مصرى يحتاج لنصيحة مغتربين الامارات

[ketty]

السلام عليكم

زوجى مدرس لغة انجليزية ولدية خبرة 5 سنوات وعرض عليه عقد بـ 4 الاف درهم على اساس راتب الفين درهم وبدالات الفين درهم

هل هذا عرض مناسب ام انه من الافضل ان يرفضه

ارجو منكم النصيحه مع السرعه فى الرد لانهم بانتظار رده

وشكرا لكم

[زعلان]

خليه يطلب ضعف المرتب ده 4+4

[محمد عيسى]

ما ينفعش إلا لو خريج جديد و معندوش مسئوليات، و المرتب ده بتديه المدارس الخاصة الصغيرة اللي ما بتديش اي بدلات أخرى و كمان ما تديش مرتب السنه كله ممكن عشره او 11 شهر على اساس ان الاجازة طويلة

لكن المرتب ده مش مناسب خالص، من حوالي شهرين نزل قرار برفع بدلات سكن المدرسين العاملين بالحكومة 6000 درهم شهريا بالإضافة إلى البدل الحالي

الكثير من المدرسين يقيمون بدون أسرهم لعد قدرتهم على مصاريف اقامتهم بالامارات في ظل موجة التضخم المنفلته هذه، و يسكنون كل ثلاثة أو أربعة في غرفة و حالهم يغم

في بداية السنة الدراسية الماضيه تقدم اكثر من 40 مدرس في دبي باستقالتهم لتزايد أعباء المعيشة و رجعوا بلادهم تاني، و هذا عرفته من مدرس صديقي

[red sea]

هيصرف نصفهم على أقل تقدير هنا ..

غير في مصاريف سنويه زي تذكرة السفر و الهدايا و هو جاي اجازة

يمكن لو ادى دروس خصوصيه في مصر يوفر اكتر من اللي هيوفره هناك

[ketty]

شكرا جدا على ردودكم

وانا فعلا كنت حاسه بكده من خلال قراتى للمواضيع الاخرى وفهمت ان المعيشه هناك غاليه جدا

بس شغله هيكون للساعه 4 يعنى ممكن بعد الظهر يكون فى اى شغل تانى ترجمه او دروس خارجيه يكون الوضع افضل

وع العموم هنحاول نتكلم معاهم فى موضوع الاربعه الاف درهم

وشكرا جدا

[المرشد]

الســلام عليـكم ورحمــة الله وبركاتــه

ياجمــاعــة الخيــر تحــروا الدقــة في كلامكـم

يأختــي العــزيزة

المدرس بدون خبرة في المــدارس الخاصـة بيــاخـد 2500 درهم

والعقــد اللي جا لزوج حضــرتكـ كويس مش وحش أبــدا

لأنــه فري بعــد العــصر

مجرد إعــلان صغــير في الجــريدة

ويدي درس لطالبين أو ثــلاثــة

هيجمــع منهم ضعف راتبــه

بعــدين الأجــازة الصيفيــة مدفــوعــة الأجـــر سـواء مدارس خاصـة أو حكــوميــة

حالــة واحدة مش بيدفعــوا فيهـا رواتب الإجــازة إذا المدرس مسافــر ومش راجــع تانــي

بس للأســف مش هينفــع إنــه ياخــدك معـــاه لأن الراتب دا مش هيكفيــكم أبـــدااا

لو في فرصــة إنه يشتغل بالحكومــة فى الامــارات راح تكــون أفضـل لــه

ولو مفيـش حاليــا بيجى يشتغــل وهـو في شغلـه بيقـدم على وظايـف في الحكـومـة ولو وافقـوا عليــه بينقل كفـالة عــادي

وراتبــه إن شاء الله بيكفيــكم

تمنيــاتــي لكي وله بالنجــاح والتــوفيق

مرشـــد