ايه احلى لحظة مرت عليك فى حياتك

[kokomen]

لحظة أول عام أتممت فيه فريضة الحج والحمد لله

:closedeyes: md2:

[iloveegypt]

بصراحة برضه من احلى لحظات حياتى

يوم الخطوبة لزوجتى ودى كانت بدايه نهاية السعادة :closedeyes: اللى قبل الزواج طبعا بضحك لان بعد الزواج حكاية تانية

وخصوصا الاولاد فعلا نعمة وربنا يرزق الجميع الذرية الصالحة

[الباشمهندس ياسر]

فعلا يا هندسة كانت نهاية السعادة

و بداية الجاتوه بالهنا والشفا

[iloveegypt]

فعلا يا هندسة كانت نهاية السعادة

و بداية الجاتوه بالهنا والشفا

عقباللك ما الجواز علينا حق :rolleyes:

[الباشمهندس ياسر]

مادايم الا وجه الله يا هندسة

كاس وداير ع الكل

[ذهبية]

اولا اشكرك على موضوعك الجميلادخل فى الموضوع احلى لحظاتى يوم ماجاء لزوجى المرض الخبيث فى الغدة الدرقية و جميع الدكاترة فى محافظتى رفضوا اجراء الجراحة لانة سوف يفقد الاحبال الصوتية و ذهب بية اخواتة الى مصر و تنبى دكتور متخصص فى سرطان الغدة الدرقية لا انسى اسمة دكتور نادر لانة الفضل بعد الله عز و جل

قرر اجراء عملية سريعة لة قبل انتشار المرض و سوف يحاول الاحتفلظ بالاحبال الصوتية لكن زى ما بيقولوا اخف الضررين ومكنش ليا اى اختيار و خرج زوجى من قوضة العمليات و هو يقول ليا بمجرد ما فاق من البنج ازيك انا الحمد الله الحمد الله كلنا صرخنا من الفرح انة بيتكلم كانت اسعد لحظة والحمد الله و بعدها باسبوع انجبت ابنى وكان و مازل اسعد فرحة فى حياتى

[الباشمهندس ياسر]

اخت ذهبية

ربنا يتم شفاء زوجك على خير

و تفرحى بالولد ان شاء الله

[الباشمهندس ياسر]

يوم رحيل محمد حسني مبارك من جديد

حسيت اننا رجالة بكل ما تعنيه الكلمة

حسيت ان ربنا من فوق العرش بيبارك خطانا

حسيت ان الاذن نزل من السما خلاص عشان نغير وجه الارض

[rewsha]

يوم رحيل محمد حسني مبارك من جديد

حسيت اننا رجالة بكل ما تعنيه الكلمة

حسيت ان ربنا من فوق العرش بيبارك خطانا

حسيت ان الاذن نزل من السما خلاص عشان نغير وجه الارض

والله انا كنت داخله اكتب كلامك بالظبط ....يوم تنحي مبارك

تخيلوا اني اليوم ده فرحت اكتر من اي حاجه في حياتي

اكتر من نتيجة الثانويه العامه ولو اني كنت من المتفوقين وجبت مجموع كبير

واكتر من فرحتي بولاده اول طفله لي واكتر من يوم خطوبتي

كل مناسبه من دول ليها فرحه طبعا

لكن يوم تنحي مبارك كان فريد ....وكان له طعم تاني خالص

[rewsha]

اسعد لحظه بقى باتمنى اني اشوفها ...هيه لحظه محاكمة صفوت الشريف وزكريا عزمي .وفتحي سرور

واقصد بمحاكمه ...يعني ادانه وحبس

وياسلام بقى لما فلوس الحراميه الكبار ترجع لمصر تاني

ولو اني استبعد دي شويه

لان الموضوع طويل

تم تعديل 25 مارس 2011 بواسطة rewsha

[مغتربة]

لم تمر حتى الان

و لكنى اترقب مرورها

بلهفه لا انكر

و لكن ايضا بيقين راسخ

ان الله لن يمنعها عنى

فهو اعلى من هذا و اجل

فقط هى مسأله وقت

طال ام قصر

[اغابي]

ــــ(الاستقـــــرار )ـــــ

وفى انتظار هذه اللحظة

تم تعديل 26 مارس 2011 بواسطة اغابي

[arkan]

لم تمر حتى الان

و لكنى اترقب مرورها

بلهفه لا انكر

و لكن ايضا بيقين راسخ

ان الله لن يمنعها عنى

فهو اعلى من هذا و اجل

فقط هى مسأله وقت

طال ام قصر

ربنا يقرب لك ماتتمنيه وأكثر