اللهم رب الناس أذهب عنا البأس اشف أنت الشافي لا شفاء إلا شفاؤك

[جويرية]

السلام عليكم و رحمة الله و بركاته

عنوان الموضوع هوه ( مرض السرطان ) لكن مرضتش أكتب العنوان اللي يخض ده عشان بس منكدش علي اي حد بيتصفح

المرض ده للأسف انتشر في مصر جدا ، للأسباب اللي أكيد حضراتكم عارفينها .............................................

سؤالي عن

المرض ده لغاية دلوقتي مش ليه علاج ، و المصاب بالمرض ده بيقي متعذب الكام سنة أو الكام شهر اللي حيعشهم ، يعني مرض نفسي اشد من المرض العضوي ، ده غير معااناة اهل المريض

سمعت أن الدكتور خيري السمرة الله يرحمه رفض أنه ياخد العلاج الكيميائي لغاية ما أتوفي

أنا سمعت عن حالتين الأولي أكتشفوا المرض متأخر جدا و مكملتش شهر علاج و اتوفت ، و حالة تانية قعدت تاخد العلاج الكميائي لمدة 4 سنين

أنا شايفة ان الحالة الأولي أرحم من التانية

أو لو الدكتور مصارحش المريض بمرضه مش ده يكون أحسن

اللهم اشف جميع مرضانا و خفف عنهم و صبرهم و اغفر لهم

[فــيــروز]

كنت بافكّر فى الموضوع ده من أيّام ..

وكنت باسأل نفسى يا ترى رفض المريض تلقّى العلاج الكيميائى يمكن توصيفه من وجهة النظر الدينيه على أنّه انتحار !!

الموضوع ده فعلا شغلنى أوى من هذه النقطه بالتحديد

العلاج الكيميائى أحيانا بيكون مفيد للبعض لكن على حساب آلام مبرّحه و تغيّر هائل فى الشكل و الروح "ربنا يعافى الجميع يا رب" فهل من حق المريض بهذا المرض أن يرفض تحمّل هذه التكلفه الباهظه و ينتظر قضاء الله و قدره

اللهم اشف كل مريض يا رب و خفّف آلام المتعبين ..

[~Heba~]

مواجهه المريض لمرضه تتوقف على قوة ايمانه

و هى نفس القوة اللى مفروض يواجه بها اى شده اخرى....مشكلة فى الحياة العملية او وفاة شخص عزيز او مرضه او حرمان من نعمه ما

و فى كل الاحوال دور الطبيب انه يعرف مريضه بمرضه و مش بس كده

دا لازم يديه المعلومات بأمانه كاملة

لكن مش على طريقة...شد حيلك شدة و تزول و كلنا لها

لان المقدمات دى هى اللى بتعمل تهيئة نفسية سلبية

ربنا يشفى الجميع :lol:

[رمضان]

الحمد لله العلاج بالنسبة لهذه الامراض اصبح متوفر وهناك حالات باذن الله شفيت منه

انا لي تجربة مع والدتي وهي الان بفضل الله في اتم صحة ، نعم هناك اعراض ولكن شفيت من هذا المرض .

[جويرية]

كنت بافكّر فى الموضوع ده من أيّام ..

وكنت باسأل نفسى يا ترى رفض المريض تلقّى العلاج الكيميائى يمكن توصيفه من وجهة النظر الدينيه على أنّه انتحار !!

الموضوع ده فعلا شغلنى أوى من هذه النقطه بالتحديد

العلاج الكيميائى أحيانا بيكون مفيد للبعض لكن على حساب آلام مبرّحه و تغيّر هائل فى الشكل و الروح "ربنا يعافى الجميع يا رب" فهل من حق المريض بهذا المرض أن يرفض تحمّل هذه التكلفه الباهظه و ينتظر قضاء الله و قدره

اللهم اشف كل مريض يا رب و خفّف آلام المتعبين

اللهم أمين

ربنا يشفي كل مريض و يخفف عنهم

هوه حيبقي أنتحار لو قلنا ان العلاج الكميائي ده علاج ، لكن هل هوه علاج فعلا و لا تأجيل للنهاية

اذا كان العلاج الكميائي ده مش بيشفي من المرض طيب ليه بيدوه للمرضي ، و بعدين المريض بيعيش اسوء سنين في حياته بالعلاج ده ، طيب أزاي يبقي علاج وهو بيدمر الحالة النفسية للمريض و يخليه منتظر شبح الموت اللي ممكن ييجي في اي لحظة

بس مسمعتش عن ناس رفضت العلاج غير الدكتور خيري السمرة ، الأنسان بيبقي عنده امل في الحياة لغاية أخر لحظة

[جويرية]

مواجهه المريض لمرضه تتوقف على قوة ايمانه

و هى نفس القوة اللى مفروض يواجه بها اى شده اخرى....مشكلة فى الحياة العملية او وفاة شخص عزيز او مرضه او حرمان من نعمه ما

ربنا يشفى الجميع :lol:

اللهم امين

فعلا الأيمان بيخلي الواحد يعيش حياة أحسن و يبقي راضي عن حالة

و

فى كل الاحوال دور الطبيب انه يعرف مريضه بمرضه و مش بس كده

دا لازم يديه المعلومات بأمانه كاملة

لكن مش على طريقة...شد حيلك شدة و تزول و كلنا لها

لان المقدمات دى هى اللى بتعمل تهيئة نفسية سلبية

شفت ناس معرفوش حقيقة مرضهم و ماتوا من غير ما يتعذبوا ، و ناس تانية عاشوا في معاناة هما و اللي حواليهم

يا رب يكتشفوا علاج للمرض ده

[جويرية]

الحمد لله العلاج بالنسبة لهذه الامراض اصبح متوفر وهناك حالات باذن الله شفيت منه

انا لي تجربة مع والدتي وهي الان بفضل الله في اتم صحة ، نعم هناك اعراض ولكن شفيت من هذا المرض .

ربنا يحفظ لك الوالدة و يديم عليها الصحة و العافية

اللي اعرفه ان الحالات اللي بتخف بيكون ورم حميد زي ما بيسموه ، لكن الأورام الخبيثة مسمعتش عن حد خف منها

تم تعديل 21 يوليو 2008 بواسطة جويرية

[رمضان]

لا كان خبيث وبفضل الله شفيت منه

[المنصوراوى]

المرض ده للأسف انتشر في مصر جدا ، للأسباب اللي أكيد حضراتكم عارفينها .............................................

الاخت الفاضلة جويرية الاسباب على ما أعتقد غير معروفة الى الان

و كل ما يقال اجتهاد فقط و لاكن السبب الحقيقى غيرمعروف

لهذا المرض الخطير على ما أعتقد

مفيش دكاترة و لا ايه يفتونا فى اسباب المرض دا

و لا أصرار المهنة يحكم عدم الحديث المجانى :blush2:

[جويرية]

الاخت الفاضلة جويرية الاسباب على ما أعتقد غير معروفة الى الان

و كل ما يقال اجتهاد فقط و لاكن السبب الحقيقى غيرمعروف

لهذا المرض الخطير على ما أعتقد

مفيش دكاترة و لا ايه يفتونا فى اسباب المرض دا

و لا أصرار المهنة يحكم عدم الحديث المجانى

أظن أن فيه اسباب كتيرة منها الأسمدة اللي فيها مواد ضارة و المواد الحافظة و الألوان الصناعية

و تاريخ الصلاحية الكبير جدا للمواد الغذائية ده بيدل علي كمية المواد الحافظة اللي فيها

[جويرية]

(ولنبلونكم بشيء من الخوف والجوع ونقص من الاموال و الانفس والثمرات وبشر الصابرين) ( سورة البقرة: 155)

ناس كتير نتيجة انتشار الأمراض الخطيرة دي ، بتصاب بالخوف و الخوف ده ابتلاء من عند ربنا و نلاحظ في الأية الكريمة ان الخوف أول أبتلاء قبل الجوع حتي

و فيه ناس برده نتيجة ان اعراض الأمراض دي ممكن يتشابه مع أمراض تانية ممكن تحس أن أي مرض عندها ان ده مرض خطير

طيب المواد الضارة اللي سايبنها تموت الناس دي حتفضل لغاية امتي ، طيب حتي يخففوا منها شوية عشان الناس السليمة تشيل الناس العيانة ، طيب لما كل الناس حتعيا و تموت ، العيان مش حيلاقي حد يساعده ، و حيبقي السرطان ده عامل زي الكوليرا زمان لما خدت بلاد كاملة

ربنا يستر

[النيل حبيبي]

الواحد ياخد بالاسباب والمرض عاوز صبر

سنه الحياةوالمكتوب علي الجبين لازم تشوفه العين

ربنا يشفي كل مريض

[ابتسامة رضا]

لا نملك الا الدعاء الي الله عز وجل

اللهم نسألك العفو و العافية

اللهم اشف انت الشافي لاشفاء الاشفاؤك

[جويرية]

الواحد ياخد بالاسباب والمرض عاوز صبر

سنه الحياةوالمكتوب علي الجبين لازم تشوفه العين

ربنا يشفي كل مريض

امين

بس الأمراض كترت في الزمن ده ، زمان كان اللي بيعيا ده خلاص عيا الموت ، دلوقتي بقت الأمراض ده حاجة عادية

ربنا يصلح أحوالنا و يصبر كل مبتلي

[جويرية]

لا نملك الا الدعاء الي الله عز وجل

اللهم نسألك العفو و العافية

اللهم اشف انت الشافي لاشفاء الاشفاؤك

أمييين

فعلا يا أختي احنا بقينا قليلي الحيلة و منملكش غير الدعاء