خرابيط الطريق !! في الأمثال الشعبية

[أسامة الكباريتي]

"خرابيط الطريق !!"

(أمثال شعبية فلسطينية)

مخلص برزق

أبو فراس : دخلك يا بو عدنان اشو آخر الأخبار؟

أبو عدنان : شو بتتوقع يعني.. "اتبدلت غزلانها بقرود".

أبو فراس : مافهمتك ؟

أبو عدنان : يعني بصراحة اعطوهم الثقة وهم ما بستحقوها خاصة هذا اللي "اجا ونام عنا ليلة وساوى حاله من العيلة"!!

أبو فراس : مش هيك الحكي يا بوعدنان والزلمة لسه "ما بنعرف خيره من شره".

أبو عدنان : أي والله لو"حبسوه مع ابليس في كيس بطلع ابليس يستغيس" هذا "زي البرد سبب كل علة".

أبو فراس : لـه يا زلمة "الحيطان الها ودان" "احنا بنمشي الحيط الحيط وبنقول يارب الستيرة".

أبو عدنان : ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..

أبو فراس : يازلمة "مش كل اللي بنعرف بنقال".

أبو عدنان : بصراحة يابو فراس "اللي بعمل حاله نخالة بتنقه الجاج" واللي قاعد بصير ما بينسكت عليه..

أبو فراس : شوف يابوعدنان الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟

أبوعدنان : واشو يعني أمريكا مادام المسألة بتخص هالأرض .. لأنو يا بوفراس "اللي بفرط بأرضه بفرط بعرضه" مش قالوا "الأرض عرض " ؟

أبو فراس : معلش لكن احنا "مش قدها" و"ليش نعمل حالنا أبو علي".

أبو عدنان : يا حبيبي " التعوير في الوش.. مافيهوش معلش".

أبو فراس : والله اشو بدي اقول "طاسة وضايعة".

أبو عدنان : أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل .

أبو فراس : لكن الصحيح احنا لازم نرضى باللي قاعدين برتبوه النا حتى لو ضاع اشي من حقوقنا لأنه "نص العمى ولا العمى كله" وزي ما بقول المثل :"بلا أهون من بلا والكساح أهون من العمى ".

أبو عدنان : البلا هو اللي راح ييجي من خربطة هالطريق اللي بيحكوا عنها..

أبو فراس : ولو، لليش؟ طيب مش بقولوا "عليك بخارطة الطريق ولو دارت وبنت العم ولو بارت"؟

أبو عدنان : "والله هذي آخر سمعة"، هسّ أمريكا صارت بنت عم؟ أي والله إنها ألد عدو و"عدو أبوك وجدك مابودك ولو عبدتو عبادة ربك" اشو اللي بتقولوا يازلمة.

أبو فراس : أنا اللي بعرفه إنو "الإيد اللي ما بتقدر تقطعها بوسها وادعي عليها بالقطع" وهذا اللي احنا بنعمله مش شايف الكل في هالمساجد بدعوا على أمريكا؟

أبو عدنان : لا والله "كشّر عن نابك كل الناس بتهابك" واحنا مابصير نكون حيطة واطية لا لأمريكا ولا لغيرها لأنه"الحيطة الواطية بنطوا عليها الكلاب ".

أبو فراس : أنا قناعتي إنو "ما باليد حيلة" و ""كيف مااجت تيجي" وهذا "قضا وانكتب".

أبو عدنان : شوف يا بوفراس "لاتدير قفاك للدبابير وتقول منايا وتقادير".

أبو فراس : والله يابوعدنان أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".

أبو عدنان : والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .

أبو فراس : يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!

أبو عدنان : والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" بتقبل تكون هيك يا بوفراس؟

أبو فراس : أنا ما بقول نتخلى عن حقنا لكن "بالتي هي أحسن".

أبو عدنان: يا بوفراس إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".

أبوفراس : بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة.

أبو عدنان : والله يا بوفراس "اللي أصله كلب لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".

أبو فراس : وانت لارضيت بمدريد ولا بأوسلو وإجا اللي أسخم منهم وهذي خريطة الطريق ومش عاجباك صراحة "انت مابعجبك العجب ولا الصيام في رجب".

أبو عدنان : أنا والله بانصحك لكن الظاهر انو "اللي بينصحك زي اللي بيرصعك".

أبو فراس : على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".

أبو عدنان : كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق !!

[وسام]

المثير للسخرية ان لا احد يعلم ماتكون خريطة الطريق تلك سوى الامريكان و الاسرائليين طبعا و المطلوب الان من ابو مازن التوقيع عليها فقط :oops:

[Proud Muslim]

انها حقا .. خارطة الضلال و التيه و الذل ..

الحمد لله أن الشيخ أحمد ساسين - حفظه الله - لم يستكين و لم يضع السلاح و لن يفعل ان شاء الله .. الرجل تكلم في قناة العربية كلام .. لا أحلى و لا أقوى و لا أروع ..لله دره من رجل ..

و السيد ابو مازن .. أصبح الآن يحظى بتأييد علني من أمريكا .. و بازل يقولها صراحة .. و أبو عمار ..خلاص .. كارت محروق ..

يا رب يكون درس هم جميعا .. انهم مجرد دمى و أمريكا هي سيد العرائس .. و اذا انتهت المهمة فالى مزبلة التاريخ ..

حسبنا الله و نعم الوكيل .

[أسامة الكباريتي]

بسم الله الرحمن الرحيم

اللغة التي تحدث بها الشيخ ياسين هذه المرة فيها تلغيم للطريق بكل معنى الكلمة ..

فقد استمرأ أزلام السلطة سحب المجاهدين من قيادات حماس والجهاد إلى معتقلاتهم وممارسة صنوف التعذيب والإذلال معهم لسنين طويلة وتحت إشراف صهيوني امريكي مباشر تحت مسمى التنسيق الأمني ..

كان هذا يتم طوال فترة حياة السلطة المسماة بالوطنية وحتى تفجر انتفاضة الأقصى ..

تذكرون .. يوم أصدر عرفات أوامره من مقره في المقاطعة برام الله بوقف الانتفاضة :!: :!:

تحرك دحلان (الأمن الوقائي) وموسى عرفات (الاستخبارات) كل من جهته فورا لممارسة نفس الدور القذر الذي تمرسوا فيه ..

ماذا جرى ..

انطلقت مكبرات الصوت من المساجد أن "الله أكبر" .. فتدفقت الآلاف لتحاصر القوة التي قدمت لاعتقال الشيخ الدكتور عبد العزيز الرنتيسي وتضيق عليها الأنفاس حتى اضطرت القوة للانسحاب بمذلة ..

وتناوبت الجماهير ليل نهار على حماية منازل القادة ..

عشرة آلاف كانوا يحيطون بمنزل الرنتيسي وحده ولمدة طويلة دامت قرابة الشهر ..

أسقط في يد دحلان وشعر بالعجز لأول مرة ..

في حادثة أخرى انقضت الجماهير على سيارات الاستخبارات التي قدمت لاعتقال الشيخ عبد الله الشامي من قادة الجهاد الإسلامي .. وكادوا أن يفتكوا بهم لولا تدخل الشخ الشامي بنفسه لتخليص الزبانية وإرسالهم لمركزهم ..

وعندما تحدث الشيخ ياسين بالأمس ألمح إلى وقفة الجماهير واستعدادها للذود عن المجاهدين .. فالجماهير هي التي تحمل السلاح وتجاهد .. منطق سليم ..

فإذا ما أراد دحلان ان ينفذ ما يعد به فهليه الاصطدام بالجماهير الغفيرة التي لن تمرر ما يحاك بليل ..

والسؤال الآن ..

هل ستترك جماهير أمتنا الشعب الفلسطيني ليستفرد به بين فكي كماشة صهيونية من جهة وسلطوية من الجهة الأخرى ؟؟؟؟؟

الوضع جد خطير .. وإذا ما أمكن تمرير ما يخطط لنا في فلسطين هذه المرة وقضي على الحركات الجهادية لا قدر الله .. فإن سنين طوال ستمر قبل ظان يتسنى لنا أن نطالب بالعودة إلى خطوط 2010 أو 2015وليس إلى حدود سبتمبر 2001 ولا أحلام 5 يونيه 1967 ..

[arabawy]

المثير للسخرية ان لا احد يعلم ماتكون خريطة الطريق تلك سوى الامريكان و الاسرائليين طبعا  و  المطلوب الان  من ابو مازن التوقيع عليها فقط    :D

http://www.amin.org/news/uncat/2003/apr/apr30.html

[وسام]

وفي ما يلي النص الكامل لـ"خريطة الطريق"، والتي تسلمها الطرفان الفلسطيني والإسرائيلي، وذلك كما صدرت عن مكتب الناطق الرسمي باسم الخارجية الأميركية يوم 30 نيسان 2003. 

30 ابريل ........... منذ متى صدعت رؤوسنا بهذا المصطلح

دلوقتى بس اعلنت.......

انا مش شايف اى حل محدد المعالم لتسوية القضية كلها عبارة عن اجتماعات و مناقشات لمتابعة سير الامور والاتفاق على تسوية الامور واصدار بيانات و الخ الخ ......................... صدق الشاعر المجهول اللى قال ( موت يا حمار )

[KWA]

بسم الله الرحمن الرحيم

السلام عليكم ورحمة الله وبركاته

خريطه الطريق...بارقه الطريق....مهما كان اسمها هي اختراع امريكي من اداره بوش لدواعي الأنتخابات الأمريكيه القادمه و لكسب اصوات عديده و لسد خانه قضيه الشرق الأوسط....التي لن و لم تحل في خلال سنتين كما يقول بوش و من هنا حتي ميعاد الأنتخابات تكون هناك اجتماعات و اتصالات و مقابلات و النتيجه لا شئ .....و كأنك يا بوزيد ما غزيت

KWA