مغتربة جديدة فى حيرة و اشتياق تحتاج لحل

[alaashabana]

نست اقولكم انى بدور على شغل تانى وقدمت فى شركة ما شاء الله كبيرة اوى وطلعت شركة دولية وعملت مقابلة مع المديرالمالى واتكلم معايا شوية عن الربامج المحاسبية وعن الشغل اللى بعملة وكل حاجة كانت تمام فى المقابلة بس فىالاخر جابلى امتحان عاوز واحد مير مالى ولا دكتور محاسبة علشان يحلة ... وانا متأكد انه ذات نفى مش هيعرف يحل نصة..

تخيلى بقى قمة الاحباط .. وحسيت انى فاشل فاشل فاشل :blink: ..

بس عادى طلعت من عندة وقولت لنفسى طيب انا هتعمق جدا جدا جدا فى المحاسبة علشان ابقى عارف جميع الاسئلة اللىممكن تواجهنى فى حياتى المهنية..

ولما حكيت لواحد صاحبى ضحكت والله وانا بحكيلة وقولتة هو فاكرنى جاى اشتغل مدير مالى . انا محاسب دفعة 2006 ..

واللى يضضحك انى فى الاول لما كنت بدور على شغل كانوا دائما يسألونى اعرف برامج محاسبية . اقولهم لأ لكن اقولهم انى اعرف الحمد لله كل شئ عن المحاسبة لكن كلهم يقولو احنا عاوزين برامج.

دلوقتى بعد ما اخدت البرامج وبقيت كويس فيها محدش يسألنى عنها .. الحمد لله على كل شئ . هما الهنود جايبنا وراء دائما .

سلاام بقى عندى شغل..

[mony]

نست اقولكم انى بدور على شغل تانى وقدمت فى شركة ما شاء الله كبيرة اوى وطلعت شركة دولية وعملت مقابلة مع المديرالمالى واتكلم معايا شوية عن الربامج المحاسبية وعن الشغل اللى بعملة وكل حاجة كانت تمام فى المقابلة بس فىالاخر جابلى امتحان عاوز واحد مير مالى ولا دكتور محاسبة علشان يحلة ... وانا متأكد انه ذات نفى مش هيعرف يحل نصة..

تخيلى بقى قمة الاحباط .. وحسيت انى فاشل فاشل فاشل :closedeyes: ..

بس عادى طلعت من عندة وقولت لنفسى طيب انا هتعمق جدا جدا جدا فى المحاسبة علشان ابقى عارف جميع الاسئلة اللىممكن تواجهنى فى حياتى المهنية..

ولما حكيت لواحد صاحبى ضحكت والله وانا بحكيلة وقولتة هو فاكرنى جاى اشتغل مدير مالى . انا محاسب دفعة 2006 ..

واللى يضضحك انى فى الاول لما كنت بدور على شغل كانوا دائما يسألونى اعرف برامج محاسبية . اقولهم لأ لكن اقولهم انى اعرف الحمد لله كل شئ عن المحاسبة لكن كلهم يقولو احنا عاوزين برامج.

دلوقتى بعد ما اخدت البرامج وبقيت كويس فيها محدش يسألنى عنها .. الحمد لله على كل شئ . هما الهنود جايبنا وراء دائما .

سلاام بقى عندى شغل..

ربنا يوفقك يا علاء فى شغلك و فى حياتك يا رب انت انسان محترم و تستاهل كل خير

وربنا يعينا كلنا على غربتنا و يوفقنا فيها وانا هصبر و ربنا يستر بأذن الله

[المرشد]

أستــاذ عــلاء أدعــو الله أن يــوفقكـ في حياتكـ وأن تحصل على ما تأملــه فيهــأ

مــونــي

تمنيــاتـي تكون نفسيتكـ افضـل بعـد أراء الأعضـاء الكثيـرة

أظن غالبيتهــا بتقــول إنـك تتحملــي لأن وضعك حاليا مش وحش أبــدا

وربنــا يــوفقـك

مرشد

[alaashabana]

الانسة مونى خلاص اتحلت مشكلتها وهتصبر.... هنقفل بقى الموضوع دة و ندور على اى موضوع تانى ولا نكمل سوا ونكون اصدقاء الغربة .. ونغير اسم الموضوع ونسمية " اصدقاء الغربة .. لمستقبل افضل " .

