تقدر تجاوب انت لية اتغربت عن مصر

[مصرى فى جده]

b shx hgtg ug;l [lduh مساء الفل عليكم جميعا وشكرا يا ست لولا على المداعبة وروحك العالية النهاردة هحكيلكم حكايتى وهقولكم لية اتغربت عن مصر اتخرجت من اربعة عشر سنة وبعدها بشهرين جانى جواب التعين مدرس كحيان فى التربية والتعليم وبراتب بكل اسف وحزن وحسرة وفخر 56 جنية مع الحوافز والبدلات يوصل 120 جنية مصرى تصوروا بعد كل العزاب والشقة وطلع دين اهلى فى مصاريف وتربية باخد 120 جنية لو فكرت اشترى جزمة زى الناس مش هيكفو ولو فكرت اشترى لبس واتكسى كسوة الشتاء هتدين فى راتب خمس شهور المهم فى يوم كنت جالس فوق السطوح ونايم على رجل امى الله يعطيها الصحة ويشفيها لية قولوا امين الشريط لف ورجع للخلف خمس سنين مدرس ولسة باخد مصروفى من ابويا الله يرحمة فبكيت ونزلت دمعتين على رجل امى فحست بيهم فبستنى وطبطبت علية وقالت لية متزعلش يا ابنى ان بعد العصر يسر ان شاء الله ربنا هيكرمك وهتكون احسن الناس واغنى الناس وهيعوضك ---- قبل ما كمل مش عاوز واحد فيكم يقولى دروس خصوصية لانها حرام وبتمص دم الغلابة وانا جربت وانا طالب ومش عاوز اكون مفترى انا رافض مبداء الدروس الخصوصية بتاتا لو هشحت لو هسرح بعربية بطاط لو هشتغل صبى قهوجى انسوا \\\\\\\\ المهم اكمل لكم الموضوع تانى يوم اتصلت على واحد صحبى فى ليبا وقولت ليها فية عندك مكان لية فى التدريس قال لى لجنة التعاقدات جية بعد يومين روح قد ورحت وسافرت ليبا مدرس متعاقد وجلست 3 سنوات ومحبتهاش لانهم شعب مجانين والمثل بيقول عدو عاقل ولا صاحب يكون مجنون المهم رحت سفارت بلجيكا فى ليبي وقدمت على تاشيرة ودقيت التاشيرة بعد ما عملت حجز فندق وقصيت التزكرة وعملت فيزا كارت وسفرت وهناك لقيت فجر وكفر وفسوق الناس دية مرتبين ومنظمين جدا ولكن لا عندهم لا دين ولا ملة والعياز بالله رجعت مصر وقلت لو هكلها بدقة اهون علية من بلاد البلابيص دول بعد ما جلست شهرين فى مصر كان فية واحد صحبى جدا كنت مقطعة من سبع سنوات بسبب انة بوشين وعمل كام حركة مس مظبوطة جه صلحنى وقال لى عفى الله عما سلف وقلت له مسحك وقالى هتعمل اية قلت هرجع الشغل فى المدرسة مدرس قال لى اية رايك تيجى السعودية قولت لة اوكى بس مش مدرس عاوز اى شىء تانى مندوب او محاسب يعنى ابعدنى عن التدريس عشان كرهتة قال لى فية فيزة حرة وتدور على شغل برة قولت اوكى وجيت كدة من 7 سنوات واول سنة اشتغلت مندوب فى شركة وبعد كده جبت عربية فان واشتغلت لحسابى مندوب مبيعات واخدت وكالة شركة للتوزيع فى جدة وربنا فتح علية وفتحت معرض مطابخ وورشة للتصنيع والحمدلله والاشية معدن بس ابويا مات فى حادث من غير ما اشوفة وهى دية التى زبحانى وقتلانى وخلصت حكايتى

[مصرى فى جده]

