ما هى خطوات الهجرة الى كندا

[mohamed mohamed]

بسم الله الرحمن الرحيم

احب فى البداية ان اشكر هذا المنتدى على التواصل مع الاخوة الاشقاء فى كل بلاد العالم

وبدون اطالة اريد ان اعرف ما هى الخطوات التى المفروض ان اقوم بها للهجرة الى كندا ؟ من ناحية الاجراءات والشهادات والورق والتكاليف المادية

علماً بأنى:

1- اعمل حاليا فى السعودية وسوف ارجع مصر قريبا فى خلال 15 يوم على الاكثر

2- متزوج وليس لدى اطفال

3- عمرى 30 عاماً واعمل اخصائى برامج آلية

4- شهاداتى: بكالوريوس تجارة - دراسات عليا فى الحاسب الآلى - تمهيدى ماجستير فى تكنولوجيا المعلومات

5- بجانب الشهادات الخاصة فى مجال الكمبيوتر ومنها شهادة من IBM

6- خبرة لا تقل عن 8 سنوات فى مجال : تصميم وتطوير وبرمجة مواقع الانترنت - البرمجة - السوفت وير - الهارد وير

7- يوجد شهادات خبرة بذلك

فى ضؤ ما سبق هل تنطبق عليا الشروط ام لا ؟؟

ارجو الافادة ولكم جزيل الشكر والاحترام

[qenawy]

رابط رسمي ومهم جدا

الاخ الفاضل ببساطة انتظر لما ترجع مصر وادرس الموقع كويس

ستجد ان الشروط تنطبق عليك تعدي 67 نقطة قدم وانتظر والباقي علي الله

الشروط ببساطة سن مناسب

خبرة عمل

لغة جيدة جدا

فلوس

[Bassam El Sayed]

الاخ محمد

علشان تعرف تنطبق عليك الشروط ولا لا ادخل على اللينك الى تحت دة

http://www.cic.gc.ca/english/immigrate/ski...ssess/index.asp

دة من الموقع الرسمى لادارة الهجرة فى كندا هتعمل لنفسك self-assessment test وتشوف نفسك ولازم على الاقل تجمع 67 نقطة بناء على عوامل عديدة , التعليم, اللغة,الخبرة,العمر...متزوج من امراة جامعية , لك اقارب فى كندا حتى الخال او العم....الخ

بالنسبة للغات الى فى ال test دة هتتحدد بناء على امتحان IELTS الى لازم تاخدة

بالنسبة للفلوس فدة يعتمد انت هتقدم لوحدك ولا عن طريق محامى ومش هتفرق فى حاجة المحامى لن يفعل لك شىء سوى ترتيب اوراقك بالطريقة الصحيحة فقط وهيتابع هو الموضوع

لو مع محامى هتكلفك ما يقارب 2500 دولار كندى للفرد الواحد

لو لوحدك هتتكلف فقط مصاريف الابلكشن حوالى 500 دولار كندى للفرد الواحد

[Bassam El Sayed]

نسيت اقلك انة لازم يبقى فية ضمان مالى قبل ما تسافر ان شاء الله اعتقد انة حوالى من 8000 الى 10 الاف دولار مش متذكر بالظبط

حاجة تانية بردة فى نظام تانى للهجرة اسمة كويبك بس دة لو معاك فرنساوى كويس ولن يتطلب منك خبرة فى العمل سوى 6 شهور

[mohamed mohamed]

متشكر من الاخوة على الردود السريعة والفعالة

وانا فعلا هانتظر لما ارجع مصر

وبالنسبة للفلوس مافيهاش مشكلة للتكلفة وانا هاقدم بنفسى مش عن طريق محامى

بس الضمان المالى ده لازم ؟؟؟ 10000 دولار ؟؟

وهل لو اخدت كورس فرنساوى هيفدنى واقدم على نظام كويبك

علما بأن لغتى الانجليزية جيدة جدا

والزوجة متعلمة (مدرسة ) ومعها خبرة وايضا اللغة الانجليزية جيدة جدا

وشكرا من الاخوة وارجو الافادة للجميع

[Bassam El Sayed]

الضمان المالى لازم وهو احد الشروط فى الهجرة وهو تقريبا 9 الاف دولار دة لو انت فرد واحد مسافر يعنى لو معاك زوجتك هيكون اكتر من كدة . ساحاول ادور لك على لينك يقلنا بالتفصيل مطلوب كام كضمان مالى .