يعنى كل واحد يقول حكايته وقصصة واحلامة . ونتكلم كدة على راحتنا من غير يعنى ما نكون ملتزمين بموضوع معين نتكلم فية .. ايى رأيكم يا جماعة .

[metwallly]

الانسة مونى خلاص اتحلت مشكلتها وهتصبر.... هنقفل بقى الموضوع دة و ندور على اى موضوع تانى ولا نكمل سوا ونكون اصدقاء الغربة .. ونغير اسم الموضوع ونسمية " اصدقاء الغربة .. لمستقبل افضل " .

يعنى كل واحد يقول حكايته وقصصة واحلامة . ونتكلم كدة على راحتنا من غير يعنى ما نكون ملتزمين بموضوع معين نتكلم فية .. ايى رأيكم يا جماعة .

بضمى صوتى لصوت حضرتك

وربنا يوفق مونى.................... فى عملها وحياتها الخاصة

وربنا يوفق علاء ويلتحق بالشركة اللى يتمناها

[عنبو]

اولا السلام عليكم ورحمة الله وبركاته والله بجد وجعتى اقلبى وانا بقرا موضوعك وواضح من كلامك ان اخوكى ده مش كويس لانه لو كان كويس مكنش سابك تسافرى وكان خاف عليكى من الغربه والبهدله بس يلا ما فيش حد بيختار اخوه بس ارجع واقولك انه برضه اخوكى ومتقصريش فيه علشان صلة الرحم لكن انا بقلك ارجعى مصر وعيشى فى الشقه اللى جبتها ليكى صحبتك وحاولى مع اخوكى تانى يمكن ربنا يصلح حاله طبعا انا حكمت على اخوكى من خلال كلامك مش اكتر ارجعى وعيشى وسط اهلك لو تعبتى هتلاقى ناس جنبك ودى احسن حاجه ويارب اسمع عنك كل الخير وبالنسبه لموضوع الجواز مش ترفضى الفكره بس لو فيه واحد مناسب واتقدم استخيرى ربنا واكيد ربنا مش هيوقعك الا فى واحد كويس لان صدقنى لو العمر سرقك هترجعى تندمى لان كل اللى جنبك اكيد زى لما انتى بتقولى هيتجوزوا وانت عارفه مشاكل الحياه ومش هتلاقى حد جنبك فياريت حاولى مع اخوكى وفكرى فى موضوع الجواز وربنا ييسيرلك الحال

[محمد مباشر]

أهلا موني ..

انا كنت شغال في الامارات وعانيت نفس الي عانيتي منو وأكتر انا كنت بخلص شغلي الساعة 7 باليل وراجع الاوضة الي انا اعد فيها اكلم نفسي شوية وبعدين انزل اتمشي علي كورنيش الشارقة كان جنب المكان الي ساكن فية وكنت لما امشي لوحدي اتضايق اكتر واكتر ولما ارجع البيت علي الساعة 10 وملاقيش حاجة اعملها او حد اكلمو ممكن ساعات كنت بعيط :(

قررت اني ارجع مصر عشان صحابي وأهلي ... صحابي معادش ليا صحاب دلواقتي كلهم اتجوزوا ومحدش عاد فاضي لحد خالص .. أهلي هما احلى شيئ في حياتي بابا وماما وأختي وولاد خالتي .. الخ ... لكن بردة مفيش فيهم حد اصاحبة غير واحد بس دا الي معرفش غيرة لما جيت مصر وبحبة مع انو اصغر مني بكتيير ...

دلواقتي باتمني من كل قلبي بعد مشفت الوضع في مصر اني ارجع الامارات تاني بجد وهحاول المرادي ادور علي صحاب جدد بس علي الله الاقي حد كويس ..

نصيحتي ليكي فكري كويس قوي قوي قبل مترجعي مصر .. مصر معادتش زي الاول الناس عادت وحشة ومبقاش في اي حاجة تفرح في البلد دي والاعلام يتعب يوم لو منكدش علينا وجابلنا الاخبار الزبالة ... عالعموم ربنا يوفق وانا حبيت اقولك تجربتي يمكن تستفيدي منها

ويابختك دفعتي 2000 دولار عشان هجرة كندا :lol: انا دفعت 4000 دولار ههههههههههههه :wub:

[honda]

الآنسة موني أهلا بيكي

انا عاوز أقولك على حاجة مهمة يمكن مش واخدة بالك منها ان المكان اللى حضرتك كنتي بتشتغلي فيه في مصر 50% من الخريجين بيحلموا بالمرتب ده

ثانيا : السفر ده حلم بالنسبة للكثير من الناس فلازم حضرتك تفكري كويس وتشوفي حال الخريجين عامل ازاي وعلى فكرة انا واحد منهم خريج تجارة 2006 وقاعد عالدكة بلا عمل مستني الفرج

بقولك تبيعي الوظيفة بتاعت الامارات بكام؟؟

[honda]

a

تم تعديل 1 ديسمبر 2008 بواسطة honda

[alsaher]

بصراحة أنا شايف التاريخ قديم شوية ومش عارف لو الأخت مازالت متابعة ولا لأ

لكن أنا عندي كلمتين أقولهم وإن شاء الله ربنا يكتب لك الخير

أنا بالنسبة لي تغلابت من سن 17 سنة وكان الهدف الدراسة

وكانت الحياة لونها أسود كالح جدا

لأني طريق التواصل مع الأهل كان شبه مقطوع يعني السفر لهم صعب

لكن ما شغلني وخللاني أستحمل هو هدف معين جاي علشانه

وحضرتك بتقولي إنك بقالك 3 شهور , يعني لسة الموضوع بدايته

أنا من وجهة نظري ضد أن يكون الجواز الحل لا

لأن الطريقة دي حيكون جواز مالوش لا رائحة ولا طعم ولا لون

لكن واضح من مشكلة حضرتك أن المشكلة الفراغ

فكون إن حضرتك ترجعي مصر أو تفضلي بدبي مش دي المشكلة

لأن لو صحباتك في مصر إنشغلو عنك حترجعي لنفس الموال وحتفكري تهربي لمكان تاني برضو زي ما هربتي من مصر لدبي ومن دبي لمصر

فلو حضرتك فعلا عايزة حل إملأي وقت الفراغ اللي عندك

سجلي ماستر جنب الشغل لو كنتي بمصر

أو إبدأي أدرسي للزمالة الأمريكية مثلا في تخصصك إدارة أعمال أو محاسبة أو اللي هو

إشغلي نفسك بإنك تطوري نفسك وتتقدمي أكتر

ساعتها وإنتي في طريقك حتلاقي اللي تكوني عايزة تتجوزيه وحتلاقي حلول لمشاكل كتير منها إن وضك حيتحسن أكتر

حل الهموم والإحزان والوحدة الإنشغال

أنا بأتكلم عن واقع تجربة أنا تقريبا بسن حضرتك

لكن الفرق إني متغرب من 6 سنين يعني وأنا لسة طفل :rolleyes:

لكن الإنشغال هو الحل بأنسى اهلي واصحابي وكل الدنيا وأنا مشغول بحاجة بجد

وربنا يكتبلك الخير

[DIA ELDIN]

اعتقد ان عودتك لمصر افضل كونك بنت وكونك في ( الخليج ) وتاني حاجة برضوا الجواز اعتقد انه هيكون حل لانة استقرار بس الموضوع يرجعلك في الاول والاخر وقبل اتخاذ اي قرار يجب ان تصلي استخارة وربنا هيوفقك للي فيه الخير ان شاء الله