اضحك مع مصر للطيران

[الحازم حسن]

في حلقة امبارح من برنامج البيت بيتك استضافوا السيد / توفيق عاصي رئيس الشركة القابضة لمصر للطيران الشركة كانت بتحتفل بانضمامها لتحالف "ستار" العالمي أقوي تحالف طيران في العالم واللي بيضم 21 شركة طيران بس نظراً لصعوبة الشروط وعلى رأسها اللوفتاهنزا الألمانية أفضل شركة طيران في العالم

واتعمل حفل كبير قوي على سفح الهرم وحضروا ممثلي الشركات الـ 21

السيد / توفيق عاصي اتكلم كلام لا يمكن أن يتخيله أي حد أبداً عن مصر للطيران قال ان شروط الانضمام هي دفع مبلغ 10 مليون يورو كتأمين ونوعية الطيارات ومستوى الخدمة ومستوى المطارات ونظام الحجز

قال ان مصر للطيران انتقلت نقلة نوعية جبارة في خلال خمس سنين تم اعتماد نظام حجز جديد

وتم تركيب أحدث نظام عالمي لتداول الشنط والحقائب في مطار القاهرة وتم تجديد المطار القديم والجديد وافتتاح الصالة رقم 3 حيكون قريب جدا وهي عبارة عن تحفة فنية رائعة والوجبات حتكون نسخة طبق الأصل من الوجبات حتكون نسخة طبق الأصل من الوجبات المقدمة على اللوفتاهنزا لاننا اتعاقدنا مع الشركة الألمانية نفسها لتقديم الوجبات على مصر للطيران وسيتم بناء مبنى قريب من المطار مخصوص للشركة الألمانية حيكون فيه كل متطلباتهم لتقديم أعلى مستوى خدمة في الوجبات وتم الغاء التذاكر الورقية وتم استبدالها بتذاكر الكترونية حديثة تقدر تحجزها وتدفع تمنها عن طريق الموقع الاليكتروني وتروح المطار من غيرها كمان بالبطاقة بس

دا كله غير الانضمام لتحالف ستار العالمي ومزاياه الرهيبة يعني مصر للطيران كانت بتغطي 80 مطار بس دلوقتي حتنتشر خدماتها لـ 975 مطار حيكون في شراكة مع ارقى الشركات العالمية بمعنى ان لو راكب حب انه يسافر ميونخ – القاهرة وفي 3 رحلات حيشوف في البوردنج في المطار رحلة الساعة 8 صباحا وكمان واحدة الساعة 12 والتالتة الساعة 8 مساء ممكن تكون واحدة على اللوفتاهنزا واتنين على مصر للطيران لكن الراكب

مش حيعرف أي شركة فيهم والموظف مش هيقولوه لأن الروس تساوت خلاص وزينا زيهم وأي راكب حيركب مصر للطيران أو طائرة من طائرات التحالف حيتمتع بمزايا هذا التحاف كأنه راكب مع شركة أوروبية تمام وعلى فكرة البروتوكول بيقول ان كل شركة لازم تختار وتحدد شركة تانية من نفس التحالف عشان تكون مراقب عليها واحنا بالصلاة ع النبي فتحنا صدرنا ع الآخر واختارنا اللوفتاهنزا

كلام جميل وحاجة تفرح وتشرف

وفجأة جه وقت السؤال اللي أنا مستنيه

سأله محمود سعد " طيب سيادتك احنا عندنا مثلا في موسم الحج والعمرة بيكون عندك حوالي 100 ألف حاج بيسافروا القاهرة جدة عن طريق مصر للطيران هل نقدر نطبق عليهم الكلام ده ويستفيدوا بمزايا التحالف ؟؟ "

رد البيه وقال لالالالالالالالالالالالا " اللي مسافر القاهرة جدة ده الراكب بتاعي أنا " وراح مطبطب بايده على صدره 3 مرات "

طيب سؤال تاني يا افندم .. ممكن ؟؟ اتفضل

دلوقتي حسب ما فهمت من الاتفاقية اني كراكب على مصر للطيران لو حسيت ان الخدمة سيئة بأي شكل اني ممكن أشتكيكم في إدارة التحالف وأقول انكم مش بتطلقوا الاتفاقية مزبوط ؟؟ في الحالة دي ممكن نشتكي

البيه : احم احم هوه ممكن طبعا تشتكي في إدارة التحالف وده من حقك بس ليه تروح تشتكيني بره يا أخي ما تيجي تشتكي عندنا في مصر للطيران ويادار ما دخلك شر.