تقدر تجاوب انت لية اتغربت عن مصر

b shx hgtg ug;l [lduh مساء الفل عليكم جميعا وشكرا يا ست لولا على المداعبة وروحك العالية النهاردة هحكيلكم حكايتى وهقولكم لية اتغربت عن مصر اتخرجت من اربعة عشر سنة وبعدها بشهرين جانى جواب التعين مدرس كحيان فى التربية والتعليم وبراتب بكل اسف وحزن وحسرة وفخر 56 جنية مع الحوافز والبدلات يوصل 120 جنية مصرى تصوروا بعد كل العزاب والشقة وطلع دين اهلى فى مصاريف وتربية باخد 120 جنية لو فكرت اشترى جزمة زى الناس مش هيكفو ولو فكرت اشترى لبس واتكسى كسوة الشتاء هتدين فى راتب خمس شهور المهم فى يوم كنت جالس فوق السطوح ونايم على رجل امى الله يعطيها الصحة ويشفيها لية قولوا امين الشريط لف ورجع للخلف خمس سنين مدرس ولسة باخد مصروفى من ابويا الله يرحمة فبكيت ونزلت دمعتين على رجل امى فحست بيهم فبستنى وطبطبت علية وقالت لية متزعلش يا ابنى ان بعد العصر يسر ان شاء الله ربنا هيكرمك وهتكون احسن الناس واغنى الناس وهيعوضك ---- قبل ما كمل مش عاوز واحد فيكم يقولى دروس خصوصية لانها حرام وبتمص دم الغلابة وانا جربت وانا طالب ومش عاوز اكون مفترى انا رافض مبداء الدروس الخصوصية بتاتا لو هشحت لو هسرح بعربية بطاط لو هشتغل صبى قهوجى انسوا \\\\\\\\ المهم اكمل لكم الموضوع تانى يوم اتصلت على واحد صحبى فى ليبا وقولت ليها فية عندك مكان لية فى التدريس قال لى لجنة التعاقدات جية بعد يومين روح قد ورحت وسافرت ليبا مدرس متعاقد وجلست 3 سنوات ومحبتهاش لانهم شعب مجانين والمثل بيقول عدو عاقل ولا صاحب يكون مجنون المهم رحت سفارت بلجيكا فى ليبي وقدمت على تاشيرة ودقيت التاشيرة بعد ما عملت حجز فندق وقصيت التزكرة وعملت فيزا كارت وسفرت وهناك لقيت فجر وكفر وفسوق الناس دية مرتبين ومنظمين جدا ولكن لا عندهم لا دين ولا ملة والعياز بالله رجعت مصر وقلت لو هكلها بدقة اهون علية من بلاد البلابيص دول بعد ما جلست شهرين فى مصر كان فية واحد صحبى جدا كنت مقطعة من سبع سنوات بسبب انة بوشين وعمل كام حركة مس مظبوطة جه صلحنى وقال لى عفى الله عما سلف وقلت له مسحك وقالى هتعمل اية قلت هرجع الشغل فى المدرسة مدرس قال لى اية رايك تيجى السعودية قولت لة اوكى بس مش مدرس عاوز اى شىء تانى مندوب او محاسب يعنى ابعدنى عن التدريس عشان كرهتة قال لى فية فيزة حرة وتدور على شغل برة قولت اوكى وجيت كدة من 7 سنوات واول سنة اشتغلت مندوب فى شركة وبعد كده جبت عربية فان واشتغلت لحسابى مندوب مبيعات واخدت وكالة شركة للتوزيع فى جدة وربنا فتح علية وفتحت معرض مطابخ وورشة للتصنيع والحمدلله والاشية معدن بس ابويا مات فى حادث من غير ما اشوفة وهى دية التى زبحانى وقتلانى وخلصت حكايتى

[mitcey]

اااااااااااااااه والله انا جيت هنا غدر

ابويا كان بقالوا سنتين في امريكا وامي بقي كل شوية تعيطلي عايزة تروحله بس كنت متطمنة لان انا كنت في ثانوية عامة ومش كنت هقدر اسافر الا لما اخلص واملي الوحيد لاني اقعد في مصر اني ادخل هندسة ديكور وللاسف مش دخلتها

دخلت تجارة عادية وكلية تجارة انجليزي وافقت انها تحولني ليها في سنة تانية لو جبت تقدير لا يقل عن جيد بس امي مش اديتلها فرصة اصلا خلال شهر ورقي كان خالص ويوم عيد ميلادي ماما قالتلي حضري نفسك احنا مسافرين زى انهارده الشهري اللي جاي علي امريكا وانا ولا كان عندي فكرة.

كنت عاملة زى اللي بيطلع في الروح بحاول اشبع من مصر مش عارفة وجيت البلد الليعايزة الحرق دى واهو اتغربت بدري بددري وعيشت غربة مابعدها غربة

وحسبي الله ونعم الوكيل

[alaa elshafiey]

صباح الخير يا جماعة الخير

طبعا انا قريت الردود كلها ولقيت ان السفر فى ناس واخدة نزهة هههههههه

على العموم انا حكيتى مع السفر طبعا كانت البنت الى بحبها وعاوز اخطب وعاوز شبكة ومش عاوز اضغط على بابا وطبعا معيش فلوس

وبدات القصة السفر الى اى حتة برة مصر المرتب فى مصر لواحد متخرج جديد مش هيعدى 500 جنية على اى حال دورت وطلع عينى شوية ومكاتب السفريات طبعا قلة الادب كلها تلقى كلب ملوش لزمة صاحب مكتب تسفير العمالة للخارج قاعد وبيكلمك من اعلى مكان فى جسمة كلة وههو الاخر ااساسا هيأخد منك فلوس امال لو ببلاش هيعمل معاية اية

المهم

بعد شوية سفرت قطر عن طريق اخوية جيت زيارة هههههههههههههههه والحمدلله اشتغلت وطلع عينى وطلع المدير المصرى الى كان علية اسؤ انسان قلبتة فى حياتى كلها

المهم عرفت احصل فيزا من مكان تانى

ورجعت وشغال هو صحيح المدير سورى وهو صاحب المال وهو معفن وبخيل بس اهوو ارحم من المصرى الى فات

صحيح الراتب مش كويس خالص

بس اهو بردة احسن من الكنسلة والقعدة فى مصر على العموم يا جماعة

السفر انا بحب مصر لدرجة انى ساعات بكون عاوز ادمع من حبى لها ووحشانى بجد

نفسى اروح اسكندرية بس خمس دقائق وارجع تانى لكن كل ما افكر ان مصر دى معاك فلوس تعيش مش معاك الناس مش تعبرك بالجزمة والله والشغل فيها صعب والمرتبات وحشة اوى

وواحد قالى كلمة الى يعيش فى الخليج صعب انة يتأقلم فى مصر تانى مش عارف بس انا حاسس بكلمة على اقل حاجة بنزل ااجيب الاكل من كارفور بجيب الى عوزة مش فى دماغى وبحاسب اى كان المبلغ واروح لكن مصر المبلغ حتى لو صغير تحس انكم خلصت الى معاك

المهم نهاية الكلام انا نفسى ارجع مصر بجد

ونفسى اعيش هنا فى قطر عشان المعاملة الكويسة جدا فى اى مكان بتدخلة

بجد انا مش عارف

بس الى عارفة كويسة انى مصرى

ونفسى اتجوز صحيح هو انا مسافر عشان كدة

[لولا]

تقدر تجاوب انت لية اتغربت عن مصر

b shx hgtg ug;l [lduh مساء الفل عليكم جميعا وشكرا يا ست لولا على المداعبة وروحك العالية النهاردة هحكيلكم حكايتى وهقولكم لية اتغربت عن مصر اتخرجت من اربعة عشر سنة وبعدها بشهرين جانى جواب التعين مدرس كحيان فى التربية والتعليم وبراتب بكل اسف وحزن وحسرة وفخر 56 جنية مع الحوافز والبدلات يوصل 120 جنية مصرى تصوروا بعد كل العزاب والشقة وطلع دين اهلى فى مصاريف وتربية باخد 120 جنية لو فكرت اشترى جزمة زى الناس مش هيكفو ولو فكرت اشترى لبس واتكسى كسوة الشتاء هتدين فى راتب خمس شهور المهم فى يوم كنت جالس فوق السطوح ونايم على رجل امى الله يعطيها الصحة ويشفيها لية قولوا امين الشريط لف ورجع للخلف خمس سنين مدرس ولسة باخد مصروفى من ابويا الله يرحمة فبكيت ونزلت دمعتين على رجل امى فحست بيهم فبستنى وطبطبت علية وقالت لية متزعلش يا ابنى ان بعد العصر يسر ان شاء الله ربنا هيكرمك وهتكون احسن الناس واغنى الناس وهيعوضك ---- قبل ما كمل مش عاوز واحد فيكم يقولى دروس خصوصية لانها حرام وبتمص دم الغلابة وانا جربت وانا طالب ومش عاوز اكون مفترى انا رافض مبداء الدروس الخصوصية بتاتا لو هشحت لو هسرح بعربية بطاط لو هشتغل صبى قهوجى انسوا \\\\\\\\ المهم اكمل لكم الموضوع تانى يوم اتصلت على واحد صحبى فى ليبا وقولت ليها فية عندك مكان لية فى التدريس قال لى لجنة التعاقدات جية بعد يومين روح قد ورحت وسافرت ليبا مدرس متعاقد وجلست 3 سنوات ومحبتهاش لانهم شعب مجانين والمثل بيقول عدو عاقل ولا صاحب يكون مجنون المهم رحت سفارت بلجيكا فى ليبي وقدمت على تاشيرة ودقيت التاشيرة بعد ما عملت حجز فندق وقصيت التزكرة وعملت فيزا كارت وسفرت وهناك لقيت فجر وكفر وفسوق الناس دية مرتبين ومنظمين جدا ولكن لا عندهم لا دين ولا ملة والعياز بالله رجعت مصر وقلت لو هكلها بدقة اهون علية من بلاد البلابيص دول بعد ما جلست شهرين فى مصر كان فية واحد صحبى جدا كنت مقطعة من سبع سنوات بسبب انة بوشين وعمل كام حركة مس مظبوطة جه صلحنى وقال لى عفى الله عما سلف وقلت له مسحك وقالى هتعمل اية قلت هرجع الشغل فى المدرسة مدرس قال لى اية رايك تيجى السعودية قولت لة اوكى بس مش مدرس عاوز اى شىء تانى مندوب او محاسب يعنى ابعدنى عن التدريس عشان كرهتة قال لى فية فيزة حرة وتدور على شغل برة قولت اوكى وجيت كدة من 7 سنوات واول سنة اشتغلت مندوب فى شركة وبعد كده جبت عربية فان واشتغلت لحسابى مندوب مبيعات واخدت وكالة شركة للتوزيع فى جدة وربنا فتح علية وفتحت معرض مطابخ وورشة للتصنيع والحمدلله والاشية معدن بس ابويا مات فى حادث من غير ما اشوفة وهى دية التى زبحانى وقتلانى وخلصت حكايتى

اهلا بعودتك استاذ مصرى من جده، اما وقد عدت فأستلم موضوعك يا سيدى.

