مطلوب حبيبة إليكترونية

[Simba]

مطلوب حبيبة إليكترونية علي وجه السرعة ونحو عاجل ومستعجل بالمواصفات اللي جاية التالية

السن : لا يهم كثيرا طالما لن تتعدي الخامسة والعشرون ولا تقل باي حال من الأحوال عن عشرون

الحالة الأجتماعية : لا يهم طالما لم يسبق لها الزواج باي شكل من الأشكال الرسمي او العرفي او الشفهي وليس لديها اي أطفال حتي ولو بالتبني

المؤهل : يشنرط ان تكون جامعية أو حاملة الشهادة الأبتدائية كما أن حملة الدبلومات الفنية لا يمتنعون

الصوت : ناعم جدا ونكرر ونهيبب وننشد وونناشد ونلح ونصر ونرغب ونريد ونكرر بان الصوت يكون ناعم يعني يتقال عليها صوت بنت مش الاصوات الغريبة اللي طالعة الايام دي صوت ناعم حاني كلاسيكي متناغم اذا همست ابهرت واذا حدثت اقنعت واذا ضحكت لتكن كزهرة اينعت

يشترط فيها أن تكون تتمتع بقدر عالي جدا من الصبر وعدم الأحساس بالملل ابدا ( يعني مش تاخدني عضم وترميني عضم بعد ما تزهق مني ) هي الرجالة اساسا فيها ايه غير شوية عضم ماهو لو كان فيه شوية لحم مكانوش اترموا الرمية دي علي النت

بتوضيح اكتر يعني مش بعد ما تعرف مخ حضرتنا ازاي بتشتغل وتحفط افكاره واسلوبه وتتوقع حتي كلامه تزهق وتمل لأ لأ لأ عايزين حبيبة بالها طويل أوي قوي جدا خالص

كمان مش عايزين حركات قرعة مش تبقي قاعدة تتكلم مع سيادتنا وتروح قايلة هروح لصاحبتي ولا صاحبتي جتلي ولا هروح اساعد ماما في تحضيرالعشا لا تتنيل وتقعد تركز كده

أيضا يشترط تواجدها الدائم طوال فترة تواجد سيادتنا علي النت

لديها قابلية لتصديق سيادتنا في اي شئ وكل شئ وعدم محاولة تحليل الكلام وتفسيره يعني تصدق اي هجص اقوله

غير مسموح ابدا لها بالذهاب الي الحمام طوال فترة تواجدها علي النت

يسمح لها بخيانة سيادتنا مع شباب النت بحد أقصي خمسة افراد في الأسبوع في فترة عدم تواجدنا شريطة ان لا تعطيهم رقم هاتفها النقال او رقم المحمول او رقم الجوال ولا حتي رقم الموبايل

يسمح لها بالخروج من المنزل فقط في حالة أنقطاع الأنترنت للذهاب الا القاعة كما يسمح ايضا باعطاء مدير القاعة ابتسامة خبيثة كده من تحت لتحت قال يعني علشان يخلي باله منها

هام جدا ان لا يكون لها اي تطلعات مستقبلية تختص بالدبلة والمأذون والعفش والكلام اللي مش بيجيب همه ده زهقنا من التطلعات بقي

صاحبة ثقافة عالية عندها الف موضوع وموضوع

لا يسمح بتبادل الملفات علي النت هو احنا ناقصين صداع كل شوية تبعت اغنية والنت يهنج يسمح فقط بارسال صورها

كما لا يسمح ابدا بمحاولة رؤية صورتنا الكريمة

ترسل الطلبات علي العنوان اللي هي عايزاه مرفق طيه مبلغ كأكرامية ولبيان حسن النية اولوية الطلبات لأعلي سعر

[الطيار المصرى]

سمبا يا اخويا....انا متضامن معاك في هذه الطلبات غير التعجيزية بالمرة

و هنا هنصحك نصيحة و أجري علي الله

هو ان طبعا انك ممكن متلاقيش المواصفات دي من خلال الملفات المرسلة

و بما انك عاوزها الكترونية

توكل علي الله و اطلع علي كومبيو مي أو سوق العصر يجمعولك واحدة حبيبة الكترونية هناك

و ادفع بالتقسيط.....

و بالنسبة للبند الخاص برقم المحمول....هل يسمح لها ان تعطيهم رقم الهاتف الخليوي...اظن دي تبقي مقبولة شوية

تحياتي

الطيار المصري