جواب الانترفيووووووو

[منى عبدون]

السلام عليكم لكل الاخوة المهاجرين انا النهاردة اتصلت بيا المحامية وقالتلى وصل جواب الانترفيو وتحدد الميعاد طبعا ما كناش مصدقين وفرحنا جدا وكلة بفضل اللة وهدعيلكم علشان نبقى مع بعض ان شاء اللة

[qenawy]

الف الف مبروك وعقبال الجميع

[Bassam El Sayed]

يا اخت منى

يا ريت تقولى لنا تاريخ حصولك على رقم ملف وعلى تاريخ وصول الابديت لتر ليكى وعلى تاريخ الانترفيو امتى بعد كام شهر؟

[MZohairy]

لازم تلبسوا رسمي جدا و تحاولوا تكونوا هاديين و مستعدين لأي اسئله

و تكونوا مجهزين كل اوراقكم بشكل منظم عشان لما يطلب ورقه تطلعوهالوا على طول

و بالتوفيق ان شاء الله

[ELSHAMY]

مبروك يا منى

[gadolly]

مبرووووك يا مني و ان شاء الله تعدي علي خير

بس خليكي فاكرة اني انا قلت لك ان شاء الله حيجيلك الشهر ده و رجعي الفورم بتاع بالله عليكم. انا بقلك كده عشان تدعيلي بالله عليكي, و ان شاء الله لو لينا عيش هنا في كيبيك, اي خدمة بجد لما تيجي, دي مش عزومة مراكبية. و حاولي تقدمي ان شاء الله الفيدرال علي طول عشان توفري الوقت و انا ان شاء الله ممكن اظبط معاكي الايام اللي جاية ازاي تدوري علي شغل او تقديم الجامعات عشان الحاجات دي بتاخد وقت فلازم تبدأي من قبل ما تيجي

بالتوفيق و دعواتك

[Balooshy]

مبرووووك يا مني و ان شاء الله تعدي علي خير

بس خليكي فاكرة اني انا قلت لك ان شاء الله حيجيلك الشهر ده و رجعي الفورم بتاع بالله عليكم. انا بقلك كده عشان تدعيلي بالله عليكي, و ان شاء الله لو لينا عيش هنا في كيبيك, اي خدمة بجد لما تيجي, دي مش عزومة مراكبية. و حاولي تقدمي ان شاء الله الفيدرال علي طول عشان توفري الوقت و انا ان شاء الله ممكن اظبط معاكي الايام اللي جاية ازاي تدوري علي شغل او تقديم الجامعات عشان الحاجات دي بتاخد وقت فلازم تبدأي من قبل ما تيجي

بالتوفيق و دعواتك

الراجل ده فيه حاجه لله

[منى عبدون]

انا شاكرة جدا للجميع وانا عارفة يا جاوللى انك انت اللى بشرتنى وبدعيلكم كلكم وربنا يقرب البعيد وبالنسبة لباسم انا اخدت الفايل نامبر فى شهر 5/2006 وعملت اب ديت شهر5/2008 والنهاردة جاللى جواب الانترفيو هيكون فى 11/11 /2008 ويا رب يعدى على خير ودعواتكم معانا وربنا يوفق الجميع

[gadolly]

السلام عليكم

بالله عليكي يا مني لو تقدري تسألي المحامية جوابات الانترفيو اتبعتت لحد شهر كام, يعني في حد بعدك جالو الجواب

[gadolly]

مني ايه الابتديت اللي انتي عملتي للفايل ده, هم اللي طلبوا منك و لا انتي كان في حاجات عايزة تضيفيها

[pink floyd]

الف مبروك منى

لو انت كيبك : بصى خدى كل ورقك فى ملف وياررايت كل شهادة فى شيت -ليك ولزوجك

بصى -لو فى سوريا ( حيبقى فى شبك و حتتكلمة فى التليفون انت وزوجك -حيسال Main app. بالفرنساوى كتير ( المقابلة حوالى ساعة الى ربع و ممكن ساعة بس مش اكتر )

الاسئلة - ليه عاوزه تهجرى - طب بتفكرى تعيشى هناك الزى - الاول حيفحض كل المستندات -والبنك بتاعك

وبعدن يسالك

ربنا يوفقك

[منى عبدون]

انا شاكرة جدا يا pink على المعلومات القيمة بس انا مقدمة كيبيك والمقابلة هتبقى فى القاهرة فى السفارة وربنا معانا

[منى عبدون]

gadoly انا مسافرة القاهرة يوم السبت علشان لازم نمضى على ورقة ان الميعاد مناسبنا وبالنسبة للابديت المحامية هى اللى اتصلت بينا وكانت عايزة شهادة الخبرة ورقم التامينات وكارنية النقابة وكلهم ابديت طبعا بتوع زوجى لان الملف باسمة وانا ان شاء اللة هسالها اية اخر شهر وصلة للانترفيو هرد عليك

[Muhammad Zidan]

ألف مليون مبروك

وياريت لما ربنا يوفقك وتسافري ما تنقطعيش عن المشاركة معانا لأننا بنستفيد من كل ملف وكل مهاجر ..... وكمان عشان نبقى أصدقاء في كندا

كمان ألف مبروك

[medopharm]

مليووووووووووووووووووووون مبروووووووووووووووووووك

وعقبالنا كلنا

وربنا يوفقكم ان شاء الله فى المقابله وتخلصوها على خير

[arora]

مبرررررررررررووووووووووووك مليون مبروك با منى وعقبالنا جميعا نحن الصابرين

وربنا يوفقك فى النترفيو وابقى احكيلنا عملتى اية ؟؟؟؟

بالتوفيق انشاء الله wst::

[دعاء]

الف مبروك اختى الفاضلة منى

وان شاء الله تعدى على خير وتكون ايسر ما يكون وارجوا ان تفيدك الملاحظات الاتية :

- المقابلة بيكون متحدد لها ساعة قد تزيد قليلا وقد تنقص

- زى ما قال الاستاذ زهيرى تكون الملابس رسمية

- ارجوا تنظيم الاوراق الخاصة بكم من ( شهادات ميلاد - شهادات دراسية وخاصة الشهادة الاصلية وشهادة التقديرات للاربع سنوات الجامعية - شهادات الخبرة - وشهادة الرصيد من البنك ) مع الترجمة طبعا لكل ورقة وده كله يكون فى فايل منظم لاستخراج الاوراق المطلوبة بسهولة

- تحاولوا تذاكروا كندا وخاصة مقاطعة كيبيك وما تتميز به عن باقى المقاطعات الكندية ( من الناحية الجغرافية - الاقتصادية - نظام التامين الصحى - والتعليم ) طبعا معلومات مختصرة عن كل مجال

- 80 % من المقابلة هاتكون مع زوجك طالما الفايل متقدم باسمه وطبعا الحوار باللغة الفرنسية لكن اكيد فى سؤال او اتنين باللغة الانجليزية اما بالنسبة لك فليك سؤال او اتنين مثلا يخص مجال عملك او ماذا تخططين لمستقبلك فى كيبيك

- تكونوا جاهزين لاى سؤال ممكن يكون استفزازى وتردوا فى منتهى الهدوء والثقة زى مثلا ان مجال العمل فى كيبيك مش سهل وممكن ماتلاقوش شغل هاتعملوا ايه وايه الخطط لمواجهة هذه المشكلة

- اهم حاجة فى المقابلة بوجه عام الهدوء التام والثقة

واتمنى لكم كل توفيق باذن الله

wst::

[دعاء]

آه معلش نسيت حاجة

لو تقدروا تعرفوا حد هاتكون مقابلته قبلكوا بيوم او اكتر وده ممكن من خلال المحامية بتاعتكوا مثلا وبعد المقابلة تسالوه لان كل مقابل من السفارة بيكون ليه اهتمام معين ممكن يركز عليه فتكونوا جاهزين وعاملين حسابكوا كويس

مثلا الست اللى كانت بتقابل فى المجموعة اللى قبل مجموعتنا كانت بتحب دايما تستفز اللى قدامها علشان تشوف رد فعله ايه ( مثلا انت عايز تسيب مصر علشان التلوث واحنا عندنا تلوث فى كيبيك - او انت رايح علشان تشتغل ده مافيش شغل ونسبة البطالة عالية وهكذا )

اما الست اللى كانت من نصيبنا فكان شغلها الشاغل العمل والتخصص وتحكيلها بتعملى ايه بالظبط فى عملك ويكون

عندك سنوات خبرة كتيرة وكانت مهتمة قوى بشهادات الخبرة بتاعتنا لدرجة انها اخدت مننا الاصول اللى بالعربى

وبالتوفيق ان شاء الله

[samehelassad]

الف مبروك يامنى مش قلتلك هتبقى سبحة وهتنفرط اهو انا النهاردة كمان جالي ال update litter الف حمد وشكر ليك يارب وعقبال جادوللي ودعاء وارورا وبسام.

[دعاء]

الف مبروك يامنى مش قلتلك هتبقى سبحة وهتنفرط اهو انا النهاردة كمان جالي ال update litter الف حمد وشكر ليك يارب وعقبال جادوللي ودعاء وارورا وبسام.

مبروك يا استاذ سامح

ويارب يسمع منك وكله يطمن ان امورة ماشية فى السليم

wst::