الكثرة المريبة للأطباء في الفضائيات

[Sherief AbdelWahab]

على شاشات الفضائيات والفضائيات المصرية بكافة ألوانها صار ما يزيد على أربعين بالمائة من ضيوفها من الأطباء.. في قنوات لا علاقة "واضحة" بين محتواها ومهنة الطب ، وسرعان ما ظهرت بمرور الوقت فضائيات "طبية" خاصة يتم فيها استضافة واستذاعة - يعني تحويلهم إلى مذيعين- عدد لا بأس به من الأطباء..

ويبدو أننا سنرى الأطباء على شاشات الفضائيات أكثر مما نراهم في أماكن عملهم "الحقيقية" وهي المستشفيات والعيادات والمستوصفات.. نراهم لايف ليلي نهاري في كل أوقات اليوم الصبح وبعد الضهر وبعد منتصف الليل وبعد الفجر..

من هؤلاء من يتطوع للإجابة على أسئلة المتصلين في البرامج التليفونية على الفضائيات التليفونية (اللي مفيش فيها غير تليفون) دون مشاهدة للحالة أو متابعة لها..

ومن هؤلاء من يقول كلاماً غريباً .. غريباً فعلاً .. بلا أساس علمي واضح وبشكل يثير غيظ من أفنى من العمر سنوات في دراسة علوم الطب.. لا يختلف كثيراً عن الفتاوى الغريبة التي نسمعها من حين لآخر..

ومن هؤلاء من هو "دكتور والشنطة أهِه".. بلا مؤهل علمي أكاديمي واضح .. أي واحد اليومين دول بقى يا إما خبير تغذية .. يا خبير طبي .. وما أسهل وضع المسميات في هذا الزمن..

ولا تسألني عن الإشراف العلمي الطبي على ما يقال.. لا إدارة محترمة في تلك القنوات ولا تواجد لما يسمى بنقابة الأطباء (من الآن فصاعداً سأقرن كلمة "نقابة" بعبارة "ما يسمى") للاحتجاج أو المطالبة بإشراف علمي محترم على ما يقدم..

واحنا بقى اللي في وش المدفع .. اللي بنسمع الكلام الغريب اللي بيتقال وبنتعامل معاه على إنه حقيقة علمية مسلم بيها..

ليه العديد من الفضائيات بتستعين بهذا الجيش العرمرم من الفضائيات؟ وليه بقى من الساهل إن أي حد يعمل قناة فضائية طبية بلا إشراف ولا يحزنون؟ وهل هكذا تورد الإبل؟ وماذا عن هؤلاء الأطباء الذين يهين معظمهم مهنته وعقولنا؟

خلص الكلام

[حسام يوسف]

ياريتة على كدة وبس عزيزى شريف

دة بزنس محترم

شيلنى واشيلك

اعرف طبيبا واستاذا بطب المنصورة دعى للقناة السادسة

(شانل تو :rolleyes: )

وقبل التسجيل بدقائق

فوجئ بطلب 3 الاف جنية(الاسعاردى قديمة وكمان القناة السادسة بقى وكدة)

ولانة راجل محترم

رفض

وانسحب

دةبيزنس كبيرياعزيزى شريف

[فــيــروز]

ذكّرنى هذا الموضوع بالدكتور "عادل عبد الواحد" الذى ظلّ يظهر فى بعض البرامج بصفته دكتور أى طبيب و حاصل على الدكتوراه ثمّ تبيّن فى النهايه أنّه دكتور لكن مش طبيب !! يعنى متخرّج من كليّة التربيه الرياضيه و حاصل على دكتوراه فى مجال له علاقه بالأعشاب الطبيّه

حقيقة البرنامج الذى قدّمه -أظنّه "عمّ يتساءلون"- لم يكذب و يدّعى أن الرجل طبيب لكنّه لم يكن بالوضوح و الشفافيه المفترضين فى برنامج مفروض أنّه دينى كى يوضّح للناس هذا اللبس بل تركهم على عماهم يعتقدون هذا الرجل طبيبا !!

[حسام يوسف]

دة حضرتك راجل نصاب

(العشاب المدلكاتى)كما اطلق علية د.خالد منتصر الذى تزعم حملة كشف نصبة

[dawn walker]

طيب حد فيكم شاف قناة اسمها بداية ووصفات د عبد الباسط ..التى تشفى جميع الامراض !!!

[شموع]

هو مش كان اسمه عادل عبد العال والا ده واحد تاني ؟؟

مش هو اللي في الامارات؟؟

وهو فعلا خريج تربية رياضية :closedeyes:

[حسام يوسف]

عادل عبدالعال

تربيية رياضية-المنيا-------------------مدلك بالنادى الاهلى-----هوبا----- الامارات دكتور اعشاب؟؟؟؟

كان صدر قرار بمنعة من السفر من مصر لحين البت فى القضاياالمرفوعة ضدة

[Sherief AbdelWahab]

عادل عبد العال وهيام الشاذلي وآخرين.. وعلى رأي محمد صبحي "والله ما بتفرق معانا الأسماء"..

لكن مش دول وبس..

لافت نظري في "قناةٍ ما" حاجتين .. الأولى إنها أول قناة فضائية في العالم المتمدن تجيب دكاترة أربعة وعشرين ساعة في برامج اتصالات أربعة وعشرين ساعة.. يذيعوا أربعة وعشرين ساعة.. إيه المرح والفكاهة دي!

وعادي تلاقي الدكتور من دول مذيع ودكتور في آن واحد.. لزوم "العيادة التليفزيونية" بقا..

التانية.. إنك لو رحت على برامج في بعض فترات اليوم حتلاقي نفس الكلام بيتكرر كل يوم.. حبايبنا الحلوين بتوع التغذية على سبيل المثال.. نفس الموشحات بتاعتهم بتتكرر كل يوم رغم اختلاف الدكاترة.. ومن المسف جداً إنك تلاقي القناة الطبية من إياهم ما لهاش شغلانة إلا الغذاء والغذاء الصحي وبس.. عملية زادت قوي عن حدها والسكوت عليها زاد هو الآخر عن حده لحد ما وصل الموضوع لمستوى مقزز..

خلص الكلام