اطالب بالحجر على هذا الرجل الطويل

[على الزيبق]

اطالب بالحجر على هذا الرجل الطويل

السيد الكبير والطويل أحمد بيه نظيف بيشكر إسرائيل على انها تركت لنا سيناء وبيشكرها على انها بعد انسحابها من سيناء لم تطالب بالغاز الموجود بسيناء

تفاصيل الموضوع كما جاء فى المصرى اليوم

http://www.almasry-alyoum.com/article2.aspx?ArticleID=113360

قال نظيف - خلال لقائه طلاب الجامعات في معهد إعداد القادة بحلوان أمس الأول :-

(يجب ألا ننسي أن تصدير الغاز لإسرائيل يتعلق بجانبين أولهما: أن إسرائيل كان معها سيناء كلها بما فيها من غاز وبترول، وأن الإسرائيليين يعتبروننا ضحكنا عليهم باتفاقية تصدير الغاز الطبيعي، أما الجانب الثاني فهو أنه عندما أبرمت هذه الاتفاقية لم يكن للغاز وقتها ثمن، وكان يحرق علي «البير»).

فهل هذا كلام عقلاء هل هذا كلام رجل يعرف معنى كلمة السيادة الوطنية ؟؟

أو معنى كلمة دولة ؟

أو يعرف من يمثل وهو رئيس وزراء من ؟؟

وبناءً عليه اطالب أنا الموقع أدناه بالحجر القانونى على المدعو أحمد نظيف

واقالته من رئاسة الوزراء ؟

احمد باشا يعتبر بيع الغاز لأسرائيل بأقل من ربع الثمن .. ضحك على اسرائيل واستكراد لليهود ..هههههههههههه

ويعتبر الغاز الذى يعتبر ثروة قومية بضاعة غير ذات قيمة لأنها كانت .. تحرق على البير .. اى كانت تحرق ولا يستفاد بها

لك الله يا مصر

ولك الله يا شعب مصر

على الزئبق

[حسام يوسف]

برغم صحة ومأساوية المحتوى

الا ان العنوان اضحكنى بشدة

وكنت بقول مين الراجل الطويل المقصود

تم تعديل 17 يوليو 2008 بواسطة حسام يوسف

[~Heba~]

هو حضرتك تتوقع المضحوك عليه يعترف انه اضحك عليه

ماهو لازم يبرر لنفسه

لك الله يا مصر

ولك الله يا شعب مصر

اى و الله لك الله

و لنا الله من صورة فى الضمير يراها الفتى كلما اطرقا

[ابتسامة رضا]

حسبنا الله ونعم الوكيل

مستغربين ليه يا جماعة انه معندوش فكرة عن السيادة الوطنية

واحد قاعد يفك البلد ويبيع فيها حتة حتة

والمشاهد المصري قاعد في المدرجات علي يمين وشمال المنصة

وناس بتلطم وناس بتمصمص شفايفها وناس ايدها علي خدها

والعلم برفرف علشان يجيب لنا حبة طراوة

[HDarwish]

لا والله يا أخ حسام

أنا أول ما قرأت العنوان عرفت مين المقصود بالطويل

أصل ما فيش أطول منه

وبعدين مش غريبة عليه إنه يقول كلام زي ده زي الكلام اللي كان بيقوله في مجلس الشغب

[السعيد الحبشى]

طيب وبعدين يأخوانا يا مصريين .. مين المفترض يدور على حق بلدنا

الرياسه ولا الوزاره ولا الهيئات الحكوميه ولا مين بالضبط

حقوق مصر اللى ضايعه .. هى بلدنا دى ملهاش صاحب

طيب فى فكره

تيجوا نكون جمعيه ونسميها ( جمعية المطالبين بحقوق مصر )

ويكون أعضائها من الناس اللى الحزن مالى قلوبهم والألم كاسر

نفوسهم ويكونوا عمال وفلاحين ومدرسين ومحامين ومن كل أبناء

مصر ومن كل مكان فى مصر قبلى وبحرى ونختار من المحامين

أعضاء الجمعيه ( هيئة دفاع ) تطالب بحقوق مصر من كل نوع

اللى مش لاقيه حد يطالب بيها أمام كل المحافل الدوليه المحترمه بس

ونبقى كلنا أعضاء الجمعيه وراء (هيئة الدفاع )

ولا حد يقدر يعترض على الجمعيه دى أحنا أبناء مصر وأحنا أصحاب

البلد ولنا كل الحق فى الدفاع عنها والمطالبه بحقوقها الضائعه

ياترى نقدر نعمل كده ولا ده حلم صعب تحقيقه

:lol: :roseop:roseop: :waving: