طبيب امتياز ومشكله جامده نرجو من الجميع حلها

[samojoo]

بسم الله الرحمن الرحيم :)

هذه حكايتى و مشكلتى باختصار واللى يلاقى حل ياريت مايبخلش بيه وماذا تفعل لو كنت مكانى. :blush2: :happy: انا درست بكلية الطب و الحمد له خلال الدراسه كنت فاتح مكتب صعير لصيانة الكمبيوتر و المبيعات و غيره و بصراحه كنت بصرف على نفسى و كنت بحب بنت جدا و الحمد لله انهيت الدراسه و بدات الامتياز منذ شهور و فى العام الماضى ارتبطت بهذه الفتاه و كتبت كتاب والحمد لله و لكن صدمت بمرتبى و هو 250 جنيه لو شلت منه المواصلات اليوميه 90جنيه شهريا و غير مصاريفى و عيره هتلاقى الوضع بايظ انا مش لاقى حل جربت انزل اشتغل فى مركز طبى او مندوب ادويه لكن فى موضة النصب على الشباب المحتاج لاى فرصه :blink: فهذا كله لا يجدى و قعدت فى البيت مكتئب و قرفان لانى مطلوب شقه وومصاريف وخلافه و على فكره كل الناس قالولى خليك فى مجالك وابعد عن الكمبيوتر فانت طبيب و طبعا انا حاسس ان الحياه متوقفه :blush2: هل ارجع للكمبيوتر هل ينفع اسافر ولا اعمل ايه ؟؟؟ايه المصدر اللى اقدر بيه اكون نفسى.. مش لاقى حل wst:: :blush2: والى كان فى الظروف دى من اطباء وسافر عمل ايه؟؟

[Alshiekh]

بسم الله الرحمن الرحيم :)

هذه حكايتى و مشكلتى باختصار واللى يلاقى حل ياريت مايبخلش بيه وماذا تفعل لو كنت مكانى. :blush2: :happy: انا درست بكلية الطب و الحمد له خلال الدراسه كنت فاتح مكتب صعير لصيانة الكمبيوتر و المبيعات و غيره و بصراحه كنت بصرف على نفسى و كنت بحب بنت جدا و الحمد لله انهيت الدراسه و بدات الامتياز منذ شهور و فى العام الماضى ارتبطت بهذه الفتاه و كتبت كتاب والحمد لله و لكن صدمت بمرتبى و هو 250 جنيه لو شلت منه المواصلات اليوميه 90جنيه شهريا و غير مصاريفى و عيره هتلاقى الوضع بايظ انا مش لاقى حل جربت انزل اشتغل فى مركز طبى او مندوب ادويه لكن فى موضة النصب على الشباب المحتاج لاى فرصه :blink: فهذا كله لا يجدى و قعدت فى البيت مكتئب و قرفان لانى مطلوب شقه وومصاريف وخلافه و على فكره كل الناس قالولى خليك فى مجالك وابعد عن الكمبيوتر فانت طبيب و طبعا انا حاسس ان الحياه متوقفه :blush2: هل ارجع للكمبيوتر هل ينفع اسافر ولا اعمل ايه ؟؟؟ايه المصدر اللى اقدر بيه اكون نفسى.. مش لاقى حل wst:: :blush2: والى كان فى الظروف دى من اطباء وسافر عمل ايه؟؟

أعتقد ان المشكلة انك مستعجل حبتين

أقول ذلك لانك يادوبك أمتياز ، وحتى لو الاهل ساعدوك فى تأثيث عش الزوجية فستبقى المشكلة فى مرتب الامتياز المتواضع.

والسؤال الأهم هل أغلقت مكتب الكمبيوتر؟ وهل يمكنك تشغيل ناس فى المكتب وتتفرغ انت لعملك واللى ييجى من المكتب حايسعدك بلا شك.

عموما الدنيا اتخلقت فى ستة ايام ، مافيش حاجة بتتم فى يوم وليلة ، وان شاء الله حاتتوفق وتتعدل .

[طوبى للغرباء]

السلام عليكم ورحمة الله وبركاته

تحية طيبة وأسال الله ان ييسر لك امرك نعم اشعر بحجم المرارة التى تشعر بها وانت واقف مكتوف الايدى

وعندك مسؤلية كبيرة وأنت مقدم على الزواج لكن نصيحتى طالما عندك مشروع الكمبيوتر الصغير فأنصح الا تتخلى عنه بجانب شغللك الاساسى وهو كالطبيب

فى الامتياز واصبرى فان الصبر مفتاح الفجر وياسيدى اتجوز بأى حاجة كما فعلت وحضر الماجستير وبعدين على طول على برة متستناش وهناك بقى ابدأ فى

تحضير الزمالة وعيش حياتك لكن لا انصح بالسفر الان لا هاتفرق معاك كتير فى الراتب غير كدة فى اطباء كتير هنا فى الخليج يخلص الامتياز وهب على برة

على طول وطبعا السنة بتجرى وراء السنة وهو زى ماهو بل ممكن يمر عليك عشرين سنة وهو ممارس عام لا لازم يكون عندك طموح كبير خلص

الماجستير وتعالى على اى بلد خليجىولكن خلى بالك لا تطلع عن طريق الشركات الموجودة فى مصر اولا بتاكل حقوق الناس اطلع عن طريق وزارة

الصحة او مكتب التوظيف السعودى مثلا وختاما ربنا يوفقك واصبر وعليك بالاستغفار الكثير فأنه مفتاح الرزق

[Nonna]

بص يا دكتور

رأيي الشخصي من تجارب الاخرين

اولا حضرتك لسة في امتياز يعني لسة شوية على كارنيه نقابة

و غالبا كدة فرصة السفر هتكون قليلة شوية

و لو حصل و سافرت باي صورة من الصور دون ان تنهي الامتياز

غالبا كدة مش هتنهيه خااااااااااااااالص

و ان سفرت بعد امتياز على طول كممارس عام

صدق او لا تصدق

و ما تزعلش مني في دي الكلمة

اطباء الامتياز في الخارج مرمطونات

يعني ما تفتكرش انك هتبقى مرتاح

بيطلعوا عين الواحد و هتلاقي نفسك في الاخر بتشتغل بجهد ووقت اكبر بكتير من القيمة المادية اللي هتعود عليك

و حصل انى قلت اقرا كدة و اشوف العروض

مرتبات سيئة جدا

انما هو حل اذا كنت هتتحمل عبء الغربة و البهدلة في الشغل و قلة النوم و خلافه

و بعدين الشرط الاهم

انك لازم ترتقي في شهادتك و تحصل على تخصص اصلك مش معقولة هتفضل في اللي انت فيه كتير

فضروري اذا سافرت تبدأ تحضر من هناك زمالة في اي تخصص تشوفه و حاول تشوف التخصصات اللي فيها احتياج

ده نقطة

النقطة التانية بقى

في رايي

تفضل في مصر مبدئيا يعني

و تنتظر بس انك تنهي امتيازك لان المرتب نوعا ما بيزيد في التكليف

عارفة ان 500 جنيه ملاليم ما تأكلش عيش حاف حتى

انما حضرتك محتاج و بقوة مصدر دخل تاني

مكتب الكمبيوتر ده ياريت تشغله مرة تانية

و زي ما قال استاذ محمد لو في ناس تثق فيهم يشغلوا المحل

يبقى كويس

و حضرتك تستمر في امتيازك

بالنسبة للتكليف و ربنا يسامحنى بقى في اللي هقوله و ما كنش بحرضك على حاجة غلط

اعرف ناس كتير كانت بتروح تمضي حضور

و تخرج على مستشفيات خاصة

و بالليل مستوصفات

و ده طريقة ممكن تبدأ فيها من دلوقت اذا حبيت

انزل مستشفيات خاصة او مستوصفات خيرية

اعتقد ان الفلوس بتبقىبالاسبوع

و بيتم حساب اليوم كأقل تقدير يعني 24 جنيه

و الدوام بيبقى من 8 الى 12 ساعة

_عدد ساعات العمل أقصد يعني_

حاول بقىتعمل مشاريع جانبية

و امرك لله

و ياريت بقى لو الاهل يساعدوك شوية في موضوع الشقة و العفش و كدة

و يارب يكرمك ان شاء الله

ويوفقك للي فيه صالحك و يتم زيجتك على خير

[samojoo]

ياجماعه و الله انا متشكر جداا gra:- للردود المفيده دى و على فكره انا قفلت المكتب الصغير ده من سنه و نزلت مركز طبى بشبرا وصاحب المركز سورى يعنى اكل علينا فلوسنا و كانك ياابو زيد :gather: ماغزيت ..بفكر اروح شرم الشيخ او الغردقه اشتغل :big_boss: بس مفيش فرصه ادامى و بصراحه انا brd:: :angrycop: وبسال الحكومه بتاعتنا يعنى هو الواحد يعمل ايه يعنى و يجيب دخل منين عشان يعيش عندنا 25 سنه و لسه مش عارفين نعمل ايه انا مش يائس انا مش زعلان انا بس عايز اقول على ما اعرف اجيب فلوس من الطب لسه على الاقل 3سنين يكون الواحد حمض و بقول فى النهايه هو ده سبب انتحار 1200 حاله سنويا فى مصر 60%من الشباب حسبى الله و نعم الوكيل فيكى يا حكومه ..انا شعرى شاب ..عجزت قبل الاوان..انا وكل الشباب..بنوجه الرساله دى بصوتنا ..الى جمهورية مالطا العربيه..ليه يابا دخلتنى الطب يبقى انت و الحكومه علينا ..يلا ..دنيا ماتسواش ..

[ايهاب سالم]

انا بس عايز اقول على ما اعرف اجيب فلوس من الطب لسه على الاقل 3سنين يكون الواحد حمض و بقول فى النهايه هو ده سبب انتحار 1200 حاله سنويا فى مصر 60%من الشباب حسبى الله و نعم الوكيل فيكى يا حكومه ..انا شعرى شاب ..عجزت قبل الاوان..انا وكل الشباب..بنوجه الرساله دى بصوتنا ..الى جمهورية مالطا العربيه..ليه يابا دخلتنى الطب يبقى انت و الحكومه علينا ..يلا ..دنيا ماتسواش ..

[مصري جدا]

الأخ العزيز

شوف انا حقولك علي راي من زميل اكبر منك ب 26 سنه

علشان تاكل عيش وبقلاوه من الطب يبقي لازم تكون طبيب محترم .....يعني ايه محترم ......يعني معاك شهاده محترمه زي الزماله البريطانيه في الفرع اللي تفضله ..او البورد الأمريكي أو حتي العربي

طيب وعلشان تحقق ده لازم تحدد هدفك اولا

1_ انت عاوز تكمل طبيب ولا لأ لأن ممكن تشتغل اي عمل حر في المقاولات في التجاره في مجال الكومبيوتر اللي كنت بتشتغل فيه ..وماتزعلش علي سنين راحت في الدراسه برضه لها فايده ...حيتقالك يادكتور بدل من يا حاج ده لو كنت مش عاوز تكمل يبقي تاخد قرارك من الأول ...وانا لي زمايلي دفعتي يعني ..اللي عنده مكتب مقاولات واللي فتح مجموعة مطاعم والحمد لله كلهم ناجحين في مجالهم وحالتهم الماديه ممتازه ..وبلا طب ولا همه

2_ لوكنت غاوي الطب يبقي زي ما قلت لك تبقي طبيب محترم ...بس ده مطلوب له فلوس ..مع مصاريف الجواز يبقي الخطه كما يلي

_الهدف جمع المال في خلال 3 سنوات للجواز والدراسه ودي تيجي من اختيارك فترة التكليف في الصعيد ...من اسيوط وطالع .....علي ايامنا كان زمايلي بيعملوا في الشهر من 3000 الي 5000 في الشهر سنة 1984...

اثناء الفتره دي تكون بتذاكر الزماله وتدخل امتحانات الجزء الأول والتاني ....وعلي انتهاء ال 3 سنوات يكون معاك الجزئين من الزماله

_تيجي الخطوه التانيه ..ممكن هنا تسافر دوله عربيه وساعتها حتاخد مرتب كويس ويكون هدفك الحصول علي الجزء الثالث من الزماله ...يعني تختار مستشفي تكون معترف بها من الهيئه الممتحنه ....او تعمل فلوس وتسافر بها انجلترا تاخد الجزء الثالث ..وساعتها لما تاخده ...تبقي بدأت اول وجبات العيش والشهد ....

اعتقد انك تقدر تطلع من كلامي وكلام من سبقني برأي وتاخد قرارك ..وربنا يوفقك

تم تعديل 17 يوليو 2008 بواسطة مصري جدا

[آل مصريم]

نصيحتى لك لا تحاول السفر لدول الخليج تحديدا حتى لو كانت هناك فرصة قبل الحصول على درجة فى أحد التخصصات و مرور 3 سنوات بعدها بدون ذلك تضع نفسك فى موضع سىء جدا و غالبا تكون قصة فاشلة لا قدر الله.

رد مصرى جدا هو رد عملى أحترافى.

موضوع الزواج عليك أن تتفاهم معها أولا و مع أهلها ثانيا ... إن الطريق طويل و يحتاج صبر أيوب حتى يؤتى ثماره. الطب مهنة شاقة و موضوع إن دكتور عنده خمسة عين و هو شباب فى أفلام الأبيض و الأسود أيام الدكتور عماد حمدى و الدكتور حسين رياض لا يوجد إلا فى هذه الأفلام... أو بعد سنوات من العمل الشاق و الصبر.

[ايهاب سالم]

قبل ملء إستمارة التنسيق إسمع كلام نقيب الأطباء

: لا تدخل كلية الطب

1- لا تدخل كلية الطب بدعوي أنك تريد تخفيف الألم والمعاناة عن خلق الله لأن ذلك سيستلزم من أهلك مالا كثيرا وتضحيات كثيرة ربما لا تدركونها الآن ولن توافق عليها بعد التخرج فأنت وأهلك الآن مدفوعين بشعور آخر وتعيشون أحاسيسا أخري ، لكن حينما تتخرج وتتزوج ويطالبك المجتمع بمظهر الدكتور وعيشة الدكتور ستضطر آسفا أمام إلحاح المجتمع للتنازل عن الضمير وأخلاق المهنة ، وسوف يكون من الحكمة ياحكيم أن تجبن أحيانا ، وحينها سوف تضطر لإجراء أكبرعملية تكبير للجمجمة في تاريخك بعد أن تكون طبعا قد حلقت00ونفضت وتروشنت

2- لا تدخل الطب إذا كنت مرفها أو فافي فالطب دم وبول وبراز ورائحة عرق وإفرازات عفنة وأشلاء ممزقة

3- لا تدخل الطب لأن مكان عملك بعد التخرج غير لائق وستضطر لأعمال لاترضاها ، ومكان سكنك في المستشفيات خارج القاهرة أقل بكثير من المعتقلات فلك أن تتخيل أن ثمانية أطباء يتبادلون النوم علي سريرين بدورين في غرفة ، وسوف يقدم لك أكلا كعلف الدواجن ولكنك مضطر له وستتمناه وتعارك للوصول له ، أخرج وشاهد بنفسك لاتصدق غير عينيك ، لا تحصر نفسك في أوهام المستشفيات الزجاجية والرخامية والتكييف المركزي ومناظر التليفزيون

4- لا تدخل الطب لأن مرتبك لن يكفيك ومطلوب منك التفرغ الكامل وممنوع عليك أن تعمل أي عمل لتحسين دخلك تظهر فيه أمام الجمهور فليس لك بعد مواعيد العمل إلا العمل مكوجي رجل أو الغوص00 وإلا ستفقد حوافزك

5- لا تصدق أنك ستأخذ 2000% فهذه للمديرين وكبار الأطباء ولن تحصل علي تقييمك إلا بعد أن تفقد ماء وجهك وكرامتك لمن يفتش عليك من مديرك إلي موظفين معينين بالإعدادية ثم يعطوك نسبة تفضلا منهم لأنك مطيع وماشي جوة الحيط ، وفي أغلب الأمر لن تتعدي الـــ250% من أساس مرتبك الذي هو 132جنيه 00

6- لا تدخل الطب لأنك قد تعمل مفتشا للصحة وتفتش علي طباخ بلا مؤهل مرتبه الأساسي عشرة آلاف جنيه وحوافزه كذلك ، أومحاسب في فندق مرتبه عشرين ألف وحوافز وتذاكر طائرات وسيارات وإقامة في الفنادق في بوفيه مفتوح حتي آخر العمر

7- لا تدخل الطب لأن الطبيب أقل دخلا من المدرس الذي يعطي دروسا علانية ، وأقل من أي عامل أو بلية له صلة بالجاز ومشتقات البترول فلقد إنقلب الهرم ولا يمكن إعادته0

8- لا تدخل الطب لأنك قد تعمل بضمير وحب للوطن وللمرضي ثم ينسف كل ذلك وشاية أو كلمة لمديرك من فهلوى متربح بالطب يتمني لو تفسح له الطريق لأطماعه ولو بموتك ، ولأنه يجيد فن التسلق فسيكون هو رئيسك00فتكفر بمبادئك وتصاب بجلطة أوسكر أوضغط ،

9- لا تدخل الطب إذا كنت لم تستأصل الضمير فإن شركات الأدوية تعطي لبعض أطباء العيادات الخاصة هدايا ورحلات للخارج تحت مسمي حضور مؤتمرات ليصفوا الدواء الخاص بشركاتهم ؟ ويراجعون الصيدليات القريبة منهم للتأكد من تصريفهم لذلك الدواء ؟ ستكون كذلك وربما أسوأ بعد تخرجك

10- لا تدخل الطب لأنك حصلت علي مجموع الطب بل وظف مواهبك ومكاسبك لسوق العمل بدون شعارات كاذبة

11- لا تدخل الطب لأنه لن يشجعك أحد بل ستقتل كل مواهبك وسوف تتمني أن تحصل علي علاوة تشجيعية 4جنيه مدي الحياة ولن تطولها

12- لا تدخل الطب فهذا القطاع يديره من يتفننون في إهدار الموارد والطاقات البشرية خاصة التقية النقية الذكية

13- لا تدخل الطب إلا إذا كان لدي أحد والديك مستشفي أو عيادة خاصة أو لديك من يمول سفرك إلي الخارج لإستكمال تعليمك ثم العودة لإستنزاف كل ما صرف عليك من دم المرضي لأن هذا هو واقع السوق

14- لاتدخل الطب إلا إذا كنت مهرج سيرك يمكنك أن توازن بين ثالوث سوق العمل الطبي : 1- ربع "علم" أو أقل ، 2- ربع" وجاهة "وكلام منمق معسول ، 3- النصف الباقي " فهلوة "علي مديريك وعلي المريض ودعاية وإعلان وإقناع المريض وأهله بعجائب قدراتك العلاجية

15- إدرس بكل تعقل و حدد من أنت وماذا تريد قبل ملء إستمارة التنسيق 000

ألا هل بلغت اللهم فاشهد

د/ محمد حسين عبد الحميد مفتش صحة نويبع / جنوب سيناء

dahabhospital@hotmail.com

[samojoo]

بعد الشكر لكل الردود و الله ياجماعه انا حاسس انى باخد نصايح غاليه من اخواتى الكبار و ابائى و بشكر الجميع .احب اقول *ولا بلاش كلمة احب دى*عايز اقول ان الشاب من حقه يحلم و للاسف احنا فى زمن و فى بلد بتقتل حلم الشباب و لكن يبقى الامل.ياجماعه انا هبدأ تكليفى اول 3 /2009 وانا ليا جيش ومش عارف هتبقى ظروفه ايه؟ المهم دلوقت انا ليا رجاء اى حد يقدر يحللى المشكله دى مايبخلش لو عارف حد فى قريه سياحيه او مستشفى فى الصعيد او فى اى حته العين السخنه شرم غردقه اى قريه سياحيه او مركز طبى المهم يكون العائد كويس ويساعد.انا اخرج كل امتيازى فى المكان ده و لكم جزيل الشكر وياريت محدش يبخل يدور فى معارفه او فرص ادامه يساعدنى بيها و للمره التانيه بشكركم لمساندتكم و بشكر لكل من يهتم بالامر.

[بنت شعنونة]

اسمع بقى الخلاصة من دكتورة اشتغلا كل الشغلانات اللي تتخيلها

انت امتياز

ركز اوووووووي انك تبقى شاطر في حاجا مهمة

نسا او اطفال او باطنة

لازم تبقى لهلوب وجدع و متحرك

شركات التامين بتحتاج دكاترة صغيرة عشان يكشفوا على مرضاهم و يحولوهم للطبيب المختص

ف شغلك كله عبارة عن كتابة ريبورت على الكمبويتر

المرتبالشهري من اول 700 جنيه

دعبس على حد تعرفه في اي شركة تامين او روح حط السي في بتاعك هناك

بتشتغل في سنترال او الشركة نفسها او حسب ما يوزعوك

اللي بعده مستوصف كويس وياريت يكون في منطقة سكنك عشان لو نصب عليك تفضحه وتقرفة ف يخاف منك

النبطشية ال 24 ب 30 جنيه في احسن الأخوال بس انت لو جدع والناس حبتك ها يجولك مخصوص وساعتها هاتاخد نسبة على كل مريض

دور و دور و دور وما تزهقش في الاخر ها تعمل فلوس معقولة

او

خد تكليفك وسافر برة مرتبك ها يبقى في حدود 2000 جنيه الى 3000 بالكتير!!

وربنا معاك