وفي النهاية حاول محمود سعد ان ينهي الموضوع بدبلوماسية وقال على كل حال يا جماعة دا الناقل الوطني بتاعنا ودي شركة لازم ندعمها وتعالوا نجرب تاني معلش مرة أو مرتين نسافر على مصر للطيران يمكن ربنا يصلح الحال

مش قادر أفهم ازاي ندخل في تحالف بهذا الحجم الرهيب وندفع 10 مليون يورو واحنا عارفين اننا خارجين منه بعد 15 يوم بالكتير

يا رب .......

يا رب انت عارف بئه.

[فــيــروز]

دلوقتي حسب ما فهمت من الاتفاقية اني كراكب على مصر للطيران لو حسيت ان الخدمة سيئة بأي شكل اني ممكن أشتكيكم في إدارة التحالف وأقول انكم مش بتطلقوا الاتفاقية مزبوط ؟؟ في الحالة دي ممكن نشتكي

البيه : احم احم هوه ممكن طبعا تشتكي في إدارة التحالف وده من حقك بس ليه تروح تشتكيني بره يا أخي ما تيجي تشتكي عندنا في مصر للطيران ويادار ما دخلك شر.

بديع جدّا نظام زيتنا فى دقيقنا ده !! شكله فولكلور مصرى صميم و هيكون عليه طلب بعد أزمة الدقيق و ارتفاع سعر الزيت

طيب فرضنا ان الراكب المصرى مش هيسيّح للشركه الوطنيه "مين وطنيه دى" و هيشتكى مصر للطيران لنفسها آل يعنى هيحصل حاجه .. طيب و الراكب الأجبنى اللىّ هيتّاخد على عماه ده و يفاجأ إنّه ركب طيّارة مصر للطيران لمجرّد انضمامها للتحالف !! إيه اللىّ هيخلّيه بالمنطق كده يشتكى مصر للطيران لنفسها و هو عارف إن ده يتنافى مع أبسط قواعد الرقابه و التفتيش !!

يعنى ممكن يفترضوا إن الراكب المصرى مش هتهون عليه مصر للطيران و هيقول فى عقل باله يعنى هى جت عليهم mfb: لكن الراكب الاجنبى ايه اللى يجبره على كده !!

[زهرة الجبل]

بالله عليكم يا جماعه محد يجيب سيرة مصر للطيران قدامي

بلاش تقلبوا عليا المواجع

و الله أنا ليا قصه مع مصر للطيران ... عندما أتذكرها أصاب بنفس الهلع و المغص

الذي كنت أشعر به أثناء وجودي في الطائره المنكوبه

و من مده ليست بعيده قوي يعني ... طيب إزاي بقى الكلام اللي بقرأه فوق ده ممكن يكون واقعي؟

مش فاهمه

تخيلوا رحله مدتها ساعتين و نصف فقط إستغرقت حوالي 12 ساعه داخل الطائره

أيوه صح إثنى عشر ساعه داخل الطائره

ليه بقى ؟

أجمع أعصابي بس و أرجع لكم

[وليد أهلاوى مصراوى]

أنا نادرا ما بركب مصر للطيران ... أقل من نادرا .. مره فى عشر سنين سفر :closedeyes:

لكن بصراحه مافيش داعى نيجى عليهم أوى كده ونكون من هواه جلد الذات

يعنى من تجربتى ... الشركات اللى أقل من مصر للطيران "الخليج- العربيه- القطريه-الجزائريه-الماليزيه-الأيطاليه"

