الأهلي الهادئ يفوز علي الزمالك

[الطيار المصرى]

في مباراة متوسطة المستوي

استطاع النادي الأهلي بالخبرة و الهدوء ان يفوز علي منافسه التقليدي الزمالك بهدفين نظيفين و في منتهي الروعة خاصة هدف فلافيو الذي يمثل ما في الاستغلال الأمثل للكرة العرضية و الذي ارسلها له بطريقة ساحرة القدير جيلبرتو

و الهدف الرائع لأحمد حسن و الذي احرزه من ضربة حرة مباشرة في غفلة من الحائط البشري و التحرك الخاطئ من عبد الواحد السيد

بينما احرز هدف الزمالك النجم جمال حمزة من تصويبة في منتهي الروعة

النادي الأهلي اثبت أنه صاحب الذراع الطولي و الأداء المتناسق و الاعصاب الأكثر هدوء

بينما اتصف نادي الزمالك بعدم التركيز في اللعب و التمريرات الخاطئة الي جانب غياب التفاهم بين اللاعبين

مبروك للنادي الاهلي لاعبين و ادراة و جمهورا

و حظ اوفر لنادي الزمالك

و عقبال ماتش السوبر و مباراة العودة و مباراتي الدوري و الكاس ده لو اتقابلنا فيه md2:

تحياتي

الطيار المصري

[حسام يوسف]

الف مبروك للأهلى

وكل الزملاء الاهلوية ع المنتدى

[قائد المدفعيه الهولنديه]

اسمحولى ابارك بس للزمالك .... على عوده الروح القتاليه ...اينعم اتهزمو بس بشرف.

الامضاء اهلاوى

[حسام يوسف]

عزيزى القائد

اسمخلى اختلف معاك

الزمالك اتهزم لغياب الروح القتالية اللى لو كانت موجودة-مكانتش النتيجة هتبقى كدة

الزمالك اتهزم لأنة منكوب فى رجال بيتنافسوا عل كراسى-واسف انى اقول عليهم رجال

ومابين عباس ودرويش ومندوة ومرتضى ياقلبى لاتحزن

الزمالك اتهزم عشان مدرب عجلاتى يطلع اجوجو وينزل عبدالحليم

ويلعب هانى سعيد

وهوة متعادل او مغلوب مش فارقة بيهاجم براس حربة واحد

معلهش

انتوا مالكمش ذنب فى دة

وحقكم تفرحوا-مع كل التحفظ على مستوى الاهلى

الف مبروك لكل الاهلوية

[حلواني]

نشكر الاستاذ حسام علي روحه الرياضية العاليه

وانت علي حق فيما قلته تماما عن الزمالك

اهنئ نفسي وكل الاهلويه

مبرووووووووووووووووووووووووووك

[النيل حبيبي]

هارد لك دكتور/حسام

اتعودتم واتعودنا

هولمان خاف يفتح اللعب لانه عارف خطورة الاهلي

اجوجو مكسب كبير لكن الانسجام

[vision]

وماله يا عم ، ألف مبروك

الزمالك بقى من الأسباب الرئيسية إللي مخلياني عايز أسافر

[justtrying]

مبروك للأهلاوية المحترمين فقط وهارد لك للزمالك وإن شاء الله خير

[قائد المدفعيه الهولنديه]

يا جماعه تعالو نفكر بصوت عالى...ايه الظروف اللى بيتعرض لها الزمالك فى الوقت الحالى؟

1- مشاكل انتخابات النادى .

2-عدم عمل معسكر اعداد جيد للفريق يوازى معسكر الاهلى على الاقل.

3-مشاكل تعاقد اللاعبين و القضايا و المحاكم ( هانى سعيد).

4- وجود عناصر جديده فى الفريق غير منسجمه لانها لم تلقى الوقت الكافى فى اللاعب مع الفريق.

5- المدير الفنى لسه جديد و الوقت غير كافى تماما علشان يظهر شغله.

النقاط المكتوبه دى تهد جبل ده كويس جدا ان الفريق شارك اساسا و كمان قدم العرض ده فى ظل الظروف دى اصبرو يا جماعه انا متفائل خير ..... و ربنا يستر

[ابو محمود]

عزيزى القائد

اسمخلى اختلف معاك

الزمالك اتهزم لغياب الروح القتالية اللى لو كانت موجودة-مكانتش النتيجة هتبقى كدة

الزمالك اتهزم لأنة منكوب فى رجال بيتنافسوا عل كراسى-واسف انى اقول عليهم رجال

ومابين عباس ودرويش ومندوة ومرتضى ياقلبى لاتحزن

الزمالك اتهزم عشان مدرب عجلاتى يطلع اجوجو وينزل عبدالحليم

ويلعب هانى سعيد

وهوة متعادل او مغلوب مش فارقة بيهاجم براس حربة واحد

معلهش

انتوا مالكمش ذنب فى دة

وحقكم تفرحوا-مع كل التحفظ على مستوى الاهلى

الف مبروك لكل الاهلوية

أخى الفاضل كبير بنى زملك د/حسام

هارد لك واللة الزمالك كان مش وحش كثير على الأقل تحسن ملحوظ والباقى فى الطريق

نحن فى أول الموسم يعنى تليين ودةكان واضح على جميع اللاعبين المحليين الفارق بين الأهلى والزمالك ليس كبير لو تم تدعيم الفريق معنويآ وليس عصبيآ سر تفوق الأهلى الهدوء فقط

عزيزى النادى الأهلى والزمالك هم رواد الكرة فى مصر مهما أختلف مسوى آى منهم لبضع سنين

تمنياتى لكم بنتائج طيبة فى باقى التصفيات

[حسام يوسف]

الف شكر عل شعورك يا عم محمود

هوة انا م الاول عامل حساب 6 نقط بتوع القاهرة ضايعين

(قال يعنى الزمالك حتى لو صعدهيكمل)

[النيل حبيبي]

المشكله في الكلام اللي ملوش معنى

ايمن قبل الماتش هو احنا حنلاعب ريال مدريد

بعد الماتش غير موفقين ولن نفرط في السوبر

مفيش فايدة

[jemy]

الذمالللللللللللللك عائدددددددددددددددددددددد بقوةةةةةةةةةةةة

وهانقهر الاهلي في الماتش الجي

[الطيار المصرى]

يا اخواننا الزماكاوية بلاش تسرع كده

واحدة واحدة....بلاش هنقهركم و الكلام ده

احنا مستنيين ماتش السوبر عشان نشوف الزمالك فعلا هناك تحسن و انسجام عن الماتش الفائت ام لا...

و لو حصل ان الانسجام و التوافق بين اللاعبين لم يتم بالسرعة المطلوبة.....لن يستطيع الزمالك مجاراة الأهلي في المباراة القادمة علي الأقل

و تحياتي لك اخواننا الزمالكاوية علي روحهم الطيبة و تهنئتهم الجميلة

الطيار المصري

[حسام يوسف]

مفيش فايدة

اللاعيبة هية هية وخصوصا باشوات الدفاع

مدرب عجلاتى

وكمان لسة فية تخبط ادارى

حلنى على ما نوصل لمجلس ومحترم

الاهم من كل دة يبقى فية لاعيبة مش نازلين مغلوبين جاهزين

[حسام يوسف]

واحب اخد رأى الزملاء

وبالمناسبة دى

لقطة وسام العابدى اللى فى المباراة

ياترى بنالتى؟

تم تعديل 22 يوليو 2008 بواسطة حسام يوسف

[justtrying]

بص يا اخ حسام بصراحة الاهلي كعبه عالي قوي على الزمالك

اولا الزمالك كان فيه نقطة ضعف وهي التنسيق بين الخطوط وبعضها البعض من ناحية الدفاع ونقل الكورة من الدفاع لخط النص للهجوم اعتقد والله اعلم أن من خلال ماتش الاهلي كان فيه علاج جذري لجزء خط الدفاع وربطه بخط الوسط وهناك تنسيق كبير وتسلم واستلام واستقرار ما بين الدفاع وخط الوسط لكن الآن النقطة بين خط الوسط والهجوم .. مفيش تنسيق في النقطة دي بصراحة ولا يوجد كثافة هجومية من لاعيبة الزمالك ومفيش تحضير من خط النص وقت الهجوم اغلب الكور بتكون طويلة .. لازم يكون هناك استلام وتسلم للكورة في خط النص ووقت للتفكير والتحضير للهجمه بطريقة منظمة اكتر من كدة

ثانيا غلطة نزول هاني سعيد وانتقال احمد مجدي من مركز الليبرو إلى خط النص صراحة غلطة ساذجة للغايه من ناحية هاني سعيد ليس على استعداد نفسي او بدني ثانيا احمد مجدي غير مؤهل لخوض منافسة خط وسط مهاجم اللاعيب يمتلك اميكانيات جميلة جدا ولكن هذا ليس مركزه

ثالثاً نزول احمد غانم سلطان كان المفروض يلعب الماتش من البداية وهذا ليس التقليل من محمد عبد الله .. محمد عبد الله لاعيب موهوب واي انسان واي لاعب ممكن يخطأ وده وارد والنقطة الاخيرة وهيه نزول عبد الحليم علي في اخر 10 دقايق للمبارة رغم أنه كان محتاج كثافة هجومية كان يجب نزول عبد الحليم علي وخروج لاعب خط وسط لعمل كثافة هجومية ونزول جمال حمزة في وسط الملعب للاستلام والمساندة في بعض الاحيان

بصراحة الزمالك ادى مبارة عاليه خططيا وبدنيا والنقطة الاهم الي يجب أن يتم معاجلتهم هو مسألة امتلاك الكورة والنقل بين اللعيبة وتحضير الهجمة بطريقة منظمة أكثر ويجب أن يكون هناك كثافة هجومية عند امتلاك الكورة

بس ..

تم تعديل 22 يوليو 2008 بواسطة justtrying

[حسام يوسف]

انت شايف ان المدافعين كويسين؟

علط محمد عبدالله -وانا عارف انة لعيب كويس-مش خلل فى الدفاع؟

بلانص محمود فتح اله الهوائى فى الهدف الاول مش خلل دفاعى؟

اخطاء وسام العابدى مش خلل فى الدفاع؟

انا متفق مع باقى كلامك

لكن طول عمر الاهلى اجوانة احسن من اجوان الزمالك

لكن باكات الزمالك فى المجمل احسن من باكات الاهلى

انا زعلان على الدفاع الزملكاوى

المشكلة ان مافيش انتخابات

وهنستنى بقى لما ربنا فرجها

والزمالك يستقر

[المنصوراوى]

ثانيا غلطة نزول هاني سعيد وانتقال احمد مجدي من مركز الليبرو إلى خط النص صراحة غلطة ساذجة للغايه من ناحية هاني سعيد ليس على استعداد نفسي او بدني ثانيا احمد مجدي غير مؤهل لخوض منافسة خط وسط مهاجم اللاعيب يمتلك اميكانيات جميلة جدا ولكن هذا ليس مركزه

الاخ الفاضل Justtrying

انت كده فعلا بتتكلم صح نزول هانى سعيد فعلا امر محير لاعب جديد لم ينسجم مع الفريق

بيلعب ليبرو يعنى لم ينزل هانى سعيد لم الفريق يكون كسبان و عاوز يحافظ على النتيجة

أنا أعتقد ولا اجزم انه نزول هانى سعيد و لم يكن الورقة الرابحة فى المبارة أنما ربما اعتقدوا

ان يكون الورقة الرابحة فى الانتخابات ليضهر ممدوح اسماعيل قوته حتى الوقت اللى نزل فيه

مش هو الوقت اللى يجرب فيه لعيب

ام الخطا الثانى نزول أجوجو و أيمن عبد العزيز و مع الاجماع علىموهبتهم الكروية الا انا عنصر الانسجام غير موجود

الزمالك خسر المبارة بس بالفعل تحس انه الروح بدات تعود للزمالك ز مش عاوزين نستعجل الامور و بعدين نحكم

و هولمان مدرب قدير بس لازم الزماللك بصبر عليه شوية و اهم مميزات هولمان الصرامة التى افتقدها نادى الزمالك

فى افترة الاخيرة

مبروك للاهلى و حظ اوفر للزمالك