مغتربة جديدة فى حيرة و اشتياق تحتاج لحل

[mony]

السلام عليكم يا اخوانى

لجأت للكتابه ليكم لمناقشة مشكلتى بعد ما احتارت واحتار دليلى

اولا انا فتاة 23 سنه انسه غير مرتبطة والدى ووالدتى متوفين من حوالى 5 سنين كنت اعيش مع اخى و زوجته فى منزلهم ولكم ان تتخيلوا الحياه فضلت اعد السنين و الايام اللى اخلص فيها كلية التجارة و ابحث على فرصه عمل بره علشان ااقدر اغير حياتى

وفعلا تخرجت و اشتغلت حوالى سنتين بعد التخرج فى شركات كبيره فى مصر و اخر مرتب تقاضيته كام 1500 جنيه طبعا ده يعتبر مرتب كبير فى مصر او نقدر نقول بدايه كويسه و ده يرجع الى الحمد الله انا بشهادة الجميع شاطرة ومتميزة فى شغلى كانت حياتى جميله قوى فى مصر بعد التخرج كنت مبسوطه بابا الله يرحمه سبلى قرشين فى البنك وجبت عربيه و كان معايا مرتبى وكنت كل يوم خروج وفسح و كان حواليا صحابى البنات اللى بيموتوا فيا وانا بحبهم قوى و كانت حياتى بنتقسم بين شغلى وصحابى وكنت بكره اللحظة اللى برجع فيها البيت عند اخويا و خصا ان ظروف اخويا المادية مش اد كده...

المهم فضلت ابحث عن فرصة عمل فى الخارج الى ان وجدت عقد عمل فى دبى الامارات وبعد تفكير عميق قررت اخوض التجربه واسافر و حسبتها انا هسافر بس هبعد عن صحابى اللى روحى فيهم لانهم مش بيقينلى مسيرهم هيتجوزوا واحده ورا التانيه و كل واحد هيروح لحاله وفعلا سافرت...

وانا الان فى دبى مرتبى حوالى 3500 درهم صافى بقالى هنا 3 سهور تقريبا دبى جميله و كل حاجه بس مفيش حياه no social life

كله فلوس وبس اه بخرج اه بروح وبجى وبجيب احسن اكل واحسن لبس اه الشغل مفيهوش ضغطت بس مفيش روح لاى حاجه انا سافرت مش علشان اكون نفسى انا مش ولد انا سافرت for better life فكرت نفسى ممكن الاقى صحاب زى صحابى البنات و اعمل جروب زى اللى كنت عماله فى مصر بس جيت هنا اتصدمت كل الناس جنسيات مختلفه ولو لاقيت اللى هتفهمك مش هتبقى فضيالك

انا بكرهه هنا الويد اند لما بيجى عليا لانى بقعد مبعمليش حاجه اه اعرف ناس هنا كويسيين بس ميجويش دفر صاحبه من صحابى اللى فى مصر اوقات احس انى تعبانه و مخنوقه و زهقانه فينك يا عربيتى فين صحابى انا هنا لوحدى...

المشكله الان بتنحسر ان جه عليا وقت الاسبوع اللى فات اتسرق الاب توب بتاعى من الاوده اللى انا فيها و بعدها حسيت ان نفسيتى تعبانه قوى و عاوزه ارجع مصر اتكلمت مع صحبيتى شغاله فى شركة كبيره كانوا عملوا معايا انترفيو قبل سافرى و هى اتكلمت معاهم و فى مكان ليا فى الشركة بمرتب 1400 او 1500 جنيه تقريبا و كل صحابى عمالين يتصلوا بيا ارجعى مضيعيش اجمل سنين عمرك بس كل ما اتخيل انى هرجع تانى ااقعد عن اخويا و مراته اكرهه حياتى فا قررت انى لو رجعت هاخد شقه لوحدى فى مصر فى نفس عمارة واحده صحبتى قريبه منى جدا ده هيدينى احساس انى مش لوحدى...فا انا لو قررت ارجع دلوقتى فى وظيفه مستنيانى وده بيدى احساس للواحد انه مخسريش كتير

الحيرة الان فى انى ااقعد وكمل المسيرة هنا لعل و اعسى انبسط ولا ارجع بلدى وسط صحابى وااقصى اجمل سنين عمرى وسطهم و لو ضاق بيا الحال ابقى ارجع دبى تانى؟؟

معلومة انا قعلا اتكلمت مع ال HR هنا و قالولى لو عاوزه تستقيلى ادفعى 3000 درهم كنسله مش مشكله بالنسبه لى عادى

معلومة كمان انا طول عمرى بحلم بالسفر و كمان قدمت على هجرة لكندا ودفعت حوالى 2000 دولار لمحامى ولسه مستنيه دورى ده لانى كنت تعبانه من عيشى مع اخويا فى بيته

معلومة هتقوليلى شوفى ابن الحلال واتجوزى انا مبفكريش ومش هفكر فى الجواز على انه حل لمشكلتى لان انا لو فكرت كده هتجوز اى واحد ساعتها حياتى هتبقى جحيم انا مش هتجوز غير بقتناع 100% ولو حد دلوقتى مجاش الاقتناع ده و كمان انا فى حياتى مفيش استقرار علشان كده مش هفكر فى الجواز على انه حل

لازم تحطوا فى اعتبركم انى غير اى حد اتغرب انا اتغربت هروب من حياه اخويا وبيته و هروب من فكره انى هبقى لوحدى لما صحابى يتجوزا لكن الفلوس عمرها ما كانت مشكله حتى الشغل الحمد الله ربنا بيوفقنى فى مصر فى حاجات حلوه

[aimen]

اللهم يسر لك امرك واهديك ووفقك الى القرار السليم ....لى عودة

تم تعديل 16 يوليو 2008 بواسطة aimen

[Salwa]

صباح الخير يامونى .

يعنى انا قلت اتكلم معاكى شوية..ندردش يعنى..وبعدها يابنتى فكرى فى كلامى .

