كيف يمكن اتقان الانجليزية

[goold]

ازيكم

كيف يمكن اتقان الانجليزية

ممكن السفر لامريكا لمدة سنه نسمع على اسر تستضيف طلبه وهل نجد اسرة مسلمة امريكية الاصل لاستضافت طالبه بنت والتكاليف كام ؟

او يوجد مدرسة داخلية فقط لاتقان اللغة تعطى دورات لذلك وتكاليفها كم ؟

وهل ممكن بنت لوحدها العيش هناك لمدة سنه بدون خطر

وكيف الحصول على معلومات مفيدة لهذا الموضوع ؟

اشكركم

يعنى خريجت تجارة وبحاجه لاتقان الانجليزية بعد التخرج ماذا تفعل ؟

[abofasad]

احسن طريقة لتعلم اللغة هي كالاتي:

اذا كنت رجلا وموجود في فرنسا مثلا وتريد نعلم الفرتسية فيجب أن يكون معاك قاموس بشعر طويل

اما البنات : فلا أعرف

[crossfield]

ازيكم

كيف يمكن اتقان الانجليزية

ممكن السفر لامريكا لمدة سنه نسمع على اسر تستضيف طلبه وهل نجد اسرة مسلمة امريكية الاصل لاستضافت طالبه بنت والتكاليف كام ؟

او يوجد مدرسة داخلية فقط لاتقان اللغة تعطى دورات لذلك وتكاليفها كم ؟

وهل ممكن بنت لوحدها العيش هناك لمدة سنه بدون خطر

وكيف الحصول على معلومات مفيدة لهذا الموضوع ؟

اشكركم

يعنى خريجت تجارة وبحاجه لاتقان الانجليزية بعد التخرج ماذا تفعل ؟

معلش يا أخت جولد هتعتبرينى متخلفة أو رجعية شوية بس معلش استحملينى؛

أنا معرفش حاجة عن أمريكا معرفة مباشرة يعنى لكن معتقدش ان أخلاقياتهم هتختلف كتير عن أخلاقيات الأوروبيين

من الآخر أنا مش باحبذ قوى حكاية سفر بنت لوحدها برة و خصوصاً لو لفترة طويلة

لكن أكيد فيه وسائل تانية لاتقات أى لغة :التحاق بمعهد لغات كويس مثلاً ؛مش لازم السفر لأمريكا يعنى .ده مجرد رأى :lol:

[DARWEEN]

العزيزه جولد ...

أعتقد أن هناك دورات على مستوى عالي يتم تدريسها بالجامعة الأمريكية بالقاهرة وكذلك المركز البريطاني وهي دورات جيدة جدا على حد علمي وتمنح حتى درجة ال TOEFL

أما بخصوص التكلفة فيمكنك السؤال هناك طبعا ...

أما بخصوص السفر عند عائلة فعلى حد علمي أيضا أن هذا يكون ضمن برنامج حكومي محدد تشرف عليه وزارة التربية والتعليم

[goold]

ازيكم

استاذ ابو فصاد

ياترى اية القاموس ابو شعر طويل انا مش عارفه

كروسه .. اشكرك انتى صح كلامك بس ممكن يكون فى مدارس داخلية واشراف ومكان نطمأن له يعنى الموضوع هياخذ دراسة الاول وعند الاطمأنان سوف ينفذ لانى بحب اعرف اكثر من طريق قبل الاختيار ...

الاستاذ darween

انا بقول بره عشان يبقه كل المحيط بيتكلم اللغة التى تدرس ونحتاج للإتقان وليس للأداء فقط يعنى حاجة فورية كدة تقدر تستعمل ماتتعلمه .

[farasha79]

العزيزه جولد

بالسبه لنظام الاقامه مع عائله اجنبيه ده شيء ممتاز جدا و على فكره العائلات دي بتاخد بالها من الضيف اكثر من ولادهم لان بتكون مسؤوليه عليهم . و بالنسبه للتكاليف حوالي 700 دينار كويتي لان سألت عليها قبل كده و انتي ممكن تستفسري من المجلس البريطاني هنا في الكويت في منطقه بنيد القار مش بتليفون لانهم مش هيفدوكي اوي لان هناك عندهم بروشرات . بس على فكره مدتها بتكون 14 يوم فقط دي 700 دينار . الاطول مش عارفه

بس الموضوع ده عاجبني جدا و على فكره ما تخافيش على بنتك هناك لان المتربي و اللي عنده مبادىء لا يمكن يغيرها لو عاش في القطب الشمالي بالاضافه انها هتكتسب صفات جديده منها الاعتماد على النفس و حمل المسؤوليه بمفردها و بالتوفيق :lol:

[goold]

العزيزه جولد

بالسبه لنظام الاقامه مع عائله اجنبيه ده شيء ممتاز جدا و على فكره العائلات دي بتاخد بالها من الضيف اكثر من ولادهم لان بتكون مسؤوليه عليهم . و بالنسبه للتكاليف حوالي 700 دينار كويتي لان سألت عليها قبل كده و انتي ممكن تستفسري من المجلس البريطاني هنا في الكويت في منطقه بنيد القار مش بتليفون لانهم مش هيفدوكي اوي لان هناك عندهم بروشرات . بس على فكره مدتها بتكون 14 يوم فقط دي 700 دينار . الاطول مش عارفه

بس الموضوع ده عاجبني جدا و على فكره ما تخافيش على بنتك هناك لان المتربي و اللي عنده مبادىء لا يمكن يغيرها لو عاش في القطب الشمالي بالاضافه انها هتكتسب صفات جديده منها الاعتماد على النفس و حمل المسؤوليه بمفردها و بالتوفيق :lol:

عزيزتى فراشة

طبعا يعجبك لان الموضوع فية مغامرة شوية وتجربة جديدة علينا بس روح الشباب الى عندك تشجع ذلك ___ اشكرك هعمل مشوار للمجلس واشوف اية ال عندهم

[farasha79]

اكيد فيها مغامره

انا كنت متخوفه من مرحله الجامعه في مصر لاني كنت لوحدي و بالنسبه ليا في الاول ماريت بمشاكل و حالات غريبه جدا بس اعترف اني اتعلمت ازاي اكون مسؤوله عن نفسي و حاسه اني بقيت بميت رجل ..و بقيت بعرف اتصرف في حاجات كثير لوحدي و اعتماد اهلي عليا زاد كثير و دي حاجه حلوه طبعا..

[Farah]

quote

معلش يا أخت جولد هتعتبرينى متخلفة أو رجعية شوية بس معلش استحملينى؛

أنا معرفش حاجة عن أمريكا معرفة مباشرة يعنى لكن معتقدش ان أخلاقياتهم هتختلف كتير عن أخلاقيات الأوروبيين

من الآخر أنا مش باحبذ قوى حكاية سفر بنت لوحدها برة و خصوصاً لو لفترة طويلة

-----------------------------------------------

انتي لا متخلفه ولا رجعيه

ولاكن دي المعلومات العامه المنتشره عن الحريه في امريكا ولاكن فيه ناس كثيره كويسه من العائلات الامركيه

اما البنت الشرقيه والمحافظه فصدقيني مظلومه جدا

لان بتعيش وبتحافظ علي نفسها كويس وفيه بنات شرقييات في امريكا محافظه جدا يمكن اكثر من الي عيشين في البلاد العربيه

وعلي فكره --لو تقدري ترسليها --ستكون هذه تجربه كويسه ليها --بس انا من رائ لو تعرفي اي احد حتي لو له صله بصديقه للك سيكون احسن--علي الاقل يقدر يد لها علي الاماكن ،،والمواصلات،،،ويكون موجود في حالة لو فيه اي مشكله

[crossfield]

معلش توضيح بس:

مش قصدى كلاكيع و الله أو عدم ثقة لأنى سافرت قبل كده لوحدى و عارفة البنات المصريين برة بيبقوا ازاى يعنى اللى بتحافظ على نفسها هنا 24 قيراط هناك بتبقى 100 قيراط

بس قصدى كان ما دام فيه بديل ليه بقى الناس تقعد قلقانة على بناتها ؛صحيح زى فراشة ما قالت الحكاية دى هتنمى فيها حاجات كويسة زى الاعتماد على نفسها بس كل حاجة ليها الجانب الحلو و الوحش فى نفس الوقت. و الاختيار لحضرتك فى الآخر .