المعنى الصادق للصداقة

[omtmam]

لقد لفت نظرى اعتراض بعض الاخوةطرح مناقشات خاصةبالاعضاءفىهذاالمنتدى

ووجدتنىافكر اليس مايحدث من مشاورات ومحاورات

هو تعريف جديربالاحترام لصداقةالقرن العشرين

فلسوف اتحدث عن نفسي كمثال لقد كان لى الكثير من الاصدقاء فى مصر الحبيبة اشاورهم ويشاورونى وفجاة وجدتنى فى غربتى وحيدة مع بعض المعارف وليس الاصدقاء

حتى اكتشفت هذا المنتدى

واصبحت من مدمنى القراءة والمتابعة لموضوعاته

وبعد فترة شعرت بصداقات تربطنى نفسيا بمعظم اعضاءه فلان او فلانة بدون ذكر اسماء ابحث عن مداخلاتهم حتي اطمئن على اخبارهم

اليست هذه هى الصداقة الفعلية

ارجو ان كان رايي خطا ان تعطونى تعريف للصداقة من وجهه نظركم

[بنت شعنونة]

فيه ناس كتير بتقعد على النت بوش صاااااااااادق جدا جدا

يمكن اصدق من وشهم الحقيقي مع الناس

انا بحس بكدا فعلا.. :roll: :roll:

الناس دي هيا اللي علاقتنا معاهم بتكون صداقة فعليه

لآنه فعلا بتلاقيهم واقفين جنب بعض وبيكلموكي من قلبهم وخايفين عليكي فعلا...

زمان

زماااااااان جدا كنت في منتدى خليجي له صيته الأن

ولظروف خاصة لم اعد ارتاده الا في المناسبات فقط

ومن فترة

خضع احد الأعضاء هناك الى اجراء عملية

وتوفاه الله بعدها

والله العظيم تلاتا مش عاوزة اقول لحضرتك كم الحزن اللي كان في المنتدى

والناس اللي راحوا عزوا فيه وسافروله مخصوص عشان يعزوا فيه

وغيره وغيره

فيه ناس كتييييييييره هنا كويسة اوي

بدليل المحبة اللي لله في لله هنا

يعني لا شفنا بعض ولا تعرف بعض

بس بنخاف على بعض

في ناس كتييييير مننا هنا وقعت في مشاكل او حصلها حدث سعيد وكلنا كنا جنب بعض هنا في الأخر

اللي يطبطب على غيره واللي يسند اللي يقع مننا واللي يضحك على ضحكة غيره لمجرد انه عرف يسعده

لا انسى كلام اختنا الهام وهيا بتقول انها جالها اكتئاب بعد الأحداث لكن كلامها معانا هنا بيساعدها تخرج من الحزن دا

ولا كلام اختنا نورا الحبوبة عن شغلها ودعائنا لها

ولا خوفنا على اخونا اسامة واخونا ايجيبت واخونا المصري الغائب حاليا ربنا يرجعه بالسلامة ولا على اخونا اخناتون وغيرهم وغيرهم

كل دي حاجات حلوة اوووووي

انا واحدا من الناس

بحكيلكم هنا اكتر مما بحكي لزمايلي او اصدقائي :) :)

وفي ناس كتير اظن لو شفتهم ها اعرفهم من غير ما يتكلموا :)

الصداقة ششششششيء رائع جدا المهم انه يكون صادق فعلا

[crossfield]

أخت أبو تمام :

أحييكى على الموضوع ده

أنا واحدة من الناس اللى بامارس الكلام معاكم هنا فى المنتدى أكتر ما باتكلم مع ناس فى حياتى العامة و الله العظيم زى ما بأقول كده؛أنا فعلاً بخاف أنسى الكلام رغم انى ولله الحمد عايشة وسط أسرتى . لكن مش دايماً الواحد بيلاقى اللى بيسمعه أو بيفهمه و مش دايماً اللى بيخاف فعلاً عليكى بيديكى نصيحة صح ؛ممكن تكون صح من وجهة نظره هوه بس . أنا فعلاً باستفيد من أراء الناس هنا و خصوصاً ان فيه ناس أكبر منى سناً و أكيد لها خبراتها و تجاربها و أكيد هيدونى نصيحة خالصة لوجه الله و كتير أبقى مهمومة فاجرى على أى مداخلة جديدة لحشيش مثلاً و أنا عارفة مسبقاً انى هاقع أكيد من الضحك. و لما بشوف مداخلة لناس معينة باجرى على الموضوع و أشوف فلان ده رأيه ايه فى الموضوع الفلانى و فلان ده مختفى من فترة ليه وفلان عنده خبر حلو و ربنا يفرحه كمان و كمان و فلانة عندها مشكلة أنا كنت بأعانى منها فى فترة طيب ليه محاولش أساعدها و هكذا... فعلاً احنا كلنا هنا عيلة وهوه الواحد عايز ايه أكتر من كده؟

[حشيش]

لقد لفت نظرى اعتراض بعض الاخوةطرح مناقشات خاصةبالاعضاءفىهذاالمنتدى 

ووجدتنىافكر اليس مايحدث من مشاورات ومحاورات 

هو تعريف جديربالاحترام لصداقةالقرن العشرين 

انا واحدا من الناس 

بحكيلكم هنا اكتر مما بحكي لزمايلي او اصدقائي

أنا فعلاً باستفيد من أراء الناس هنا و خصوصاً ان فيه ناس أكبر منى سناً و أكيد لها خبراتها و تجاربها و أكيد هيدونى نصيحة خالصة لوجه الله.

أتفق مع الأخت أبو تمام والأخت شانا والأخت كروسفيلد.

أختكم

حشيشة

:) :) :)

[ragab2]

وفجاة وجدتنى فى غربتى وحيدة مع بعض المعارف وليس الاصدقاء

أتفق مع الأخت أبو تمام والأخت شانا والأخت كروسفيلد. 

أختكم 

حشيشة

هو

المنتدى قلب والا ايه

الأخت أبو تمام والأخت حشيشة

[الأفوكاتو]

صداقة المنتدى هى صداقة نقية, لأنها تخلوا من المصالح.

و أنا أعتقد أن من يمنح جزء من وقته لقراءة ما يقوله الزملاء الأصدقاء, و يكلف نفسه بالرد, و البحث, بدون إنتظار لمقابل, هذا فى نظرى أنقى صور الصداقة.

[crossfield]

وفجاة وجدتنى فى غربتى وحيدة مع بعض المعارف وليس الاصدقاء

أتفق مع الأخت أبو تمام والأخت شانا والأخت كروسفيلد. 

أختكم 

حشيشة

هو

المنتدى قلب والا ايه

الأخت أبو تمام والأخت حشيشة

:) :) :)

[goold]

صداقة المنتدى هى صداقة نقية, لأنها تخلوا من المصالح.

و أنا أعتقد أن من يمنح جزء من وقته لقراءة ما يقوله الزملاء الأصدقاء, و يكلف نفسه بالرد, و البحث, بدون إنتظار لمقابل, هذا فى نظرى أنقى صور الصداقة.

ازيكم

اكيد الصداقة هنا بدون مصالح الواحد منا لما بيحتاج مشورة بيلاقى الرد الشافى

بس بقه بنزعل لما احد الاعضاء يغييب ومنعرفش عنه حاجة

وغير كدة الروح المرحة والتآلف الموجود وكأننا عائلة واحدة

[الأفوكاتو]

الأخت جولد

عند غياب صديق للمنتدى, عادة نوجه نداء عام, فإذا لم يظهر و يبان, عليه الأمان, نرسل رسائل شخصية, فإذا لم تفلح, نرسل إيميل, فإذا لم يفلح, ننتظر فرج الله.

تحياتى لكم جميعا, و أرجوا أن لا نحناج الى مطاردتكم للعودة الى دياركم. فالبيت بيتكم.

[abofasad]

كلام جميل..

فعلا الصداقة في هذا المنتدى ما فيهاش اي مصالح

صداقة بعيدة عن الأنانية

الكلام هنا بيطلع من القلب

القلب الصافي .. لا يحمل احقاد

صدقوني انا بقيت مدمن لهذا المنتدى

وبحسن ان كل اعضائه اخواني الكبار منهم وابنائي الصغار منهم

الشباب هو امل المستقبل وبقولهم حافظوا على الصديق ، حافظوا عليه بكل الحب والود

لأن اجمل شيء في الحياة انك تحب وتتحب لأن اي صديق لك وهو يحبك ويخاف عليك

تحياتي لكل من سطر حرفا في هذا المنتدى

الغربة وحشة .. وحشة .. وحشة

ولكن .. وآه من لكن

قالوا ايه اللي رماك على المر .. قال اللي أمر منه

Hasta Luego y Adios

[shakoosh]

هل نحن فعلا أصدقاء حقيقيين أم وهميين ..كل واحد منا قبل أن يكتب .. يقرأ و يفكر و يتمعن فى التفكير ثم يكتب..كل واحد منا يحاول أن يكون مثالى فى كتابته..فأحيانا يكتب ثم لا يعجبه .. ثم يعيد كتابته مرة أخرى حتى تصل إلى نتيجة ترضيه..فإذا لم يعرف الرد ..حتى لا يظهر كالجاهل فهو يبحث و يقرأ ثم يعود و يكتب مرة أخرى..

فى الحياة لا يحدث هذا ...يوجد رد .. و رد فعل .. و يعتمد علىسرعة التلبية العقلية .. ممكن تقرأ لأحد تعجب بكتابته ..و لكن عندما يتكلم يظهر كشخص آخر .. و لذلك مثلا تجد فى كثير من الأحيان شاعر يكتب و يختار شخص آخر للإلقاء !!

أو شخص يلقى خطاب , مثل مبارك مثلا.. و غيره يفكر و يكتب !!

كل واحد يقرأ ما يكتبه الآخرين و يرسم له صورة فى خياله تربطه بكاتب المقال ..فأحيانا نتخيل هذا سمين .. و هذا قصير .. و هذا كبير السن .. و هذه بملاية لف.. وهذا يجلس و الشيشة فى يده.. هذا يتوقف على حسب إنطباع كل واحد منا على ما يكتبه الآخرون.

هل هذه صداقة حقيقية .. بالمعنى المصطلح عليه ؟؟ لا أعتقد.. يجمعنا جميعا شئ نحن نريد أن نتكلم و نناقش ..لعلنا نجد من بين أنفسنا ..من نجد أنه يتحاور معنا على نفس المستوى الفكرى..أو أصحاب قضايا فكرية و نحتاج لها مؤيدين..!!