فودافون ولا اتصالات

[Diab]

أزيكم يا جماعة

عاوز حد إبن حلال يقولي أحسن خط هو فوادفون ولا إتصالات أصلي نازل أجازة ومحتار

وبالمناسبة في حاجات كدة إسمها وأوبشنز والسنوي وحاجات كتيرة ( ياريت توضيح ) وأيضا

موبينيل برة الأختيار لأني لا بحب ساويرس ولا بحب أنفعه بصراحة

منتظر الردود والأجر والثواب عند الله

تم تعديل 13 يوليو 2008 بواسطة Diab

[Diab]

هو الموضوع صعب اوي كدة :pasha:

[~Heba~]

ارشح اتصالات :happy:

بس معلومات تفصيلية معنديش :happy:

[hyoussif]

اتصالات بتنزل عروض افضل بس فى حالة اتصالك بنفس الشبكة

[حسام يوسف]

اهلا وسهلا يا عمنا

انا فودافون

وعشان كدة ارشحلك

اتصالات

عروض مالهاش اول من اخر

والعروض سارية سواء لو كلمت اتصالات او غيرة

وحاجات كتير

طبعا

اتصالات

ولو انت زملكاوى

يبقى لا لفودافون

الراعى الرئيسى للاهلى

[ايهاب سالم]

Rogers

:)

تم تعديل 14 يوليو 2008 بواسطة ايهاب سالم

[حسام يوسف]

هوة مش رايح كندا ياعم ايهاب

الراجل راجع مصر

ولا انا مش فاهم قصدك؟

[~Heba~]

السلام عليكم

قرات اليوم فى الاهرام ان اتصالات خفضة تكاليف خدمة التجوال فى عدة دول منها السعودية

اظن ده حيكون مفيد لك يا دياب

:scooter:

[ayman elsherif]

انا لسه جاي من مصر وكان معي خط اتصالات وكمان زوجتي كان معها خط اتصالات

وبصراحة كانت جودة الاتصالان سيئة جدا جدا بتقطع و بتفصل على طول وقوة الاشارة كانت ضعيفةفي منطقتي.

بس دة مش معناه انك تستبعد اتصالات من اختيارك . نصحتي لك تسأل حد من المنطقة التي سوف تقيم بها فى مصر عن اقوى شبكة بها لان قوة الشبكة بتختلف من منطقة لاخرى.

وبالتوفيق ان شاء الله

[ayman elsherif]

الظاهر ان الجهاز القومي لتنظيم الاتصالات حاسيس بك يا دياب وعمل دراسة مخصوصة لكي يجيب على سؤالك.

وعلى حسب الدارسة وجدوا أن شركة فودافون بأنها الأسوأ في شرق القاهرة، تليها موبينيل ثم اتصالات،

وفي غرب القاهرة كانت اتصالات هي الأسوأ تليها فودافون ثم موبينيل، وهو ما ينطبق أيضاً علي وسط القاهرة.

أما في شمال القاهرة فإن أداء «اتصالات» كان الأسوأ يليه فودافون ثم موبينيل وهو ما تكرر أيضاً في جنوب القاهرة.

http://www.almasry-alyoum.com/article2.aspx?ArticleID=117274

شوف انت بقى ساكن فين و انت تعرف احس شركة بالنسبة لك

مع تحياتي

أيمن الشريف

تم تعديل 14 أغسطس 2008 بواسطة ayman elsherif

[Diab]

احنا عندنا في البيت أتصالات و فودافون وكلهم في منتهيء السوء

جبت فوادفون في البلد مكنش في شبكة غير في الشوارع الرئيسية أو عند الزراعات

اتصالات بقي واو مفيش ولا شرطة لأيام متواصلة

موبينيل للأسف قوية جدا في مصر وفي البلد

تم تعديل 15 أغسطس 2008 بواسطة Diab