محاورات العطاء .........بدرورة !!!!

[badroora]

المحاورات وحشتنى اوى يكفى ان هى المكان الاول اللى كبرت وترعرعت فيه ..

احيانا بنتخنق وبنزهق فبيكون الحل الافضل اننا نبعد

لما نهدأ بدل ما نخسر ناس المفروض اننا بنحترمهم وبنتوقع منهم المقابل يلا الحمدلله

المهم انا الفت قصيدة للمحاورات ونفسي اموت واحطها بس عارفه انها ممكن تتحذف

اصلها سياسية اوى فقولت كفاية الاغنية دي تعبر لحد ما تتاح لى الفرصة

وانزل بالقصيدة بس هاخليها بالليل متأخر يكونوا الجماعة نايمين :sad:

بنت المحاورات البارة بدرورة :D

[رمضان]

صباح الخيرات يا بدارة عودا حميدا يا بنتي

منورة بيتك

قعلا يا بدرية الأغنية دي معبرة لاشياء كثيرة جدا ممكن تنطبق على الوطن ككل يا بنتي والله

[قائد المدفعيه الهولنديه]

الاغنيتين اجمل من بعض و ان كان بحبك وحشتينى اجمل طبعا علشان ايقاعاتها مصريه

الا صحيح ازاى اقدر احط اغنيه زيك كده اصل عندى اغنيه جميله خااااااالص لازم كل الناس تسمعها عامله انقلاب فى كل حته تشتغل فيها

[somayasaleh]

والله يا بدورررررره انت اللي وحشتينا جداجدا جدا

وانا لا اتصور المحاورات من غيرك يا بدوررررررررررررررر

بحبك وحشتيني

[badroora]

الله يسلمك يا ابو صيام .. وكل سنه وانت طيب

القائد الحاصل على النشان الذهبي ... شوف يا قائد مبدئيا الغونية لازم تكون بتشتغل ع النت زى اللى انا حطاها كدا تقوم تعمل ايه

تيجي على عنوان الصفحة اللى فيها الاغنية من فوق وتظلله وتعمل منه كوبي وتيجي هنا فى المشاركة اللى عاوز تضيف فيها الاغنية وتختار

من الخيارات اللى على يمين الصفحة اضافة رابط وبعدين تعمل باست للكوبي اللى اخده

وبس هتشتغل على طول لما تضيف الرد (اوعى تكون الاغنية اللى تقصدها دى العبد والشيطان ويابا يابا جو جو جو :closedeyes: )

ويلا بقي ورينى همتك فى اعياد الميلاد اللى جاية الموسم قرب اوك عاوزين نشد حيلنا شوية :rolleyes:

سومية الامورة وانا باموت فيكي والمحاورات طعمها حلو ولذيذ طول مافيها ناس زيك طيبة وبتحب غيرها

تم تعديل 21 يوليو 2008 بواسطة Badria Mekkawy

[فالحة هانم]

ألف حمدلله على سلامتك يا بدرورة . . . منورة بيتك يا جميلة . . . والله لكي وحشة كبيييييرة .

يااااااااه دي المحاورات مكنش لها طعم من غيرك خاااااالص . . يا شيخة الواحد كان جاله اكتئاب من الوضع الراهن

يالا خلي الزرع يزهزه من تاني والشجرة تثمر :closedeyes: . . وفي انتظار ابداعاتك الرائعة :rolleyes:

[النيل حبيبي]

حمداً لله علي سلامتك الفاضله/بدوررره

بلاش قصيده سياسيه خليها اجتماعيه

الف مبروك مره تانيه وان شاء الله ربنا يكرمك بعريس الغفله ويكون ابن حلال

[النجم الثاقب]

http://www5.0zz0.com/2008/07/21/13/287974443.jpg حظك بقى .. الصورة مش راضية تظهر

المحاورات منوره و الله .. حمدا لله على سلامتك يا أختى الغالية بدرية

[iloveegypt]

حمدا لله على عودتك اخت بدرية وعايزين مواضيع جامدة :closedeyes:

[حسام يوسف]

حقيقى

افتقدناكى

وكنا قاعدين فى صالون (المحاورات)بدون (نجفة)

والكل كان بيسأل

شرقاوى

(مصرى)

(اسوانى)

على ال(مكاوى)

والحالة كانت صعبة

لأنها محتاجة (ملاك)رحمة

وال(مكتب )كان قافل

واحب اهديكى اغنية وردة

(خليك هنا خليك بلاش تفارق)

اهلا بيكى

من تانى

[شموع]

والله فرحت لما شفت العنوان يا بدردر

حمد لله ع السلامة

وحشتينا بجد ربنا ميحرمكيش مننا :closedeyes:

[~Heba~]

:lol: :wub:

مسا الجمال على حبايبنا يا مسا الجمال

احلى التماسي من شوقنا يا اهل الجمال

وحياه عنيكم.. لاغني ليكم

انا بين اديكم.. فرحانه بيكم

داحنا عشانكم وعشان عيونكم سهرانين

ولحد بكره ولبعد بكره متجمعين

آه يا حلاوه سهرتنا من غير معاد

ياللي سرقتوا محبتنا فين الوداد

مسا الجمال يا مسا الجمال

مسا الجمال على ليالينا قول يا زمان

اشتقنا والله وادينا جينا كمان

نغني ليكم وحياه عنيكم

انا بين اديكم فرحانه بيكم

مسا الجمال ع اللي معانا واللي بعيد

ع اللي وجودهم ويانا ف اليوم ده عيد

فرحتنا بيهم.. موالنا ليهم

انا بيم اديهم.. فرحانه بيهم

مسا الجمال على حبايبنا يا مسا الجمال

wst:: :P

http://www.youtube.com/watch?v=j4E0ybasaqU...feature=related

تم تعديل 21 يوليو 2008 بواسطة ~Heba~

[الطيار المصرى]

ايه يا جدعان ده....

النهاردة 6 اكتوبر و لا عيد العمال و لا انهي مناسبة سعيدة خلتني أرد عليكي يا بدورة.....

ليكي وحشة كبيرة كبيرة كبيرة......

حقيقي نورتينا مرة تانية يا نجفة المحاروات و نوارتها....

و ماتغبيش تاني كده....بلاش الحركات دي.....و لا هو تعب قلب و خلاص :lol:

تحياتي العطرة

الطيار المصري

[سهران]

حمدا لله على السلامة .......... أفتقدناكي كتير يا بدرية ........ المحاورات كانت ضلمة من غيرك أكيد ... هاتنور أزاي و ما فيش أصلا نجفة ؟؟؟!!! ....... بأذن الله دايما تنوري "سقف " المحاورات ..... طبعا عرفتي غلاوتك عند كل أعضاء المنتدى و بلاش تجربي تاني .... الأغاني تعبر تماما عن الود بينك و بين الأعضاء....

نورتي المنتدى

[badroora]

فالحة هام .... ازيك يا قومر والله وحشنى دبدبوك الجميل والله دبدوبك دا بيخلى التعيس سعيد

ربنا يسعدك يا شخية

ويريح قلبك يا رب . وانتى كمان يا الغالية وحشتينى جدا والمحاورات طعمها ونكهتها

موجودة وسليمة طول مافيها ناس دمها خفيف زيك يا عسل

مرسي كتير ليكي يا غالية

استاذى النيل حبيبي ... يا ترى مين بقي عريسي بن المحظوظة اللى الكل بيدعيله دا فعلا

اكيد طبعا مامته داعياله ان الناس بتحبه من قبل ما يظهر :wub:

انا ذات نفسي احتمال استخسر نفسي فيه عشان محدش يحبه اكتر منى :wub:

عقبال بقي كدا لما نفرح بولاد حضرتك ببن الحلال اللى يسعدهم ويكون محظوظ ان حضرتك

حماه او حماها شكرا يا اخى العزيز :wub:

النجم الثاقب ...الله يسلمك يا رب والصورة شفتها وعجبتنى اوى كتر خيرك انت عملت كتير

الصراحة الله يقدرنى وارد جمايلك

حسام صديقي العزيز ... ميرسي جدا على دعوتك الغالية لى بالرجوع وعلى محاولاتك وانت

عارف انا مقدرش اكسفك ابدا شكرا جدا .. wst:: .

شموع الغالية ... انتى الاكتر حبيبتي ربنا يخليكى وميحرمنيش من حبكم وسؤالكم عنى ويبارك فيكي يا رب :P

هوبا القومر ... غونية لطيفة حتة واحدة مشكورة يالغالية فعلا يا ولاد انا خلفت بجد وبنتى

كبرت قدامى وبتعمل اللى كنت باعمله خشي فى لحمك يا هوبا يا حبيبيتي :wub:

سهران .... انا من ساعة ماجالك بنت وانا بدأت اغير منها وكل شوية اختفى عشان اشوفك

هتسأل عنى ولا لاء المثل بيقول من لقى عياله نسي اصحابه :lol:

لكن بعد كلامك دا اتاكدت ان معزتى عندك تتساوى او اقل بشوية صوغنين مع بنوتك الجميلة

امتى بقي هتسلمهالى هنا فى حضانة المحاورات عشان اخرجهالك منها بعون الله سوبر ممبر

I love Egypt ... وانا كمان والله شكرا لك وربنا يديم المعروف ان شاء الله وحمدالله على سلامتك انت كمان

الطيار المصري ... صديقى العزيز ازيك واخبار امتحاناتك ايه يا رب تكون تمام ويلا بقي

بسرعه اتخرج انا مش راضيه احشي ال19 ضرس اللى عندى

مستنية انفعك بيهم شوفت انا باخدمك ازاى ... شكرا يا كابتن وحمدالله على سلامتك انت كمان

شكرا لكم كلكم

اختكم المخلصة للابد :wub:

بدرورة

تم تعديل 22 يوليو 2008 بواسطة Badria Mekkawy