بحبك بس .......................خايف

[مصري جدا]

جيتك كنت فاكر حألقي في قلبك حنان

جيتك بعد غربة ملقيتش في حضنك أمان

جيتك فاتح أيديا لكل نسمة فيها عطرك

جيتك وكل نبضه جوه قلبي بتقول بحبك

جيتك لقتني خايف…خايف منك وخايف عليكي

خايف …..لآني شايف دمعة نازلة من عينيكي

دمعة نزلت جوه قلبي …وحيرتني …. علي مين بتبكي !!!؟

علي ولادك اللي أتباعوا …..ولا بتبكي م اللي باعوكي

ولابتبكي م اللي جري لنا

ع النفوس اللي خربانه ولا أخلاقنا اللي تعبانه

نفسك نفسك.......قرشك حصنك …وودع شرفك بألف سلامة

جيتك وعايز أسألك …لآن أنتي أمنا

وحبك رغم عنا …وعنك بيجري في دمنا

ليه شايفك ساكته ع اللي جري .....وبيجري لنا؟

مش أنت برضه أمنا؟!!! ……….. مش أنت برضه أمنا؟!!!

جيتك وكنت فاكر حألقي في قلبك حنان .................... جيتك بعد غربة ملقيتش في حضنك أمان

أحمد جلبي

[مصري جدا]

[لولا]

كلام رائع جدا..

لأنه واقعى جدا !!

شكرا لإضافاتك الرائعه دوما اخى مصرى.

[مصري جدا]

لولا

انا حاسس انك ابنتي او باشوف فيكي بنتي الكبيره{لسه في ثانويه عامه } بس أتمني انها تنهي الغربه بعد جوازها إن شاء الله وكفايه عليها غربتها مع ابوها

شكرا لك علي مرورك وتعليقك الجميل ...وانا لسه مستني منك موضوع

بأمضاء لولا ....

[مصري جدا]

الأجازه قربت............ وراجع لحبيبتي تضمني

الأجازه قربت.............وخايف ل حبيبتي تصدني