تقدر تجاوب انت لية اتغربت عن مصر

[nizza la bella]

فى مصر ام الدنيا بنموت بلبطى

يعنى بنتعذب

[ايهاب سالم]

عارفين مصر عاملة بالنسبة لي زي ايه

زي نار قايدة في صحرا ضلمة وبرد

وقود النار دي هما الناس اللي عايشة فيها وبيتحرقوا عشان مصر تبقي مكان دافي لكل اللي بيقعد جنبها

الناس اللي جوه بتتحرق في منهم اللي عاوز ينط منها

وفي ناس مش عاوزة تخرج منها بس عاوزاك تتحرق معاهم فيها

والمغتربين بقي هما الفراش اللي مش شايف النار بس شايفها نور لو وقع فيها هيتحرق

مصر نور ونار في نفس الوقت بنحبها بس خايفين نقع فيها

بس كدة :pasha:

يخرب عقلك يا دياب

مخمخت فيها إزاي دي

أتفق معك في كل ما قلت ما عدا

والمغتربين بقي هما الفراش اللي مش شايف النار بس شايفها نور

فيه مغتربين كتير شايفنها نار بس

[الحازم حسن]

1- البحث عن فرص حياة أفضل.

2- بعشق السفر.

3- بس

[المرشد]

أخــى إبن بــورسعيــد

يعنـى إيه الغـربـة عن مصـر مش لازم تطــول

هـو يعنى الواحد مبسوط إنه بعيد عن أهلـة وأمـه وأصحابـة ؟؟؟

بس خلونـا نحسبهـا بالعقـل

يعنـى علشان الغربة متطولش يبقـى مثلا أسافرلى سنتين

قول ثلاثة

هجيب إيه ؟؟؟

هجووز باللى جبتـه ؟

طيب وبعدين ؟؟

أرجع جعـان تانـى ؟

وقتهـا هفكر في السفر تانى وبعد ما كنت حامل هم نفسى هشيل هم مراتي واللى فى بطنهـا

والواحد بيتحمل أي بعد إلا عن مراته وعياله . صح الكــلام ؟

بالنسبة لسافـرنـا لية

محدش فينـا سافر يتفسـح

وكل الاسباب اللى راح تتقـال هتصب في تعديل مستوى المعيشـة

أنـا بعرف ناس هنا في الامارات بقالة 15 وعشرين سنة وعايش كأنهـا بلدة وزوجته وعياله معـاه

وفي اللى عياله كمان أخدـوا جنسيـة الدولـة

وفـى اللى عـاش بره مثلا 8 او 10 ورجع عمل مشـروع يعيش منه

بأى حال مفيش حد بيسافر مدة صغيرة ويرجع

ســلام

[Diab]

عم أيمن

عم إيهاب

بيقولك اللي يطلع من القلب يوصل للقلب .

[nizza la bella]

الأستاذ الفاضل مصرى من جده انت فين? :rolleyes:

[لولا]

الأستاذ الفاضل مصرى من جده انت فين? :angrycop:

نفس اللى بفكر فيه :big_boss:

[umomar]

[color="crimson"]الـــــــــــــــــــــــــــــــــــــــــــــــــــــــــــــــــــشقه وآه منها الــــــــــــــــــــــــــــــــــــــــشقه

تم تعديل 18 يوليو 2008 بواسطة umomar

[nizza la bella]

يا ريت ننسا الموضوع دة علشان الاستاذمصرى فى جدةهرب وما جاوبش على السؤال انت لية اتغربت عن مصر ? انا شامم ريحة غريبة

[لولا]

يا ريت ننسا الموضوع دة علشان الاستاذمصرى فى جدةهرب وما جاوبش على السؤال انت لية اتغربت عن مصر ? انا شامم ريحة غريبة

تصدق الموضوع دا بدأ ينرفزنى بجد..

حاسه زى ما اكون عملت احلى شغل لحد معرفوش..

واقعت اضبط واذوق الموضوع وارد على كل واحد اقول بكره صاحبنا

يجى ويستلم شقته ومن ساعتها ولا حس ولا خبر :unsure:

طب بالذمه دا اسمه كلام يا جدعان :wub:

[alaashabana]

هههههههههههه ...

خناقة تلمهم وعصاية تفرقهم

فتح الموضوع وهرب ... زى العسل والله

[alaashabana]

حد يشترى رقم العضوية بتاعى (22222 ) ....

رقم مميز مش موجود مع اى حد فى المنتدى .. اصلها نيات . وكل انسان على قد نيتة :blink:

[لولا]

حد يشترى رقم العضوية بتاعى (22222 ) ....

رقم مميز مش موجود مع اى حد فى المنتدى .. اصلها نيات . وكل انسان على قد نيتة :blink:

تصدق ليك حق تعرض رقمك للبيع هنا فى الموضوع اللى ملوش صاحب دوت po::

وانا ياسيدى دخلت قلت اسأل عن السعر..

اهو لو السعر طلع مناسب الواحد يشيل..على الأقل يطلع بحاجه

من الموضوع دا اللى اللى واحد بذل فيه كل المجهود دوت ولا حد عبره

بكلمه شكرا نردهالك فى الأفراح :blink:

طبعا الكلام دوت لصاحب الموضوع المختفى bv:-

[alaashabana]

'طيب بما ان الاستاذة لولا موافقة تشترى نفتح المزاد

20 درهم كبداية ... مين يزود

[الباشمهندس ياسر]

السلام عليكم

يا عمنا انا اشترى منك رقم المنتدى بتاعك ايه رأيك ادع 10 ريال عمانى

ولا تحب بالدولار

ولا عايز باليورو

ولا اقولك تاخد بالراند بتاع جنوب افريقيا

ولا بالميتى كاش بتاع موزمبيق

ولا اقولك كفايه كده لحسن تحتار... انت بقى يا معلم اختار

وعلى العموم نعتبر ده المدخل للسؤال الرائع انا اتغربت ليه

لو قريت الكام سطر اللى فاتوا هتعرفوا كويس اوى انا اتغربت ليه

لولا ممكن نطلب من الادارة تغيير الموضوع باسمك نظرا للمجهود الرائع بتاعك

[لولا]

السلام عليكم

يا عمنا انا اشترى منك رقم المنتدى بتاعك ايه رأيك ادع 10 ريال عمانى

ولا تحب بالدولار

ولا عايز باليورو

ولا اقولك تاخد بالراند بتاع جنوب افريقيا

ولا بالميتى كاش بتاع موزمبيق

ولا اقولك كفايه كده لحسن تحتار... انت بقى يا معلم اختار

وعلى العموم نعتبر ده المدخل للسؤال الرائع انا اتغربت ليه

لو قريت الكام سطر اللى فاتوا هتعرفوا كويس اوى انا اتغربت ليه

لولا ممكن نطلب من الادارة تغيير الموضوع باسمك نظرا للمجهود الرائع بتاعك

والله احرجتنى يا بشمهندس md2:

اخيرا حد فهم التضحيات الكبيره اللى قدمتها فى الموضوع دوت cr((:

عموما الف شكر ليك ولكل المشاركين.. والمهم اللمه الحلوه :)

[لولا]

الأستاذ الفاضل مصرى من جده انت فين? :sad:

نفس اللى بفكر فيه wst::

مازال البحث مستمرا.. ونرحب بالمشاركات الجديده.

[alaashabana]

الناس راحت فين ...

انا اتغربت عن مصر علشان جاتلى فرصة سفر .. ارفضها يعنى وانا شغال فى مصر ب 300 جنية .

انا اصلا بحب السفر وياسلام بقى على السفر فى المناطق الجليدية او الساقعة بجد بعشقها . بعشق شكل الثلج والدنيا الساقعة والشمس طالعة تديلك شوية دفا ..

سلام بقى هو انا مش هعرف اخلص من المنتدى دة

[الباشمهندس ياسر]

سلام بقى هو انا مش هعرف اخلص من المنتدى دة

انا لسه عارف المنتدى قريب ومن يومها و انا يوميا هنا ربنا يجعله بفايده و يجعلنا مقبولين عندهم

[Virus]

اتغربت ليه ..اتغربت ليه يا واد يا فايرس...

أنهي غربة فيهم بالظبط؟؟!!

أصل الأولانية مليش دخلي فيها..أنا جيت الدنيا أصلاُ في السعودية..يعني غريب من يومي!!

وعشت هناك 14 سنة مليش دخل فيهم طبعاً...أبويه عايز كده!!

لكن لما شنبي بدأ يخضر..وقفت لأبويا وقلتله أبداً ..لابد نرجع مصر ولا يمكن ها أعيش هنا تاني في الحياة البلاستيكية دي(باللفظ ده)

أبويه طلع ساذج وخد كلامي جد..ورجعنا مصر :closedeyes:

وكنت هاطير من الفرحة بالرجوع لأهلنا وقرايبنا والزيارات واللمة والعزومات وغيره وغيره..لكن بعد كام شهر كل البريق اللي كنا بنشوفه في أجازة الصيف الشهر ونص انطفى تماما !!!

وبقت الحياة مش بلاستيكية...دي طينية :blush2: :unsure:

وطبعاً تنتظر إيه من واحد عاش نص عمره بره..هي الجامعة وكام سنة شغل وعلى بره في أول فرصة.وكان عندي استعداد أطلع بأي مرتب ولو بس هيأكلني ويشربني...يعني اخترت الغربة بكامل إرادتي..ولو إني أصلا معترض على لفظ الغربة ده

بس على فكرة أنا بحب مصر جداً جداً..وبربي ولادي (اللي أكيد برضو هكملو مسيرة العيلة في الغربة) على إن مصر هي بلدنا ومحدش يفتح بؤه عليها..

بس أنا مش قادر أعيش فيها دلوقت..إيه المشكلة يعني..ما أظنش إن ده هيضر مصر كتير وآدينا بنبعت كل اللي بيجيلنا لمصر...ولو إن ساعات ضميري بيأنبني لأني مبعملش حاجة لتغيير الوضع القائم في مصر!!

على أي حال..دي قصتي المتواضعة مع الغربة الإجبارية و الاختيارية