تقدر تجاوب انت لية اتغربت عن مصر

[مصرى فى جده]

تقدر تجاوب انت لية اتغربت عن مصر

[لولا]

السبب كاالتالى :

1- بابا راح يجيب العيش قوم اييييييييه ... لقى طابووووووووووور طوييييييييييييييل. :lol:

2- رجع بابا من بره . سألته ماما فين العيش بابو لولا ؟ :blush2:

3- بابا رد : نو عيش نو موووووووووووووور :lol:

4- ماما ردت: البلد اللى مفيهاش عيش ملناش قعاد فيها وراحت معيطه :ninja:

5- بابا فضل يهدى فيها وبعدين راح معيط كمان :D

[لولا]

6- انا واخواتى شفنا المنظر ده .. ودا منظر وحش قوى تشوف امك وابوك بيعيطوا

عشان رغيف العيش رحنا احنا كمان معيطين ورحنا كلنا على المستشفى فى حاله

انهيار عصبى تاااااااااااااااااااااااااام :ninja:

7-خرج بابا من المستشفى وفضل يعمل اتصالاته عشان يشترى فيزا لأى داهيه

..بلد يعنى يكون فيها عيش :blink:

8- بابا جاتله شغلانه كبيره فى السعوديه بمرتب وزير بعد ماكان شحات فى مصر :D

9-رحنا السعوديه والقشيه بقت زى الفل واربعتعشر وبابا اشترلنا عجل :lol:

10-عشنا فى تبات ونبات وماما كل يوم تبخر البيت عشان الحسد :blush2:

يعنى باختصار اتغربنا كده سياحة وتغيير جو :lol:

وهى دى الحكايه.

[لولا]

اتمنى بقى من بقيه الأعضاء والزملاء انهم ميبخلوش علينا

بتجربه حياتهم هما كمان :blush2:

وادينا بنتعلم من بعض :lol:

[iloveegypt]

1-الحج

2-العمرة

3-شوية فلوس اجيب شقة وفكيك الى مصر

ومش هرقد فى الغربة 15-20سنة هى بس 2 سنة وراجع لامى مصر :blush2:

[مصري جدا]

1-الحج

2-العمرة

3-شوية فلوس اجيب شقة وفكيك الى مصر

ومش هرقد فى الغربة 15-20سنة هى بس 2 سنة وراجع لامى مصر :blush2:

اخي الفاضل

مش عاوز اصدمك ولكن كمان مش عاوزك تعيش في حلم وتصحي علي كابوس

انا بالظبط فكرت زيك كده من 20 سنه وكنت باستغرب من اللي يسافر ويقعد 20 و25 سنه المهم علشان اعمل الشقه واجيب شويه الفلوس اللي بتقول عليهم دول قعدت 10 سنين وساعتها قلت يا فكيك علي مصر لما اللي حواليا كانوا مش مصدقين اني أستقيل وأسيب التعمه ...المهم رجعت وكلي تفاؤل وبدأت الحياه في مصر بشقه وعربيه واستقرار ..بس اخر الشهر كنت باقبض مرتبي من المستشفي واطلع علي كارفور اجيب شويه حاجات يادوب تكفي اسبوع وبح خلاص المرتب خلص من اول يوم ...وبدء نزيف المال من البنك الي كل حاجه وفي خلال 3 سنوات بالظبط لقتيني زي بابا لولا ماقال ....مفيش عيش .....وكان لازم اتغرب تاني علشان أعيش....

ودي تبقي اجابة الموضوع الأصلي

شفتوا الحكايه سهله ازاي

وعرفتوا انا ليه زعلان من حبيبتي اللي بحبها ...بس خايف منها وخايف عليها ...ربنا يرجعها تاني لنا ويرجعنا لها

قلبتوا المواجع علي تاني ...يلا استحملوا مني اللي جاي انتو السبب

تم تعديل 11 يوليو 2008 بواسطة مصري جدا

[مصري جدا]

ليه يا مصر تقسي علي ولادك

وتخلي شبابك يخرجوا من بابك

وبعيد عنك هناك في الغربة

يعيشوا في عز … وذل بعادك

وعجبي

من رباعيات الغربه

[nizza la bella]

لية كدة يا مصرى بتقلب علينا المواجع. :blush2:

ما انت عارف اللى فية :lol:

[رمضان]

رايح اخد حمام شمس في الكويت

تعددت القصص والسبب واحد في النهاية

لو عاد بي الزمن لسافرت مليون مرة

[مصرى فى جده]

الاخت لولا تفتكرى مال الدنيا يعوضنا عن بعدنا عن مصر

[moheltohamy]

هممممم ...

