العمل فى المدينة المنورة ايه رايكم

[مهندس معمارى]

بسم الله الرحمن الرحيم

اعرفكم بنفسى انا مهندس معمارى دفعة 2007 وجاء الى العديد من العروض للعمل فى مختلف دول الخليج وبرواتب الى حد ما محترمة ولاكنى كنت ارفض لعدم ارتياحى للموضع ولاكن هذه الايام جاء الى عرض وارجوكم ان تقولى لى رايكم فيه بكل صراحة

العمل فى وظيفة مهندس معمارى ( فيزا مهندس معمارى ) بعقد لمدة عامين .

العمل فى مكتب استشارى كبير فى المدينة المنورة بجوار مسجد الرسول صلى الله عليه وسلم .

الراتب 4500 ريال سعودى شاملة السكن والانتقالات ( يعنى مفيش سكن ومفيش عربية ) كله على حسابى هلى فى مشكلة؟؟؟؟؟؟؟؟؟

اجازة شهر مدفوع الاجر ومكافئة كل عام وتذاكر الطيران وتجديد الاقامة سنويا على صاحب العمل .

مشكلتى انى خايف من موضوع السكن ده ومش عارف كل الموضوع هيكون سهل ولا هيكون فيه مشاكل على العلم من ان صاحب العمل راجل محترم جدا وانا قابلته بنفسى فى مصر والحمد لله حسيت انه راجل بيعرف ربنا ( سمت اهل المدينة ) وحسيت من كلامه انه اكيد مش هيتخلى عنى وانا فى بلده .

نقطة ارتياحى للموضوع انى هكون فى جوار حرم الرسول صلى الله عليه وسلم وهبعد شوية عن المجتمع الفاسد الى الواحد عايش فيه فى مصر .

انتم كلكم هنا اخواتى واصحابى وادعو الله ان اجد فى كلامى هذا من يفيدنى برايه ومعلوماته لكى اتعرف عليها قبل سفرى للعلم انا الان فى مرحلة استخراج الاوراق المطلوبة وربنا يسهلى الحال يارب اللهم امين .

ما خاب من استشار

[أبو أماني]

الراتب يعتبر كويس كمهندس مبتدئ

بس نصيحتي التي لابد أن تأخذ بها غصب عنك

معلش بقولك كده علشان انا مريت بنفس تجربتك

يا حبيبي يا اخي يا باشمهندس

اي حاجه مش مكتوبة في العقد مش هتاخدها بنسبة 99.99%

سيبك من اللى شوفته في المقابلة

هتيجي هنا عشمان انه هيجب لك سكن على حسابه

مش هتلاقي هتتكلم معاه هنا عاوز سكن او عربية هيقولك المسلمون على شروطهم

وهنا الريال سيد الموقف كما يقولون ومعدوش بيطلعوا الريال الا بالعافية

أسأل مجرب فسيبك من العشم وأهل المدينة ومش عارف ايه كل الكلام ده ارميه مقدما من حساباتك

اي شيء مش في العقد مش تحطه في حساباتك

قلت لك الراتب كويس

لو انت اعزب ممكن تأجر لك غرفة عزابي هنا من 6000 ريال الى 8000 ريال او اكثر في السنة

بتدفع 6 اشهر وانت بتمضي العقد والباقي بعد 6 اشهر

يعني بحسبة بسيطة انت راتبك 4500 في الشهر يعني في السنة 54000

مصاريفك اكل وشرب واتصالات لن تتعدي 1000 ريال في المعقول

وشوية بحبحه كمان

مواصلات أنصحك تعمل حسابك تشتري سيارة اول ما تأتي هنا

السيارات المستعملة هنا اسعارها بتبدأ من 10000 ريال وانت طالع علشان تجيب حاجه كويسة

وإن كان في برضه سيارات تبدأ من 5000 وانت طالع ولا انصحك بها

وطبعا لو جيت هنا الكل بينصح بالتيوتا كرسيدا لان قطع غيرها متوفرة واسعار قطع الغيار رخيصة بالنسبة

لباقي الماركات واستهلاك البنزين ايضا اقتصادي

بس نصيحة تطلب تحديد ولو مبلغ 400 ريال بدل انتقال لان المواصلات هنا غالية وغير كده انت مهندس معماري

يعني ممكن يبعتوك مناطق كتيرة في اليوم بس مش تدقق قوي معاهم

في الموضوع ده يعني اطلب من هنا قل لكفيلك والله انا سمعت ان المواصلات غالية عندكم اقل مواصله ب 10 ريال

وانا بحكم شغلي مهندس معماري هتنقل كتير فارجوا يكون في بدل انتقال مناسب.

بس برضه لو مش ادهولك مش مشكلة البنزين هنا اسعاره كويسة مش تقلق بس في حالة ايه؟! لو اشتريتلك سيارة

وضروري تأتي هنا ومعك رخصة مصرية علشان تأخذ الرخصة بدون الالتحاق بالمدرسة

ارى ان تتوكل على الله وتقبل العرض بس لو عرفت تأخذ منهم بدل سكن راتبين بلاش تلاته يبقى كويس

ولو عرفت تأخذ منهم بدل انتقال 300 ريال ولا 400 ريال يبقى افضلك اللى تقدر

تخده من ميزات خده

غير كده من حقك تطلب يتكتب في العقد تأمين طبي شامل

شيء ضروري

_______________________________________

ولوا تشرف حضرتك في المدينة ارسلي رسالة على الخاص لاني مقيم بالمدينة والحمدلله

وساكن في شقة غرفتين ممكن تاخدلك غرفة انت تدفع نصف السكن وأنا نصفه الأخر

شقة نظيفة بس بشرط لحد ما تلقيلك سكن اخر لاني ان شاء الله ممكن اعمل استقدام لزوجتي العزيزة

يعني ممكن اربع شهور ولا حاجه لحد ما تلاقي لك سكن

وبالنسبة للسعر هكرمك ان شاء الله مش تقلق

[أبو أماني]

وفي سيارة كويسة أمامي نيسان سيدرك موديل 1998 نظيفه جدا

ب13500الف ريال ممكن تشتريها اول ما توصل بالسلامة على الشرط كما يقولون هنا

مفحوصة ومجددة الرخصة

بس يارب تلحقها لانها لقطة بصراحة لو كان معي فلوسها كنت اشتريتها من الصبح

واي خدمة انا تحت امرك وان شاء الله لو في استطاعتي هساعدك

تم تعديل 12 يوليو 2008 بواسطة أبو أماني

[مهندس معمارى]

جزاك الله الف خير يا اخى ابو امانى على هذه المعلومات الوفيرة جدا ومش عارف والله اقول لحضرتك ايه بصراحة لاكن بجد انا كده اطمنت شوية من كلام حضرتك ده وبالمناسبة الرجل السعودى ده قالى انا هوفرلك سكن لاكن انا الى هدفع الحساب بتاعه يعنى والحمد لله انا عازب مفيش زوجة ولا اولاد يعنى ممكن انزل فى اى حاجة عزاب وربنا يسهل باذن الله وان شاء الله لو فى نصيب والوضوع تم على خير هيكون فى وسيلة اتصال بينا وبين بعض لو مكنش عند حضرتك مانع وادعيلى ربنا يوفقنى فى الاجراءات وتخلص على طول ومتشكر جدا ليك مرة تانية

[أبو أماني]

جزانا الله وإياكم خيرا ولا شكر على واجب

أنا امبارح كان معي ملاحظ شغال في المعمار وقال لي معلومات يمكن تفيدك بعد

ما حكيت له على موضوعك وقلت له انك مهندس معماري خريج هندسة دفعة 2007

ومعروض عليك شغل كذا وكذا قال لي ان اللى زي حالتك أقل راتب ليهم هنا

6000 ريال مع توفير السكن وبدل انتقال وتأمين طبي

وقال لي انك لو عرفت تشتري لك فيزا حرة من مصر

وجيت هنا هتلاقي شغل بالمميزات اللى قلت لك عليها وطبعا

مطلوب بكثرة مهندسي المعمار هنا في المدينة المنورة

دي نصيحة برضه ممكن تحطها في اعتبارك وتأخد بها لو معك الان ثمن تأشيرة حرة

بس في ملاحظه اخرى على الموضوع ده ان اللى بييجي على تاشيرة حرة كفيلة بياخد منه مبلغ يتراوح بين 600 ريال

الى 1000 ريال

مع كل تجديد للاقامه لمدة سنة ولو التجديد لمدة سنتين بيكون المبلغ اكبر ولو عرف انك مهندس طبعا هيتاجر عليك

امامك الخيارين

أنا لو مكانك والله العظيم لو معي فلوس اشتري فيزا حرة لهشتريها افضل بكثير بالذات لاصحاب المؤهلات

العليا زي حلاتك بس يكون لها استقدام علشان تريح دماغك

من وجع الدماغ فيما بعد لما تحب تستقدم زوجتك

واحب اعرفك راتب الملاحظ هذا اولا هو كان شغال في مصر

كهربائي تمديد - مباني - جه هنا اشتغل شوية في نفس شغلانته

وبعد 3 شهور فهم الشغل ماشي ازاي شغلوه ملاحظ

هو فيزته حره نزل مصر ولسه واصل وعمل مقابلات امبارح

منها مقابله الراتب في الوظيفة 2500 ريال + توفير سكن

فدا ملاحظ مرتبه 2500 ومعه يعتبر خبره اقل من سنة

فالمفروض انت كمهندس يكون راتبك كم؟؟؟؟؟

ويوفرلك سكن ولا لأ؟؟؟؟؟؟؟؟؟؟؟؟؟؟؟

________________________________________________________

انا بقولك كده علشان تتضح الصورة امامك ومش ترجع تقول منه لله اللى نصحني بكده لما تيجي هنا

وتعرف مرتبات زمايلك

مرتبك اللى المفروض يكون طبيعي مش اقل من 6000 ريال + سكن + بدل انتقال + تأمين طبي + شهر اجازة مدفوعة الأجر + تذاكر طيران كل عام

دا الطبيعي هنا

امامك خيارين اما فيزا حره = تدفع مالا يقل عن 20000 جنيه وتيجي تدور على شغل وصدقني ان شاء الله تعالى هتلاقي كتير وفي المدينة المنورة

براتب ومميزات انت اللى هتفاضل بينها وبعدين لو الشغل مش عجبك او لو لقيت شغل افضل هتقدر تسيب وتروح للافضل ومش تحول كفالة غير لما

تلاقي كفيل كويس وشركة كويسة براتب ومميزات ممتازة وبعد ما تكتب كل المميزات والالتزامات في العقد تبقى تحول كفالة

____________________

الخيار الثاني انك توافق على العرض دا بس تحاول تاخذ منهم مميزات افضل وانت في مصر ومفيش مانع انك تقولهم انا سمعت ان اقل راتب

لمهندسي المعمار 6000 ريال+ توفير سكن + بدل انتقال+....... فانا هقبل عرضكم لو اعطيتوني بدل سكن راتبين وبدل انتقال 400 ريال ويكون

والراتب يزيد بعد 3 أشهر أو 6 أشهر يبقى 5000 وبعد سنة يبقى 6000 ريال

دا في حالة ايه تكلمهم كدا لو انت معك فلوس تشتري الفيزا الحرة كلمهم كدا ولو مش اعطلولك اللى انت طالبه عليك وعلى الفيزا الحرة

لو مش معك تمن الفيزا الحرة اطلب منهم بدل سكن راتبين او راتب حتى على الاقل واطلب بدل انتقال بس مش تتشرط عليهم بقى وتقولهم

اقبل عرضكم ولا مش اقبل لا انا قبلت عرضكم وكل حاجه بس يعني ممكن لو تكرمتم تكرمونا شوية واحنا ضيوف عندكم تعطونا بدل سكن

وانا شغلتي بتحتاج لف ودوران اقصد بتحتاج لف على المواقع ومش عارف ممكن يكلفني كم مواصلات خاصة ان المواصلات غالية جدا

عندكم اقل مواصلة ب 10 ريال و15 ريال فلو في توفير بدل سكن وبدل مواصلات يكون افضل لي واستريح فاقدر اادي كويس في الشغل وشوية كلام من دا لعل وعسى

ربنا يسهل ويوافقوا

_______________________________________________

وأنا شايف الخيارين كويسين خاصة لو انت مش من النوع المبذر

تم تعديل 13 يوليو 2008 بواسطة أبو أماني

[عبدوو]

المدينه مبروكه والسكنى فيها لها العديد من الميزات والفضائل ويكفى الراحه النفسيه ..

توكل على الله , وان ماجاز لك الوضع - كما يقولون - يكفيك تسويلك عمرتين تلاته واهوه موسم الحج قرب تحج وترجع لمصر اذا حبيت خصوصا ان كان لك اعمال فى المحروسه والمهندسين مطلوبين فى كل مكان ( بسم الله ماشاء الله )

بالنسبه للسكن فهو متوفر من 5000 ريال وانت وطالع

والمواصلات تعتبر من ارخص الاماكن بالسعوديه واهلها فعلا ناس محترمين بمعنى الكلمه ( وده مايمنع من وجود الفاسدين ايضا فهم موجودين فى كل بلاد الله ) .

حدد مواعيد العمل فهى مهمه وراعى ان لاتزيد عن 8 - 10 ساعات على الاكثر بالاضافه الى الجمعه اجازه عشان تقدر تصلى فى الحرم النبوى الشريف ..

ايضا التامين الطبى كما قال الاخوان مهم جدا ..

دعواتنا لك بالتوفيق واهلا وسهلا بك اخا كريما فى رحاب مدينه رسول الله عليه الصلاه والسلام ..

واى خدمات نقوم بها احنا حاضرين ..

وتقبل تحياتى .

[طوبى للغرباء]

السلام عليكم ورحمة الله وبركاته

اخى مهندس معمارى ربنا ييسر لك الامر ان شااااااااااااااء الله بصراحة انا لا اعرف شيئا عن رواتب المهندسين ولكن بالنسبة لك كأعزب كويس ولكن لابد

هنا فى اى عمل ان يكون هناك بدل سن شهرين دة بالنسبة للشغل الخاص ام الوزارة فبتدفع 3 شهور بدل سكن ولازم يكون هناك بدل انتقال الوقتى

لو فرض واتزوجت محتاج شقة عائلية وتأسسها طبعا دة بيكون من بدل السكنوبتاخد كل سنة بدل سكن شهرين

اما اهل المدينة فهم ناس طييبين جدا والعيشة فى المدينة رائعة ويكفى الراحة النفسية هناك

ولكن انا مع الاخ ابو امانى فى ان اللى موجود فى العقد بس هو اللى هاتاخدوا مفيش زيادة ولايغرك شكل الراجل يعنى حاول تتفاهم معه على بدل

السكن وقل له ان كل العامليين بالخارج لابد لهم من بدل سكن وانتقال وعلى العموم احسبها كويس وتعالى جرب الشغل وخد لك خبرة طبعا كل

مايكون عندك خبرة بالشغل كل مايزداد الراتب وربنا يوفقك ان شاااااااااااااااااااااء الله

[Rakan]

المدينة المنورة ( مدينة الحبيب علية افضل الصلاة والسلام )

هذة المدينة عجيبة و فيها راحة نفسية و طمأنينة وبركة ... و بدون مبالغة القليل فيها كثير

واهل هذة المدينة من اطيب الناس

و الله يوفقك يا هندسة اين ما اتجهت .

[capitshino]

المرتب هيضيع جزء كبير منه فى السكن والمواصلات او فى العربية لو هتشترى عربية

بس لو بتبص انك نكون جوار الحرم النبوى وتحج فدى برده حاجة كويسة جدا ولا تقدر بمال

[ابوحميد]

سكني المدينة له فضيلة خاصة كما قال الاخوة فيها راحة نفسية و طمأنينة.... حاول ان تبقي بالمدينة و اختار افضل العروض

و ساكني المدينة يشعرون بالحنين اذا فارقوها....اقرأ قوله تعالي عن الجنة "لا يبغون عنها حولا" ثم اقرأ حديث النبي "ما بين بيتي و منبري روضة من رياض الجنة"

[مهندس معمارى]

,والله العظيم يا اخوانى انا مش عارف ارد عليكم اقول ايه لاكن بسم الله ماشاء الله عليكم افتونى فعلا من المعلومات ده وجزاكم الله الف خير خصوصا الاخ( ابو امانى - عبدوو - طوبى للغرباء - Rakan - capitshino - ا بوحميد )

وجزاكم الله خير على حسن الكلمات والمعلومات القيمة وربنا يخليكم ليا يا رب

[مهندس معمارى]

كان ليا استفسار بسيط عن ظروف المعيشة والمصاريف الخاصة باليوم العادى يعنى الواحد ممكن يعيش فى المستوى الكويس يصرف كام فى الشهر للعلم انى لوحدى مش متزوج ولا حاجة ارجو الافادة

[AyoubMuh]

السلام عليكم

أخي المهندس المعماري .... أخوك صيدلي وأعيش في المدينه منذ موسم الحج الماضي، بالنسبة لموضوع العقد فأنا أتفق مع كل المشاركات السابقة بأن المكتوب في العقد فقط هو ما ستحصل عليه باإضافه إلى "الوقت الإضافي" الغامض و المموه ، العقد في مصر يكون جميلاَ جدا و يبدو لك بأن العيش هنال سيكون مريحا ، كلا .... العيش هناك صعب حتى لو كنت مرفها، و سأعود لأتحدث عن هذا بعد قليل.

السكن أصبح غاليا في الفترة السابقة ، الشقه الواحدة المحترمه التي لا تنقطع عنها المياه و كل شيء بها سليم ستكون في حدود 12000 نعم إثني عشر ألف ريال هذا إن كنت عازبا ولعلمك الشقه غالبا مكونه من غرفتين و صاله أو بدون و حمام و مطبخ.

شقة العائلات تبدأ من نفس المبلغ السابق فما فوق ....

السيارة لابد منها أخي العزيز فالمسافات هناك مسافاااااااات لا يمكن أبدا أن تمشي كما تفعل في مصر ، فالجو هنال لا يطاق في الصيف، نعم الجو جاف هناك لكن الحراره شديده جدا و لابد من شراء عربيه كما يحلو لي أن أسميها دائما.

نعم كما قال أحد المشاركين أن عربية التويوتا كريسيدا هي أفضلهم لأن قطع الغيار دائما متوفرة و بسعر رخيص يلي ذلك النيسان و الهوندا.

بدل المواصلات لا يمكن أن يكون رخيصا كما قال البعض .... أقل بدل لابد و أن تحصل عليه هو 600 ريال فما فوق قفد عانيت من هذا الموضوع بالتحديد.

المرتب ماشاء الله لا قوة إلا بالله ممتاز ، بدل السكن الرسمي هو مرتب 3 أشهر ، لابد وأن تعي ذلك.

أهل المدينه الأصليين غير موجودين ، تسمع عنهم ولا تراهم ، و ظني أن الموجودين حاليا هم أناس غزوا المدينه في وقت من الأوقات و طردوا سكانها منها، أما من بقى منهم فقليل و الله أعلم.

لمعلوماتك أني أعمل يوميا 12 ساعة .... نعم إثنتي عشرة ساعه ولا توجد أجازة أسبوعية و لا حتى بالأعياد، لم يكن مكتوبا بالعقد .... وكل الصيدليات هنا تعمل بهذا الشكل.

مرحبا بك في المملكه :lol:

[مهندس معمارى]

الف الف شكر على مشاركتك اخى الصيدلى AyoubMuh وبارك الله فيك