900 جنيه خلو رجل

[أبو محمد]

لو لحمة يا (ابو محمد)يبقى هنغرم سكوب ياما

خليك قنوع يا دكتور .. القهوة كفاية .. مفيش داعى للدبح .. سكوب مننا وعلينا :pasha:

[حسام يوسف]

خلاص

ومالة يا ابو محمد

بس ياريت حضرتك تفكرة يفوتلنا(بريزة)كما فى فيلم حماتى ملاك

[Scorpion]

انا خلاص قارنت يا ابو محمد و ابتديت الشغل خلاص ..

أما بالنسبة لعزومة اللحمة ... احمم ,,, فمعلش مالياش فيها ... أصلي نباتي ..

:pasha:

نرجع بقي للحسبة اللي فاتت ... ايه رأيكم ؟؟

[حسام يوسف]

احنا مش نباتيين يا عزيزى سكوب

ممكن حضرتك تبقى تطلب حاجة صيامى

واحنا صدقنى هنقوم بالواجب

[أبو محمد]

انا خلاص قارنت يا ابو محمد و ابتديت الشغل خلاص ..

أما بالنسبة لعزومة اللحمة ... احمم ,,, فمعلش مالياش فيها ... أصلي نباتي ..

:pasha:

نرجع بقي للحسبة اللي فاتت ... ايه رأيكم ؟؟

كلامك معقول يا سكوب بالنسبة للى دفعوا خلو رجل .. ده بدأ يحصل عند اشتداد الأزمة بسبب قوانين الإسكان الجاهلية

ولكن فاتك أن تحسب مبلغ بيت إشتراه صاحبه فى الأربعينات أو التلاتينات بخمسة آلاف جنيه .. الأيام دى يا سكوب لما كنت تروح تشترى حاجة بجنيه .. لو أعطيت للبائع جنيه دهب كان يقولك لسه ناقض خمسة تعريفة .. لأن الجنيه الدهب كان سعره 97 قرش ونصف .. البيت ده بقى صاحبه بدأ يلم إيجاره وكان حوالى 70 جنيه فى الشهر .. جت القوانين الجاهلية وخلت الإيحار أقل من أربعين جنيه .. ومن يومها والشقق بيتوارثها المستأجرين حفيدا عن أب عن جد .. وبياخدوا الخلوات بينهم وبين بعض وورثة المالك الأصلى فى الطراوة .. ده غير إن الأربعين جنيه كان بياخدهم المالك الأصلى أصبحوا بيتوزعوا على أحفاده

قلبى مع سكوب ومع عمى أبو سكوب .. بس قلبك انت فين من ورثة المالك الأصلى اللى دفع كل ما يملك لشراء بيت يتركه لأبنائه وأحفاده ؟ ...

على فكرة البيت ده لو سكانه طلعوا منه وورثة المالك الأصلى باعوه يجيب لهم حوالى 8 مليون جنيه ... وكل ما ييجى مشترى للبيت بتطلع حسبته إنه حيدفع للسكان والمحلات حوالى 6 مليون جنيه .. والرقم ده بعد ما يفاصل السكان فى المبلغ اللى طالبينه عشان يتنازلو عن عقد الإيحار ... يعنى سكن تلات أجيال + 6 مليون جنيه ..

[Alshiekh]

طيب ياسكوب ياخويا مش كنت تقول كده من الصبح ، بدل ماكنا نجيب اللحمة على العربيات على الرزاز ونخلطهم مع بعض ونقارنهم بالذهب.

كما تفضل اخونا ابو محمد ، فى حالة دفع خلو رجل ( بكسر الراء ) فالمقارنة لاتصح ولاتصلح ، حيث ان خلو الرجل باطل ( زى جواز عتريس من فؤادة ) ولأننى كنت ممن دفع خلو رجل ، فقد كنت اعتبر نفسى شريك فى الملك وماادفعه من ايجار هو فقط من قبيل المشاركة فى الصيانة او العوايد ، لان تقريبا ماكان يدفع كخلو رجل يماثل القيمة الحقيقية لثمن الشقة.