واللى أعلى منها "ألأماراتيه-السنغافوريه-اللوفتهانزا-السعوديه-التركيه"

ده من تجربه شخصيه ...واللى أنا فاكره دلوقتى .... يعنى أحنا مش فى القاع أوى

أنا ماشفتش الحلقه ... لكن من شرح الأستاذ حازم أنا شايف أنه كلام جميل ومعقول

الحاجه الوحيده اللى لاحظتها فى المره اليتيمه اللى سافرتها معاهم ... ومن كلام أصحابى .. أن المضيفين المصريين محتاجين تدريب أكتر .. وشويه تواضع ...لأن التفكير المصرى أن المضيف ده حاجه ماحصلتش

تم تعديل 13 يوليو 2008 بواسطة وليد أهلاوى مصراوى

[JAY]

الذي أعرفه أن الاتفاقية يجب أن تشمل الحفاظ على مستوى معين بحد أدنى بالنسبة للخدمة والصيانة وغيرها.. أي حسب الآيزو المعمول بها عالمياً.. وهذا بالتالي يفرض على الشركة الارتقاء بمستواها إلى أقصى حد ممكن... فهل هذا سينعكس على الربحية أو ينعكس على رفع أسعار تذاكر الطيران على المواطنين؟؟ الله أعلم

[YaserK]

الحق يقال مصر للطيران اتغيرت بصورة ملحوظة جدا في الكام سنة اللي فاتو, ابتداء من نظام الحجز من على موقع مصر للطيران لحد مواعيد الرحلات اللي بقت مظبوطة بالثانية, والطيارات اللي بقت على أعلى مستوى..

أنا سافرت على خطوط طيران كتير في الخمس سنين اللي فاتو منها السويسرية والهولندية والمجرية والتشيكية والسعودية وطبعا مصر للطيران.. بجد بدون مبالغة مصر للطيران بقت أحسنهم.. وأعتقد بعد افتتاح الترمنال الجديد في مطار القاهرة الوضع هيتغير تماما ورحلات الشركة هتزيد وطبعا أرباحها كمان..

أنا شايف ان مصر للطيران دلوقتي هيه الحاجة الوحيدة الحلوة في بلد كل حاجة فيها بقت ملخبطة

[galaxy]

ندعو الله ان يكون الاتفاقيه فاتحه خير.......

لكن من ردود السيد المسئول بصراحه الموضوع ما يطمنش........ليه ما نشتكيش يعني للمنظمه صاحبه الاتفاقيه ......طالما هينتظموا معاها وهيعملوا اقصي جهدهم لراحه المسافرين علي خطوطهم.........ولا ساعتها بقي هيقولوا دي مش طيارتنا زي ما السيد المسئول قال ان الواحد هيسافر وهو مش عارف علي طياره مين....طالما هيلتزم بالقوانين..زايه يخوفه من الشكوي في حاله التقصير........ :closedeyes:

وكما اضافت العزيزة فيروز طب لو مسافر اجنبي هيراعيه برضوا يعني ولا ايه هيكون تصرفه...... wst::

بصراحه صعب عليا الحجاج والمعتمرين اكتر لانهم هيكونوا المسافرين بتوعه.........ودا بيديني فكرة عن مدي العنايه اللي هيلاقيوها معاه.......لهم الله.

تاريخي مع مصر للطيران من ضياع شنط وعجرفه مضيفات و تأخير رحلات وسوء معامله الطاقم الارضي لدي اي استفسار سواء لي او لاحد اقاربي لا يشجعني للسفر عن طريقها علي الاطلاق..........واخر مرة كان لي شرف السفر عليها ..كان الطاقم فرنسي ومع ذلك كانت الوجبات بارده والخدمه اكثر من مجرد سيئه لدرجه تطاول احدي المضيفات الفرنسيات علي احدي راكباتنا المصريات........اللي كانت ملمه بلغه المضيفه وفهمت كلامها وعرفت فيه السباب للاسف.....لكننا لدي وصولنا فوجئنا بعدم وصول الشنط لانها طلعت علي طياره تانيه واضطرينا مع كل ارهاق السفر اننا ننتظر في المطار لمجرد التعرف عليها لدي وصول الطائرة التانيه....ونبقي نيجي يوم تاني حسب تعليماتهم عشان نستلمها...ناهيك عن المرضي اللي بجد تعبوا جدا جدا يومها في عمليه الانتظار دي.

بصراحه تكرار التجربه صعب جدا الا بعد التاكد من تعديل الاوضاع للافضل........وبعدها نشجع الشركه الوطنيه........تحياتي

تم تعديل 14 يوليو 2008 بواسطة galaxy

[capitshino]

سأله محمود سعد " طيب سيادتك احنا عندنا مثلا في موسم الحج والعمرة بيكون عندك حوالي 100 ألف حاج بيسافروا القاهرة جدة عن طريق مصر للطيران هل نقدر نطبق عليهم الكلام ده ويستفيدوا بمزايا التحالف ؟؟ "

رد البيه وقال لالالالالالالالالالالالا " اللي مسافر القاهرة جدة ده الراكب بتاعي أنا " وراح مطبطب بايده على صدره 3 مرات "

فكرتنى بفيلم اللى بالى بالك لما قاله المسجون ده بتاعى انا ... مع الفرق طبعا

[أسد]

إعتدت منذ فترة أن أدخل مدافعاً عن مصر للطيران .. في كل موضوع يفتح لمهاجمتها ..

مش عارف ليه ... ولكني أتحدث في الأمر بموضوعية .. أو أحاول جاهداً أن أفعل ذلك ..

خطوط الإمارات .. والخطوط القطرية ..

فقط هي الأفضل من خطوط مصر للطيران .. هذا بالنسبة للخطوط العربية ...

أرى أن في مصر للطيران قد تشعر بالإرتياح وحسن الخدمة وكثير من الأشياء .. أكثر مما تسافر مثلاً على الخطوط الفرنسية ..

اللوفتهانزا والسويس اير افضل بكثير بطبيعة الحال ...

مصر للطيران ليست سيئة .. بل هي أفضل من الخطوط السعودية .. والكويتية .. وطيران الخليج .. والعربية .. والاتحاد .. وناس . وسما ..

ولا هو كل حاجة مصري وحشة وخلاص ..

أنا مسافر محترف . أسافر كثيراً .. عشرات الرحلات سنوياً ..

أركب الكتير من خطوط الطيران ..

أرى أن مصر للطيران ليست بعيدة عن الخطوط الكبرى ...

صحيح أنها قبل عدة سنوات كانت خطوط طيران سيئة .. ومطار القاهرة كان مطاراً أفريقياً ...

أما الآن الصورة تغيرت في صالة السفر 1 .. وأعتقد أن صالة 3 الجديدة ستكون نقلة كبرى لمصر للطيران ..

صالة 2 .. سيئة جداً جداً ..

على السيرة ..

أعتقد أن وزير الطيران رجل مجتهد جداً .. ومحترم جداً ...

وأعتقد أيضاً أن رئيس شركة الطيران .. رجل ممتاز ..

لازم نشوف الكويس .. زي مابنشوف الوحش ..

حتى عنوان الموضوع ..

اضحك مع مصر للطيران ..؟؟؟؟!!!!

تم تعديل 14 يوليو 2008 بواسطة أسد

[طه بدر]

سواء تطورت مصر للطيران ام لا فهناك البديل وهو السفر على الخطوط الاجنبية

المصيبة ياجماعة فى المطار نفسه

صدقونى والله العظيم انى اشعر بانقباض فى صدرى بمجرد دخولى صالة الوصول

الاضاءة الضعيفة والباهتة والالوان الرمادية الكئيبة وانعدام النظافة تماما (حاول تدخل حمامات المطار واحكم بنفسك)

وعبوس كل من يقابلك كما لو كنت عبد من عبيده وتطالبه بما لايجوز لك

وعاشرة الاثافى هو شعورك ان كل من يقابلك عايز ينصب عليك او ينتظر منك الحلاوة

مش انت كنت مسافر برة وشايلهم على قلبك :closedeyes:

واخيرا هل هذا التحلف سيوثر على البهوات الذين يقفون بالمطار للمنادة على الباشوات بالاسم

الحاج احمد

مدام فولانة

ابو على

ليقوم كل منهم وهو منتفخ الاوداج بالمرور من الباب الجانبى (اللى على اليمين) بينما تقف انت مع العامة والدهماء فى الطابور فى انتظار دورك

تحالف دولى تحالف محلى المهم النفس

بس يا ترى لبان كلوركس هايجيب نتيجة مع ناس عفنت فى اماكنها

مافتكرش

تم تعديل 14 يوليو 2008 بواسطة طه بدر

[الحازم حسن]

دلوقتي حسب ما فهمت من الاتفاقية اني كراكب على مصر للطيران لو حسيت ان الخدمة سيئة بأي شكل اني ممكن أشتكيكم في إدارة التحالف وأقول انكم مش بتطلقوا الاتفاقية مزبوط ؟؟ في الحالة دي ممكن نشتكي

البيه : احم احم هوه ممكن طبعا تشتكي في إدارة التحالف وده من حقك بس ليه تروح تشتكيني بره يا أخي ما تيجي تشتكي عندنا في مصر للطيران ويادار ما دخلك شر.

بديع جدّا نظام زيتنا فى دقيقنا ده !! wst:: شكله فولكلور مصرى صميم و هيكون عليه طلب بعد أزمة الدقيق و ارتفاع سعر الزيت

طيب فرضنا ان الراكب المصرى مش هيسيّح للشركه الوطنيه "مين وطنيه دى" و هيشتكى مصر للطيران لنفسها آل يعنى هيحصل حاجه :closedeyes: .. طيب و الراكب الأجبنى اللىّ هيتّاخد على عماه ده و يفاجأ إنّه ركب طيّارة مصر للطيران لمجرّد انضمامها للتحالف !! إيه اللىّ هيخلّيه بالمنطق كده يشتكى مصر للطيران لنفسها و هو عارف إن ده يتنافى مع أبسط قواعد الرقابه و التفتيش !!

يعنى ممكن يفترضوا إن الراكب المصرى مش هتهون عليه مصر للطيران و هيقول فى عقل باله يعنى هى جت عليهم لكن الراكب الاجنبى ايه اللى يجبره على كده !!

ده اللي المفروض البهوات يفهموه

طالما دخلت تحالف بالحجم ده يبقى مش حينفعك شغل الحبشتكنات بتاع كله تمام يا افندم

[الحازم حسن]

لازم نشوف الكويس .. زي مابنشوف الوحش ..

حتى عنوان الموضوع ..

اضحك مع مصر للطيران ..؟؟؟؟!!!!

طيب مش حضرتك معايا انها حاجة تضحك برده ولا ايه

[أسد]

طيب مش حضرتك معايا انها حاجة تضحك برده ولا ايه

طالما حضرتك شايف كده

يبقى ربنا يبسطك كمان وكمان ..

[أسد]

سواء تطورت مصر للطيران ام لا فهناك البديل وهو السفر على الخطوط الاجنبية

المصيبة ياجماعة فى المطار نفسه

صدقونى والله العظيم انى اشعر بانقباض فى صدرى بمجرد دخولى صالة الوصول

الاضاءة الضعيفة والباهتة والالوان الرمادية الكئيبة وانعدام النظافة تماما (حاول تدخل حمامات المطار واحكم بنفسك)

وعبوس كل من يقابلك كما لو كنت عبد من عبيده وتطالبه بما لايجوز لك

وعاشرة الاثافى هو شعورك ان كل من يقابلك عايز ينصب عليك او ينتظر منك الحلاوة

مش انت كنت مسافر برة وشايلهم على قلبك :closedeyes:

واخيرا هل هذا التحلف سيوثر على البهوات الذين يقفون بالمطار للمنادة على الباشوات بالاسم

الحاج احمد

مدام فولانة

ابو على

ليقوم كل منهم وهو منتفخ الاوداج بالمرور من الباب الجانبى (اللى على اليمين) بينما تقف انت مع العامة والدهماء فى الطابور فى انتظار دورك

تحالف دولى تحالف محلى المهم النفس

بس يا ترى لبان كلوركس هايجيب نتيجة مع ناس عفنت فى اماكنها

مافتكرش

كلام حضرتك مضبوط ..

صالة الوصول ليست كما ينبغي ..

ووضعها يتناقض مع بعض الإيجابيات التي تذكر ..

فعلاً الإضاءة ضعيفة .. موضوع طابور الواسطة .. حاجة تضايق .. مع انه أقل من السابق بكثير ..

أعتقد أنه يمكنك أن تدفع مبلغ 100 جنيه .. وتنهي إجراءاتك كحالة خاصة أيضاً .. هذا رسم خدمة .. وليست رشوة ..

الحمامات .. في صالة السفر كويسة .. في صالة الوصول .. لم أجربها أبداً .. فليست لدي أية معلومات ..

رأيت بعض المواقف الجميلة من ضباط الجوازات .. من مساعدتهم لكبار السن وتقديمهم السيدات الذي معهم أطفال صغار .. وإعطاؤهم أولوية ..

لا أرى معاملة سيئة أبداً من أحد .. على الإطلاق ..

عمال الحقائب .. يجب إيقافهم عند حدهم ..

صغر حجم سير الحقائب يعطيهم فرصة كبيرة لمضايقة الركاب ..

سلامة راسك من الخبط في الحيط

[الحازم حسن]

طيب مش حضرتك معايا انها حاجة تضحك برده ولا ايه

طالما حضرتك شايف كده

يبقى ربنا يبسطك كمان وكمان ..

يا سيدي الفاضل يارب مصر للطيران تبقى أحسن شركة طيران في الدنيا

الغيرة على الناقل الوطني مطلوبة لكن يلزمها أساس يلزمها إدارة ناضجة ومحترفة يلزمها تخطيط على المدى القريب والبعيد

مش إدارة خايفة من الشكوى ... مجرد الشكوى

يبقى مفيش احترافية

على فكرة : المتحدث لم يكن وزير الطيران الفريق / أحمد شفيق المتحدث كان السيد / توفيق عاصي رئيس الشركة القابضة لمصر للطيران

[أسد]

طيب مش حضرتك معايا انها حاجة تضحك برده ولا ايه

طالما حضرتك شايف كده

يبقى ربنا يبسطك كمان وكمان ..

يا سيدي الفاضل يارب مصر للطيران تبقى أحسن شركة طيران في الدنيا

الغيرة على الناقل الوطني مطلوبة لكن يلزمها أساس يلزمها إدارة ناضجة ومحترفة يلزمها تخطيط على المدى القريب والبعيد

مش إدارة خايفة من الشكوى ... مجرد الشكوى

يبقى مفيش احترافية

على فكرة : المتحدث لم يكن وزير الطيران الفريق / أحمد شفيق المتحدث كان السيد / توفيق عاصي رئيس الشركة القابضة لمصر للطيران

عارف إنه توفيق عاصي هو من كان في المقابلة التليفزيونية .. وهذا لا يمحو عنه صفة أنه رجل ممتاز أيضاً ..

وإن خانه تعبير في المقابلة .

وإن كان المذيع غير حكيماً في سؤاله ..

الخلاصة .

مصر للطيران حالياً أفضل بمراحل كثيرة عما سبق ..

ومفيش مقارنة ..

طبعاً نطمح بالمزيد ..

وماتنسوش أصلاً إن الدولة كلها من دول العالم الثالث .. والطبيعي أن شركة طيرانها تكون كذلك ..

ولكن والحمد لله .. أعتقد أنه شركة طيران محترمة حالياً ..

[Diab]

شعار مصر للطيران الجديد

مش عارف ليه حاسس أن حورس في الصورة الجديدة حزين شكل الشنط بتاعته ضاعت

غير الملاحظة دي الشعار حلو وربنا يستر مع مدمني مصر للطيران لإرتفاع الأسعار عشان الدهان الجديد أكيد مش من أبو بلاش

[الحازم حسن]

في مطار دبي في 150 متطوع لابسين تي شيرت لونه أحمر مكتوب عليه " May I help you ? " مهمة الشباب دول الإجابة على أي سؤال من الراكب وإرشاده للحقائب وبوابات الخروج مساعدته لو لزم الامر

عجبتني جداً الفكرة مش زي البيه الله "يعمر بيته" نفش ريشه في طابور كامل في أول يوم من رمضان وفضل يصرخ ويقول

يا ناس ارحموني يا ناس كان ناقص يقول يا ولاد ال.... الحلال

ولا البيه التاني بتاع مطار الاسكندرية في رحلة العودة لان المطار بيعتمد على الاتوبيس لنقل الراكب من الصالة للطيارة ومفيش ممرات لباب الطيارة

طلع قال للسواق معاك كام راس قاله اكتر من 40 واقل من 50 قاله يللا عبيهم وارجع خد غيرهم

[Bassam El Sayed]

ولا البيه التاني بتاع مطار الاسكندرية في رحلة العودة لان المطار بيعتمد على الاتوبيس لنقل الراكب من الصالة للطيارة ومفيش ممرات لباب الطيارة

طلع قال للسواق معاك كام راس قاله اكتر من 40 واقل من 50 قاله يللا عبيهم وارجع خد غيرهم

:pasha:

اول مرة كنت اسافر من مطار الاسكندرية

بعد ما ختمت الجواز رحت سالت العسكرى الى قاعد قلتلة فى ال gate الى طالعة منها طيارة الكويت (لانى لم اجد رقم البوابة على البرودينج) العسكرى ضحك وقالى خش اقعد فى الصالة دى . اتضح لى انة كلة بيقعد مع بعضة الى رايح الكويت الى رايح السعودية الى رايح كولالامبور.

ولما جة الوقت نروح الطيارة لاقيت واحد من موظفى المطار قايم على الباب الوحيد للخروج وبيقول ( يالا يا جماعة الى طالع الكويت صف واحد كدة قدامى يالا علشان نخلص)

[Diab]

ولا البيه التاني بتاع مطار الاسكندرية في رحلة العودة لان المطار بيعتمد على الاتوبيس لنقل الراكب من الصالة للطيارة ومفيش ممرات لباب الطيارة

طلع قال للسواق معاك كام راس قاله اكتر من 40 واقل من 50 قاله يللا عبيهم وارجع خد غيرهم

:blink:

اول مرة كنت اسافر من مطار الاسكندرية

بعد ما ختمت الجواز رحت سالت العسكرى الى قاعد قلتلة فى ال gate الى طالعة منها طيارة الكويت (لانى لم اجد رقم البوابة على البرودينج) العسكرى ضحك وقالى خش اقعد فى الصالة دى . اتضح لى انة كلة بيقعد مع بعضة الى رايح الكويت الى رايح السعودية الى رايح كولالامبور.

ولما جة الوقت نروح الطيارة لاقيت واحد من موظفى المطار قايم على الباب الوحيد للخروج وبيقول ( يالا يا جماعة الى طالع الكويت صف واحد كدة قدامى يالا علشان نخلص)

:pasha: نفر واحد الكويت نفر واحد :D يلا بربع جنيه أدخل جوة لو سمحت الطرقة فاضية قدام

تم تعديل 14 يوليو 2008 بواسطة Diab