محتاج النصيحة لكل مقيمى الشارقة او عجمان

[قاهرى]

اخواتى الاعزاء فى المحاورات

السلام عليكم ورحمة الله وبركاته

انا محتاج نصيحة من كل الناس الى سكنة فى الشارقة وعجمان وخصوصا عجمان لان اسعار الشقق فيها ارخص شوية من الشارقة طبعا

انا حالا بشتغل فى راس الخيمة مهندس مدنى بس مخنوق من الشركة الى بشتغل فيها بسبب المعاملة السيئة من الكفيل وبسبب التفرقة الى بتحصل فى الشركة لان مديرها هندى وبيميز الهندود عن العرب وخصوصا المصرين مش بيطقهم خالص

المهم وبدون مطول عليكم " انا جالى فرصة شغل فى الشارقة فى مكان السمو الذيد على راتب 8800 شامل السكن وكل حاجة حتى تذاكر السفر مش عليهم

بس الحاجة الوحيدة الى عليهم غير الراتب (الانتقالات)

سوالى باء هل الراتب دة كويس ويكفى فى الشارقة وخصوصا انى معايا اسراتى هنا وعندى طفل كمان

السوال الثانى لو حد يعرف اسعار الشقق فى عجمان والشارقة كام لو حاجة اودة وصالة او استديو يقولى

وبيكون الرنج كام للسكن مع الكهربة مع المية فى الشهر

بصراحة انا محتاج النصيحة وخصوصا انى معرفش اسعار الايجار فى الشارقة ولا عجمان بس الى اعرفوا انهم اكيد من راس الخيمة ...

وثانيا لو حد فعلا يعرف مكان كويس فى بناية فى عجمان يقولى لانى بجد عايز ابدا فى اجراءات نقل العفش وكدة ؟

مستنى الرد فى اسرع فرصة يا جماعة

اخوكم قاهرى

[قاهرى]

بصراحة انا محتاج النصيحة وخصوصا انى معرفش اسعار الايجار فى الشارقة ولا عجمان بس الى اعرفو ان اسعار ايجاراتن الشقق فى الشارقو وعجمان اكثر من راس الخيمة

[زعلان]

العضو الفاضل قاهري بصراحة انا معرفش اسعار السكن في عجمان لكن بصورة عامة السكن في عجمان حيكون مناسب ليك اكثر من ناحية السعر ومن ناحية المكان حيث ان عجمان لازقة في الشارقة و الذيد قريبة من عجمان كمان

عموما السكن في الشارقة غرفتين وصالة بيتراوح حسب المنطقة ما بين 55 الف الى 85 الف درهم

ربنا يوفقك الى سكن مناسب في عجمان و يكون سعره مناسب

[زعلان]

http://www.asuaq.com/souq/-4/posts/1__/4__/

ده موقع ممكن يفيدك او يديك فكرة عن الايجارات

[Rakan]

وعليكم السلام ورحمة الله وبركاتة

اسعار تقريبية للأيجارات في عجمان :

استديو من 20 الى 25 الف (صغير و لا يصلح لعائلة )

شقة غرفة واحدة من 25 الى 35 الف

شقة غرفتين من 35 الى 45 الف

والدفع عادة يكون اربع دفعات ( دفعة اولى مقدم والباقي كل ثلاثة شهور ) + عمولة المكتب من 1000 الى 2000 تقريبآ

و اغلب الشقق تكون صغيرة بطريقة غبية .. !!! و الماء والكهرب اذا كنت مقتصد اتوقع يكلف حدود 800 في الشهر

ارخص المناطق في عجمان منطقة النعيمية وما جاورها والأسعار السابقة لهذة المناطق ... وهي الأقرب الى الشارقة وطريق الأمارات

يوجد شارع اسمة شارع الكويت في النعيمية فية عشرات المكاتب العقارية ... مر عليهم وان شاء الله امورك تتسهل

وبالنسبة للشارقة في رأيي افضل من عجمان والأيجارات اغلى بحدود 25%

وعلى فكرة الذيد ليست من احياء مدينة الشارقة ... الذيد بلدة صغيرة تابعة لإمارة الشارقة وتبعد تقريبآ 50 كيلو عن مدينة الشارقة

لماذا لا تبحث عن سكن في الذيد ؟

والله يوفقك .

تم تعديل 25 يوليو 2008 بواسطة Rakan

[قاهرى]

اخوانى الاعزاء . زعلان و Rakan

بجد شكرا لكل المعلومات الجمدة دى وربنا يخليكم بجد بس افهم من كدة ان الراتب دة كويس ويكفى لحياة كويسة لاسرة بها طفل

Rakan بالنسبة للذيد هى دى منطقة مش حلوة ولا اية ؟؟؟

انتى كلمك عندها قلقنى بصراحة بس انا مش بيتهيالى انها تبعد 50 كيلو لان الى اعرفو ان الذيد دى عند مطار الشارقة ومطار الشارقة مش بعيد كتير عن قلب الشارقة نفسها ولا اية ؟؟

طيب يا جماعة انا ليا استفسار تانى

حاليا انا الاسبوع الجى هقدم الاستقالة من شركتى الى فى راس الخيمة بس بصراحة انا متاكد ان الكفيل الرخم صاحلب الشركة مش هيوفق على كدة

بس انا مهندس واشتغلت معاة اكثر من 3 سنين

وانا سمعت ان المهندس الى بفضل فى مكان اكثر من سنة مش بيكون الحق للكفيل فى انو يعملو حرمان .. حد يرد عليا ويقولى الكلام دة صح ولا غلط ؟

وكمان سمعت ان الحرمان دلوقتى فى الامارت هيتلغى بمجرد دفع 5000 درهم فى دائرة العمل . بردوا مش عارف الكلام دة صح ولا غلط

طيب السوال هنا لو الكفيل دة حب مثلا يرخم عليا وميوفقش على انى امشى من عندوا اية الى يقدر يعملهولى علشان يضرنى ويخلينى مقدرش اروح المكان الجديد ؟؟؟ هل ممكن يعمل حاجة

وخصوصا انو شيخ وواصل اوى ؟؟؟

ردوا عليا يا جماعة علشان اعرف اعمل اية واجهز نفسى قبل تقديم الاستقالة

[AboAsem]

السلام عليكم

بخصوص نقل الكفاله ، أعتقد إن موقع وزارة العمل الإماراتيه هيفيدك

http://www.mol.gov.ae

طبعاً الموضوع مجتاج حكمه و هدوء ، و أنصحك إدرس كل الإحتمالات قبل إتخاذ قرار

[Rakan]

مطار الشارقة يقع على طريق الذيد و يبعد عن وسط الشارقة 10 كيلو ... ومن المطار الى الذيد 40 كيلو تقريبآ

منطقة الذيد يا عم قاهري منطقة زراعية وتعتبر سلة فواكة الأمارات ... : )

البلدة صغيرة ولا بأس بها .. و فيها كل ما تريد

في هذة الخارطة تجد منطقة الذيد في منتصف الطريق المحدد بالأحمر :

اما موضوع الكفيل وغلاسة الكفيل لا علم لي في هذة الأمور للأسف ... لكن الكلمة الطيبة لها مفعول السحر .. فعليك بها

و 8800 تسطيع ان تعيش منها انت و اولادك حياة طيبة اذا عرفت كيف تنضم مصاريفك الشهرية

والله يوفقك .

[قاهرى]

Rakan شكرا جزيلا لرك ولتوضيحك

بس معلش انا ليا سوال بالنسبة للسكن فى منطقة الزيد هل هناك سكن كويس فى منطقة الذيد

يعنى اقصد فى بنايات او عمارات نظيفة ولا مكان صحراء وكلها بيوت شعبية الى هيا دور واحد

وهل مكان عمران وفى محالات واماكن نظيفة الواحد ممكن يخرج فيها ولا الواحد علشان يخرج لازم ينزل الشارقة او عجمان

واية اخبار الاسعار فى الذيد نفسها هل هى ارخص من الشارقة وعجمان بكتيرررررررر ولا لا ؟

تسلم ايدك بجد على المعلومات الى بتديهالى

بس اكتر حاجة مخليانى تعبان ومخى بيفكر فية ليل نهار موضوع الكفيل لانى متوقع منو انو يرخم عليا بشكل كبير

ارجو يا جماعة لو حد يعرف حاجة عن نقل الكفالة من امارة لا امارة اخرى للمهندس الى متجاوز مع الكفيل القديم اكثر من 3 سنوات هل تستدعى موافقة الكفيل القديم ولا ممكن امشى اى مكان بدون موافقتو

وهل ممكن يعملى حرمان 6 شهور او سنة ولا ميقدرش علشان مهندس واية موضوع ال 5000 درهم الى بيلغى الحرمان دة

انا دخلت على موقع وزارة العمل بس موصلتش لحاجة

انا عايز اسمع راى حد يعرف المعلومات او مر بموقف مشابه بسرعة يا جماعة ونبى لانى ناوى اقدم الاستقالة بكرة او بعد بكرة بالكتير لانى بصراحة مش قادر اكتر من كدة معاة

النصيحة يا جماعة بخصوص الموضوع دة بسرعة بالله عليكم

اخوكم قاهرى

[Rakan]

حياك الله اخوي القاهري

تستطيع مشاهدة كل ما تريد عن الذيد على هذا الرابط : http://wikimapia.org/#lat=25.2823035&l...amp;m=a&v=2

والأيجارات اعتقد لا تفرق كثير عن عجمان والشارقة ... وبيني وبينك انا هربت من الأمارات ورجعت السعودية بسبب مشاكل الأيجار

الأيجار يا صاحبي وصل ارفام فلكية غير مقبولة ابدآ .. و على شي ما يسوى ولا يستاهل

ما فكرت يا اخ قاهري ان تشتري شقة ؟

لو اشتريت في المناطق الحرة سوف تحصل على اقامة دائمة 99 سنة ( اعتقد الى الأن هذا النظام موجود ) وسمعت قريبآ انه راح يتم ايقافة

فكر في شراء شقة .. و فية عروض كثيرة اقساط في الشارقة وعجمان ودبي

المشكلة في المقدم ... ويوجد بنوك اسلامية تستطيع الأستفادة منها بأخذ قرض قبل لا تترك عملك وتستقيل .. واذا انت محوش قرشين لن تحتاج لهم

في رآيي شراء الشقة ضرب ثلاثة عصافير بحجر واحد .. : )

1 - الخلاص من شي اسمة كفيل وقرف ومشاكل الكفيل

2 - الفلوس اللي تدفعها حتى لو كانت اعلى من الأيجار مش خسارة لأنها في حلالك

3- شراء شقة في الأمارات يعتبر مشروع استثماري .. الأمارات الشمالية خصوصآ عجمان متوقع لها ارتفاعات كبيرة

في السنتين القادمة اكثر من المتوقع لدبي او ابوظبي

المهم لا تستعجل في موضوع الأستقالة واللي صبرك الفترة اللي راحت يصبرك حتى تستقر على رآي وتعرف الطريقة السليمة

للأنتقال من وضعك الحالي الى وضع افضل ان شاء الله

والأخوان في المنتدى ان شاء الله يفيدونك بخصوص موضوع نقل الكفالة .