الحب الالكترونى المؤلم ...!!!

[badroora]

قولت مش معقول ارجع لكم وايدي فاضية جبتلكم قصتى الجديدة ويا رب تعجبكم

مقدمة

القلب يعشق قبل العين احيانا.

إن راح منك يا عين هيروح من قلبي فين .

اختلفت الاقوال حول الحب الالكترونى بين مؤيد له بشدة ومعارض بشدة .

الراى الاول ..ضد

الحب عن طريق النت تسلية او لعب عيال وغير معترف به , وحجتهم التى يستندون اليها كيف تشعر

بشخص \شخصة من خلال شاشة كمبيوتر عكس الواقع تماما .

الاغلبية ع النت تكذب بسهولة وتعيش فى الخيال الافتراضي الذي لا جذور له . اما الواقع انك تقابل

الشخص او الشخصة وتعرفه جيدا ويعرفك ومن خلال لغة العيون هتستطيع ان تعرف مدى صدقه .

الراى الثانى ... مع

الحب الالكترونى لا يفرق عن الحب الواقعى لانها نفس المشاعر نفس الاحاسيس والصادق فى الواقع

هيكون صادق ع النت .

راى انا ....

النت تعتبر الوسيلة التى من خلالها يتم التعارف مثلها كمثل اى وسيلة اخرى يتقابل بها الاشخاص .

الحب سواء الكترونيا او واقعيا يعتمد على طبيعة الشخص الصادق فى مشاعره ومع نفسه , لان من يجعل النت تسليه اكيد فى واقعه لديه طرق اخرى للتسلية لا يحتاج لعالم افتراضي يمارس من خلاله كذبه او خداعه.

لو كنا نعتبر ان العين هى المسئولة عن الحب فهذا خطأ لانه العقل هو المسئول عن الحب وليس العين

يعنى العين مجرد وسيلة تأكيد وهذا ليس راى انا فحسب

يوضح الاطباء النفسيين ان حاله الحب التي يشعر بها الانسان تاتي نتيجه افراز المخ لماده كيميائيه يطلق عليها "دموع الحب" تسري في الدم تنتج الاحساس بالحب وانواعه وان القلب بريء تماما من الحب صحيح ان القلب يدق بسرعه عند رؤية الحبيب الا ان ذلك يحدث بتاثير من العصب الذي يغذي القلب ويستمد كل اوامره من المخ بدليل انه لا خوف من زراعه القلوب فلن ينتقل حب انسان عبر قلبه الذي يزرع في جسم اخر فالقلب لا يزيد عن كونه مضخه عضليه لا اكثر ولا اقل..

ان العاطفه ومراكزها موجوده في المخ والقلب يستجيب لاشارات هذه المراكز فيعلن عن حاله الحب من خفقان زائد وضربات مضطربه وخجل وتلعثم وارتباك يظهر على المحبوب

والواقع ان تقييم صوره المحبوب ورسمها والارتياح لها يتم عن طريق العقل والفكر والعاطفه الموجوده في المخ فالصوره التي يتمناها الانسان عن فتى او فتاة الاحلام موجوده في الخيال فيجدها فيمن يحبهايستقبلها الادراك الحسي "العين والاذن .." وتترجم في المخ .وهنا توجد نظريه "العلاج المعرفي" التي تعتمد على استخدام المنطق والتفكير في الاشياء والقضايا المعنويه ولتغيير الحاله المزاجيه بمعنى اني لو اردت ان احب انسانا ابحث عن اشيائه الحلوه فأقنع عقلي بقبوله وان استرجعت حاجاته السيئه ازن على دماغي فاكرهه!

اذن استطيع بفعل نظرية "العلاج المعرفي" والتفكير العقلاني ان اغير عاطفتي

يُتبع

تم تعديل 21 يوليو 2008 بواسطة Badria Mekkawy

[badroora]

الحلقة الاولى

"التسلية "

الابن ....صباح الخير يا بابا .

لمعى ....صباح النور يا ابني .. انت صاحى بدري ليه كدا ع الصبح

الابن ...ماهو يا بابا انت نسيت تدينى مصروفى بالليل وانا رايح المدرسة الصبح فقولت

اصحى الحقك قبل ما تنزل

لمعى .... يسلام يعنى هى امك ممعهاش فلوس محوشاها من مصروف البيت عشان تديك

مصروفك انت واخواتك.

الزوجة ...يا خويا بلا نيلة مصروف الندامة دانا يا راجل بكمل اخر الشهر سلف بالعافية

هو انت حد ينفع يحوش من وراك .

لمعى ..انتى دايما كدهو ع الصبح تتخنقى وتقلبيها غم يلا يا شيخة والله لانا نازل ومش فاطر

حتى يا خويا روح وفرت .