وبعد سماع حكايتك ، اجد اننا متفقين على الغربه دائما لها اسباب اقوى منا.

الحياه الكريمه ، اهم من العيش على ارض مصر بشكل غير لائق. لنرى احلامنا

تموت ونحن لا نملك اى شيئ سوى الضعف وقله الحيله.

[مصرى فى جده]

يا ست لولا سياسة الحكومة المصرية هى نفس سياسة المغرب جوع كلبك يدبعك وهو ده الذى متبعينة معنا انا اسف على التعبير بس هى دية الحقيقة

[لولا]

اختلفت الأسباب والنتيجة واحده.. مغتربووووووووووووووووووووون

اختلف المكان والنتيجة واحده .. مغتربوووووووووووووووووووووون

[Ghooost]

يا ست لولا سياسة الحكومة المصرية هى نفس سياسة المغرب جوع كلبك يدبعك وهو ده الذى متبعينة معنا انا اسف على التعبير بس هى دية الحقيقة

ليه يأخ مصرى دايما بنفترض نظرية المؤمرات فى حياتنا وجبت منين الأفتراض الغريب ده .

اسمحلى انا مختلف معاك فى الكلام اللى بتقوله .

وعشان كده حابب ادردش معاك شويه . انا ليا اصحاب كتير من خريجى جميع الكليات ( هندسه - علوم حاسب - اكادمية السادات - تجاره ) وكلهم زى حالاتى كده لا ليهم واسطه يتعينوا فى الحكومه ولا يعرفوا حد كبير فى القطاع الخاص .

كل اللى عملوه انهم دوروا على السوق محتاج ايه بالظبط وممكن تكون نظرتهم على المدى القصير بس على الأقل حاولوا يجتهدوا ويدورا . بس مش معنى كده عرفوا ان السوق محتاج كمبيوتر راحوا خدوا كورسات كمبيوتر انا اقصد التخصص العميق اللى ممكن تاخده عن طريق الدراسة ومن بره الدراسه . ودلوقتى بيشتغلوا فى شركات كبيره وبيخدوا مرتبات ممتازه جابوا شقه بيها واتجوزوا بيها ومبسوطين واتعرض عليهم شغل بره باضعاف بس هما مبسوطين كده . انا عن نفسى احتكيت فى فتره من الفترات بفنين (دبلومات ) فى مصانع عندهم خبره فى مجالهم مش بياخدوا اقل من 3000 جنيه .

طب انا بقول الكلام ده ليه عشان فى حاجات محيرانى من زمان فى سلوكنا

أقوللك زى ايه .

1- لما واحد يسقط فى الكليه يقوللك أصل الدكتور مسقط الدفعه كلها وبعدين تكتسف ان الدفعه كلها مش ساقطه ولا حاجه . يبقى اكيد الكتور مستقصدنى عشان انا طويل شويه وهو قصير . وبعدين تكتشف انه ساقط فى كل المواد . يمكن الدكاتره كلهم قصيرين .

2- واحد عمل انترفيو فى شركه ناس اتقبلوا وناس لأ . اصل الناس اللى تقبلوا معاهم وسايط . وبعدين تلاقى هو مش عارف اتقدم لوظيفة ايه.

3- اكتر حاجه بتغيظنى قوى قوى لما واحد يقوللك اصل مديرى المصرى هو السبب فى انى سبت الشغل!! والله والله كل المديرين اللى عرفتهم كان همهم ازاى يجيبوا ولاد بلدهم . هى كل الحكايه لما يحبوا يجيبوا حد عايزينوا يكون قد المسئوليه عشان يدى انطباع كويس والتعبان مايلزمناش !

الخلاصه بدل مادور انا قصرت فى ايه . بدور هو ايه ممكن يكون السبب فى اللى انا فيه ده؟؟

.أسمحلى لما انت خلصت ثانويه عامه ودخلت كلية تربيه ماكنتش عارف مرتب موظف الحكومه كام !!

(انا مش عايز اتطرق لجزيئة ودا ينفع فى بلد ان المدرس ياخد كدا الكلام ده مش ماكانه دلوقتى . بس كل اللى عايز اقوله انت شايف نار من بعيد متروحش ترمى نفسك فيها انا معاك احنا لازم نطفيها بس على الأقل منطش فيها) بس لما انت اشتغلت فى حاجه السوق محتاجها وانت أكيد اتميزت فيها ربنا كرمك ونجحت .

ياترى الفكره اللى حبيت أوصلها وصلت انا مش عايز اتكلم كلام انشاء كتير بس فى ناس كتير كانت بتبص للمؤهل من غير متفكر هو هينفعها بعد كده ولا لأ

- على فكره انا خريج هندسه عشان متفتكرش انى بحقد على المؤهلات العليا -

وعايز اقوللك ووالله مش كلام وخلاص انا لو كنت شايف مستقبلى انى أخد دبلوم صنايع كنت هاخده بغض النظر عن كلام الناس .

فى نقطه تانيه تعبانى قوى وعايز اتكلم فبها . هل احنا شعب أنانى وبنحب ناخد كل حاجه لنفسنا بغض النظر عن مصلحة غيرنا ؟

يعنى موظف الحكومه اللى بياخد اجازه من شغله عشان هو مش مستريح ومسافر بره . طيب مايسيب مكانه لحد محتاجه .

هيقولك طب لما ارجع هاشتغل فين . طيب سيب فرصة السفر لغيرك !

حاجه تانيه كمان معظم احاديث المغتربين واللى مش مغتربين بتتكلم عن أراضى القرعه وازاى يستثمروا فيها ومشاريع ابنى بيتك اللى كل واحد فى مصر بيجرى وراها وبيقدم بأسامى عيلته كلها عشان ياخد ويتاجر فيها.

وبعد ماياخد الأرض يقولك شوف الحكومه بت ستين فى سبعين اللى الشباب مش لاقى سكن فيها شفت الحكومه اللى سابت البيوت تقع على اصحابها .

طب لو كل واحد فينا خاد اللى محتاجه مش اخوانا هيلاقوا . ياجماعه الحكومه زى الزفت بس احنا برده نكون امناء مع نفسنا شويه . ماهو مش كل شويه نقعد نشتم فى اللى سارقين البلد وننسى سلوكنا الشخصى .

تحياتى

[alaashabana]

انا لاقيت نفسى عاطل وفاضى فقولت اتغرب شوية كدة واشوف الوضع برة اية

واهى ماشية الدنيا..

الحمد لله

[الحر الأشقر]

بصراحة العيشة في مصر صعبة أوي

الواحد يروح للسعودية كم سنة يحوش قرشين كويسيين

مع إني إرتحت هنا كتير

كل شهر في مكة و كل شهرين في المدينة و كل سنة بحج

الراتب فل و السعوديين 100 فل

[muslim4ever]

فى نقطه تانيه تعبانى قوى وعايز اتكلم فبها . هل احنا شعب أنانى وبنحب ناخد كل حاجه لنفسنا بغض النظر عن مصلحة غيرنا ؟

يعنى موظف الحكومه اللى بياخد اجازه من شغله عشان هو مش مستريح ومسافر بره . طيب مايسيب مكانه لحد محتاجه .

هيقولك طب لما ارجع هاشتغل فين . طيب سيب فرصة السفر لغيرك !

حاجه تانيه كمان معظم احاديث المغتربين واللى مش مغتربين بتتكلم عن أراضى القرعه وازاى يستثمروا فيها ومشاريع ابنى بيتك اللى كل واحد فى مصر بيجرى وراها وبيقدم بأسامى عيلته كلها عشان ياخد ويتاجر فيها.

وبعد ماياخد الأرض يقولك شوف الحكومه بت ستين فى سبعين اللى الشباب مش لاقى سكن فيها شفت الحكومه اللى سابت البيوت تقع على اصحابها .

طب لو كل واحد فينا خاد اللى محتاجه مش اخوانا هيلاقوا . ياجماعه الحكومه زى الزفت بس احنا برده نكون امناء مع نفسنا شويه . ماهو مش كل شويه نقعد نشتم فى اللى سارقين البلد وننسى سلوكنا الشخصى .

تحياتى

احترم صراحتك

التفكير بشكل ايجابي نصف الحل

نغير انفسنا اولاً

تحياتي لك

[ايهاب سالم]

حذفت للتكرار

تم تعديل 14 نوفمبر 2008 بواسطة ايهاب سالم

[لولا]

ايهاب باشا سالم :D

انت احييت الموضوع دا وهو عزيز عليا جدا ...حيث انى كنت كد حكيتوا فيه كصه هياتى smk:

وبذلت فيه مجهود كبييييييييييييييييييير بعد ما صاحبه فتحه ومشى وسابه :blink:

انما هى الفراشات بتحب تدخل جوا النار ليه ؟؟ :closedeyes: :lol:

لولا

[ahmedkamal]

انا راي ان موضوع التوبيك المفروض يكون انت ليه ماتتغربش عن مصر ؟؟ لان هو ده المهم ياترى ايه عوامل الجذب اللي تخلينا مانبعدش عن مصر لو هتقولوا ليا فلوس فيه ناس بتعمل فلوس ف مصر والخليج راحت عليه من زمان ايام السبعينات معلشي انما دلوقتي مش الفلوس اللي بالكم منها مع ارتفاع الاسعار ف مصر

هتلاقوا ان جزء كبير معتمد ع اننا بنبعد عن مصر عشان وجع الدماغ انت بقى معاك فلوس وجيبت شقه ف منطقه راقيه وعربيه كويسه جدا وبعدين هتشتري ناس تلتزم بالنظام تمشي معاك ف الشارع هتشتري موظفين منظمين بعيد عن الروتين هتشتري ايه ولا ايه احنا بنتغرب عشان نهرب اوعى حد يكون فاكر ان المشكله مشكله فلوس هات فلوس وتعالى امشي ف الشارع ف مصر بعربيتك هيطلع عينك ع الاقل واحنا بعيد مريحين البلد من همنا وبنفيد البلد باي قرش بنحطه ف بنوكها احسن من اللي عايشين وبياكله من خيره وبياخدوا قروض وبيهربوا فلوسهم بره

[elshafey]

انا مسافر قريب ان شاء الله

وعايز اقول اني هتغرب واسيب بيتي وعيالي عشان مش لاقي مرتب يناسب التزاماتي

انا كنت باخد في مصر 2000 جنيه ومش مكفيين مصاريف البيت ومدرسة الولد وغيره وغيره

انا عارف ان 2000 جنيه بالنسبة لناس تانية رقم ضخم بس انا مش عايز عيالي يدوقوا الويل اللي انا شفته ولسه باشوفو وعايز اعيشهم عيشة محترمة من غير بهدلة و مستعد اتغرب بره عشان مايتعبوش زيي وزي ناس تانية كتيييييييييييييييييييييييييييييير

[ahmedkamal]

شوف يااخي كل شيئ وله ثمنه قد يكون انت مرتبك كويس ف نظر ناس سافره من سنتين او اكتر لان من فتره كان سقف المرتبات قليل لكن مع ارتفاع الاسعار زادت المرتبات او ظهرت مجالات مكنتش ظاهره زمان لكن ف كلا الحالتين كل انسان من حقه يجرب وانا من المقتنعين بكده لازم تخوض التجربه اللي ممكن تكون ناجحه ف نظر ناس وفاشله ف نظر ناس لازم تخوض بنفسك وربنا يوفق الجميع بس مش دايما الناس بتتغرب عشان الفلوس اوقات كتيره الواحد بيحس بغربه البيت والاهل وهو بينهم وده اصعب شيئ ساعتها بتقرر انك تبعد بجد

[pharaon]

السلامو عليكم

انا حيبت اشارك معاكم بحدوتى

انا بقى مولود فى السعوديه عشت فيها اكتر ما عشت فى مصر

بس حبيت حياة مصر والمة والناس والزحمة و اول ما نزلت مصر كان عندى 8 سنين

تخيلوا شوفت بلدى اول مرة وانا 8 سنين المهم حبيت مصر بوحشيه ومرضيتش ارجع السعوديه تانى و حولت دراستى لمصر و عاندت

كل الناس وعاندت والدى ووالدتى الله يرحمها وقعدت امى معايه وابويه رجع لوحده يا عينى بعد شهرين بدأت استغرب من البهدلة الى

شفناها هناك فى مصر زحمة فى البنك عشان الحوالة البهدلة فى الاسواق والريحة الوحشة فى الشوارع والناس النصابة والسرقة

حاجات كتير موال طويل مع كده حبيبتها برضة واستحملت كل ده عشان جوايه احساس ناقص بالانتماء لانى عشت فى السعوديه

وشفت التفرقة بين الناس والعنصريه واول كلمة بتتقالك يا اجنبى (طيب منا بتكلم عربى ومن دولة عربية المفروض انها شقيقة ومسلم

واسمى محمد ازاى اكون اجنبى ) قولت لا لازم اكمل فى مصر لان ديه بلدى بس فى نفس الوقت متعود على حياة السعوديه النظيفة

مقدرتش دخلت ثانوى فى السعوديه اتخنقت دخلت الجامعة فى مصر وفى الوقت ده اتعلقت بمصر اوى اوى وقررت انى استقر فى مصر

وامارس مهنتى فى مصر واحاول ارجع والدى مصر الى مكنش قادر يستقر فى مصر وطبيعة شغله مخلياه مقدرش بنزل مصر كتبر خصوصا

انه مقاول وفلوسه كلها بره فى السوق وميقدرش ينزل مصر ويسبها فكان بينزل كل 5 او 3 سنين ههههههههه يا نهار اسود ده ربنا معاه يعنى

بقاله 30 سنة فى السعوديه نزل مصر فيهم 13 مرة كل مرة لا تزيد عن شهرين تخيلوا مع انه بيحب مصر والله جدا

وكل ما كان الوقت بيعدى بتحصل حاجات بتربطنى بمصر والسعودية اكتر

وفاة اختى فى السعودية ودفنها هناك وحياة والدى المستقرة هناك

وفاة امى فى مصر ودفنها هناك

الله يرحمهم

زى ما يكون مكتوب عليا الشتات عليا بين الاتنين

زى ما يكون اتقسمت نصين

قلت يبقى ده قدرى ومن يومها 4 شهور فى مصر وباقى السنة فى السعوديه وقضيها يا معلم

وبقالى حياة مستقرة فى مصر وحياة مستقرة تانية فى السعودية

واضح ان مسيرة الغربة مع الابناء موجودة مع ناس هنا فى المنتدى الى اول مرة اشارك فيه برد فعال

انا مكنش ليه حق الاختيار فى الغربة او القعدة فى مصر على الدكة

واديها ماشية الحمدالله

بس فى الاخر مصر تكسب طبعا

[مطحون]

تقدر تجاوب انت لية اتغربت عن مصر

[/color

السلام عليكم مصري بجدة اخي العزيز اقولك انا لية اتغربت علي فكرة انا متغرب من 20 سنة

عارف انا بعد ما خلصت دراسة دخلت الجيش و خرجت من الجيش ابحث عن عمل عارف اشتغلن اية طبعا العمل الشرف ليس علية غبار و لكن اقولك انا اشتغلت ماسح احذية عارف الشغلة دي و اللا اشرحلك هشرحلك عشان القراء الافاضل يعرفوا كنت اجلس علي كرسي صغير بالارض و يجي البية يجلس علي كرسي العرش فوق و انا تحت رجولة امسح لة الجزمة دا كان قبل 25 سنة تقريبا و كنت اخد علي الجزمة من صاحب المحل 5 صاغ فاكر الصاغ 5 قروش و علي حسب امسح باليوم 20 جزمة و اللا 10 كنت اخد الفلوس و اجري علي البيت اجيب لاخواتي كيلوا فاكهة و لما تكون مزهزهة اجيب نصف كيلو كباب اهوة كل واحد فينا يادوب ياخدلوة شمة اقصد لقمة المهم سافرت الي السعودية علي اساس استغل براتب 1500 في شركة و كان حلم اني اجي زي غيري سنتين تلاتة و كل امنتيتي امسك مائة الف كان حلم حياتي مائة الف جنية كنت فاكر هكسر بيها العالم و اعتبر من الاثرياء بالمائة الف و جلست اجمع 1500 في كام بعاد المصاريف تساوي مائة الف لقيت لازم اجلس 6 سنوات حتي اجمع مائة الف قولت مش مهم هسافر و جيت اول ما وصلت صاحب الشغل نزل الراتب الي 1000 ريال بس قولت مش مهم و بعد فترة بسبب اجتهادي و عدم نومي و شغلي ليل نهار حتي وقت الراحة رجع راتبي تاني الي 1500 و حمد الله و عدت ال ست سنوات لقيا نفسي ما حوشت حتي نصفهم ما نسيت اني من اسرة فقيرة و كان اهلي يحتاجون مني مصاريف بعد وفاة والدي رحمة الله فا كنت المهم كمان سنتين حوشت ال مائة الف و لقتها لا تساوي ما كنت احتاجة و قت ما فكرت فيها و كانت الحسبة محتاجة شوية كمان يعني كمان سنين تلاتة و اتزوجت في هذة الفترة و مرضت والدتي رحمها الله و كنت ارسل ما يكفي علاجها و جلوسها بعض الاحيان بالمستشفيات و توفها الله و لم اقدر انزل اشوفها لانهم خبوا عليا خبر وافتها و بداء رتبي بالذيادة و ذلك بسبب رضا الوالدين و دعائهم لي دائما لاني كنت بار بهم جدا و الحمد لله و هذة ناصيحة ارجوا بر الوالدين ما هتحسوا بيها للا لما تفقدوهم ارجوكم المهم وصل بالشركة التي كنت اعمل بيها الي مدير عام الشركة بعد 13 سنة و دا نتجة تعب و زاد راتبي الي 6000 الاف ريال و كل شوية الراتب يزيد اقول كمان سنة و كل ما انظر لمدخراتي القيها ما تساوي حيث الغلاء اللي بيحصل كلة سنة تركت العمل بسبب فرصة اخري براتب 10000 عشرة الاف ريال و تنازلت عن نهاية خدمتي مقابل التنازل عن الكفالة يعني شقي 13 سنة راح و بدائت بالعمل الجديد و كان لي نسبة 25 % من الارباح مقابل انشاء المشروع و تنفيذة للمجال اللي بعمل فية و فرحت كثير و بدا ءت اعرف طريق العقار و اشتريت ثم اشتريت و اصبحت من اللي بيقولوا عليهم من زوي الاملك و لله الحمد و الناس بتقولي بالشارع لما انزل مصر يا حاج و اللي جالس بيقف لما يشوفني ما بصراحة كنت حاسس بالغلابة اللي كانوا مثلي و كنت اعطف عليهم و كل ما اشوف ماسح احذية جالس بالشارع اروح اجلس جنبة وبكل حنان اتفقد احوالة و اهلة و بيتة و اسالة عن امنية لة و اعطية مما عطاني الله المهم بعد 3 سنوات الشركة سومتني علي النسبة بتاعتي و قالوا نزيد راتبك بس انسي النسبة ما النسبة كانت بدون اوراق لانها ممنوعة نظام تكون شريك هنا مع اجانب المهم تركتهم و ربنا بيعوض اهم حاجة ان الواحد يكون امين و يخاف الله و دا كان راس مالي الاساسي كل ما اروح مكان كانت امانتي هي سلاحي و عملت بمكان اخر و زاد دخلي و كان تعويض من ربنا و كان راتبي 15000 الف ريال و الحمد لله و كنت اشتريت عقارات بمبلغ 680000 الف تقريبا بالقسط و انتهيت من سدادهم بالكامل و الان هذة العقارات تساوي بفضل الله 2 مليون جنية ماشاء الله تبارك الله ما قولتلكم ربنا بيعوض بس الان نفسي ارجع مصر بتمني ارجع مصر لاني بجد مش عايش جاني كل الامراض و الحمد لله علي كل حال تعبااااااااااااااان جدا نفسي ارتاح هل اجد فيكي يامصر راحة ارجوكم من خلال اقتراحتكم هنا افيدوني ارجع و اضحي براتب 22 الف جنية تقريبا شهريا غير البدلات و المكافاءات و غيرة و اللا انزل ابيع عقاراتي و اعمل اي مشروع عرفتم انا لية اتغربت و الان بفكر ارجع لاني خايف اجلس اكثر من كدة و ارجع في صندوق

اخوكم ماسح الاحذية

[ahmedkamal]

ع فكره فيه ناس ف ايدها تاخد قرار الغربه وفيه بيتفرض عليها انا والدي راح الكويت ككمدرس سنه 77 ومن ساعتها اتربيت هناك وبعدها نزلت ع الجامعه مش عاوز اقولك المعاناه اللي عانيتها من ركوب المواصلات ولا الميكروباص ده قصه المهم ماضحكش عليكم تعبت قوي ف الاول بس بعد كده حبيت فوضى بتاعت مصر والزحمه وبقى ليا صحاب وخروج وتنطيط بس شويه بدات اقارن برده ايه ياعم الزحمه ده والوفضى والرشاوي لا ياعم انا بحب مصر بس مش بحب الفساد ده والفوضى ده

اتخرجت من هندسه وبرده قولت حاول تاني ف مصر اشتغلت 4 سنوات وكان شغل حلو قوي واتعاملت مع ناس مناصب لكن اكتشفت فساد اكبر كرهني ف البلد اكتر ف خلال ده قولت بص انت من الاول مش متكيف مع البلد ده قدمت ع هجره لكندا وزهقت من الزحمه ف مصر اركب العربيه يطلع عيني طبعا شارع شبرا ولا كوبري اكتوبر ولا المحور بتاع26 اخوكم لف حتت كلها زحمه لالسف عشان كده العايش بره القاهره ماشافش القرف بتاع الزحمه المهم بعد 4 سنين قولت لا خلاص مصر جابت اخرها معايا لازم امشي وقولت انا هغير روحت ع السعوديه وكنت خايف من الكلام اللي بسمعه عنها لقيت السعوديين غير الكوايته خالص الكوايته عليهم كبر فظيع واهو بقالي سنتين وده الثالثه ف الرياض سارفت ليه ؟؟؟؟ مش عارف جايز هروب جايز عدم تكيف جايز لاني كنت عاوز اعتمد ع نفسي رغم توافر كل الامكانيات الماديه طبعا اللي والدي وفرها ليا بس بجد تجربه السفر كويسه بحلوها وبمرها بتشوف ناس جديده طبيعه تفكير مختلفه بتحتك ولو فيها منفعه ماديه كويس برده انك تعتمد ع نفسك ، بس الخلاصه الغربه كداب اللي يقولك سنتين ولا عشره انت بتقعد لحد ما يمشوك او الدنيا تزهق منك وتمشيك ربنا يدي الكل طول العمر ف الخير والصحه بس عادي قدرنا وخلاص

تحياتي لكل المغتربين جوا مصر او بره مصر!!!!! اه جوا مصر فيه غربه وده اصعب بكتير من اللي برا لان ده مالهاش تذكره ولا حل

[osmel33]

أنا بقى أموت وأعرف مين اللى زقنى :h!!!h: