بنت في خيالي

[Simba]

اول ما بدء احساسي يكبر كان دايما في عقلي صوة بنت وشها مدور وشعرها ناعم اوي كنت دايما بتخيلها ملاك مع اني عمري ما شفت ملايكة بس انطباعي عن الملايكة انهم احسن من البشر بكتير علشان كده كنت بشوف وشها ملائكي

البنت اللي كانت في عقلي ومفهومي عن البنت عمري ما قابلته في حياتي . كان عندي دايما اعتقاد ان كلمة بنت شاملة حاجات اكتر من اني اكتبها دولوقتي . البنت في عقلي ان لما تبص لها ترتاح ما تشبعش ابدا ابدا من ملامح وشها تسرح فيه..... وشها يجبرك ان تتعلم فن الغزل

البنت في عقلي هادية جدا جدا لا مش النسمة..... اهدي من النسمة تحس انك بتتنفسها بتدخل وتخرج مع كل نفس داخل وخارج منك من غيرها حياتك تنتهي

البنت في خيالي ابتسامتها ليها نور خافت رومانسي يخليك تحلم ... وانت شايف ابتسامتها تحلم بابتسامتها

البنت اللي في خيالي ابتسامتها خليط من المشاعر بيلفك ويدفيك ابتسامة تقدر تحول وحش لكائن وديع

البنت اللي في خيالي اقرب لقطرة ندي علي ورقة شجر او زهرة لونها ابيض دايما تبص لها وتخاف عليها تدبل ومن جواك عارف ان مهما العمر يعدي العمر مش هيبان عليها حتي وان بان علي ملامحها بس لسه روحها نفس السن اللي في خيالي

البنت اللي في خيالي تفكيرها مش مادي انت حلمها مهما يكون حلمها مستحيل انت محور حياتها انت كلمتها الاولي في الحياة الحقيقية وكلمتها الاخيرة

البنت اللي في خيالي لما تلمس خيالها متعرفش يعني ايه هجر ما تعرفش يعني ايه تروح لمكان غيرك

البنت اللي في خيالي هي بقعة الضوء علي خشبة مسرح سودة وأنت الرواي

البنت اللي في خيالي بتصالحك علي الدنيا لما الدنيا تزعلك متقدرش تتعامل مع الدنيا الا بيها ومن خلالها

البنت اللي في خيالي.... عمري ما قابلتها ابدا

البنت اللي في خيالي ..... واللي مكانش لها اي وجود في الواقع ... لسه برضه في خيالي

البنت اللي في خيالي ... لما حبيت اسميها سمتها أمل

[لولا]

رااااائعه جدا يا سمبا طريقه وصفك .

جعلتنى فعلا احس بكل المعانى التى تبحث عنها

فى فتاة احلامك بشكل شديد الرقى والرقه

ومغلف بكل معانى الحب والرومانسيه.

على فكره يا سمبا لا تصدق ابدا من سيقول لك يوما

انت تحلم.. وخيالك سيظل مجرد خيال!

لأن البنت اللى فى خيالك موجوده فى مكان ما

تنتظرك .. هناك قدر ما سيجمعكما لو كانت مكتوبه

لك. البنت اللى فى خيالك فى منها كتير..

البنت اللى فى خيالك اسمها امل وحتديك الأمل.

البنت اللى فى خيالك لا زم تكون زى ما هى فى خيالك

لما تقابلها. لسبب بسيط جدا انك اكيد بحبك ليها ورومانسيتك دى

حتخليها تبقى عايزه تكون حتى احلى من البنت اللى فى خيالك.

حتكون الواقع.

والواقع فى الحب احلى من الخياااااال !

[Muhammad Zidan]

البنت اللي في خيالك اسمها أمل وأنا بقولك إن اسمها ( استحالة )

البنت اللي في خيالك زي النسمة وأحسن شوية وأنا بقولك استحالة... لأان السواد الأعظم منهن إسمهم ( إعصار) والباقي يبدأ بهوا لطيف ويقلب إلى عواصف ورياح عاتية

البنت اللي في خيالك إبقى قابلني لو شفتها ... كفاية عليك تبقى في خيالك ... عشان كل واحد فينا عنده بنت في خياله برضه اسمها ( استحالة )

البنت اللي في خيالك مالهاش وجود والله العظيم

لا هاتقابلها ولا هاتلمحها .... وبعد فترة ها تنساها ... بس اللي زيك هاياخد وقت كتير في النسيان

البنت اللي في خيالك معجزة وانت عارف إن مفيش معجزات دلوقتي ( انتهى زمن المعجزات )

سامحني بسأنا بقيت واقعي ونسيت حكاية البنت اللي في خيالي

تحياتي يا محترم