أرجوكم أفيدونى سريعا

[roka]

معلش أول مشاركة ليا سؤال بس انا لاحظت التعاون ما بينكم زوجى هيسافر على منتصف شهر أغسطس للعمل فى الأمارات وهو عنده فيرس سى وكنا سألنا كثيرا وتأكدنا بأنهم بيعملوا تحليل الإيدز فقط ولكنى قريت فى أحد الموضوعات أنهم بيعملوا أيضا تحليل الفيرس سى فهل بتختلف من أمارة لإمارة أم ماذا أرجوكم ردوا عليا سريعا لأنه على وشك كتابة أستقالته هنا فى مصر

[mezo]

هنا فى دبى بيعملوا تحليل ايدز فقط واشعة على الصدر والاخوة فى بقية الامارات اعلم ولكن اعتقد انه موحد فى كل الامارات والله الموفق

[شموع]

في قرار جديد وبدأ العمل بيه فعلا

وهو انه تحليل فيروس سي والتهاب الكبد البائي

فعلا بداوا يعملوه لجميع الوافدين عند عمل الاقامة او تجديها

هذا ما قرأته ولكني لم اراه شخصيا

اعطيني فرصة للغد اتأكد لك وارد عليكي ان شاء الله

[roka]

متشكرة ليك جدا ميزو

ويا ريت يا شموع تتأكدى فعلا لأحسن هتكون مشكلة كبيرة جدا

ربنا يستر

[red sea]

لأنه على وشك كتابة أستقالته هنا فى مصر

ياريت يحاول يقدم اجازة بس .. الامارات مش جنه و بعد فتره لازم هيرجع مصر

لما يكون في شغل ممكن يستفيد بالقرشين في حاجه تانيه

أحسن ما يعمل بيهم مشروع عشان يجيب دخل شهري

و يبقى كأنك يا أبوزيد ما غزيت

و تمنياتي بالتوفيق

[roka]

يا ريت كان ينفع يأخد أجازة بس للأسف الوضع عنده حاليا فى الشغل سئ جدا وأنا عارفة الغربة صعبة بس نعمل أيه

يا ريت حد يعرفلى موضوع الفيرس لأنى كلمت السفارة قالوا لى معنديش فكرة أنا اللى فهمته من اللى مكتوب فى النت أنها مناطق ومناطق ول كده أيه المناطق اللى مش بتعمل وهى مكان عمل على الإقامة هناك من اى مكان ولا أيه

[شموع]

الاخت العزيزة

سألت لك في ادارة الطب الوقائي في عجمان والشارقة

لا يتم تحليل فيروس سي في الوقت الحالي :D

فقط فيروس بي والايدز وفحص الدرن mfb:

ولا تنسوا صلاة الاستخارة :lol:

فمن الممكن يقومون بعمله في اي وقت لأني قرأت انه سيتم تحليله ضمن الاجراءات الجديدة

[roka]

متشكرة ليكى جدا شموع بس هو رايح أبو ظبى بيكونوا زى بعض

وطبعا أنا صليت صلاة إستخارة وهو ده اللى مطمنى أنا الحمد الله معملتش اى قرار أو خطوة فى الموضوع ده إلا بعد الإستخارة

ومرة تانية متشكرة ليكى جدا

[المرشد]

الســلام عليـكم ورحمــة الله

هــو زوج حضـرتكـ بيشتغـل إيــه

في قــرار جــديــد صــدر بيمنــع المــدرسين بالمــدارس أو الأشخــاص اللي بيشتغلــوا في مطــاعــم إنهـم يكـونـوا حامليـن

لفــيرس ســي

ومش بيدوهــم الإقــامــه

لازم يسأل حــد بيشتغـل في نفــس المجال بتــاعـه

الدولـه هنــا كل يوم قرارات وأنظمــة جديدة

ولازم يكون متأكــد علشان ميخسرس ويسافر ويرجع لا قــدر الله

تمنياتي له ولكي بالتــوفيق