إلي أصحاب الخبرة في المملكة العربية السعودية أفيدوني أفادكم الله

[المهاجر]

السلام عليكم ورحمة الله وبركاته

إلي أصحاب الخبرة بالممكلة العربية السعودية

دخلت الموقع صدفه وانا بدور علي حاجه علي النت واعجبني جدا وياريت تقبلوني معاكم مصري متغرب

اعمل محاسب بالمملكة العربية السعودية منذ ما يقارب الأربعة أعوام وطبعا وكالعادة جيت من مصر بمنهة ليست مهنة محاسب الشركة اللي انا فيها شركة مساهمه كبيرة ومعروفه والحمد لله ربنا كرمني بزملاء محترمين وانا ولله الحمد علي كفالة الشركة وده اللي مخليني متمسك بيها

الحمد لله كتبت خطاب للمدير العام الجديد انه اغير مهنتي واستقدم اسرتي فقال لا مانع علي ان لا تتحمل الشركة اية تكاليف

بقالي فوق السنه وزياده المكاتب هنا بتحدفني لبعض واحد من المكاتب قالي نعمل لك اللي عاوزه بفلوس يعني ادفع تجد ما يسرك بس المشكله بقه اني عريس جديد والديون انتوا فاهمين بقه

وصلت الاسعار لارقام خياليه مع التاكيد انه مش هياخدوا هلله واحده غير بعد التنفيذ بس مبالغ خياليه والتغيير للمهنه في 24 ساعه كمان ونظامي ميه الميه

قدمت خطاب للشركه انها تغير لي المهنه علي حسابها تاني وربنا سبحانه وتعالي كرم ووافقوا بس المشكله ان الروتين بتاع الشركات والموظفين الكسولين قالوالي شوف لنا مهنه لمؤهلك مش مسعوده نغيرلك عليها

مش عاوز اطول عليكم

عاوز اعرف ايه المهن اللي ممكن لواحد بكالريوس تجارة زيي ممكن ييغير مهنته عليها مع العلم ان مهنتي في الاقامه فني ألبان مع ملاحظه ان الشركه اللي انا فيها كانت عندها مصنع البان ومزرعة ابقار وتمت تصفيتها يعني كانت قطاع من قطاعات الشركة العديده وتم تصفيته وكان عقدي اللي مضضيته من مصر محاسب تكاليف

هل يمكن تقديم خطاب لمكتب العمل بناء علي تصفية مصنع الالبان بتغيير المهنه الي ؟؟؟؟ إلي ايه بقه

اسمع ان مهنه محلل مالي مش متسعوده ياريت اللي يعرف بس يكون متاكد يقول قايمه بالمهن اللي ممكن اغير ليها

بس كله سمع يا ريت تتجاوبي معايا بالله عليكم

تم تعديل 22 يوليو 2008 بواسطة المهاجر

[ابوعبداللة]

اخى المهاجر

بعض المهن التى اذكرها حيث اننى مررت بنفس التجربة

- مندوب مبيعات

- كاشير

- مندوب مشتريات

- جميع المهن التى تبدأ بكلمة فنى

علما بان مكتب الاستقدام لايهتم بالمهنة فى الاقامة بقدر الاهتمام بالمؤهل الدراسى

وان يكون موثق من السفارة والخارجية

وان يكون طلب الاستقدام موثق من الغرفة التجارية

[المهاجر]

الله يخليك شكرا علي مرورك

أنا دخلت علي موقع وزارة العمل السعودي

ولقيت قايمه بكل المهن

منها مراقب حسابات

مراجع داخلي

محلل مالي

محاسب عام