فى العمل .. صباح الخير مالك يا لمعى جاى ع الصبح والشر بيطلع من عنيك ليه كدا روق يا

راجل روق دانت لسه فى بداية اليوم وبنقول يا هادي .

لمعى ... والله يا محسن وماليك على حلفان انا متجوز ست تصحى الصبح وشها عامل زى

ورقة الطلاق بالظبط ولا بيطمر

فيها حاجة لما شكلها هتجبلي جلطة فى المخ .

محسن ... والله مش انت لوحدك يا جدع كلنا فى الهوى سوي .

شلبي .. انما يعنى يا سي محسن كل يوم عينى عليك بردة لا بشوفك مضايق ولا زعلان وكمان موبايلك دايما يرن واشوفك يا

خويا بتتكلم بالساعات ومنشكح ومش باين انك عندك مشاكل يعنى .

لمعى ... ميكونش متجوز على مراته فى السر

محسن .. جواز ايه يا عم وانا عبيط ادبس نفسي فى جوازة تانية انا لو بايدي من الاول لكنت اتجوزت ولا اتنيلت .

محروس ... طب يا خويا رسينا ع الفولة واللى مخليك مبسوط وسعيد وكل اليوم جاى الشغل وانت طاير غيرنا كلنا .

محسن ... انا اتجوزت النت ..

لمعى ......يعنى ايه ؟؟!!

محسن .......شوف يا ابو لمعة احنا يا خويا لو حياتنا هتبقي من البيت للشغل ومن الشغل للبيت كدا هنتخنق .

محروس ... امال يا خويا هنروح فين دانتا لو فكرت تخرج تلاقى ام العيال والعيال كبسين على نفسك واقل خروجة فى محل

كشري هتدفع فيها نص المرتب وكمان الولية هيتعيرك بعدها وتقولك يوم ماتخرجنا اكلتنا كشري .

محسن ......لا طبعا هو احنا معانا فلوس عشان البعزئه ما الكشري تخلى ام العيال تعمله فى االبيت واهى تنشغل عنك شوية .

شلبي ........طيب قولنا بقي يا ابو المحاسيس بتعمل ايه انت بقي ؟!!!

محسن ......شوف الواحد قبل الجواز بيكون عايش فى رومانسية واغانى وورود وكلام معسول .

محروس ... آآآآآآآآآآآآه دى كانت ايام انا افتكر اخر قاعدة رومانسية قعدتها مع ام العيال كانت فى اسبوع

الفرح بعد كدا يا خويا الحنا بهتت من ايديها وبهتت معاها كل شيء جميل .

لمعى .......تحس ان الحريم دول اول ما تتمكن من الواحد مننا .. تبدأ تهمل فى نفسها ويكون كل هدفها

تنغص عليك عشتك وعيشة اللى خلفوك .

شلبي ... فكرتونى ...بموقف كدا بالصدفة افتكرت عيد جوازنا وانا راجع من الشغل عديت على مدرسة

الولاد وودتهم عند جدتهم قولت اهم يقعدوا يوم عندها كدا ولا حاجة

وروحت يا خويا جبت بطيختين حلوين كدا على كيلوا هريسة , وربع مشبك , وبجنية لب . وقولت كان فى

كيس شمع فايض من سبوع اخر عيل اهو نولع الشمعتين بدل الركنه ونعمل جو شاعرى زى اللى بيجي

فى التليفزيون ولا اللى بيسموه افلانتايل (valentine) وقولت افاجيء ام العيال . :wub:

كنت متعود انى اخبط ع الباب قبل مادخل مع انى معايا مفتاح , لكن اليوم دا بقي قولت لا دا غير كل الايام

فتحت الباب واتسحبت لاقيت ام العيال فى المطبخ بتطبخ جيت وقفت كدا وراها ومتكلمتش وهى بتلتف بسرعه اتخضت وفى

خضتها طلعت المغرفة من حلة الشوربة وهى بتغلى وراحت منولانى بها فى وشي وعينى اتسلخت

من الشوربة السوخنه :blink: ولحد النهاردة مبشوفش بها . :ninja:

الاصد كان يوم اغبر من الاخر . :blush2:

محسن .......لا لا انا بقي هاظبطكم انتم بس روحوا على مكاتبكم دلوقتى عشان المدير لما يمر

ميلقيناش كدا متجمعين وسابين الشغل .

لمعى ... والله عندك حق .. خلينا نشوف هنفطر ايه النهاردة

شلبي .. انا عازم ابو المحاسيس على الفطار عربون محبة وجدعنه . :wub:

محسن... الو ايوة يا حياتى ازيك .. وكركركركركرررر ... وحشتينى يا عسل ... وكركركركركررر :rolleyes:

محروس ..... ايوة يا خويا ... ربنا يسعدك ويهنيك .. وعقبالنا يا رب .

