ماهية أسعار تركيب السيراميك و البورسلين الاّن؟؟؟؟؟

[Tala]

مساء الخير عليكم جميعا

من فضلكم كنت عاوزة اسال عن اسعار تركيب البورسلين والسيراميك الان في مصر ’ وهل فعلا الصنايعية الشاطرين في البورسلين هم بتوع الرخام.لاني كنتعاوزة اركب سيراميك وبورسلين ده الصيف بس مش لاقين صنايعية شاطرين و كمان اسعارهم عالي وهل لو استنيت للشتاء اسعارهم ح تقل مع العلم طبعا ان كل حاجة حولينا بتزيد :rolleyes: .

ياريت اللي عنده خلفية عن أي جزء مرتبط بالموضوع يشركنا ياريت bv:-

[Senior]

هوا مش فكرة الصيف او الشتا هوا كدا كدا اسعارهم واحدة بس اللى انا اعرفه و انا لسه مركب سيراميك فى شقتى من قريب انهم اسعارهم ببترواح من 5 الى 8 جنيه المتر و طبعا 8 ده بيبقى صنايعى شاطر قوى و بيقدر انه يعمل ديزاينات بالسيراميك فى الأرض انما موضوع البورسلين مش عندى فكره عنه بس بيتهيألى انه برضه هما اللى بيركبوه

[Tala]

اولا متشكرة جدا على الرد واهتمامك بالموضوع يا سنيور

فين باه ده الصنايعي اللي ب 8 جنية المتر لقيته فين بس :closedeyes:

انا الصنايعية اللي شفناها قالو ارقام اكثر من كدة بكتير 18 و20 جنية المتر

بجد والله بتلاقيهم فين يعني الواحد يروح اي منطقة بالضبط ويجبهم منها ياريت تقولي الله يكرمك وشكرا جزيلا :sad:

[Senior]

العفو على ايه

ممكن تلاقيهم فى حته اسمها ترسا ده شارع فى ضهر كايرو مول فى الهرم عمتا كايرو مول معروف قوى فى الهرم و هوا فى منطقة حسن محمد فى الهرم الحته دى اصلا سوق بتاع سيراميك و هاتلاقى هناك صنايعية كتير بس الأحسن انك تجيبى حد اشتغل عند حد معرفه و يكونوا شافو شغله قبل كده علشان مكن تجيبى حد ماتعرفيهوش و يطلع اى كلام

[Tala]

متشكره على الرد السريع بس الهرم بعيد عليا اوي هل في منطقة بجوار مدينة نصر او مصر الجديدة .

انا عارفة اني بطلب حاجات غريبة . بس و الله الواحد في مصر عامل زي الغرقان لان احنا مغتربين وكل حاجة بنشوفها صعبة.

وبالنسبة للمعارف اللي ركبوا سيراميك او يعرفوا صنايعية كلهم بيشتكوا منهم ومن عدم التزامهم :closedeyes:

الحقيقة دي السمة العامة للعمالة مع الاسف

[Senior]

اكيد طبعا اصل الصنايعية دول بيحتاجو معامله خاصة اساسا

1- عمرك ماتديله فلوسه كامله ابدا

2- مش قبل مايجيى يبتدى شغل تديله فلوس

3 - لو حصل و جه اديله فلوس بالقطاره

يعنى على مراحل و اول دفعه تكون اول يوم يبتدى فيه شغل فعلا و بعد كده هوا لو طلب منك 100 اديله 50 و هكذا و دايما تبقى جزء كبير لغاية اما يخلص علشان هوا يبقى عايز ينجز علشان يقبض و اتسلمى منه على المفتاح زى مابيقوله و لو فيه غلطه لخصمى او خليه يصلحها و بس

و بالنسبة لموضوع مصر الجديده او مدينة نصر انا مش عندى فكره تلاقيهم فين فى مدينة نصر او مصر الجديدة و لو لقيتهم هناك طبعا هايبقى سعرهم بيتراوح من 20 لو 25 اصلهم بيتعامل على حسب المنطقه او سعر المنطقه هههههههههههههههههههههههههه فهايتعملوا معاكى على الأسعار الفوق سياحى

[Tala]

يعني تفتكر اجيبهم من الهرم واوديهم مدينة نصر .

و حيرضوا يجوا مش عارفة . :closedeyes:

وساعتها باه يضربو السعر كمان ولا اتفق الاول وبعدين نوريهم المكان.

ممكن برضه واحنا وحظنا باة ولا خليها من غير تشطيب ما هي كل حاجة عبل ما بتتعمل بتاخد سنة واكتر الحمد لله على كل شيء .

من غير تطفل لو في عند حضرتك حد كويس ممكن تدينا عنوانة وشكرا :sad: