تصدّق ولاّ ما تصدّق ( أغنيه)

[daktara]

لا قربك لىّ حيغرّق

ولا ف بعدك حنتفرّق

باحبك يا ضيا عمرى

تصدّق ولاّ ما تصدّق

******

تغيب عنى وتوحشنى

وأتعجّب واستغرب

تناوشنى .. تناغشنى

وبعد البعد بتقرّب

تقول لى كلام ملوش آخر

واقول لك برضو م الآخر

لا تتردد ولا تدقق

ولا تحاسب ولا تحقق

لا قربك لىّ حيغرّق

ولا ف بعدك حنتفرّق

باحبك يا ضيا عمرى

تصدّق ولاّ ما تصدّق

******

حبيبى لو مآلمنى

وظالمنى ... أنا راضى

عشان فاهمك وفاهمنى

وبتلاعبنى ع الفاضى

مفيش داعى لتكشيرك

مفيش فى دنيتى غيرك

تعالى نعيش سوا بكره

ومانفكرشى فى الماضى

لا تتردد ولا تدقق

ولا تحاسب ولا تحقق

لا قربك لىّ حيغرّق

ولا ف بعدك حنتفرّق

باحبك يا ضيا عمرى

تصدّق ولاّ ما تصدّق

******

حبيبى .. يا حبيب عمرى

معايا ولاّ بتفكّر

توافينى .. تجافينى

تبكّر ولاّ تتنكر

تعالى حب واتهنى

ونام فى القلب واتمنى

دانا بهواك .. كأنى ملاك

بيتباهى ويتمخطر

لا تتردد ولا تدقق

ولا تحاسب ولا تحقق

لا قربك لىّ حيغرّق

ولا ف بعدك حنتفرّق

باحبك يا ضيا عمرى

تصدّق .. أيوه حتصدّق