ليه السمك بيخاف من فودافون؟ و مين اكتر حيوان مشغول في الدنيا؟

[MZohairy]

خد دى

طيب ايه وجه الشبه بين الغسالة و التليفزيون

دي سهله جدا

الاتنين بيستخدموا ايريال :blink:

[النجم الثاقب]

خد دى

طيب ايه وجه الشبه بين الغسالة و التليفزيون

الاتنين بيستعملوا آريال :blink:

المطر بينزل فى أى فصل ؟

[النجم الثاقب]

ما هو الحيوان الأخضر الصغير الذي يعيش على بعد نصف متر من سطح الارض .. ويأكل الزلط ؟؟؟

هو إبن الحيوان الأخضر الكبير الذي يعيش على بعد نصف متر من سطح الأرض ويأكل الزلط

[HDarwish]

المطر بينزل فى أى فصل ؟

وهي دي عاوزة فهلوة

أكيد المطر بينزل في فصل الصيف

[moheltohamy]

الفرق بين الفيل و النمله .... ان الفيل رجله بتنمل لكن النمله رجلها ما بتفيلش

تمام ، وبرضه النملة ليها بروفيل ، لكن الفيل مالوش برونملة!

عندنا 8 افيال و عربيه مرسيدس ازاى يركبو فيها؟

يتم بيع السياره المرسيدس و بثمنها يتم شراء سياراتين فولكس و يقوم كل اربعة افيال بركوب سياره

السلام عليكم :blink:

وجهة نظر فاشلة يا زهيري ... هنسيبهم يعني قاعدين ف الشارع على ما نبيع العربية؟! طبعاً لأ...

إتنين قدام ، واتنين ورا...

ماهو فيه 4 راكبين بالفعل في الفولكس! إنتا نسيت؟! bv:-

طيب خد دي ع الماشي...

شارع طويل عريض كله عمارات ... عمارة منهم فيها مجموعة أفيال. نعرفها ازاي؟!

المطر بينزل فى أى فصل ؟

وهي دي عاوزة فهلوة

أكيد المطر بينزل في فصل الصيف

هوه من غير تريقة ... هوه فعلاً بينزل في الصيف في كندا ، وفي الهند.

لكن على ما أفتكر - من منطلق إن لازم الإجابة تكون غبية - يبقى المطر بينزل في فصل تالتة أول عشان السقف عندهم مشروخ! po::

وخد يا نجم يا ثاقب ...

حاجة أولها ح وعايمة على وش الميّه...

طيب حاجة أولها ك وعايمة على وش الميه...

وحاجة أولها ب وعايمة على وش الميه...

وحاجة أولها أ وعايمة على وش الميه...

تم تعديل 19 يوليو 2008 بواسطة moheltohamy

[أسد]

شارع طويل عريض كله عمارات ... عمارة منهم فيها مجموعة أفيال. نعرفها ازاي؟!

العربيات الفولكس بتكون راكنة تحت العمارة

منطقي

[النجم الثاقب]

المطر بينزل فى أى فصل ؟

وهي دي عاوزة فهلوة

أكيد المطر بينزل في فصل الصيف

هوه من غير تريقة ... هوه فعلاً بينزل في الصيف في كندا ، وفي الهند.

لكن على ما أفتكر - من منطلق إن لازم الإجابة تكون غبية - يبقى المطر بينزل في فصل تالتة أول عشان السقف عندهم مشروخ! :lol:

هعتبرها إجابه صحيحة

لا بس بجد إنت اللى طلعت معلم يا دكتور

وخد يا نجم يا ثاقب ...

حاجة أولها ح وعايمة على وش الميّه...

طيب حاجة أولها ك وعايمة على وش الميه...

وحاجة أولها ب وعايمة على وش الميه...

وحاجة أولها أ وعايمة على وش الميه...

سيبنى بقى شويه أفكر فى المصيبة دى .. انا متاكد إنى سمعتها قبل كده بس ناسيها خالص

تم تعديل 19 يوليو 2008 بواسطة النجم الثاقب

[capitshino]

طيب خدو دى

ليه القطار بيقف عالمحطة؟؟؟؟؟؟؟؟؟

[galaxy]

حاجة أولها ح وعايمة على وش الميّه...

حته خشبه. :lol:

طيب حاجة أولها ك وعايمة على وش الميه

كمان حته خشبه .

ومتهيألي التالته هتبقي برضه حته خشبه ...........وبرضه بدات بالباء.............

ليه القطار بيقف عالمحطة؟؟؟؟؟؟؟؟؟

عشان ما بيعرفش يقعد............

طب لو واحد صيني طلع القمر ايه اللي يحصل؟.............ولو واحد سوداني كمان طلع القمر هيحصل ايه............

[النجم الثاقب]

حاجة أولها ح وعايمة على وش الميّه...

حته خشبه. :lol:

طيب حاجة أولها ك وعايمة على وش الميه

كمان حته خشبه :waving: .

ومتهيألي التالته هتبقي برضه حته خشبه ...........وبرضه بدات بالباء.............

فى واحدة ناقصة يا جلاكسى .. متخميش

طب لو واحد صيني طلع القمر ايه اللي يحصل؟.............ولو واحد سوداني كمان طلع القمر هيحصل ايه............

أنا مش عارف ليه الواحد فى النكت و الفوازير بتبقى ذاكرته ضعيفه جدا .. هو ده الطبيعى بس بيبقى زياده شويه فى الحاجتين دول جاوبى إنتى بقى

ليه فى حديدة فى الهرم من فوق clp::

[moheltohamy]

حاجة أولها ح وعايمة على وش الميّه...

حته خشبه. :lol:

طيب حاجة أولها ك وعايمة على وش الميه

كمان حته خشبه clp:: .

ومتهيألي التالته هتبقي برضه حته خشبه ...........وبرضه بدات بالباء.............

ليه القطار بيقف عالمحطة؟؟؟؟؟؟؟؟؟

عشان ما بيعرفش يقعد............

طب لو واحد صيني طلع القمر ايه اللي يحصل؟.............ولو واحد سوداني كمان طلع القمر هيحصل ايه............

يا بنت اللذينا يا جالاكسي!

إنتي اللي جبتيها؟!!!!!!!!!!!!!!!!! آخر واحدة كنت أتخيل إنها تجيبها بصراحة! :waving:

وعمال أقول النجم الثاقب... يا راجل ، خليت وشي ف الأرض!

بس انتي فعلاً خميتي في واحدة. والجوجل بتاعك لسه ما جابش النملة والفيل؟!

الصيني لما يطلع القمر ، الصين هتنقص واحد. السوداني لو طلع ... أمممم ... مش عارف! يمكن الصيني اللي قاعد فوق ده يقزقزه؟!

عموماً صاحبي بتاع مصر رد عليا النهارده. وإديته لينك المنتدى ، وجايلكوا بكره إن شاء الله... استحملوا بقى!

وباعتلكوا حتة كده على ما أُسُم... على ما يجيلكو بكره

ليه الفرخة بتخاف تعدي أدام القهوة؟

[galaxy]

إنتي اللي جبتيها؟!!!!!!!!!!!!!!!!! آخر واحدة كنت أتخيل إنها تجيبها بصراحة!

علي فكرة انا ماليش في نظام المواضيع بتاعه ليه ومين دي........بس دي شويه حاجات كدا فاكرها علي ما قسم........ wst::

بس ليه كدا بس يا دكتور تهامي :blink: ............اخر واحده.........طب ممكن حته توضيح كدا لوجودي في اخر صف التوقعات يعني :closedeyes:

لما السوداني هيطلع............اكيد هيقعد مع الصيني اللي فوق.......... :closedeyes:

وجايلكوا بكره إن شاء الله... استحملوا بقى!

ياه .........فكرتني يا دكتور..........عندي مشوار مهم بكره wst:: .......ربنا معاكوا :ninja:

تم تعديل 20 يوليو 2008 بواسطة galaxy

[حسام يوسف]

عشان خايفة م (السحلب)المكار

[moheltohamy]

علي فكرة انا ماليش في نظام المواضيع بتاعه ليه ومين دي........بس دي شويه حاجات كدا فاكرها علي ما قسم........ :blink:

بس ليه كدا بس يا دكتور تهامي :closedeyes: ............اخر واحده.........طب ممكن حته توضيح كدا لوجودي في اخر صف التوقعات يعني :closedeyes:

مش عارف بصراحة يا جالاكسي... يمكن عشان داكتورة وكداهوت!

ويمكن عشان حاطين في بالنا دايماً إن البنات مالهومش ف الحركات بتاعتنا دي!

ويمكن من البلاوي اللي بيحطهالنا حسام ع القهوة بتاعته ، الواحد بقى بيستغرب من كل حاجة!

عشان خايفة م (السحلب)المكار

آهوه ... إتفضلي ... حسام دخل في الموضوع هوه كمان ، وطلع عنده مواهب مختفية! دانا نفسي ما عرفتهاش أول ما سمعتها!

صباح الفل يا حسام ... براوة عليك... :ninja:

تم تعديل 20 يوليو 2008 بواسطة moheltohamy

[capitshino]

طيب عكس نجوم ايه؟؟؟؟؟؟؟؟؟؟

[ابتسامة رضا]

طيب عكس نجوم ايه؟؟؟؟؟؟؟؟؟؟

عكس نجوم نجعد

مع تحيات أختكم ابتسامة رضا

تم تعديل 20 يوليو 2008 بواسطة ابتسامة رضا

[capitshino]

طيب عكس نجوم ايه؟؟؟؟؟؟؟؟؟؟

تمام

طيب عكس زمان ايه؟؟؟؟؟؟؟؟؟؟؟

اكيد هتعرفوها مادام عرفتو اللى فاتت

عكس نجوم نجعد

مع تحيات أختكم ابتسامة رضا

[capitshino]

طيب فازورة بجد والله

واحد رايح اسكندرية بالعربية وهو ماشى لاقى الطريق متفرع لطريقين . ولاقى على اول كل طريق

وعرف ان فى بيت اللى فيه كذاب والبيت التانى اللى فيه صادف

وهو مايعرفش مين الصادق ومين الكذاب وعاوز يروح اسكندرية ومش عارف الطريق

المشكلة انه لازم يسئل سؤال واحد فقط

سامعنى ســـــــــــــــــــــــــــؤال واحــــــــــــــــــــــــــــــــــــــــــد فقــــــــــــــــــــــــــــــــــــــــــــــــــــــــــــــطــــــــــــــ

تفتكرو ايه هو السؤال

**********************************************************

وخدو واحدة فى الهيافة برده

اول ما الواحد بيقوم من النوم بيعمل ايه؟؟؟؟؟

[النجم الثاقب]

:closedeyes:

وعمال أقول النجم الثاقب... يا راجل ، خليت وشي ف الأرض! :closedeyes:

أرفع راسك فوق يا دكتور .. أنا هعترف بسر مكنتش عايز حد يعرفه ( وش حسين رياض ) .. أنا كنت عارف الحل .. أيونت :ninja: .. كنت عارفه بس كنت عايز أسيب فرصه للجيل الجديد :blink: .

بصراحه كنت عارف نص الحل و بمساعدة صديق كمان و لسه كنت داخل أكتبه .. أن أن أاااااا .. لقيت جلاكسى سبقتنى wst::

طيب فازورة بجد والله

واحد رايح اسكندرية بالعربية وهو ماشى لاقى الطريق متفرع لطريقين . ولاقى على اول كل طريق

وعرف ان فى بيت اللى فيه كذاب والبيت التانى اللى فيه صادف

وهو مايعرفش مين الصادق ومين الكذاب وعاوز يروح اسكندرية ومش عارف الطريق

المشكلة انه لازم يسئل سؤال واحد فقط

سامعنى ســـــــــــــــــــــــــــؤال واحــــــــــــــــــــــــــــــــــــــــــد فقــــــــــــــــــــــــــــــــــــــــــــــــــــــــــــــطــــــــــــــ

تفتكرو ايه هو السؤال

**********************************************************

وخدو واحدة فى الهيافة برده

اول ما الواحد بيقوم من النوم بيعمل ايه؟؟؟؟؟

و الله مش فاكر الفزوره الأولى .. بس عموما أول ما الواحد بيقوم من النوم ... بيفتح عينه wst::

[النجم الثاقب]

ليه فى حديدة فى الهرم من فوق :closedeyes:

عشان نشيل الهرم منها و ننضف من تحته :closedeyes: