اعيد من ايطاليا إلى تراب الوطن فحاول الانتحار في مطار القاهرة

[capitshino]

أنقذ رجال الأمن بمطار القاهرة الأحد شابا مصريا من محاولة الانتحار بدورة المياه، بسبب ترحيله من إيطاليا وفشل محاولته الهجرة إليها.

وقالت وكالة أنباء الشرق الاوسط ان الشاب - 25 عاما - كان قد عاد بصحبة 47 آخرين مرحلين من إيطاليا، وهو فى حالة نفسية سيئة حيث فقد "تحويشة عمره" فى محاولة الهجرة إلى إيطاليا .

وبعد إنتهاء التحقيق مع المرحلين وأثناء إنصرافه من صالة الوصول دخل إلى دورة المياه بالصالة وإستخدم موس حلاقة فى جرح يديه الاثنين، إلا أن رجال الأمن بقيادة العقيد أحمد عمار بإدارة التأمين بالمطار تمكنوا من إنقاذه ونقله لإسعافه.

وأمر اللواء سامى دراز مدير أمن المطار بتحرير محضر للشاب

(المصدر موقع مصراوى الالكترونى)

[ايهاب سالم]

معذور

من فرحة رجوعه الوطن

[capitshino]

معذور

من فرحة رجوعه الوطن

طيب اوعى ترجع بقى لتفرح

[ايهاب سالم]

معذور

من فرحة رجوعه الوطن

طيب اوعى ترجع بقى لتفرح

أنا بأرجع كتير

ده أنا كنت لسه هناك في مارس الماضي

بس مش بأعمل في نفسي كده

عشان بأكون حزين لأني عارف إني ماشي تاني :pasha:

تم تعديل 14 يوليو 2008 بواسطة ايهاب سالم

[م.سامح المصرى]

ما عندهوش تفكير

مهوس بالهجرة تفكير ما يطلقش علية تفكير

لو كان بتحويشة العمر دى بدأ مشروع صغير فى مصر كان ممكن يكبر

انما تفكيرة زى تفكير كتييييييييييييير جدا مهوسيين بالهجرة

وربنا يسامحه على الى هوا كان هايعملة فى نفسة

علشان الهجرة كان هايخش جهنم

نسي دينه انما افتكر الهجرة اهم حاجة الهجرة بقت دلوقتى اهم من تعاليم الرسول وافعالة

ودينا وناس دلوقتى بقت تفضلها على ربنا والعياز بالله

[capitshino]

ما عندهوش تفكير

مهوس بالهجرة تفكير ما يطلقش علية تفكير

لو كان بتحويشة العمر دى بدأ مشروع صغير فى مصر كان ممكن يكبر

انما تفكيرة زى تفكير كتييييييييييييير جدا مهوسيين بالهجرة

وربنا يسامحه على الى هوا كان هايعملة فى نفسة

علشان الهجرة كان هايخش جهنم

نسي دينه انما افتكر الهجرة اهم حاجة الهجرة بقت دلوقتى اهم من تعاليم الرسول وافعالة

ودينا وناس دلوقتى بقت تفضلها على ربنا والعياز بالله

الله يفتح عليك يا مهندس سامح

فعلا بعض الناس ممكن تبيع دينها علشان دنياها .. واتمنى ان ماحدش يطلع علينا ويحمل البلد المسئولية

البلد زفت مافيش شك . انما فى ناس بتحاول تعيش

وفى ناس بتترحل برده بس مش بتحاول تنتحر

تخيلو كده يوم القيامة والاخ ده لو كان مات وقابل ربنا يقوله ايه؟؟؟؟؟؟؟؟؟؟؟؟؟ يقوله انا كنت هانتحر علشان رجعت من ايطاليا لبلدى واهلى.

خلص الكلام

[الحازم حسن]

وجايلكم نفس تهزروا ؟!!!

لا حول ولاقوة إلا بالله العلي العظيم

[capitshino]

وجايلكم نفس تهزروا ؟!!!

لا حول ولاقوة إلا بالله العلي العظيم

مش فاهم - تقصد ايه

[aimen]

بالله عليكم حد يعرف ظروفه حد يعرف باع ايه ولا اتداين بكام ؟ كفاية بقى ...من حقه انه يحلم زى غيره ...لا تلوموه مش نبقى احنا قاعدين فى مكاتب مكيفة ومش حاسين بالناس وعمالين نلقى بكلام لا معنى له ...مش بيقولوا ايه اللى رماك على المر ؟ اللى امر منه ...

اللهم يسر له امره وفرج همه واعده لأهله سالما ......يارب

[capitshino]

بالله عليكم حد يعرف ظروفه حد يعرف باع ايه ولا اتداين بكام ؟ كفاية بقى ...من حقه انه يحلم زى غيره ...لا تلوموه مش نبقى احنا قاعدين فى مكاتب مكيفة ومش حاسين بالناس وعمالين نلقى بكلام لا معنى له ...مش بيقولوا ايه اللى رماك على المر ؟ اللى امر منه ...

اللهم يسر له امره وفرج همه واعده لأهله سالما ......يارب

طيب وتفتكر ان ده مبرر لانه ينتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخى الفاضل فى حديث عن الرسول صلى الله عليه وسلم معناه

لقد كان من قبلكم ليمشط بأمشاط الحديد ما دون عظمه من لحم أو عصب ما يصرفه ذلك عن دينه ويوضع المنشار على مفرق رأسه فيشق باثنين ما يصرفه ذلك عن دينه،

مش رجع من ايطاليا فعاوز ينتحر. وتقولى مكاتب مكيفة ومش حاسين

[ايهاب سالم]

اللهم يسر له امره وفرج همه واعده لأهله سالما ......يارب

هو عاد خلاص

وعمل في نفسه كده عشان عاد

الكلام ده حصل في مطار القاهره يا أيمن

[ايهاب سالم]

طيب وتفتكر ان ده مبرر لانه ينتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد قال إن ما فعله هذا الشاب المسكين مبرر

[capitshino]

طيب وتفتكر ان ده مبرر لانه ينتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد قال إن ما فعله هذا الشاب المسكين مبرر

ايوة قالو .. ارجع لمداخلة الاخ ايمن

[ايهاب سالم]

طيب وتفتكر ان ده مبرر لانه ينتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد قال إن ما فعله هذا الشاب المسكين مبرر

ايوة قالو .. ارجع لمداخلة الاخ ايمن

أنا فاهم من كلام أيمن إنه تحليل و تفسير و تعاطف

لكن مش تبرير

[nizza la bella]

الحمد للة ان رجع بالسلامة

وانى متاكد ان الشاب دة كان بيحلم كاى شاب ,اوربا يعنى شغل و مال وحياة افضل .

للاسف اوربا الان تختلف عن زمان ,

ولما بنقولهم الكلام دة بيكون الرد !!!!! :happy:

يعني حضرتكوا عايزين تقنعوني ان كل الشباب اللي بيروحوا وراحوا اوروبا وامريكا واستراليا كلهم واخدين اقامة وتصريح عمل ازاي يعني

ثانيا انا اعتقد ان في وسائل كتير وانتوا اما مش عارفينها او عارفينها ومش بتقولوا زي اغلب الناس اللي تسألهم عن الغربة يقولك الحياة مستحيلة وانصحك متجيش وهو يفضل قاعد حوالي 30 سنة زي عمي اللي في امريكا

يا ريت تجاوبوني الملايين اللي في الدول دي راحوا ازاي ؟؟؟؟

مع العلم انهم مازالوا بيروحوا.

على فكرة دة كان تعليق من عضو

[capitshino]

طيب وتفتكر ان ده مبرر لانه ينتحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد قال إن ما فعله هذا الشاب المسكين مبرر

ايوة قالو .. ارجع لمداخلة الاخ ايمن

أنا فاهم من كلام أيمن إنه تحليل و تفسير و تعاطف

لكن مش تبرير

كلنا متعاطفين او معظمنا. اعتقد ان اللى مايتطعاطفش مع موقف زى ده او شخص زى ده مايبقاش مصرى . وكلنا زعلانين ان الوضع وصل لكده

بس صدقنى مهما كان ماتوصلش لدرجة انتحار. الوضع لسه ماوصلش للدرجة دى لان ان تعرف عقوبة المنتحر فى الاخرة . وبعدين مهما كان وضعه - يعنى مثلا لو مش عارف ياكل ولاده او اهل بيته ينتحر؟ مش ده يكون هروب وبكده ممكن يزود الهم على اهله

فعلا الهجرة بقت وهم كبير عند الناس . مش موضوع الشغل نفسه لان كما ذكر احد الاعضاء ان المبلغ ده كان حاول يعمل اى شئ

كان سافر الخليج حتى . مهما كانت وظيفته هيلاقى قرش اخر كل شهر ويحاول يمشى حاله بيه لغاية لما ربنا يرفع الغمة عنا وعن البلد

خلص الكلام

[كارمن]

بالله عليكم حد يعرف ظروفه حد يعرف باع ايه ولا اتداين بكام ؟ كفاية بقى ...من حقه انه يحلم زى غيره ...لا تلوموه مش نبقى احنا قاعدين فى مكاتب مكيفة ومش حاسين بالناس وعمالين نلقى بكلام لا معنى له ...مش بيقولوا ايه اللى رماك على المر ؟ اللى امر منه ...

اللهم يسر له امره وفرج همه واعده لأهله سالما ......يارب

تحياتى للجميع \\

اعتقد ان كلنا من حقنا نحلم ودة حقة محدش يقدر يلومة انما لما الحلم ميتحققش مش لازم ابدا نياْس من رحمة ربنا وندور على طريقة تانية نحقق بيها الحلم دة

واعتقد ان دة اللى مزعل الاخوة منة وبعدين مش كل اللى بيسافر بينجح دى ارزاق

اعرف حد قريب منى اخد مبالغ وسافر اوروبا ولطشت معاة على الاخر واتهم فى قضية وبعتنا فلوس للمحامى باليورو يعنى اضرب فى 8 وخرج الحمد لله

رجع عايز فلوس علشان يعمل ورق طبعا مبالغ وبعتنا واتنصب علية وراحت الفلوس كل دة ورافض النزول واحنا بنصرف علية هناك 10 سنين لم يفعل اى شىْ

او يجرب رزقة فى مكان تانى انا راْيى ان هو كمان استسلم انما بشكل تانى

ربنا امرنا بالسعى وعدم الياْس والا لو الحكاية كدة كنا كل يوم سمعنا بعشرات انتحرو لمجرد ان حلمهم تعثر وحلم السفر الى اوروبا مش ديما وردى

خصوصا انهم مش بيسافرو بشهادتهم او عقد او اقامة دة هو وحظة يعنى اللى يقدم على تجربة زى دى يفكر 100 مرة بعكس البلاد العربية الحكاية ابسط

تم تعديل 15 يوليو 2008 بواسطة كارمن

[aimen]

انا ما تكلمت نهائيا عن الإنتحار - اقصد حلم السفر و نتائجه هى ما قصدت ...مشكلتنا فى مصر ان نسبة ما من الناس فاهمه انه بمجرد وصوله الى اى دولة سواء كان بطريقة شرعية أو غير شرعية وسواء كان رايح يشتغل حاجه يعرفها ولا لأ ...دا كفيل بجعله مليونير ....عاوز تلعبها العبها صح .....كلنا نتمنى نفتح مشاريع فى مصر لكن هل مصر فعلا بيئة جيدة لأى مشروع حاليا ؟ خلص الكلام

[المرشد]

لا حــول ولا قــوة إلا بالله

الواحد مش عــارف يعــذره ولا يــزعل منــه

في الأول وفي الأخـر مفيش حاجة في الدنيــا تستـاهل المـوت أو الكفـر عشانهــا

يعنـى لو معندوش إمكـانيـة الهجرة السليمــة كان يفتح مشروع بتحويشــة العمـر اللى عملهــا

أو يروح دولـة عربيـة

ربنــأ يستــر عليــه ويسامحــه

خلينــا برده نقــول حاجـة أخيــرة

ومــا ربـك بظالم للعبيــد

أكيــد ربنـأ نجاه وبيخبئ له بالقـدر ما يعــوضـه

خلينــا ندعيلـه بالمغفــرة ياجمــاعـة الخيــر

[capitshino]

كلنا نتمنى نفتح مشاريع فى مصر لكن هل مصر فعلا بيئة جيدة لأى مشروع حاليا ؟ خلص الكلام

مصر كويسة لو انت مليونير . او تدخل فى العقارات بس الموضوع دع عاوز فلوس كتير.