أما من أجروا شقق بيوتهم بدون خلو رجل كما كان متبعا قبل قوانين تخفيض الايجارات وتثبيتها وتوريثها لكل من يريد الساكن ان يهبها له فموضوع خارج عن موضوعنا بتاع الــ 600 جنيه.

[Scorpion]

عودة الي هذا الموضوع مرة أخري .. و الذي جد عليه جديد تحول فيها من موضوع ذو بعد اقتصادي حاولت ان اناقش فيه وضع عام ... الي شأن شخصي لم أفكر فيه أبدآ من قبل .. و لم أجد غيركم كي أسأله المشورة ..

في نقاط ...

الشقة كما تم شرحه سابقآ ايجار قديم ( اوائل السبعينيات )

أنتقل الوالد الحبيب الي رحمة خالقه ....

ايصال الإيجار الذي تدفعه الوالدة الآن ( متعها الله بالصحة ) أصبح بأسم "ورثة فولان الفولاني"

أصحاب البيت نفسهم ورثة متصارعين و المسئول عنه حارس قضائي

الجانب الشخصي :

هذا المنزل بالنسبة لي هو رصيدي الحي من الذكريات ... هو غطائي .... هو ابي و أمي

و لا أستطيع ان أتخيل انه يومآ ما لن يكون باستطاعتي لا أنا و لا أخوتي ( الموجودين بالغربة هم أيضآ ) ان ندخله

لذا و بعيدآ عن الحقوق القانونية و الدخول في سكك المحاميين و البيروقراطية التي أكرهها بشدة .. عملت عملية "جس نبض" مع أحد الورثة لتغيير العقد بأسمي .. و كان الطلب 50.000 جنيه .. و ايجار شهري 100

و العقد اعتقد انه سيكون شيئآ اسمه عقد انتفاع لمدة 99 سنة ( حاجة كده زي قناة السويس )

الآن و لعدم خبرتي و معرفتي اطلاقآ بمسائل مماثلة ...

هل هذا من الممكن ان يكون عقد سليم .. و الثمن عادل ؟؟

هناك من أخبرني ان الشقة بحكم القانون من حق ورثة الجيل الأول فقط .. لذا من حقي بعد عمر طويل ان تستمر في حوزتنا مع دفع الأيجار بصفة مستمرة و في تلك الحالة لا أحتاج لأبرام عقد جديد..

هل هناك من مر بتجربة مماثلة ... او من يستطيع ان يشور علي بالأسلوب الصحيح في حالة مماثلة ...

و أشكركم بالفعل مقدمآ علي أي اهتمام تولونه لهذا الطلب .... و لكن يشفع لي أنكم العائلة التي أنتمي لها ...

[عطر الجنة]

ليه السؤال ده

اولا المقارنة بتمن الاراضى لا تجدى لان هناك اراضى ارتفع تمنها تبع موقعها اكثر من اراضى اخرى

و ايضا السيارات ممكن يكون فى نوع صار الاقبال عليه اكثر

الحكم هو فعلا سعر الذهب

و الاكثر من ذلك هو نفس الشئ الذى استخدم فيه هذا المال

فاذا كان سلف فلا يوجد امامك سوى نظيره من الذهب

[Scorpion]

الفاضلة عطر الجنة

اشكرك علي الأدلاء برأيك في الشق الأول من هذا الموضوع .. و هو الشق الذي كان مدخلي الي مسألة أخري... فهل أطمع ان تقرأي جميع المداخلات ( و التي بها الرد علي استفسارك الأول و الخاص بسبب السؤال) فربما يكون لدي حضرتك ردآ علي استفساري الأخير.

تحياتي

[doha]

اول ماقرأت سؤالك في البداية ولاني مكنتش انولدت لسه في التاريخ الي حضرتك سالت عليه فاول ماتبادر الى ذهني لمعرفة فرق السعر كان ايجارات العقارات .. اخذنا في الكلية زمان بأن الايجارات تعرضت لنقلة كبيرة جدا بعد 73 بحيث زادت العشر اضعاف مرة وحده نتيجه مايطلق عليه ( الانفتاح ). قبل التاريخ ده كانت الاسعار جنيهين وثلاثه للشقق المتوسطة وبعده بدأت في التزايد لغايه ماوصلت الشقة الي كانت وقتها تساوي 4 او 5 جنيهات النهرده بـ 500 او 600 على اقل تقدير ..

قرأت مداخلتك التانيه والخاصة بموضوع الشقق القانون القديم ولي ملحوظه صغيره ..

عشان تكون حسبتك صح فاحسب مادفعه الوالد رحمه الله كخلو رجل فقط لكن لا تحسب الايجار لانه انتفع به فعلا .. يعني هو طول السنوات الي فاتت كان بيدفع ايجار مقابل سكنه في الشقة وبالتالي فمينفعش انك تحاسب المالك على هذا الايجار او تقول ان حقه وصله كأنه باع الشقة لانه اخذه كأيجار مش تمن بيع بالتقسيط .. يعني لو قلت شوف المبلغ ده من وقتها يساوي كام والنهرده يساوي كام مينفعش لان الشقة كانت في حيازتكم طول الفترة دي وبالتالي مهما كان الايجار يساوي وقتها فانتم اخذتم منفعه مقابله وفي نفس السنة يعني لو بتدفعوا جنيه ايجار او حتى مليون فده مينحسبش بتاريخ النهرده لانكم انتفعتم بشقة تساوي الايجار ده سواء قل او كثر ..

عاوز تحسبها بطريقة اكثر دقة فقسم الخلو الي اندفع على السنوات الي قضيتوها في الشقة واعتبروه من ضمن الايجار .. يعني مثلا اجرت شقة بالف وميتين جنيه خلو رجل وخمسين جنيه كل شهر لمده عشر سنين فهنقسم الالف وميتين دي على العشر سنين فترة استئجار الشقة يبقى مية وعشرين جنيه كل سنة بواقع عشرة جنيه كل شهر .. اذا الايجار الفعلي للشقة في الحالة دي ستين جنيه شهريا مش خمسين وقيس على ذلك ..

احسبها كده وانت تعرف هل صاحب البيت ظالم ولا مظلوم في الحكاية ..

بالنسبة لاستفسارك الاخير انا مش ملمه بملابسات الموضوع اوي بس انا شيفاه عرض مغري ليك لدرجه تخليني اشك ان صاحب البيت عارف حاجه انتم مش عارفينها او انا معرفهاش لان المبلغ الي طالبه متواضع مكانش هيطلبه الا لو هو فاقد الامل نهائيا في استعادة الشقة او العكس انه متوقع ياخذها قريب بطريقة ما فبيعظم مكسبه بالعرض ده .. انا مش عارفه كل التفاصيل فمقدرش اؤكد رايي ده بس اجمالا هو مااميل للاعتقاد بيه ..

على كل حال هقولك معلوماتي المتواضعه بخصوص موضوع الشقق ده ..

على حد علمي القانون بيسمح بتوارث عقد الايجار لمرة واحده فقط .. يعني فلان لو مات ابنه او زوجته او احد احفاده بيورثوا العقد وفي حالة وفاة وارث العقد مينفعش يتجدد لحد جديد.

شرط عشان العقد يورث ان الشخص الي هيورثه يكون عايش في الشقة دي قبل وفاة المالك لمده سنة على الاقل .

الطبيعي ان عقد الايجار بيتحول باسم واحد من الورثة بس مش عارفه ايه الوضع القانوني لما يكون العقد ( مشاع ) بين الورثة وبعضهم ..

عقد ( حق الانتفاع ) الي المالك عارضه عليكم ده لايشمل فيما لو لاقدرا لله انهار البيت او صدر له قرار ازالة .. في الحالة دي لازم تتأكد من العمر الافتراضي للبيت قبل ماتمضي العقد لان لو لاقدر الله كان في عيوب هندسية او ماشابه هيكون من حق المالك يهدمه وفي الحالة دي السكان ملهمش حاجه حتى لو معاهم عقود ايجارية طويلة المدى ..

سمعت بس مش متأكده من المعلومه دي ان القانون القديم الي بيسمح بتوريث عقد الايجار الغي للمستأجرين ( الي هيموتوا ) بعد تاريخ معين مش متاكده بالظبط .. يعني مثلا لو قلنا انه مطبق لحالات انتقال الملكية قبل 2000 فحاليا لو حد مات ملكية العقد لا تنتقل لورثته بغض النظر عن تاريخ الايجار للعقد الاصلي .. الحكايه دي سمعتها في نقاش مابين اشخاص عندهم بيت فيه مستأجر وكانوا هم الملاك بس مش متاكده منها لكن الي عرفته فيما بعد ان الساكن وافق على الخروج من البيت بدون اي تعويضات تقريبا موقفه كان ضعيف لان العقد منتقل له من الساكن الاصلي الي مات يعني مينفعش يورثه للمرة الثانيه .. معرفش بقى هو تنازل بدون مقابل عشان كده ولا عشان القانون الي سمعته ده ومش متأكده منه ..

برضه معروف ان الشخص لو مالك عقار تاني مش من حقه ياخذ شقة ايجار قديم .. بمعنى لو العقد انتقل لاسم احد الورثة ثم اثبت المالك بطريقة او باخرى ان الوارث ده له شقة تمليك في مكان تاني في نفس المدينة يبقى العقد في الحالة دي لاغي والشقة من حق المالك ..

على كل حال انت لو الموضوع يهمك وافق مبدئيا واطلب منه عقد عشان تدرسه ووريه لمحامي يكون مختص في توثيق العقارات وهو يطلع لك الثغرات الي فيه لان ممكن يكون في كلمه وحده في العقد تقلب الدنيا كلها وللاسف الي عايش في مصر بس هو الي يقدر ينتبه لمثل هذه الامور خاصه لو كان شخص قانوني .. المحامي هو الي يفيدك اكتر في الحكاية دي وهو برضه الي يقدر يقولك السعر العادل الي المفروض تدفعه في حالة زي دي ..

[bentmasria]

انا حدخل فى الموضوع بشكل مختلف

سكوب انا زوج اختى واخد شقة بنفس النظام يعنى دفع مبلغ للورثة وبيدفع معاها ايجار حوالى 170 جنيه مع حق انتفاع 99 سنة مابيزيدش فيهم الايجار

العقد صحيح ومسجل والمحامى هو اللى عمله بنفسه وده نظام سارى فى شامبليون وشبرا ومعظم الاماكن اللى فيها العمارات القديمة والورثة بتوع اصحابها عاوزين اما الهدم او ايجارات أعلى علشان يستفيدوا من املاكهم بشكل ما

انا موش معاهم بس موش ضدهم كمان لانه فيه ناس لسه بتدفع 7 جنيه فى الشهر

واقتراحى تحاولوا تتفاوضوا معاهم حوالين المبلغ الكبير يعنى ده موش تمليك وتتكلموا على الاساس ده ده حق انتفاع ولمدة محددة لو عاوزين تبيعوا نشوف المتر بكام وممكن ينزلوا معاكم شوية

انا طبعا فاهمة ارتباطكم العاطفى بالمكان خاصة ده اللى اتربيتوا فيه طول عمركم بس سامحنى ما تخلوش دى نقطة الضعف او الضغط عليكم وربنا يديم البيت الكبير واصحابه يا اخى الكريم

كل سنة واحنا طيبين

اكلت كحك طاليانى ولا لسه

ربنا يوفقكم للخير يارب

تم تعديل 21 سبتمبر 2009 بواسطة bentmasria

[Grandma]

في 20/09/2009 at 22:18, Scorpion said:

عودة الي هذا الموضوع مرة أخري .. و الذي جد عليه جديد تحول فيها من موضوع ذو بعد اقتصادي حاولت ان اناقش فيه وضع عام ... الي شأن شخصي لم أفكر فيه أبدآ من قبل .. و لم أجد غيركم كي أسأله المشورة ..

في نقاط ...

الشقة كما تم شرحه سابقآ ايجار قديم ( اوائل السبعينيات )

أنتقل الوالد الحبيب الي رحمة خالقه ....

ايصال الإيجار الذي تدفعه الوالدة الآن ( متعها الله بالصحة ) أصبح بأسم "ورثة فولان الفولاني"

أصحاب البيت نفسهم ورثة متصارعين و المسئول عنه حارس قضائي

الجانب الشخصي :

هذا المنزل بالنسبة لي هو رصيدي الحي من الذكريات ... هو غطائي .... هو ابي و أمي

و لا أستطيع ان أتخيل انه يومآ ما لن يكون باستطاعتي لا أنا و لا أخوتي ( الموجودين بالغربة هم أيضآ ) ان ندخله

لذا و بعيدآ عن الحقوق القانونية و الدخول في سكك المحاميين و البيروقراطية التي أكرهها بشدة .. عملت عملية "جس نبض" مع أحد الورثة لتغيير العقد بأسمي .. و كان الطلب 50.000 جنيه .. و ايجار شهري 100

و العقد اعتقد انه سيكون شيئآ اسمه عقد انتفاع لمدة 99 سنة ( حاجة كده زي قناة السويس )

الآن و لعدم خبرتي و معرفتي اطلاقآ بمسائل مماثلة ...

هل هذا من الممكن ان يكون عقد سليم .. و الثمن عادل ؟؟

هناك من أخبرني ان الشقة بحكم القانون من حق ورثة الجيل الأول فقط .. لذا من حقي بعد عمر طويل ان تستمر في حوزتنا مع دفع الأيجار بصفة مستمرة و في تلك الحالة لا أحتاج لأبرام عقد جديد..

هل هناك من مر بتجربة مماثلة ... او من يستطيع ان يشور علي بالأسلوب الصحيح في حالة مماثلة ...

و أشكركم بالفعل مقدمآ علي أي اهتمام تولونه لهذا الطلب .... و لكن يشفع لي أنكم العائلة التي أنتمي لها ...

يا أستاذ سكوربيون حضرتك ما قولتلناش عملت ايه ؟ دفعت الخمسين ألف ولا طيرت الشقة من إيدك ؟ 

[Scorpion]

لأ يا مدام Grandma ... المحامي حذرني من شيء مماثل لأن البيت زي ما اوضحت سابقآ يتصارع عليه عدة ورثة و الذي يدير شئونه هو حارس قضائي.. و قد يطعن ايآ من الورثة علي عقد اقيمه مع واحد منهم .. و انا مش فاضي لبيروقراطية الأجراءات ... و الفترة التي اقضيها في مصر افضل ان استغلها لأقصي درجة بعيدآ عن المحاكم ...

 

[عادل أبوزيد]

لم أقرأ هذا الموضوع من قبل للآخر ... كنت قد قرأت محاولات حضرتك لإثبات أن صاحب البيت قد إقتضى ما يوازي أو يزيد عن قيمة البيت ، و على هذا الأساس إفترضت أن حضرتك من هؤلاء الذين أشربوا في قلوبهم الإشتراكية  .. إشتراكية الستينيات بكل "عبلها"  و أضفت مداخلة طويلة تعقيبا علي موضوع 

 

و قرأت المداخلة على زوجتي  فكان رأيها أنها "عايمة" بمعنى أنها ليست في صميم الموضوع ... سأقوم بحذفها من هناك و أضيف خلاصتها هنا أن حسابات حضرتك أغفلت تماما أن صاحب البيت ذاق الضنى و وضع القرش على القرش من أجل بناء بيت يستر العيال  و كان هذا المشروع  - بناء البيت - مخاطرة كبيرة  ، يعني ليس شريرا  و الإشتراكية ظلمته ظلما كبيرا  بل أن أزمة المساكن التي عانت و تعاني منها أجيال و أجيال سببها  الإيجارات القديمة.

أتعاطف معك جدا  في الحنين للبيت الكبير و مراتع الصبا   و أظن مع أسعار الصرف الحالية  يمكنك معاودة التفاوض مع الحارس القضائي نفسه  ال الخمسين ألف جنيه  أكيد تغيرت الآن و كذا ما يعادلها بعملة البلد تعيش فيها .