(( حتى لمدة عشر دقايق ))...وقررى بعدها .

انا لاحظت فى كلامك اكتر من موقف يجب التعليق عليه ...قبل الاقدام على اى تصرف لاتحمد عقباه .

طبعااا حضرتك وضحتى ان العيشة فى بيت اخوكى غير مريحة ....لكن ؟؟ المفاجأة كانت لى ان من ضمن اكثر الاشياء التى لاتريحك هى ...(( حالة اخاك المادية اللى مش قوى )) ..

لاحظت ايضا ان وضعك المادى فى مصر كان ممتاز وعندك سيارة ومرتب جميل ..

(( هل كنتى تساعدين اخاكى ( وانتى مقيمة عنده ) على معيشته ؟..)....هل كنتى تتعاملين مع ابنائه على انهم اولاد اخوكى وانتى عمتهم الجميلة اللى بتحضر لهم هدايا من مرتبها المحترم ؟؟ هل كنتى مثلا بتاخديهم تفسحيهم زى ما بتتفسحى مع اصحابك الحلوين ...

اصحابك...ودى نقطة مهمة .

انتى نفسك قلتيها ...بكرة يتجوزوا ...!!

يابنتى ..الاصحاب...اصحاب بس...(( وقت التجمع الجميل ))..و...هى ..هى...ها...ها...و...هههههههه...

لكن وقت الجد ؟؟

انسى ..

يعنى انسى ...بجد..

الاصحاب كتيرررر....والاصدقاء قلة تعد على اصابع اليد الواحدة .....ان ووجدوا ...!!؟؟؟

وعلى فرض ...ان الحياة فى بيت اخوكى جحيم ....طيب عاوزة ترجعى مصر ليه ؟؟

لاحظت شئ آخر ....فى موضوع لك علمت انك ارسلت لواحدة من صحباتك ...اربع ساعات ومش عارف ايه ؟؟ واخدوهم فى الجمرك ولابد يرجعوا لك ساعتين منهم تانى ....وصاحبتك لابد تدفع مبلغ تسعين او 120 جنيه وفيه جمرك 400 جنيه ...(( وقصص ومواويل يعنى ))..

مش ملاحظة حاجة ؟؟؟؟؟؟؟؟؟؟؟؟

يعنى بقالك ثلاث شهور فى دبى ...

خلاص ؟؟

الدنيا طارت ؟؟

اصحابك دول مش مستحملين ينتظروا الهدايا ؟؟ ...مش مستحملين ينتظروا الست شهور اللى مفروض هم العقد اللى انتى متفقة عليه ؟؟

دول مش اصحاب يامونى..

دى ناس بتاعة مصلحة بس..

لو انتى ظروفك المادية مش حلوة ...مكنش حد سأل فيكى ..!!!

بلاش هروب ..

فوقى يامونى ...

صدقينى يامونى ...الغلط منك انتى ..

حاولى تفضلى فى دبى ...ربنا يوفقك .

وانتى مستعجلة كمان على الهجرة لكندا ...((( ومعندكيش اى شئ واضح ...اقصد مفيش هدف واضح )))..

خللى بالك على نفسك ..

سواء فى دبى او فى كندا او فى اى مكان على وجه الارض ...لابد يكون لك هدف ...وهدف جدى مش تهريج وتقضية وقت ومحاولة هروب ؟؟

حاتفضلى تهربى لامتى ؟؟؟...

وبرضه لو قررتى ترجعى مصر ولو مؤقتا ....حاولى انك انتى تتغيرى وتغيرى معاملتك فى بيت اخوكى ومش ممكن حايقابلوا الاحسان بالاساءة ....مش ممكن ...مفيش حد او مفيش مخلوق على طول بيبقى وحش زى ما مفيش حد على طول ملاك ..

ربنا معاكى ..

وحاولى تفكرى بدون اى قيود عليكى ..

وانسى اصحابك ...

روحى خدى دش بارد...بارد قوى ...يمكن دماغك تتعدل ...

من قلبى بتمنى فعلا ...انك تفكرى ...بقلب...من ناحية اخوكى .

وتفكرى بعقل...من ناحية اصحابك ..

انتى لسا صغيرة ...لسا صغيرة والفرصة اللى جت لك ..فيه ناس فعلا فعلا بتموت نفسها علشان تكون فى مكانك ...وآديكى شايفة ....لسا واحد حاول ينتحر فى مطار القاهرة .. ...حلم السفر اصبح اصعب ..بالنسبة للشباب ...

مع كل تحياتى ...

[mony]

صباح الخير يامونى .

يعنى انا قلت اتكلم معاكى شوية..ندردش يعنى..وبعدها يابنتى فكرى فى كلامى .

(( حتى لمدة عشر دقايق ))...وقررى بعدها .

انا لاحظت فى كلامك اكتر من موقف يجب التعليق عليه ...قبل الاقدام على اى تصرف لاتحمد عقباه .

طبعااا حضرتك وضحتى ان العيشة فى بيت اخوكى غير مريحة ....لكن ؟؟ المفاجأة كانت لى ان من ضمن اكثر الاشياء التى لاتريحك هى ...(( حالة اخاك المادية اللى مش قوى )) ..

لاحظت ايضا ان وضعك المادى فى مصر كان ممتاز وعندك سيارة ومرتب جميل ..

(( هل كنتى تساعدين اخاكى ( وانتى مقيمة عنده ) على معيشته ؟..)....هل كنتى تتعاملين مع ابنائه على انهم اولاد اخوكى وانتى عمتهم الجميلة اللى بتحضر لهم هدايا من مرتبها المحترم ؟؟ هل كنتى مثلا بتاخديهم تفسحيهم زى ما بتتفسحى مع اصحابك الحلوين ...

اصحابك...ودى نقطة مهمة .

انتى نفسك قلتيها ...بكرة يتجوزوا ...!!

يابنتى ..الاصحاب...اصحاب بس...(( وقت التجمع الجميل ))..و...هى ..هى...ها...ها...و...هههههههه...

لكن وقت الجد ؟؟

انسى ..

يعنى انسى ...بجد..

الاصحاب كتيرررر....والاصدقاء قلة تعد على اصابع اليد الواحدة .....ان ووجدوا ...!!؟؟؟

وعلى فرض ...ان الحياة فى بيت اخوكى جحيم ....طيب عاوزة ترجعى مصر ليه ؟؟

لاحظت شئ آخر ....فى موضوع لك علمت انك ارسلت لواحدة من صحباتك ...اربع ساعات ومش عارف ايه ؟؟ واخدوهم فى الجمرك ولابد يرجعوا لك ساعتين منهم تانى ....وصاحبتك لابد تدفع مبلغ تسعين او 120 جنيه وفيه جمرك 400 جنيه ...(( وقصص ومواويل يعنى ))..

مش ملاحظة حاجة ؟؟؟؟؟؟؟؟؟؟؟؟

يعنى بقالك ثلاث شهور فى دبى ...

خلاص ؟؟

الدنيا طارت ؟؟

اصحابك دول مش مستحملين ينتظروا الهدايا ؟؟ ...مش مستحملين ينتظروا الست شهور اللى مفروض هم العقد اللى انتى متفقة عليه ؟؟

دول مش اصحاب يامونى..

دى ناس بتاعة مصلحة بس..

لو انتى ظروفك المادية مش حلوة ...مكنش حد سأل فيكى ..!!!

للاش هروب ..

فوقى يامونى ...

صدقينى يامونى ...الغلط منك انتى ..

حاولى تفضلى فى دبى ...ربنا يوفقك .

وانتى مستعجلة كمان على الهجرة لكندا ...((( ومعندكيش اى شئ واضح ...اقصد مفيش هدف واضح )))..

خللى بالك على نفسك ..

سواء فى دبى او فى كندا او فى اى مكان على وجه الارض ...لابد يكون لك هدف ...وهدف جدى مش تهريج وتقضية وقت ومحاولة هروب ؟؟

حاتفضلى تهربى لامتى ؟؟؟...

وبرضه لو قررتى ترجعى مصر ولو مؤقتا ....حاولى انك انتى تتغيرى وتغيرى معانلتك فى بيت اخوكى ومش ممكن حايقابلوا الاحسان بالاساءة ....مش ممكن ...مفيش حد او مفيش مخلوق على طول بيبقى وحش زى ما مفيش حد على طول ملاك ..

ربنا معاكى ..

وحاولى تفكرى بدون اى قيود عليكى ..

وانسى اصحابك ...

روحى خدى دش بارد...بارد قوى ...يمكن دماغك تتعدل ...

من قلبى بتمنى فعلا ...انك تفكرى ...بقلب...من ناحية اخوكى .

وتفكرى بعقل...من ناحية اصحابك ..

انتى لسا صغيرة ...لسا صغيرة والفرصة اللى جت لك ..فيه ناس فعلا فعلا بتموت نفسها علشان تكون فى مكانك ...وآديكى شايفة ....لسا واحد حاول ينتحر فى مطار القاهرة .. ...حلم السفر اصبح اصعب ..بالنسبة للشباب ...

مع كل تحياتى ...

مرسى قوى لاريك

اول حاجة

انا لحد الان ببعت فلوس لاخويا من هنا كل شهر و كمان انا سيبهالهم معاش بابا و هو مبلغ كبير و قبل ما اسافر بعت عربيتى و حطيت فلوسها فى البنك واديتله من الفلوس دى حوالى 3000 جنيه متتصوريش انا كنت منغناهم بس هم حالتهم الماليه اصعب منى اخى ضيع فلوس بابايا كلهم ودى مشكلته مش مشكلتى وهو بيعتمد عليا فى كل صغيره و كبيرة

تانى حاجه صحابى ياما ضحوا علشانى قصه الساعات دى مكنتيش هدايا دى كانت بعتها لصحبيتى هديها لواحد يعمل بيزنيس بيها و نكسب بس فشلت علشان الجمارك تانى حاجه نفس الصحبه دى شافتلى شقه فى عمارتهم الكهرباء و المياه هتبقى عليهم لانها عماره بباها و هتدفع بس 200 ج فى الشقه مين يلاقى كده الايام دى و صحبيتى التانيه ساعت وجريت علشان ترجعنى الشغل وراحت هنا وهناك علشان تقدر تخلليهم يوافقوا عليا

انا صحابى دول اهلى ومش بقول كده علشان حاجه بس هما ياما ياما واقفوا جنبى ورغم ان ربنا خد امى وابويا بس سابلى صحاب عمر لو لافيت الكره الارضيه ما هلاقيهم

[justtrying]

ما علينا :rolleyes:

اكيد مش هتلاقي اكتر من اخوكي الي يخاف عليكي انا بصراحة مش عارف انتي بتفكري ازاي

واكيد البنت عمرها ما تسافر لوحدها .. بصراحة ربنا يهديكي

تم تعديل 16 يوليو 2008 بواسطة Salwa

[capitshino]

كنت هاقولك اتجوزى بس انتى سبقتينى - بس برده ماتحسبيهاش انك هتتزوجى علشان تهربى- ممكن تحسيبها علشان تستقرى

عالعموم ربنا يوفقك الى الطريق الصحيح

[mony]

ما علينا :rolleyes:

اكيد مش هتلاقي اكتر من اخوكي الي يخاف عليكي انا بصراحة مش عارف انتي بتفكري ازاي

واكيد البنت عمرها ما تسافر لوحدها .. بصراحة ربنا يهديكي

ممكن اعرف انت عايش فين؟؟ فى مصر ولا الامارات ولا فين ؟

[Salwa]

شوفى يامونى ..

جميل موقفك ده من اخوكى ...وكويس جدا انك جعلتيه يقبض معاش والدك ..(( اعتقد عملتى له توكيل مؤقت او تركتى له كارت البنك يقبض بيه )) ..كل دى اشياء مؤقتة ..

يعنى يامونى لما ترجعى مصر بالتأكيد ...المعاش حايبقى من حقك انتى ..ومتحاوليش تقولى انك حاتستغنى عن المعاش كله وتسيبيه هدية لاخوكى ....احتمال تتركى له جزء منه..

حكاية ان هو اللى ضيع فلوسه...!!!

خدى بالك ...انا حكمت على كل الظروف على اساس انك انتى اللى عايشة معاه ...

وكل آرائى كانت على اساس انك.....عايشة فى بيت....الدخل فى هذا البيت ..قليل...فبالتالى لابد ان كل اللى بيشتغلوا فى البيت ده يساعدوا فيه ...!!! فهمتى قصدى ؟؟

مسألة الساعات....

برضه انا حكمت عليها بناء عن كلامك انتى ...

لانك مقولتيش انك عاوزة تعملى بيزنس ...!!!....و..والله كويس...بقالك ثلاث شهور و(( اكيد اقل )) لان حكاية الساعات حصلت قبل كدة ..............واصحابك بيحاولوا البحث لك عن وسيلة تجارة حلوة ...

حكاية ان ..كويس انك حاترجعى شغلك ولقوا لك شقة وفى عمارة اب واحدة فيهم ؟؟

طيب...

طالما عندك كل الحلول ...

وطالما استقر رأيك خلاص ...

طيب ليه بتقولى ان عندك مشكلة ؟؟

وطالما اصحابك ...هم اهلك....

وانتى مقتنعة تمام الاقتناع بذلك...

لماذا السؤال اذن ؟؟....اقصد...هنا ..

والناس تتعب وتفكر لك ؟؟

يعنى انا شخصيا بقالى ساعة بحاول افكر معاكى ابحث لك عن حلول ............لن تفكرى فيها حتى ..

ربنا يوفقك.

[رمضان]

اسمحيلي اقولك وجهة نظري بصراحة شديدة

اعتقد ان الغربة لك افضل من ان تكوني في مصر في شقة بمفردك ولكي اخ فهذه كبيرة جدا ولا يتقبلها المجتمع انا لا اعلم انت من اي محافظة تحديدا ولكن بالنسبة لينا دي كبيرة قوي

ثانيا اخوك هو اهلك مهما حدث الله يخليه ليكي فمهما كان هوه اخوكي واكتر واحد هيخاف عليكي في الدنيا لان اللي يصيبك يصيبه

[Salwa]

اعتقد ياجماعة كلنا هنا تحدثنا بما يرضى ضمائرنا ..

.رجاء من بعض الاخوة عدم التسرع والحكم ...

.تم حذف كلمات غير لائقة فى بعض المداخلات ..

شكرا لتعاونكم وحسن تفهمكم ..

سلوى ...

[mony]

شوفى يامونى ..

جميل موقفك ده من اخوكى ...وكويس جدا انك جعلتيه يقبض معاش والدك ..(( اعتقد عملتى له توكيل مؤقت او تركتى له كارت البنك يقبض بيه )) ..كل دى اشياء مؤقتة ..

يعنى يامونى لما ترجعى مصر بالتأكيد ...المعاش حايبقى من حقك انتى ..ومتحاوليش تقولى انك حاتستغنى عن المعاش كله وتسيبيه هدية لاخوكى ....احتمال تتركى له جزء منه..

حكاية ان هو اللى ضيع فلوسه...!!!

خدى بالك ...انا حكمت على كل الظروف على اساس انك انتى اللى عايشة معاه ...

وكل آرائى كانت على اساس انك.....عايشة فى بيت....الدخل فى هذا البيت ..قليل...فبالتالى لابد ان كل اللى بيشتغلوا فى البيت ده يساعدوا فيه ...!!! فهمتى قصدى ؟؟

مسألة الساعات....

برضه انا حكمت عليها بناء عن كلامك انتى ...

لانك مقولتيش انك عاوزة تعملى بيزنس ...!!!....و..والله كويس...بقالك ثلاث شهور و(( اكيد اقل )) لان حكاية الساعات حصلت قبل كدة ..............واصحابك بيحاولوا البحث لك عن وسيلة تجارة حلوة ...

حكاية ان ..كويس انك حاترجعى شغلك ولقوا لك شقة وفى عمارة اب واحدة فيهم ؟؟

طيب...

طالما عندك كل الحلول ...

وطالما استقر رأيك خلاص ...

طيب ليه بتقولى ان عندك مشكلة ؟؟

وطالما اصحابك ...هم اهلك....

وانتى مقتنعة تمام الاقتناع بذلك...

لناذا السؤال اذن ؟؟....اقصد...هنا ..

والناس تتعب وتفكر لك ؟؟

يعنى انا شخصيا بقالى ساعة بحاول افكر معاكى ابحث لك عن حلول ............لن تفكرى فيها حتى ..

ربنا يوفقك.

يا جماعه انا بشرح الظروف كلها علشان فى النهايه اسل سؤال واحد ارجع مصر ولا استنى فى دبى؟؟

مش عارفه حاسه انكم مش طيقينى ليه

[ابن بورسعيد]

أنا مع سلوى فى ضرورة انك تحددى هدفك سواء من الغربه أو من الهجره أو من الرجوع. انتى لسه مش مستقره على هدف.

الظروف اللى حكيتيها فى مصر دى ما تدفعشى للهروب و خصوصا ان أخوكى بتقولى بيعتمد عليكى

قدامك اختيارين : الغربه سواء فى دبى أو كندا و ده طريق مش سهل و خصوصا انك لوحدك. لكن على المدى البعيد ممكن أتخيلك متجوزه مصرى متغرب و بدأتى ترتاحى فى الغربه و تستمرى فى مساعدة أخوكى و مراسلة صديقاتك فى مصر و زيارة أخوكى و أولاده فى الأجازات و مين عارف ممكن ترجعى مصر انتى و أسرتك فى يوم من الأيام و تبقى جنب أهلك و صديقاتك. أما الاختيار التانى فهو العوده الى مصر فى الشقه الايجار اللى ذكرتيها و فى الشغل اللى هتقدمى فيه و برضه هتبقى جنب أهلك و صديقاتك.

اعتمدى على صلاة الاستخاره

أما رأيي الشخصى هو أنك ترجعى مصر بشرط ان الدافع لرجوعك ما يكونش الرغبه انك تبقى جنب صديقاتك فقط و لا انك مش عارفه تعملى ايه فى الويك اند فقط لان لو هى دى بس الدوافع فهى قابله للحل :

1- صديقاتك ممكن تقابليهم على الانترنت كل يوم تشوفيهم و تسمعى صوتهم كمان

2- مع الوقت (3 شهور مدة قصيره) هتكونى صداقات جديده فى دبى و هتلاقى حاجات تعمليها فى الويك اند

3- صديقاتك فى مصر ممكن ظروفهم تتغير بين يوم و ليله و ما تلاقيهمش متاحات طول الوقت و لا حتى فى الويك اند

مع دعواتى ليكى بأن ربنا يهديكى للاختيار السليم و مره تانيه أرشح لك صلاة الاستخاره

[mony]

مش فاهمه يعنى انا ربنا حكم عليا بظروف ما يعلم بيها الا ربنا ومحديش عارف اخويا اللى انتوا بدفعوا عنوه ده عامل ازاى وانا نفسى مش عاوزه اتكلم علشان هو مازال اخويا

ولكنى مش عاوزه ابص على ان الجواز حل والسلام ولكنى مخى شغال دايما و بحاول اقاوم ظروف صعبه جدا محديش يقدر يتالقل عليها

هو علشان انا بنت مش متجوزه و فكرت اشتغل و اصرف على نفسى و احسن مستواى ابقى وحشه امال لو عيشت فى بينت اخويا و استسلمت للامر الواقع وكل يوم تعبانه و بعيط ابقى مؤدبه كده انا كسب نظره المجتمع و حكمت على نفسى بالشقاء صحيح على راي المثل المصرى اللى ميعرفيش يقول عدس اقسم بالله مش كل الاخوات زى ما انتوا فكرينى لعلمكم انا ليا اخ تانى اكبير بقالى 5 سنين معرفيش عنه حاجه رمانى بره بيته الكلام ده قبل ال 21 سنه قبل ما اخد ورث ابويا

انا اكتر واحده اتمرمت فى الدينا دى ومحديش شاف ظروف ولكنى قاومت ظروف انا دلوقتى بضحك

ولانى اول مره اخرج بره بلدى واتغرب تعبانه وعاوزه راى حد متغرب معايا

دلوقتى بتلام

عموما لو كده ااقفلوا الموضوع احسن انا مش نقصه تعب اعصاب

[رمضان]

مش فاهمه يعنى انا ربنا حكم عليا بظروف ما يعلم بيها الا ربنا ومحديش عارف اخويا اللى انتوا بدفعوا عنوه ده عامل ازاى وانا نفسى مش عاوزه اتكلم علشان هو مازال اخويا

ولكنى مش عاوزه ابص على ان الجواز حل والسلام ولكنى مخى شغال دايما و بحاول اقاوم ظروف صعبه جدا محديش يقدر يتالقل عليها

هو علشان انا بنت مش متجوزه و فكرت اشتغل و اصرف على نفسى و احسن مستواى ابقى وحشه امال لو عيشت فى بينت اخويا و استسلمت للامر الواقع وكل يوم تعبانه و بعيط ابقى مؤدبه كده انا كسب نظره المجتمع و حكمت على نفسى بالشقاء صحيح على راي المثل المصرى اللى ميعرفيش يقول عدس اقسم بالله مش كل الاخوات زى ما انتوا فكرينى لعلمكم انا ليا اخ تانى اكبير بقالى 5 سنين معرفيش عنه حاجه رمانى بره بيته الكلام ده قبل ال 21 سنه قبل ما اخد ورث ابويا

انا اكتر واحده اتمرمت فى الدينا دى ومحديش شاف ظروف ولكنى قاومت ظروف انا دلوقتى بضحك

ولانى اول مره اخرج بره بلدى واتغرب تعبانه وعاوزه راى حد متغرب معايا

دلوقتى بتلام

عموما لو كده ااقفلوا الموضوع احسن انا مش نقصه تعب اعصاب

بدأت افهم نوعا ما المشكلة

وياريت تعذري الاخوة لان محدش عارف الظروف كاملة

كل ما املكه هو الدعاء لك

ليحفظك الله وكل بنات المسلمين ويعينك على ما انت فيه

[سهران]

أعتقد ظروف حياتك في مصر في الوقت الحالي لا تشجع على الأستقرار ...... أستمري في دبي و علاقاتك مع صديقاتك ممكن تعوضيها بالدردشة على النت ....أستفيدي من غربتك بالقراية الكتير خاصة القراءات الدينية ....... المنتدى هنا مثلا بموضوعاته المتنوعة و في كل الأمور دينية و أجتماعية و أقتصادية كنز ثقافي هايوسع مداركك كتير جدا ........الأنفراد بالنفس و التفكير بروية في مستقبل أيامك ......... عندك فرصة كويسة و الغربة مش كلها مساويء... دعواتي لحضرتك بالتوفيق

[قاهرى]

من وجة نظرى وبدون اطالة فى الكلام

خليكى فى دبى . اصحابك ممكن تتواصلى معاهم عن طريق النت والتلفون

مع الوقت فى دبى هتعملى صدقات جديدة وحياة جديدة هتتعودى عليها وهتحبيها بعد كدة وممكن كمان تحسى ان دبى احسن من مصر فى الراحة النفسية بالنسبة ليكى

بس الموضوع محتاج شوية وقت ليكى فى البلد ومع اصدقاء جدد . لانها حياة جديدة ومحتاجة شوية صبر علشان تبقى احسن . اصبرى وربنا معاكى وكلنا هنا اخواتك واصدقائك

اخوكى قاهرى

[مغتربة]

هاى مونى روقى اعصابك كده

انا عارفه الغربه صعبه اد ايه

انا كما فى دبى و لو تقبلى تبقى صدقتى دا يكون شرف ليا

ابعتى لي على الخاص

سلام

[justtrying]

مش هتفرق معاكي انا فين ولا منين عموما انا مش في مصر

ثانيا ان بتكلم من مبدأ اسلامي بتحت ليس اكثر .. وقولتلك ان مش هتلاقي حد يخاف عليكي زي اخوكي واهلك مهما عملتي حتى لو كان فيه قسوة عليكي او انتي شيفاها من وجهه نظرك انها قسوة بردو هما احق الناس عليكي

[moheltohamy]

بصي يا موني ...

هاقتبس لك كلمتين قلتهم في موضوع (مغتربين في الخليج ، مهاجرين في كندا)...

حسيت إني مخنوق شويتين ، واللي جوايا طلع ... استحملي بقى:

وبالنسبة للخليج... أنا شغال في شركة أمريكية ف الخليج ، وشهر شغل وشهر أجازة ، وتذاكر الطيران وحجوزات الفندق عليهم ، والليموزين اللي بتاخدني من المطار للفندق للشغل ، والعكس عليهم برضه!

والفيزا والإقامة عليهم ، والتأمين الطبي عليهم. وهمه اللي اتصلو بيا عشان يجيبولي الفيزا ، يعني ما اتحطيتش تحت رحمة حد عشان أطولهم. وباسبوري في جيبي دايماً ، مفيش حاجة اسمها ياخدوه مني!

وانا ف الشغل ، مفيش مليم باصرفه! الإقامة والأكل والدش والنت والتليفونات (4 خطوط دولي مفتوحة تحت أمري) كله متاح أدامي!

ولو في أي وقت قلتلهم شكراً مش عاوز ، هامضي استقالة ، وهيوصلوني بالليموزين للمطار ، وتذكرة السفر هيحجزوهالي ، وشهادة الخبرة هاخدها برضه!

وممكن جداً لو عاوز اسيبهم ، بكل بساطة وانا ف الأجازة ، أطنش وما ارجعش!

المرتب اللي باخده مرتب زي الفل ، مش هالاقي زية في كندا (ع الأقل ف البداية) ، ومش هاحوش في كندا زي ما ممكن أحوش هنا! هنا الفلوس ممكن أحوشها سواء ف الشهر اللي قاعده شغل ما باصرفش منه مليم ، أو ف الشهر الأجازة اللي قاعده في مصر. المصاريف في مصر مش كتير زي كندا!

كل ده كلام حلو وكلام جميل ، ما اقدرش أقول حاجة عنه!

لكن...

عمري ما حسيت بالانتماء بجد ف السعودية! دايماً حاسس إني زائر ، مسافر زاده الخيال! الإحساس بالغربة دايماً موجود ، حتى وانا في مصر!

ودايماً حاسس بالبيت القائل:

بم التعلل؟ لا أهل ولا وطن *** ولا نديم ، ولا كأس ، ولا سكن!

ما فيش حاجة في مصر بقى ليها قيمة ولا طعم ولا معنى!

الجنيه لم يعد يعني شيئاً! الـ 90% ف الثانوية لم تعد تعني شيئاً! 100 ألف جنيه مش كفاية عشان تتجوز! 10 آلاف جنيه ما تجيبش شبكة!

فيه إيه في حياتنا بقاله طعم؟! لا الناس همه الناس ، ولا الأخلاق هيه الأخلاق ، ولا المبادئ ، ولا البلاد هيه البلاد ، ولا الأصحاب ولا الأهل!

كل حاجة في مصر اتغيرت ، وبكل أسف اتغيرت للأسوأ

أصحابي كل واحد في ناحية... وكل واحد في بلد ، واللي ما زال في نفس المكان ، ما بقاش فاضي أصلاً!

الأقارب ، لم يعودوا كما كانوا ، أو كما كنت أراهم في صغري! الأسرة المترابطة ، المحبّة بين أفرادها. رأيت تصرفات لا أحبها عندما ظهرت المصالح ، والمواريث!

والبلاد ازدحمت ، ولم تعد كما ألفتها ، أو كما أحببتها. لدرجة إني لما بارجع لها ، وأفترض في نفسي أني سأجد الحنين للماضي ولذكرياتي ... فلا أجد سوى الإحساس بالغربة!

لم يعد يعنيني في مصر كلها غير شخصين فقط ؛ ماما وأختي!

قارن اللي فات ده ، بأيامي الأولى في كندا...

حبيت المجتمع ده ، حبيت نظافتة ونظامه ... حبيت الود اللي بين أفراده... حبيت بساطة التعامل بينهم ... حبيت الابتسامة اللي بتشوفها مع تعاملك مع أي حد هناك... حبيت هزة الرأس لما راجل بيقابل ست ف الشارع (ما شفتهاش كتير ، بس شفتها)... حبيت الاحترام بين الناس وبعض (وهمه جايين من مختلف بلاد الله)... حبيت الحرية وفهمهم الصح للحرية... حبيت مساعدتهم لبعض من غير ما يعرفوا بعض... حبيت جمال الطبيعة وجمال البلاد... حبيت الجو وبرودته. حسيت إني لقيت نفسي هناك!

حسيت بالانتماء هناك ، لدرجة إني بعد كام يوم بس هناك كنت بدأت أتنرفز لما أشوف علبة عصير مرمية ع الأرض! وأشيلها أرميها في الباسكيت (اللي تلاقيه كل 100 متر)!

وكان نفسي أمسك واحد أضربه ، بعد ما خلص الساندويتش وكوباية الكولا ، حطهم في الكيس الورق ، وحط الكيس جمب الكرسي اللي قاعد عليه ف الصابواي (المترو)! قلت لنفسي (الحركات الواطية دي أنا فاهمها) ، وفضلت مستنّيه! ونزل معايا نفس المحطة ، وحت أولتله (Sir, you forgot your bag) ، آللي (What bag?) أولتله (McDonald's bag)! بص للكيس ، وبصّلي وطنش ومشي!

كان نفسي أشده من قفاه ، وع البوليس! ماهي الأشكال الوسخة دي هيه اللي مبوظالنا بلدنا! جتكو البلاوي مليتو البلد!

وما استغربتش من نفسي لما زعلت عشان كندا! البلد جميلة وتستحق انها تفضل جميلة ، ومش جزاتها عشان استقبلتنا ، ندخل بعاداتنا السافلة (اللي جايبينها من حول العالم) ، ونبهدلها! رغم إن الراجل دوكهوة كان نظام الشعر الأصفر والعينين الزرق!

وبالنسبة لحالتك ... انتي الأمور واضحة جداً بالنسبالك. أو على الأقل أنا شايفها كده.

إنسي الجواز خالص... عمر الجواز ما كان سكة للهروب! ولو كان ، هتبقى بداية المشاكل! الحاجات دي يستحسن تسيبيها تيجي لوحدها!

بالنسبة للعودة لمصر ، مرفوضة تماماً... على الأقل حالياً. ونفصلها مع بعض:

هترجعي عشان أصحابك؟ يمكن انتو كلكم فاضيين لبعض الأيام دي. لكن اصبري بس يتجوزوا ، لأ ... يتخطبوا بس ، وهتبدأ المسافات تبعد! كل ده حصل معايا...

كان بابا الله يرحمه يقوللي شلة ثانوي دي ، مع الجامعة هتتفرق ، وكل واحد هيروح كلية شكل! اتفرقنا ، وكل واحد راح جامعة في بلد مختلفة عن التاني ، وبقينا نستنى آخر الأسبوع نتجمع ، ونتقابل.

قاللي لما تتخرجوا هتتفرقوا! اتخرجنا ، وكل واحد اشتغل في مجال ، وبرضه بقينا نستنى نتقابل ، أو حتى نسافر نقابل بعض!

قاللي بااااس ، مفيش غير الجواز هوه اللي هيفرقكوا! وقد كان! :blush2:

كل واحد استقر في مكان... وفيه اللي أخد مراته وسافر بره مصر!

وحتى اللي ساكن في نفس البلد ، واتجوز ف العمارة اللي جمب بيتهم القديم ... ما بقيتش عارف أشوفه! دايماً مشغول!

بقينا نتقابل تناتيش ، وبالصدف بس! ويمكن بيننا تليفونات وبس على كده ، وحتى دي قلت جداً عن زمان!

وعموماً ، ده المتوقع! ومش زعلان منه! أسرته الصغيرة أولى مني طبعاً!

هترجعي عشان أخوكي؟ لأ طبعاً ، ده يمكن هوه أحد أسباب خروجك م البلد أصلاً ، وتفكيرك في الهجرة لكندا! وسيبك من المثالية اللي زملائنا في المنتدي متوقعينها!

وعلى فكرة ، أنا متخيل إيه الأحاسيس اللي ممكن تخلي حد يفكر في الهجرة لكندا ؛ أنا اتحطيت تحت الضغط العصبي ده قبل كده!

ومتخيل برضه إيه طبيعة العلاقة بينك وبين أخوكي ، ويمكن مع مرات اخوكي كمان! أحياناً جداً العلاقات ما بتكونش بالكلاسيكية التي ننتظرها مع الأسف ، وساعات جداً بينتهي الإحساس بسمو العلاقات دي ، ويتبقى الإحساس الجاف بمادية العلاقة!

هترجعي عشان مصر؟ وبلدنا وأمنا وباقي كلام الإنشا ده؟! طبعاً لأ...

والمتغرب في بلده حاله أسوأ بكتير من المتغرب في بلاد الغربة اللي بجد.

بره مصر ، إنتي - على رأي أنيس منصور - غريب في بلاد غريبة! لكن قمة الإحساس بالظلم لما تحسي إنك غريبة جوه بلدك!

بالظبط زي اليتيم ، نصيبه كده! لكن اللي متيتم ، وأبوه وأمه عايشين... كمّ السواد اللي بيتكوّن جواه ، بيبقى غير طبيعي!

وعلى فكرة ، المنتدى ده وسيلة ، هتسحب منك وقتك معظم اليوم! حاولي انتي بس تكوني إيجابية ، وتشاركي معانا. وساعتها ، ضهرك هيوجعك من كتر القعدة أدام الكمبيوتر ، زي حالتي كده دلوقتي :rolleyes:

وصدقيني ، ممكن هتعملي صداقات في مجتمعك الجديد ، وعندك مثال أختنا جالاكسي. بنت سكرة ، وعايشة في الإمارات (مش عارف فين بالظبط) ، وعشرية جداً. ومع الوقت هتتعرفي بناس كتير حواليكي.

ما تستعجليش الأمور... وآهي تجربة جديدة في حياتك ، هتفيدك مش هتضرك. لغاية ما تجيلك كندا... ساعتها بس هترتاحي ، وافتكري كلامي ده ساعتها

وبالتوفيق يا موني دائماً...

تم تعديل 16 يوليو 2008 بواسطة moheltohamy

[طبيب راجي]

السلام عليكم يا اخوانى

لجأت للكتابه ليكم لمناقشة مشكلتى بعد ما احتارت واحتار دليلى

اولا انا فتاة 23 سنه انسه غير مرتبطة والدى ووالدتى متوفين من حوالى 5 سنين كنت اعيش مع اخى و زوجته فى منزلهم ولكم ان تتخيلوا الحياه فضلت اعد السنين و الايام اللى اخلص فيها كلية التجارة و ابحث على فرصه عمل بره علشان ااقدر اغير حياتى

وفعلا تخرجت و اشتغلت حوالى سنتين بعد التخرج فى شركات كبيره فى مصر و اخر مرتب تقاضيته كام 1500 جنيه طبعا ده يعتبر مرتب كبير فى مصر او نقدر نقول بدايه كويسه و ده يرجع الى الحمد الله انا بشهادة الجميع شاطرة ومتميزة فى شغلى كانت حياتى جميله قوى فى مصر بعد التخرج كنت مبسوطه بابا الله يرحمه سبلى قرشين فى البنك وجبت عربيه و كان معايا مرتبى وكنت كل يوم خروج وفسح و كان حواليا صحابى البنات اللى بيموتوا فيا وانا بحبهم قوى و كانت حياتى بنتقسم بين شغلى وصحابى وكنت بكره اللحظة اللى برجع فيها البيت عند اخويا و خصا ان ظروف اخويا المادية مش اد كده...

المهم فضلت ابحث عن فرصة عمل فى الخارج الى ان وجدت عقد عمل فى دبى الامارات وبعد تفكير عميق قررت اخوض التجربه واسافر و حسبتها انا هسافر بس هبعد عن صحابى اللى روحى فيهم لانهم مش بيقينلى مسيرهم هيتجوزوا واحده ورا التانيه و كل واحد هيروح لحاله وفعلا سافرت...

وانا الان فى دبى مرتبى حوالى 3500 درهم صافى بقالى هنا 3 سهور تقريبا دبى جميله و كل حاجه بس مفيش حياه no social life

كله فلوس وبس اه بخرج اه بروح وبجى وبجيب احسن اكل واحسن لبس اه الشغل مفيهوش ضغطت بس مفيش روح لاى حاجه انا سافرت مش علشان اكون نفسى انا مش ولد انا سافرت for better life فكرت نفسى ممكن الاقى صحاب زى صحابى البنات و اعمل جروب زى اللى كنت عماله فى مصر بس جيت هنا اتصدمت كل الناس جنسيات مختلفه ولو لاقيت اللى هتفهمك مش هتبقى فضيالك

انا بكرهه هنا الويد اند لما بيجى عليا لانى بقعد مبعمليش حاجه اه اعرف ناس هنا كويسيين بس ميجويش دفر صاحبه من صحابى اللى فى مصر اوقات احس انى تعبانه و مخنوقه و زهقانه فينك يا عربيتى فين صحابى انا هنا لوحدى...

المشكله الان بتنحسر ان جه عليا وقت الاسبوع اللى فات اتسرق الاب توب بتاعى من الاوده اللى انا فيها و بعدها حسيت ان نفسيتى تعبانه قوى و عاوزه ارجع مصر اتكلمت مع صحبيتى شغاله فى شركة كبيره كانوا عملوا معايا انترفيو قبل سافرى و هى اتكلمت معاهم و فى مكان ليا فى الشركة بمرتب 1400 او 1500 جنيه تقريبا و كل صحابى عمالين يتصلوا بيا ارجعى مضيعيش اجمل سنين عمرك بس كل ما اتخيل انى هرجع تانى ااقعد عن اخويا و مراته اكرهه حياتى فا قررت انى لو رجعت هاخد شقه لوحدى فى مصر فى نفس عمارة واحده صحبتى قريبه منى جدا ده هيدينى احساس انى مش لوحدى...فا انا لو قررت ارجع دلوقتى فى وظيفه مستنيانى وده بيدى احساس للواحد انه مخسريش كتير

الحيرة الان فى انى ااقعد وكمل المسيرة هنا لعل و اعسى انبسط ولا ارجع بلدى وسط صحابى وااقصى اجمل سنين عمرى وسطهم و لو ضاق بيا الحال ابقى ارجع دبى تانى؟؟

معلومة انا قعلا اتكلمت مع ال HR هنا و قالولى لو عاوزه تستقيلى ادفعى 3000 درهم كنسله مش مشكله بالنسبه لى عادى

معلومة كمان انا طول عمرى بحلم بالسفر و كمان قدمت على هجرة لكندا ودفعت حوالى 2000 دولار لمحامى ولسه مستنيه دورى ده لانى كنت تعبانه من عيشى مع اخويا فى بيته

معلومة هتقوليلى شوفى ابن الحلال واتجوزى انا مبفكريش ومش هفكر فى الجواز على انه حل لمشكلتى لان انا لو فكرت كده هتجوز اى واحد ساعتها حياتى هتبقى جحيم انا مش هتجوز غير بقتناع 100% ولو حد دلوقتى مجاش الاقتناع ده و كمان انا فى حياتى مفيش استقرار علشان كده مش هفكر فى الجواز على انه حل

لازم تحطوا فى اعتبركم انى غير اى حد اتغرب انا اتغربت هروب من حياه اخويا وبيته و هروب من فكره انى هبقى لوحدى لما صحابى يتجوزا لكن الفلوس عمرها ما كانت مشكله حتى الشغل الحمد الله ربنا بيوفقنى فى مصر فى حاجات حلوه

الاخت الفاضلة

السلام عليكي و رحمة الله

مفتاح الخير...و سر هناء البال....و سحر السعادة...في الحرص على طاعة الله...

و البداية...الصلاة في وقتها.....و الحجاب....و ترك أي شئ ممكن يبعدك عن ربنا...مهما كان في نظر الناس صغير أو هايف....

أي محاولة للسعادة بعيد عن الطريق ده فهي سعادة مؤقتة....و زائفة.

انا طبيب و معيا زمالة من امريكا و بقولك و إياكي ثم إياكي ثم إياكي من موضوع الهجرة....ضياع ليس بعده ضياع...لا دنيا و لا دين....

ربنا يوفقك و يحفظك.