هانى كما يراة بلاتر وحسنى كما يراة

[ابو محمود]

بلاتر: رغبة اللاعب أهم من "استعباد" الأندية

الخميس، 10 يوليو 2008 - 15:24

بقلم : شريف حسن

بلاتر

انتقد جوزيف بلاتر رئيس الاتحاد الدولي لكرة القدم سياسات الأندية في معاملتها مع اللاعبين، مؤكدا على ضرورة إتاحة الحرية كاملة للاعبين في اختيار أنديتهم.

ووصف بلاتر طريقة التعامل الحالية بين الأندية واللاعبين بالعبودية الحديثة، لما فيها من حد لرغبات اللاعب وإجباره على فعل مالا يرغب.

وقال بلاتر لشبكة "سكاي سبورتس" إن اللاعب من حقه اختيار وجهته وتحديد رغباته، داعيا الأندية للسماح للاعبيها بالرحيل وقتما يريدون.

وجاءت تصريحات رئيس الاتحاد الدولي تعقيبا على أزمة البرتغالي كريستيانو رونالدو الذي يرغب في اللعب لريال مدريد بينما يرفض ناديه الإنجليزي مانشستر يونايتد الاستغناء عنه مهما كان المقابل المالي.

رونالدو

وأضاف بلاتر "ما يهمني هو حماية اللاعب، فإذا كان يرغب في الانتقال لمكان آخر يجب أن يذهب لأن غير ذلك مضر له ولناديه".

وتابع "دائما أساند اللاعب، فإذا طلب الرحيل عن النادي، يجب أن يرحل".

وتعاني كرة القدم على مستوى العالم من العديد من الأزمات في مواسم الانتقالات خاصة مع الإغراءات المالية الكبيرة في مجالات بيع وشراء اللاعبين.

انا حبيت انقل الموضوع دة علشان الناس اللى عندها تعليق متزن يناقشو ها الموضوع بهدوء بعيدآ عن العنصرية والتعصب الأعمى الذى اصاب الرياضة وخاصة كرة القدم

[حسام يوسف]

انامعاك تماما

لأن مفيش واحدهيلعب غصب عنة

[ايهاب سالم]

منقول

نحن نتساءل ببساطة .. وننتظر اجابة واضحة:

ما هو الأساس الذي يجب ان يستند عليه اتحاد الكرة والاعلام في تعاملهم مع القضايا الآتية :

1- قضية عصام الحضري (الهارب)

2- قضية حسني عبد الربه (الطماع)

3- قضية عمرو زكي (المظلوم)

4- قضية هاني سعيد (المضطر)

وبنفس البساطة نطرح الخيارين التاليين:

1- أساس احترام العقود

ام

2- أساس رغبة اللاعب

و لمزيد من الوضوح نقول ..

1- في قضية عصام الحضري انتهي الامر الي القبول الرسمي من اتحاد الكرة ومن الجهاز الفني للمنتخب ومن الاعلام الرياضي الا من رحم ربي .. بمبدأ رغبة اللاعب عصام الحضري بالاحتراف دون الاحترام لعقده الشرعي مع النادي الاهلي.

2- في قضية حسني عبد الربه يميل الخيار الذي يطرحه الجميع (اتحاد - جهاز المنتخب - اعلام) الي احترام رغبة اللاعب بالتراجع عن عقده مع الاهلي ومن ثم بالبقاء مع الاسماعيلي الذي بطل عقده الاصلي مع اللاعب بموجب قرار المحكمة الرياضية ومن ثم تم تفعيل عقد الاهلي تلقائيا وفي حالة توقيع عقد جديد بين اللاعب وبين الاسماعيلي واستراسبورج .. فاءن عقد الاهلي يكون اولي بالتنفيذ نظرا لكونه عقد في فترة زمنية سابقة علي عقد الاسماعيلي الجديد مع استراسبورج.

ويجب الاشارة هنا ايضا قبل الانتقال الي نقطة اخري ان نفس الاطراف (اتحاد الكرة - جهاز المنتخب - الاعلام) لم يحترموا رغبة اللاعب السابقة في اختياره للاهلي بعد ان فشل الاسماعيلي في الالتزام بدفع القسط الثاني من صفقة الانتقال لللاعب من استراسبورج للاسماعيلي.

3- في قضية عمرو زكي .. اختارت كل الاطراف (الاتحاد - جهاز المنتخب - الاعلام) بمنتهي البساطة خيار احترام شرعية العقود ورفض منح اللاعب عمرو زكي حقه في تنفيذ رغبته و حلمه وحلم اي لاعب بالعالم) في الاحتراف بالدوري الانجليزي .. وببساطة فاز خيار احترام العقود و مصلحة نادي الزمالك فوق مصلحة اللاعب الذي هاجمه الجميع وعلي رأسهم المتلونون الذي دافعوا عن رغبة عصام الحضري سابقا في الاحتراف بنادي في احد اضعف الدوريات بالعالم (الدوري السويسري).

4- في قضية هاني سعيد .. مالت كل الاطراف مرة اخري (اتحاد - جهاز منتخب - اعلام) الي ادانة اللاعب الذي اعلن رغبته في عدم الانتقال للزمالك وأكد للجميع انه تم الضغط عليه من قبل الجهاز الفني للمنتخب ومن نجل المدير الفني للفريق الكابتن حسن شحاتة للتوقيع للزمالك وحدث هذا في معسكر المنتخب عن طريق كريم شحاتة وحارس مرمي المنتخب الذي تحول الي سمسار (الكابتن أوسة) .. رغبة اللاعب اعلنها صريحة بانه لا يريد الانتقال للزمالك ويفضل اللعب للاهلي حتي لو اضطر الي البقاء مع الاسماعيلي لنهاية عقده لينتقل دون مقابل في يناير القادم.

رغبة اللاعب ارسلت بشكل رسمي لاتحاد الكرة المصري وتم ابلاغ الاعلام ونادي الاسماعيلي بها.

رغبة اللاعب مرفوضة .. رغم انه لا يوجد عقد رسمي بينه وبين الزمالك

رغبة اللاعب لم يحترمها الاسماعيلي نفسه مرتين .. الاولي برفضه التفاوض مع الاهلي الذي يرغبه اللاعب .. والثانية بارساله الاستغناء للزمالك قبل ان يقوم اللاعب بالتوقيع وهو امر مخالف ..

رغبة اللاعب .. لا قيمة لها .. لانه ببساطة فضل الاهلي .. في هذة الحالة .. فالعقود يجب ان تحترم (رغم انه اصلا لا توجد عقود).

أيها السادة الكرام ..

عفوا .. اليس منكم رجل رشيد ..

اليس منكم من يعلنها صريحة .. لمن الأولوية .. الرغبة ام العقود ؟؟

اختاروا العقود .. ووقتها فحسني من حق الاهلي والحضري يجب ان يستبعد من المنتخب لاهداره الحقوق وهاني سعيد يجب ان يعاقب بالغرامة لتوقيعه علي الاستغناء الخاص بالزمالك علي أن يعود للاسماعيلي في حالة رفضه توقيع عقد رسمي مع الزمالك .. وأخيرا فليبقي زكي في احضان ميت عقب ولتذهب احلامه بالاحتراف الي الجحيم.

أو

اختاروا الرغبة .. ووقتها فحسني يعود للاسماعيلي مع تعويض للاهلي عن توقيعه له سابقا برغبته .. ويذهب هاني سعيد للاهلي .. ويبقي الحضري مع سيون .. ويحقق زكي حلمه بالاحتراف في ويجان الانجليزي ..

فماذا تختارون ..

ولترحلوا .. ان كنتم لا تعلمون

[ابو محمود]

واللة انا قلت فى نفسى أكيد اخويا وحبيبى هيرد عليا

د/حسام

مش عارف لية بحب تعليقات حضرتك وكم انى تمنيت ان تكون أهلاوى هههههههههههههههههههههههههه

من ورا قلبى انت كبير بنى زملك ودة يشرفنا جدآ وبنحييك على الصبر هههههههههههههههههههههههه

آزي احوالكيا دكترة ويارب نشوف الزمالك بدون مناورات حربية ونخلص بقى من الأنتحابات دى

اخونا العزيز ايهاب

ياسلام على تكملة المواضيع الجامدة بجد

واللة خليت الموضوع زو اهمية اكبر بمداخلتك الموزونة لقائنا يوم 20 بعد الماتش

[justtrying]

هاني سعيد ده لازم يتربى هوه وكل من تسول له نفسه أنه يخطأ في نادي الزمالك العظيم

وطبعا النادي الاهلي ومن يتحركون من تحت لتحت مثل القيعي وزملائه ويفتعلون مثل تلك المشكلات .. نادي الاحتكار العالمي .. النادي الأهلي المصري الذي كلما دخل الزمالك في البحث عن صفقات ولاعبين جدد .. يجري القيعي هو وصحابه الشلة الي متلم عليهم عشان يخطفهم .. هذا هو نادي المبادئ والقيم .. ونعم القيم والمبادئ .. كانت فين المبادئ والقيم ايام الحضري .. !!!!! مش عارف بصراحة .. نازلين خط لعيبة من الاسماعيلي والاسمعيلي غلبان يا حبه عيني ملوش ضهر في البلد دي يا حراممممممممممم .............. لكن الزمالك حقه هيرجع .. وهذا الي يدعى هاني سعيد هيتربى من اول وجديد بإذن الله .. وخليه بقية الموسم كدة لغايه لما يحترم نفسه .. وطبعا غير الغرامات الي هتوقع عليه كتير جدا جدا بإذن الله لغايه لما يتأدب ويعرف هوه بيكلم على أي نادي .......

وطبعها بسبب الإعلام الأحمر الأعمى يظهر علينا الخطيب بطلته البهية في قناة مودرن سبورت .. انا لم أشاهد يوم من الأيام أن يكون هو الحاكم وطرف في القضية في نفس الوقت .. هذا من بديهيات الإعلام .. هذا إعلام أحمر أعمى.. يحتكر كل شيء ويقولك كورة في مصر .. الراجل من مجلس إدارة نادي الأهلي وهو مقدم البرنامج وهو من يدافع عن الأهلي .. طيب نقول أهلاوي اوكي بس مش محتل منصب رسمي في مجلس إدارة النادي الأهلي .. لكن منصب رسمي ويكون هوه الحكم والمتهم في نفس الوقت ........... !!!!!!!!!! يبقى انت اكيد اكيد في مصر .. كل حاجه بصراحة ماشية بالمشقلب جت عليك يا خطيب

المشكلة أن الأهلي آن يضع في اعتبارته إضعف المنافسين .. مثل الزمالك والإسماعيلي ويسعى بكل الطرق الشرعية وغير الشرعية إلى إضعاف كافة الفرق الأخرى .. يا جماعة ده مش شغل احتكار ؟ !!!!!!!!!!!! ده شغل مافيا هذا هو نادي المبادئ .. !!! نادي القرن

وعموما لله الحمد جماهير الزمالك تطالب الآن بإعادة تربية هذا اللاعب المسمى هاني سعيد حتى يكون عبرة لمن لم يعتبر بأن نادي الزمالك أكبر من أي لاعب يعتقد بأن المنتخب أو نادي الزمالك هيقف عليه .. مهما كانت تلاعبات النادي الاحتكاري

تم تعديل 13 يوليو 2008 بواسطة justtrying

[حسام يوسف]

واللة انا قلت فى نفسى أكيد اخويا وحبيبى هيرد عليا

د/حسام

مش عارف لية بحب تعليقات حضرتك وكم انى تمنيت ان تكون أهلاوى هههههههههههههههههههههههههه

من ورا قلبى انت كبير بنى زملك ودة يشرفنا جدآ وبنحييك على الصبر هههههههههههههههههههههههه

آزي احوالكيا دكترة ويارب نشوف الزمالك بدون مناورات حربية ونخلص بقى من الأنتحابات دى

اخونا العزيز ايهاب

ياسلام على تكملة المواضيع الجامدة بجد

واللة خليت الموضوع زو اهمية اكبر بمداخلتك الموزونة لقائنا يوم 20 بعد الماتش

السلام عليكم

بجد حضرتك احرجتنى

كتير قوى علية الكلام دة

دة بس من ذوق حضرتك

وانا مش كبير بنى زملك ولا حاجة

فية زملا احسن منى

الحنرال موديست

وكوواوا

وجست تراينج

حتة اننا نتقابل بعد الماتش

انا تحت امرك

ومبرووووووووووووك مقدما

انا اتمنى الزمالك يكسب

ويا سلام برضة لو تعادل

لكن بالعقل والمنطق

الاهلى يكسب

والسنة اللى جاية كمان ليكم

مش بس ماتشات افريقيا

[ابو محمود]

د/حسام

انت كما أنت متواضع وذى خلق كريم طبعآ دة بعيد عن التعصب والكورة اللى بقت عاملة زى الباذنجان فى الجيش هههههههههههههههه الطبخة السودة

اما بخصوص ماتش افريقيا صدقنى الحظوظ متكافئة بين القطبين الكبيرين بالمشاكل اما انتخابات او وكسات سكوت غريب وكأنهم على رؤسهم الطير

انا حاسس ان الرياضة تدار سياسيآ وعلية العوض أحكام وأقاويل مغلوطة وتحكم غبى باللاعبين وكاننا فى مسمط ههههههههههههههه حلوة مسمط دى يادكترة ؟

سيدى الفاضل الجماهير اصبحت افضل فى تطلعاتها من مجالس بعض الأدارات السيئة السمعة

اتمنى يوم أحد سعيد علينا لانى بصراحة متشائم من يوم الأحد وحاسس انى اتفرجت زمان على فيلم اسمة يوم الأحد الدامى وربنا على المفترى ...................

اما مين يغلب فدة من باب الغيب ويعلمة اللة لاننا ليس لدينا لاعبين الفروق بينهم كبيرة الا ما ندر

تقبل تحياتى أخيك الأهلاوى

[حسام يوسف]

الف شكر مرة تانية لحضرتك

تعرف انا نفسى الزمالك يفوز -ودة صعب

مش بس عشان افرح

لكن لأن فية شخص بحبة جدا

وأقدرة كل التقدير

ولو لم يسعدنى الحظ بأى فرصة للتعارف

شخص يساعد الجميع

ولة الكثير من الافعال الجميلة

انا بقعد أدور فى المنتدى كلة على اى مشاركة او كلمة لية

ووالله ما نعرف بعض

وليس رياءا او نفاقا

انة

الجنرال

موديست

يارب الزمالك يفوز

مش عشانى انا بس

لكن عشان اخانا الفاضل موديست

[ابو محمود]

ياصديقى العزيز د/ حسام

انا أؤيد التعادل ودة من فرط كرمنا نحن الأهلوية علشان نطلع حبايب ومحدش يغلبنا نحن ابناء النيل من أخوانا الافارقة يعنى درون متشين وكل واحد وشطراتة برة أرضة وكدة نبسط الجنرال موديست والعمدة بتاع المنتدى الأهلاوى .. مسيو / سين سين ولا انتا عايز الراجل يزعل وخلى بالك الأتنين دول بيشجعو بعض ودايمآ بينهم منازلات رياضية جامدة ... على العموم نفسى نشوف كورة بجد مش باذنجان ومشاكل مسلوقة ومحمرة

بالمختصر كدة يا دكترة عايزين نتمتع كورة ومبروك للى متعنا كورة ال3بنط مش كدة ولا أية تحياتى انا كنت خارج القاهرة ولسة فاتح الجهاز حالآ وراجع الساحل الشمالى علشان اتفرج على الماتش هناك مع الولاد كل سنة وانت طيب يا دكترة اخيك محمود مصطفى

[حسام يوسف]

وانت طيب ياعزيزى

ويسمع من بقك ربنا

ويتعادلوا

والاهم مايبقاش فية اى مناظر مش كويسة

[حسام يوسف]

استر يارب م الفضايح

يارب

انت الستار

[قائد المدفعيه الهولنديه]

اخ حسام يوسف المحترم..... الوقت متأخر و انا عندى شغل بكره بس صممت ادخل مخصوص علشانك تحديدا قبل اى حد من الاخوه الزملكاويه المحترمين اللى معانا , اوعى تكون زعلان لان الزمالك اتغلب انا لاحظت فقدان الامل فى مشاركاتك ....لكن فعلا من حقك ترفع راسك لان فريقك فى ظل الظروف التى يمر بها النادى من مشاكل انتخابات و مشاكل لعقود لاعبين و عدم عمل معسكر إعداد جيد للفريق... قدم عرض محترم و خسر بشرف و فى بعض اللاحظات كان قريب من الفوز بعد هدف التعادل .... المطلوب من حضرتك و من الاخوه الزملكاويه الصبر حتى تمر هذه الزوبعه (الانتخابات) و يحدث تجانس بين اللاعبين القدامى و الجدد و ان شاء الله الزمالك يرجع للمنافسه تانى لان فعلا شكل الفريق اتغير عن الموسم الماضى و فى الاخر كله بيصب فى مصلحه منتخب مصر.

[حسام يوسف]

ربنايكرمك

وبهنيك

وبهنى كل الاهلوية ع المنتدى بالفوز

الف مبروك