لولا محتاجه مساعدتكم ياجدعان!

[لولا]

اخواتى وحبابيبى المتغربين والمتغربات

بصراحه مش عارفه ابتدى منين الحكايه على رائ عب حليم برضه ty:)

مشكلتى مش زى مشكله اى حد هنا

يعنى باختصار انا لا بسال عن فيزا..ولا عن عقد عمل.. ولا عن مشروع

..ولا عن سفر..ولااى حاجة من الحاجات اللى الناس بتاخد رايكم

فيها هنا

مشكلتى اكبر من كده بكتير.. :sail:

تابع تحت

[لولا]

انا .. واعوذ بالله من كلمه انا

بقيت مدمنه بشكل غير معقوووووووووووووول على المنتدى

ليلا ونهارا.. ونهارا وليلا

فى البيت والشغل..والشغل والبيت lmo:

والموضوع بقى لايطاق ty:)

ارجوكم تحاولوا تساعدوا اختكم الصغيره لولو :sail:

مش عارفه اقولكم ايه..تخيلوا النهارده كان عندى تدريب فى الشركه مفروض يبتدى النهاره

لآخر الأسبوع. وبعدين بلغونا ان الأخ جيمى حصلتله ظروف وطيارته اتاخرت امبارح

والتدريب حيبتدى بكره

تابع تحت . smk:

[لولا]

قوووووووم ايه اللى حصل لقتنى طايره م الفرحه

وطيران ع المكتب و ع المنتدى عدل smk:

اشوف اخر الآخبار ولا حتى قناه الجزيره lmo:

وكل ده بسبب الإدمان اللى معرفش جالى منين ده

ولخبطلى كل حياتى

وحتى جوزى ياعينى صحيح بيقى مشغول فى المشروع

اللى بيعمله على اللاب توب بس بقى حاسس انى خلاص

بقيت عيانه منتدى ولازم اتعالج :sail:

تابع تحت ty:)

[لولا]

ودلوقت ماليش حد بعد ربنا غير انتوا تقولولى حد فيكم مر بالحاله

دى قبلى :sail: ..نظرا لأنى جديده فى موضوع المنتديات دوت

ارجوكم متاخروش عليا..انا محتاجه اعرف الإنفلونزا دى علاجها ايه ty:)

هو صحيح من بكره حيبتدى الضغط تانى عندى فى الشغل والتدريب بتاع

الأخ جيمى بس انا مش عارفه ازاى حقدر ابعد عن المنتدى

الى حبيته كده فجأتاً

ياريت وصفه برشام تساعدنى اتخطى المرحله دى

[iloveegypt]

حضرتك باختصار خشى معانا فى حوارت الحجاب وهدى الاسلام وانت تلاقى نفسك فكيك من المنتدى

او ادخلى موضوع انت فرعونى ولا لأ ويجيلك الضغط زى

انا برضه ادمنت المنتدى بس انا شغلى على النت 11 ساعة فى اليوم

بس ربنا يستر

حتى مراتى بدأت تغير من الانترنت وعايزانى ااسيب الانترنت بس ربنا يستر

[حسام يوسف]

ومين قال اننا عايزين نساعدك تبطلى ادمان منتدانا؟

خليكى معانا

واوتوماتيك ضغط الشغل هياخدك

تحياتى

[مصري جدا]

انا معاكي يا لولا ...من بعد ما الأولاد سافروا اجازه وانا أرجع من الشغل كل يوم ماليش شغل غير المحاورات....بس تعرفي ايه اللي بيضايقني ويخليني أو خلاني مره طفشت من كل المنتديات ..........الخناقات اللي دايره في معظم المنتديات واللي بدأ بعض محترفي أثارة المناوشات يأنسونا هنا ويبدئوا مسلسل المناوشات ty:) ....علي العموم لو عاوزه تطفشي من المحاورات شوفي لك موضوع ولا أتنين من هذه النوعيه ...وأبقي قابليني لو قعدت علي النت تاني .. ...ولا أقولك روحي الشغل وتعالي أقعدي معانا لآننا أخدنا علي وجودك وسطنا وكفايه الناس اللي راحت وأختفت . ...فينك يانجفه.....خليكي معانا عاملين جو ظريف للمنتدي. :sail: .. يعني حتبقي غربه بره وجوه ....

[لولا]

انا معاكي يا لولا ...من بعد ما الأولاد سافروا اجازه وانا أرجع من الشغل كل يوم ماليش شغل غير المحاورات....بس تعرفي ايه اللي بيضايقني ويخليني أو خلاني مره طفشت من كل المنتديات ..........الخناقات اللي دايره في معظم المنتديات واللي بدأ بعض محترفي أثارة المناوشات يأنسونا هنا ويبدئوا مسلسل المناوشات ty:) ....علي العموم لو عاوزه تطفشي من المحاورات شوفي لك موضوع ولا أتنين من هذه النوعيه ...وأبقي قابليني لو قعدت علي النت تاني .. ...ولا أقولك روحي الشغل وتعالي أقعدي معانا لآننا أخدنا علي وجودك وسطنا وكفايه الناس اللي راحت وأختفت . ...فينك يانجفه.....خليكي معانا عاملين جو ظريف للمنتدي. :sail: .. يعني حتبقي غربه بره وجوه ....

والله يا استاذ مصرى انا مش عايزة امشي من هنا بس اعمل ايه بقيت مش مركزه فى حاجة خالص

غير المنتدى..

او خلينى اقول بقيت بفضل قعده المنتدى على اى حاجة تانيه. ودى بجد مشكله تانيه lmo:

انا عايزة اخف شويه بس وعمرى ما حسيب اصحابى اللى هنا .

[لولا]

ومين قال اننا عايزين نساعدك تبطلى ادمان منتدانا؟

خليكى معانا

واوتوماتيك ضغط الشغل هياخدك

تحياتى

حسام باشا ..ازيك يا راجل والقهوه عامله ايه عندك

انا شاكه ان المشاريب اللى كانت عندكم ع القهوه كان فيها حاجه

الواحد بقى ملوش شغلانه غير قعده القهاوى يا حسام يا خويا..

وانت عارف الحياه مسؤليات.

ياريت بصفتك دكتور تشوفلى كبسولات تساعدنى اتخطى الإدمان دوت على خير.

[حسام يوسف]

انا اديكى كبسولة تبطلى الادمان؟

متأسف

طلبك مش عندى

دة احنا بتوع الادمان

[moheltohamy]

لولا...

والله أنا بصراحة بدأت أدمن الموضوع ده أنا كمان ، بشكل مش كويس خالص!

وإن كان ربنا تاب عليا م الأهوة بتاعتكم انتي وحسام ، فما المنتدى إلا قهوة كبيرة (مع الاعتذار ليوسف بك وهبي)

وهنا بس حسيت باللي كنت باقراه زمان عن إن الإنترنت بتؤدي إلى العزلة ، والتقوقع ، والحاجات الكبيرة اللي مش فاهمها دي!

هنا بصراحة بقى ليا مجتمعي الصغير ، وناس أعرفهم ويعرفوني ، وأحبهم ويحيوني ، وأفرح لما أشوفهم بيقولو حاجة ، وناس تانية أتعصب لما أشوفهم فاتحين موضوع!

وإيدي على كتفك يا لولا بصراحة ، ولو لقيتي علاج سيبيلي إن شللا حتى بواقي الإزازة ... الثُمالة يعني! وآهو أبقى شربتو الكأسا حتى الثمالة!

ويسلم فُمّك يا iloveegypt ...

النصيحة دي يتدفع فيها فلوس يا لولا ، ولو إنها محتاجة شوية تظبيط...

**************************

ويمكن ده من بختنا الدور اللي جالك ده ، لينا بخت نتآنس بوجودك

تم تعديل 13 يوليو 2008 بواسطة مهيب
الحذف بسبب الزج باسم أحد أعضاء المنتدى بما ليس له علاقة بالموضوع الأصلى

[لولا]

حضرتك باختصار خشى معانا فى حوارت الحجاب وهدى الاسلام وانت تلاقى نفسك فكيك من المنتدى

او ادخلى موضوع انت فرعونى ولا لأ ويجيلك الضغط زى :sail:

انا برضه ادمنت المنتدى بس انا شغلى على النت 11 ساعة فى اليوم

بس ربنا يستر

حتى مراتى بدأت تغير من الانترنت وعايزانى ااسيب الانترنت بس ربنا يستر

يعنى عيان كده زى

ربنا يخففنا بالسلامه يارب.

والظاهر بجد زى ما بتقول انت وعم مصرى ان المنتدى بقى فيه جذب وشد

غريب جدا وفى حالات بيكون فيها بطريقه مش حلوه. والوحش ان فى ناس

بتكون متعمده تستفز ناس تانيه.. وناس تحس انها جايه هنا تتخانق.

وناس متعرفش طلعولنا منين

وكل ده بيحصل واحنا لسه قاعدين عندنا متنحين قصاد الشاشه

هنا يبقى دا ادمان ولا مش ادمان ty:)

[لولا]

لولا...

