والله تعبنا

[mitcey]

شعور غريب جدا انتابني الليلة بعد ان تفرجت علي برنامج الطبعة الاولي فياله من شاب يصرخ بلا خوف بكل جرأة ولا مباله انه محمد المسلماني فقد ابهرني بكلامه المعسول الذي يحمل في طياته كل معالم السخيرة والاحتقار والحب لهذه البلد و كنت احلم بان يكون هوة حسن نصر الله المصري الذي سوف يقوم من تحت يديه جيل من الكرامة ويرفع براسنا للسماء مثلما فعل حسن نصر الله مع اللبنانين ولكن صحوت فجأة علي صوت امي وهي تقول اكيد معاه جنسية امريكية علشان كده بيتكلم ومش همه حاجة. فكرت فيها قليلا ورأيت ان عندها الف حق فكل من قال لا قطع لسانه وقل من قال نعم تربع علي كرسي المجد ولم يتمكن احدا من قول لا الا من يحملون جنسيات اخري وخصوصا الامريكية. ولكن فكرت مرة اخرة فامريكا هيا من تريد تدميرنا كيف تحافظ علي احد يهدم احلامها؟ وسريعا ما استرجعت نفسي من الافكار المتضاربة قائلة فما بالي انا من يكون فهو مجرد صوت من اصوات الضمير وياليته يصبح هوة الضمير.

بعد ان فرغ من اقواله القاتلة واخباره التي افزعتني صرت اصرخ واقول اين انت ؟ اين انت يا الله ؟ لماذا تتركنا في هذا الضياع؟ لماذا تترك عبيدك ضائعين في طريق بلا رجوع؟ ولاكنني استرجعت نفسي سريعا عندما سمعت في التلفاز احد من الممثلين يقول ان الله لا يغير ما في قوم حتي يغيروا ما في انفسهم. فهل ان الله تاركنا هكذا لغير نغير ما في انفسنا؟ انه صحيح الله يتمني ان نتغير لكي ينصرنا ولكن كيف وهذا ال.... جالس فوق المنصة يقول مصر امانة في ايدي ولن اتخلي عنها؟

حرام عليك يا ريس والله حرام اللي عامله فينا ده.... ظلم نهب سرقة قتل اغتصاب.. فالي اين تقودنا؟ لقد اصبحنا شيطاين لان من يحكمنا هوة ابليس لعين حرررااااااااااااااااااااام. كيف تنام عيونك بعد وفاة طالبين في الثانوية العامة بسبب سياسة من اخترت ليكون في حكومتك؟ اسفة بعد انتحارهم كفااااااااار بسببك؟ كفرتنا يا راجل حرام عليك. طب راجع نفسك حاول تشوف احنا كننا فين وبقينا فين؟

ارض الاحلام ومدينة الاحلام كل دول مين عايش فيهم؟ اذا كنت انا لما بمشي في مصر مش بشوف غير ناس جيبوهم مقطعة؟ لا يا ريس مش من كتر الفلوس.... دى من قلة الفلوس اللي يشتروا بيها خيط علشان يرقعوا البناطيل بتاعتهم.

لمجرد اني كنت السبب في قطع رزق واحدة حرامية من المحل اللي بشتغل فيه انا بعاني من اكتئاب مش عايز يسيبني....تخيل انت بقي كنت السبب في قطع عيش كام حد؟ كام واحد مات بسببك؟ قطورات بتولع وبتخبط في بعض وبتضيع ارواح شعب كامل وانت برده قادر تنام؟ حرام عليك ياشيخ ده احنا في قطر الصعيد خسرنا خسارة دولة في حرب 300 قتيل غير المعاقين ابديا غير المصابين باصابات تمنعهم من العمل عايز ايه تاني علشان تحس باللي فينا؟ احنا وحشين وولاد كلاب طب انت الريس صلحنا... اقبض علي تجار الحشيش,,,لا ياريس مش الشباب الغلابة اللي اتدبسوا في تجارة الحشيش,,, انا بتكلم عن رجال الاعمال الكبار اوى اللي بيستعبدوا الشباب عندهم, عارفهم يا ريس؟ ولا تحب امليك اساميهم؟ ياريس حرام انا مش عارفة الاقي ايه حلو اغفرلك بيه زنوبك دي كلها؟

كنت 8 سنوات عندما توفي ابن خالي من كان لي كل حياتي شاب لم يبلغ من عمره 25 عام كان في الجيش يا ريس عارف مات ازاى؟ كان ضغطه عالي اوى وقال كتير لظابط انه مش هيقدر يكمل التدريب لكن الظابط غبي كان واخد اوامر بانه يكمل التدريب حتي ولو علي حسب ارواح الجنود. وكمل ابيه وائل التدريب وفجاة وقع في الارض وهوة بينط من فوق سور اثناء التدريب يجي الظابط الامور بيفتكره بيتدلع راح واخد السلاح وقعد يضرب فيه علشان يفوق ويقوم لكن ابيه وائل مش عليه غير ان ودانه ومراخيره وبوقه بيجيبوا دم لحد ما الظابط حس بالمصيبه اخده علي المستشفي ووصلت انا وامي ليه كنت بين ايديه زى اللعبة الصغيرة بقوله قوم يا ابيه علشان نروح البحر انا هخلص امتحان بعد بكره وهنروح البحر عالطول ولسة فاكرة صوت امي وهيا بتسال علي الدكتور والتمرجي في المستشفي الحربية بيرد بكل سذاجة ويقولها اصله بيتغذا وجاي, ابيه وائل كان بيموت انا كنت حاسسة بيه بس مش عارفة هوة بيموت ليه؟ كانت دموعي سيل وانا مش عارفة يعني ايه موت اصلا؟ بس كنت عارفة اني مش هشوفه تاني. حضني ابيه وائل وكانت اخر لمسة يلمسها لحد وكانت اخر لمسة اسمح لحد انه يلمسهالي مات وانا علي حضنه. لسة فكرة الدم كان زى النافورة وكان سخن اوى عمري ما هنساه بفتكره كل عيد اضحي والجيران بيدبحوا اودام البيت لسة فاكره كان مدبوح نفس البخار طالع من حرارة الدم نفس النفضة اللي كان بيتنفضها نفس الآه اللي طلعت منه. الدم كان بينفجر عليا انا وكنت حسساه بس مش سبت حضنه صوت الصريخ لسة موجود في ودني نفس صوت الزغاريد اللي كانت بتتطلع يوم الدبيح. مات ابيه وائل في حضني وانا مش عارفة هشوفه تاني امتي؟ قالولي ان الدم لما بيعمل كده معناه ان الحد ده تعبان وعايز ينام, طبعا صدقتهم ومش عرفت انه مات ومش راجع تاني الا لما بقيت 14 سنة. وانا منتظاره يجيبلي فستان الفرح يوم عيد ميلادي ال14 زى ما وعدني زمان. ماجاش ومشوفتهوش تاني يا ريس. ليه اتحرم من ابتسامتي وانا لسة 8 سنين؟ بسبب جهل الدفعات المتخرجه تحت توجيهاتك يا سيادة الريس؟ ولا بسبب اننا اغبية علشان ساكتين؟

ياريس انت عندك من المال ما يكفي واخدت من السلطة ما يكفي ومن الجاه ما يكفي ومن الشهرة ما يكفي ومن الكره ما يكفي ويفيض, مش كفايا بقي؟ يا تري مش ان الاوان نعيش احنا كمان بقي؟ ارجوك سيبنا نعيش مرة واحدة في العمر ارجوك

نفسي ارجع مصر بقي يا ريس وحياة ولادك وحفيدك رجعني مصر اعيش بكرامتي بقي انا تعبت هنا بلدي اولي بينا وباللي زيي رجعنا ياريس ارجوك حس بالنار اللي فينا رجعلنا كرامتنا يا ريس

[السعيد الحبشى]

عزيزتى ... وعزيزة كل المصريين

نحن أهلك ... وأخوانك ..... لقد أبكتى أنفاسك الحاره التى أحسستها

وأنتى تكتبين هذه الكلمات التى عبرتى بها عما تكتمين فى صدرك

ابنتى العزيزه .... لقد قرأنا التاريخ وتعلمنا منه أنه كلما اشتد الظلام

كان نور الفجر أقرب وكلما اشتد القيد اقترب يوم الفكاك

ابنتى الغاليه اهدئى نفسا واسكنى بالا فلكل شىء نهايه كما كان

له بدايه

واحتسبى أخيكى مع الشهداء وفى أعلى الجنات عند الله الذى

لا يضيع عنده أجر ....

وبالمقابل فإن الله لا يترك الظالم إلا أن يحاسبه على ظلمه وعلى

ما فرط فى حقوق العباد فى يوم لاينفع الظالم أحد لا ماله ولا

سطوته ولا أولاده ولا حرسه .

أبنتى العزيزه اهدئى نفسا وارتاحى بالا فيوم الخلاص قريب

لكى من أخوانك كل حب وتمنيات طيبه

[metwallly]

ولا نملك إلا أن نقول حسبنا الله ونعم الوكيل

وإن لله وإن إلبه لراجعون

كان الله فى عونك وفى عون كل من أبتليى وأعاننا الله على الصبر

وفرج عنا الكرب ولا حول ولا قوة إلا بالله العلى العظيم

[شموع]

الأخت العزيزة

انا كمان شاهدت البرنامج وبالفعل ابكاني الحال التي وصلنا لها

لا نملك الا الدعاء لله سبحانه وتعالى

هوني عن نفسك .... ندعو الله له بالرحمة

حسبنا الله ونعم الوكيل ولا حول ولا قوة الا بالله

[mitcey]

اخواتي الاعزاء كل من قراء الموضوع وكل من علق عليه, شكرا جزيلا علي الردود الحلوة واسفة جدا علي الازعاج اللي سببته ليكم من الكلامات الباكية ولكن كان امامي حل من اثنين اما اذا انتحر مثل طلاب الثانوية العامة ام اكتب اي شئ يمكن فيه صراخي الذي طال كتمانه بداخل صدري الكئيب. واشكركم علي شعوركم وفعلا انا بدات الاقي هنا اخوات اخوات للنكسة اللي عيشين فيها

[لولا]

((اللهم أنت عضدي‘وأنت نصيري‘بك أحول‘وبك أصول‘وبك أقاتل.وحسبنا الله ونعم الوكيل..حسبنا الله ونعم الوكيل..حسبنا الله ونعم الوكيل.اللهم أجعل القران العظيم ربيع قلبي،ونور صدري،وجلاء حزني،وذهاب همي )).

[ابو محمود]

لاحول ولا قوة الا باللة

أختنا العزيزة أبكانى ماحدث لك وما هو الا نقطة فى بحر جميعآ نكتوى بهذا الداء عصر مبارك ولكنى استغرب

من شعب يشاهد مأساتة بأم عينة ولا يحرك ساكنآ اليس العيب فينا وليس فى من يحكمنا

اليست الحياة بيد اللة امهى بيد عبدآ ضعيف مثل مبارك اننا تخلينا عن الحق فتخلت عنا أنعامة ونعمة

الرجولة والفداء والشكيمة نعم من نعم الخالق فهل نحن فعلآ نستحق ان يظلنا اللة بظلة ونحن نبكى أحوالنا ويذبح اولادنا وا×واننا يوميآ ونراهم على شاشات التلفاز وصفحات الجرائد وتحت عجلات القطارات والعربات ومن تبين عجلات الطائرات ...... نحن نحتاج الى من يأخذ بيدينا الى اللة وليس البكاء نحتاج الى ضمير مات او هجرنا لاننا أحببنا ان نكون مع الخوالف مع الشهوات ومصالح ودنيا ذائلة وكذبة كبيرة اسمها وأنا مالى