بالنسبة لكويبك فهو اسرع بكتير من النظام الفدرالى ولكن لازم تكون كويس فى الفرنساوى . ايضا فى النظام الفدرالى ممكن تجمع نقط زيادة فى موضوع اللغة لو معاك فرنساوى , دى بردة عليها نقط بس مش لازم اوى الفرنساوى زى كويبك طبعا

لا اعلم انت نازل مصر نهائى ولا اجازة . لو انت نازل اجازة فقط وراجع السعودية تانى فانت لما تيجى تقدم على النظام الفدرالى لن يكون ورقك فى القاهرة ولكن سيكون فى لندن لان معك اقامة فى دولة من دول الخليج ودة هيديك ميزة فى الوقت تقريبا سنة اسرع من القاهرة . حاليا لو انت مقدم من لندن هتاخد وقت تقريبا 3 سنوات ولو من القاهرة 4 سنوات بس قالو حسب القانون الجديد انهم هيسرعوا الاجراءات والوقت دة هيقل .

لو انت عايز تقدم كويبك روح خد كورسات فرنساوى فى المركز الثقافى الفرنسى عندهم تقريبا 13 مستوى . كويبك الوقت هياخد تقريبا سنتين.

[mohamed mohamed]

ارجو من الاخوة تحملى وتحمل المزيد من الاسئلة

لقد دخلت على الموقع الذى اعمل فيه تست بالنسة للشروط العامة

http://www.cic.gc.ca/english/immigrate/ski...ssess/index.asp

وقد حصلت على اسكور ونتيجة 73 اى اعلى من 69

انا عاوز اعرف المفروض ابتدى منين ؟؟؟

اعمل خطوات ايه ؟؟؟ هلى اروح للسفارة واستفسر منهم والا كل حاجة موجودة على موقع معين ممكن اعرفها واقدم الورق فين ؟؟

يعنى يا جماعة الاستفسارات العادية

ولكم جزيل الشكر والاحترام

[الأهلاوي الأصيل]

ما تفكرش من دلوقتي في الضمان المالي لإن لسه قدامه وقت طويل على ما يطلبوه منك ، مش أقل من 3 أو 4 سنوات

الخطوة اللي يجب عليك تعملها دلوقتي إنك تقدم الأبلكيكشن بأسرع وقت ممكن عشان تلحق تاخد دور في الطابور الطوووووووووووووووووووووويييييييييييييل

وبعدها تبدأ تجمع أوراقك وينظم أمورك

كيبك أسرع بكتير لكنها تتطلب لغة فرنسية جيدة جداً (يعني كورس فرنساوي مش كفاية)، يعني لو الفرنساوي بتاعك ضعيف توكل على الله وقدم فيدرال علماً بإن طبيعة عملك في مجال ال IT ممكن تسرع إجراءات ملفك في ظل القانون الجديد للهجرة وده اللي هيتضح بعد شهر 11 القادم إن شاء الله

[Bassam El Sayed]

استاذ محمد

. نفس الموقع الى انا اديتهولك هو هو الى ادهولك الدكتور قناوى وهو الموقع الرسمى للهجرة ومن نفس الموقع نزل application اون لاين من على الموقع املاها وقدمها. للاسف انا قدمت عن طريق محامى انا اديتة الورق وهو عمل كل حاجة تانية

ممكن بعد ما تملا الورق تروح السفارة تسال تقدمة فين مع العلم زى ما قلت لك انت معاك اقامة فى السعودية يعنى تقدم من مكتب لندن وليس القاهرة .

اعتقد لازم تبعت ورقك بالبريد لمكتب لندن معاة شيك بمبلغ مصاريف الابلكشن.

زى ما قلك الاخ اهلاوى الاصيل ( والف مبروك يا عم اهلاوى علينا وعليك وعقبال يوم الاحد كلاكيت تانى مرة ان شاء الله )

ما تفكرش فى الضمان المالى دلوقتى لسة بدرى . وحسب القانون الجديد الوظائف الى محتاجنها فقط هما الى هيقبلوها واللستة بتاعة الوظائف هتنزل على شهر 11 القادم وطبعا ان شاء الله اكيد منهم IT .

[mohamed mohamed]

والله يا اخوانى مش عارف اشكركم ازاى وسرعة تجاوبكم معايا وردودكم

عموما انا هانزل مصر اجازة بس مش هارجع السعودية تانى لانكم عارفين اللى بيحصل فى الخليج من نظام استعباد وسخرة وفاكرين نفسهم مالكين الناس وهما اللى متحكمين فى الرزق ومش بيقدروا اى شهادات او خبرة وعموما ده اغلب اللى بيعملوا هنا وطبعا اكيد عارفين شكواهم

عموما انا هاستقر فى مصر فى الوقت الحالى وهافتح شركة لتصميم وتطوير مواقع الانترنت والبرمجة وعاوز اقدم فى الهجرة فى نفس الطريق

هل تنصحونى انى انتظر لشهر 11 واشوف ايه الوظائف اللى هما عاوزينها فى الهجرة ؟؟؟ والا احضر الورق واروح اقدمها للسفارة ؟؟ والا اروح السفارة واستفسر بنفسى ؟؟ والابلكشن ده احصل عليه منين علشان اقوم بتعبئته ؟؟؟؟وهل فى رسوم فى الوقت الحالى بادفعها ؟؟؟

ارجو من الاخوة الافاضل التواصل فى هذا الموضوع حيث ان الكثير من الاصدقاء مهتمين بهذا الموضوع وجعلونى اتواصل معاكم

ولكم جزيل الشكر والاحترام

[الأهلاوي الأصيل]

والله يا اخوانى مش عارف اشكركم ازاى وسرعة تجاوبكم معايا وردودكم

عموما انا هانزل مصر اجازة بس مش هارجع السعودية تانى لانكم عارفين اللى بيحصل فى الخليج من نظام استعباد وسخرة وفاكرين نفسهم مالكين الناس وهما اللى متحكمين فى الرزق ومش بيقدروا اى شهادات او خبرة وعموما ده اغلب اللى بيعملوا هنا وطبعا اكيد عارفين شكواهم

عموما انا هاستقر فى مصر فى الوقت الحالى وهافتح شركة لتصميم وتطوير مواقع الانترنت والبرمجة وعاوز اقدم فى الهجرة فى نفس الطريق

هل تنصحونى انى انتظر لشهر 11 واشوف ايه الوظائف اللى هما عاوزينها فى الهجرة ؟؟؟ والا احضر الورق واروح اقدمها للسفارة ؟؟ والا اروح السفارة واستفسر بنفسى ؟؟ والابلكشن ده احصل عليه منين علشان اقوم بتعبئته ؟؟؟؟وهل فى رسوم فى الوقت الحالى بادفعها ؟؟؟

ارجو من الاخوة الافاضل التواصل فى هذا الموضوع حيث ان الكثير من الاصدقاء مهتمين بهذا الموضوع وجعلونى اتواصل معاكم

ولكم جزيل الشكر والاحترام

1- في الحالة دي يجب عليك التقديم في السفارة الكندية بالقاهرة لإنك كده إقامتك الدائمة في مصر.

2- لأ طبعاً لازم تقدم دلوقتي وبأسرع وقت ممكن عشان تحجز دور، في شهر 11 هتنزل قائمة التخصصات المطلوبة واللي عاى أساسها هيتحدد الطلبات التي هيتم تسريع إجراءاتها عن الطلبات الأخرى.

3- مفيش ورق بتحضره أكتر من إنك بتنزل ال simplified application form من على النت (هي عبارة 3 ورقات فقط بتنزلها من على الموقع بتاع الهجرة http://www.cic.gc.ca/english/index.asp) وتملا بياناتها بدقة وترفق معاها شيك بمبلغ (550 دولار كندي ليك وزيهم لزوجتك و150 لكل فرد من الأبناء).

بتقدم الاستمارة ومعاها الشيك في السفارة الكندية بالقاهرة والأخوة اللي قدموا في مصر يقدروا يفيدوك هما أخدوا الفايل نمبر بعد قد إيه.

وبعدين تنام بقى لغاية ما يبعتولك بعد كده ، وممكن تستغل فترة الانتظار في تجهيز أوراقك والاستعداد لامتحان ال IELTS

[Bassam El Sayed]

استاذ محمد

ما تستناش لشهر 11 . اية الى هيخليك تستنى 4 شهور انت اولى بالوقت دة طبعا على الاقل هتاخد رقم ملف فى خلال الاربع شهور دول

1- نزل الورق من على النت من الموقع الى اديتهولك والى ادهولك الدكتور قناوى

2-املى الابليكشن واطلع على السفارة ومعاك الشيك وقدم هناك

3-استغل الفترة الى هتستنى فيها فى مذاكرة الانجليزى وتجهيز نفسك لامتحان IELTS لانة ليس سهل علشان تقدر تجيب فية درجة كويسة تديك سكور كويس فى نقاط الهجرة

4- اذا قدرت تحسن مستواك فى الفرنساوى يبقى كويس وتقدر تجمع نقط بية وفية امتحان للغة الفرنسية زى IELTS كدة بردة اسال علية فى المركز الثقافى الفرنسى علشان تقدمة مع الايلتس وتاخد بيهم نقط

5- اذا اردت اى استفسار عن اى شىء فالمنتدى موجود بالاضافة الى الموقع الرسمى للهجرة فكل ما تتخيلة من اسالة هتلاقى اجابتها فى موقع الهجرة الرسمى

بالتوفيق ان شاء الله مستنينك تنضم الينا فى طابووووووووووووووووووووووووووووووووووووور الانتظار

[alaashabana]

السلام عليكم

معلش يا جماعة انا مشارك فى المنتدى من زمان وتقريبا اعرف كل خطوات الهجرة

بس عندى كام سؤال وياريت حد يجاوبنى يبقى جزاة الله خير

انا دلوقتى عاوز اقدم على هجرة بس مش عندى غير 2 سنة خبرة .. السؤال الاول هل ممكن اقدم واقول انى معايا 4 سنين زى ما هما عاوزين ولغاية ما اعمل الانترفيو اكون كملت الاربع سنين ويبقى ساعتها معايا الاثبات .. ولا هما بيطلبو منى الاواراق الرسمية او نسخة منها بعد ما افتح ملف ولا ببعتهم مع الابلكيشن ؟؟؟

ثانى سؤال. دلوقتى انا معايا شهادة خبرة مش شركة هنا فى الامارات بسنة وشهادة خبرة من مصر بسنة اعمل اية علشان تبقى رسمى مع العمل ان الشهادة مختومة من الشركة فقط.. يعنى اوثقها فين ومنين ولما اترجمها اوثقها تانى ولا اعمل اية ؟؟ بصراحة الموضوع دة مغلبنى اوى ومش عارف اتصرف فية ازاى ..

السؤال الثالث.. هو ان لازم يكون معايا ضمان مادى 10000 دولار طبعا المبلغ دة مش معايا دلوقتى لكن هل ممكن اقدم وافتح ملف لغاية ميعاد النترفيو وساعتها اكون ان شاء الله كونت المبلغ ولا هما بيطلبو كشف حساب مثلا لمدة 3 سنين ولازم ساعتها يكون رصيدى 10000 دولار يعنى من 3 سنين ؟؟؟؟

السؤال الرابع .. انا الانجليزى بتاعى كويس لكن علشان اقدم على الايلتش هل لازم امتحن الايلتس الاول علشان ابعت لهم الشهادة وانا بفتح ملف ولا اكتب فى البلكيشن انى معايا ايلتس وبعد كدة بعد فتح الملف ابقى ادرس الشهادة واطون اخدتها ان شاء الله قبل ميعاد الانترفيو ؟؟؟

السؤال الخامس .. اية هى بالظبط الاوراق الى المفروض ابعتها مع الابلكيشن ومع الشيك وهل لازم تكون مترجمة وموثقة ؟ وهتكون متوثقة منين بالظبط ..؟؟؟

السؤال الخامس .. انا لما اطلع بيان المواد اللى انا درستها فى الكلية اطلعا بالانجليزى بعدين اوقها من الخارجية ثم من سفارة كندا ولا اعمل اية ؟؟؟

السؤال السادس .. انا معايا بكالوريوس تجارة وشغال محاسب .. بس انا بفكر اخد دبلومة فى الدرسات المصرفية والمالية هنا فى الامارات مع العلم انها تعتبر فرعمن الدرسات المصرفية اللى فى كندا والامتحان بتاعها بيجى من كندا .. هل الشهادة دى هتفدنى هناك ان شاء الله ؟؟؟

انا عارف ان الاسئلة كتير بس انا نفسى حد يقولنا على الخطوات اللى بين السطور؟؟ يعنى توثيق الاوراق ؟؟ الاوراق المطلوبة والشهادات اللى هتفدنا فى كندا ان شاء الله ؟؟ الضمان المادى امتى لازم يكون موجود وبيطلبوة امتى ؟؟ شهادة الايلتس ناخدها امتى ؟؟ الخبرة وشهادات الخبرة تتوثق منين ؟؟

وانا متشكر اوى يا جماعة بجد على المنتدى الجميل دة،،،

[Bassam El Sayed]

استاذ علاء

1- لا ما تقلش ان معاك 4 سنين خبرة مش هينفع ممكن تقول ان معاك سنتين خبرة من بعد التخرج ولو قدرت تجيب شهادات خبرة وانت شغال فى الكلية Part time سنتين كمان احتمال كبير تمشى

2- انت لا هتوثق حاجة ولا هتعمل حاجة انا بعت شهادات التخرج والخبرة لا وثقتها ولا المحامى طلب منى كدة ابدا

3- الضمان المالى لازم طبعا بس مش دلوقتى خالص دة ساعة لما تيجى تسافر او قبل ما تسافر بشوية ما تفركش فية من دلوقتى لسة بدرى

4-ما تاخدش الايلتس الا لما يطلبوة انت مش هتقدم حاجة دلوقتى اصلا غير الابلكيشن ومعاها الشيك فقط واى ورقة تانية هتوديها مع الملف هيرجعوهالك مش عايزنها دلوقتى

5- فى الاول بس هتقدم الابلكيشن وكل ما يطلبوا حاجة ابعتها لهم وعلى العموم ابقى اسال فى السفارة امتى هيطلوا منك الاوراق التانية وطبعا لازم تبقى مترجمة بس لا توثيق ولا اى حاجة سيبك من الكلام الفارغ دة الاختام دى سيبها للحكومة المصرية

6- من حيث الدبلومة الى عايز تاخدها الله اعلم بس اكيد ممكن تعزز موقفك وتديك نقط

[mohamed mohamed]

الحمد لله انى شايف ردود افعال كويسة من الاخوة وتعاون ممتاز ومكنتش متوقع التعاون ده والحمد لله تقريبا عرفت الخطوات والمطلوب

عموما احب اسال هو الشيك اللى المفروض ابعته مع الابلكشن ده من بنك ايه ؟؟؟ او اجيبه منين ؟؟؟ مانا ممكن ادفع كاش احسن ؟؟؟ او اودع فى حسابهم لو ينفع

وكمان دلوقتى لو قدمت لوحدى وان شاء الله بعد ما تجيلى الهجرة ( بعد 3 سنوات او اكثر ) ينفع اخد زوجتى معايا والا لازم اكون مقدم ليها هى كمان فى الهجرة

ومستنى الردود الممتازة من اخواتى

ولكم جزيل الشكر والاحترام

[الأهلاوي الأصيل]

الحمد لله انى شايف ردود افعال كويسة من الاخوة وتعاون ممتاز ومكنتش متوقع التعاون ده والحمد لله تقريبا عرفت الخطوات والمطلوب

عموما احب اسال هو الشيك اللى المفروض ابعته مع الابلكشن ده من بنك ايه ؟؟؟ او اجيبه منين ؟؟؟ مانا ممكن ادفع كاش احسن ؟؟؟ او اودع فى حسابهم لو ينفع

وكمان دلوقتى لو قدمت لوحدى وان شاء الله بعد ما تجيلى الهجرة ( بعد 3 سنوات او اكثر ) ينفع اخد زوجتى معايا والا لازم اكون مقدم ليها هى كمان فى الهجرة

ومستنى الردود الممتازة من اخواتى

ولكم جزيل الشكر والاحترام

موضوع طريقة الدفع ده الناس اللي قدمت في مصر تقدر تفيدك أحسن مني لإني في الكويت وبعت الأبليكشن بتاعي على مكتب لندن فممكن يكون فيه اختلاف في طريقة الدفع

أما بخصوص زوجتك لازم تكتب بياناتها في الأبليكشن وتكون موجودة معاك على نفس الملف وخطواتها بتمشي معاك الأوراق - الكشف الطبي - الفيش والتشبيه والفيزا

وهكذا

[Bassam El Sayed]

استاذ محمد

خد اللينك دة

http://www.dfait-maeci.gc.ca/cairo/visiting-fees-en.asp

دة الموقع الرسمى للسفارة الكندية بالقاهرة هتلاقى فيها طريقة الدفع وفية اكتر من طريقة شرحنها منها مكاش او عن طريق شيك مسحوب على بنك كندى او ايداع فى بنك سيتى بنك على رقم حساب هما كاتبينة على العموم هتلاقى التفاصيل فى الموقع

تانى حاجة موضوع انك تقدم لوحدك وتاخد زوجتك معاك لا طبعا مش هينفع . لو قدمت لوحدك هتسافر لوحدك

بص الموضوع سلاح ذو حدين اولا انت لو ما قدمتش لزوجتك معاك هتحرم نفسك من 5 نقاط علشان زوجتك جامعية

لو قدمتلها معاك هتيجى قبل ما تسافر هيطلبو ضمان مالى اكبر من الى قلتة لك قبل كدة علشان انت مسافر مع عيلتك

اعتقد اكبر بحوالى 4 الاف دولا

انت تشوف ظروفك اية وتقرر لو معاك نقط كفاية من غير ال 5 نقط بتوعها سافر وروح هناك وبعد ما تستقر فى شغل ابعت لها من مصر بنظام هجرة تانى اسمة Sponsoring your family ودى هتاخد من 6 الى 8 شهور من القاهرة

لو ما فيش مشكلة فى الضمان المالى قدم لها معاك وانتوا الاتنين سافروا مع بعض

[qenawy]

في موقع السفارة الكندية بقية التفاصيل

عموما يجب ان يكون في سيتي بنك وتاخد ايصال وتصورة نسختين وترفقه مع الطلب وانصحك تسلمه باليد في شباك السفارة

ولهم مواعيد

مش فاكر الثلاثاء ولا الخميس هتاكد وارد عليك

[Bassam El Sayed]

كما وعدتك يا استاذ محمد

http://www.cic.gc.ca/english/immigrate/skilled/funds.asp

اللينك دة فى تفاصيل الضمان المالى المطلوب عند السفر لكندا وليس عند التقديم . من الموقع الرسمى للهجرة

[alaashabana]

ازيكم شا شباب مصر الكندويين

معلشانا عندى شؤال بسيط ويارب حد يقدر يساعدنى ويبقى جزاة الله خيرا

انا دلوقتى لو مقدم على الهجرة بس مش عندى 4 سنين خبرة انا عندى سنتين بس .. هل اول ما افتح الملف هيطلبو منى شهادات الخبرة دى وموثقة ولا ممكن اقولهم انى عندى 4 سنين خبرة ولما يجى ميعاد المقابلة بعد سنتين اكون كملتهم ان شاء الله... علما بأنى قرات انى لازم ابعت مع الابلكيشن اللى هملاه صورة من جواز السفر وشهادة ميلاد شهادات الخبرة وشهادات الكلية .

ثانى سؤال .. انا دلوقتى مش متجوز ونفترض انى خلاص فتحت ملف وعدى سنة او اثنين ولسة معملتش مقابلة ولا اخدت الفيزا نفترض انى فى الفترة دى اتجوزت هل ممكن اضم زوجتى على الملف بتاعى علشان تسافر معايا ولازم هى تفتح ملف لوحدها ولا لما ابقى اسافر اعملها استقدام يكون اسهل ولا اعمل اية بالظبط؟ مع العلم انها ان شاء الله جامعية

وشكرا جدا يا جماعة