محسن ... ها كنا بنقول ايه .... استنوا الموبوبايل بيرن تانى.

لمعى ... يا سيدي دانا موبايلي محدش بيعبرنى غير مراتى كل ماتعوزنى تبعتلى رسالة كلمنى شكرا ام بلاش وكل اصحابي كدا.

محسن ... عاوزة ايه اخلصي ... يا ستى عندى شغل ... ومبقفش فى طوابير انا .. انتى شغلتك البيت

يبقي انتى عليكي كل شئون البيت , الفحى عبايتك وانزلى لحد الفرن هاتى العيش انا مش هارجع من ام

الشغل كفران وكمان اتنيل واقف فى فرن العيش , يلا مع السلامة عندي شغل .......اوووووووووف :closedeyes:

شلبي ... سبحان مغير الاصوات .. من شوية يا حياتى .. وكركركركركر.......ودلوقتى .. شخط واوووووووووووف

محسن .. كنا بنقول ايه ... الولية عكننت على اللهى يعكنن عليها عزرائيل .

لمعى ... روقك انت بس عشان تحكيلنا على موضوع الانورنت دا

محسن ......يا سيدي اسمه انترنت .

محروس ... انور انتر اهو كله ان وخلاص .

يُتبع

تم التعديل لراحة الزبائن قصدى القاريء

تم تعديل 22 يوليو 2008 بواسطة Badria Mekkawy

[jemy]

قولت مش معقول ارجع لكم وايدي فاضية جبتلكم قصتى الجديدة ويا رب تعجبكم

مقدمة

القلب يعشق قبل العين احيانا.

إن راح منك يا عين هيروح من قلبي فين .

اختلفت الاقوال حول الحب الالكترونى بين مؤيد له بشدة ومعارض بشدة .

الراى الاول ..ضد

الحب عن طريق النت تسلية او لعب عيال وغير معترف به , وحجتهم التى يستندون اليها كيف تشعر

بشخص \شخصة من خلال شاشة كمبيوتر عكس الواقع تماما .

الاغلبية ع النت تكذب بسهولة وتعيش فى الخيال الافتراضي الذي لا جذور له . اما الواقع انك تقابل

الشخص او الشخصة وتعرفه جيدا ويعرفك ومن خلال لغة العيون هتستطيع ان تعرف مدى صدقه .

الراى الثانى ... مع

الحب الالكترونى لا يفرق عن الحب الواقعى لانها نفس المشاعر نفس الاحاسيس والصادق فى الواقع

هيكون صادق ع النت .

راى انا ....

النت تعتبر الوسيلة التى من خلالها يتم التعارف مثلها كمثل اى وسيلة اخرى يتقابل بها الاشخاص .

الحب سواء الكترونيا او واقعيا يعتمد على طبيعة الشخص الصادق فى مشاعره ومع نفسه , لان من يجعل النت تسليه اكيد فى واقعه لديه طرق اخرى للتسلية لا يحتاج لعالم افتراضي يمارس من خلاله كذبه او خداعه.

لو كنا نعتبر ان العين هى المسئولة عن الحب فهذا خطأ لانه العقل هو المسئول عن الحب وليس العين

يعنى العين مجرد وسيلة تأكيد وهذا ليس راى انا فحسب

يوضح الاطباء النفسيين ان حاله الحب التي يشعر بها الانسان تاتي نتيجه افراز المخ لماده كيميائيه يطلق عليها "دموع الحب" تسري في الدم تنتج الاحساس بالحب وانواعه وان القلب بريء تماما من الحب صحيح ان القلب يدق بسرعه عند رؤية الحبيب الا ان ذلك يحدث بتاثير من العصب الذي يغذي القلب ويستمد كل اوامره من المخ بدليل انه لا خوف من زراعه القلوب فلن ينتقل حب انسان عبر قلبه الذي يزرع في جسم اخر فالقلب لا يزيد عن كونه مضخه عضليه لا اكثر ولا اقل..

ان العاطفه ومراكزها موجوده في المخ والقلب يستجيب لاشارات هذه المراكز فيعلن عن حاله الحب من خفقان زائد وضربات مضطربه وخجل وتلعثم وارتباك يظهر على المحبوب

والواقع ان تقييم صوره المحبوب ورسمها والارتياح لها يتم عن طريق العقل والفكر والعاطفه الموجوده في المخ فالصوره التي يتمناها الانسان عن فتى او فتاة الاحلام موجوده في الخيال فيجدها فيمن يحبهايستقبلها الادراك الحسي "العين والاذن .." وتترجم في المخ .وهنا توجد نظريه "العلاج المعرفي" التي تعتمد على استخدام المنطق والتفكير في الاشياء والقضايا المعنويه ولتغيير الحاله المزاجيه بمعنى اني لو اردت ان احب انسانا ابحث عن اشيائه الحلوه فأقنع عقلي بقبوله وان استرجعت حاجاته السيئه ازن على دماغي فاكرهه!

اذن استطيع بفعل نظرية "العلاج المعرفي" والتفكير العقلاني ان اغير عاطفتي

يُتبع

انا معك تماما فانا واحد من الناس الي حبت عن طريق النت ولا اعتقد انه يوجد مثلي لاني حبيت حب جاد جدااااااااااا وفوق ما تتخيله وعلاقتنا ببعض علاقة حب فعلا والله وهانتجوز ان شاء الله في شهر 2 ولا اخفي عليكم حصل بعض المشاكل وهي ان اهلها لما سالوها تعرفيه من فين قالت نت فقالولها داه لعب عيال

ولكن والله بحبها بجد وهي كمان

ولا ارى اي فرق بين الحب عن طريق النت والحب عن طريق الفيس تو فيس

ويمكن الحب عن طريق النت احسن شوفو مثلا لما تحب انسان لم تراه لبعض الوقت فانك تحب مشاعرة احساسه نبله لا تحب مظاهر من الممكن ان تكون كازبه او شياء اخرى من الممكن ان تكون غير صحيحة

وهذا رايي ؟؟؟

[قائد المدفعيه الهولنديه]

jemy 10\10

ربنا يتمم لك على خير

[badroora]

Jemy اهلا وسهلا بك فى القصة انا سعيدة جدا جدا بكلامك دا ,ودا اللى كنت هاقوله فى

القصة بس بعد ماعرض كل الجوانب السيئة اللى ممكن نقابلها ع النت

ونخدها كاستنادر ونقيس عليه كل حاجة , وكمان هناقش فكرة التخلى عن الروتين المتعارف عليه .

الف الف مبوك وربنا يتم عليك بخير يا رب

اعتذر انى بدأت قصتى بالجانب السيء لانه للاسف مهم جدا ومعظم الناس بتعتقد فيه وبتظن انه هو الحال العام السائد ع النت

لكن فى نماذج جميلة صادقة مثل العزيز جمى وان شاء الله لما اوصل للنقطة دى هنعرف

ان النت مثله مثل الواقع بالظبط والسيء سيء فى جميع الاحوال

والف الف مبروك جيمي

تم تعديل 21 يوليو 2008 بواسطة Badria Mekkawy

[أبو محمد]

والله يا بدرية يابنتى أنا جانى حول فى الجانب الأيمن من المخ ..

الظاهر فيه مشكلة فى استخدام الأكواد .. علشان كده التنسيق بيطلع مش مضبوط ...

يعنى مثلا

"التسلية "

صباح الخير يا بابا ..صباح النور يا ابني .. انت صاحى بدري ليه كدا ع الصبح , ماهو يا بابا انت نسيت تدينى مصروفى

بالليل وانا رايح المدرسة الصبح فقولت اصحى الحقك قبل ما تنزل , يسلام يعنى هى امك ممعهاش فلوس محوشاها من

مصروف البيت عشان تديك مصروفك انت واخواتك.

المفروض تبقى كده

"التسلية "

- صباح الخير يا بابا ..

- صباح النور يا ابني .. انت صاحى بدري ليه كدا ع الصبح

- ماهو يا بابا انت نسيت تدينى مصروفى بالليل وانا رايح المدرسة الصبح فقولت اصحى الحقك قبل ما تنزل

- يسلام يعنى هى امك ممعهاش فلوس محوشاها من مصروف البيت عشان تديك مصروفك انت واخواتك. :closedeyes:

وبالطريقة دى ما نلخبطش النصف الأيمن بتاع المخ

[badroora]

شكرا خاص للفاضل ابو محمد على التنبية بخصوص جوانب المخ

واوعدك هاخد بالى المرة القادمة

الواحد مش من السهل انه يربي زبون فمش معقول نتعبه

الزبون دائما على حق .. جارى التعديل يا فندم

شكرا ويعطيك العافية يا ابي الغالى

ابنتكم البارة الموهبة الشابة

بدرورة الضب :closedeyes:

تم تعديل 21 يوليو 2008 بواسطة Badria Mekkawy

[لولا]

رائعه دائما يا بدريه كنت..وستظلين.

نورت المحاورات يا ست الكل..

موضوعك جميل يا بدريه..

واسجل متابعتى الكامله له .

وحمد الله على السلامه روجعك لبيتك ولأحبابك.

[~Heba~]

شكرا خاص للفاضل ابو محمد على التنبية بخصوص جوانب المخ

واوعدك هاخد بالى المرة القادمة

الواحد مش من السهل انه يربي زبون فمش معقول نتعبه

الزبون دائما على حق .. جارى التعديل يا فندم

شكرا ويعطيك العافية يا ابي الغالى :lol:

ابنتكم البارة الموهبة الشابة

بدرورة الضب :wub:

يا نعم حد بينده عليا wst::

انا اول ما سمعت اسمى جيت جرى ادحرج التماسى

حمدا بالسلامة يا بدورة

عودا احمد و محمود و حمدنا الله

و الله يا بدورة القصة دى جامده و كله واقع و اللى مدمن نت زيى كده يعرفه استمرى يا استاذة Go on

للاب الغالى ابو محمد

حضرتك لو تعبان من اى حاجة بس مطلوب منك تأشر

و انا حاجى جرى

امسح لك النضارة :P

[badroora]

الاعزاء لولا الغالية وهوبا ........شكرا على المتابعة والتشجيع

ويا رب كل موضوعاتى تنول اعجابكم ورضاكم

شكرا :lol:

[badroora]

الحقلة الثانية

تابع ..........) ( التسلية 2)

محسن ... كل واحد يلا يكتبلي بياناته عشان افتحلكم بها اكونت ع الاى سيكيو وكل واحد

على مكتبه عشان المدير ميحسش بحاجة .

لمعى ... الاسم .. أبو رحاب , السن 46 سنه , المهنه موظف , المكان . شبرا الخيمة ,

الهوايات . الطاولة وأزأزة لب البطيخ .

شلبي ... شلبي مرتاح , السن 42, المهنه .. موظف , المكان ,بولاق الدكرور , الهوايات ,

التزحلق على بسطة السلم .

محروس ... ابو وائل ,, السن 48 سنه .. المهنة . موظف .. المكان .. امبابة .. الهوايات

..قراءة الجرائد وحل الكلمات المتقاطعة

محسن..ها خلصتم كل واحد يجبلي بياناته بقي ويتفضل على مكتبه واللى عليه الدور يبقي يجيلي

هنا عشان يحط الباصورد الخاصة به .

لمعى ... هات يا شلبي ورقتك , وانت يا محروس .. خد يا سي محسن ورينا الهمة بقي .

محسن ........ايه دا ايه دا ايه اللى انتم كاتبينه دا , انتم فاكرين نفسكم رايحين تعملوا بطايق تموين .

ايه الاسامى اللى تحبس دى البيانات دى ممكن الاى سي كيو نفسه ميقبلهاش . يا راجل ايه الكلام الفارغ دا.

لمعى ... طب شور علينا يا خبير نعمل ايه .؟

محسن ... يا بنى عشان تصطاد حاجة عدله لازم بروفايلك يكون عدل

شلبي ... وهما يعنى ع النت بيشتروا راجل ولا بروفايل .

محسن .. بروفايل طبعا ..

محروس ... طيب ادينا يا سيدي من خبرتك ونورنا اخواتك غلابة ملهومش فى الحاجات دى.

محسن .. من عنيه ..شوف يا سيدي .. تعالوا الاول هاديكم درس فى اصول اللعبة عشان تبقوا مصحصحين كويس .

محروس .. اللهى يباركلك يا خويا فطمنا .

محسن ... اول حاجة الاسم (Nick Name ) لازم يكون اسم جذاب يثير الانتباه ويكون محير .

شلبي ... فهمت عليك ... أه منك انت يا نمس .

محروس ... طيب اقترح علينا اسامى كدا واحنا نختار ويا ريت يكون فيها انجلش بيكون اشيك.

محسن .. ماشي .. خد عندك . الاول الاسامي اللى تثير فضول الستات وتخليهم يجروا وراك بالمشوار عشان تكلمهم .

رجل لم يحترم النساء .........) دا عن تجربة نتيجها 100%

حبيس فى سجن النساء ....رجل دمرته امراءه ..دى بردوة ميه ميه

كاره البنات ............) كل بنت بقي هتحاول تبقي قديسة عشان تغير فكرتك وتخليك ترجع تحب البنات .

No woman No cry ........)

No love no pain ........)

المجروح .....) دى لفئة المستشفيات نتيجتها مضونة

قلب مجروح ......) ودى كمان

قلب بينزف .....) مجربة ونتيجتها سريعة بتنفع فى الطواريء

العنيد .....) دى بقي للبنات اللى راسها نشفة ونتجيتها مضمونة

شلبي ..... متخش على الرومانسي شوية احنا ناقصين غم واقعى وغم انترنتى احنا عاوزين نهيص .

محسن ... صبرك بالله كله جايى ... خد عندك ... زير النساء ... ودا لفئه معينه من البنات

الرومانسي .....قلب بيعشق الحب , المعذب فى هواكى ... عذبتنى امراءة ... العاشق .ولهان ..الشوق واللوعه

لمعى ... مش عارف مش لاقي نفسي فى اى اسم من اللى كتبهم ليه ؟

محسن ... طلبك عندى ... النمس , النجم , السفاح . دباح القلوب ... مدوب القلوب .. دى بقي هتجبلك

خط شبرا بولاق والسبتية

محروس ... طيب خش بقي على باقية البيانات عشان نخلص .

محسن ... خانة السن سيبها مفتوحة , والبلد بردوا سيبها مفتوحة ودى هاقولكم الهدف منها ايه .

الهوايات بقي ...دى بقي مهمة جدا لازم تكون مناسبة لكل فئة .من اول المثقفات الى بتوع الحوارى والموالد .

شلبي ... ازاى يعنى .. اكتب فى الهوايات على كل لون يا بطسطة .

لمعى ..... :wub: الله يحظك يا شلبي ضحكتنى وانا نفسي مغمومة .

محسن ... البنت بتحلم بفارس احلامها والحصان الابيض :wub:

محروس ... يعنى اكتب فى الهوايات عربجى

لمعى ... يبقي ان شاء الله هتلاقى ام الشحات بتاعة الفجل اللى على ناصية شارعكم

هى اللى هتقبل تضيفك .

محسن ... لاء .. الهواية .. ركوب الخيل ... سباق السيارات .... الجرى ... كمال اجسام ... كتابة الشعر .. كدا يعنى .

شلبي ... مفهوم .. والصورة الرمزية بقي :P

محروس ... الحمدلله لسه كنت اخد كارت مع العيال امبارح والمصوراتى اللهى يستره مطلعنى حلو ومدارى كل المطبات اللى فى وشي .

محسن .... صورتك ايه اللى هتحطها انت والعيال .. انت هتعمل بحث اجتماعى

لمعى ... امال يا عم انت حيرتنا معاك ومافيش حاجة فينا عجباك خالص كدا . wst::

محسن ... مش الأصد .. المهم اختاروا صور ممثلين اجانب او صور زى الغروب والشروق وتكون ثلاثية الابعاد

عشان تخلى الزبونة من دول تفكر فى صورتك وتحس ان ورى الصورة دى سر خطير وتحاول جاهدة تتوصل له

محروس ... يا سيدي يا سيدي ع التخطيط .. والله انت ميه ميه دباح القلوب بصحيح . :lol:

محسن ... هنعمل ايه بس اهو الواحد بيحاول يسلك اموره عشان الحياة تمشي . :wub:

لمعى ... كدا بقي كتر خيرك وان شاء الله ربنا هيجزيك خير على مساعدتك لنا .

محسن ... يلا بقي ع البركة كل واحد على مكتبه ويفتح الاى سي كيو بتاعة ويصطاد.

شلبي ... بس انا سمعت عن حاجات تانية غير الاسي سي كيو دا .

محروس .. اة بيقولوا فى مزنجر .. وياهو .. وبالتوك ..

محسن .. اه وفى كمان اسكايبي , وفى هوت فون ... وجوجل توك .......وبرامج على حصر لها.

لمعى ... طيب واحنا بقي هنعمل ايه فى المعمه دى كلها .

محسن ... لا انتم لسه مبتدئين يعنى الاى سي كيو نادى الناشئين بعد ما تتودكوا كويس وتتعرفوا على

مجموعة كويسة اكيد هتحتاج لاكثر من اكونت على المزنجر وياهو واسكايبي .. المهم انتم بس خليكم

فى الاسي سي كيو بس حاليا.

شلبي ... تُشكر يا ابو المحاسيس رينا يجازيك خير يا رب .. ويزيدك من علمه كمان وكمان عشان تنفع به اخوانك.

محسن ... يلا الله يوفقكم .

لمعى .... القلب الحائر ...سيرش .. بسم مالله ماشاء الله النت عمرانه وفيها الخير كتير

محتار اختار مين ولا مين ... استنى اختار العنيدة .

محادثة

القلب الحائر ... سلام عليكم .

العنيدة ... ASL

القلب الحائر ... اصل ايه .. هو كنت سألتك على اصلك لما تسألينى .

العنيدة ... انت جديد ع الشات

القلب الحائر ... والله انت اول واحدة اكلمها ع النت

العنيدة .. طيب ولا يهمك .

القلب الحائر ... ايه بقي موضوع الاصل دا هيفرق معاكى يعنى .

العنيدة ... لا انت فهمت غلط . ASL= a= age , s= sex male or female, location = where u from

القلب الحائر ........اه قولتيلي .. بقي .. انا اسمى وائل , سنى .. اول الثلاثينات المكان بتكلم من مكتبي فى الشغل

العنيدة ... والله انت دمك شربات .

القلب الحائر ... الله يكرم اصلك .

العنيدة .. انما ايه بقي اللى محير قلبك اسم الله على قلبك من الحيرة .

القلب الحائر ... وانت ليه بقي عنيدة ... شكل راسك عاوزة تندش عشان تبطلى عند .

العنيدة ... انت قليل الذوق على فكرة

القلب الحائر ... جرى ايه يا ست احنا فينا من الغلط .

العنيدة .. شوف انت كلامك عامل ازاى

القلب الحائر ... طيب انا اسف

العنيدة ... ممكن اشوف صورتك ؟

القلب الحائر.......معنديش صورة حاليا والله

العنيدة ... طب ممكن توصفلى نفسك

القلب الحائر..... طولى 180 سم .. مفتول العضلات .. شعرى اسود ناعم وراجع لورا وعندى شنب ودوجلاس

العنيدة ... واو انت امور خالص

القلب الحائر ... وانتى بقي يا عسل ؟

العنيدة ... انا طولى 170سم .. شعرى بنى سايح وطويل , عيونى عسلية واسعة ورموشي طويلة

القلب الحائر ... ايه دا بكلم ملكة جمال .

محسن ... انت يا عم اقفل الصوت اللى كل شوية يقول اواو أو أو أو

شلبي ... يلا يا جماعة المدير عامل اجتماع وطالبنا .

القلب الحائر ... طيب يا قمر استأذنك دلوقتى عشان بس ميعاد النادي والجيم .

العنيدة ... هاشوفك تانى امتى .

القلب الحائر ... حسب التساهيل ان شاء الله .

العنيدة .. باي باي

القلب الحائر ... باي باي يا عسل

[النجم الثاقب]

لمعى ... كدا بقي كتر خيرك وان شاء الله ربنا هيجزيك خير على مساعدتك لنا .

من ناحية إن ربنا هيجازيه خير .. أكيد هيجازيه خير كتييير قوى mfb:

أسجل إعجابى الشديد بالموضوع و القصة ...

رأيى المتواضع إن موضوع الحب ده ممكن يحصل فعلا و يكون حب صادق جدا .. بس فى الغالب نسبة نجاحه هتكون ضعيفة جدااااااا

المشكلة إن الثقة تقريبا منعدمه بين الناس على شبكة الانترنت و فى مجال كبير للكدب و الغش و الخداع إلا ما ندر و فى أمثلة كتير .. على سبيل المثال محسن و رفاقه .. و على فكرة البنت اللى بيكلمها لمعى دى شكلها نصابة هى كمان .

حلوه حكاية المازنجر دى :lol:

إلى الأمام يا بدرية :D

[مصري جدا]

الأخت بدريه...نوارة المحاورات

حمدا لله علي رجوعك لأحبائك اللي افتقدوكي الفتره السابقه وده اول دليل علي وجود الحب الأكتروني

اسجل متابعه سريعه باعجاب لمواضيعك وفي أنتظار البقيه

[وليد أهلاوى مصراوى]

للأسف ماتابعتش قصتك اللى فاتت للأخر يا أخت بدريه "قصه سهل" ... لكن المره دى أن شاء الله هتابع

أنا رأيى أن حب الأنترنت بيكون فيه جزء كبير من خيال المحبين ... يعنى كل شخص بيضفى على الأخر الصفات اللى نفسه يلاقيها ...

أو اللى نفسه يصدق أنها موجوده فى محبوبه .... طبعا الكلام ده فى الواقع برضه ... لكن على النت بيكون أقوى

على فكره أكتر جزء فعلا ضحكنى ...لما أختارو الأسامى على الشات mfb: ...فكرتينى بروتانا زمان شات بار .... فعلا الأسامى كده

وكل ما أشوفها أضحك :D

تم تعديل 22 يوليو 2008 بواسطة وليد أهلاوى مصراوى

[badroora]

الاخ العزيز النجم الثاقب .......بسكال مشعلانى حته واحدة :lol: شكرا على وجودك هنا والمتابعة

وفعلا مش كل النت محسن ولمعى او العنيدة دول نماذج سيئة ولكن اكيد فى ناس صادقة بس للاسف الغالبية سيئين

ميرسي ع التشجيع خيوا :D

العزيز جدا مصري جدا ...اولا نورت مصر واسكندرية واجازة سعيدة وحمدالله على سلامتك

... وانا جيت عشان مقدرش انت تنادى على وانا ملبيش النداء :wub:

شكرا على كل كلمة كتبتها وانتم اكبر نموذج مخلص وجميل لوجود اصدقاء ع النت بجد ربنا يديم المعروف بينا :lol:

وليد لا لا انا زعلانة منك خالص فى كل اول قصة تظهر تشجع وبعدين تختفى mfb: ودا فى

كارنا كار القصصية فال موش كويس انك تربي زبون ويطفش :lol:

على كل حال سماح المرادى وهاشوف بقي هتصمد للاخر ولا لاء

شكرا لكم جميعا

[badroora]

الحلقة الثالثة ...

تابع ......التسلية ...............) رقم 3

شلبي .....ياساتر الاجتماع كان طويل وممل بشكل .

محروس ... اه مختش بالك انت وهو عمال يلقح بالكلام على سؤء استخدام النت والاستخدام الغير هادف لها.

لمعى ... يعنى هو الواحد حظه ماله كدا كل خرابه يطلع له فيها عفريت اول ما لضمت مع واحدة وباقول يا لطيف

يجي المدير ويقول اجتماع ويعطلنا وكمان يلقح ع النت واللى بيستخدموه وبما اننا مستجدين يبقي ميقصدناش .

محسن ...انت زعلان ليه هو انت يعنى مفكر اللى كلمتها من شوية مستنياك ولا فكراك اصلا متربطش

نفسك لو ضاعت اعمل بحث على غيرها دى فايدة النت متبكيش ابدا على واحدة دول زى الهم ع القلب

شلبي .... انا باقول الامر ميسلمش وممكن المدير يعمل حركة غدر ويقطع عننا حبل النجاة الجديد لازم يكون عندنا استبن .

محروس ... عارف الاسطى زور بتاع وصلات الدش .

شلبي ... ايوة اعرفه كويس انا واخد وصله من عنده

محروس ... تقريبا شغال فى الانورنت بردوا خلينا نبقي نسأله ولو كدا نبقي نوصل فى البيت ونبقي براحتنا.

لمعى .... براحتنا مين يا عم انا عندى ولية تقريبا كانت مشروع مخبر وفشل مش هينفع تسبنى اتهنى ع النت

محسن .......لا ازاى ... دى ليها دورس خاصة وناجحة 100% تخليك فى البيت قاعد ع النت ومراتك

بتجبلك الشاى والعشا وتحبس العيال كمان عشان تخليلك الجو وتنعم بهدوء تام واعصاب هادية وبتدعيلك كمان

لمعى .... يابايابايابا ع الحلاوة دى انت ميه ميه يا ابو المحاسيس .

محسن .. انتم بس من النهاردة لازم تغيروا معاملتكم مع حريمكم شوية نظام مسح جوخ يعنى تمهيدا للى هيحصل .

شلبي ... ايوة صحيح وكمان عشان اقنعها اخد الجمعية اللى كنا هنجدد بها التنجيد اجيب كمبيوتر ومايك وكام واعيش بقي

محسن .... يانهارك اسود .. كام ومايك اوعاك اسمعك تقول كدا تانى ...انت كدا هتلعب فى عداد عمرك .!!!

لمعى ... يعنى لما انا اقول للعنيدة انى عندى 30 سنه وتسمع خشخشة صوتى وتزيقة صدرى من

السجاير والمناهدة اكيد هتطفش .

محروس .... دا من صوتك ........امال بقي لو شافت صورتك

شلبي .... آآآآه صحيح .. والله كلامك صح يا ابو المحاسيس .والله لاتدينى ايدك ابوسها انا حلفت

محسن ... النت مخاطرة زى المخابرات بالظبط عاوزة القلب والضمير الميت عشان تكذب وضميرك

مينقحش عليك ترجع تصحح .

شلبي ........هو اللى مات بيرجع تانى .

لمعى ...هى من ناحية مخاطرة والله مخاطرة دى ممكن تخرب بيوت عمرانه وتشرد عوائل وتلطم ناس .

محروس ... مش قوى ماهو اكيد كل اللى داخل ع النت فاهم كدا كويس محدش بريء يا با

شلبي .... البقية فى حياتك يا محروس دفنت قلبك وضميرك امتى .

محسن ... لا النت مش كلها وحش فيها ناس تستاهل الحرق وناس تستاهل كل خير .

شلبي ... انا بقي عاوز اللى يستهلوا الحرق عشان الضمير ميصحاش

لمعى ... وسمعنى احلا سلام .. خلى الضمير نايم .... ويابا يابا يا با

محروس ...نايم ممكن يصحى .. خلى الضمير مايت ... وجوجوجوجو

محسن ... ماشاء الله كنتم مستنين بس حد ينكشكم عندكم ميول اجرامية انترنتية خطيرة

لمعى ... من عاشر القوم يا با

محروس ... طيب يا جماعة اسيبكم انا بقي الساعة بقت 2 والموصلات هتبقي مدعكة

اشوفكم بكرة على خير . سام عليكم

لمعى .......مع السلامة ومتنساش تظبط مع الاسطى زور

محروس .........ماشي .

يُتبع

تم تعديل 22 يوليو 2008 بواسطة Badria Mekkawy

[النيل حبيبي]

شكراً للموهبه الشابه/بدوررة

الحب الالكتروني نظري صعب نجاحه

النظرة فالابتسامه مفتاح الحب

[أبو محمد]

تم إغلاق الموضوع ...

لغياب كاتبته ..