لولا محتاجه مساعدتكم ياجدعان!

[yassir]

اخواتى المغتربين والمغتربات :wub:

مش عارفه اشكر ازاى كل اللى دخل هنا وحاول يساعدنى :sad:

بس يا جماعة انا الحاله للأسف :waf: زادت عندى من امبارح للنهاره :D

يعنى بعد ما نزلت الموضوع على طووووووووول -_-

والمشكله رغم ان الوضع النهاره متكهرب :closedeyes: لسه برضه قاعده متنحه هنا wst::

بجد الإدمان وحش يا جدعان ;)

و الله أنا أول ما سمعت موضوع تعبك و الأدمان ده جيت جرى من القطب الشمالى و شدتلى كيس برتقال فى السكه و قلت لمراتى أبدا دى الست جارتنا مستغربه طول عمرها و لايمكن نسيبها كده و منسألش عليها .... دي ممكن تستغرب و هى مش ناقصه استغراب :wub:

ألف سلامه ياست لولا ....بس أنا مش لاقى مشكله ولا حاجه , أدمانك من النوع الأيجابى , زى أدمان الحريه كده , أدمان الهوا النضيف , أدمان الهدوء , أدمان تحبى أنه يكمل معاكى المسيره الحياتيه , و ماله لما تكون بينك و بين الناس عشره و محبه و تواصل ,و تقضى وقت طويل تكتبى عن أفكارك و تفتحى مواضيع تثرى بيها المنتدى , دى حاجه تخليكى سعيده ,أمال لو تشوفى هنا كل واحد عامل لنفسه شخصيه فيرشوال على النت و مسميها زى مهو عايز و تقابل شخصيات تانيه و تدخل فى علاقات معاهم و تتفرجى على الشخصيات و هى بتتحرك على الشاشه لحد ما اللى فاضل فى الجمجمه يلحق بقطار هدمت بيتى .

ربنا ياستى يطول قعدتك على المنتدى ...و تملى كأس المنتدى بالحوار الراقى قبل أن تملا كأس الديموقراطيه كف الو ثيقه الجديده و أبقى قابلينى ساعتها لو لقينا طرطوفه منتديايا نكتب فيها . شمى هوا نقى هنا على قد ما تقدرى علشان الهوا حيتلوث أكتر و أكتر قريب.

[لولا]

والله انا مش مصدقه نفسي :sad: استاذ ياسر باشا بنفسه دخل هنا .

يا مرحبا يا مرحبا..

والله يا استاذ ياسر لا تقولى هوا نقى ولا هوا نضيف دا الدنيا والعه هنا من الصبح

وكان الجو متكهرب ع الآخر.

ومتشكره واالله ع الزياره دى والبرتقال wst::

وادعيلى بس ارجع انسانه طبيعه زى زماااااااااااااااااااااااااااااااااااااان :closedeyes:

دا انا حتى مش فاكره قبل المنتدى كنت بعمل ايه :D

برضه شرفتنى يا استاذ :waf:

[لولا]

شوفى يا لولا يابنتى

انتى وصلتى لآخر مكان ممكن تتلقى فيه العلاج أو تأخذى منه النصيحة ، لسبب بسيط ، كل اللى هنا مرضى مثلك تماما ، ولو فيه حد ممكن يعالجك ، كان عالج نفسه.

استاذنا الكبير محمد هنا وبيقدملى النصيحه كمان :D

فى مثل بيقول يا استاذ : خذو الحكمه من افواه الحكماء :closedeyes:

بس انت كده قفلتها فى وشى بالضبه والمفتاح ;)

افهم من كلام خضرتك انى حفضل مدمنه كده على طول :waf:

لأ ياربى كده كتيييييييييييييييييييييير wst::

انا ايه بس اللى كان خلانى ادخل المنتدى دوت من اساسه :sad:

تم تعديل 13 يوليو 2008 بواسطة لولا

[Nonna]

لولتي يا لولتي hg)::

انا عندي ليكي حل

اديكي كتاب نسا :wub:

لا ولادة ;)

اقعدي اتسلي فيه كدة شوية

اقري و اللي تفهميه ابقي فهميهولي الهي يعمر بيتك

ايه؟

بلاها ولادة يا ستي

جراحة

هديكي فرع صغير كدة

اهه تسلية

مش هتعرفي تواربي

ينوبك في ثواب :closedeyes:

من باب التثقيف يعني

لو مش عاوزة كتب خالص

مش مشكلة

بلاها برده

اسلفك بابا او ماما جمعتين :sad:

هتسمعي جملتين :wub:

لا تلاتة عشان الامانة

و عشان حق ربنا يبقوا اربعة -_-

**ذاكري

**سيبي البتاع ده_بابا_

ولو ماما

بتبقى الجملة اكثر اختلافا :D

سيبي الحديدة ده _الكمبيورر لا مؤاخذة_

الجملة التالتة بقى

**فين المذاااكرة؟!!

و اخيرااااااا

عينيكي يا بنتي wst:: _

مش عارفة انا الناس اللي جاية تقولي عينيكي بعد خراب مالطة ده

:waf:

[galaxy]

لولا يا بنتي......(وش حسين رياض في فيلم رد قرضي)........... wst::

كلامك بيفكرني بنفسي من تلات اربع سنين كدا........ايييييييييييييييه........ايام وبنعيشها........ :waf:

انا كمان كانت اخر علاقتي بالنت اعمل بحث او بروجكت للدرج ديزاين ولا للدرج انفورميشن....الله لا يعيدها ايام........ولا حتي افكر اشوف فيلم ولا اغاني .........كنت بمل وازهق علي طوووووووول...........لحد لما بدأت اسافر مع البيت.....وابتدي ابتدي ابتدي المشوار.....الاول عملت ايميل عشان اكلم اصحابي وانا مسافره وكدهوت...........ودي كانت بدايه النهايه :D

....كنت اتسلي بالقعده ع النت واشوف المنتدي وسجلت ....بس مش شاركت خالص..........عشان كدا هتلاقي تاريخ التسجيل بعيد من ييجي سنتين كدا .... :closedeyes:

..الا بقي اخر سفريه لما قررت اشتغل واستغل المعادله وكدهوت طالما قاعده مع البيت قاعده..........الشغل اتأخر ولقيت نفسي بجد في ملل رهيب.........قلت ادلي بدلوي .......وجت رجلي والحمدلله........ودلوقتي التراجع صعب جدا. ;) ......حتي القرايه اللي بعشقها ومقدرش استغني عنها زيك كدا............بقيت ادور عليها في النت هي واي حاجه تانيه احتاجها......مفيش قدامناالا اننا نحتسب يا لولا .........وربنا يتولانا بقي........احدثك بعد رحله طويله في علاج الادمان المحاوراتي :sad:

تم تعديل 14 يوليو 2008 بواسطة galaxy

[لولا]

لولا يا بنتي......(وش حسين رياض في فيلم رد قرضي)........... :lol:

كلامك بيفكرني بنفسي من تلات اربع سنين كدا........ايييييييييييييييه........ايام وبنعيشها........

انا كمان كانت اخر علاقتي بالنت اعمل بحث او بروجكت للدرج ديزاين ولا للدرج انفورميشن....الله لا يعيدها ايام........ولا حتي افكر اشوف فيلم ولا اغاني .........كنت بمل وازهق علي طوووووووول...........لحد لما بدأت اسافر مع البيت.....وابتدي ابتدي ابتدي المشوار.....الاول عملت ايميل عشان اكلم اصحابي وانا مسافره وكدهوت...........ودي كانت بدايه النهايه :happy:

....كنت اتسلي بالقعده ع النت واشوف المنتدي وسجلت ....بس مش شاركت خالص..........عشان كدا هتلاقي تاريخ التسجيل بعيد من ييجي سنتين كدا .... :unsure:

..الا بقي اخر سفريه لما قررت اشتغل واستغل المعادله وكدهوت طالما قاعده مع البيت قاعده..........الشغل اتأخر ولقيت نفسي بجد في ملل رهيب.........قلت ادلي بدلوي .......وجت رجلي والحمدلله........ودلوقتي التراجع صعب جدا. :cry: ......حتي القرايه اللي بعشقها ومقدرش استغني عنها زيك كدا............بقيت ادور عليها في النت هي واي حاجه تانيه احتاجها......مفيش قدامناالا اننا نحتسب يا لولا .........وربنا يتولانا بقي........احدثك بعد رحله طويله في علاج الادمان المحاوراتي :wub:

جالاكسي حبيبتى

دخلت اطمنك بس عليا..

الحمد الله الموضوع بقى احسن من الأول شويه..

زحمه الشغل بقى . بس على طول بفكر فى المنتدى لدرجه بستنى الويك اند

عشان ااقدر اقضى وقت اكبر فيه. ربنا يسهل.