أنا بقى كنت شغال في مصر أسبوعين شغل وسط الشمس والرمال واللون الأصفر في كل حتة ، والمرتب حلو ، وأسبوعين أجازة ؛ باقضيهم عااااطل رسمي في شقتي في مدينة نصر po::

آلولي تيجي السعودية تشتغل وسط المية وسمك القرش واللون الأزرق في كل حتة ، وتشتغل 6 أسابيع وتاخد 3 بس أجازة ، ومرتبك ضعف مصر... مصمصت في شفايفي شوية ، وهرشت هرشتين في دماغي ، و هرشة في دقني ، وأولتلهم طيب ، ماشي الكلام!

واتنسى الموضوع ، ونظام نحن ف الانتظار ، ولسه بس شوية أوراء ، وربنا يسهل.

ف الوأت ده لئيت واحد صاحبي بيكلمني ؛ ما تيجي يابو حميد عندنا شهر كده ، وممكن تستمر معانا ، وتسيبك م اللون الأصفر ، عندنا اللون الأزرق في خليج السويس ، والغردقة ، والنظام أسبوعين وأسبوعين ، والمرتب يعني بتاع مرة ونص المرتب! ماشي يابو رمزي bv:-

بعد شويتين ، ألائي بتوع السعودية بيكلموني ، عاوزين باسبورك عشان نجيبلك الفيزا وتجيلنا الأسبوع الجاي! وعندنا ليك مفاجأة...

الشغل 4 أسابيع شغل ، و4 أسابيع أجازة ، والمرتب بقى أربع أضعاف مصر...

يللا بينا ، وبرضه ...

تليفون تاني ، عاوزين إيميلك عشان نبعتلك فيزا الإمارات ، هتقعد شوية هناك قبل ما تتحرك ع السعودية! إتفضلوا ... و طبعاً ... :sad:

وانا ف الإمارات ... آلو تالت ولا ما بئيتش فاكر نمرة كام ...

عاوزين الباسبور عشان تاخد فيزا الهجرة لكندا ...

ساعتها بأه ... ما كنتش :sad: خالص!

وبعدين يعني؟ هوه الباسبور ده مش عارفين نتلم عليه؟! استنوا انتو بأه لما أبقى أفضالكو! مش ناءصين احنا خوتة وألبت دماغ!

بعد شهر رحتلهم ، اتفضلو الباسبور ، و كالمعتاد ... :sad:

وشهرين كمان ، وعنينا يا ست كندا ، رحت واتفسحت ، وقضيتهم ، مع اللون الأخضر ، واللون الأبيض!

ورجعت منها على مصر تاني ، ومنها ع السعودية ...

ومن هنا بدأت حياة التشرد اللي بجد!

من السعودية... لمصر... لكندا. وبقيت مقضيها على كده!

بس هل أنا كده ، أتحسب من المتغربين عن مصر؟!

أستغرب لو حد آل آه! (صباح الفل يا لولا)

والغريب إن مع كل خطوة لأودّام ، مش بس المرتب بيزيد ، لأ ... المسئوليات والمجهود بيقلوا ، والفضا والمزاج والمخمخة والرفاهية والاحترام بيزيدوا ، والأكل بيحلوّ

وتوتة توتة ، خلصت الحدوتة حلوة ولا ملتوتة؟!

تم تعديل 12 يوليو 2008 بواسطة moheltohamy

[لولا]

الاخت لولا تفتكرى مال الدنيا يعوضنا عن بعدنا عن مصر

الأستاذ الفاضل مصرى من جده.

تحياتى واحترامى الكامل لك. وارحب بك عضو جديد فى المنتدى..نورت.

الحقيقه اطلب منك ان تطلع على الموضوعات الخاصه بى هنا فى المنتدى لتتعرف على

ارائ اكثر وشخصيتى ومدى عشقى لمصر الحبيبه.

ولكن لأن موضوعك مكرر وقتل بحثا فى كل المنتديات هنا والواحة وابن مصر

فالناس خلاص زهت من الكلام فيه والكلام هو هو والأسباب هى هى

احببت فقط ان اداعبك واضيف الى موضوعك الإبتسامه لأنى اعرف

شخصيات الأعضاء هنا وانهم بهذه الطريقه ستحدث الكثير من المداخلات

على موضوعك سيكون منها الجدى والساخر.

وبس هى دى الحكايه يا عم

وانشاء الله النهارده حبايبنا حيدخلو الموضوع وحتشوف ردود الفعل

وحتفهم قصدى. يعنى فى لغه المنتديات انا كنت بس بحركلك الموضوع

[لولا]

هممممم ...أنا بقى كنت شغال في مصر أسبوعين شغل وسط الشمس والرمال واللون الأصفر في كل حتة ، والمرتب حلو ، وأسبوعين أجازة ؛ باقضيهم عااااطل رسمي في شقتي في مدينة نصر po::

آلولي تيجي السعودية تشتغل وسط المية وسمك القرش واللون الأزرق في كل حتة ، وتشتغل 6 أسابيع وتاخد 3 بس أجازة ، ومرتبك ضعف مصر... مصمصت في شفايفي شوية ، وهرشت هرشتين في دماغي ، و هرشة في دقني ، وأولتلهم طيب ، ماشي الكلام!

واتنسى الموضوع ، ونظام نحن ف الانتظار ، ولسه بس شوية أوراء ، وربنا يسهل.

ف الوأت ده لئيت واحد صاحبي بيكلمني ؛ ما تيجي يابو حميد عندنا شهر كده ، وممكن تستمر معانا ، وتسيبك م اللون الأصفر ، عندنا اللون الأزرق في خليج السويس ، والغردقة ، والنظام أسبوعين وأسبوعين ، والمرتب يعني بتاع مرة ونص المرتب! ماشي يابو رمزي

بعد شويتين ، ألائي بتوع السعودية بيكلموني ، عاوزين باسبورك عشان نجيبلك الفيزا وتجيلنا الأسبوع الجاي! وعندنا ليك مفاجأة...

الشغل 4 أسابيع شغل ، و4 أسابيع أجازة ، والمرتب بقى أربع أضعاف مصر...

يللا بينا ، وبرضه ...

تليفون تاني ، عاوزين إيميلك عشان نبعتلك فيزا الإمارات ، هتقعد شوية هناك قبل ما تتحرك ع السعودية! إتفضلوا ... و طبعاً ...

وانا ف الإمارات ... آلو تالت ولا ما بئيتش فاكر نمرة كام ...

عاوزين الباسبور عشان تاخد فيزا الهجرة لكندا ...

ساعتها بأه ... ما كنتش bv:- خالص!

وبعدين يعني؟ هوه الباسبور ده مش عارفين نتلم عليه؟! استنوا انتو بأه لما أبقى أفضالكو! مش ناءصين احنا خوتة وألبت دماغ!

بعد شهر رحتلهم ، اتفضلو الباسبور ، و كالمعتاد ...

وشهرين كمان ، وعنينا يا ست كندا ، رحنا واتفسحنا ، وقضيناها 3 أسابيع ، وعلى مصر تاني ، ومنها ع السعودية ...

ومن هنا بدأت حياة التشرد اللي بجد!

من السعودية... لمصر... لكندا. وبقيت مقضيها على كده!

بس هل أنا كده ، أتحسب من المتغربين عن مصر؟!

أستغرب لو حد آل آه! (صباح الفل يا لولا)

والغريب إن مع كل خطوة لأودّام ، مش بس المرتب بيزيد ، لأ ... المسئوليات والمجهود بيقلوا ، والفضا والمزاج والمخمخة والرفاهية بيزيدوا ، والأكل بيحلوّ

وتوتة توتة ، خلصت الحدوتة حلوة ولا ملتوتة؟!

والله يا تهامى يا اخويا انا لسه مقرتش انت كاتب ايه..

بس قلت ادخل بسرعة اقولك انى كنت متاكده انك اول ما تصحى حتدخل

تشرف الموضوع ده :sad:

وعقبال بقيه الشله لما تشرف هنا ونستفيد بخبراتهم :sad:

[لولا]

اخويا تهامى

احى تجربتك المعاصره فى الغربه

واتمنى ربنا يفتح ع الكل كده زى ربنا ما فتح عليك(اللهم لاحسد )

بس من الآخر كده ..

حسب سؤال صاحب الموضوع.. انت ليه سبت مصر

[لولا]

الاخت لولا تفتكرى مال الدنيا يعوضنا عن بعدنا عن مصر

طيب يا استاذ مصرى فى جده

بص بقى انا وضحت فوق السبب اللى خلا بابا وماما يتغربوا من زمان.

فاضل بقى اوضح السبب اللى خلانى انا اتغرب تانى مع جوزى.

خد عندك :

1- جوزى الحمد الله واد ابن عز قوى ربنا يخليله اهله كانوا متغربين هما كمان :winner:

2- اتقدملى وكان عنده شقه زى الفل :110:

3- اتخرج وفضل حمضان على الدكه اللى قصاد بيتهم من غير وظيفه 9 شهور

4- ابوه ربنا يخليه عمل كام اتصال كده phn:

تابع الجزء التانى تحت

[لولا]

5- قووووووووووم ايه جابله عقد عمل محصلش phn:

6- جوزى كان قصاد نارين وكان قصاده قرار صعب قوى i*:

7- هل يا ترى يضحى باعدته بره على الدكه حمضان من غير شغل ولا يقبل العرض

المحترم قوى الى جاله :winner: عشان يشتغل ونتجوز

تابع...

تحت :110:

[لولا]

8- حبه لمصر خلاه يرفض فى البدايه

9- وبعدين بعد محاولات من الأهل والصحاب وافق واتجوزنا وجينا على هنا

10- ومع اول راتب استلمه i*: اكتشف قدى ايه مفيش حاجه تعوض الإنسان عن قعده الدكه

حمضان فى بلده phn:

انتهى . :winner: :110:

تم تعديل 11 يوليو 2008 بواسطة لولا

[لولا]

بس فى الآخر وعلى راى جوزى منقولش ادتنا ايه مصر .. i*:

المهم نقول حندى ايه لمصر :winner:

واحب اهدى الأغنيه دى لعشاق مصر :

المصريين اهما phn:

حيويه وعزم وهمه wst::

جيل بعد جيل :110: متحضرين

وفى الآخر اجابه على سؤال الفلوس تعوضنا عن بعدنا عن مصر :

اقول:

[moheltohamy]

الاخت لولا تفتكرى مال الدنيا يعوضنا عن بعدنا عن مصر

لما تكون اتخرجت - وعلى رأي لولا - آعد حامضان على الدكة من غير شغل!

وبعد أهلك ما صرفو عليك دم ألبهم ، ومستنيين يفرحو بيك ، ومش منتظرين منك مساعدة ، منتظرين بس إنك تشيل مسئولية نفسك من على اكتافهم.

وعلى رأي بابا الله يرحمه ، لما كان يقوللي أيام المدرسة : إحنا هنعمل لك كل حاجة ، وكل واحد فيكم ليه عندي 3 مفاتيح ، مفتاح الشقة ، مفتاح العيادة أو المكتب ، ومفتاح العربية. إبن عز بقى وكده!

كان كل المطلوب بس ، إصرف على نفسك بعد ما أجوزك ، مش مطلوب منك أكتر من كده. كده عدّاه العيب وأزح!

إتضح لي في وقت الجد بقى اللي هوه عند الامتحان إنو ... كان كلاااااااام!

وانا جوزت نفسي بنفسي ، وجوزت اخواتي ، وساعدت أبويا وأمي ، وانتا بقيت مستوظف أد الدنيا ، و هي هي هي هي هي هي ، لولولولولولولولولييييي :110: زغرطي ياللي مانتيش غرمانة!

طب والمتخرج ومش لاقي شغل ده ، هيجيب منين يصرف على نفسه؟! معلش يا لولا ، ما هي قعدة الحموضة ع الدكة ليها مصاريفها برضه!

لما تمر عليك سنة ورا سنة ، وانتا آعد ع الدكة ، وحاطط إيدك على خدك ، وسنين العمر بتعدي ، وآمالك في إنك تعيش حياه طبيعية - حسن سبانخ - وترتبط بشريكة عمرك وتحس إنو بقى لحياتك طعم ومعنى ، الآمال دي تتسحب من إيديك يوم ورا التاني.

وتقوللي مش عارف الفلوس وتعوض ومصر! صباح الدماااااغ!

لما نكون أنا وانتا ولولاز (أبوستروف إس) بنقبض بالدولار ، وحاطين رجل على رجل ، وآعدين بنناقش حب مصر اللي لا يكيل بالبتنجان ، يبئى معاك حق ف الجملة دي!

لكن - وانا عارف ولامس الموضوع ده - لما يكون الشغل ف الحكومة بميت جنيه حلم للناس ، ومش طايلينه!

لما يكون مدير المستشفى اللي كنت باشتغل فيها من 4 سنين (وباقبض 230 جنيه ، ما بيكفوش تمن السجاير اللي ما باشربهاش) ، فرحان من نفسه عشان عمل جميلة في راجل عجوز ، وثبته على 45 جنيه (أيون خمستُن وأربعونا جونايهن ، ما حصلش الستوووووونا جونايهن بتاعت فؤاد المهندس!) مرتب ف الشهر! وأبل ما افتح بؤي وأتنح ، آللي ، دا يحمد ربنا إنه اتثبت!

لما أكلم أحمد صاحبي (بكالوريوس تجارة) اللي في تورونتو ، في البداية أول ما طلع على سان فرانسيسكو : مش حاسس بالغربة عندك يا احمد؟ ألائيه يرد عليا : الغربة دي كنت حاسس بيها وانا في بلدي وسط أهلي وابويا وامي ، بعد ما اتخرجت بسنتين ، وآعد في البيت باخد مصروفي منهم ، واختي الكبيرة بتشتغل!

يبقى نخلينا واقعيين شوية ، ونبص للصورة صح ، ويحضرني جملة من فيلم تيتو "باين عليك نسيت الجوع"!

الفلوس يا مصري في جده ، هيه روقان البال ، هيه إحساسك إنك مش هتتذل لحد ، هيه اللي هترفع راسك بعد ما فضلت كتير باصص ف الأرض أدام أهلك وانتا بتمد لهم إيدك تاخد المصروف ، وأدام صاحبتك اللي مش آدر ترفعها لدرجة خطيبتك عشان انتا مش أد الشرف ده!

لكن مع الأسف ، عش العصفورة يقضينا ، والبوسة هتكون وجبة تشبعنا ، وكل أحلام زمان دي ، محتاجة الفلوس اللي مش بتعوضنا عن بعد مصر!

واختار انتا بقى حضن إنجي ولا حضن مصر :winner:

محدش آل نكره مصر ، بس ع الأقل ما نكرهش البلاد اللي احتضنتنا ، واللي فيها حسينا بمعنى الحياة الكريمة ، وتتحمل شوية البعد دول عن مصر. وسدأني ، لو معاك مراتك أو أسرتك الصغيرة ، إحساس الغربة عندك هيوصل للمينيمام.

الكلام مش شخصي ليك يا مصري بجده خالص ، وأعتذر لو اتفهم حاجة من كلامي بمعنى سيئ. أكيد ما اقصدوش.

تم تعديل 11 يوليو 2008 بواسطة moheltohamy

[لولا]

الاخت لولا تفتكرى مال الدنيا يعوضنا عن بعدنا عن مصر

لما تكون اتخرجت - وعلى رأي لولا - آعد حامضان على الدكة من غير شغل!

وبعد أهلك ما صرفو عليك دم ألبهم ، ومستنيين يفرحو بيك ، ومش منتظرين منك مساعدة ، منتظرين بس إنك تشيل مسئولية نفسك من على اكتافهم.

وعلى رأي بابا الله يرحمه ، لما كان يقوللي أيام المدرسة : إحنا هنعمل لك كل حاجة ، وكل واحد فيكم ليه عندي 3 مفاتيح ، مفتاح الشقة ، مفتاح العيادة أو المكتب ، ومفتاح العربية. إبن عز بقى وكده!

كان كل المطلوب بس ، إصرف على نفسك بعد ما أجوزك ، مش مطلوب منك أكتر من كده. كده عدّاه العيب وأزح!

إتضح لي في وقت الجد بقى اللي هوه عند الامتحان إنو ... كان كلاااااااام!

وانا جوزت نفسي بنفسي ، وجوزت اخواتي ، وساعدت أبويا وأمي ، وانتا بقيت مستوظف أد الدنيا ، و هي هي هي هي هي هي ، لولولولولولولولولييييي :110: زغرطي ياللي مانتيش غرمانة!

طب والمتخرج ومش لاقي شغل ده ، هيجيب منين يصرف على نفسه؟! معلش يا لولا ، ما هي قعدة الحموضة ع الدكة ليها مصاريفها برضه!

لما تمر عليك سنة ورا سنة ، وانتا آعد ع الدكة ، وحاطط إيدك على خدك ، وسنين العمر بتعدي ، وآمالك في إنك تعيش حياه طبيعية - حسن سبانخ - وترتبط بشريكة عمرك وتحس إنو بقى لحياتك طعم ومعنى ، الآمال دي تتسحب من إيديك يوم ورا التاني.

وتقوللي مش عارف الفلوس وتعوض ومصر! صباح الدماااااغ!

لما نكون أنا وانتا ولولاز (أبوستروف إس) بنقبض بالدولار ، وحاطين رجل على رجل ، وآعدين بنناقش حب مصر اللي لا يكيل بالبتنجان ، يبئى معاك حق ف الجملة دي!

لكن - وانا عارف ولامس الموضوع ده - لما يكون الشغل ف الحكومة بميت جنيه حلم للناس ، ومش طايلينه!

لما يكون مدير المستشفى اللي كنت باشتغل فيها من 4 سنين (وباقبض 230 جنيه ، ما بيكفوش تمن السجاير اللي ما باشربهاش) ، فرحان من نفسه عشان عمل جميلة في راجل عجوز ، وثبته على 45 جنيه (أيون خمستُن وأربعونا جونايهن ، ما حصلش الستوووووونا جونايهن بتاعت فؤاد المهندس!) مرتب ف الشهر! وأبل ما افتح بؤي وأتنح ، آللي ، دا يحمد ربنا إنه اتثبت!

لما أكلم أحمد صاحبي (بكالوريوس تجارة) اللي في تورونتو ، في البداية أول ما طلع على سان فرانسيسكو : مش حاسس بالغربة عندك يا احمد؟ ألائيه يرد عليا : الغربة دي كنت حاسس بيها وانا في بلدي وسط أهلي وابويا وامي ، بعد ما اتخرجت بسنتين ، وآعد في البيت باخد مصروفي منهم ، واختي الكبيرة بتشتغل!

يبقى نخلينا واقعيين شوية ، ونبص للصورة صح ، ويحضرني جملة من فيلم تيتو "باين عليك نسيت الجوع"!

الفلوس يا مصري في جده ، هيه روقان البال ، هيه إحساسك إنك مش هتتذل لحد ، هيه اللي هترفع راسك بعد ما فضلت كتير باصص ف الأرض أدام أهلك وانتا بتمد لهم إيدك تاخد المصروف ، وأدام صاحبتك اللي مش آدر ترفعها لدرجة خطيبتك عشان انتا مش أد الشرف ده!

لكن مع الأسف ، عش العصفورة يقضينا ، والبوسة هتكون وجبة تشبعنا ، وكل أحلام زمان دي ، محتاجة الفلوس اللي مش بتعوضنا عن بعد مصر!

واختار انتا بقى حضن إنجي ولا حضن مصر :winner:

محدش آل نكره مصر ، بس ع الأقل ما نكرهش البلاد اللي احتضنتنا ، واللي فيها حسينا بمعنى الحياة الكريمة ، وتتحمل شوية البعد دول عن مصر. وسدأني ، لو معاك مراتك أو أسرتك الصغيرة ، إحساس الغربة عندك هيوصل للمينيمام.

الكلام مش شخصي ليك يا مصري بجده خالص ، وأعتذر لو اتفهم حاجة من كلامي بمعنى سيئ. أكيد ما اقصدوش.

اهلا اهلا ياتهامى يا خويا..

منور الدكة.. اخ قصدى الموضوع..

والله يا توهامى يا خويا انت الوحيد اللى معايا على الخط الظاهر فى قصه حياتى

والظاهر من كلامك ان الحال كان من بعضه.

وجوزى بيسلم عليك وبيقولك انه بيبوس ايد انجى صبح وليل..

وحتى بالآماره انجى بتسلم عليك phn: