من أحلى ما قيل فى مصر

[مهيب]

قيل فى مصر الكثير .. و كتب عنها و تغنى بها الكثيرون .. ما رأيكم أن نسرد هنا أحلى ما قيل عن مصر سواء من أغنية أو قصيدة ..

و أبدأ أنا:

لم تنزل الشمس ميزانا و لا صعدت فى عرشها الضخم واد مثل وادينا

أحمد شوقى .. من قصيدة كبار الحوادث فى وادى النيل

سحابة و ندهت ع الشمس قومى طلى ع الوادى

شوفى مصر الفراعنة ف وادى و العالم فى وادى

ده المصرى فى الوادى الأخضر كان سابق زمانه

يتمشى فى مزارع قمحه وجناين رمانه

من أغنية صوت بلادى

قالولى بتحب مصر .. قلت مش عارف

أصل المحبة بسيطة و مصر تركيبة

و مصر حلوة و مرة و شرحة و كئيبة

دانا اختصر منصب الشمس وأقول شمعة

ولا اختصر مصر وانده مصر يا حبيبة

تميم البرغوثى .. من قصيدة قالولى بتحب مصر

يا مصر و انتى الحبيبة

و انتى اغترابى و شقايا

دانتى الجراح الرهيبة

و انتى اللى عندك دوايا

أحمد فؤاد نجم . من قصيدة (يامه مويلى الهوا)

أنا ان قدر الاله مماتى لا ترى الشرق يرفع الرأس بعدى

الشاعر ابراهيم ناجى من قصيدة مصر تتحدث عن نفسها

و لى عودة

مهيب

[لولا]

طلبت يا مهيب ان نكتب عن اجمل ما قيل فى مصر

ولكن اسمح لى هنا ان اسجل خاطره صغيره

كنت قد كتبتها وانا افكر بمصر.

مصر يا بلدى

انت قريبه منى لدرجة اعجز فيها عن رؤيتك..

غائرة فى جسدى لدرجة تمنعنى من ان احسك..

مختلطة بأنفاسي لدرجة انى استنشقك فى هوائي.

وعندما اختصرك يا مصر لا املك اكثر من ان اقول:

مصر.. احبك!

اعتقد ان اجمل ما قيل عن مصر اخى مهيب

هو كل كلمه حب صادق صدرت من قلب محب

لها فسطرها القلم حروفا على ورق.

[مصري أصيل]

مصر التي في خاطري و في دمي. أحبها من كل روحي و دمي.

تم تعديل 12 يوليو 2008 بواسطة مصري أصيل

[حسام يوسف]

الف شكر يا أخ مهيب على الموضوع

محتاجين نرفع راسنا شوية

اسجل متابعة

وتحياتى

[iloveegypt]

قول الشاعر اظن احمد فؤاد نجم:

مصر يااما يا بهية

يام طرحة وجلبية

الزمان شب وانت شبة

هو رايح وانت جية

[Scorpion]

أنا المصري كريم العنصرين

بنيت المجد بين الإهرمين

جدودي أنشأوا العلم العجيب

ومجرى النيل في الوادي الخصيب

لهم في الدنيا آلاف السنين

ويفنى الكون وهما موجودين

[أبو حميد]

وأنا ويا شمس المغيب بغيب وانتى بتشرقى

بتكدب الحقايق فى العالم الغريب وانتى بتصدقى

بحبك وحبك شهادة ميلاد

عيونك شواطى الأمل والميعاد

ولما تهز الرياح فى نخيلك

وتدمى الجراح

الجراح مواويلك

ميدبلش ضيك

ميخلصش زيت قنديلك

يغيب ياما قمرك

وتشرقى تانى فى ليلك

وانا ويا شمس المغيب بغيب وانتى بتشرقى

بتكدب الحقايق فى العالم الغريب وانتى بتصدقى

وانا حرف تايه فى اسمك

لون صغير فى رسمك

وانا خيط فى شمسك

فى همسك

فى بكرة اللى جاى قريب

وانا ويا شمس المغيب باغيب وانتى بتشرقى

بتكدب الحقايق فى العالم الغريب وانتى بتصدقى

يابلادى

يابلادى

يابلادي

شمس المغيب للرائع عبد الرحيم منصور

[رمضان]

وقف الخلق جميعا ينظرون كيف ابني قواعد المجد وحدي

وبناة الاهرام في سالف الدهر كفوني الكلام عند التحدي

انا ان قدر الاله مماتي لا ترى الشرق يرفع الراس بعدي

[مغتربة]

جه على بالى كل ما تفضلتم بذكره فعلشان منكررش الكلام تانى هقول لكم كلمه جميله جدا بتوصف مصر

الى بنى مصر كان فى الاصل حلوانى

[طه بدر]

هذا كلام عمنا الكبير جدا صلاح جاهين

على اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

تم تعديل 13 يوليو 2008 بواسطة طه بدر

[حسام يوسف]

الله يسامحك ياابوحميد

كنت هكتب شمس المغيب

عموما

ملحوقة

اغنية هيلا هيلا هيلا

هيلا هيلا هيلا

انا كنت فين لما شيبتى

انا هنت لما انتى هنتى

من تانى اديكى اتولدتى

هيلا هيلا هيلا

اللى بناكى ما ماتشى

امشى يا ازميله امشى

وانقش جبين الاصيله

هيلا هيلا هيلا

ايدين بتحضن ايدين

تحيى اللى مات من سنين

والصبر مش ابن ليله

هيلا هيلا هيلا

جوه ديوان المظالم

بيحكى محكوم لحاكم

عن اليالى الكحيله

هيلا هيلا هيلا

لانزل سلالمك برجلى

واطاطى لجلن اعلى

مش لجل حيلتى القليله

هيلا هيلا هيلا

ولابد يا مصر تنزلى

وتشربى من بير يوسف

شمسك

امسك

مدك

يدك

بيينا يا مصر

نحيى الماضى

بروح العصر

تم تعديل 15 يوليو 2008 بواسطة حسام يوسف

[bentmasria]

وانا بحييك يا مهيب على الموضوع الرائع وحضيف جزء من قصيدة لشاعر مصرى عامى قوى ومتميز قريتها فى ديوانه الصلاة فى الغيطان الشاعر عادل عمر سلامه وبيقول

يا حضن طين

ما بنشتهى غيره

ما بينتهى خيره

لكن ......لمين ؟؟؟:) :blush2:

وكمان بيقول

ياسماكى يا مصر غطايا

ويا طينك مرقد عظمى

يا ولادك..... حيرة ولمة

فعلا تستاهلى يا مصر كل الحب واروع الحروف

البنت المصرية

تم تعديل 15 يوليو 2008 بواسطة bentmasria

[bentmasria]

والتقيت شاعرا شابا آخر تنبض حروفه بحب الوطن وقررت ان اعرفكم بالشاعر الشاب محمد شتا فى سطوره عن مصر

دى مصر أرض الأحباب

أرض كل الأنبياء

أرض تجمع صحاب

هتلاقى فيها كل الحياة

حياتنا اللى عشناها

من يوم ما شفناها

وفتحنا عنينا عليها عشقناها

وبرضه حنغمض عنينا ....وإحنا بنهواها

تستاهلى يا بلدى كل الحب

البنت المصرية

[مهيب]

فى كمان جزء من قصيدة مش عارف مين اللى كاتب كلماتها بس اللى ملحنها هو موسيقار الأجيال عبد الوهاب .. بتقول :

مصر الأمل ..

شعب عمل ..

على حب مصر تربت خطاه

مصر العظيمة ..

أرض كريمة ..

حضارة شعب أنار الحياة

عشقناك مصر عطاءا سخيا

و فى الحادثات سلاحا عتيا

يا ربنا يا الله

بارك لنا يا الله

بارك خطانا .. سدد قوانا

فمن أجل مصر يهون الفداء

نحمى حماها و نفنى فداها

و يبقى لمصر خلود البقاء

هناك أيضا رائعة فيروز :

مصر عادت شمسك الذهب تحمل الأرض وتغترب

كتب النيل على شطه قصصاً بالحب تلتهب

لك ماض مصر إن تذكري يحمل الحق وينتسب

ولك الحاضر في عزه قبب تغوى بها قبب

جئت يا مصر وجاء معي تعب إنّ الهوى تعب

وسهاد موجع قلته هاربا مني ولا هرب

صرت نجم الحب أحصى إذا أحصيت في الظلمة الشهب

قسماً بالمبدعي سبباً يا حبيبي إنك السبب

الحضارات هنا مهدها بعطاء المجد تصطخب

نقشت في الصخر أسفارها فإذا من صخرك الكتب

مصر يا شعباً جديد غد صوب وجه الشمس يغترب