى شتى المجالات وهذا ليس تقليلآ لدورها فى المجتمع ........

اخوتى شكرآ على مداخلاتكم ونريد ان يكون باقى نساء المنتدى لهم دور فى الرد على تلك المزاعم وياريت نشوف ردود

[JAY]

عريس للبيع

[bentmasria]

يا استاذنا

كان ناقص دور فيه ازواج لا يكذبون ويقبلن النساء كما هن يعنى بعيوبهم اكيد محدش كان حيطلع دور كمان وكل الكمية كانت حتخلص حتى لو من اغلى سعر صدقنى

موضوع لطيف جدا

البنت المصرية

[مهاجرة]

أعزائى المحاورين اشكركم جميعآ على ردودكم

الأخت المهاجرة الموضوع ليس كما تظنين (تنافس )

انا لى زوجة تحبنى وأعرف كم هومدى حبها لى وانا ايضآ ونرضى ربنا فى تعاملنا ولنا ثمار تررعرعت بين حبنا

ودة مجرد نوع من الفكاهة التى تبين فى الأخر ان الأنسان والمرأة خصوصآ تحب الخير لنفسها اكثر وأكثر لانها تحب وتفكر وتتعامل بقلبها أكثر فى شتى المجالات وهذا ليس تقليلآ لدورها فى المجتمع ........

اخوتى شكرآ على مداخلاتكم ونريد ان يكون باقى نساء المنتدى لهم دور فى الرد على تلك المزاعم وياريت نشوف ردود

أخي محمود مصطفى انا اخذت الموضوع بهزار وانا ايضا بهزر معاك وزي ماتحكوا عن الستات الستات لازم تحكي عن الرجالة

اتمنى ان لاتفهمني خطأ

اختك مهاجرة

[ابو محمود]

الأخت العزيزة / بنت مصرية يا أستاذة دة دوركم أكيد تبحثو عن نوادر ومساوىء للرجال من باب الفكاهة

او التنافس على عرش الكمال ودة واجب نسوى مهم ههههههههههههههههههه تحياتى عزيزتى اختنا بنت مصرية

الأخت مهاجرة مساء الخير

ياسيدتى كم انى سعيد بمشاركتك فى موضوعى الخفيف انا كنت أقصد فقط الفكاهة وردى ينم على ذلك

وكم انى احب البنات والستات و,احترمهم فلدى بنتان ولى أختان وعمة وخالة وبموت فى البنات لانهم ورود وزهور الدنيا وريحينها وبدونهم يختفى الرجل من الوجود ومتزعليش لان الزعل مرفوض فى مواضيعى ياست مهاجرة تحياتى اختى العزيزة

؟؟؟؟ الغريب بقى ان النساء والبنات هنا فى المحاورات مكسلين او مكبيرن دماغهم يمكن علشان الدنيا حر

هههههههههههههههههههههههههههههههههههههه تحياتى لكم جميعآ

[JAY]

طلاب زواج ... ومستعدين لدفع مهور باليورو

:sail:

[كارمن]

السلام عليكم \\ لو كنت جيت بدرى قبل ما ادبس واشترى :sad:

بس عموما لو بختار هختار من الدور الاول لاْن من يؤمن بالله سيتحلى بجميع الصفات الموجودة فى بقية الادوار

بس دى فراغة عين بعيد عنك :closedeyes:

[Nonna]

كارمن

أحيكي

رد ذكي و لبق ماشاء الله

أستاذ محمود

نفسي أعرف المول ده فين :closedeyes:

لي نقرتين بعد اذنك :sad:

واحد الموضوع مش بيقول ان الستات صعب ارضاؤهن فقط على فكرة

ده بيقول ان الرجالة كمان مش كاملين ابدا

يعني الاتنين في الهوا سوا

و يبقى مخطأ كل اللى يفكر انه واخد واحدة كاملة في كل حاجة

و العكس صحيح

مخطئة كل اللى فاكرةانها واخدة واحد كامل في كل حاجة

انما في حاجة اسمها الرضا و القناعة و التقبل

_ده حاجات مش حاجة واحدة :waf: _

يعني الواحد بينظر لزوجته نظرة ويشوف هل استطيع ان اتقبل العيب الفلاني و أتحمل العيب الفلاني

هل ميزاتها كفاية انها تغطي على العيوب

و كذلك الواحدة برده

بتنظر لزوجها اولما بتيجي تتجوز يعني

ده فيه العيب الفلاني و الميزة الفلانية و تشوف كفة من ترجح

مش في الكم بقدر ما هو بيبقى في الكيف

هل انا هاستطيع اتحمل العيوب ده

حتى لو في مميزات هايلة و الراجل شغال اوتوماتيك و فول اوبشان :D

النقرة التانية بقى

انتظرها ان شاء الله في

المرأة كما يريدها الرجل ;)

بالمناسبة انا اللي ضايقني حاجة واحدة بصراحة

ازاى حضرتك ما جبتش سيرة الاسعار و في تخفيضات و لا لا ؟!! wst::

[Nonna]

المرأة كما يريدها الرجل :wub:

في العبادة كصحابية

في اللبس كلبنانية

في الطبخ كسورية

في الانفاق كحضرمية

في البياض كروسية

فإن لم تكن زوجتك بهذه الصفات فاصبر و احتسب :sad:

لحد هنا مسروووووووووووووق :D

===============================================

مش عاجبني انا بقى الترتيب ده

لانه بصراحة يعني مش صح

هاه

في رأيي و من اللي شفته لا نؤاخذة يعني

المرأة كما يريدها الرجل

في اللبس كلبنانية

في البياض كروسية

في الطبخ كروسية

في الانفااق كحضرمية

و في العبادة كصحابية ;)

و ما بقولش كلام من عندي

اااااه

ما بفتريش عليكم و لا بتبلى

القران الكريم قال ايه :

أعوذ بالله من الشيطان الرجيم

زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث، ذلك متاع الحياة الدنيا، والله عنده حسن المآب.

و بعدين رب العزة لما حب يطمعكم في الجنة و يحفز الرجالة عشان تسارع في الدين

أكتر حاجة اتوصفت لكم _الحور العين _

و ماأدراكم بقى ما هو وصف الحور العين :closedeyes:

واحدة زميلتي باعتالي ايميل

مضمونه ان الراجل عاوز واحدة ست بأربعة !!

قلتلها ده دولاب يا بنتي

ضحكت

ردت عليّ

أن معنى الايميل ان الست تقوم بأربع وظائف

ضحكت و قلتلها ده البيرت عشان يترقى و ياخد البلاس يجي من 25 سنة و يتحصل على الفضية

بقى 2 في واحد

انتى بقى عاوزة واحدة ست تبقىأربعة في واحد!!

اتاريها بتقعد بال 25 سنة و اكتر كمان و ما بتطولش دهبية!!

حسرة علينا wst::

قال ايه بقى الاربعة في واحدة يبقوا ايه:

1_حبيبة

2_أم

3_خدامة

4_صديقة

قلتلها ااااااااااااااه مرمطون يعني -_-

و اللي يعوزهيفاء يبقى حسين فهمي لامؤاخذة بقى :waf:

[moheltohamy]

و اللي يعوزهيفاء يبقى حسين فهمي لامؤاخذة بقى :closedeyes:

:sad: بصراحة ... في دي معاكي حق! :D

[Nonna]

و اللي يعوزهيفاء يبقى حسين فهمي لامؤاخذة بقى :closedeyes:

;) بصراحة ... في دي معاكي حق! -_-

احم :sad:

طيب عشان والدي قريتله البوست بتاع

_مرمطون :waf: _

و قاللي هاتفهم غلط

فوجب هنا بقى التوضيح

احنا بنهزر مش كدة و لا ايه؟! :D

انا ما كنتش بتكلم جد

لا كنت بتكلم جد

لا ما كنتش

قصدي كنت بتكلم جد و مش جد

يعني هي الست بتقوم بوظيفتها اللي ربنا خلقها ليه طبعا

انما محتاجة حبة تقدير من الراجل عشان ما تبقاش فعلا

_مرمطون_

قلتها برده wst::

اقعدوا بعافية بقى

[امانى]

البنى ادم بطبعه طماع يا استاذ محمود

سواء كان رجل او امراة

يعنى فى موضوعك لو المراة قنوعة كانت اكتفت بالدور الاول لانه يشمل كل الادوار لان من يتحلى بالايمات وتقوى الله اكيد هيكون فيه كل الصفات اللى فى الادوار العليا

طيب تيجى بقى نعكس الموضوع ونخليه على الرجل تفتكر هيكون ازاى

الدور الاول انسانة تقية مؤمنة بالله وتعاليمه

الدور التانى : تقية ومؤمنة بالله وتعاليمه وجميلة

الدور التالت : تقية ومؤمنة بالله وتعاليمه وجميلة وطلباتها قليلة

الدور الرابع : تقية ومؤمنة بالله وتعاليمه وجميلة وطلباتها قليلة وتساعد فى تحمل مصاريف الزواج والمعيشة

بعد الزواج

طبعا علشان هو كمان طماع قال ايه اطلع الدور الخامس يمكن الاقى حاجة تانية زيادة ولا هى اللى تتحمل

المصاريف كلها قبل الجواز او بعده فطلع الدور الخامس تفتكر هيلاقى مكتوب ايه؟؟؟؟؟؟؟؟؟؟؟

ناسف لقد نفذ رصيدكم نتيجة الطمع ونوعدكم بفرصة تانية بس فى الحلم

طبعا انا بهزر انا عايزة اقول ان الرضا بالمقسوم عبادة وان نؤمن ان الواقع خيرا من الغيب وكلها فى النهاية

مقدرات ربنا سبحانه وتعالى

موضوع جميل يا استاذ محمود احييك عليه

تم تعديل 13 يوليو 2008 بواسطة امانى