والله أنا بصراحة بدأت أدمن الموضوع ده أنا كمان ، بشكل مش كويس خالص!

وإن كان ربنا تاب عليا م الأهوة بتاعتكم انتي وحسام ، فما المنتدى إلا قهوة كبيرة (مع الاعتذار ليوسف بك وهبي)

وهنا بس حسيت باللي كنت باقراه زمان عن إن الإنترنت بتؤدي إلى العزلة ، والتقوقع ، والحاجات الكبيرة اللي مش فاهمها دي!

هنا بصراحة بقى ليا مجتمعي الصغير ، وناس أعرفهم ويعرفوني ، وأحبهم ويحيوني ، وأفرح لما أشوفهم بيقولو حاجة ، وناس تانية أتعصب لما أشوفهم فاتحين موضوع!

وإيدي على كتفك يا لولا بصراحة ، ولو لقيتي علاج سيبيلي إن شللا حتى بواقي الإزازة ... الثُمالة يعني! وآهو أبقى شربتو الكأسا حتى الثمالة!

ويسلم فُمّك يا iloveegypt ...

النصيحة دي يتدفع فيها فلوس يا لولا ، ولو إنها محتاجة شوية تظبيط...

******************************

ويمكن ده من بختنا الدور اللي جالك ده ، لينا بخت نتآنس بوجودك

مشاء الله يعنى القهوة مليانه مدمنين زى كده..

احسن يكونوا يا تهامى ياخويا بيحطوا حاجة فى الشاى اللى بنشربه هنا (اكمنى مش شريبه شاى) :sail:

وبعدين انا زيك كده يا تهامى مكنتش اعرف يعنى ايه

ادمان نت lmo:

وحتى لما جوزى كان مدمن على الألعاب اللى فى فى النت وخصوصا اخيرا لعبه القريه دى اللى بتبنى

وتتجهز كنت بستغرب منه smk:

بس دلوقت انا عرفت العالم الوحش دوه عالم المدمنين وعايزة اخف ty:)

تم تعديل 13 يوليو 2008 بواسطة مهيب
الحذف من المشاركة الأصلية

[لولا]

بصوا يا جماعة عارفين طبعا المثل اللى بيقول

جيبتك يا عبد المعين تعنى لقيتك يا عبد المعين مدمن روح اتعالج الأول وبعدين تعال ty:)

يعنى بالسلاتٌ ع النبى كده كله هنافى التياع(الضياع يعنى) smk:

حيس كدا بقى انا مضطره احاول اغير الفصل واروح فصل تانى فى المنتدى

على اساس الناس اللى هناك متكونش مدمنه زيكوا lmo: عشان اقدر احافظ على نفسي

من الإنحراف اكتر من كده :sail: .

ودا ميمنعش انى حبقى اعدى عليكم عشان نروح الجنينه مع بعضينا اخر الأسبوع

[moheltohamy]

lmo:

وحتى لما جوزى كان مدمن على الألعاب اللى فى فى النت وخصوصا اخيرا لعبه القريه دى اللى بتبنى

وتتجهز كنت بستغرب منه smk:

بس دلوقت انا عرفت العالم الوحش دوه عالم المدمنين وعايزة اخف

إيه؟ إيه؟ بتقولي إيه؟

القرية اللي بتتبني وتتجهز؟ الاستراتيجي جيمز؟!

ثواني كده... أقوم أقف على حيلي ، وانحنيلُه! إحتراماتنا ليك يا لولاز (ما قلنا أبوستروف إس)...

الراجل ده زُمُل ، وعضو نقابي على كده gt:

دا مدمن بجد ، أنا كده أقدر أقول لك خدي راحتك معانا خالص ، وانزلي بالملحمة الوطنية بتاعتك ، وحطي ف بطنك بطيخة صيفي و3 كنتالوبات كمان! ty:) مش هيتحرك من أدام الكمبيوتر ، ولو اتحرك ، يادوب عشان يجيب له ساندوتش ولا بيبسي ، ويرجع يكمل طحن ف العيال!

ماهو طبعاً مفيش طبيخ أكيد في بيتكم ده ، مين اللي هيطبخ ، ولا مين اللي هيمسك معلقة ، وطبق وياكل! واحد نازل بهدلة ف العيال (بتوع اللعبة) ، والتانية مقضياها استغراب ع الأهوة بتاعتنا دي

وعندك بقى اللستة طويلة ؛

Age of Empires - Empire Earth - Trade Empire - Civilization - Cossacks, European War - Cossacks, the Art of War - Red Alert... etc.

مانا أصلي مدمن قديم زيه ، وبابا الله يرحمه كان يعدي عليا (أيام الجيش ، لما كنت بانزل من وحدتي ، في حرس الحدود) ، يلاقيني بالعب إيدج أوف إمبايرز. ينزل العيادة الساعة 2 الضهر ، ويرجع 8 م يلائيني زي ما سابني نفس الفيو ، ونفس العيال اللي متمرمطين بيبنوا ف القرية ، والباراك والاسطبل وعمالين يجمعوا دهب وأكل وخشب وحديد وطالع عنيهم!

الراجل ما استحملش ، جه يسألني : ممكن أعرف إنتا عمال بتعمل إيه؟ نزلت العيادة وانتا فاتح الشاشة الخضرا دي ، ورجعت وانتا لسه فاتحها! فهمني إنتا بتعمل إيه بالظبط!

ما اعز على ألبي ... قعدت أشرحله إن فيه نقاط للأكل والخشب و الحديد والدهب والصخور. والناحية الاقتصادية والفلاحين وظيفتهم إيه ، والناحية العسكرية ، و ..............

الراجل جه في وسط الكلام هزّلي راسه يمين وشمال ، وسابني ومشي!! :sail:

ولما لعبت إمباير إيرث. أقعد ألعب فيها 6 ساعات ، ويطلع عيني ، وف الآخر ، ييجي الجيش اللي أصادي ، يطحنو العيال بتوعي ، واتهزم!

بقيت ألعبها بكلمات سر (Cheat Codes) ، برضه يطلع عيني ف الآخر! لما العيال بتوعي من كتر الضرب فيهم يا عيني ، قلت كلها مرة كمان ، وهيحدفوني بساروخ من جوه عشان يخلصو مني ومن العار اللي جايبهولهم! أو ممكن يكسروا همه الشاشة من جوه بطوبة (والطوب كتير ف اللعبة!) ، وتبوظ الشاشة ، ويكملو همه لعب مع نفسهم ، وساعتها بس ... هيكسبوا!

سلامي ليك يا زُمُل ، وعلى الله ما تكونش واكس العيال بتوعك زي ما كنت باعمل معاهم!

[لولا]

معقول يا تهامى انت كمان مدمن حاجات زى دى lmo:

بس الحمد اله جوزى حالته مش صعبه قوى وبيعرف يفرق بين وقت اللعب والشغل..

انما حاليا هو بيلعب لعبه جديده اسمها-ترافيان- والمصيبه ان كل الشركه عنده مشتركه

فيها وهى نظام بناء قرى وثكنات عسكريه وبلاوى زرقه تانيه وفيها حروب وساعات

يرجع من الشغل يدخل يشيك عليها يلاقى حراميه من القريه التانيه هجموا فى غيابه

وسرقوا القمح وحااااااااااااااااااااااجة اخر حلاوه

لكن الحق بقى هو بيدى كل حاجة وقتها وبيلعب بالعقل مش مدمن حاجة زى كده

وان كان ع الأكل ty:) مقضينها رجيم والله هى (فوتتشينى ) (وسندوتشات تاكو). . وربنا يخلى

الفول والجبنه واللانشون والطبيخ لما ربنا بيسهل اهو على خفيف كده كل فين

المهم من الآخر حد يشوفلى حل للإدمان اللى حصلى دوت :sail:

[لولا]

على فكره يا تهوهامى ياخويا انت شكلك مش بتلعب اللعبه دى عشان دى انت اللى بتنشئ قريه

وبعدين بتسميها بإسمك وتبقى الحاكم عليها. وكلام كده.

ماعلينا لو بتلعبها قوللى اسم قريتك ايه وعلى انى سيرفر عشان ابعت الولاد من القريه عندى

يسرقوا شويه حاجات من قريتك

وحخلى جوزى بقى يتعرف عليك كده طالما انت زومل قديم. خليه بس يروق من ضغط الشغل اللى هو فيه دلوقت .

[جويرية]

****************************************

تم تعديل 13 يوليو 2008 بواسطة مهيب
حذف المشاركات التى استوجبت الرد .. و المحافظة على مسار الموضوع

[حسام يوسف]

******************************

تم تعديل 13 يوليو 2008 بواسطة مهيب
حذف المشاركات التى استوجبت الرد .. و المحافظة على مسار الموضوع

[جويرية]

*****************************************

تم تعديل 13 يوليو 2008 بواسطة مهيب
حذف المشاركات التى استوجبت الرد .. و المحافظة على مسار الموضوع