ايه احلى لحظة مرت عليك فى حياتك

[iloveegypt]

انا عارف يمكن الموضوع غريب شوية بس علشان نخفف كمية الحزن اللى فى حياة الواحد لازم نفتكر اللحظات الحلوة فى حياتنا اولا لكى نشكر الله سبحانه وتعالى على النعم الكثير ة(ياربى للك الحمد كما ينبغى لجلال وجهك وعظيم سلطانك) ثانيا لاضافة روح التفاؤل فى حياتنا

لذا هابدأ بنفسى واحكى لكم احلى لحظة مرت على(طبعا اللحظات الحلوة كتير جدا ولله الحمد بس كل واحد يحكى لحظة واحدة بس هو ده النظام )

كان يوم خميس من عدة سنوات وكانت العائلة كلها مجتمعة عند جدتى الله يرحمها وكانت الساعة حوالى الحادية عشر مساءا

وجاء خالى من الخارج ومعه جرائد اليوم التالى الاهرام والاخبار md2:

فاخذت منه الجريدة واذا بنتيجة الثانوية ظهرت هممت بقرأتها فاذا اسمى ولله الحمد من العشرة الاوائل على مستوى الجمهورية فلما قرات اسمى صرخت باعلى صوتى واغمى على لحظيا من الفرحة واذا بالعائلة كلها اخواتى وولاد خالى وولاد خالتى جرى على الجرائد فتقطعت كلها واضطررنا لشراء جرائد اخرى جديدة وبدات الزغاريد التى ترن فى اذنى حتى الان وبالطبع لم انم فى هذه الليلة حتى الصباح ومازلت احتفظ بهذه الجرائد حتى اليوم عرفتم انا ليه بعشق تراب مصر :)

ملاحظة هذا الموضوع للتفاؤل فقط المتشائمون يبتعدون وشكرا cr((:

[moheltohamy]

إيه ده؟ cr((:

إحنا معانا أحد أمواس المذاكرة ، وفار كتب (Book Worm) كمان ف المنتدى؟!

ولا كان يبان عليك؟ :)

تحياتي md2:

[iloveegypt]

شكرا ياد تهامى اخجلتم تواضعى md2:

بس ولا مذاكرة ولا حاجة هو توفيق من الله سحانه وتعالى وله الحمد اولا واخرا

[شموع]

طب مش تقول !!!

عموما افتكر ان اليوم اللي فرحت فيه

عندما حصلت على رخصة السواقة

مش عارفه ليه ؟

بس كنت ساعتها حاسه اني طايرة من على الأرض

لو افتكرت حاجه تانيه هبأه اقول لكم عليها md2:

[سهيلة]

اللحظات الحلوة كتيرة ولكنى اتذكر منها

فرحة وصول جواب الترشيح للكلية

لجظة لما اشوفاسمى ف كشوف الناجحين ف الكلية

فرحتى لما مسكت المشرط اول مرة من غير ما اخاف

لحظة ما عينى وقعت لاول مرة على ابنتى لما اتولدت

[Khiber]

عندما سافرت لروسيا للحصول على الدكتوراه ولأول مره أعرف معنى أن تكون بنى أدم من إحترام الناس لأدميتك

كانت أحلى أيام عمرى

[حسام يوسف]

17-8-1992 نتيجة الثانوية العامة (مبروك كلية الصيدلة)

6-1-2006 الجواز

17-9-2007 العمرة و أول مرة أشوف الكعبة

23-3-2008 ولادة محمد ابنى

تم تعديل 21 يوليو 2008 بواسطة حسام يوسف

[انا]

اول سفرة سافرت فيها كانت للمدينة المنورة كانت من اجمل لحظات حياتي مع اني كنت صغيرة جدا وكانت مدتها قليلة

وكمان لمن دخلت الكليه

[ســيد مرزوق]

أجمل لحظة فعلا عشتها في حياتي هي لحظة ماوقعت عيني على الكعبة المشرفة زادها الله تشريفا وتعظيما وتكريما وعزا .

[فــيــروز]

- وانا باسمع مجموع درجاتى فى الثانويه العامه ساعة ظهور النتيجه بعد انتظار مرهق جدا

- يوم ما خلّصت مشروع التخرّج و سلّمناه و ناقشناه اليوم التالى

- يوم ظهور نتيجة البكالوريوس و تخرّجى

- حين وضعت رأسى على وسادتى فى منزلنا بعد يوم طويل بدأ بتعرّضنا لحادث انقلاب سيّاره

- نهاية يوم "عرفه" العيد اللىّ فات

و .. طبعا فيه أوقات أخرى للفرح :lol:

[MONIMOON]

موضوعك كتير جميل ومميز يا......iloveegypt

انا بقي اجمل لحظاتي.....يوم تخرجي وكان من 10 ايام

وانا بعمل العمرة بتاعة رمضان كل سنة.....عقبالكم يارب

يوم خطوبتي ...

بس كدة ولو افتكرت اي حاجة تانية اكيد هقولكم

[الباشمهندس ياسر]

السلام عليكم

افتكر لحظات ياما للسعادة

لما نجحت بمجموع كويس فى الثانوية العامة

لما جالى جواب ترشيح الكلية

لما اشتغلت شغلانة كويسة

و اللحظات الحلوة كتير و لله الحمد والمنة

[الباشمهندس ياسر]

مش عارف ليه حسيت اننا محتاجين اى حاجة تكون سبب فى شىء من الذكريات السعيدة

عموما شكرا ياباشمهندس ع الموضوع الجميل ده

[alaashabana]

اول مرة اشوف الموضوع دة

وانا بقراة قاعد افتكر فى اجمل لحظات حياتى بس كلها دخلت فى بعض..خصوصا لما لاقيت ilove egypt من الشعرة الاوائل فى مصر..اصل عمرىما كلمت حد من الشعرة الاوائل فىمصر..شرف كبير بجد للمصرين ..

انا من اجمل ايام حياتى :-

يوم ما اخدت تأجيل من الجيش.. يمكن تكون دى اكتر حاجة فرحتنىف ى حياتى

اول مرة اركب الطيارة وانى جاى الامارات..

اول مرة روحت فيها الجامعة الامريكية ..حسيت فعلا انى فى امريكا

لما نجحت فى ثانية ثانوى وجيبت مجموع 95 % ,,

اول مرة سوقت فيها عربية كنت فى الساحل الشمالى وكنت مرعوب اوى لان مكنش حد جانبى والعربية مش بتاعتى ,,

مش فاكر الباقى بقى..

[Ghooost]

أجمل لحظه فى حياتى لما نتيجة الثانويه العامه بانت وكنت جايب مجموع كبير يدخلنى كلية هندسه اللى كان نفسى فيها . بس ماكنتش النتيجه هى اللى مفراحانى أوى . فى الثانويه العامه انا كان ليا اهتمامات تانيه كتير غير المذاكره ودا كان مسببلى نقد كتير فى البيت بس الحمد الله انا كنت بعرف اوازن بين المذاكره والأهتمامات التانيه . ولما النتيجه بانت لقيت والدى بيحضنى ويعيط وبيقولى انا آسف على ظنى بيك وأنا طول عمرى هبقى فخور بيك . عشان كده دى أجمل لحظه فى حياتى وعمرى مانسيت اللحظه دى .

[الباشمهندس ياسر]

أجمل لحظه فى حياتى لما نتيجة الثانويه العامه بانت وكنت جايب مجموع كبير يدخلنى كلية هندسه اللى كان نفسى فيها . بس ماكنتش النتيجه هى اللى مفراحانى أوى . فى الثانويه العامه انا كان ليا اهتمامات تانيه كتير غير المذاكره ودا كان مسببلى نقد كتير فى البيت بس الحمد الله انا كنت بعرف اوازن بين المذاكره والأهتمامات التانيه . ولما النتيجه بانت لقيت والدى بيحضنى ويعيط وبيقولى انا آسف على ظنى بيك وأنا طول عمرى هبقى فخور بيك . عشان كده دى أجمل لحظه فى حياتى وعمرى مانسيت اللحظه دى .

ربنا يديم عليك الفرحة يا جوست

و تفضل دايما توازن باهتماماتك والضرورات

[aboamar]

هما اجمل لحظاتى يوم ارجع اجازة لمصر وواشوف اهلى ويم ما ربنا رزقنى بابنى عمار ونفسى ارزق بعبدالعزيز

[~Heba~]

الموضوع ده غريب اوى

انا جيت افكر فى لحظة حلوة فى حياتى ملقتش :blink:

رغم انى انا زيكم جبت مجموع كبير فى الثانوى و اهلى فرحوا برضو و دخلت كليه انا بحبها و اتخرجت مها برضو انما مش حاسة ان دى لحظات حلوة :closedeyes:

[eslam elmasre]

اجمل لحظات في حياتي

كان يوم منذ سنوات قليله وهو اسعد ليله قضيتها في حياتي كانت ليله العيد الكبير والتي قضيتها في مزدلفه حتي الصباح ونمت فيها في سعاده غامره لم احسها حتي ليله زواجي ومن حسن حظي انني ذهبت الي الحرم المكي وصليت صلاه العيد الكبير في المسجد الحرام

واللهي انتابني احساس بالسعاده لم احسه من قبل ولم احسه من بعده حتي الان

ثاني لحظات السعاده هو يوم ان رزقني الله بابني محمد واكثرها اثاره عندما كنت اقف خارج غرفه العمليات وناولني الطبيب ابني واخذته وحملته بين يداي فقد كانت الدنيا لا تسعني من السعاده والسرور حتي انني سجدت لله شكرا وطلبت من الله ان يحفظه لي ويبارك لي فيه ويجعله خلفا صالحا

وتوجد ايضا لحظات سعاده اخري ولكن ليست مثل تلك الحادثتين

[salmaa]

على فكرة انا لسة فى اولى ثانوى ونفسى لما اكون فى3ثانوى ليلة النتيجة تبقى اسعد لحظة فى حياتى , انامعشتش اى لحظة فى حياتى اقدر اقول عليها احلى لحظة فى حياتى :closedeyes:

تم تعديل 14 نوفمبر 2008 بواسطة salmaa