استقدام الزوجه فى البحرين

[جنى]

السلام عليكم

انا متابعه المنتدى من زمان بس اول مره اشارك..و كنت عايزه اسالكم..

زوجى بيشتغل فى البحرين ..و هوا بدا اجراءات الاستقدام بتاعتى من اسبوع تقريبا لكن مش بيقولوا قدامها اد ايه و تخلص..بس بقولوا مش هتتاخر و خلاص

انا عايزه اعرف الاجراءات دى ممكن تطول اد ايه..يعنى الحق اروحله قبل رمضان؟؟ لانى مش عايزاه يقضى رمضان لوحده بصراحه :wub:

ياريت يا جماعه حد يفيدنى :lol:

تم تعديل 22 يوليو 2008 بواسطة جنى

[أحمد سيف]

الموضوع يعتمد هوا بيشتغل فين وإيه ومين بيسعى له في موضوع الاستقدام.

عموما البحرين من أفضل الدول الخليجية في إجراءات التأشيرة والإقامة، ولكن فترة أسبوع قليلة جدا بكل المقاييس لإنهاء إجراءات الاستقدام.

استخراج رسالة عدم ممانعة للعرب بتطوّل شوية عن الأجانب (الهنود والفلبينيين مثلا) لدواع أمنية، ولكن إطمّني خالص، مادام هو مستوفي الشروط (الوظيفة - الراتب) فهتطلع في نهاية المطاف. وإن شاء الله تلتحقي بزوجك قبل رمضان. :D

وإن كنت لا أنصح بالقدوم الى البحرين في هذا الوقت من السنة بسبب الجو الرهيب والملل القاتل. mfb:

[engmoh]

السلام عليكم

انا كنت سألت فى الشركه عندى وقالوا لى ليس لها وقت محدد بس تقريبا بيخلصوها فى خلال 3 اسابيع بس ان شاء الله تخلص قبل رمضان

[جنى]

الموضوع يعتمد هوا بيشتغل فين وإيه ومين بيسعى له في موضوع الاستقدام.

عموما البحرين من أفضل الدول الخليجية في إجراءات التأشيرة والإقامة، ولكن فترة أسبوع قليلة جدا بكل المقاييس لإنهاء إجراءات الاستقدام.

استخراج رسالة عدم ممانعة للعرب بتطوّل شوية عن الأجانب (الهنود والفلبينيين مثلا) لدواع أمنية، ولكن إطمّني خالص، مادام هو مستوفي الشروط (الوظيفة - الراتب) فهتطلع في نهاية المطاف. وإن شاء الله تلتحقي بزوجك قبل رمضان.

وإن كنت لا أنصح بالقدوم الى البحرين في هذا الوقت من السنة بسبب الجو الرهيب والملل القاتل.

هوا بيشتغل مهندس شبكات كومبيوتر و الشركه هى اللى بتخلصله الورق..و المرتب كويس الحمد لله بس المشكله انى حاسه ان بالهم طويل اوى لانهم خلصولوا اقامته هوا فى 4 شهور تقريبا

انا عارفه البحرين حر اه و صغيره ..بس انا معنديش مشاكل المهم ابقى معاه

[جنى]

السلام عليكم

انا كنت سألت فى الشركه عندى وقالوا لى ليس لها وقت محدد بس تقريبا بيخلصوها فى خلال 3 اسابيع بس ان شاء الله تخلص قبل رمضان

انا متشكره اوى على اهتمامك..يارب فعلا تطلع 3 اسابيع بس ان شاء الله

[أحمد سيف]

يا سيدتي الفاضلة ... ما دام ناوية تشرفينا في البحرين يبقى مهم تعرفي شوية عن طباع أهل البحرين ، باختصار البحرينيين من أطيب الشعوب الخليجية (مع العمانيين والإماراتيين) وأكثرهم أدبا وتواضعا، لكن مشكلتهم إن على قلوبهم مراوح (أو يمكن تكييف مركزي) يعني كل حاجه هنا بتمشي في الاتجاه الصحيح لكن ببطء ومن غير شدّ أو انفعال.

يعني ما دامت الشركة بتخلص له الموضوع أكيد عن طريق "مخلص معاملات"، فده معناه إن الموضوع ماشي بس محتاج صبر شوية لإن دي فترة أجازات بالنسبة لمعظم الموظفين ودي أيضا فترة استقدام عمالة جديدة لمعظم المؤسسات.

عموما رمضان في البحرين مش وحش أوي حتى لو الواحد كان مقيم لوحده، في أنشطة اجتماعية ودينية كثير هنا والجالية المصرية هنا معظمها من حملة الشهادات العليا (أساتذة جامعة ، أطباء ، مهندسين، مدرسين ) وأكيد هايتعرف على ناس محترمة، بس إن شاء الله تكوني معاه قبل رمضان.

[engmoh]

انا متفق على ان البحرينيين بالهم طويل قوى ياعنى انا الشركه مقدمه لى على تاشيره الاقامه من اول شهر 6 ولسه ماخلصتش لدلوقت

واضطرت تبعت لى تاشيره زياره على تاشيره الاقامه مايخلصوها بس ان شاء الله خير وربنا يجمعكم على خير قبل شهر رمضان

ولو زوجك لوحده وحابب يتعرف على اى شخص انا موجود لوحدى ونفسى اتعرف ايضا على اى مصرى هنا

[جنى]

ansaif:lol: ضحكتنى والله هما فعلا زى ما بتقول..و انا بردو من اللى شفته لغاية دلوقتى قلتله انا عرفت ليه سموها منامه

بس ده على فكره غير موضوع رخصة القياده بردو مطلعين عينه عشان يلاقى مدرب مش عارفه انا ايه الحكايه دى مع انه بيسوق بقاله 10 سنين f((:

engmoh وا بردو كان طالع على فيزا زياره على بال ما يخلصو الاقامه ..بس ان شاء الله بتاعتك تخلص علطول لان بتاعته كان فيها شوية لخبطه و كتبو اسمه غلط و حاجات كده..

وهوا طبعا يتشرف بمعرفة حضرتك و انا هديله فكره ان شاء الله و ممكن ابقى ابعتلك رقم موبيله على الخاص

[جنى]

[font="Tahoma"]ازيكوا يا جماعه

انا حبييت اقولكوا بردوه حتى الان الاستقدام مخلصش ..مش عارفه فى ايه :bro: زهقت منهم الصراحه :aslam:

المهم ان جوزى فقد الامل و اضطر يعملى زياره و دى الحاجه الوحيده اللى خلصت..و ان شاء الله هسافر على اخر الشهر..

[أحمد سيف]

هما الجماعة هنا بغزالة في موضوع رخص السواقة

يعني شوية يقولوا الرخصة المصري بتتغير على طول من غير تدريب ولا امتحان

وشوية يقولوا لا ممكن تدخل الامتحان على طول، وبس لو سقطت (وده اللي غالبا بيحصل) لازم تبتدي من الأول

وساعات بياخذها من قاصرها ويقولك لأ الرخصة المصري دي ما تنفعش ولازم تبتدي زيك زي اللي أول مره يسوق

في أزمة مدربين سواقة في البلد خصوصا في فترة الصيف لإن كل الطلبة من خريجين الثانوي بيتدربوا على السواقة قبل دخول الجامعة

لكن نصيحة، إذا كان عاوز يسوق في البحرين ينسى خالص اللي اتعلمه في مصر، هنا السواقة لها أصول وقواعد، واللي بيسقط في الامتحان ثلاث وأربع وخمس مرات مش علشان العربية بتطفي منه بس لإنه ممكن يكون نسي يدي إشارة ضوئية (غمّاز) قبل ما يغير الحارة (لاحظي كويس موضوع الحارة lane ده، اللي طبعا مش موجود أساسا في مصر) :aslam: